မျှော်လင့်ချက် နှင့် အသက်နှင့် မောင်မိုးသူ

December 12, 2015

 

မျှော်လင့်ချက် နှင့် အသက်နှင့်  မောင်မိုးသူ
မောင်မိုးသူ   ၊  မော်ဒန်သတင်းဂျာနယ် ၊ ၁၁ ဒီဇင်ဘာလ  ၂၀၁၅ (မိုးမခ)

မောင်မိုးသူ အသက် ၇၉ နှစ်ရှိလာတဲ့အချိန်မှာ သားသမီးတွေက အထူးကုဆရာဝန်ကြီးတွေပြဖို့၊ လိုအပ်တဲ့ စစ်ဆေးမှုတွေပြုဖို့ စီစဉ်ကြပါတယ်။မောင်မိုးသူက ဆီးကျိတ်ရောဂါ (ထောင်ထဲတုန်းက ဖြစ်လာခဲ့တာ) ဆိုတော့ ၁၉၉၇ ခုနှစ်လောက်ကပဲ ဆိုပါစို့။ ဆီးကျိတ်ဖြစ်လို့ ထောင်ဆေးရုံမှာ ကုသလို့ မဖြစ်တဲ့အတွက် ရန်ကုန်ဆေးရုံကြီးဂါတ်ဝပ်မှာ ပို့ပြီး ဆီးနဲ့ကျောက်ကပ် (ဂျပန်ဆေးရုံ) မှာ ထွက်ကုသရပါတယ်။ ဆီးကျိတ် ကြီးတာပါ။ ဆီးကျိတ်ကြီးလို့ ဆီးလမ်းကြောင်း ပိတ်သွားလို့ ဆီးမသွားနိုင်လို့ ဆီးပိုက်နဲ့နေရတာ အကြာကြီး။ ဆီးနဲ့ ကျောက်ကပ်ဆရာဝန်ကြီးများက သောက်ဆေးနဲ့ ကုသပါတယ်။

အဲသည်ခေတ် အဲသည်အချိန်က သောက်ဆေးက အတော်ဈေးကြီးပါတယ်။ တစ်နေ့ တစ်လုံး သောက်ရပြီး အလုံး ၁၀၀ ကျော် သောက်ရပါတယ်။ သက်သာလာတဲ့ အခါမှာ အဲသည်ဆီးကျိတ်ထဲက အသားစကို ခြစ်ယူပြီး ကင်ဆာဟုတ်မဟုတ် စစ်ဆေးရပါတယ်။ အဲသည်အချိန်တုန်းက ဆီးအိမ်ထဲကို ခြစ်တဲ့ပိုက်ကို တန်ဆာမှ သွင်းရတာမို့ အတော်ကို ခံစားရပါတယ်။ ဆီးကျိတ်က အသားစက ကင်ဆာမဟုတ်လို့ တော်ပါသေးရဲ့။

ဆီးကျိတ်ဆိုတာ အသက်ကြီးတဲ့ ယောက်ျား တော်တော်များများ ဖြစ်နိုင်တယ်လို့ ဆရာဝန်ကြီးတွေက အားပေးစကား ပြောပါတယ်။ ဆီးကျိတ်သက်သာပေမဲ့ ဆီးလမ်းကြောင်းကောင်းဖို့ ဆိုပြီး Minipress ဆိုတဲ့ ဆေးလုံးပေါက်စကလေးတွေကို ထောင်ထဲကပဲ စသောက်ခဲ့ရတာ၊ ၂၀၀၀ ထောင်ပြင်ရောက်တော့လည်း သောက်ရ၊ ဆီးနဲ့ ပတ်သက်ပြီး  ကုရတာပဲ ခင်ဗျ။ ယခု ဆီးနဲ့ ပတ်သက်ပြီး  ဒေါက်တာဦးမြင့်သူနဲ့ ကုနေရဆဲပါ။ အရင်ပုံမှန် နှစ်လတကြိမ်၊သုံးလတကြိမ် ကုသနေရတာ ၊ ဆရာ မန္တလေးပြောင်းသွားလို့ ရန်ကုန်ကို တလခေါက်လောက် ၊ နှစ်လတခေါက်လောက် ပြန်လာထိုင်တာနဲ့ သွားပြရပါတယ်။ အဲဒါ ဆရာကြီးနဲ့ ဆေးကုရတာ ဖြစ်ပါတယ်။

