မောင်မောင်စိုး – NLD ပါတီခေါင်းဆောင်မှု တောင့်တင်းခိုင်မာရေး

January 6, 2016

မောင်မောင်စိုး – NLD ပါတီခေါင်းဆောင်မှု တောင့်တင်းခိုင်မာရေး

(မိုးမခ) ဇန်န၀ါရီ ၆၊ ၂၀၁၆

ရွေးကောက်ပွဲကာလ လူမကြည့်ဘဲပါတီကြည့်၍ မဲပေးပါဟု ဆိုသည့်အတိုင်း လူထုကလည်းတခဲနက် NLD ပါတီကိုမဲပေး ခဲ့ကြသည်။ ထို့အတူ ရွေးကောက်ပွဲတွင် NLD သည်လည်း မဲအပြတ်အသတ်နိုင်ခဲ့သည်။ ရွေးကောက်ပွဲအပြီးတွင်လည်း လူထုက NLD ကို ဆက်လက်ဝန်းရံခဲ့ကြသည်။ ဤသည်တို့မှာ NLD နှင့်ပတ်သက်၍ လူထု၏ယုံကြည်ချက် မျှော်လင့်ချက်တို့ကြောင့်ဖြစ်သည်။ နှစ် ၅၀ ကျော် စစ်အာဏာရှင်စနစ်အောက်ရောက်နေသောမြန်မာပြည်ကို ရွေးကောက်ပွဲလမ်းကြောင်းမှ တဆင့် ဒေါ်အောင်ဆန်းစုကြည် နှင့် NLD ပါတီတို့က တွန်းတင်နိုင်လိမ့်ဟူသော မျှော်လင့်ချက်ကြောင်းဖြစ်သည်။ ထို့ပြင် နှိုင်းယှဉ်မှုအရ အခြားလူပုဂ္ဂိုလ်များ ပါတီများသည် ဒေါ်စုနှင့် NLD လောက် စစ်အာဏာရှင်စနစ်အား ရင်ဆိုင်တွန်း လှန်နိုင်စွမ်းမရှိဟူ၍လည်း ယုံကြည်မှတ်ယူကြ၍လည်းဖြစ်သည်။ NLD နှင့်အတူ ပြောင်းလဲမှရမည်ဟု ယုံကြည်ကြ၍ဖြစ် သည်။ တိုင်းပြည်အပြောင်းအလဲအတွက် ဒေါ်အောင်ဆန်းစုကြည်အားလည်းကောင်း၊ NLD အားလည်းကောင်း၊  မျှော်လင့် ချက်ထားကြ သည်။ ထို့အတူ မိမိမျှော်လင့်အားထားသောပါတီအား တောင့်တင်းခိုင်မာ သန်စွမ်းစေချင်ကြသည်။

ဒေါ်အောင်ဆန်းစုကြည်သည် အရည်အချင်းပြည့်ဝသော ကိုယ်ကျိုးစွန့်လွှတ်သော ပြည်တွင်းပြည်ပလူအများစုက လေးစား ချစ်ခင်သော ခေါင်းဆောင်တစ်ဦးဖြစ်သည်ဆိုသည်မှာ ယုံမှား သံသယဖြစ်စရာမရှိပါ။ မြန်မာပြည်စစ်အာဏာရှင်စနစ်အားဆန့်ကျင်တိုက်ပွဲဝင်ခဲ့သည့် သမိုင်းကာလတလျောက်တွင် သူမသည် အခြားသူများထက် ခေါင်းတစ်လုံးပိုမြင့်ခဲ့သူဟု ဆိုရ ပေမည်။

သို့သော် ပြဿနာပေါင်းများစွာနှင့် ဒုက္ခနွံတွင်းသက်ရောက်နေသော တိုင်းပြည်အား ရှေ့တန်းရောက်အောင်ပို့ဆောင်ဖို့ ဆို လျှင် သူမတစ်ဦးတည်းနှင့်တော့ မဖြစ်ပေ။ သူမအားဝန်းရံနေသော လူထုရှိရုံမျှလည်း မဖြစ်နိုင်ပေ။ သူမ၏ ရှေ့ဆောင်မှုကို လက်တွေ့ကျကျ အကောင်အထည်ဖေါ်ပေးနိုင်သည့် ပါတီနှင့် စနစ်တကျ စည်းရုံးဖွဲ့စည်းထားသည့် ပါတီခေါင်းဆောင်မှု လိုအပ်ပါသည်။ စနစ်တကျဖွဲ့စည်းထားသည့် ပါတီခေါင်းဆောင်မှုတရပ် ထိုကဲ့သို့သော ခေါင်းဆောင်မှုအောက်တွင်ရှိသည့် တောင့်တင်းခိုင်မာသည့် ပါတီတရပ်သည် လူထုအားလည်းကောင်း၊  တိုင်းပြည်အားလည်းကောင်း အကောင်းဆုံးရှေ့ဆောင် နိုင်ပေလိမ့်မည်။

