ကိုယ်စားလှယ်များနှင့် တွေ့ဆုံပွဲတွင် အဖွဲ့ချုပ်ဥက္ကဌ ဒေါ်အောင်ဆန်းစုကြည် ပြောကြားခဲ့သော မိန့်ခွန်း

December 5, 2015

 

ကိုယ်စားလှယ်များနှင့် တွေ့ဆုံပွဲတွင် အဖွဲ့ချုပ်ဥက္ကဌ ဒေါ်အောင်ဆန်းစုကြည် ပြောကြားခဲ့သော မိန့်ခွန်း

(နိုဝင်ဘာ ၂၈၊ ၂၀၁၅)

(ဒီလှိုင်းဂျာနယ်) မိုးမခ၊ ဒီဇင်ဘာ ၅၊ ၂၀၁၅

 

အခုရောက်လာတဲ့ ကိုယ်စားလှယ်တွေအားလုံးကို နှုတ်ခွန်းဆက်သပါတယ်။ စောစောက ဘဘဦးတင် ဦးကနေပြီးတော့ အမှာစကားပြောတဲ့အခါမှာ ကျွန်မတို့ရဲ့ကိုယ်စားလှယ်တွေဟာ ပေါ့တီးပေါ့ဆနိုင်တယ်၊ အဖွဲ့ ချုပ်ကို ပြည်သူလူထုရဲ့ ထောက်ခံမှုအပေါ်မှာ မျှောပြီးတော့လိုက်ကြတယ်၊ စည်းမျဉ်းစည်းကမ်း လျော့ရဲတယ် ဆိုပြီး ပြောသွားတဲ့စကားတွေဟာ ဘယ်လောက်မှန်သလဲဆိုရင် ချက်ချင်းအစည်းအဝေးစတာနဲ့ ပေါ်တာပဲ။

ကျွန်မ အခုကတည်းကပြောထားပါရစေ။ ဒါ ပထမဦးဆုံး သင်ပြချက်။ ကျောင်းသားလေးတွေကို တောင်မှ သင်ပြဖို့မလိုအပ်တဲ့ သင်ပြချက်။ တိုင်းအလိုက်၊ ပြည်နယ်အလိုက်၊ မြို့နယ်အလိုက် ထိုင်ရမယ်ဆိုရင် ကိုယ့်တိုင်းအောက်မှာ မြို့နယ်အလိုက် အက္ခရာစဉ်အတိုင်း ထိုင်ပါ။ အမျိုးသားလွှတ်တော်ကိုယ်စားလှယ်များ အားလုံး အတူတူထိုင်ကြပါ။ တိုင်းရင်းသားကိုယ်စားလှယ်များရှိရင် သပ်သပ်ထိုင်ပါ။ အမျိုးသားကိုယ်စားလှယ် များနဲ့ ရောပြီးတော့ ထိုင်လို့ရပါတယ်။ အဲဒီလောက်ကတော့ လုပ်တက်ရမှာပေါ့။ ဒါကြောင့် ဘဘဦးတင်ဦးပြော တော အင်မတန်မှ မှန်ပါတယ်။ မျှောပြီး လိုက်ပြီးတော့ ပြည်သူလူထုရဲ့ အမျိုးသားဒီမိုကရေစီအဖွဲ့ချုပ်ကို   ထောက်ခံမှုအပေါ်မှာ မျှောပြီးလိုက်လာလို့သာ နိုင်ကြတာပါ။

ကိုကိုးကျွန်း ကိုယ်စားလှယ်သုံးယောက်ကို ဂုဏ်ပြုတယ်

ကျွန်မ ရွေးကောက်ပွဲမတိုင်ခင်တုန်းက အတန်တန်ပြောခဲ့ပါတယ် ကျွန်မတို့ရဲ့ ကိုယ်စားလှယ်လောင်း တွေကို။ နိုင်လို့ရှိရင် အဖွဲ့ချုပ်အလံရဲ့အားနဲ့ နိုင်မှာဖြစ်တယ်။ ရှုံလို့ရှိရင် ကိုယ့်အားနည်းချက်ကြောင့်ပဲ ရှုံးတာ ဖြစ်မယ်လို့ ကျွန်မပြောခဲ့ပါတယ်။ ဒါ အမှန်စကားပါပဲ။ ဒီအတိုင်းပဲဖြစ်ခဲ့ပါတယ်။ အဲဒီတော့ ကျွန်မတို့ဒီအထဲမှာ ချို့ယွင်းချက်တစ်ခုတော့ ကျွန်မ သေချာအောင်ပြောချင်ပါတယ်။ အဲဒါကတော့ ကိုကိုးကျွန်းမှာသွားပြီးတော့ အ ရွေးခံတဲ့ ကိုယ်စားလှယ်တွေပါ။ ဘယ်လောက်ခက်ခဲမယ်ဆိုတာ သိရဲ့သားနဲ့ စွန့်စွန့်စားစားနဲ့သွားလို့ အဲဒီကိုယ် စားလှယ်သုံးယောက်စလုံးကို ဂုဏ်ပြုပါတယ်။ သူတို့မနိုင်ခဲ့တာလည်း ကျွန်မတို့အရှုံးမဟုက်ဘူး။ ကျွန်မတို့ရဲ့ အောင်နိုင်ခြင်း၊ ကျွန်မတို့အဖွဲ့ချုပ်ရဲ့ သိက္ခာပဲဖြစ်ပါတယ်။ သတ္တိရှိရှိနဲ့ ရင်ဆိုင်ရမယ့်ကိစ္စကို ရင်ဆိုင်တယ်။ အောင်နိုင်ခြင်းဆိုတာ မဲများတာ၊ နည်းတာနဲ့ မဆိုင်ဘူး။ ကိုယ့်ရဲ့စိတ်ဓာတ်နဲ့ အဓိကဆိုင်တယ်ဆိုတာကို ပြ လိုက်တဲ့ ကျွန်မတို့ရဲ့ ကိုကိုးကျွန်းမှာသွားပြီးတော့ အရွေးခံတဲ့ ကိုယ်စားလှယ်တွေကို ကျွန်မ ဂုဏ်ပြုပါတယ်။

ပြည်သူတွေ ကြိုးစားလွန်းလို့ နိုင်ခဲ့တာ

ပြည်သူလူထုကနေပြီးတော့ အမျိုးသားဒီမိုကရေစီ အဖွဲ့ချုပ်အလံကို မဲပေးတယ်ဆိုတာ ဘဘဦးတင် ဦးပြောသွားတဲ့အတိုင်းပဲ။ ပြောင်းလဲမှုကို အင်မတန်မှ လိုလားလွန်းလို့၊ လိုချင်လွန်းလို့ ယုံယုံကြည်ကြည် မျှော် လင့်ချက်အပြည့်နဲ့ မဲပေးလိုက်တာဖြစ်ပါတယ်။ အဲဒီမဲတွေရခဲ့တာဟာ ကိုယ်တော်လွန်းလို့ မထင်ပါနဲ့။

ကိုယ်ကတော့ မဲဘယ်လောက်ရခဲ့လို့ တော်လှချည်ရဲ့လို့ ထင်နေတယ်ဆိုရင် ဒါ ပထမဦးဆုံး ကိုယ့်ရဲ့ အမှားလို့ သက်မှတ်လိုက်ပါ။ ပထမဦးဆုံးအမှားပဲ၊ ဒုတိယအမှားမဖြစ်အောင် ကြိုးစားကြပါ။ ကျွန်မတို့ အခု အ လုပ်လုပ်ရမယ့်ဟာတွေက အများကြီးရှိပါတယ်။ ငွေစာရင်းကိစ္စနဲ့ပတ်သက်လို့၊ စည်းမျဉ်းစည်းကမ်းနဲ့ ပတ်သက် လို့ အကြိမ်ကြိမ်အခါခါ အနောက်ကနေလိုက်ပြီးတော့ ဘယ်သူတွေကိုတွန်းနေရလဲဆိုတာ အတွန်းခံရတဲ့သူ တွေ သိမှာပါ။ အောင်နိုင်ရေးအဖွဲ့က ကြိုးစားလွန်းလို့၊ ကျွန်မတို့အဖွဲ့ချုပ်ကို ထောက်ခံခဲ့တဲ့ပြည်သူတွေက ကြိုး စားလွန်းလို့ ဒီလိုအရွေးခံခဲ့ရတာဖြစ်တယ်ဆိုတာ ဘယ်တော့မှမမေ့ပါနဲ့။ အဲဒါမေ့တဲ့ကိုယ်စားလှယ်တွေကို ကျွန် မတို့ စည်းမျဉ်းစည်းကမ်းအရ အရေးယူမှာပါ။

အရေးယူစရာရှိရင် အရေးယူမယ်

ကျွန်မ ပြည်သူလူထုကို ပေးခဲ့တဲ့ကတိက အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေ လိုက်မ ကြည့်နေပါနဲ့။ မျက်နှာလည်း ကြည့်မနေပါနဲ့။ အလံကိုကြည့်ပြီး မဲပေးလိုက်ပါ။ သူတို့ လုပ်တာကိုတာတွေက အားမရတာရှိရင်၊ မသင့်တော်တာရှိရင် ကျွန်မတို့ကိုယ်တိုင် အရေးယူပါ့မယ်ဆိုပြီး ကျွန်မပေးတဲ့ကတိအတိုင်း တည်သွားမှာပါဆိုတာ ကျွန်မတို့ကိုယ်စားလှယ်တွေအားလုံးကို သိစေချင်ပါတယ်။ ပထမဦးဆုံးအားဖြင့် ကျွန်မ တို့ အခုဟာ တိုင်း၊ ပြည်နယ်တွေအားလုံးကို ညွှန်ကြားချက်ထုက်ပြီးပြီ။ ဒီရွေးကောက်ပွဲအတွင်းမှာ ကိုယ်စား လှယ်လောင်များရဲ့ ဆောင်ရွက်ချက်များနဲ့ ပတ်သက်လို့ အစီရင်ခံစာတွေတင်ပေါ့။ ကျွန်မတို့ ညွှန်ကြားချက် ထုတ်ပြီးပါပြီ။ အဲဒီဟာက ဘာလဲဆိုတော့ ဒီရွေးကောက်ပွဲအတွင်းမှာ ကိုယ်စားလှယ်တွေဟာ ဘယ်လောက်အ ထိ လုပ်ခဲ့လဲ။ တချို့တွေကနော်၊ ကျွန်မတို့အားလုံးသိတယ်နော်။ ဘယ်သူတွေ ဘယ်လောက်နယ်ဆင်းပြီး တော့ အလုပ်လုပ်တယ်၊ ဘယ်လောက် စည်းရုံးရေးမှာ ဘယ်လောက်ပါဝင်ခဲ့တယ်။ တခြားကိုယ်စားလှယ်တွေနဲ့ ပူးပေါင်းဆောင်ရွက်ရမယ်လို့ ပြောထားတဲ့စကားကို ဘယ်လောက်အထိ နာခံခဲ့သလဲ။ ကျွန်မတို့ အဲဒါတွေအာ လုံး ပြန်ပြီးတော့ သုံးသပ်မှာပါ။

တစ်ခြားအဖွဲ့တွေနဲ့ ဆက်ဆံတဲ့နေရာမှာရော ဘယ်လောက်အထိ ကိုယ့်အဖွဲ့ရဲ့ဂုဏ်သိက္ခာကို ထိန်း သိမ်းခဲ့သလဲ။ ဒါတွေကို ကျွန်မတို့က အားလုံးသုံးသပ်မှာဖြစ်ပါတယ်။ အဲဒီတော့ ငါတို့နိုင်ခဲ့လို့ ပြီးသွားပြီလို့ တော့ မထင်ပါနဲ့။ နိုင်သည်ဖြစ်စေ ရှုံးသွားရင်လည်း မပြီးသေးပါဘူး။ ရှုံးသည်ဖြစ်စေ လိုအပ်သလို ကျွန်မတို့ စည်းမျဉ်းစည်းကမ်းအရ အရေးယူမှာဖြစ်ပါတယ်။ အဲဒီဟာအတွက် ကျွန်မတို့ အဖွဲ့တစ်ခု သပ်သပ်ဖွဲ့ပါမယ်။ ကျွန်မတို့ ဘဘဦးတင်ဦးနဲ့ CEC အစည်းအဝေးနဲ့ တိုင်ပင်ပြီးတော့ အဖွဲ့တစ်ခုဖွဲ့ပြီးတော့ အဲဒါတွေစပြီးတော့ လုပ်ကြမှာပါ။ နောက် တောက်လျှောက်လည်း ကျွန်မတို့ကိုယ်စားလှယ်များကို သုံးသပ်ရေး၊ စီစစ်ရေး အဖွဲ့တစ် ခုကို ထားသွားမှာပါ။ တစ်နိုင်ငံလုံးအတိုင်းအတာနဲ့ တစ်ချိန်လုံး ကျွန်မတို့ရဲ့ ကိုယ်စားလှယ်များရဲ့ လုပ်ကိုင်မှု တွေ၊ ဆောင်ရွက်မှုတွေ၊ အနေအထားတွေ၊ ပြည်သူလူထုနဲ့ ဆက်ဆံမှုတွေ၊ ပြည်သူလူထုက ကျွန်မတို့ကိုယ် စားလှယ်တွေအပေါ်မှာ အမြင်တွေကို ကျွန်မတို့ တစ်ချိန်လုံး သုံးသပ်နေမှာဖြစ်ပါတယ်။ ပြည်သူကို ကျွန်မ က တိပေးထားတဲ့အတိုင်းပဲ။ ဘယ်သူကမှ အရေးယူဖို့ ကျွန်မတို့ စောင့်နေမှာမဟုက်ဘူး။ အရေးယူဖို့လိုတဲ့အခါ ကျွန်မတို့ကနေပြီးတော့ အရင်ဆုံးအရေးယူမှာပါ။

