သားဝင့်ကျော် – နိုင်ငံရေးသမားနှင့် စီးပွားရေး အတွေးအမြင်

December 1, 2015

  – နိုင်ငံရေးသမားနှင့် စီးပွားရေး အတွေးအမြင်
(မိုးမခ) ဒီဇင်ဘာ ၁၊ ၂၀၁၅
နိုင်ငံရေးသမားဟုဆိုလျှင် အချို့သူများက အစိုးရကိုဆန့်ကျင်သူများဟု မှတ်ယူတတ်ကြသည်။ အချို့က ခပ်ကင်းကင်း နေသင့်သောသူများဟု ထင်မှတ်ကြသည်။ အချို့က ပါတီနိုင်ငံရေးသမား အမျိုးသားနိုင်ငံရေးသမားဟု ခွဲခြမ်းစိတ်ဖြာ တတ်ကြသည်။

ကျွန်တော့်အမြင်တွင်မူ နိုင်ငံရေး ကိစ္စများကို တစ်ဦးချင်းဖြစ်စေ တစ်စုတစ်ဖွဲ့ဖြစ်စေ အဖွဲ့အစည်းတစ်ရပ်ဖြင့် စုပေါင်း၍ဖြစ်စေ မိမိတို့ယုံကြည်မျှော်မှန်းသည့်ရည်မှန်းချက်များအတိုင်း တိုင်းပြည်အကျိုးတစုံတရာပြုနိုင်ရန် ကြိုးပမ်း အားထုတ်နေကြသူများ ဟု သတ်မှတ်လိုပါသည်။ ဆောင်ရွက်မှု့အတိုင်းအဆ အနည်းအများပေါ်မူတည်၍ တစ်ဦးနှင့်တစ်ဦး ကွဲပြားကောင်း ကွဲပြား ကြမည်ဖြစ်သော်လည်း နိုင်ငံအကျိုးကိုဖေါ်ဆောင်ရန်ဟူသော မူလရည်မှန်းချက်မှာ အတူတူပင် ဖြစ်ပါလိမ့်မည်။

ပိုမိုကျယ်ပြန့် မြင့်မားသောရည်မှန်းချက် ထားရှိသောသူတို့သည် ထိုရည်မှန်းချက်များကို ပြီးမြောက်အောင်မြင်စေရန် တစ်ဦး ချင်းဆောင်ရွက်ရန် မဖြစ်နိုင်သောကြောင့် ရည်မှန်းချက်တူညီပြီး မဟာဗျူဟာလည်းတူညီကြသူများသည် အစုအဖွဲ့ ဖွဲ့၍ ဆောင်ရွက်ကြသည်မှာ ဓမ္မတာပင်ဖြစ်ပေရာ ပါတီနိုင်ငံရေးဟု သတ်မှတ်ထိုက်ပါသည်။ အမျိုးသားနိုင်ငံရေးသည် အခြေခံလူ သားတိုင်း ဆောင်ရွက်ရသောကိစ္စဖြစ်ပြီး ယင်းအမျိုးသားနိုင်ငံရေးကို အစုအဖွဲ့အလိုက်ဆောင်ရွက်ခြင်းသည်ပင် ပါတီနိုင်ငံ ရေးဖြစ်သည်။

ထို့ကြောင့်အတိုင်းအဆနှင့် လုပ်နည်းလုပ်ဟန်သာ ကွာခြားပါသည်။ အနှစ်သာရအားဖြင့် နိုင်ငံအကျိုးအတွက်သာ ဖြစ်ပါ သည်။ နိုင်ငံ၏အကျိုးကိုဆောင်ရွက်ရာတွင် တနိုင်ငံလုံး၏ အကျိုးကိုဆောင်ရွက်ရမည် ဖြစ်သည့်အတွက် ဆောက်ရွက်မည့် အစုအဖွဲ့ ပါတီတို့သည် လုပ်ပိုင်ခွင့် (Authority) တာဝန်ယူမှု (Responsibility) နှင့် ရှင်းလင်းတင်ပြနိုင်မှု (Accountability) ရရှိနိုင်ရန်ကြိုးပမ်းကြရသည်။

နိုင်ငံသူ နိုင်ငံသားများကလည်း မိမိတို့ကိုယ်တိုင် မဆောက်ရွက်နိုင်သည့် မိမိတို့ တစ်ဦးချင်း၏ လူမှု့ရေး စီးပွားရေးတရားဥပဒေ တရားစီရင်ရေး စသော နိုင်ငံရေးရာအဖြာဖြာကို လည်းကောင်း၊ မိမိတို့ဒေသ မိမိတို့ အများနှင့်သက်ဆိုင်သောကိစ္စရပ်များကိုလည်းကောင်း၊ မိမိတို့ကိုယ်စားဆောင်ရွက်နိုင်ရန် မိမိတို့ထက်ပို၍ဆောက်ရွက်နိုင်ရန် နိုင်ငံရေးသမားများကို အာဏာအပ် နှင်းကြသည်။ ဤသို့ဖြင့် နိုင်ငံရေးသမားများသည် ပြည်သူအများစုက အပ်နှင်းထားသော အချုပ်အခြာအာဏာကို သတ်မှတ် ထားသော သက်တမ်းအတွင်း သုံးစွဲခွင့်ရကြသည်။

နိုင်ငံရေးအာဏာကို ကိုင်စွဲ၍ နိုင်ငံ၏စီမံခန့်ခွဲရေး တရားဥပဒေပြုရေး တရားစီရင်ရေးကိစ္စရပ်များကို ဆောင်ရွက်ရန် အဖွဲ့ အစည်းများကို ဖွဲ့စည်းကြရသည်။ ထိုအဖွဲ့အစည်းသည် အစိုးရအဖွဲ့ ဖြစ်လာသည်။

