အေးငြိမ်း(လေးမျက်နှာ) – မြန်မာ့ပြုပြင်ပြောင်းလဲရေးတွင် ပြည်ပရောက်မြန်မာတတ်သိတို့ ရွက်ဆောင်ရန် စည်းဝေးကြခြင်း

December 9, 2015

 

(လေးမျက်နှာ) – မြန်မာ့ပြုပြင်ပြောင်းလဲရေးတွင် ပြည်ပရောက်မြန်မာတတ်သိတို့ ရွက်ဆောင်ရန် စည်းဝေးကြခြင်း

(မိုးမခ) ဒီဇင်ဘာ ၉၊ ၂၀၁၅

(၁)

ယခုအခါ မြန်မာနိုင်ငံသားတို့သည် မိမိတို့အလိုရှိသော အစိုးရကို ရွေးချယ်ပေးခဲ့ပြီဖြစ်၏။ မဝေးကွာလှသော ကာလ တွင် ထိုအစိုးရ ဖြစ်ထွန်းပေါ်ပေါက်လာပြီး နိုင်ငံနှင့် ပြည်သူ့အကျိုးကို စွမ်းစွမ်းတမံ ထမ်းဆောင်တော့မည်ဖြစ်ပေသည်။ အစိုးရ တစ်ရပ်ထူထောင်ခါစတွင် အလွန်အလုပ်ရှုပ်မည်မှာ ယုံမှားသံသယရှိစရာမလို။ ချမှတ်ရမည့် ပေါ်လစီများ၊ ရှေ့ဆက်လုပ်ရမည့် လုပ်ငန်းအစီအစဉ်များနှင့် အလုပ်များနေပါလိမ့်မည်။

နိုင်ငံတော် ပြန်လည်တည်ဆောက်ရေးတွင် မြန်မာပြည်သူ ပြည်သားအပေါင်းတို့သည် မိမိတို့စွမ်းနိုင်သမျှ ၀ိုင်းဝန်း ကြိုးပမ်းကြရမည် ဖြစ်၏။ ဤသို့ကြိုးပမ်းကြရာတွင် မြန်မာပြည်တွင်းမှ အဖွဲ့များသာမက ပြည်ပရောက် မြန်မာများကလည်း တစ်ဦးချင်းသော် လည်းကောင်း၊ အစုအဖွဲ့လိုက်သော် လည်းကောင်း ဘက်စုံထောင့်စုံမှ ကိုယ်အား၊ ဉာဏ်အားနှင့် ပံ့ပိုးပေး ကြရန်လို၏။

ပြည်ပရောက်မြန်မာများအနေနှင့် နိုင်ငံတကာအသိုင်းအ၀န်း၊ ခေတ်မီနည်းပညာ၊ အတတ်ပညာများနှင့် နေ့စဉ်ထိတွေ့ လုပ်ကိုင်နေကြသည်ဖြစ်ရာ မိမိ မိသားစုအတွက် ၀င်ငွေရှာရင်းမှ တစ်ဖက်တွင်လည်း အလုပ်လုပ်ရင်း ခေတ်မီနည်းပညာများ ကိုလေ့လာသင်ယူပြီး ဖြစ်နေတော့သည်။ ထို့ကြောင့် ပြည်ပရောက်မြန်မာများမှာ မြန်မာနိုင်ငံပြန်လည် ထူထောင်ရေးတွင် ကောင်းစွာအသုံးချနိုင်မည့် အလွန်တန်ဘိုးကြီးမားသည့် လူအရင်းအမြစ်ကြီးပင် ဖြစ်တော့၏။

