ထက်ခေါင်လင်း (Myanmar Now) – အင်းတော်ကြီးကို ဒုက္ခပေးသူများ

January 6, 2016


MG_1144 – အင်းတော်ကြီးဘေးမဲ့အင်းသို့ အဝင်ဝ ဆိုင်းဘုတ်
– အင်းတော်ကြီးကို ဒုက္ခပေးသူများ
(မိုးမခ) ဇန်န၀ါရီ ၆၊ ၂၀၁၆

ယခုဆောင်းပါးအား Myanmar Now မှ ရယူပါသည်။

မိုးညှင်း (Myanmar Now) – ချောင်းထဲ စီးနေတာ ရေတွေမှ ဟုတ်ရဲ့လားလို့ သံသယဖြစ်မိတယ်။ စီးဆင်းနေတာတွေက အင်မတန် နောက်ကျိပြီး မြေနီရောင်ထနေတယ်။ ပြည်နယ်၊ မိုးညှင်းမြို့နယ်၊ မိုင်းနောင်ရွာဘေးက ဟောဒီချောင်းဟာ လွန်ခဲ့တဲ့ဆယ်နှစ်က  လူတစ်ရပ်စာထက်မနည်း ရေစူးရှိတယ်ဆိုပေမယ့် အခုတော့ ချောင်းထဲဆင်းကြည့်ရင် ခြေမျက်စိပဲမြုပ် တော့တဲ့ အနေအထားကို ရောက်လာပါပြီ။

ရွှေတူးဖော်မှု အကြီးအကျယ်လုပ်ကိုင်လို့ အခြေအနေပျက်သွားတဲ့ ဒီချောင်းက ကချင်ပြည်နယ်၊ မိုးညှင်းမြို့နယ်အတွင်း တည်ရှိတဲ့ မြန်မာပြည်ရဲ့အကျယ်ဆုံးရေကန် အင်းတော်ကြီးရဲ့ ရေအရင်းအမြစ်တစ်ခုပါ။

အလျား ၁၄ မိုင်၊ အနံ ၇ မိုင် ကျယ်ဝန်းတဲ့အတွက်ကြည့်လိုက်ရင် ပင်လယ်ကြီးလိုဖြစ်နေတဲ့  အင်းတော်ကြီးကန်နဲ့ အဲဒီဝန်း ကျင်မှာ လူတွေအပါအဝင် သတ္တဝါမျိုးစိတ် ရာပေါင်းများစွာ ခိုလှုံကျက်စားတယ်ဆိုတာကတော့ အံ့အားသင့်စရာအချက်ပါပဲ။


IMG_1376 – အင်းတော်ကြီးအင်းအတွင်းရှိ ဒင်ကြီးငှက်။


IMG_1383 – အင်းတော်ကြီးအင်းအတွင်းသို့ စက်လှေကလေးများဖြင့် တစ်ရွာနှင့်တစ်ရွာ ကူးသန်းသွားလာကြသည်။

IMG_1390 – အင်းတော်ကြီးအတွင်း ကျင်လည်ကျက်စားနေသော ငှက်များ။


IMG_1409 – အင်းတော်ကြီးအတွင်း ကျင်လည်ကျက်စားနေသော ငှက်များ။


IMG_1474 – အင်းတော်ကြီးအတွင်း ကျက်စားနေသော ငှက်ကြီးဝန်ပို။


IMG_1485 – အင်းတော်ကြီးအတွင်း ကျက်စားနေသော ငှက်ကြီးဝန်ပို။


IMG_1495 – အင်းတော်ကြီးအတွင်း ကျက်စားနေသော ငှက်ကြီးဝန်ပို။


IMG_1577 – အင်းတော်ကြီးအတွင်း ကျက်စားနေသော ငှက်ကြီးဝန်ပို။

အင်းတော်ကြီး တောရိုင်းတိရစ္ဆာန်ဘေးမဲ့တောဟာ အမြဲစိမ်းတော ရေတိမ်ဂေဟစနစ်ဖြစ်ပြီး  ငါးမျိုးစိတ် အရေအတွက်က ၆၄၊ ဆောင်းခိုငှက်တွေ အပါအဝင် ငှက်အမျိုးပေါင်း ၄၄၈၊ ကုန်းနေရေနေ သတ္တဝါ ၃၄ မျိုး ကျက်စားတယ်လို့ ဇီဝမျိုးစုံမျိုးကွဲနှင့် သဘာဝထိန်းသိမ်းရေးအသင်း (Banca) ရဲ့ လွန်ခဲ့တဲ့ ၄ နှစ်က တွေ့ရှိချက်များက ဆိုပါတယ်။ တွားသွားသတ္တဝါ အမျိုးပေါင်း ၄၁၊ လိပ်ပြာမျိုးစိတ်ပေါင်း ၅ဝ တို့လည်း ရှိပါတယ်။

