တူမောင်ညို – ငြိမ်းချမ်းရေးကို ပြည်သူ့အင်အားနဲ့ယူမှသာ ရနိုင်မယ်

January 14, 2016
ဇန်န၀ါရီ ၁၁၊ ငြိမ်းချမ်းရေးညီလာခံ မြင်ကွင်း

 

တူမောင်ညို  – ငြိမ်းချမ်းရေးကို ပြည်သူ့အင်အားနဲ့ယူမှသာ ရနိုင်မယ်
(မိုးမခ) ဇန်နဝါရီ ၁၄၊ ၂၀၁၆ 

“ငြိမ်းချမ်းရေးညီလာခံ” မှာ သမ္မတ၊ ကာချုပ်နဲ့ ဒေါ်အောင်ဆန်းစုကြည်တို့ရဲ့ ပြောကြားချက် ၃ ခုကို သတိထားလေ့လာပါ တယ်။ သမ္မတပြောကြားချက်ကို “မိန့်ခွန်း” လို့ ဆိုပြီး ၊ ကာချုပ်နဲ့ဒေါ်အောင်ဆန်းစုကြည်တို့ပြောတာကိုတော့ “နှုတ်ခွန်းဆက်စကား” လို့ သာသုံးစွဲထားတာကိုလည်း သတိပြုမိပါတယ်။

ပြောကြားချက် ၃ ခုဖတ်ကြည့်တဲ့အခါ မကြာခင်ပေါ်ပေါက်လာတော့မယ့် အစိုးရသစ်အတွက် “အရှည်တည်တံ့ခိုင်မြဲတဲ့ ငြိမ်းချမ်းရေး” ရဖို့ကြိုးပမ်းရာမှာ အခက်အခဲတွေကြီးကြီးမားမား တည်ရှိနေတာကို တွေ့ရပါတယ်။

အဓိကအခက်အခဲကတော့ အစိုးရသစ်နဲ့ လွှတ်တော်သစ်ရဲ့ ငြိမ်းချမ်းရေးပေါ်လစီသစ်ကို စစ်အုပ်စုက လက်ခံ/လက်မခံ ဆို တာပဲ ဖြစ်ပါတယ်။ ဒါဟာ အစိုးရသစ်မလွဲမသွေ ရင်ဆိုင်ရမယ့် အဓိကအခက်အခဲပါပဲ။ အကျပ်အတည်းပါပဲ။ ငြိမ်းချမ်းရေးညီလာခံမှာ ပြောတဲ့ ဒေါ်အောင်ဆန်းစုကြည်ရဲ့နှုတ်ခွန်းဆက်စကားမှာပါရှိတဲ့ စကားလုံးအသုံးအနှုန်းတွေကို ကြည့်ခြင်းအားဖြင့် ထိုစကားလုံးနဲ့အသုံး အနှုန်းတွေဟာ အစိုးရသစ်ရဲ့ငြိမ်းချမ်းရေးပေါ်လစီသစ်ရဲ့ အဓိကမူတွေ၊ ကျောရိုးတွေဖြစ်ဖွယ်ရှိတယ်လို့ခန့်မှန်းပါတယ်။

အဲဒါတွေက ဘာလဲဆိုတော့ –

စစ်မှန်တဲ့ ဒီမိုကရေစီ ဖက်ဒရယ်ပြည်ထောင်စု နိုင်ငံသစ်

တိုင်းရင်းသား အားလုံးတို့ရဲ့ တန်းတူရည်တူ အခွင့်အရေးများကို လေးစားအကောင်အထည်ဖော်ရေး၊

ပြည်ထောင်စုသား အချင်းချင်းအကြား သဟဇာတ ဖြစ်ရေး

အပြန်အလှန်လေးစားမှု၊ ယုံကြည်မှုတို့ဖြင့် စားပွဲဝိုင်းဖြေရှင်းနည်းကို ကျင့်သုံးပြီး ပင်လုံစိတ်ဓါတ် ကို အခြေခံသော နိုင်ငံရေး တွေ့ဆုံဆွေးနွေးပွဲများ ပြုလုပ်ရေး

