ထမင်းထုပ်ထဲက မစင်ထုပ်များ – Salai Shwe Linn

October 19, 2013

ထမင်းထုပ်ထဲက မစင်ထုပ်များ

ဆလိုင်းရွှေလင်း၊ အောက်တိုဘာ ၁၉၊ ၂၀၁၃

            ၁၃-၆-၁၃ နေ့ထုတ် ပြည်မြန်မာဂျာနယ် အမှတ် ၈၇၄ တွင် ဗြိတိန်၌ ကိုယ်လုံးတီး စက်ဘီးစီးမှု များလာကြောင်း ဖတ်ရှုရ၏။ ဒီမိုကရေစီ၏ ဘိုးအေ နိုင်ငံသားတို့၏ စံပြ ယဉ်ကျေးမှု၏ မှတ်ကျောက်ဟု အမွှန်းတင်လေ့ရှိသော ထိုနိုင်ငံ၌ ဤကဲ့သို့သော မဖွယ်မရာ ညစ်ညမ်းစုတ်ပဲ့လှသော အပြုအမှုများကို ကျင့် သုံးကြသည်ကား လူထွေးတို့အဖို့ ရွံ့ရှာ စက်စုတ်ဖွယ်ကြီးပင် ဖြစ်ပေသည်တမုံ့။

            ၁၂-၇-၁၃ ရက်နေ့တွင် လူထွေးသည် လန်ဒန်ရှိ ထိပ်တင်စိုးထံ viber call ခေါ်ဆိုပြီးလျှင် (သင်တို့ နေထိုင် လုပ်ကိုင်ရာ ဗြိတိန်၌ ကိုယ်လုံးတီးစက်ဘီးစီးမှုများလာကြောင်း က္ဈန်ုပ် ဖတ်ရှုရသည်။ ဤသတင်း အမှန်ပေပဲလော။ ထိုသို့စီးသူတွင် ယောင်္ကျား၊ မိန်းမ မည်သူများသနည်း) ဟုမေးလိုက်လေ၏။

            ထိပ်တင်စိုးက ထိုသတင်အမှန်ပင် ဖြစ်ကြောင်း၊ စီးသူများတွင် ယောင်္ကျားများရော မိန်းမများပါ ပါဝင်ကြောင်း၊ ငယ်ရွယ်ချောမောသော မိန်းကလေးများက စီးလာလျှင် အားရပါးရကြည့်ရှုပြီးသကာလ ယောင်္ကျားများနှင့် အဘွားအိုများ စီးလာလျှင် ရှက်စဖွယ် ဖြစ်၍ မကြည့်ဝံ့သော ပုံစံဖြင့် မျက်နှာလွှဲထားရကြောင်း အဆစ်ထည့်၍ ဖြေကြားလေသည်။

            မကြာသေးမီက အင်္ဂလန်နှင့် ပြင်သစ် နိုင်ငံတို့တွင် လိင်တူချင်း လက်ထက်ခွင့်ကို ခွင့်ပြုခဲ့ကြောင်း ကြားသိရ၏။ ထိပ်တင်စိုးက သူတို့် အင်္ဂလန်၌ လိင်တူချင်း လက်ထက်ထားသော အမျိုးသမီးနှစ်ဦးရှိကြောင်း၊ တစ်ယောက်သော အမျိုးသမီးမှာ အဘယ်သူနှင့် သွားလာသည် မသိ၊ ကိုယ်ဝန်ရလာကြောင်း၊ သို့သော် မွေးလာသော ကလေးကို သူတို့ ကလေးပင် ဖြစ်ကြောင်း နှလုံးသွင်းကာ ပြုစုပျိုးထောင်ကြကြောင်း၊ သဘောထားကြီး၍  စိတ်ရှည်သည်းခံကြကြောင်း၊ စုံတွဲများ လင်မယားများလည်း တစ်ယောက်ယောက်က ဖောက်ပြန်နေလျှင်တောင် မသိချင်ယောင်ဆောင်ပေးကာ မေတ္တာ မပျက်ရှိ ကြကြောင်း၊ သူတို့သည် ဗုဒ္ဓတရားတော်နှင့် ညီညွှတ်သူများဟု ဆိုနိုင်မလားမသိကြောင်း ပြောလေ၏။

            လူထွေးမှာ တရားစာပေ ဗဟုသုတရှိသဖြင့် ဤကိစ္စကို ပြန်ပြောလို၏။ လူနှင့် နွား၏ ကွာခြားချက်မှာ အသိဉာဏ်ရှိခြင်း၊ မရှိခြင်းဖြစ်သည်။ အကြောင်းနှင့် အကျိုး သိခြင်း၊ ကုသိုလ်နှင့် အကုသိုလ်သိခြင်းကို အသိဉာဏ်ဟု ဆို၏။