ပွင့်လင်းလာသော နိုင်ငံရေးအခြေအနေအရ နိုင်ငံခြားကုမ္ပဏီများ မြန်မာနိုင်ငံအတွင်း လာရောက် ရင်းနှီးမြှုပ်နှံမှုများ မှာ တစ်နေ့တခြား ပိုမိုများပြားလာလျက်ရှိ၏။ အကယ်၍သာ မြန်မာနိုင်ငံသား လုပ်သားများသည် အခြားနိုင်ငံသားများထက် စွမ်းရည်နိမ့်ကျနေလျှင် နိုင်ငံခြားကုမ္ပဏီများ၏ ခွဲခြားဆက်ဆံခြင်း၊ လုပ်ခနှိမ်ခြင်း၊ မြန်မာနိုင်ငံသား အလုပ်သမားများကို အလုပ်မခန့်လိုခြင်း စသည်တို့ ပေါ်ပေါက်လာနိုင်ပေရာ မြန်မာနိုင်ငံသား လုပ်သားများအဖို့ ကြီးစွာသော စိန်ခေါ်မှု တစ်ရပ်ဖြစ်နေပါသည်။

ယခင်ကာလများက မြန်မာနိုင်ငံအတွင်း လာရောက်လုပ်ကိုင်နေသော တရုတ်၊ ဗီယက်နမ်စသည့် ကုမ္ပဏီများတွင် မြန်မာလုပ်သမားများအား ခန့်ထားမှုမှာ မရှိသလောက် ဖြစ်ခဲ့၏။ (ဥပမာ – ရွှေဓာတ်ငွေ့ပိုက်လိုင်း စီမံကိန်း) ထို့ပြင် လက်ရှိတွင် လည်း ကမ်းလွန်ရေနံလုပ်ကွက်များရှိ PTTEPI, DAEWOO, TOTAL, PETRONAS, PETRO VIETNAM စသည့် လုပ်ငန်းကြီး များတွင်လည်း မြန်မာလုပ်သားများအား မခန့်ထားပဲ အခြားနိုင်ငံသားများအားသာ ခန့်ထားခဲ့ကြ၏။  ထို့ကြောင့်ပင် မြန်မာနိုင်ငံ အနေနှင့် ပြင်ပမှဝင်ရောက်လာမည့် စီးပွားရေးကုမ္ပဏီကြီးများသည် မိမိတို့၏ ချို့ယွင်းချက်အားနည်းချက်များကို အခွင့်ကောင်း ယူကာ ၎င်းတို့ ထင်ရာမစိုင်းနိုင်ရေးအတွက် အရေးတကြီး ပြင်ဆင်ရမည့်အချိန်သို့ရောက်နေပြီ ဖြစ်ပါသည်။

ဤသို့ပြင်ဆင်ရာတွင် အရေးကြီးဆုံးမှာ တိကျခိုင်မာသည့် မြန်မာပြည်အကျိုးစီးပွား၊ မြန်မာနိုင်ငံသားများ၏ အကျိုး စီးပွားကို ကာကွယ်ပေးနိုင်မည့် ဥပဒေ၊ နည်းဥပဒေ၊ လုပ်ထုံးလုပ်နည်း အစရှိသည်တို့ ရေးဆွဲပြဌာန်းနိုင်ရေးဖြစ်၏။ ဥပဒေ၊ နည်းဥပဒေနှင့် လုပ်ထုံးလုပ်နည်း အတော်များများကို ရေးဆွဲပြီးဖြစ်သည့်တိုင် အရေးကြီးသော ဥပဒေများ အတော် ကျန်ပါသေးသည်။

ဥပမာ – မြန်မာနိုင်ငံအတွင်း လာရောက်လုပ်ကိုင်နေသော နိုင်ငံခြားသား အလုပ်သမားများသည် မည်သည့် pass ကို ကိုင်ဆောင်ကာ နေထိုင်လုပ်ကိုင်နေကြပါသနည်း။ ၎င်းတို့အား မည်သည့်ဗီဇာများ ထုတ်ပေးထားပါသနည်း။ နိုင်ငံခြားသားအလုပ်သမားများ အလုပ်ခန့်ထားခြင်းနှင့် ပတ်သက်၍ မည်ကဲ့သို့သော ဥပဒေ၊ နည်းဥပဒေများ ရေးဆွဲ ထားပါသနည်း။ ဥပဒေ၊ နည်းဥပဒေများရေးဆွဲရာတွင် သက်ဆိုင်ရာလုပ်ငန်းအလိုက် တတ်မြောက်၊ ကျွမ်းကျင်နားလည်သည့် ပညာရှင်များပါဝင်ရန် သို့မဟုတ် ၎င်းတို့၏အကြံဉာဏ်များ ရယူရန်လည်း လိုပါသည်။