စတဲ့အချက်တွေဖြစ်ပါလိမ့်မယ်။

“၂၁ ရာစုနှစ်နဲ့ကိုက်ညီမှုရှိတဲ့ပင်လုံညီလာခံမျိုး” ကို ဒီလိုမူတွေသဘောထားရပ်တည်ချက်တွေနဲ့ ကျင်းပရမှာဖြစ်ပါတယ်။ ဒီသဘောထား၊ ဒီရပ်တည်ချက်တွေကို ခိုင်ခိုင်မာမာကိုင်စွဲပြီး ပင်လုံစိတ်ဓါတ်နဲ့သာ ဆွေးနွေးညှိနှိုင်းမယ် ဆိုရင် ငြိမ်းချမ်းရေးလမ်းဟာ အကွေ့အကောက်မရှိ ဖြောင့်တန်းနေမှာဖြစ်ပါတယ်။

ဒါကြောင့် ပထမခြေလှမ်းအနေနဲ့ ၂၀၁၅ ရွေးကောက်ပွဲမှာ တခဲနက်အနိုင်ရထားတဲ့ ဒီချုပ်အစိုးရအနေနဲ့ သူ့ရဲ့ “ ငြိမ်းချမ်းရေး ပေါ်လစီသစ်” လွှတ်တော်မှာ တင်သွင်းအတည်ပြုရမှာဖြစ်ပါတယ်။ အစိုးရသစ်ရဲ့ ငြိမ်းချမ်းရေးပေါ်လစီသစ်အတည်ပြုရေးမှာ ကာချုပ်ရဲ့ စစ်သားအမတ်တွေအနေနဲ့လည်း လွှတ်တော်ထဲမှာ ကပျက်ယပျက်မလုပ်ဘဲ လေးလေးနက်နက်ပါဝင် ထောက်ခံကြဖို့လိုပါတယ်။

လူမျိုးပေါင်းစုံပြည်သူများ၊ လူထုအဖွဲ့အစည်းများအနေနဲ့လည်း အစိုးရသစ်ရဲ့ ငြိမ်းချမ်းရေးပေါ်လစီသစ်ကို တခဲနက်ထောက်ခံ ကြိုဆိုကြရမှာပါ။ ထောက်ခံကြိုဆိုတဲ့ လူထုငြိမ်းချမ်းရေးပွဲကြီးတွေ တပြည်လုံးအနှံ့ခြိမ့်ခြိမ့်သဲသဲ ကျင်းပပြုလုပ်ကြရဦးမှာပါ။ စစ်မှန်တဲ့ ငြိမ်းချမ်းရေးကို ပြည်သူ့အင်အားနဲ့သာ အရယူနိုင်မှာဖြစ်ပါတယ်။ ဒီအချက်ကို လေးလေးနက်နက်ရှိဖို့လိုအပ်ပါတယ်။

အဓိကလိုအပ်ချက်က အစိုးရသစ်နဲ့ လွှတ်တော်သစ်ရဲ့ ငြိမ်းချမ်းရေးပေါ်လစီသစ်ကို ကာချုပ်နဲ့ စစ်တပ်က လေးစား လိုက်နာ ဖို့ လိုအပ်ပါတယ်။ နိုင်ငံတော်အစိုးရနဲ့ လွှတ်တော်ကချမှတ်တဲ့ ပေါ်လစီမူဝါဒကို ကာချုပ်နဲ့စစ်တပ်က နာခံရမယ်၊ လေးစားလိုက်ရမယ်။ ဒါဟာ ဒီမိုကရေစီရဲ့လုပ်ထုံးလုပ်နည်းတစ်ခုပဲ ဖြစ်တယ်။ အမေရိကန်မှာဖြစ်ဖြစ်၊ တရုတ်ပြည်မှာဖြစ်ဖြစ် စစ်တပ်ဟာ အစိုးရကို နာခံရ မယ်။ ဒီလုပ်ထုံးလုပ်နည်းနဲ့ အညီသက်ဆိုင်ရာ အစိုးရကိုနာခံကြရတယ်။ တနည်းပြောရရင် (Standard Army) တွေဟာ ဒီလုပ်ထုံး လုပ်နည်းအတိုင်း ကျင့်သုံးကြလေ့ရှိတယ်။