အမျိုးအစား များပြားလှတဲ့ သတ္တဝါမျိုးစုံ အမှီပြုရာ အင်းတော်ကြီးကို ပျက်စီးရာပျက်စီးကြောင်းပြုနေတဲ့အရာ ၂ ခုကို အဲဒီ ဒေသရောက်စဉ် သတိပြုမိခဲ့ပါတယ်။ အဲဒါကတော့ ပတ်ဝန်းကျင်ပျက်စီးခြင်းနဲ့ ငြိမ်းချမ်းရေးတို့ပါပဲ။

● ပတ်ဝန်းကျင် ပျက်ယွင်းခြင်း
ကျွန်တော် မိုင်းနောင်ရွာဘေးကချောင်းတစ်လျှောက်ကို လမ်းလျှောက်ကြည့်တဲ့အခါ မြေတူးစက်တွေနဲ့ ချောင်းမြေတွေကို တူးဆွ၊ ရွှေကျင်နေတာတွေ တွေ့ရပြီး ဒီဇယ်အင်ဂျင်စက်သံကလည်း ဆူညံနေပါတယ်။

အင်းတော်ကြီးကန်တခွင် သဘာဝပတ်ဝန်းကျင်နဲ့ သားငှက်ထိန်းသိမ်းရေးလုပ်နေတဲ့ Fauna & Flora International အဖွဲ့က ဒေသခံ တာဝန်ခံ တစ်ယောက်ဖြစ်တဲ့ ကိုရန်ခေါင်းက အင်းတော်ကြီးထဲ စီးဝင်တဲ့ ဒီချောင်းအကြောင်း ပြောပြပါတယ်။
“ကျွန်တော်တို့ ငယ်ငယ်တုန်းက ဒီချောင်းရေဟာ ကြည်စိမ်းနေတယ်၊ အခုတော့ ချောင်းရေဟာ သွေးရောင်လို ဖြစ်နေပြီ။ ချောင်းအထက်ဘက်မှာဆိုရင် တကယ့်ရွာကြီးလိုကို ရွှေတူးနေကြတာ။ ဒီရွှေတွင်းတူးတာကြောင့်ပဲ အင်းတော်ကြီးကန်ဟာ ပျက်စီးမယ့် အရေးကို စိုးရိမ်နေရပြီ” လို့  သူက ဆိုပါတယ်။

အင်းတော်ကြီးကန် ဖွံ့ဖြိုးတိုးတက်ဖို့ရာမှာ ငြိမ်းချမ်းရေးကို ဘက်အားလုံးက လိုလိုချင်ချင်နဲ့ တည်ဆောက်ဖို့လို အပ်သလို ကန်အနီးမှာ ရွှေတွင်းလုပ်ငန်းလိုမျိုး ပတ်ဝန်းကျင်ပျက်စီးစေမယ့် စီမံကိန်းမျိုးကို မပေါ်ပေါက်မှ ဖြစ်မှာပါ။  အင်းတော်ကြီး ကန်ပတ်ဝန်းကျင်တွေက သစ်တောတွေ မပြုန်းတီးရအောင် ကာကွယ်ထိန်းသိမ်းဖို့လည်း လိုအပ်ပါတယ်။   ဒီသစ်တော တွေသာမရှိတော့ရင် အင်းလေးကန်ကဲ့သို့ ရေလျော့နည်း ခန်းခြောက်မှု ပြဿနာတွေဖြစ်လာနိုင်ပါတယ်။

အင်းတော်ကြီးကန်ရဲ့ ရေထဲကို ဒီရွှေမိုင်းတွင်းတွေကထွက်တဲ့ အန္တရာယ်ကြီး စွန့်ပစ်ပစ္စည်းတွေ ဘယ်လောက်များ စိမ့်ဝင် နေသလဲဆိုတာကို လက်တွေ့စမ်းသပ်ပြီး သက်ဆိုင်ရာကို တင်ပြတဲ့အဖွဲ့အစည်းတွေ ရှိတာကို မကြားမိသေးပါဘူး။  ဒေသခံ ပတ်ဝန်းကျင်ထိန်းသိမ်းရေး အဖွဲ့တွေမှာလည်း လုပ်ကိုင်နိုင်တဲ့အင်အားက အကန့်အသတ်တွေများစွာ ရှိနေတာကို တွေ့ခဲ့ရ ပါတယ်။