NLD ပါတီသည် ပါတီတည်ထောင်သည့် သက်တမ်းအရ ငွေရတုကျော်ခဲ့ပြီဖြစ်သည်။ လူထုတိုက်ပွဲ နိုင်ငံရေးတိုက်ပွဲများစွာ ကို ဆင်နွှဲခဲ့ရသည့်ပါတီဖြစ်သည်။ အတွေ့အကြုံကြီးမားသည့် ပါတီလည်းဖြစ်ခဲ့သည်။ သို့သော် ပါတီစထောင်သည်မှ ၂၀၁၁
ထိ ဖိနှိပ်ချုပ်ချယ်မှုများစွာခံခဲ့ရသည် ပါတီဖြစ်သည်။ ပါတီဝင်များစွာ ပါတီခေါင်းဆောင်များစွာ ဖမ်းဆီးခံခဲ့ရသည့်ပါတီဖြစ်သည်။ အချို့ ထောင်တွင်းရောက်၊ အချို့ နိုင်ငံခြားသို့ ထွက်ပြေးရ၊ အချို့ ခြိမ်းခြောက်ခံရနှင့်  အကွဲကွဲ အပြားပြားဖြစ်ခဲ့ရသည်။ ဆယ်စုနှစ် သုံးစုနီးပါး ဖြတ်သန်းလာခဲ့ရသည့် NLD ပါတီမှ အချို့ကွယ်လွန်ခဲ့ကြသည်။ အချို့ ဘေးထွက်သွားကြသည်။ အချို့ခွဲထွက်သွားကြသည်။ အချို့ဆက်လက်ချီတက်နေဆဲဖြစ်သည်။ အင်အားသစ်များ အသစ်ပေါ်ထွက်လာသည်။ အာဏာရှင်အစိုးရ၏ဖိနှိပ်မှုအောက်တွင် ဤအချင်းအရာများသည် မထူးဆန်းလှပေ။

သို့သော် ဂရုပြုသင့်သည့် ထိပ်ဆုံးခေါင်းဆောင်မှစ၍ အလယ်အလတ်ခေါင်းဆောင် အငယ်တန်းပါမကျန် အဖမ်းဆီးခံကြရ သည့် ကြာရှည်သောကာလ အတွင်း NLD အနေနှင့် ပါတီစည်းရုံးဖွဲ့စည်း မှုကို စနစ်တကျလုပ်ရန် အခွင့်အလမ်းနည်းပါးခဲ့ သည်။ ပါတီဝင်များအား လေ့ကျင့်ပျိုးထောင်ပေးရန် အခွင့်အလမ်းနည်းပါးခဲ့သည်။ ပါတီ၏စည်းရုံးရေးအဆောက်အအုံများ စနစ်တကျတည်ဆောက်ရန် အခွင့်အလမ်းနည်းပါးခဲ့သည်။ ပါတီ၏ ဗဟိုဦးစီးစနစ်ကို စနစ်တကျအကောင်အထည်ဖေါ်ရန် အခွင့်အလမ်းနည်းခဲ့သည်။ ဒေါ်အောင်ဆန်းစုကြည်၏ လူပုဂ္ဂိုလ်သြဇာပေါ်တွင် ပါတီကိုစုစည်းတည်ဆောက်ခဲ့ရပေသည်။

မည်သို့ဆိုစေ NLD အနေနှင့် ၂၀၁၁ အသစ်တဖန်ပြန်လည်စတင်ချိန်မှစ၍ ပါတီပြန်လည်စုစည်းတည်ဆောက်ရေးကို အလေးထားခဲ့သည်။ ပါတီညီလာခံကို ကျင်းပနိုင်ခဲ့သည်။ ပါတီအဖွဲ့အစည်းအဆင့်ဆင့် ရွေးချယ်တင်မြှောက်မှုကိုပြုလုပ်နိုင်ခဲ့သည်ဟု ဆိုရမည်။ ပါတီဗဟိုကော်မတီကိုလည်းကောင်း၊ CEC ကိုရွေးချယ်တင်မြှောက်နိုင်ခဲ့သည်။ ပါတီဥက္ကဌအား လည်းကောင်း ရွေးချယ်တင်မြှောက်နိုင်ခဲ့သည်။ ဤသို့ဖြင့် NLD ပါတီတွင် ဥက္ကဌဒေါ်အောင်ဆန်းစုကြည်နှင့် CEC ၁၅ ယောက်၏ ခေါင်းဆောင်မှုပေါ်လာခဲ့သည်။