ကိုယ်စားလှယ်တွေ ကိုယ့်အမှားကိုယ်သိ

ကျွန်မတို့ကိုယ်စားလှယ်များဟာ ဒီနေ့ကနေစပြီးတော့ ကိုယ့်ကိုကိုယ်ပြုပြင်ကြပါ။ ဘာတွေပြုပြင်သင့် တယ်ဆိုတာလည်း ကျွန်မတို့လည်း ထောက်ပြမယ်။ ကိုယ့်ဘာသာကိုယ်သိတာ အကောင်းဆုံးပဲ။ ဥပမာဆိုရင် ကျွန်မပြောတယ်နော် ၊ စောစောတုန်းက ကိုယ့်နေရာကိုယ် မထိုင်ခဲ့တဲ့ ကိုယ်စားလှယ်တွေစာရင်းယူပါလို့ ကျွန် မပြောထားပါတယ်။ အဲဒီစာရင်းကို တိုင်း၊ ပြည်နယ် ဦးဆောင်တဲ့သူတွေကနေပြီးတော့ ကျွန်မတို့ အခု အခမ်းအ နားမှူးရဲ့စားပွဲမှာ သွင်းသွားလို့ဖြစ်ပါတယ်။ နောက်ပြီး ကိုယ်တိုင်လည်းလာပြီးတော့ ဝန်ခံပါ။ စာရင်းနဲ့ ကျွန်မတို့ တိုက်ကြည့်မယ်။ စာရင်းထဲမှာပါတဲ့သူတိုင်းဟာ အားလုံးဝန်ခံရဲ့လားလို့။ ကျွန်တော်မှားပြီးတော့ ထိုင်မိပါတယ်၊ ကျွန်မမှားပြီးတော့ ထိုင်မိပါတယ်ဆိုတာဟာ အဲဒါတွေကို ကျွန်မတို့စပြီးတော့ကြည့်မယ်။ ကျွန်မတို့ကိုယ်စား လှယ်တွေဟာ ဘယ်လောက်ဖြောင့်မတ်သလဲ၊ ဘယ်လောက်တာဝန်သိစိတ်ရှိသလဲ၊ ဘယ်လောက်သတ္တိရှိသ လဲ။

သတ္တိဆိုတာ ကိုယ့်အမှားကို ကိုယ်ရင်ဆိုင်ရဲတာ အကြီးမားဆုံး သတ္တိပဲ။ အဲဒီသတ္တိမရှိလို့တော့ ကျွန်မ တို့ကိုယ်စားလှယ်တွေဟာ ဘယ်လိုမှ ပြည်သူရဲ့အကျိုးကို ထိထိရောက်ရောက် သယ်ပိုးနိုင်မှာမဟုတ်ပါဘူး။

ကိုယ့်တာဝန် ကိုယ်ကျေ

အခုဆိုရင် အသွင်ကူးပြောင်းကာလဆိုတာဟာ ဥပဒေရဲ့သက်မှတ်ချက်အရ သုံးလလောက်တော့ ကြာ မှာပဲ။ အဲဒီအထဲမှာ ရှောရှောရှူရှူဖြစ်ဖို့ဆိုတာ ကျွန်မတို့ အဖွဲ့ချုပ်ခေါင်းဆောင်တွေကနေပြီးတော့ ကြိုးပမ်း သွားရမယ့်ကိစ္စဖြစ်ပါတယ်။ ကိုယ်စားလှယ်အများစုကတော့ ဒီကြားထဲမှာ အလကားဘာမှမလုပ်ပဲ နေလို့မဖြစ်ပါ ဘူး။ အလုပ်လုပ်ရမယ်။ ကိုယ်ဟာ ကိုယ်စားလှယ်ဖြစ်ထိုက်တယ်ဆိုတာ ပြရမယ်။ တစ်ချို့တွေဆိုရင်လည်း တ ရားစွဲထားတဲ့ဟာတွေရှိတယ်။ ဟိုဘက်ကနေပြီးတော့ စွပ်စွဲချက်တွေ ထင်ထားတာတွေရှိတယ်။ ဒါတွေကိုဖြေ ရှင်းဖို့ဆိုတာဟာ ကျွန်မတို့အဖွဲ့ချုပ်က အောင်နိုင်ရေးဘက်ကနေလည်း ကူညီမယ်။ ဒါပေမယ့် ကိုယ်စားလှယ် တွေကိုယ်တိုင် ရုန်းကန်ရမယ်။ ဝင်ပြီးတော့ ကိုယ့်အတွက် ကိုယ်တာဝန်ယူရမယ်။ ကိုယ့်အတွက် ကိုယ်တာဝန် မယူနိုင်တဲ့ပုဂ္ဂိုလ်တွေဟာ နိုင်ငံအတွက် ဘယ်လိုမှ တာဝန်ယူနိုင်မှာမဟုက်ဘူး။ ဒီဟာတွေလည်း ကျွန်မတို့ သေ သေချာချာ စနစ်တကျလုပ်သွားမှာပါ။

သဘောထားကြီးပါ ၊ မတော်မတရားတာကိုတော့ ငုံ့မခံပါနဲ့

ကျွန်မတို့က အင်မတန်မှ အဆင်ပြေစေချင်တယ်။ ကျွန်မတို့က နိုင်တဲ့အဖွဲ့မို့လို့ ဟိုဘက်အဖွဲ့ကို အ ပြည့်အဝ သဘောထားကြီးကြီးနဲ့ သူတို့ရဲ့သိက္ခာမကျဆင်းအောင်လို့ ဆက်ဆံသင့်တယ်။ သို့သော်ငြားလည်း မ တော်မတရားလုပ်တာကို ကျွန်မတို့ ငုံ့ခံမှာမဟုက်ပါဘူး။ မတော်မတရားလုပ်တာကို ငုံ့ခံခြင်းဟာ ဘယ်သူ့ကိုမှ အကျိုးပြုမှာ မဟုက်ပါဘူး။  အထူးသဖြင့် တိုင်းပြည်ကို အကျိုးပြုမှာမဟုတ်ပါဘူး။ ဒီအချိန်မှာ ပြည်သူလူထုက ကျွန်မတို့ဘက်ကနေပြီးတော့ အပြတ်ရပ်တည်တယ်။ ပြည်သူ့ရဲ့ကျေးဇူးကြောင့်မို့လို့ ဒီလိုအစည်းအဝေးမျိုးကို ဒီ အချိန်မှာ လုပ်နိုင်တာပါ။ ဘယ်သူကနေပြီးတော့ ထိန်ထိန်သိမ်းသိမ်းနေပါဆိုတော့ ထိန်းထိန်းသိမ်းသိမ်းနေ တယ်။ ကိုယ့်ရဲ့ကိုယ်စားလှယ်တွေက ပြည်သူလောက်မှ အရည်အချင်းမရှိဘူးဆိုရင် ပြည်သူ့ကိုယ်စားလှယ်တွေ မဖြစ်ထိုက်ဘူးလို့ ဒီလိုပဲပြောရမှာပါ။ ဒါကြောင့် အားလုံးဆင်ခြင်ကြပါ။

သင်တန်းပေးမယ် ၊ တာဝန်ပေးမယ်

ပထမဦးဆုံး ကျွန်မတို့ သင်တန်းတွေ စပြီးတော့ပေးပါမယ်။ သင်တန်းတွေစပေးတာကတော့ တိုင်း ရင်းသားဝန်ကြီးနေရာမှာ အရွေးခံခဲ့ရတဲ့ ပုဂ္ဂိုလ်တွေကို စပြီးသင်တန်းပေးမယ်။ အကြောင်းကဘာလဲဆိုတော့ သူတို့ရဲ့ ထမ်းဆောင်ရမယ့်တာဝန်က သက်မှတ်ပြီးသားပဲ။ ရွေးကတည်းက တိုင်းရင်းသားကိုယ်စားလှယ်အ ဖြစ် ဝင်ရွေးတယ်ဆိုတာ သူတို့ ဘာတာဝန်ရှိတယ်ဆိုတာ သက်မှတ်ပြီးသားဆိုတော့ ပထမဦးဆုံး ကျွန်မတို့ စ ပြီးတော့ ကိုင်တွယ်လို့လည်းရတယ်။ ကိုင်တွယ်လည်း ကိုင်တွယ်ဖို့လိုတယ်။ ကျွန်မတို့နိုင်ငံမှာဆိုရင် တိုင်းရင်း သားစည်းလုံးညီညွတ်ရေးဆိုတာ အင်မတန်မှ လိုအပ်နေတဲ့ကိစ္စဖြစ်တယ်။ ပြည်ထောင်စုခိုင်မာပြီးတော့ ညီ ညွတ်တဲ့၊ စစ်မှန်တဲ့ ဖက်ဒရယ်ပြည်ထောင်စုတစ်ခု တည်ဆောင်ဖို့ဆိုတာဟာ တိုင်းရင်းသားအရေးတွေကို ကျွန် မတို့ ဦးစားပေးလုပ်ရမှာဖြစ်ပါတယ်။ ငြိမ်းချမ်းရေးကိစ္စတွေကိုလည်း ကိုင်တွယ်ဖို့လိုတယ်။ ဒါတွေနဲ့ပတ်သက်လို့ ပထမဦးဆုံးစပြီးတော့ စီစဉ်မယ့်သင်တန်းကတော့ ဒီ တိုင်းရင်းသားကိုယ်စားလှယ်အတွက်ဖြစ်ပါတယ်။

ဒါကို ကျွန်မတို့ မကြာခင်ကာလအတွင်းမှာ စတင်နိုင်မယ်လို့ ယူဆပါတယ်။ ဒါကိုလည်း စပြီးတော့ ကျွန်မတို့ စီစဉ်နေပါပြီ။ နောက်ပြီးတော တစ်ခြားကိုယ်စားလှယ်တွေနဲ့ ပတ်သက်လို့ ကိုယ့်ရဲ့ ကျွမ်းကျင်ရာ ကျွမ်းကျင်ရာ ကိုယ့်ရဲ့ ဝါသနာပါရာကို ခပ်တိုတိုတုတ်တုတ်နဲ့ ဒီနေ့ ပေးသွားမှာပါ။ ဒီနေ့ စက္ကူပေါ်မှာ ရေးပြီး တော့ တိုင်းတွေ ပြည်နယ်တွေရဲ့ ခေါင်းဆောင်တွေက တာဝန်ယူပြီးတော့ အဲဒါတွေအားလုံးကို စုလိုက်ပါ။ စု လိုက်ပြီးတော့ အောင်နိုင်ရေးလက်ထဲကို အပ်လိုက်ပါ။ ကိုယ်တင်ပြတဲ့အတိုင်းပဲ တာဝန်ထမ်းဆောင်လို့ ရချင်မှ ရမှာပါ။ ကိုယ်က ဘာမှစီးပွားရေးမကျွမ်းကျင်ဘဲနဲ့ စီးပွားရေးကိစ္စတွေနဲ့ ပတ်သက်လို့ ထမ်းဆောင်ချင်ပါတယ်ဆို ရင် ကျွန်မတို့က ဒီဟာကို တာဝန်ပေးမှာမဟုက်ပါဘူး။