အကြောင်းကြောင်းကြောင့် နိုင်ငံရပ်ခြားရောက်ရှိ နေထိုင်လုပ်ကိုင်သူများတွင် ဖွံ့ဖြိုးတိုးတက်သောနိုင်ငံများ၌ ကျင့်သုံးနေသည့် ဥပဒေ၊ နည်းဥပဒေ၊ လုပ်ထုံးလုပ်နည်းများနှင့် ကျွမ်းဝင်သူ၊ နားလည်တတ်ကျွမ်းသူ အများအပြားရှိပါသည်။ မြန်မာနိုင်ငံ၌ ဥပဒေများရေးဆွဲရာတွင် ထို ဖွံ့ဖြိုးပြီးနိုင်ငံကြီးများ၏ လုပ်ထုံးလုပ်နည်းများကို နမူနာယူ၊ မှီငြမ်းအသုံးချနိုင် ပါသည်။ ထို့ကြောင့် မြန်မာနိုင်ငံအစိုးရအနေနှင့် ထိုနိုင်ငံခြားရောက်ပညာရှင်များကိုသာ ဥပဒေ၊ နည်းဥပဒေများ၊ လုပ်ထုံး လုပ်နည်းများရေးဆွဲရာတွင် လိမ္မာပါးနပ်စွာ အသုံးချတတ်မည်ဆိုပါက ပိုမိုကောင်းမွန်သော ဥပဒေ၊ နည်းဥပဒေ၊ လုပ်ထုံး လုပ်နည်းများရရှိမည်မှာ မုချအမှန်ဖြစ်၏။

(၂)

စင်ကာပူတွင် လုပ်ငန်းအမျိုးမျိုး၌ တစ်သိန်းကျော်ခန့်သော မြန်မာနိုင်ငံသားများသည် အထွေထွေလုပ်သား၊ ကြီးကြပ်ရေးမှူး၊ အင်ဂျင်နီယာ၊ ကျူစီ၊ မန်နေဂျာ စသည်ဖြင့် အဆင့်အမျိုးမျိုးတွင် ပါဝင်လုပ်ကိုင်နေကြ၏။ စင်ကာပူနိုင်ငံ၌ ဆယ်စုနှစ်တစ်ခုကျော်မျှ လုပ်ကိုင်နေသည့် လုပ်သက်ရင့်အင်ဂျင်နီယာ၊ မန်နေဂျာများလည်း မနည်းလှပေ။ ဤအဆင့် ရောက်လာရန် ၎င်းတို့သည် ကျောင်းများစွာ၊ သင်တန်းများစွာတက်လျှက် စင်ကာပူနိုင်ငံသားများနှင့်အပြိုင် အရည်အသွေး ပြည့်ဝလာစေရန် မိမိတို့ဘာသာမိမိတို့ ကိုယ့်စားရိတ်နှင့်ကိုယ် သင်ယူလေ့လာခဲ့ကြ၏။