သားငယ်က အထွေထွေရောဂါကု သမားတော်ကြီးနဲ့ ပြပါဦးဆိုတာနဲ့ ပြရပြန်ပါတယ်။ ဆရာမကြီး ညွှန်ကြားတဲ့အတိုင်း ဓာတ်မှန်တို့၊ အီးစီဂျီတို့၊ သွေးတို့ ဘာတို့ အကုန်စစ်ရတာပေါ့ခင်ဗျ။ ဆရာမကြီးက မောင်မိုးသူကို FOC နဲ့ပါ။ FOC ဆိုတာ စမ်းသပ်ကုသခ မယူဘူး ပြောတာပါ။ အဲဒါပေမဲ့ ဆရာမကြီး ပြောတဲ့ ဓာတ်မှန်တို့ ၊ အီးစီဂျီတို့၊ သွေး၊ ဆီး စစ်တာတို့တော့ စစ်ရတာပေါ့။ အဲဒါလည်း ကျပ် ၆၀.၀၀၀ လောက်ကုန်တယ်ခင်ဗျ။ ရောဂါလည်း ကြီးကြီးမားမား မရှိပါဘူးတဲ့။ သွေးပေါင် နည်းနည်းများလို့ သွေးကျဆေး သောက်ပါတဲ့။ ကိုလက်စထရော များလို့ အဆီကျဆေး သောက်ပါတဲ့။ ဟုတ်ကဲ့ပေါ့။ ပြီးတော့ ဆရာမကြီးက အသက် ၇၉ နှစ်ဆိုတော့ ၈၀ ပဲပေါ့တဲ့၊ သည်လို ထွေရာလေးပါးရောဂါတွေတော့ ရှိမှာပေါ့တဲ့၊ အသက်ရှည်ရှည် နေနိုင်အောင် ကြိုးစားပါတဲ့။ ဟုတ်ကဲ့ပေါ့။

မောင်မိုးသူလည်း အနှစ် ၅၀ ကျော် စစ်အာဏာရှင်လက်အောက်မှာ နေခဲ့ပြီး ရှစ်လေးလုံးမှာ ပါခဲ့၊ အင်န်အယ်လ်ဒီ စတင်ဖွဲ့စည်းရာမှာလည်း ပါခဲ့၊ ၉၀ ရွေးကောက်ပွဲမှာ အင်န်အယ်လ်ဒီ ကိုယ်စားလှယ်အဖြစ် အဖွဲ့ချုပ်ကရွေးပေမဲ့ ထောင်ကျလို့ အရွေးမခံခဲ့ရ။ ၂၀၀၀ ကျော်ကလွတ်၊ ၂၀၀၈ ဖွဲ့စည်းပုံ အတည်ပြုတာကို ကန့်ကွက်ဆန္ဒမဲ ပေးပေမဲ့ ၈၀ ရာခိုင်နှုန်းလား၊ ၉၀ ရာခိုင်နှုန်းလား နိုင်ပြီး ဖွဲ့စည်းပုံအတည်ပြုခဲ့။ ၂၀၁၀ မှာ ရွေးကောက်ပွဲလုပ်တော့ မောင်မိုးသူ သပိတ်မှောက်ပြီး မဲမပေးခဲ့။ ၂၀၁၂ ဒေါ်အောင်ဆန်းစုကြည်နဲ့ အင်န်အယ်လ်ဒီကြားဖြတ်မှာ ဝင်ရွေးတော့ မောင်မိုးသူတို့ မဲဆန္ဒနယ်မြေမပါလို့ မဲ မပေးခဲ့ရ။ ၂၀၁၅ ကျတော့ မောင်မိုးသူရဲ့ ရဲဘော်တွေ၊ ညီ ညီမတွေ၊ တူ တူမတွေ ဒေါ်အောင်ဆန်းစုကြည် အင်န်အယ်လ်ဒီရဲ့ ` ပြောင်းလဲချိန် တန်ပြီ ´ ဆောင်ပုဒ်နဲ့ တပြည်လုံးအရွေးခံလို့ လိုက်လံဟောပြောတာ မလုပ်နိုင်ပေမဲ့  ဆောင်းပါးတွေရေးပြီး အားပေး၊ နိုဝင်ဘာ ၈ ရက် ရွေးကောက်ပွဲမှာ အသက်ရှည်အောင် ကြိုးစားနေပြီး လက်သန်းကို မင်အစွန်းခံပြီး မဲပေးခဲ့။ ရွေးကောက်ပွဲမှာ အင်န်အယ်လ်ဒီက တောင်ပြိုကမ်းပြိုနိုင်ပြီး ပြန်တော့လည်း အာဏာလွှဲပြောင်းဖို့  ချောမောမှ ချောမောပါ့မလားဆိုပြီး အာဏာလွှဲပြောင်းချိန်အထိတော့ အသက်ရှည်ဖို့ လိုသေးတယ်ဆိုပြီး အသက်ရှည်ရာ အနာမဲ့ကြောင်းတွေ ဂရုစိုက်ရ။