သို့သော် NLD ပါတီတွင် ဥက္ကဌဒေါ်အောင်ဆန်းစုကြည်ပြီးလျှင် ဒုတိယခေါင်းဆောင်အဖြစ်တဦးဦးကို ရွေးချယ်ရန် အခါမသင့် သေးသည်လော သို့မဟုတ် ရွေးချယ်ရန်အခက်ခဲရှိ၍လော အကြောင်းရင်းမသိရသော်လည်း လက်ရှိဖွဲ့စည်းပုံအရ NLD တွင် ဥက္ကဌသာရှိပြီး ဒုဥက္ကဌသော်လည်းကောင်း၊ အထွေထွေအတွင်းရေးမှူးသော်လည်းကောင်း ထားရှိသည်ကို မတွေ့ရ ပေ။ ယခင်ကအချိန်အခါမသင့်သေးဟုဆိုနိုင်သော်လည်း လက်ရှိ NLD ပါတီအနေနှင့် ရွေးကောက်ပွဲတွင်အနိုင်ရပြီး အစိုးရ ဖွဲ့ရန်အခြေအနေရောက်ရှိလာသောအခါ အချိန်သင့်ပြီဟု ဆိုရပေမည်။

အကယ်၍သာ ဒေါ်အောင်ဆန်းစုကြည်အစိုးရသစ်တွင် သမတတာဝန်ယူနိုင်မည်ဆိုပါက လက်ရှိ ၂၀၀၈ အခြေခံဥပဒေအရ ပါတီလုပ်ငန်းများ ဆောင်ရွက်ခွင့်ရတော့မည်မဟုတ်ပေ။ သို့မဟုတ် သမတ တာဝန်မယူဘဲ အစိုးရအဖွဲ့အား ထိန်းကျောင်း လမ်းညွှန်သည်ဆိုလျှင်ပင် များပြားလှသော အစိုးရအဖွဲ့လုပ်ငန်းများအပြင် ပါတီနေ့စဉ်လုပ်ငန်းကိုကွပ်ကဲရန် အကန့်အသတ် ရှိပေလိမ့်မည်။ ပါတီလုပ်ငန်းများခေါင်းဆောင်ရန် ဒုဥက္ကဌ သို့မဟုတ် အထွေထွေအတွင်းရေးမှူး တယောက် မရွေးချယ် လျင်တောင်မှ CEC များဦးဆောင်သည့် အတွင်းရေးမှူးအဖွဲ့ဖွဲ့ပြီး ပါတီအားခေါင်းဆောင်ရန်လိုအပ်ပေလိမ့်မည်။ သို့မှသာ NLD ပါတီခေါင်းဆောင်မှုသည် တောင့်တင်းခိုင်မာပေလိမ့်မည်။

NLD အနေနှင့် လူငယ်မျိုးဆက်သစ်များ မွေးမြူရေးကိုတော့ အလေးထားပုံရသည်။ ဤကာလအတွင်း NLD လူငယ် ညီ လာခံကိုကျင်းပပြီး လူငယ်ခေါင်းဆောင်များကို ရွေးချယ်တင်မြှောက်နိုင်ခဲ့သည်ကို တွေ့ရသည်။ ဤသည်မှာတော့ ကောင်း သည့်အချက်ဖြစ်သည်။ သို့သော် လူငယ်မျိုးဆက်သစ်များမွေးမြူရေး လေ့ကျင့်ရေးကို တိုင်းဒေသကြီးအလိုက် စီမံချက်ချ၍ ကျယ်ကျယ် ပြန့်ပြန့်လုပ်ရန် လိုအပ်ပေလိမ့်မည်။