လုပ်ငန်းလိုအပ်ချက်အရ အရာရှိပိုင်းမျှသာမကဘဲ ကြီးကြပ်ရေးမှူးနှင့် လုပ်သားများသည်လည်း ခေတ်မီ နည်းပညာ များနှင့် မစိမ်းသူ၊ ခေတ်မီစက်ကိရိယာများနှင့် အကျွမ်းဝင်ကြသူများ ဖြစ်ကြ၏။ ၎င်းတို့ကား FDI (Foreign Direct Investment) နိုင်ငံခြားတိုက်ရိုက်ရင်းနှီးမြှုပ်နှံမှု ကုမ္ပဏီကြီးများဝင်လာပါက အဆင်သင့် လက်တင်သုံးနိုင်သည့် အရည် အသွေးပြည့် လူသားရင်းမြစ်ကြီးပင် ဖြစ်တော့၏။ ၎င်းတို့အား ခေတ်မီစက်ကိရိယာများ ကိုင်တွယ်ဘို့ရာ နိုင်ငံခြားကုမ္ပဏီများ သယ်ဆောင်လာမည့် နည်းစနစ်၊ စံနှုန်းများနှင့် ကျွမ်းဝင်စေဘို့ရာ သီးသန့်လေ့ကျင့်ပေးနေစရာ မလိုတော့ပါ။

အားသာချက်မှာ ၎င်းတို့နှင့်အတူ မြန်မာနိုင်ငံအတွင်းရှိ လုပ်သားများကို ပူးတွဲခန့်ထားခြင်းဖြင့် အလုပ်လုပ်ရင်း သင်ယူလေ့လာစေနိုင်ခြင်းပင်ဖြစ်လေသည်။ မြန်မာအများစုမှာ တစ်မိုက်ပြလျှင် တစ်ထွာမြင်တတ်ကြသူများဖြစ်ရာ သီးသန့် သင်တန်းများ ပေးစရာမလိုတော့ဘဲ တတ်ကျွမ်းသူများ  လုပ်ကိုင်သည်ကိုကြည့်ကာ အလုပ်လုပ်ရင်း တတ်မြောက်နိုင်မည် ဖြစ်၏။

စင်ကာပူရောက်မြန်မာများအနေနှင့် မှတ်ပုံတင်၍သော်လည်းကောင်း၊ မှတ်ပုံမတင်ပဲ သော်လည်းကောင်း မိမိတို့ နီးစပ်ပတ်သက်ရာ အဖွဲ့ကလေးများ ဖွဲ့စည်းလှုပ်ရှားနေရာ ထိုအထဲတွင် ဂျီတီအိုင်ကျောင်းသားဟောင်းများအဖွဲ့၊ မြို့ပြ အင်ဂျင်နီယာများအဖွဲ့၊ ဘူမိဗေဒအဖွဲ့၊ လုပ်ငန်းခွင်အန္တရာယ်ကင်းရှင်းရေးအဖွဲ့ စသည့် အတတ်ပညာပိုင်းဆိုင်ရာအဖွဲ့များလည်း အများအပြားရှိ၏။

ထိုအဖွဲ့အားလုံး၏ တူညီသောရည်ရွယ်ချက်မှာ မိမိတို့တတ်စွမ်းနိုင်သမျှ အမိမြန်မာနိုင်ငံတော်ကို ပြန်လည်လုပ်ကျွေး သမှုပြုရေးပင်ဖြစ်၏။ လူမှုရေးအဖွဲ့များက အဖွဲ့ဝင်များထံမှ အလှူငွေများဖြင့် ကျောင်းဆောက်ခြင်း၊ ကျောင်းများ ပြန်လည် ပြုပြင်ပေးခြင်း။ စာအုပ်စာတမ်းများထောက်ပံ့ခြင်း။ ဆေးရုံဆေးခန်းများသို့ လှူဒါန်းခြင်း၊ မီးဘေး၊ ရေဘေး၊ မုန်တိုင်းဘေး စသည့် သဘာဝဘေးအန္တရာယ်များကျရောက်သည့်အခါ အ၀တ်အထည်၊ အစားအစာ၊ ငွေကြေးစသည်တို့ လှူဒါန်းခြင်းများ ပြုလုပ်ကြသည်။