အဲဒီတော့ ကိုယ့်ရဲ့ ကျွမ်းကျင်မှု၊ ကိုယ့်ရဲ့ဝါသနာ၊ ကျွမ်းကျင်မှုလည်းရှိတယ် ဝါသနာလည်း ရှိတယ်ဆို ရင် ဒီဟာက အင်မတန်မှာ အင်အားတစ်ခုပဲဖြစ်တာကြောင့်မို့လို့ ကျွန်မတို့ကိုယ်စားလှယ်တွေကို ခွဲခွဲပြီးတော့ တာဝန်ပေးရမှာပါ။ ဒီ ကိုယ်စားလှယ်ဟောင်းတွေ၊ ၂၀၁၂ တုန်းက ရွေးချယ်ခြင်းခံခဲ့ရတဲ့ ကိုယ်စားလှယ်ဟောင်း တွေကလည်း ရှင်းပြမှာပါ။ လွှတ်တော်ထဲမှာ ၄၀ ကျော်ပဲ ရှိပေမယ့်လည်း ကျွန်မတို့ဟာ ကောမတီဖွဲ့ပြီးတော့ ကိုယ့် ကျွမ်းကျင်ရာ ကျွမ်းကျင်ရာ တာဝန်ပေးပါတယ်။ ဥပမာ ဘက်ဂျက်နဲ့ ပတ်သက်တဲ့ ကော်မတီ၊ ကျန်းမာ ရေးနဲ့ ပတ်သက်တဲ့ ကော်မတီ၊ ပညာရေးနဲ့ ပတ်သက်တဲ့ ကော်မတီ စသဖြင့် ကျွန်မတို့ ခွဲပြီးတော့ တာဝန်တွေ ပေးပါတယ်။ ဒါတွေနဲ့ပတ်သက်လို့ သက်ဆိုင်တဲ့သင်တန်းတွေလည်း ကျွန်မတို့ ကြုံရင် ကြုံသလို လွှတ်ပေးတာ တွေလည်း ရှိတယ်။ နောက်ပြီးတော့ နိုင်ငံခြားက အဖွဲ့တွေ၊ တစ်ခြားအဖွဲ့အစည်းတွေရဲ့ ကိစ္စတွေနဲ့ပတ်သက် လို့ စိတ်ဝင်စားတယ်ဆိုရင်တော့ သက်ဆိုင်ရာ ကော်မတီတွေက တာဝန်ယူပြီးတော့ တွေ့ဆုံဖြေရှင်းရတာတွေ လည်းရှိတယ်။ ဒါကြောင့်မို့လို့ အခုဆိုလို့ရှိရင် ဒီလိုဟာမျိုး ပိုပြီးတော့ ဖိဖိစီးစီး၊ တိတိကျကျလုပ်ဖို့ လိုပါလိမ့်မယ်။

သက်ညှာမှာမဟုတ်

ဒါကြောင့် အားလုံးကို တာဝန်ခွဲပြီးတော့ ကျွန်မတို့ ပြောရမယ်ဆိုရင် အထူးကျွမ်းကျင်တဲ့ ပုဂ္ဂိုလ်တွေ ဖြစ်အောင် ကျွန်မတို့ ကြိုးစာမှာပါ။ ဒါကတော့ အဖွဲ့ချုပ်ကဦးဆောင်ပြီးတော့ တက်နိုင်သမျှ စီစဉ်ပေးမယ်။ တစ် ယောက်ချင်း တစ်ယောက်ချင်းက ကိုယ့်ရဲ့စွမ်းရည်း ထက်မြက်ဖို့ ကြိုးစားရမယ်။ ကိုယ့်ရဲ့စွမ်းရည် ထက်မြက်ဖို့ ဆိုတာ လက်မထောင်ဖို့မဟုက်ဘူးနော်။ တစ်ချို့ကိုယ်စားလှယ်တွေက လွှတ်တော်တက်တယ်ဆိုတာ ရုပ်မြင်သံ ကြားရှေ့မှာ ခေါင်းပေါင်းတလူလူနဲ့ ပဝါလေးခြုံပြီးတော့ စကားပြောဖို့ဟာကို သိပ်ပြီးတော့ မက်မောကြတယ်။ အခုသိရမှာက အရင်တုန်းက ကျွန်မတို့လွှတ်တော်ထဲမှာ လူနည်းစု၊ လူနည်းစုဆိုတာ ကျွန်မတို့လူတွေက တစ် ခြားကိုယ်စားလှယ်တွေထက်စာရင် ပြောခွင့်ကတော့ အားလုံးကို ပေးထားပါတယ်။ ဒါပေမယ့် ကိန်းဂဏန်းအရ ဆိုရင် ကျွန်မတို့က ပြောတာတွေကလည်း နည်းတယ်။ နောက်ပြီး ကျွန်မတို့က အတိုက်အခံဖြစ်နေတဲ့အခါကြ တော့ ပြည်သူကလည်း သက်သက်ညှာညှာနဲ့ ဆက်ဆံတယ်။

အခု ဒီလိုဖြစ်မှာမဟုက်ပါဘူး။ ပြည်သူက မျက်စိဒေါက်ထောက်ပြီး ကြည့်နေမှာပါ။ လွှတ်တော်ထဲမှာ အနိုင်မရခဲ့တဲ့ ပုဂ္ဂိုလ်များကလည်း မျက်စိဒေါက်ထောက်ပြီး ကြည့်နေမှာပါ။ ဘယ်လိုဝေဖန်ရမလဲ၊ ဘယ်လို တိုက်ခိုက်ရမလဲ၊ ဘယ်လို လက်ညိုးထိုရမလဲဆိုတာ နိစ္စဓူဝ ၂၄ နာရီ ကြည့်နေမယ့်ပုဂ္ဂိုလ်တွေလည်း ရှိပါတယ်။ ဒါကြောင့်မို့လို့ ကိုယ့်နိုင်ငံရဲ့ သိက္ခာအတွက်၊ ကိုယ့်ပါတီရဲ့ သိက္ခာအတွက်၊ နောက်ဆုံး ကိုယ့်ရဲ့ သိက္ခာအတွက် အားလုံးဟာ သတိထားပြီးတော့ ကြိုးစားဖို့ လိုပါလိမ့်မယ်။ အဲဒီတော့ အခု အမျိုးသားဒီမိုကရေစီအဖွဲ့ချုပ်ရဲ့ စည်းမျဉ်းစည်းကမ်းတွေကို သေသေချာချာ လေ့လာထားပါ။ အဲဒီဥပဒေတွေဟာ ဘယ်လောက်အတိုင်းအတာ အထိ ဖြစ်နိုင်သလဲ၊ ဘယ်လောက်အတိုင်းအတာထိ ပြင်းထန်နိုင်သလဲဆိုတာ ကျွန်မတို့ကိုယ်စားလှယ်တွေ သိ ဖို့လိုပါတယ်။

ဒါဟာ သာမာန်သတိပေးမှုကနေပြီးတော့ အဖွဲ့ချုပ်အဖွဲ့ဝင်အဖြစ်ကနေပြီးတော့ ထုတ်ပယ်တဲ့အထိ ရောက်သွားနိုင်ပါတယ်။ နောက်ပြီးတော့ ကျွန်မတို့ကိုယ်စားလှယ်တွေအားလုံးဟာ ဝန်ခံချက်နဲ့ ကျွန်မတို့ရဲ့  ကိုယ်စားလှယ်တွေ ဖြစ်သွားတာပါ။ ဒီဝန်ခံချက်ဟာ ဥပဒေအရ သက်ရောက်မှုရှိတဲ့ ဝန်ခံချက်ဖြစ်တယ်ဆိုတာ ကျွန်မတို့ကိုယ်စားလှယ်တွေ မမေ့ပါနဲ့။ ကျွန်မတို့က ကိုယ့်ရဲ့လူမို့လို့ဆိုပြီးတော့ ဘယ်တော့မှ သက်ညှာမှာမ ဟုက်ပါဘူး။ ကျွန်မကို တစ်ခါတုန်းက ပြောဖူးပါတယ်။ ကိုယ့်အချင်းချင်းမို့လို့ နည်းနည်း သက်သက်ညှာညှာ လုပ်ပါတဲ့။ ကိုယ့်အချင်းချင်းမို့လို့ လုံးဝမသက်ညှာဘူးလို့။ ကိုယ့်အချင်းချင်းမို့ သက်ညှာတယ်ဆိုရင် အရင်စနစ် တွေနဲ့ ဘာထူးတော့မှာလဲ။ ကိုယ့်အချင်းချင်းမို့လို့ကို လုံးဝမသက်ညှာဘူးလို့ ပြောထားပါတယ်။ ဒီအတိုင်းပဲ ကျွန်မ ဆက်ဆံမှာပါ။

ကျွန်မနဲ့ ပုဂ္ဂိုလ်ရေးအရ နီးစပ်တဲ့သူတွေလည်း ကျွန်မ သက်ညှာမှာမဟုက်ပါဘူး။ ကျွန်မတို့ဟာ လူ မှုရေးအရ၊ ပုဂ္ဂိုလ်ရေးအရ ကိုယ့်အချင်းချင်း ရဲဘော်ရဲဘက်စိတ်နဲ့ အပြည့်အဝ ဖေးမသွားမယ်။ ဒါပေမယ့် နိုင်ငံ ရဲ့ တာဝန်နဲ့ပတ်သက်ရင်တော့ ကျွန်မတို့ လုံးဝသက်ညှာမှာမဟုက်ဘူးဆိုတာ အခုကတည်းက ကျွန်မတို့ရဲ့ ကိုယ်စားလှယ်တွေအားလုံးကို နားလည်ထားစေချင်တယ်။

ပီပီပြင်ပြင်လုပ်ဖို့ ကြိုးစားပါ

 ကိုယ့်မှာအရည်အချင်း မရှိလို့ရှိရင် ဒီအရည်အချင်းတွေကို ဖြည့်ဖို့ကြိုးစားကြပါ။ ပထမဦးဆုံးလုပ်ရ မယ့်ကိစ္စကတော့ ကျွန်မတို့ရဲ့ ကိုယ်စားလှုယ်တွေကို အင်္ဂလိပ်ဘာသာစကား ကျွမ်းကျင်မှုနဲ့ ပတ်သက်လို့ ကျွန် မတို့ တရားဝင်စစ်ဆေးမှုတွေ လုပ်မှာပါ။

အရင်တုန်းက ၂၀၁၂ တုန်းက အရွေးခံခဲ့တဲ့ ကိုယ်စားလှယ်ဟောင်းတွေကို မေးကြည့်ရင် သိပါလိမ့် မယ်။ အားလုံးဟာ အင်္ဂလိပ်ဘာသာစကားအဆင့် ဘယ်လောက်ရှိတယ်ဆိုတာ သွားပြီးတော့ အစစ်ဆေးခံရပါ တယ်။ အစစ်ဆေးခံပြီးတော့မှ အဲဒီအဆင့်တွေအရ ကျွန်မတို့ သက်မှတ်ထားတဲ့တာဝန်တွေကို ပေးပါတယ်။ တစ်ချို့ပါတီတွေ၊ အဖွဲ့အစည်းတွေဆိုရင် နိုင်ငံခြားကိုသွားဖို့ အခွင့်အရေးရရင်၊ နိုင်ငံခြားက ဖိတ်လို့ရှိရင် ဒီလိုပဲ ရွေးပြီးတော့ ဖိတ်ကြပါတယ်။ ကျွန်မတို့ ဘယ်တော့မှ အဲဒီလိုမလုပ်ခဲ့ပါဘူး။ ဘာအတွက်လဲ၊ ကျွမ်းကျင်မှုရှိရဲ့ လား၊ ဥပမာဆိုရင် ပတ်ဝန်းကျင်ထိန်းသိမ်းရေးနဲ့ ပတ်သက်လို့ ဖိတ်တဲ့ပွဲဆိုရင် ပတ်ဝန်းကျင်ထိန်းသိမ်းရေးနဲ့  ပတ်သက်လို့ ဘယ်လောက်ကျွမ်းကျင်မှုရှိတဲ့လူလဲ၊ မရှိလို့ရှိရင်တောင်မှ လုပ်နိုင်ကိုင်နိုင်တဲ့ အနေအထားရှိသ လား။ နောက် ဘာသာပြန်တွေမရှိဘူးဆိုရင် အင်္ဂလိပ်ဘာသာစကားပဲ သုံးရမယ်ဆိုရင် သုံးနိုင်တဲ့ အခြေအနေ ရှိသလား။ ဒီလို ကျွန်မတို့ စီစစ်ပြီးမှ လွှတ်တာပါ။ လွယ်လွယ်နဲ့ မလွှတ်ပါဘူး။ အင်္ဂလိပ်ဘာသာစကား မကျွမ်း ကျင်တဲ့ ပုဂ္ဂိုလ်တွေကြတော့ ဘာသာပြန်ပေးမယ့် နိုင်ငံများ။ ဘာသာပြန်ပေးမယ့် အစည်းအဝေးတွေပဲ ကျွန်မတို့ လွှတ်ပါတယ်။ ကျွန်မတို့ကိုယ်စားလှယ်တွေ အပျော်သွားဖို့ လွှတ်တာမဟုက်ပါဘူး။ အလုပ်လုပ်ဖို့ လွှတ်တာပါ။

အလုပ်မလုပ်နိုင်တဲ့ ကိုယ်စာလှယ်တွေကို ကျွန်မတို့ တာဝန်မပေးပါဘူး။ အားလည်း မနာပါဘူး။ ကျွန် တော့်ကို ဘာလို့ ဘယ်တော့မှ မလွှတ်တာလဲဆိုရင် အဲဒါကတော့ လွှတ်နိုင်တဲ့အရည်အချင်း မရှိလို့လို့ပဲ ကျွန်မ ကတော့ ဒီလိုပဲဖြေပါတယ်။ အခုကတည်းက သိထားပါ။ ကျွန်မတို့က ကိုယ်စားလှယ်တွေဖြစ်လာလို့ လွယ် လွယ်နဲ့ အခွင့်အရေးတွေကို ရမယ်လို့ မထင်ပါနဲ့။ ကျွန်မ နေပြည်တော်မှာ ကိုယ်စားလှယ်အဟောင်းတွေနဲ့ တွေ့တုန်းကလည်း  ကျွန်မ ပြောထားပြီးပါပြီ။ ထပ်ပြောပါ့မယ်။ အဲဒီ ဝန်ကြီးနေရာတွေ၊ ဒုဝန်ကြီးနေရာတွေ အိပ်မက်မမက်နေပါနဲ့၊ စိတ်ကူးယဉ်မနေပါနဲ့။ ကိုယ့်ဘာသာကိုယ် ကိုယ့်အလုပ်ကိုပဲ ပီပြင်အောင်လုပ်ဖို့ကိုသာ ကြိုးစားပါ။