သို့သော် အလွှာအသီးသီး နယ်ပယ်အသီးသီးကိုစည်းရုံး ရှေ့ဆောင်ရန် စနစ်ကျသည့် ဖွဲ့စည်းမှုများလုပ်ရန် လိုပေအုံးမည် ဟုယူဆရသည်။ ယခင်က နိုင်ငံရေးပါတီများသည် အလုပ်သမားသမဂ္ဂ၊ အလုပ်သမားအစည်းရုံး၊ လယ်သမားသမဂ္ဂ၊ လယ် သမားအစည်းရုံး စသဖြင့် သက်ဆိုင်ရာ လူ့အလွှာအလိုက် စည်းရုံးလုပ်ဆောင်နိုင်ရန် အဖွဲ့အစည်းများထပ်မံဖွဲ့စည်းလုပ် ဆောင်ကြသည်။ အချို့က သီးခြား အစည်းအရုံး သမဂ္ဂတို့မဖွဲ့ဘဲ ပါတီ၌ ဌာနကြီးများခွဲက ကိုင်တွယ်ဖြေရှင်းကြသည်။ ဥပမာ ပါတီစည်းရုံးရေးဌာန၊ အလုပ်သမားရေးဌာန၊ လယ်သမားရေးဌာန၊ တိုင်းရင်းသား လူမျိုးရေးရာဌာန စသဖြင့် လိုအပ် သလိုဖွဲ့စည်းကြသည်။

မကြာသေးမှီက NLD ခေါင်းဆောင်တစ်ဦးဖြစ်သူ ဦးညီပု လက်မှတ်ရေးထိုးပြီး မြို့နယ်အလိုက် လယ်ယာမြေအသိမ်းခံရသည့် စာရင်းများ ပြုစုတင်ပြရန် ညွှန်ကြားသည်ကိုတွေ့ရသည်။ ယင်းမှတွေ့ရသည်မှာ NLD အနေနှင့် ပြဿနာတခုချင်းအလိုက် တာဝန်ပေးထားမျိုးရှိသည်ကိုတွေ့ရသည်။ အလားတူပင် ပါတီစည်းရုံးရေး စည်းကမ်းနှင့်ပတ်သက်၍ ညွှန်ကြားသည်များ ကိုလည်း  တွေ့ရသည်။ သို့သော် အာဏာရပါတီတရပ်အနေနှင့် ပြဿနာများစွာ ခေါင်းဆောင်ဖြေရှင်းနိုင်ရန် အထူးပြုထား သော ကျွမ်းကျင်သော နိုင်ငံရေးသမားများဖြင့် ဖွဲ့စည်းထားသည့်ဌာနကြီးများဖွဲ့စည်းရန် လိုအပ်ပေမည်။

ပါတီစည်းရုံးရေး (ပါတီဝင်သစ်သိမ်းသွင်းခြင်း ပါတီနိုင်ငံရေးလမ်းစဉ်များ ရှင်းလင်းချပြခြင်း သင်တန်းများလေ့ကျင့်ပို့ချခြင်း ) ပါတီစည်းမျဉ်းစည်းကမ်းထိမ်းသိမ်းရေး အလုပ်သမားအရေး (လုပ်ငန်းခွင်အခြေအနေ လုပ်ခပြဿနာ အလုပ်သမားအလုပ် ရှင် ပဋိပက္ခပြဿနာ) လယ်သမားအရေး (လယ်ယာမြေအသိမ်းခံရသည့်ပြဿနာ၊ အမတော်ကြေးပြဿနာ သီးနှံများ ဈေးနှိမ်မခံရရေးမှသည် မျိုးစိတ်သစ်များ စိုက်ပျိုးနိုင်ရေး နည်းပညာအကူအညီပေးရေး ဈေးကွက်ထိုးဖေါက်ရေး) တိုင်းရင်း သားလူမျိုးအရေး (ရွေးကောက်ပွဲဝင်ရောက်သည့် တိုင်းရင်းသားပါတီများနှင့် လက်တွဲဆောင်ရွက်နိုင်ရေး၊ လက်နက်ကိုင် အဖွဲ့များနှင့်ငြိမ်းချမ်းရေးပြဿနာ၊ ဖက်ဒရယ်ပြဿနာ တိုင်းရင်းသားပြည်နယ်များ၏ ရပိုင်ခွင့်ပြဿနာ) စသည့် ပြဿနာ များစွာကို ဖြေရှင်းခေါင်းဆောင်နိုင်ရန် NLD ပါတီ CEC အနေနှင့် NLD ဌာနချုပ်တွင် လိုအပ်သည့် ဌာနကြီးများဖွဲ့စည်းဆောင် ရွက်ရန်လိုပေလိမ့်မည်။