လူ့ပယောဂကြောင့် ရေထုပျက်စီးမှုဟာ ဒီဒေသကို မှီခိုနေတဲ့ လူအပါအဝင် သတ္တဝါတွေအတွက်   အန္တရာယ် သေချာပေါက် ရှိပါလိမ့်မယ်။

● ငြိမ်းချမ်းရေး၊ တရားဥပဒေစိုးမိုးရေး
အဲဒီရွှေတွင်းတွေနဲ့ အင်းတော်ကြီးကန်က အစိုးရ စစ်တပ်တို့နဲ့က မိုင် ၂ဝ ဝန်းကျင်သာ အကွာအဝေးရှိပေမယ့် ရွှေတွင်း တွေဆီကို သွားတဲ့လမ်းတလျှောက်မှာတော့ လက်နက်ကိုင်တပ်ဖွဲ့တွေက စစ်ဆေးစိစစ်ပြီးမှ သွားလာခွင့်ပြုတယ်လို့ မိုင်း နောင်ရွာဒေသခံတွေက ပြောကြတယ်။


IMG_1170 – ခေါင်းတုံချောင်းအထက်ပိုင်း မှ ရွှေတွင်းလုပ်ကွက်များကြောင့် ချောင်းရေပြင် ဟာ နောက်ကျနေပြီး ခြေမျက်စိမြုပ်ရုံ လောက်သာ ရေအနက်ရှိတော့သည်။


IMG_1170 – ခေါင်းတုံချောင်းအထက်ပိုင်းတွင် မြေတူးစက်ကြီးများဖြင့် ရွှေတူးနေကြသည်။


IMG_1248 – မိုင်းနောင်ရွာနဘေးက ခေါင်းတုံချောင်းရိုးတလျှောက် တပိုင်တနိုင် ရွှေတူးနေကြသည့် အင်းတော်ကြီး ဒေသ ခံတစ်ဦးကို ချောင်းအတွင်း တွေ့ရစဉ်။


IMG_1248 – မိုင်းနောင်ရွာရှိ ရွှေဆိုင်တစ်ဆိုင်က ချောင်းအတွင်း ထွက်ရှိလာသော ရွှေများကို ဝယ်ယူပြီး မန္တလေးသို့တင် ပို့သည်။

အဲဒီလက်နက်ကိုင်အဖွဲ့တွေက သူ့နည်းသူ့ဟန်နဲ့ တန်ခိုးထက်သူတွေဖြစ်ကြောင်း ဒေသခံတွေက ပြောကြပါတယ်။ လွန်ခဲ့တဲ့ တစ်နှစ်လောက်တုန်းက အင်းတော်ကြီးကန် အုပ်ချုပ်ရေးပိုင်းတာဝန်ရှိသူတချို့ အဲဒီမိုင်းနော်ချောင်း အထက်ဘက်က ရွှေ လုပ်ကွက်တွေကိုသွားတဲ့အခါ လမ်းမှာ လက်နက်ကိုင်အဖွဲ့တွေရဲ့ တားမြစ်ခြင်းကို ခံခဲ့ရဖူးတယ်လို့လည်း အင်းတော်ကြီး ဘေးမဲ့ကန် အုပ်ချုပ်ရေးမှူးဖြစ်သူ ဦးဌေးဝင်းက ကျွန်တော်နဲ့တွေ့စဉ်က ပြောပြခဲ့ပါတယ်။