အမှိုက်ကောက်ပါ

အဲဒီတော့ ကိုယ့်အလုပ်ဆိုတာ ပထမဦးဆုံး ကိုယ်စားလှယ်များ စပြီးတော့လုပ်ရမယ့် အလုပ်စီမံကိန်း တစ်ခု ဆွဲထားပါတယ်။ အဲဒါကတော့ ပတ်ဝန်းကျင်သန့်ရှင်းရေးနဲ့ပတ်သက်လို့ အမှိုက်ကောက်တဲ့ ကိစ္စကို  ကိုယ်စားလှယ်များ တာဝန်ယူပြီးတော့ လုပ်ရပါလိမ့်မယ်။ ကိုယ်တိုင်ကိုယ်ကျ ဆင်းပြီတော့ ကိုယ့်မြို့နယ်က အ မှိုက်တွေကို ကောက်ရပါလိမ့်မယ်။ ကျွန်မတို့ စီမံကိန်းတစ်ခု ဆွဲထားတယ်။ ကျွန်မတို့ ကိုယ်စားလှယ်တွေကို အသိပေးမယ်။ ဒီစီမံကိန်းကတော့ ကျွန်မတို့ ကော့မှူးမြို့နယ်ကို အခြေခံပြီးတော့ ဆွဲထားပါတယ်။ မြို့နယ်တိုင်း မြို့နယ်တိုင်း ကိုယ့်ရဲ့မြို့နယ်နဲ့ ဆီလျှော်အောင်တော့ လုပ်ရမယ်။ ကော့မှူးမြို့နယ်အတိုင်း လုပ်ဖို့မဟုက်ဘူး။ အဲဒီဟာကတော့ အကြံပေးအနေနဲ့။ ကျွန်မတို့က ကျွန်မတို့မြို့နယ်အတွက်ပဲ အသေးစိတ် စီစဉ်လို့ရပါတယ်။ ဒါ တွေဘယ်လိုလုပ်ရမလဲဆိုတဲ့ ညွှန်ကြားချက်ကို မကြာမီထုတ်ပါမယ်။ သန့်ရှင်းရေးနေ့ စပြီးတော့ လုပ်ရမယ့်ဟာ ကိုလည်း ညနေကြမှ အသေးစိတ် ညွှန်ကြားပါမယ်။

ကိုယ်စားလှယ်တွေအားလုံး ပါရပါလိမ့်မယ်။ ဘယ်ဆင်ခြေနဲ့မှ အမှိုက်ကောက်တဲ့နေ့မှာ မပါနိုင်ဘူးဆို တာကို ကျွန်မတို့ လက်ခံမှာမဟုက်ပါဘူး။ စည်းမျဉ်းစည်းကမ်းအရ ကျွန်မတို့ အရေးယူမှာပါ။ တကယ်ပဲ ဆေးရုံ ထဲမှာ၊ အိပ်ယာထဲမှာ လဲနေတယ်ဆိုရင် ဒါမျိုးကြတော့ ကျွန်မတို့က ခွင့်ပြုရမှာပေါ့။ တစ်ခြားဘာတာဝန်ပဲရှိရှိ ကိုယ့်မြို့နယ်ရဲ့တာဝန်ထက် မကြီးဘူးဆိုတာကို အားလုံးသဘောပေါက်ကြပါ။ အဲဒီအတိုင်းပဲ အမှိုက်ကောက် တဲ့နေရာမှာ ကိုယ်စားလှယ်တွေကစပြီးတော့ အောက်ခြေကနေပြီးတော့ လုပ်ပြ။ ကိုယ်စားလှယ်တွေ မလုပ်နိုင် တဲ့အလုပ်ကို ပြည်သူတွေလုပ်ပါလို့ ကျွန်မတို့ ခိုင်းပိုင်ခွင့်မရှိဘူး။ ကိုယ်မလုပ်နိုင်ဘဲနဲ့ ပြည်သူကတော့လုပ်ပါ၊ ပြည်သူကတော့ တာဝန်ကျေပါ၊ ကျွန်တော်ကတော့ မိန့်မိန့်လေးထိုင်နေမယ်၊ ကျွန်မတို့ကတော့ သာသာလေး နေမယ်ဆိုတဲ့ စိတ်ဓာတ်တွေဆိုတာဟာ ကျွန်မတို့လက်ခံနိုင်တဲ့ စိတ်ဓာတ်တွေမဟုက်ပါဘူး။

မူဝါဒတွေကို ဘယ်လောက်နားလည်လဲ

ကျွန်မတို့ အခု အလုပ်လုပ်တဲ့နေရာမှာဆိုရင် အမျိုးသားရင်ကြားစေ့ရေးကို အခြေခံပြီးတော့ ကျွန်မတို့ လုပ်သွားမယ်ဆိုပြီးတော့ ပြေခဲ့ပါတယ်။ ဒီအတိုင်းပဲ ကျွန်မတို့ လုပ်သွားမှာပါ။ အမျိုးသားပြန်လည်ရင်ကြားစေ့ ရေးဆိုတာ အမျိုးသားဒီမိုကရေစီ စတင်တည်ထောင်ကတည်းက အခြေခံမူတစ်ခု ဖြစ်ပါတယ်။ အဲဒီတော့ အ ခြေခံမူလို့ ပြောတဲ့အခါမှာ ကျွန်မတို့ ဒီကိုယ်စားလှယ်တွေထဲမှာ အဖွဲ့ချုပ်ရဲ့ အခြေခံမူတွေ၊ အဖွဲ့ချုပ်ရဲ့ သမိုင်း တွေ၊ အဖွဲ့ချုပ်ရဲ့ ရည်မှန်းချက်တွေ၊ စံနှုန်းစံထားတွေ၊ နောက်ပြီးတော့ အဖွဲ့ချုပ်ရဲ့ စည်းမျဉ်းစည်းကမ်းတွေကို ဘယ်လောက်သိသလဲဆိုတာ ကျွန်မတို့ တစ်ယောက်ချင်း အခြေအနေကို ကျွန်မတို့မသိနိုင်ဘူး။ ကျွန်မတို့  ကိုယ်စားလှယ်တွေအတွက် အစီအမံနဲ့လုပ်မယ့် သင်တန်းလေးတွေမှာ အဲဒါတွေရှိမှာဖြစ်ပါတယ်။

ပထမဦးဆုံး ကျွန်မတို့ဖြစ်မှာက ဒီ ဖွဲ့စည်းပုံအခြေခံဥပဒေနဲ့ ပတ်သက်လို့ စားမေးပွဲစစ်သလို စစ်မှာပါ။ ကျွန်မတို့ အဖွဲ့ချုပ်ကိုယ်စားလှယ်များဟာ သေသေချာချာလေ့လာထားပါ။ အမှတ်မပြည့်တဲ့ ကိုယ်စားလှယ် တွေကို ကျွန်မတို့ အရေးယူမှာပါ။ ဖွဲ့စည်းပုံအခြေခံဥပဒေနဲ့ ပတ်သက်လို့ ကျွန်မတို့စစ်မယ်။ အဖွဲ့ချုပ်ရဲ့ မူဝါဒ၊ သဘောထားတွေနဲ့ပတ်သက်လို့ စစ်မယ်။ အဖွဲ့ချုပ်ရဲ့ အခု ဒီရွေးကောက်ပွဲအတွက်ထုတ်တဲ့ မူဝါဒ၊ သဘော ထားတွေနဲ့ပတ်သက်လို့ စစ်မယ်။ ကျွန်မတို့အဖွဲ့ချုပ်ရဲ့သမိုင်းနဲ့ အခြေခံမူတွေနဲ့ပတ်သက်လို့ ကျွန်မတို့စစ်မယ်။ အဲဒါလောက်မှ မပြင်ဆင်တက်ပဲနဲ့၊ မတတ်ပဲနဲ့ ဆက်ပြီးတော့ ကိုယ်စားလှယ်လုပ်ချင်တယ်ဆိုရင်တော့ ပြည်သူ လူထုကတော့ ရွေးချယ်လိုက်လို့ ကိုယ်စားလှယ်လုပ်ရမှာပဲ။ ကျွန်မတို့က အင်မတန်ပင်ပန်းတဲ့ တာဝန်တွေကို လုပ်ခိုင်းရမှာဖြစ်ပါတယ်။ ဒါကြောင့် ကိုယ့်ရဲ့အရည်အချင်းကိုမြှင့်ဖို့ ကြိုးစားရမယ်။ အဲဒီ အခြေခံအရည်အချင်း တွေမှ မရှိသေးဘူးဆိုရင် ရှိအောင်လို့ ကြိုးစားကြပါ။ ကြိုးစားဖို့ အခွင့်အရေးတွေ ရှိပါတယ်။

အဲဒီအခွင့်အရေးတွေကိုလည်း ဘယ်ဆင်ခြေနဲ့မှ မတတ်ပဲနေလို့မရပါဘူးဆိုတာ အခု ကျွန်မပြောပါရ စေ။ ကျွန်တော်က သိပြီးသာမို့လို့၊ ဥပမာဆိုရင် ကျန်းမာရေးနဲ့ပတ်သက်လို့ ကျွန်တော်ကတော့ ဆရာဝန်ကြီးမို့ လို့ ကျန်းမာရေးသင်တန်းတက်ဖို့ မလိုဘူးလို့ မထင်ပါနဲ့။ မတက်လို့ရှိရင် စည်းမျဉ်းစည်းကမ်းနဲ့ ငြိပါလိမ့်မယ်။ ဆရာဝန်ကြီးဖြစ်တာနဲ့ မဆိုင်ပါဘူး။ ကျွန်မတို့ဟာ ဆရာဝန်ကြီးကို ဆေးပညာအနေနဲ့ စစ်မှာမဟုက်ပါဘူး။ အမျိုးသားဒီမိုကရေစီအဖွဲ့ချုပ် ကိုယ်စာလှယ်တစ်ယောက် ရှိသင့်ရှိထိုက်တဲ့ အရည်အချင်းတွေ ဘယ်လောက် ရှိလဲဆိုတာ သိချင်တဲ့အနေအထားနဲ့ စစ်မှာဖြစ်ပါတယ်။

ဒါကြောင့် ဒီလိုသင်တန်းတွေလုပ်တဲ့အခါမှာ လုံးဝမပျက်မကွက် တက်ရပါတယ်ဆိုတာ အခု ကျွန်မ ပြောထားပါမယ်။ နောက် ဒီကြားထဲမှာ  ပြည်သူလူထုနဲ့ ဆက်ဆံမှုကိုလည်း သတိထားကြပါ။ ကိုယ်က ပြည်သူ ကို အလုပ်အကျွေးပြုရမယ့်လူဆိုတာ သဘောပေါက်ကြပါ။ ပြည်သူ့အထက်ကနေရမယ့်လူတွေ မဟုက်ဘူးဆို တာ နှလုံးသွင်းပါ။ နောက်တစ်ခုက အတွင်းဆက်ဆံရေး၊ ကိုယ့်အချင်းချင်းဆက်ဆံရေး။ ကျွန်မတို့ ရွေးကောက် ပွဲမတိုင်ခင်တုန်းက ရွေးကောက်ပွဲကိုယ်စားလှယ်ဆိုပြီး ရွေးနေတဲ့အခါတုန်းကဆိုရင် နေရာလုကြတာတွေ အ များကြီးပါပဲ။ ကိုယ်စားလှယ်လောင်းဖြစ်ချင်လို့ အချင်းချင်း တိုက်ကြတာ၊ ခိုက်ကြတာ၊ စိတ်ရင်းကွဲကြတာ။ အဲ ဒီတော့ ဒီကိုယ်စားလှယ်လောင်းပါလာတဲ့အထဲမှာ ကိုယ်စားလှယ်လောင်း အရွေးမခံရခင်တုန်းက တစ်ယောက် နဲ့တစ်ယောက် အဆင်မပြေတဲ့သူတွေလည်း ပါတယ်။ အခု ကိုယ်စားလှယ်လောင်းဖြစ်လာသော်လည်း ကိုယ်နဲ့ အဆင်မပြေတဲ့သူတွေလည်း ရှိတယ်။ ဒါတွေအားလုံး ပြေလည်အောင်လုပ်ဖို့ဟာ တစ်ယောက်ချင်း တစ် ယောက်ချင်းမှာ တာဝန်ရှိပါတယ်။