အခုတော့ လွှတ်တော်ဥက္ကဋ္ဌ ဦးရွှေမန်းနဲ့ အကြိမ်ကြိမ်၊ သမ္မတ၊ ကာချူပ်တို့နဲ့လည်း တကြိမ် ဒေါ်အောင်ဆန်းစုကြည် တွေ့ဆုံပြီး ဖြစ်တဲ့အပြင် ကြားဖြတ် မြေးလေးနဲ့ တကြိမ်၊ ဗိုလ်ချုပ်မှူးကြီးဟောင်း ဦးသန်းရွှေနဲ့ တကြိမ် တွေ့ဆုံကြပြီးဖြစ်လို့ အားလုံး အဆင်ပြေမယ့်သဘောကို ဆောင်တာတွေ တွေ့ရပါတယ်။ သည်တော့ အာဏာလွှဲပြောင်းချိန်အထိတော့ အသက်ရှည်ချင်ပြန်ပါတယ်။ အာဏာလွှဲပြောင်းမှာက ၂၀၁၆ ဆိုတော့ မောင်မိုးသူ ၇၉ နှစ်ပြည့်လို့ ၈၀ထဲ ရောက်နေလောက်ပါပြီ။

ဒါပေမဲ့လည်း ဒီမိုကရေစီအစိုးရသစ်က နှစ်ပေါင်း ၅၀ ကျော် ဆင်းရဲတွင်းနစ်အောင်၊ တိုင်းပြည်ကို ကမ္ဘာ့အဆင်းရဲဆုံး နိုင်ငံဖြစ်အောင်လုပ်ခဲ့၊ တိုင်းပြည်ရဲ့ သယံဇာတတွေကို သူတို့အိတ်ထဲပဲထည့်ပြီး တိုင်းပြည်အတွက် ဘာမှလုပ်မပေးနိုင်ခဲ့။ တောင်သူလယ်သမားတွေရဲ့ လယ်တွေ ယာတွေသိမ်းလို့ ထိုင်း၊ မလေးရှား၊ ဂျပန်၊ ကိုရီးယားတွေမှာ ရွှေ့ပြောင်းလုပ်သားတွေ အဖြစ် မြန်မာတွေ သွားရောက် လုပ်ကိုင်ခဲ့ရတဲ့ အခြေအနေက တိုင်းပြည် နာလန်ထူ စည်ပင်အောင် ဖွံ့ဖြိုးအောင် ဒီမိုကရေစီအစိုးရသစ်နဲ့ ရွေးကောက်ပွဲမှာ တခဲနက် အားပေးခဲ့ကြတဲ့ ပြည်သူရဲ့ အင်အားကြီးနဲ့ တိုင်းပြည် နာလန်ထူအောင် ဘယ်လိုလုပ်ကြမလဲဆိုတော့  ပထမ ငါးနှစ်သက်တမ်းကို စောင့်ကြည့်ပြီး အထောက်အကူပြု အားပေးကူညီမှုကို လုပ်ချင်ပြန်ရော။

အဲသည် အဲသည် မျှော်လင့်ချက်နဲ့ နော်ထပ် အသက်ငါးနှစ်လောက်တော့ ရှည်ချင်ပြန်ရောဗျာ။

မျှော်လင့်ချက် နှင့် အသက်နှင့် မောင်မိုးသူပါ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မောင်မိုးသူ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

http://moemaka.com/archives/57845

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်