စင်ကာပူရောက် မြန်မာမြို့ပြအင်ဂျင်နီယာများအသင်း (Society of Myanmar Civil Engineers (Singapore) – SMCES) က လုပ်ငန်းခွင်အတွေ့အကြုံနှင့် နည်းပညာဆိုင်ရာ ဆွေးနွေးတင်ပြမှုနှင့် နှီးနှောဖလှယ်ပွဲများကို ၂၀၁၀ ခုနှစ်မှ စတင်ကာ စင်ကာပူနိုင်ငံနှင့် မြန်မာနိုင်ငံ၊ ရန်ကုန်မြို့တို့တွင် နှစ်စဉ်စီစဉ်ကျင်းပပေးခဲ့ကြ၏။ Myanmar Geologists Society Singapore (MGSS) ကို ၂၀၁၀ ခုနှစ်တွင် မှတ်ပုံတင်ခဲ့ပြီး ဘာသာရပ်ဆိုင်ရာ ဟောပြောပွဲများကို တစ်နှစ်လျှင် နှစ်ကြိမ် ပုံမှန်ကျင်းပလျှက် စင်ကာပူရှိအဖွဲ့ဝင်များက မိမိတို့လေ့လာဆည်းပူးခဲ့သော ပညာရပ်များနှင့် လုပ်ငန်းအတွေ့အကြုံ များကို အလှည့်ကျဟောပြောခြင်း။ MGSS အဖွဲ့ဝင်များ မြန်မာပြည်သို့ အလည်ပြန်သည့် အခါများ၌လည်း အခါအားလျော်စွာ ဟောပြောပွဲများ ကျင်းပပေးခြင်း အစရှိသည်တို့ကို မိမိတို့တတ်နိုင်သည့်ဘက်မှ ဆောင်ရွက်လျှက်ရှိ၏။

ဤကဲ့သို့ဆောင်ရွက်ချက်များမှာ ကောင်းပင်ကောင်းသော်ငြားလည်း တစ်နိုင်ငံလုံးအတိုင်းအတာနှင့် ကြည့်မည် ဆိုလျှင် ခရီးပေါက်ရောက်မှု အလွန်နည်းပါသည်။ ဤသို့လုပ်ခြင်းဖြင့် လူအများ၏ အသိပညာ၊ ဗဟုသုတကိုသာ တိုးပွား လာစေရန် တတ်နိုင်ပါမည်။ အမှန်တကယ် ကောင်းမွန်မှန်ကန်သော စနစ်တစ်ခု ထူထောင်ရန်အတွက်မူ အစိုးရမှ စနစ် ဘောင်တစ်ခု (Frame Work) ချမှတ်အကောင်အထည် ဖော်ရပါမည်။ အစိုးရမှ ဥပဒေ၊ နည်းဥပဒေများထုတ်ပြန်ကာ လိုက်နာ ရမည့်စနစ်နှင့် စံနှုန်းများကို သေချာစွာချမှတ်ပြဌာန်းပြီး မလိုက်နာသူများကို ထိရောက်စွာ အပြစ်ပေး၊ အရေးယူပါမှ ဖြစ်နိုင်ပါမည်။

သို့အတွက် အထက်ဖော်ပြပါအဖွဲ့များမှလည်း မိမိတို့တတ်နိုင်သည်များကို ဆက်လက်ဆောင်ရွက်ရမည် ဖြစ်သလို တပြိုင်နက်တည်းမှာပင် အစိုးရကလည်း မူဝါဒ၊ စည်းဘောင်များချမှတ် အကောင်အထည်ဖော်ရမည်ဖြစ်၏။ ဤကဲ့သို့ ဥပဒေ၊ နည်းဥပဒေ၊ လုပ်ထုံးလုပ်နည်း၊ စည်းမျဉ်းစည်းကမ်း၊ မူဝါဒ၊ စည်းဘောင်များရေးဆွဲရာတွင် ဥပဒေပိုင်းမှ ပုဂ္ဂိုလ်များ၊ အစိုးရ ပိုင်းမှ ပုဂ္ဂိုလ်များသာမက သက်ဆိုင်ရာလုပ်ငန်းနယ်ပယ်၌ စာတွေ့ရော၊ လက်တွေ့ပါ အမှန်တကယ် တတ်မြောက်ကျွမ်းကျင်သူ ပညာရှင်များ မဖြစ်မနေပါဝင်ရန်လို၏။ သို့မှသာ လက်တွေ့နှင့်လည်းကိုက်ညီ၊ အမှန်တကယ်လည်း ထိရောက်အသုံးတည့်၊ လူများအတွက်လည်း အကျိုးရှိ၊ နိုင်ငံတည်ဆောက်ရေး အတွက်လည်း အသုံးဝင်သည့် ဥပဒေ စည်းမျဉ်း စည်းကမ်းများ ဖြစ်လာနိုင်ပါလိမ့်မည်။