တိုက်ကြီးထဲက တဲစုတ်

ကိုယ့်အချင်းချင်း ညီညွတ်ဖို့လိုတယ်။ ကိုယ့်အချင်းချင်း အရင်တုန်းက အာဃာတတရားတွေကို   ပျောက်ကွယ်အောင် လုပ်သွားနိုင်ဖို့လိုတယ်။ နောက် အရေးကြီးတာတစ်ခုက ကျွန်မတို့ရဲ့ အဖွဲ့ချုပ်အတွင်းမှာ အစုအဖွဲ့လုပ်တာကို ကျွန်မ လုံးဝခွင့်မပြုပါဘူး။ ဒါလည်း စည်းမျဉ်းစည်းကမ်းနဲ့ မကိုက်ညီပါဘူး။ ကျွန်မတို့ ခဏ ခဏ ပြောထားပါတယ်။ တိုက်ကြီးထဲမှာ တဲစုတ်ဆောက်တဲ့ပုံစံမျိုးကို လုံးဝလက်မခံဘူလို့ ပြောထားပါတယ်။ အဲဒီလို ဂိုဏ်ဂဏဖွဲ့တာ၊ အစုအဖွဲ့ဖွဲ့တာ လုပ်တဲ့သူတွေအားလုံးကို စည်းမျဉ်းစည်းကမ်းအရ အရေးယူမှာပါ။ 

ဒါ ကြောင့်မို့လို့ ကိုယ်စားလှယ်များအချင်းချင်း ဆက်ဆံရေးနဲ့ပတ်သက်လို့ ပုဂ္ဂိုလ်ရေးအရ ပြောတာမဟုက်ဘူးနော် အဖွဲ့ချုပ်ရဲ့ အလုပ်တွေအပေါ်မှာ သက်ရောက်မှုရှိတယ်ဆိုရင် ကျွန်မတို့ စုံးစမ်းစစ်ဆေးမှာဖြစ်ပါတယ်။ အဲဒီ တော့ ဂိုင်းဂဏဖွဲ့ဖို့ စဉ်းစားတာတို့ ၊ ကိုယ့်လူ သူ့လူ မွေးတာတို့ ၊ အဲဒီ တပည့်မွေးတဲ့ ကိစ္စလောက် မကြိုက်တာ မရှိဘူး။ အဲဒါကြောင့် ဒါမျိုးတွေ မလုပ်ကြပါနဲ့။ ကျွန်မ အခုကတည်းက သတိပေးထားတယ်နော်။ မသလို့ လုပ်မိ ပါတယ်လို့ မပြောနဲ့။ သေသေချာချာ ပြောထားပါတယ်။ ပုဂ္ဂိုလ်ရေးအရ ခင်မင်တာကို ကျွန်မ ဘာမှမပြောလိုပါ ဘူး။ ခင်မင်လို့ အတူတူသွားကြတယ်၊ သတူတူစားကြတယ်၊ အတူတူသောက်ကြတယ်၊ အိမ်အတူတူပြန်ကြ တယ်။ ဒါတွေ ကျွန်မ ပြောလိုတာမဟုက်ဘူး။ တစ်ချို့ဆိုရင်လည်း ကိုယ်စားလှယ်အချင်းချင်းက ဆွေမျိုးနီးစပ် တော်တဲ့သူတွေလည်း ဖြစ်နိုင်ပါတယ်။ အဲဒါကြောင့်မို့လို့ ခင်မင်တာ၊ ရင်းနှီးတာ ဒါတွေကို ကျွန်မတို့ ကန့်ကွက် တာမဟုက်ပါဘူး။

ဒါပေမယ့် နိုင်ငံရေးအရ ကိုယ့်မြို့နယ်အတွင်း သြဇာအရ၊ ကိုယ့်မြို့နယ်အတွင်း လုပ်ပိုင်ခွင့်အရ၊ ကိုယ့် ရဲ့တိုင်းအတွင်း၊ ပြည်နယ်အတွင်း အလုပ်သဘောအရ လူစုတာ၊ လူမွေးတာ၊ အစုအဖွဲ့ ဂိုဏ်းဂဏတွေ ဖွဲ့တာ ကိုတော့ လုံးဝ ကျွန်မတို့ လက်ခံမှာမဟုက်ပါဘူးဆိုတာ ကျွန်မ သတိပေးချင်ပါတယ်။ ဘယ်လိုရည်ရွယ်ချက်နဲ့ ကိုယ်စားလှယ်ဖြစ်ချင်လို့ ကိုယ်စားလှယ်ရောက်လာလည်းတော့ မသိပါဘူး။ ဒီထဲမှာ အနည်းစုကတော့ ကျွန်မ တို့ကနေပြီးတော့ မေတ္တာရပ်ခံပြီးတော့ နိုင်ငံအတွက် လိုအပ်လို့ ကိုယ်စားလှယ်အဖြစ်နဲ့ ယှဉ်ပြိုင်ပါလို့ မေတ္တာ ရပ်ခံခဲ့တာ လူနည်းစုပဲ ရှိပါတယ်။ လူနည်းစုတောင်မှ တော်တော်နည်းပါတယ်။ လက်ငါးချောင်းတောင် မပြည့်ပါ ဘူး။ အဲဒီတော့ အများစုက ကိုယ့်ဘာသာ ကိုယ်ဝင်ချင်လို့၊ ကိုယ့်ဘာသာကိုယ် လျှောက်ပြီးတော့ ကိုယ့်ဘာသာ ကိုယ ပါလာကြတဲ့သူတွေပါ။ အဲဒီတော့ မမေ့ပါနဲ့။ ကျွန်မတို့ကနေပြီးတော့ လာပါဆိုပြီးတော့ ခေါ်လို့လာတာ မ ဟုက်ပါဘူး။ ကိုယ့်ဘာသာ ကိုယ်စားလှယ်ဖြစ်ချင်လို့ ရောက်လာတာ။ ကိုယ်ဘာဖြစ်လို့ ကိုယ်စားလှယ်ဖြစ်ချင် လဲဆိုတာ ကိုယ်အသိဆုံးပဲ။

တစ်ခြားသူတွေကို လှည့်ဖျားလို့ ရရင်ရမယ်။ ကိုယ့်ကိုကိုယ်တော့ ကိုယ်သိမှာပဲ။ ဘယ်လိုရည်ရွယ်ချက် မျိုးနဲ့ ကိုယ်စားလှယ်ဖြစ်ချင်ခဲ့ပြီးတော့ ကိုယ်စားလှယ်ဖြစ်အောင်လို့ ကြိုးစားခဲ့ရတာလည်းဆိုတာ ကိုယ့်ကိုကိုယ် အသိဆုံးပဲ။ ကျွန်မ အရင်ကလည်း ပြောဖူးပါတယ်။ ကျွန်မတို့ ကိုယ်စားလှယ်လောင်းတွေ ရွေးချယ်ပြီးတဲ့အချိန် မှာ ကျွန်မပြောခဲ့ပါတယ်။ ရွေးချယ်ခဲ့ပြီးပြီ၊ အရင်တုန်းက ဘယ်လိုရည်ရွယ်ချက်နဲ့ပဲ ဝင်လာခဲ့ ဝင်လာခဲ့ အခု စိတ်ထားမှန်ဖို့ဟာ အဓိကပဲ။ ပြန်ပြီးတော့ အတိတ်ကိုလှည့်ကြည့်ပြီးတော့ ကိုယ့်ကိစ္စပွားနေလို့လည်း ဘာမှမ ထူးဘူး။ ကျွန်မတို့ ပစ္စုပ္ပန်တည့်တည့်ကြည့်ပြီး အနာဂတ်ကို ဆက်သွားဖို့၊ အရင်တုန်းက ဘယ်လိုရည်ရွယ်ချက် နဲ့ပဲ ဝင်လာခဲ့ ဝင်လာခဲ့ အခု ကိုယ်စားလှယ်ဖြစ်လာတဲ့အခါကြတော့ ပြည်သူရဲ့ဝန်ကို အကောင်းဆုံးထမ်းနိုင်ဖို့၊ ပြည်သူကို အကောင်းဆုံး လုပ်ကျွေးမှုပြုနိုင်အောင်လို့ သွားမယ်ဆိုတဲ့စိတ်နဲ့ပဲ လုပ်ပါ။

သူဌေးဖြစ်မယ်ထင်ရင် မှားမယ်

အမျိုးသားဒီမိုကရေစီအဖွဲ့ချုပ် ကိုယ်စားလှယ်ဖြစ်လာလို့ သူဌေးဖြစ်မယ်လို့ ထင်ခဲ့တဲ့သူတွေ အင်မတန် မှားပါလိမ့်မယ်။ သူဌေးဖြစ်ဖို့ ကြိုးစားတဲ့သူတွေ သူဌေးမဖြစ်ပဲနဲ့ ထောင်ထဲရောက်သွားကြမှာနော်။ အဲဒါကို သ တိပြုပါ။ ကျွန်မတို့ ဥပဒေအတိုင်းလုပ်မှာ။ ကျွန်မတို့ရဲ့ အချင်းချင်းမို့လို့ မသိချင်ယောင်ဆောင်နေမှာမဟုက်ဘူး။ ဥပဒေချိုးဖောက်တဲ့သူတွေကို ဥပဒေအရ အရေးယူမှာပါ။ ချမ်းသာချင်လို့ ငွေရေးကြေးရေးအရ အဆင်ပြေမယ် ထင်လို့ ကိုယ်စားလှယ်လုပ်ချင်တဲ့သူတွေ စိတ်ပြောင်းကြပါ။ ပိုက်ဆံရှိလို့လည်း စိတ်ချမ်းသာမှာ မဟုက်ပါဘူး။ ငွေရေးကြေးရေးသား များရင်များသွားမှာပါ။ ပြည်သူလူထု ငြိုငြင်သွားရင်၊ ပြည်သူလူထုရဲ့မေတ္တာ ဆုံးရှုံးသွားပြီ ဆိုရင် ဘယ်ပိုက်ဆံနဲ့မှ အစားထိုးလို့ မရပါဘူး။

ပြည်သူလူထုမေတ္တာ ဆုံးရှုံးသွားတဲ့ ကိုယ်စားလှယ်ဟာ ဗလာနတ္ထိပဲ ကျန်မှာပါ။ ဘယ်လောက်ပဲ ပိုက် ဆံရှိရှိ ဗလာနတ္ထိပဲ ကျန်မှာပါ။

ဘဘဦးတင်ဦးလို စိတ်ဓာတ်မျိုး

ဘဘဦးတင်ဦးကိုယ်တိုင် ပြောသွားပြီ။ စည်းမျဉ်းစည်းကမ်း မလိုက်နာတာတွေရှိတယ်။ မျှောပြီးလိုက် တာတွေရှိတယ်။ ဘဘဦးတင်ဦး အသိဆုံးပေါ့။ အောင်နိုင်ရေးဥက္ကဌအနေနဲ့ ကိုယ်တိုင်ဝင်ပြီးတော့ အရွေးမခံ ဘူး။ နိုင်ငံရေးသက်တမ်းတစ်လျှောက်မှာ တစ်ခါမှ ကိုယ်စားလှယ်လောင်းအဖြစ်နဲ့ အရွေးခံခဲ့တာလည်း မရှိ ဘူး။ အဒါပေမယ့် အောင်နိုင်ရေးအတွက် တာဝန်တစ်ခုအနေနဲ့ ပြီးမြောက်အောင်လို့ အောင်မြင်အောင်လို့ ပါဝင် ပြီးလုပ်ရမယ်ဆိုတဲ့ စိတ်ဓာတ်နဲ့ အသက်အရွယ်နဲ့မှမလိုက် ကိုယ်ဖိရင်ဖိ အင်မတန်ကြိုးစားပြီးတော့ လုပ်သွား တယ်။ ဒီလို တာဝန်ယူတဲ့စိတ်။ ကိုယ့်အတွက်လည်း မဟုက်ဘူး။ ကိုယ်နေရာရမှာလည်း မဟုက်ဘူး။ ကိုယ့် တိုင်းပြည်အတွက်၊ ကိုယ့်ရဲ့အဖွဲ့အတွက် ဒီလိုစိတ်ဓာတ်မျိုးတွေကို မွေးကြပါ။

ဒီလို အောင်နိုင်ရေးဥက္ကဌတစ်ယောက် ရှေ့မှာထားပြီးတော့ စိတ်ထားမမှန်တဲ့ ကိုယ်စားလှယ်များဟာ တော့ အင်မတန်မှ ပြုပြင်ဖို့လိုသေးတယ်ဆိုတာ ကိုယ့်ကိုကိုယ်သုံးသပ်ကြပါ။ ကိုယ့်ကိုကိုယ် နှိမ့်ချခြင်းဆိုတာ ဟာ တိုးတတ်ခြင်းရဲ့ အစပါပဲ။ ကိုယ့်ကိုကိုယ် မနှိမ့်ချနိုင်တဲ့သူဟာ ဘယ်တော့မှ မတိုးတက်ပါဘူး။ ကိုယ်သိပ်ပြီး တော့တော်တယ်၊ တက်တယ်လို့ထင်တဲ့သူတွေဟာ ပိုပြီးတက်စရာအကြောင်းလည်း မရှိတော့ပါဘူး။ ပိုပြီးတက် စရာအကြောင်းမရှိတော့ ပိုပြီးတော်လာစရာအကြောင်းလည်း မရှိတော့ပါဘူး။ အနိစ္စသဘောတရားအရ ဘယ် သူမှ မတက်နေဘူး၊ မတော်လာဘူးဆိုရင် ပိုပြီးလျော့သွားဖို့ပဲ ရှိတော့တယ်။