            နွားများသည် အသီးအရွက်ကိုသာ စားကြသဖြင့် သူတစ်ပါး အသက်ကို မသတ်၊ ပါဏာတိပါတ ကံကို မကျူးလွန်။ ထိုသို့ မကျူးလွန်ကာမျှဖြင့် သီလလုံပြီဟု မဆိုနိုင်ပေ။ အဘယ်ကြောင့်ဆိုသော် နွားသည် ကုသိုလ်၊အကုသိုလ်၏ သဘောကို မသိ။ အသိဉာဏ်နှင့် မယှဉ်။ သီလစောင့်လိုသော စေတနာ ရှေးရှုခြင်း၊ မရှိသောကြောင့်တည်း။ ထို့ကြောင့် အကုသိုလ်မဖြစ်ခြင်းသာရှိ၍ သီလကုသိုလ်ကား မရပေ။ ဥရောပရှိ စုံတွဲများ၊ လင်မယားများလည်း အသိဉာဏ်မယှဉ်၍ ဗုဒ္ဓမြတ်စွာ၏ တရားနှင့် ညီသည်ဟု မပြောနိုင်ပေ။ အိမ်ထောင်ဖက်ကို ကာမေသု မိစ္ဆာစာရကဲ လွန်ကျူးရန် အခွင့်ပေးထားသကဲ့သို့ဖြစ်နေ၍ ငရဲရောက်စေခြင်းပင် ဖြစ်၏။ ချစ်ရာမရောက်၊ နှစ်ရာပင် ရောက်၏။ နဖူးပေါ်နားသော ခြင်ကို တူဖြင့် ထုသတ်သော သူပင် ဖြစ်၏။

            ဗုဒ္ဓသာသနာတော်တွင် အချို့သော သူတော်ကောင်းတို့သည် ဇနီးမယားကို စွန့်ပယ်၍ သို့မဟုတ် ပေးလှူ၍ တရားအားထုတ်ကြကုန်၏။ ( ဥပမာ – စွန်းလွန်းဂူဆရာတော် လောင်းလျာ )

            သူတ်ို့သည် ထွေးပြီးသော တံတွေးကို ပြန်မမြိုသကဲ့သို့ စွန့်ပြီးသော မယားကို ပြန်မမှီဝဲတော့ပေ။ ဥရောပတိုက်ရှို စုံတွဲအချို့ကားထိုပုံစံမဟုတ်ပေ။ ခွေးတိရစ္ဆာန်တို့သည် လင်မယား ဟုသတ်သတ်မှတ်မှတ် မထားကြ။ သွားလာလိုလျှင် မည်သည့်အကောင်နှင့် မဆို ကြုံသလို သွားလာ၏။ ထိုသို့ သွားလာရုံဖြင့် သဘောထားကြီးသည်ဟု မဆိုနိုင်ပေ။ စင်စစ်ကား စည်းကမ်းမဲ့မှုသာတည်း။ ကာမဂုဏ်သောင်းကျန်းမှုသာတည်း။

            မြန်မာနိုင်ငံတွင် လွန်ခဲ့သော ၂၀နှစ်ကျော်က ဝမ်းနည်းဖွယ်လူသတ်မှု တစ်ခု ဖြစ်ပွားခဲ့၏။ အလှူပွဲ ချက်ပြုတ်ရာ၌ လွန်စွာ အရှက်အကြောက်ကြီးသော သူကို အနောက်အပြောင်သန်လှသူက လူပုံအလယ်တွင် ပုဆိုးချွတ်၏။ မိန်းမပျိုများပါ တခွီးခွီးရယ်၍ မျက်နှာလွှဲသွားကြ၏။ အရှက်ကြီးသူက အမျက်ကြီးကာ ကြက်သွန်လှီးဓားဖြင့် ထိုးသတ်၏။ အနောက်အပြောင်သန်လှသူမှာ ပွဲချင်းပြီးသေဆုံး၏။ သင်္ခမ်းစာ ယူဖွယ် ဖြစ်ပါသည်။

            အနောက်တိုင်း၌ ကိုယ်လုံးတီးပုံစံဖြင့် စက်ဘီးစီးကြ၏။ လမ်းလျှောက်ကြ၏။ ကမ်းခြေ၌ အပန်းဖြေကြ၏။ သူတို့ကို ပုဆိုးသွားခ္ဈတ်လျှင် စိတ်ဆိုးဖို့ဝေးစွ။ ဝမ်းတောင်သာပေဦးမည်။ အလှူပွဲ၌ အရှက်ကြီးသူသည် အစွန်းတစ်ဖက်ရောက်သူ ဖြစ်သကဲ့သို့၊ ကိုယ်လုံးတီး သွားလာသူတို့လည်း အစွန်းတစ်ဖက် ရောက်သူများပင် ဖြစ်ကြသည်။ မဇ္ဈိမပဋိပဒါကို သိရှိကျင့်သုံးအပ်ပေ၏။

            တရုတ်ပြည်ကို ဖွံ့ဖြိုးတိုးတက်ရေး လမ်းကြောင်းပေါ်သို့ တွန်းတင်ပေးခဲ့သူ တိန်ရှောင်ဖင်က ပြောဖူးသည်။ ပြူတင်းပေါက်ဖွင့်လိုက်လျှင် လေကောင်းလေသန့်တွေချည်း ဝင်လာမည်မဟုတ်၊ ဖုန်မှုန့်တွေ ယင်ကောင် ခြင်ကောင် တွေလဲ ဝင်လာမည်တဲ့။

            ဒီမိုကရေစီစံနှုန်းဟု ခပ်တည်တည် ဖြီးဖြန်းပြီး၊ သွင်းလာသမျှကို လက်မခံကြဖို့ လိုပါသည်။ အမျိုးသားရေးကိုယ်ခံစွမ်းအား ကောင်းပါမှ ထမင်းထုပ်များကြားတွင် ရောပါလာသော မစင်ထုပ်ကို ရွေးချယ်သိရှိနိုင်မည် ဖြစ်ပါသည်။

(ဆလိုင်းရွှေလင်း)

(Photo Credit – Living together in paradise, 2009 Nguyen Manh Hung Credit: Nguyen The Son (first image Credit: Nguyen The Son) ) http://www.archilovers.com/s2319/vertical-village


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:SaLai Shwe Lin, သောင်းပြောင်းထွေလာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)