ယခု မြန်မာနိုင်ငံတွင် လုပ်ငန်းအသီးသီး၌ ဥပဒေ၊ နည်းဥပဒေနှင့် လုပ်ထုံးလုပ်နည်းများ များစွာရေးဆွဲရန် လိုနေပါ သေးသည်။ ထိုသို့ရေးဆွဲရာတွင် နိုင်ငံခြားရောက် မြန်မာအသိပညာရှင်၊ အတတ်ပညာရှင်များသည်လည်း မိမိတို့၏ အသိပညာ အတတ်ပညာ၊ နိုင်ငံတကာ အတွေ့အကြုံများကိုအသုံးချလျှက် အရေးပါသောအခန်းကဏ္ဍမှ ပါဝင်ဆောင်ရွက်နိုင်လိမ့်မည်ဟု ယုံကြည်ပါသည်။

(၃)

စင်ကာပူနိုင်ငံတွင် ရောက်ရှိလုပ်ကိုင်လျှက်ရှိသော မြန်မာတတ်သိပညာရှင်များ၊ လုပ်ငန်းကျွမ်းကျင်သူများသည် မိမိတို့၏ အသိပညာ၊ အတတ်ပညာများဖြင့် မြန်မာပြည်တည်ဆောက်ရေးတွင် ကိုယ်စွမ်း၊ ဉာဏ်စွမ်းရှိသရွေ့ ပါဝင် ဆောင်ရွက်ကြရန် (၁၅ – ၁၁ – ၁၅) နေ့က Blk 663D, Jurong West St. 65, #15-233 တွင် ဆွေးနွေးခဲ့ကြပါသည်။ ဤဆွေးနွေးပွဲသို့ ကြီးကြပ်ရေးမှုးအဆင့်မှသည် မန်နေဂျာ၊ မန်နေဂျင်းဒါရိုက်တာအဆင့်ထိ၊ အလွှာစုံ၊ နယ်ပယ်ပေါင်းစုံမှ မြန်မာ ၆၈ ဦးတက်ရောက်ခဲ့ကြ၏။

ဆွေးနွေးကြရာတွင် အဖွဲ့ကို မည်ကဲ့သို့ဖွဲ့စည်းသင့်သည်၊ မြန်မာနိုင်ငံဘက်နှင့် မည်ကဲ့သို့ ပူးပေါင်းဆောင်ရွက်သင့် သည်၊ အဖွဲ့၏ website ကို မည်ကဲ့သို့ ပြုလုပ်သင့်သည်။ တတ်သိပညာရှင်များအား မည်ကဲ့သို့ စုစည်းသင့်သည်၊ နိမ့်ကျနေသော မြန်မာ့ပညာရေးကို မည်ကဲ့သို့ မြှင့်တင်နိုင်မည် စသဖြင့် ဘက်စုံထောင့်စုံ ဆွေးနွေးခဲ့ကြ၏။