ပွင့်ပွင့်လင်းလင်း သတ္တိရှိရှိ အကြံပြုနိုင်

တိုင်းပြည်အတွက်၊ ပြည်သူ့အတွက် အကြံပြုချက်တွေရှိရင်လည်း ပွင့်ပွင့်လင်းလင်းနဲ့၊ သတ္တိရှိရှိနဲ့ အ ကြံပြုနိုင်ပါတယ်။ အာလုံးလက်ခံနိုင်တယ်ပြောတာ မဟုက်ပါဘူး။ လက်ခံနိုင်ရင် လက်ခံမယ်။ လက်မခံနိုင်ရင် လက်မခံဘူး။ ဒါပေမယ့် ဒီလိုအကြံပြုချက်တွေမှာ နံပါတ် (၁) သင့်တော်ရဲ့လားဆိုတာ သေသေချာချာ စဉ်းစား ပါ။ စဉ်းစားပြီး တစ်ခြားသူတွေနဲ့လည်း တိုင်ပင်ပါ။ တစ်ခြားသူတွေနဲ့ တိုင်ပင်ပါဆိုတာ ဥပမာဆိုရင် စီးပွားရေးနဲ့ ပတ်သက်လို့ အကြံပြုချင်တယ်ဆိုရင် စီးပွားရေးကျွမ်းကျင်သူဆိုရင်လည်း နည်းနည်းတာဝန်ယူပြီးမှ ဒီလိုအကြံ ပြုချက်ပေးပါ။ စွတ်ပြီးတော့ ကိုယ်ခေါင်းထဲရှိတာ မရေးလိုက်ပါနဲ့။ အဲဒိလို မဆင်မခြင် ဘာမှမစဉ်းစားထားဘဲနဲ့ အလွယ်ရေးလိုက်တဲ့ အကြံပြုချက်တွေကို ဖတ်ရတာ အင်မတန်မှ အချိန်အလဟဿဖြစ်ပါတယ်။

အဲဒီတော့ အကြံပြုချက်ဆိုတာ ကိုယ်စားလှယ်တစ်ယောက်ရဲ့အဆင့်နဲ့ ကိုက်ညီတဲ့ အကြံပြုချက်ဖြစ်ပါ စေ။ အလုပ်လုပ်ရမယ်။ ဘာကိုမှလွယ်လွယ်နဲ့မရဘူး။ အခု ကျွန်မတို့ကိုယ်စားလှယ်ဟောင်းတွေက သိပ်မများ ဘူးပေါ့။ ၄၀ ကျော်ပဲ။ ၄၀ ကျော်ပေမယ့်လည်း ကိုယ်လက်လှမ်းမှီရာ အဲဒီကိုယ်စားလှယ်တွေနဲ့ စကားပြော ကြည့်တာ။ ဒါမှ လွှတ်တော်ထဲမှာ ဘယ်လိုလုပ်ရတယ်၊ ဘယ်လိုကြိုးစားရတယ်၊ ဘယ်လိုတင်းတင်းကျပ်ကျပ်နဲ့ ကျွန်မတို့ ကိုင်တွယ်ရတယ်ဆိုတာ သူတို့ပြောပါလိမ့်မယ်။

ပြည်သူနဲ့ တန်းတူညီတူမရုန်းနိုင်ရင် ကိုယ်စားလှယ်မဖြစ်သင့်

နောက်ပြီးတော့ အခုကတည်းက စောစောစီးစီး ပြောထားမယ်နော်။ ကိုယ်စားလှယ်တွေအားလုံးရဲ့ လစာကို ကျွန်မ ဖြတ်ပါမယ်။ ဒါဟာ အခုဆိုရင် ပြည်ထောင်စုကိုယ်စားလှယ်တွေဆိုရင် ၂ သိန်းခွဲပေးရပါတယ် တစ်လကို လစာထဲက။ ကျွန်မတို့ တွက်ထားပြီးပြီ။ ဒီလောက်မလိုဘူး။ မလိုတဲ့အခါကြတော့ ပိုတဲ့လခကို ဘယ် လောက်ဆိုရင် လုံလောက်မလဲဆိုတဲ့အခါကြတော့ ကျွန်မတို့တွက်တယ်။ ပြည်ထောင်စုကိုယ်စားလှယ်တိုင်း၊ ကိုယ်စားလှယ်တိုင်းက လခထဲကနေပြီးတော့ ၂ သိန်းခွဲပေးရတယ်။

တိုင်းတို့ ပြည်နယ်တို့ကလည်း လခနည်းရင် နည်းသလို ကျွန်မတို့ဖြတ်မယ်။ အားလုံး ကိုယ်စားလှယ် တိုင်းဟာ လခထဲကနေပြီတော့ သက်မှတ်ထားတဲ့အတိုင်းအတာကို အဖွဲ့ချုပ်ကို ပေးရမှာဖြစ်ပါတယ်။ နောက် ပြီးတော့ တစ်ချို့ကတော့ တာဝန်ထမ်းဆောင်ရတဲ့ ပုဂ္ဂိုလ်တွေရှိတယ်။ ဥပမာဆိုရင် ဝန်ကြီးနေရာတို့ စသဖြင့် ပေါ့နော်။ ဒီ တိုင်းရင်းသားကိုယ်စားလှယ်တို့ကို ပိုပြီးတော့ဖြတ်မယ်။ လစာမြင့်သွားတာနဲ့အမျှ ပိုပြီးတော့ ဖြတ် မှာဖြစ်ပါတယ်။ ဒီအတိုင်းပဲ အဆင့်ဆင့် ဖြစ်မှာပါ။ ဖြတ်တာဟာ အကြောင်းကြောင်းကြောင့် ကျွန်မတို့ ဖြတ်ရ မယ်။

နံပါတ် ၁ က ကျွန်မတို့နိုင်ငံဟာ ဆင်းရဲ့တယ်။ ပြည်သူတွေနဲ့တန်းတူ မရုန်းကန်နိုင်တဲ့သူ ကိုယ်စား လှယ်မဖြစ်သင့်ဘူး။ တစ်ချို့ကိုယ်စားလှယ်တွေက ကိုယ့်ရဲ့အခြေအနေတွေအရ ချမှတ်ပြီးသားပါ။ ကျွန်မက တော့ ပိုင်ဆိုင်မှုသိပ်မရှိဘူးဆိုပေမယ့်လည်း ကျွန်မကို အားလုံးက ဝိုင်းပြီးတော့ ကျွေးထား မွေးထားလို့ သိပ်ပြီး တော့ အကုန်အကျမရှိပါဘူး။ ဒီလိုပုဂ္ဂိုတွေလည်း ရှိပါတယ်။ အများစုကတော့ ကိုယ့်ဘာသာကိုယ် ရုန်းကန်ကြ ရပါတယ်။ ကျွန်မတို့ဟာ ပြည်သူလူထုနဲ့ တန်းတူညီတူရှိနေတာကို ရှက်စရာမဟုက်ပါဘူး။ ပြည်သူလူထုက ဆင်းရဲ့နေတဲ့ အထက်ကနေ ကျွန်မတို့ ကျော့ကျော့လေး ထိုင်နေနိုင်တယ်ဆိုရင် ဒါဟာ ကိုယ့်ဘာသာကိုယ်  သန့်သန့်ရှင်းရှင်းနဲ့ နေနိုင်တာကို ပြောတာမဟုက်ပါဘူး။ ကိုယ်စားလှယ်ဖြစ်လာလို့ အခွင့်အရေးတွေရပြီးတော့ ပြည်သူလူထုထက်ပိုပြီးတော့ အဆင့်အတန်းမြင့်မြင့်နေနိုင်တာဆိုရင်တော့ ကျွန်မတို့အနေနဲ့ ဘာမှဂုဏ်ယူစရာ ကိစ္စမဟုက်ပါဘူး။ 

ဒါကြောင့် ကျွန်မတို့ လခကို ဖြတ်ပါမယ်။ အဲဒါ ပထမ နံပါတ်တစ်။ ပြည်သူကို လေစားသော အားဖြင့် ပြည်သူလူထုနဲ့ တစ်သားတည်းရှိတယ်ဆိုတဲ့ စိတ်ဓာတ်ကို မွေးမြူသောအားဖြင့်ပါ။ ဒုတိယကတော့ ကျွန်မတို့အဖွဲ့ချုပ်ရဲ့ မူပါပဲ။ ကျွန်မတို့အဖွဲ့ချုပ်ကို ခိုင်ခိုင်မာမာထူထောင်ဖို့အတွက်။ ခိုင်ခိုင်မာမာထူထောင် တယ်ဆိုတာလည်း ပြည်သူ့အကျိုးကို ထမ်းဆောင်ဖို့ပါ။ ဥပမာဆိုရင် ကျွန်မတို့အဖွဲ့ချုပ်အတွင်းမှာ ခဏခဏ ဖြစ်တဲ့ ပြဿနာတစ်ခုရှိပါတယ်။ ရုံးပြဿနာပါ။ ကျွန်မတို့က ဆင်းရဲ့တဲ့အခါကြတော့ ရုံးဖွင့်ဖို့ကို အင်မတန်ကြိုး စားရပါတယ်။ အဲဒီတော့ ရုံးဖွင့်ခွင့်ပေးတဲ့ ပုဂ္ဂိုလ်များအိမ်မှာ ရုံးဖွင့်ဖို့ပဲ ရှိပါတယ်။ အဲဒီကနေ အခြေခံပြီးတော့ ပြ ဿနာတွေတက်ကြပါတယ်။ အိမ်ရှင်က ကိုယ့်အိမ်မှာ ဆိုင်းဘုတ်တပ်ထားတာကို အခွင့်အရေးယူပြီးတော့ မ လျော်သြဇာသုံးချင်တာ၊ အဖွဲ့ချုပ်အတွင်းမှာပေါ့နော်။ အဖွဲ့ချုပ်ရဲ့ လုပ်ငန်းတွေထဲမှာပေါ့။ အဲဒါမျိုးတွေ ဘာ တွေ ပပျောက်သွားအောင်လို့ ကျွန်မတို့အဖွဲ့ချုပ်ကို ခိုင်ခိုင်မာမာ စနစ်တကျထူထောင်ဖို့ ကျွန်မတို့ ဒါတွေလည်း ကြိုးစားရမှာဖြစ်ပါတယ်။ ဒါတွေဟာ ငွေရေးကြေးရေးနဲ့ ဆိုင်ပါတယ်။ ကျွန်မတို့အဖွဲ့ချုပ်က ကိုယ်စားလှယ်များ ရဲ့ ပိုင်ဆိုင်မှုတွေကိုလည်း တင်ပြထားတာတွေလည်း ရှိပါတယ်။ ဒါတွေကိုလည်း ကျွန်မတို့ ပြန်ပြီးတော့ စီစစ် မှာပါ။ တစ်ချိန်လုံး စီစစ်နေမှာပါ။ ကျွန်မတို့ကိုယ်စားလှယ်များကို စီစစ်ရေးအဖွဲ့ဆိုပြီးတော့ ဖွဲ့မှာပါ။