နိုင်ငံမှာ ရေတိမ်ဒေသ အများအပြား ရှိပေမယ့် နိုင်ငံတကာအသိအမှတ်ပြု ရေတိမ်ဒေသကတော့ တစ်ခုပဲ ရှိပါသေးတယ်။ အဲဒါကတော့ ပဲခူးတိုင်းဒေသကြီးထဲက မိုးယွန်းကြီးအင်း တောရိုင်းတိရစ္ဆာန်ဘေးမဲ့တောပါပဲ။ မိုးယွင်းကြီးကို ရမ်ဆာရေတိမ် ဒေသအဖြစ် လွန်ခဲ့တဲ့ ဆယ်နှစ်က   သတ်မှတ်ခဲ့တာပါ။ အင်းတော်ကြီးလည်း ရေပျော်ငှက်နေရင်းဒေသအဖြစ် အရေးပါတဲ့ ရေတိမ်ဒေသလို့ သတ်မှတ်ခံရရင် နိုင်ငံတကာက အလေးထား၊ ထိန်းသိမ်းရေးလုပ်ငန်းတွေ ထိထိရောက်ရောက် လုပ်နိုင် မှာပါ။  အဲဒီလို သတ်မှတ်ခံရဖို့ ကြိုးစားပေမယ့် အဆင်မပြေသေးဘူးလို့ အင်းတော်ကြီး ဘေးမဲ့ကန် အုပ်ချုပ်ရေးမှူးဖြစ်သူ ဦးဌေးဝင်းက ပြောပါတယ်။


IMG_1603 – အင်းတော်ကြီးအတွင်း ကျင်လည်ကျက်စားနေသော ငှက်များ။


IMG_1619 – အင်းတော်ကြီးအတွင်းကျင်လည်ကျက်စားနေသော ငှက်များ။


IMG_1645 – အင်းတော်ကြီးအတွင်း ပုဇွန်မြုံးထောင်နေကြသည့် ဒေသခံများ။


IMG_1768 – အင်းတော်ကြီးအတွင်း ကျင်လည်ကျက်စားနေသော ငှက်များ။


IMG_1771 – အင်းတော်ကြီးအတွင်း ကျင်လည်ကျက်စားနေသော ငှက်များ။

“ရွှေတွင်းတွေကြောင့်နဲ့ တိုင်းရင်းသား လက်နက်ကိုင်တွေကြောင့် ကျွန်တော်တို့မှာ တိုးတက်ဖွံ့ဖြိုးအောင် လုပ်ဖို့ အရမ်းကို အခက်တွေ့ကြရတယ်။ ဒီရွှေတွင်းရှိတဲ့ကြောင့်ပဲ ကမ္ဘာ့အမွေအနှစ်အင်းအဖြစ် ကျွန်တော်တို့တင်ပြခဲ့တာကို ကမ္ဘာ့အဖွဲ့အ စည်းတွေက လက်မခံခဲ့ကြတာ” လို့ သူက ဆိုပါတယ်။

အင်းတော်ကြီးနဲ့ သိပ်မဝေးတဲ့ တောင်ကြောတလျှောက်ကတော့  ကချင်လွတ်မြောက်ရေး တပ်မတော် KIA  တပ်ဖွဲ့တွေ လှုပ်ရှားတဲ့ နယ်မြေတွေပါ။   အင်းတော်ကြီးကန်ဝန်းကျင် တပ်မတော် စခန်းတွေ ရှိပြီး အဓိက အသွားအလာ လမ်းတွေကို  ည ၆ နာရီကျော်တာနဲ့ ဖြတ်သန်းခွင့် ပိတ်လိုက်တာကို တွေ့ရပါတယ်။  တပ်မတော်နဲ့  ကချင်ပြည်နယ် နေရာအနှံ့မှာ လှုပ်ရှား တဲ့ KIA ကြား အဆက်မပြတ် တိုက်ခိုက်နေကြမှုဟာ ဒေသခံတွေအပေါ် သက်ရောက်မှုအားကြီးလှပါတယ်။

အင်းတော်ကြီးကန်တခွင်က ကျေးရွာတွေမှာ နေထိုင်နေတဲ့ ကချင်တိုင်းရင်းသားအများအပြားက တပ်မတော်ကို  နှစ်သက်ခြင်းမရှိ ကြောက်ရွံ့ကြပါတယ်။

“ကျွန်တော်တို့ အင်တော်ကြီးကန်တခွင်မှာက ကချင်လူမျိုးတွေနည်းတယ်။ ရှမ်းနီ (တိုင်းလိုင်) လူမျိုးတွေများတယ်။ စစ်တပ် က ကျွန်တော်တို့ကချင်တွေကို KIA က လူတွေလို့ပဲ ထင်ကြတာမျိုး ခံစားရတယ်။ KIA နဲ့ တခုခုဖြစ်တာနဲ့ ကျွန်တော်တို့ကို မျက်စိထောက်ကြည့်၊ တခါတလေ ခေါ်စစ်တာမျိုးလုပ်တယ်” လို့ အင်းတော်ကြီးကန်ဘေးပတ်လည်ရှိရွာတွင် နေထိုင်နေတဲ့ ကချင်တိုင်းရင်းသားတဦးက ရင်ဖွင့်ခဲ့ပါတယ်။