ထို့ပြင် သက်ဆိုင်ရာဌာနကြီးအလိုက် အထူးကျွမ်းကျင်သူ အထူးအလေးထားလေ့လာသူများထားရှိရန် လိုအပ်သကဲ့သို့ လေ့ကျင့်ရန်လိုအပ်သည်။ ထိုကိစ္စရပ်များသည် သာမန်ပညာရပ်ဆိုင်ရာ ဘွဲ့များရရုံနှင့် မပြီးပေ။ နိုင်ငံရေးအမြင်ရှိသည့် နိုင်ငံရေးရပ်တည်ချက်ရှိသည့် နိုင်ငံရေးသမားများဖြစ်ရန်လိုသည်။ သို့မှသာ နိုင်ငံရေးပါတီတရပ်ကို ခေါင်းဆောင်နိုင်ပေ လိမ့်မည်။ အင်ဂျင်နီယာအသင်းကို အင်ဂျင်နီယာများကခေါင်းဆောင်၍ ဆရာဝန်များအသင်းကို ဆရာဝန်များက ခေါင်း ဆောင်သကဲ့သို့ နိုင်ငံရေးပါတီတရပ်ကို နိုင်ငံရေးသမားများ ခေါင်းဆောင်ရမည်မှာ သဘာဝကျသည်။ ထိုသူသည် ဆရာ ဝန်တစ်ဦးသော်လည်းကောင်း၊ အင်ဂျင်နီယာတစ်ဦးသော်လည်းကောင်း၊ ရှေ့နေတစ်ဦးသော်လည်းကောင်း၊ အခြားသူ တစ်ဦးဦးသော်လည်းကောင်း ဖြစ်နိုင်ပါသည်။ သို့သော် ထိုသူသည် နိုင်ငံရေးအမြင်ရပ်တည်ချက် ရှင်းလင်းပြတ်သားသည့် နိုင်ငံရေးသမားတစ်ဦးလည်း ဖြစ်ရန်လိုသည်။

အနှစ် ၂၀ စစ်အစိုးရ၏ အထုအထောင်းခံလာရသည့် NLD ပါတီအနေနှင့် ပြီးခဲ့သော လေးနှစ်အတွင်း ပါတီဖွဲ့စည်းရေးစည်းရုံးတည်ဆောက်ရေးကို အတော်လေးဂရုစိုက်လုပ်ဆောင်နိုင်ခဲ့သည်ဟု ဆိုနိုင်ပါသည်။ တချိန်တည်းတွင် ပါတီဝင်သစ်သိမ်း သွင်းရေးကို လုပ်ဆောင်နိုင်ခဲ့သည်ကိုတွေ့ရသည်။ တချိန်တည်းတွင် ဒေါ်အောင်ဆန်းစုကြည်ခေါင်းဆောင်မှုအားနှင့် လူထု အများစု၏ ထောက်ခံမှုအားလည်း ရယူနိုင်ခဲ့သည်။ လူထု၏ အလေးထား အားကိုးခြင်းကိုခံခဲ့ရသည်။

ပြီးခဲ့သော ရွေးကောက်ပွဲတွင်လူထုကလည်း လူမကြည့်ဘဲ ပါတီကြည့်၍ မဲပေးခဲ့ကြသည်။ NLD ပါတီအပေါ် မျှော်လင့်မှုနှင့် အတူ ယုံကြည်မှုပေးခဲ့ကြသည်။ ထိုသို့သော NLD ပါတီကိုလည်း တောင့်တင်းခိုင်မာစေလိုကြသည်။ NLD ပါတီ ထိပ်ပိုင်း ခေါင်းဆောင်မှုကို ပို၍ ပို၍ တောင့်တင်းခိုင်မာစေလိုသည်။ စနစ်ကျသောဖွဲ့စည်းပုံများနှင့် ပိုမိုအားကောင်းစေလိုကြပါသည်။ လူထု၏မျှော်လင့်ချက်ကို NLD ခေါင်းဆောင်ပိုင်းအနေနှင့် အလေးထားကြလိမ့်မည်ဟု မျှော်လင့်ရပေသည်။ ခေါင်းဆောင် မှုတောင့်တင်းခိုင်မာသည့် နိုင်ငံရေးပါတီတရပ်သည်သာ လူထုအား နောက်ဆုံးအောင်ပွဲအထိ ခေါင်းဆောင်သွားနိုင်ပေ လိမ့်မည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး, မောင်မောင်စိုး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်