ပြည်သူ့ကျေးဇူးဆပ်ပါ

ကျွန်မတို့ အခု ပြည်သူလူထုဟာ ကျွန်မတို့ကို တာဝန်ယူမှုပေးအပ်တယ်လို့ ကြည့်ရင်လည်း ရတယ်။ တစ်ဖက်ကနေပြီးတော့ ကျွန်မတို့ကို အခွင့်အရေးကြီးတစ်ရပ် ပေးလိုက်တယ်လို့ ကြည့်ရင်လည်း ရတယ်။ ဒီနိုင် ငံကို ချမ်းသာအောင်လို့ ညီညွတ်အောင်လို့ တကယ့် ပြည်သူလူထုအားလုံးကနေပြီးတော့ ယုံကြည်တဲ့၊ အားကိုး တဲ့ ဒီမိုကရေစီဖက်ဒရယ်ပြည်ထောင်စုကြီးတစ်ခု ခိုင်ခိုင်မာမာပေါ်လာအောင်လို့ လုပ်ပိုင်ခွင့်တစ်ခု ပေးလိုက် တာပါ။ အဲဒီတာဝန်ဟာလည်း အခွင့်အရေးကြီးပါ။ ဒီအခွင့်အရေးကို လက်မလွှတ်ပါနဲ့။ ဒါဟာ သမိုင်းမှာ တစ်ခါ လောက်ပဲရမယ့် အခွင့်အရေးပါ။ ကျွန်မက ပြည်သူကို ပြောပါတယ်။ ရွေးကောက်ပွဲဟာ အင်မတန်အရေးကြီး တယ်။ နိုင်ငံတစ်နိုင်ငံရဲ့ သမိုင်းမှာ ဒီလိုအခြေအနေမျိုး ဖြစ်ပေါ်လာတယ်ဆိုတာ ရှားပါတယ်။ ဒါကြောင့်မို့လို့ ဒီ ဟာကို လက်မလွှတ်ပါနဲ့။ ကျွန်မတို့ အစိုးရဖွဲ့နိုင်ဖို့အတွက် မဲပေးပါလို့ ကျွန်မ ပွင့်ပွင့်လင်းလင်းပဲ ပြောတယ်။ ပြည်သူလူထုဝန်ကို ထမ်းချင်တယ်။ ပါချင်တယ်ဆိုတာ အစိုးရမဖွဲ့ပဲနဲ့ မရဘူး။ အစိုးရဖွဲ့နိုင်ဖို့ ကျွန်မတို့ အပြတ် အသက်နိုင်ဖို့ လိုပါတယ်။ ကိုယ့်ကိုယ်ပိုင်အတွက် မဟုက်ဘူး။ ကိုယ်ကနေကြွားဖို့အတက် မဟုက်ဘူး။ လက် တွေ့ကျကျ အစိုးရဖွဲ့နိုင်အောင်လို့ ကျွန်မတို့ ပြတ်ပြတ်သားသား နိုင်ဖို့လိုပါတယ်ဆိုတာ ကျွန်မတို့ရဲ့ မေတ္တာ ရပ်ခံချက်ကို တုံ့ပြန်ပြီးတော့ ကျွန်မတို့ ပြတ်ပြတ်သားသား အစိုးရဖွဲ့နိုင်တဲ့အဆင့်ရောက်ဖို့အတွက် မဲပေးလိုက် တာဖြစ်ပါတယ်။ အဲဒီတော့ ကျွန်မတို့အတွက် အမျိုးသားဒီမိုကရေစီအဖွဲ့ချုပ်က ပြည်သူကို ကျေးဇူးဆပ်စရာ ရှိ ပါတယ်။ ပြည်သူ့ကျေးဇူးနဲ့ ကျွန်မတို့ အရွေးချယ်ခံရတာပါ။ ဒီကျေးဇူးတွေ ဆပ်ဖို့ကို ဒီနေ့ကနေစပြီးတော့ ကိုယ် စားလှယ်များက လုပ်ကြပါတော့လို့ ကျွန်မအနေနဲ့ တိုက်တွန်းချင်ပါတယ်။

အချိန်လေးစားကြပါ

စနစ်တကျနေထိုင်မှုဆိုတာ အလေ့အထတစ်ခုလိုဖြစ်ပါစေ။ နောက်ပြီးတော့ အချိန်လေးစားရမယ်နော်။ ကျွန်မတို့ကိုယ်စားလှယ်တွေ အချိန်မလေးစားတာ ကျွန်မလုံးဝမကြိုက်ဘူး။ အချိန်ကို လေးစားပါ။ တိတိကျကျ အစီအစဉ်တွေအရ လုပ်ပါ။ ပြည်သူကို လေးစားပါ။ အချိန်လေးစားတယ်ဆိုတာ တစ်ခြားသူတွေကို လေးစား တာပါပဲ။ တစ်ခြားသူတွေ ဘယ်လောက်စောင့်စောင့် စောင့်ရပါစေဆိုတာ တစ်ခြားသူတွေကို မလေးစားရာ ရောက်ပါတယ်။

ကျွန်မတို့ ဘဘဦးတင်ဦးတို့ဆိုတာကတော့ ကိုယ်စားလှယ်တွေ လေးစားရမှာပဲ။ ကျွန်မတို့လာမှ အခမ်း  အနားစရမှာကိုး။ ဒီတော့ စောင့်ပါစေ၊ ငါတို့ သွားချင်တဲ့အချိန်သွားမယ်ဆိုရင် ဒါဟာ ဒီကိုယ်စားလှယ်တွေကို မလေးစားရာရောက်မှာပေါ့။ ဒီတော့ အချိန်တိကျမှုဟာ အင်မတန်မှ အရေးကြီးပါတယ်။ တစ်ခြားသူတွေကို လေးစားသောအားဖြင့် အချိန်တိကျရမယ်။ အချိန်တွေ အလဟဿဖြစ်မသွားအောင်လည်း အချိန်တိကျရမယ်။ အချိန်တိတိကျကျ ဒီအချိန်မှာ ဒါလုပ်မယ်၊ ဒီအချိန်မှာ ဒါလုပ်မယ်ဆုိတာ သိထားတော့ အချိန်တွေ အလဟဿ မဖြစ်ဘူးပေါ့။ ဘယ်အချိန်ထိ စောင့်ရမှန်း၊ ဘယ်တော့ စရမှန်းမသိ၊ ဘယ်တော့ဆုံးရမှန်း မသိဘူးဆိုရင် တစ် ခြားဟာတွေလည်း စီစဉ်လို့မရဘူး။ ဒါကြောင့် အချိန်ကို လေးစားကြပါ။ စည်းကမ်းရှိကြပါ။ စည်းကမ်းလိုက်နာ ကြပါ။

ကိုယ့်အဖွဲ့ချုပ်ရဲ့ မူဝါဒတွေ မသိရင် ရှက်ဖို့ကောင်းတယ်

ကျွန်မထပ်ပြီးတော့ သတိပေးမယ်နော်။ ကျွန်မတို့ ကိုယ်းစားလှယ်တွေအတွက် အစည်းအဝေးတွေ ၊ သင်တန်းတွေ စီစဉ်တဲ့အခါမှာ ဖွဲ့စည်းပုံအခြေခံဥပဒေနဲ့ ပတ်သက်လို့ ကျွန်မတို့ ဆောင်ရွက်ချက်နဲ့၊ အဖွဲ့ချုပ်ရဲ့ သမိုင်းနဲ့ မူဝါဒသဘောတရားတွေ ၊ မူဝါဒတွေနဲ့ ပတ်သက်လို့ ကျွန်မတို့ စာမေးပွဲစစ်မယ်။ ရွေးပြီးတော့ ဖြေရမှာ ပါ။ အဲဒီဟာတွေမှာ စာမေးပွဲကျတဲ့လူတွေတော့ နောက်တစ်ခါ ပြန်ဖြေရမှာပေါ့။ ဒါပေမယ့် အဲဒီလိုဆိုရင်တော့ အင်မတန် ရှက်စရာကောင်းမှာပါ။ ကိုယ်စားလှယ်တစ်ယောက်၊ အဖွဲ့ချုပ်ရဲ့ ကိုယ်စားလှယ်တစ်ယောက်ဖြစ်ပြီး တော့ ၊ ဝင်အရွေးခံခဲ့ပြီးတော့ ဖွဲ့စည်းပုံအခြခံဥပဒေလည်း ဘာမှန်းမသိ၊ ကိုယ့်အဖွဲ့ချုပ်ရဲ့ စည်းမျဉ်းစည်းကမ်း တွေလည်း ဘာမှန်းမသိဆိုရင် ဒါဟာ အင်မတန် ရှက်စရာကောင်းမှာပါ။ ကျွန်မတို့ဟာ အစကတည်းက ဒီနိုင်ငံ မှာ နိုင်ငံရေးပါတီများဟာ ထိထိမိမိ လွတ်လွတ်လပ်လပ် လှုပ်ရှားပိုင်ခွင့် မရှိခဲ့လို့ နိုင်ငံရေးပါတီဝင်များ အား နည်းတယ်ဆိုတာ ကျွန်မတို့ လက်ခံပါတယ်။ ဒါပေမယ့် ဒီဟာတွေကို ကျွန်မတို့က ဒီလိုပဲ ထိုင်နေလို့ မရဘူး။ အဲ ဒီတော့ ကိုယ်စားလှယ်များဟာ အိမ်ပြန်ရင် စပြီး စာကျက်ပါ။ သင်တန်းတွေကို အမြန်ဆုံးစမှာပါ။ တိုင်းရင်းသား ကိုယ်စားလှယ်တွေကတော့ မကြာခင်စမှာမို့လို့ စပြီးတော့ စာကျက်ကြပါ။ စာကျက်ပြီးတော့ ဖြေတဲ့အခါမှာ မှန် မှန်ကန်ကန်ဖြေနိုင်ဖို့။

မေးခွန်းမေးတတ်အောင် လုပ်

နောက်တစ်ခုရှိတယ်။ မေးခွန်းတွေလည်း မေးတတ်အောင်လို့ နည်းနည်းလေ့ကျင့်ကြပါ။ ကျွန်မတို့ မေး ခွန်းမေးတတ်တယ်ဆိုတာ နံပါတ်တစ်ကတော့ ကိုယ်ဘာမေးချင်လဲဆိုတာ ရှင်းရှင်းလင်းလင်းသိရမယ်။ မရှင်း လင်းရင် နောက်တစ်ယောက်နဲ့ ဆွေးနွေး။ ငါတော့ ဒါမေးချင်တယ်ဆိုတာ ရှင်းပြ။ ကိုယ်က နားမလည်းဘူးဆို ရင် ကိုယ်တစ်ခုခုတော့ မဟုက်ဘူး။ အဲဒီတော့ ကိုယ်ဘာမေးချင်လဲဆိုတာ ကိုယ်သိရမယ်။ မေးတဲ့အခါမှာ တိတိကျကျ ထိထိမိမိ မေးနိုင်ရမယ်။ တစ်ခါတစ်လေ ကျွန်မ အစည်းအဝေးတွေ လုပ်တဲ့အခါမှာ မေးစရာရှိတာ ကို မေးကြဆိုရင် မေးကြတယ်။ ပထမ တစ်ယောက်နှစ်ယောက်က မေးထားတဲ့ဟာကို နောက်ကလူတွေက ပြန်မေးကြတယ်။ အဲဒီဟာဘာလဲဆိုတော့ အာရုံစူးစိုက်မှုပဲ။ အစကတည်းက နားထောင်နေရင် ထပ်ပြီးမေးစရာ အကြောင်းမရှိဘူး။ 

လွှတ်တော်တွင်မှာလည်း သတိထားကြပါ။ လွှတ်တော်ထဲမှာဆိုရင် ကျွန်မက ကျွန်မတို့ ကိုယ်စားလှယ်တွေနဲ့ပတ်သက်လို့ ကျွန်မက တင်းတင်းကျပ်ကျပ် ကိုင်တွယ်ပါတယ်။ ခြောက်မိနစ်ပေးထားရင် ခြောက်မိနစ်ထပ်ကျော်တဲ့ ကိုယ်စားလှယ်ဆိုရင် ကျွန်မ ချက်ချင်းခေါ်ပြီးတော့ ပြောတော့တာပဲ။ ပေးထားတဲ့ အချန်အတွင်းမှာ ပြီးအောင်ပြောနိုင်ရမယ်။ တစ်ချို့ကိုယ်စားလှယ်တွေ ကျွန်မ နားထောင်နေတယ်။ ခြောင်မိနစ် အတွင်း မပြီးသေးဘူး။ ဘယ်ပြီးမလဲ နိဒါန်းပျိုးနေတာ လေးမိနစ်ဆိုတော့ ဘယ်လိုလုပ်ပြီးမလဲ။ နိဒါန်းပျိုးစရာ လည်း မလိုဘူး။ အဲဒီတော့ အဓိကနဲ့ သာမည ခွဲခြားတက်ဖို့ပဲ။ ကျွန်မတို့ဟာ အဓိကနဲ့ သာမညကို ခွဲခြားတက်ရ မယ်။ အဲဒီလို ခွဲခြားတက်ပြီးတော့ အလုပ်လုပ်နိုင်အောင်လို့ သင်ကြပါ။ ကျွန်မတို့ သင်တန်းတွေထဲမှာ ကိုယ်စား လှယ်များရဲ့ တာဝန်များ ၊ ကိုယ်စားလှယ်များက ဘယ်လို ကိုယ့်တာဝန်ကျေအောင် လုပ်ရမလဲဆိုတာတွေ၊ ဒါ တွေကိုလည်း ကျွန်မတို့ ပညာပေးသွားမှာပါ။ ဘယ်လိုပဲ ကျွန်မတို့က ပညာပေးပေး ကာယကံရှင်တွေက ကိုယ် တိုင်ကြိုးစားမှ၊ လေ့ကျင့်မှ ဖြစ်မြောက်မှာ ဖြစ်ပါတယ်။

ရဲဘော်ရဲဘက် ဆက်ဆံရေးက ပိုပြီး ခိုင်မာတယ်

အဲဒီတော့ ကျွန်မတို့ ကိုယ်စားလှယ်များအားလုံးကို ဒီတစ်ခါပဲတွေ့ရတယ်ဆိုတော့ မျက်နှာတွေ နာ မည်တွေအားလုံးကို ကျွန်မ မှတ်မိမှာမဟုက်ဘူး။ ကျွန်မနဲ့ တစ်ခါတစ်လေ တွေ့တဲ့အခါကြရင် ကျွန်တော် ဘယ် သူပါ ၊ ကျွန်မ ဘယ်သူပါဆိုတာ သတိပေးပါ။ အမှန်ပြောရရင် တစ်ချို့မျက်နှာတွေ ကျွန်မ မြင်ကိုမမြင်ရဘူး။ အ နောက်ကအလင်းရောင်ကြောင့် မဲမဲပဲမြင်ရတယ်။ မဲမဲပဲမြင်ရတော့ ထပြီး နာမည်သာပြောလိုက်တယ်၊ မျက်နှာ ဘယ်လိုလဲဆိုတာ ကျွန်မမမြင်ရဘူး။ ကျွန်မတို့အနေနဲ့ မမှတ်မိရင် အလေးမထားလို့ မဟုက်ပါဘူး။ ကိုယ်စား လှယ်တွေက အရမ်းများလို့လည်း ဖြစ်တယ်။ နောက်ပြီးတော့ မျက်နှာတွေကို ကောင်းကောင်းမမြင်ရလို့လဲ ဖြစ် ပါတယ်။ တစ်ယောက်နဲ့တစ်ယောက်လည်း ဒီနေ့ ဒီလိုအခမ်းအနားကို အခွင့်ကောင်းယူပြီးတော့ မိတ်ဆက်၊  မိတ်ဆွေကောင်းဖြစ်အောင်လို့ ဖန်တီးကြပါ။ ကျွန်မ ခဏခဏ ပြောပါတယ်။