အင်အားကြီးမားလှသော ပြည်ပရောက် လူသားအရင်းအမြစ်ကြီးကို မြန်မာနိုင်ငံတည်ဆောက်ရေး၌သာ ထိထိ ရောက်ရောက် အသုံးချနိုင်မည်ဆိုပါက မြန်မာနိုင်ငံ ဖွံ့ဖြိုးတိုးတက်ရေးအတွက် ကြီးစွာသော အထောက်အကူရမည် ဖြစ်၏။ စက်ပစ္စည်း၊ အဆောက်အဦစသည့် ရုပ်ဝတ္တုတို့မှာ ငွေရှိလျှင် ၀ယ်ယူတင်သွင်းနိုင်မည် မှန်သော်လည်း ကျွမ်းကျင်သည့် လူသားအရင်းအမြစ်ကိုမူ ၀ယ်ယူတင်သွင်းဘို့ရာ မဖြစ်နိုင်ပါ။ နိုင်ငံခြားမှ ကျွမ်းကျင်သူပညာရှင်များကို ငှားရမ်း၍ ရနိုင်သည့် တိုင် အလွန်ကြီးမားလှသော အခကြေးငွေ ပေးရပါလိမ့်မည်။ ထို့ပြင် မြန်မာလုပ်သားများနှင့် ဆက်ဆံရာတွင် ဘာသာစကား အခက်အခဲ၊ မိမိဌာနေသို့ မကြာခဏပြန်လိုခြင်း၊ အလွန်ဈေးကြီးလှသည့် ထိခိုက်မှုအာမခံ၊ အသက်အာမခံများ ထားပေးရခြင်း၊ ယုတ်စွအဆုံး ၎င်းတို့နေရေးစားရေးအတွက် အဆင်ပြေအောင်စီစဉ်ပေးရခြင်း အစရှိသည့် ကန့်သတ်ချက် အများအပြားလည်း ရှိပါလိမ့်မည်။

မြန်မာနိုင်ငံအတွက် အားသာချက်မှာ ယခင်နိုင်ငံရေးစနစ်ဟောင်းကြောင့် ပြည်ပသို့ မြန်မာအများအပြား ထွက်ခွာ အလုပ်လုပ်နေကြသည်ဖြစ်ရာ ထိုသူများမှာ နိုင်ငံတကာအတွေ့အကြုံရသည်သာမက ထိုနိုင်ငံများမှ အတတ်ပညာ၊ ခေတ်မီ နည်းပညာများကိုလည်း အလုပ်လုပ်ရင်းနှင့် သင်ကြားတတ်မြောက်ပြီးနေသူများ ဖြစ်ကြ၏။

ထိုမျှတန်ဘိုးကြီးမားလှသော အင်အားစုကြီးကို မြန်မာနိုင်ငံတည်ဆောက်ရေးတွင် စနစ်တကျအသုံးချတတ်ရန် လိုပါသည်။ အခြေအနေ အကြောင်းကြောင်းကြောင့် ပြည်တော်မပြန်နိုင်ဖြစ်နေသော မြန်မာများမှာ ကမ္ဘာအနှံ့ ဒုနှင့်ဒေး ရှိပါသည်။ ထိုသူများ၏ အသိပညာစွမ်းရည်နှင့် အတတ်ပညာစွမ်းအားတို့ကို လိမ္မာပါးနပ်စွာ ရယူအသုံးချနိုင်ရန် မြန်မာနိုင်ငံ တော် အစိုးရအနေနှင့် အထူးအလေးထား စဉ်းစားရမည့်အချက် ဖြစ်၏။

ယခု ဤ “မြန်မာ့ပြုပြင်ပြောင်းလဲရေးတွင် ပြည်ပရောက်မြန်မာတတ်သိပညာရှင်၊ ကျွမ်းကျင်သူများအနေနှင့် ပါဝင်ဆောင်ရွက်ကြရန် စည်းဝေးကြခြင်း” သည် ပြည်ပရောက်မြန်မာအင်အားစုကြီးကို မြန်မာနိုင်ငံတည်ဆောက်ရေးတွင် အသုံးချနိုင်ရေးအတွက် လမ်းစပင်ဖြစ်၏။ ဤဆွေးနွေးပွဲမှရလာမည့် ရလဒ်များကို လက်တွေ့ဆက်လက် အကောင်အထည် ဖော်ရန်၊ ဆက်လက်လှုပ်ရှား ဆောင်ရွက်နေရန်လိုပါသည်။ ထို့ပြင်စင်ကာပူတစ်နိုင်ငံထဲသာမက မလေးရှား၊ သြစတေးလျား၊ အမေရိကန်၊ ကနေဒါစသည့် အခြားနိုင်ငံများမှ မြန်မာတတ်သိပညာရှင်များအားလည်း စည်းရုံးဆောင်ရွက်ရန် အရေးကြီး၏။