လက်နက်ကိုင်ထားသူတွေ ခေါ်ယူစစ်ဆေးတာခံရသူရဲ့ ကံကြမ္မာက အမျိုးမျိုး ဖြစ်နိုင်ပါတယ်။ အိမ်ကို ဒဏ်ရာ ဒဏ်ချက်နဲ့ ပြန်ရောက်တာကအစ ရုပ်အလောင်းတောင် အိမ်ပြန်မရောက်တာမျိုးအထိ ဖြစ်နိုင်ပါတယ်။

“ကျွန်တော်တို့က ဒီမှာနေရတာ တိုက်ပွဲမဖြစ်ပါစေနဲ့လို့ မမြဲဆုတောင်းနေရတယ်”လို့ အဲဒီ ကချင်အမျိုးသားက ဆက်ပြော ပြပါတယ်။

အင်းတော်ကြီးကန်ကို အမှီပြုပြီးတော့ တောင်ယာလုပ်ငန်း၊ ငါးဖမ်းလုပ်ငန်း အနည်းငယ်သာလုပ်ကိုင်ကြပြီး အများစုက ရွှေ မိုင်းတွင်းနဲ့ ဖားကန့်ကျောက်စိမ်းမှော်တို့မှာ သွားရောက်လုပ်ကိုင်နေကြတာကို တွေ့ရပါတယ်။ ကျောက်တွင်း၊ ရွှေတွင်းဒေ သမှာ ပိုပြီးပေါများတဲ့အရာကတော့ မူးယစ်ဆေးဝါးမျိုးစုံပါပဲ။


IMG_1793 – အင်းတော်ကြီးအတွင်းရှိ ရွှေမဉ္ဇူဘုရား။


IMG_1817 – အင်းတော်ကြီးအတွင်း ပုဇွန်မြုံးထောင်နေကြသည့် ဒေသခံများ။

“ချောင်းအထက်ဘက်မှာဆိုရင် တကယ့်ရွာကြီးလိုကို ရွှေတူးနေကြတာ။ အဲဒီနေရာမှာဆိုရင် မူးယစ်ဆေးကအစ အကုန်လုံး ရတယ်။ ဥပဒေဆိုတာ ဘာမှန်းကိုမသိတဲ့နေရာဖြစ်နေပြီ” လို့   Fauna & Flora International အဖွဲ့က ကိုရန်ခေါင်းက ဆိုပါ တယ်။

ဆေးစွဲသူတွေ ဆန္ဒပြည့်ဖို့ လိုအပ်တာကတော့ ငွေကြေးပါပဲ။ ဒီလိုနဲ့ ငွေရလွယ်တဲ့ သတ္ထုတူးဖော်ရေး၊ ကျောက်တွင်း၊ သစ်လုပ်ငန်းတွေဟာ မူးယစ်ဆေးဝါးကိစ္စနဲ့ မဖြစ်မနေ ဆက်စပ်နေပါတော့တယ်။

ဒီဒေသရဲ့ ငြိမ်းချမ်းရေး၊ သဘာဝသယံဇာတတွေ စနစ်တကျ ထုတ်လုပ်မှုမရှိတာ၊ ပြည်တွင်းစစ်ပွဲတွေကြောင့် တိုင်းရင်းသား တွေအကြား သွေးကွဲစေတာ၊ ဒေသခံတို့ ရွေး ချယ်စရာ အခွင့်အလမ်းမရှိ၊ မြန်မာပြည်က တခြားဒေသတွေလိုပဲ ဒီမှာလည်း ဒေသခံ အများအပြား မူးယစ်ဆေးနွံထဲ ကျွံဝင်နေတာတွေကို စဉ်းစားရင်း တောက်ပနေတဲ့ အင်းတော်ကြီးကန်ရေပြင်ပေါ်မှာ သက်ပြင်း အကြိမ်ကြိမ် ချခဲ့မိပါတယ်။     ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခရီးသွား ဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊ အချိန်မီ ထွက်ပါပြီ

By

  မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊...

Read more »

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်