အစိုးရအဖွဲ့အစည်းက မိမိတုိ့ သက်တမ်းအတွင်း မိမိတို့မူလချမှတ်ခဲ့သော ရည်ရွယ်ချက် မဟာဗျူဟာများကို အကောင် အထည် ဖော်ဆောင်ရာတွင် မူလလမ်းကြောင်းမှ သွေဖည်လွဲချော်မှု့များ တိမ်းစောင်းမှု့များကိုစောင့်ကြည့်ပေး၍ အကယ်၍ လွဲချော်မှုများရှိပါက ဝေဖန်ထောက်ပြပေးနိုင်မည့်အဖွဲ့အစည်း လိုအပ်လာပါသည်။

ယင်းအဖွဲ့အစည်းသည် အမှန်အားဖြင့် အစိုးရအဖွဲ့အစည်းနှင့်တွဲလျက်ရှိသော ခေါင်းနှင့်ပန်းပမာဖြစ်၍ အစိုးရ၏ အခြား တစ်ဖက်ဟုဆိုက ရနိုင်ပါသည်။ လွယ်လွယ်အားဖြင့် အတိုက်အခံအဖွဲ့အစည်းဟု ခေါ်ကြသည်။ အမှန်အားဖြင့် ယင်းဝေါ ဟာရသည် မူလရည်ရွယ်ချက်နှင့်လွဲချော်နေသည်။ အတိုက်အခံအဖွဲ့အစည်းဟုခေါ်သောကြောင့် အစိုးရအဖွဲ့နှင့် အမြဲဆန့် ကျင်၍ ဥပဒေဘောင်အတွင်း အစိုးရအဖွဲ့ကို တိုက်ခိုက်ဝေဖန်ရမည့်သဘော ဖြစ်နေပါသည်။ အမှန်မှာမူ အစိုးရအဖွဲ့၏ ဆောင်ရွက်ချက်များကို အမြဲစောင့်ကြည့်လေ့လာလျှက် ထိန်းမတ်ပေးရမည့် တာဝန်ရှိသော အဖွဲ့အစည်း ဖြစ်ပါသည်။

ထို့ကြောင့် အစိုးရအဖွဲ့နှင့် ကျန်စောင့်ကြည့်အဖွဲ့ (အတိုက်အခံအဖွဲ့) တို့သည် တစ်ဖွဲ့နှင့်တစ်ဖွဲ့ ထိပ်တိုက် ရင်ဆိုင်ရေးနည်း လမ်းထက် ပူးပေါင်းညှိနှိုင်းဆောင်ရွက်ရေးနည်းလမ်းဖြင့် မိမိတို့ မူလပင်ရင်း ရည်မှန်းချက်ဖြစ်သော တိုင်းပြည်အကျိုးကို ဖော်ဆောင်ကြရမည်။ ထို့ကြောင့်နိုင်ငံရေးအဖွဲ့နှင့် စောင့်ကြည့်ရေးအဖွဲ့ (အတိုက်အခံ) တို့သည် မူလအားဖြင့် နိုင်ငံ အရေးကိစ္စကို သာမန်အဆင့်ထက်ပို၍ စိတ်ဝင်တစား ဆောင်ရွက်လိုကြသော နိုင်ငံအရေးဆောင်ရွက်သူများအဖြစ်နိုင်ငံရေးသမားဟု ဆိုချင်ပါသည်။

နိုင်ငံအရေးကိစ္စသည် မိသားစုအရေးကိစ္စထက် ပိုမိုကျယ်ပြန့် များပြား ရှုပ်ထွေးလင့်ကစား အခြေခံအားဖြင့် တူညီပါသည်။ မိသားစု အရေးကိစ္စဆိုသည်မှာ မိသားစုအတွင်း ရှာဖွေရရှိလာသောဝင်ငွေဖြင့် စားဝတ်နေရေး ပညာရေး ကျန်းမာရေး နေထိုင်ရေး လုံခြုံရေး စည်းလုံးရေးကို ဆောင်ရွက်ရသကဲ့သို့ နိုင်ငံအရေးကိစ္စတွင်လည်း နိုင်ငံ၏နယ်နမိတ်အတွင်း ရရှိအပ် သော အရင်းအမြစ် Resources များကို နိုင်ငံသူနိုင်ငံသားများအကျိုးအတွက် စနစ်တကျ စီမံခန့်ခွဲ ပေးခြင်းဖြင့် နိုင်ငံသားတိုင်း စားဝတ်နေရေး ပညာရေး ကျန်းမာရေး လုံခြုံရေး စသည့် အကျိုးခံစားခွင့်များရရှိ၍ လူနေမှု့ဘဝ တိုးတက်စေမည် ဖြစ်ပါ သည်။ ဤသည်ပင်လျှင် စီးပွားရေး Economics ဖြစ်ပါသည်။

ဤသို့ဆိုလျှင် နိုင်ငံရေးသမားများသည် နိုင်ငံလုံးဆိုင်ရာ စီးပွားရေးအမြင် (Political Economics) ရှိဖို့လိုအပ်ပါသည်။ နိုင်ငံရေးသမားများ၏ စီးပွားရေး အတွေးအမြင်ပေါ်မူတည်၍ တိုင်းပြည် နိုင်ငံတွင်းရှိ ပြည်သူတို့၏ လူနေမှုဘဝ တိုးတက်မှု နိမ့်ကျမှု ဖြစ်ပေါ်စေပါသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)