အဖွဲ့တွင် စင်ကာပူနိုင်ငံ၌ ရောက်ရှိလုပ်ကိုင်နေသော မြန်မာတတ်သိပညာရှင်အားလုံး ပါဝင်လာရန် ဖိတ်ခေါ်သွားမည် ဖြစ်ပါသည်။ ဘူမိဗေဒအဖွဲ့ကဲ့သို့သော ရှိနှင့်ပြီးအဖွဲ့များအနေနှင့်လည်း မိမိတို့အဖွဲ့လိုက် ပူးပေါင်းပါဝင်ကြရန် ဖြစ်၏။ အဖွဲ့ ဖွဲ့ပြီးသားမရှိသေးသူများအနေနှင့်လည်း မိမိတို့ကျွမ်းကျင်ရာ လုပ်ငန်းအလိုက်၊ ဘာသာရပ်အလိုက် အဖွဲ့များဖွဲ့ရန် အကြံ ပေးခြင်း၊ သို့မဟုတ်ပါကလည်း ပုဂ္ဂလဓိဌာန် တစ်ဦးချင်းအလိုက်ပါဝင်လာစေရန် စည်းရုံးခြင်းများ ပြုလုပ်ပါမည်။

အဖွဲ့၌ အလုပ်အမှုဆောင်ကော်မတီ ဖွဲ့စည်းထားပြီး ဥက္ကဌ၊ ဒု-ဥက္ကဌ၊ အတွင်းရေးမှူး၊ တွဲဘက်အတွင်းရေးမှူး၊ ဘဏ္ဍာရေးမှူး၊ လက်ထောက်ဘဏ္ဍာရေးမှူး၊ နှင့် အဖွဲ့ဝင်များ စသည်ဖြင့်ခန့်အပ် ဆောင်ရွက်ပါမည်။  မူရင်းအဖွဲ့များအနေနှင့် သီးခြားတည်ရှိနေမည်သာဖြစ်၏။

မြန်မာနိုင်ငံပြင်ပတွင် ရှိနေသည့် မြန်မာ အသိပညာရှင်၊ အတတ်ပညာရှင် အင်အားမှာ မသေးလှပါ။ စင်ကာပူ နိုင်ငံမှ  မြန်မာတတ်/သိပညာရှင်များကဲ့သို့ပင် အခြားတိုင်းပြည်များရှိ မြန်မာများကလည်း လုပ်ကြမည်ဆိုပါက အမိ မြန်မာနိုင်ငံတော်ကြီးအတွက် တအားပင်ဖြစ်ပါသည်။ ဤကဲ့သို့ လူမှုအဖွဲ့အစည်းများ၊ တတ်သိပညာရှင်များ၊ အစိုးရ အဖွဲ့အစည်းများနှင့် ပူးပေါင်းဆောင်ရွက်ခြင်းဖြင့် မိမိတို့ဆန္ဒရှိသော မြန်မာပြည်အကျိုးကို သယ်ပိုးပြီးဖြစ်သည့်ပြင် တိုင်းပြည်ဖွံ့ဖြိုးတိုးတက်ရေးလုပ်ငန်းများကိုလည်း များစွာအထောက်အကူပြုမည် ဖြစ်၏။

ဤကဲ့သို့အဖွဲ့များ အခြားနိုင်ငံများတွင်လည်း မနှေးအမြန်ပေါ်ပေါက်လာပါစေကြောင်း ဆန္ဒပြုလိုက်ရပါသတည်း။

အေးငြိမ်း (လေးမျက်နှာ)

၂၂ – ၁၁ – ၂၀၁၅


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး, ရေခြားမြေခြား မြန်မာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်