ကျွန်မတို့ နိုင်ငံရေးလုပ်ခဲ့ရတဲ့ အဖွဲ့အစည်းထဲက ရဲဘော်ရဲဘက်တွေဟာ မိသားစုရင်းခြာတွေထက် ပို ပြီးတော့ အရေးပါတယ်။ တစ်ချို့ဆိုရင် တစ်ကယ်ဒုက္ခရောက်သွားတဲ့အခါ ရဲဘော်ရဲဘက်တွေကပဲ ဝန်းရံတယ်။ မိသားစုရင်းခြာတွေက ပစ်သွားတဲ့လူတွေ ရှိပါတယ်။ ပစ်သွားတော့ သူတို့ ယုံကြည်မှုခြင်း တူတာပေါ့နော်။ တစ် ကယ့်ကို ခိုင်မာတဲ့ ယုံကြည်မှုခြင်းတူတဲ့ ရဲဘော်ရဲဘက်တွေ ကြားထဲမှာရှိတဲ့ ဆက်ဆံရေးမျိုးဆိုတာ သွေးရင် သားရင်တွေမှာရှိတဲ့ ဆက်ဆံရေးထက် အများကြီး ပိုပြီးတော့ ခိုင်မာပါတယ်။ သစ္စာတရားဟာ အင်မတန်မှ အ ရေးကြီးပါတယ်။

ဒီလှိုင်းကို ကြိုးကြိုးစားစားဖတ်

ကျွန်မတို့အဖွဲ့က ကိုယ်စားလှယ်တွေကို တင်းတင်းကျပ်ကျပ် ကျွန်မတို့ ကိုင်တွယ်မယ်။ စည်းမျဉ်းစည်း ကမ်းအရ အရေးယူစရာရှိရင် ယူမယ်လို့ ပြောတဲ့အခါမှာ စည်းမျဉ်းစည်းကမ်း ဥပဒေအရလို့ ကျွန်မ ပြောချင်ပါ တယ်။ ကိုယ်ရေးကိုယ်တာ ပုဂ္ဂိုလ်ရေးအရဆိုရင် ကျွန်မတို့ဟာ တစ်ယောက်နဲ့တစ်ယောက် လက်တွဲခေါ်ယူရ မယ့် လူတွေပါ။ ချော်လဲရင် ထူပေးရမယ်။ ထူပေးပြီးတဲ့အခါမှာ ဆက်ပြီးတော့ တစ်ယောက်တည်းလျှောက်ဖို့  ခက်ခဲနေရင် လက်တွဲပေးရမယ်။ ဝန်းရံပေးရမယ်။ ဒါ ကျွန်တို့ နှစ်ပေါင်းသုံးဆယ်ကျော်လုပ်ခဲ့တဲ့ ကိစ္စဖြစ်ရမယ်။ လူသစ်တွေက မသိပါဘူး။ အခုကာလမှ အဖွဲ့ချုပ်ထဲကို ဝင်တဲ့သူတွေက ကျွန်မတို့ ဘယ်လိုရုန်းကန်ခဲ့ရတယ် ဆိုတာ သိကြမှာ မဟုက်ပါဘူး။ ဘယ်လို ကျွန်မတို့အချင်းချင်း တစ်ယောက်နဲ့တစ်ယောက် ဖေးမပြီးတော့ ရှင် သန်အောင်လို့ လုပ်ခဲ့တယ်ဆိုတာ ဟိုး ၈၈ ကတည်းက ပါလာတဲ့ ကျွန်မတို့ အဖွဲ့ချုပ်ဝင်တွေ သိကြပါတယ်။ အဲဒီ အဖွဲ့ချုပ်ဝင်တွေနဲ့ စကားပြောပါ ၊ တိုင်ပင်ပါ ၊ မေးပါ။ အဖွဲ့ချုပ်ရဲ့ သမိုင်းကို လေ့လာပါ။ စိတ်ဝင်စားကြပါ။ ဒီလှိုင်းကို မှန်မှန်ဖတ်တဲ့လူတွေဆိုရင် အဲဒီဟာဖတ်ခြင်းအားဖြင့် အဖွဲ့ချုပ်ရဲ့ သမိုင်းကိုတော့ တော်တော်သိနေ ကြမှာ ဖြစ်ပါတယ်။ ဒါမေမယ့် ဒီလှိုင်းကို ဘယ်သူမှန်မှန်ဖတ်လဲလို့ ကျွန်မ လက်ညှိုးမထောင်ခိုင်းပါဘူး။ ဘာလို့ လဲဆိုတော့ တော်တော်များများ အရှက်ရသွားမှာ စုိုးလို့ပါ။ အခုကနေစပြီးတော့ ကြိုးစားပြီးတော့ ဖတ်ကြပါ။ သိဖို့လိုတာတွေ သိအောင်လုပ်ဖို့ဆိုတာ တစ်ဦးချင်း တစ်ဦးချင်းမှာ တာဝန်ရှိပါတယ်။

မိသားစုဝင်အချင်းချင်း ကူညီသလို ကူညီမယ်

ကျွန်မတို့က ပြင်းပြင်းထန်ထန် ကိုင်တွယ်မယ်ဆိုလို့ စိတ်ဓာက်မကျပါနဲ့။ ဒါဟာ ကိုယ် သတ္တိရှိရှိနဲ့ ရင် ဆိုင်ရမှာပါ။ ဒါ ငါတို့အရည်အချင်း တက်ဖို့အတွက်ဖြစ်တယ်ဆိုပြီးတော့ ရင်ဆိုင်ပါ။ ဒုက္ခရှိရင်၊ ပြဿနာရှိရင်၊ ကိုယ်ရေးကိုယ်တာ ပြဿနာရှိရင် တိုင်ပင်နိုင်ပါတယ်။ ကျွန်မတို့ကို တိုင်ပင်နိုင်တယ်။ အကူအညီ တောင်းနိုင် ပါတယ်။ ဒါပေမယ့် မဟုက်တာတွေ လျှောက်မလုပ်ပါနဲ့။

မဟုက်တာတွေ လျှောက်လုပ်ရင် ကျွန်မတို့ ကူညီရ ခက်ပါလိမ့်မယ်။ ဥပမာဆိုရင် အများဆုံးဖြစ်တက် တဲ့ကိစ္စ ငွေရေး ကြေးရေးပေါ့။ ကိုယ်စားလှယ်တွေ အကြောင်းကြောင်းကြောင့် ငွေရေးကြေးရေးပြဿနာတွေ သိပ်ပြီးတော့ရှိနေပြီဆိုရင် ကျွန်မတို့ကို တိုင်ပင်လို့ရပါတယ်။ ကျွန်မတို့အနေနဲ့ တက်နိုင်သလောက် ကူညီမှာပါ။ ဥပဒေဘောင်အတွင်းက တက်နိုင်သလောက် ကူညီမယ်။ နောက်တော့မှ ကိုယ့်ဘာသာကိုယ် အကြံအဖန်နဲ့  လုပ်လိုက်ပြီးမှ အမှားအယွင်းတွေ ဖြစ်သွားပြီးမှ လာပြီးကူညီပါလို့ ပြောလို့မရဘူး။ အမှားအယွင်းတွေမှာ ဥပဒေ နဲ့ ငြိပြီဆိုရင် ဥပဒေအရ ကျွန်မတို့ အရေးယူမှာပဲ။ အဲဒီတော့ အဲဒါ သတိပေးပါရစေ။ အကူအညီ တောင်းပိုင်း ခွင့်ရှိပါတယ်။ ကျွန်မတို့လူကြီးတွေကို တစ်ခြားသူတွေမသိအောင်လို့ တိုးတိုးတိတ်တိတ် ဖိဖိစီးစီးနဲ့ အကူအညီ တောင်းလို့ရပါတယ်။ တက်နိုင်သလောက် ကျွန်မတို့ ကူညီပါမယ်။ အဲဒါကြောင့်မို့လို့ ကိုယ်က တစ်ယောက်ထဲ လို့ မထင်ပါနဲ့။ အဖွဲ့ချုပ်ကိုယ်စားလှယ်ဖြစ်လာရင် တစ်ယောက်တည်းတော့ မဟုက်တော့ဘူး။ အဖွဲ့ချုပ်ရဲ့ မိ သားစုဝင် ဖြစ်လာပြီ။ မိသားစုဝင်အချင်းချင်း ကူညီသလို ကျွန်မတို့ကူညီမယ်။ ဒါပေမယ့် အမှားကိုတော့ အမှန် မလုပ်ပေးနိုင်ပါဘူး။ မှားရင်တော့ မှားတဲ့အတိုင်း ယုတ်စွအဆုံး ကျွန်မပြောမယ်။ ကျွန်မတို့ အဖွဲ့ချုပ်က ကိုယ် စားလှယ်များဟာ တစ်ခုခု အမှားအယွင်းရှိသွားလို့ တရားဥပဒေအရ အရေးယူခံရမယ်ဆိုရင် ကျွန်မတို့ ဘက် လိုက်မှာ မဟုက်ပါဘူး။ ဒါပေမယ့် ဘက်မလိုက်လို့ အမှားအယွင်းကြောင့်မို့လို့ ဒီကိုယ်စားလှယ်ဟာ အကျဉ်းကျ သွားရင် ထောင်ဝင်စာ မှန်မှန်တွေ့ဖို့ လူလွှတ်ပေးပါ့မယ်။ အဲဒီတော့ ပစ်ထားမှာတော့ မဟုက်ပါဘူး။ ကျွန်မတို့ တရာဥပဒေစိုးမိုးရေးအရတော့ လုပ်သွားမယ်။ ဒါပေမယ့် ကိုယ့်ရဲဘော်ရဲဘက်စိတ်အရတော့ ကျွန်မတို့ဟာ ဝန်း ရံပြီးတော့ ဖေးမသွားမယ်ဆိုတာကိုတော့ ကျွန်မပြောရင်းနဲ့ နိဂုံးချုပ်ပါတယ်။ ကျေးဇူးတင်ပါတယ်။

(ဒီလှိုင်းဂျာနယ် မှ ကူးယူဖော်ပြပါတယ်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မိန့်ခွန်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …


MoeMaKa Monthly December 2016 ထွက်ပြန်ဘီ တဲ့..

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်းကို မြန်မာပြည်အနှံ့ အိမ်အရောက် ပို့ဆောင်ပေးနေပါတယ်

By

မိုးမခမဂ္ဂဇင်းကို မြန်မာပြည်အနှံ့  အိမ်အရောက် ပို့ဆောင်ပေးနေပါတယ် (မိုးမခ) ဇန်နဝါရီ ၆၊ ၂၀၁၇ ၂၀၁၆...

Read more »

မိုးမခ နိုဝင်ဘာကို အိမ်အရောက် မှာယူပါ

By

” ကဗျာဖတ်ချင်ရင် မိုးမခမှာဖတ်ပါ စာဖတ်ချင်ရင် မိုးမခမှာဖတ်ပါ တရွေ့ရွေ့နဲ့ ရှေ့တန်းရောက်လာတဲ့ မဂ္ဂဇင်း .....

Read more »

မိုးမခမဂ္ဂဇင်း အောက်တိုဘာကို အိမ်အရောက် မှာယူပါ

By

 မိုးမခမဂ္ဂဇင်း အောက်တိုဘာကို အိမ်အရောက် မှာယူပါ  (မိုးမခ) အောက်တိုဘာ ၁၃၊ ၂၀၁၆ “အ...

Read more »

စက်တင်ဘာ လမကုန်ခင်မှာ မိုးမခမဂ္ဂဇင်း (စက်တင်ဘာ) မှာယူနိုင်ပါပြီ

By

  စက်တင်ဘာ လမကုန်ခင်မှာ မိုးမခမဂ္ဂဇင်း (စက်တင်ဘာ) မှာယူနိုင်ပါပြီ (မိုးမခ) စက်တင်ဘာ ၂၅၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မင်းကောင်းချစ် မာမာအေး မိုးသွင် လင်းခါး လင်းသက်ငြိမ် သင်းလဲ့ဝင်း (Myanmar Now) သွန်းခ အင်တာဗျူး အရှင်ကုသလသာမိ (အတည်မဲ့) အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ကျောက်ကျောက် ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) လောကပါလ သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်