ဒီလိုမှမဟုတ်ဘဲ ကြံ့ဖွံ့ပါတီနဲ့စစ်တပ်အနေနဲ့ တစ်ဖက်သတ်အသေကိုင်စွဲထားခဲ့ကြတဲ့ ကာချုပ်ရဲ့“ ငြိမ်းချမ်းရေးဆိုင်ရာ မူဝါဒ(၆) ရပ် ” ဆိုတာကို ဆက်လက်ကိုင်စွဲထားမယ်ဆိုရင် ထာဝရငြိမ်းချမ်းရေးဟာ ထာဝရဝေးကွာမြဲဝေးကွာနေမှာပဲ ဖြစ်ပါတယ်။

သမ္မတ(ဗိုလ်) ဦးသိန်းစိန်က “ ပြည်ထောင်စုငြိမ်းချမ်းရေးညီလာခံ” ကို “အခြေခံအုတ်မြစ်ကောင်း” – “အစိုးရသစ်ထံ အစိုးရ တာဝန်များလွှဲပြောင်းပေးတဲ့ကိစ္စတွေထဲမှာ အရေးကြီးတဲ့လုပ်ငန်းစဉ်တစ်ခု – သိမ်မွေ့နက်နဲပြီး ကျယ်ပြန်တဲ့ငြိမ်းချမ်းရေး လုပ်ငန်းစဉ်ကို အစိုးရသစ်ထံ စနစ်တကျလွှဲပြောင်းပေးနိုင်ရေးအတွက် အထူးအရေးပါလှတဲ့ဆောင်ရွက်တစ်ခုလည်းဖြစ်ပါတယ်” လို့ပြောဆိုနေတာတွေ ဟာ အကြောင်းမဲ့မဟုတ်ပါဘူး။ ဒို့ချမှတ်ထားခဲ့တဲ့ အခြေခံအတိုင်းရပ်တည်၊ ဒို့ခင်းထားခဲ့တဲ့လမ်းအတိုင်းသာ လျှောက်ရမယ်လို့ ညှပ်ပူး ညှပ်ပိတ်လုပ်ပြီး ဂွင်သွင်းတာဖြစ်ပါတယ်။

သမ္မတနဲ့ကာချုပ်ဟာ ငြိမ်းချမ်းရေးညီလာခံမှာ အတိုင်အဖော်ညီညီပြောသွားတယ်။ ဒါပေမယ့် သမ္မတပြောတဲ့ စကားထက် ပိုပြီး ဗြောင်ကျကျပြောတာတော့ ကာချုပ်ရဲ့ ပြောစကားပဲဖြစ်ပါတယ်။ သူက “တပ်/ငြိမ်းမူ ၆ ရပ်”ဆိုတာကို ဆက်လက်ကိုင်စွဲထားမယ် ဆိုတာကို ထပ်မံအတည်ပြုတာပဲဖြစ်ပါတယ်။ ကာချုပ်ပြောကြားချက်က ဒီလိုပါ –

“ငြိမ်းချမ်းရေး ဆောင်ရွက်တဲ့နေရာမှာလည်း ယခင်အတွေ့အကြုံများအရ စစ်မှန်တဲ့ ထာဝရငြိမ်းချမ်းရေးကို ခိုင်ခိုင်မာမာ ဆောင်ရွက်နိုင်ဖို့ တပ်မတော်အနေနဲ့ ငြိမ်းချမ်းရေးဆိုင်ရာမူဝါဒ ၆ ချက်ကို ချမှတ်အကောင်အထည် ဖော်ခဲ့ပါတယ်”

“ဒီမိုကရေစီနဲ့ Federal ကို အခြေခံတဲ့ ပြည်ထောင်စုအရေး ဆွေးနွေးကြတဲ့အခါ လက်နက်ကိုင်ဆောင်ပြီး နိုင်ငံရေး လုပ်ငန်းစဉ်ကိုလုပ်ဆောင်လို့မရနိုင်တဲ့အတွက်ယနေ့နိုင်ငံတကာ ပဋိပက္ခအပစ်အခတ်ရပ်စဲရေးဖြေရှင်းဆောင်ရွက်ရာမှာ အသုံးပြုနေတဲ့ DDR/SSR လုပ်ငန်းစဉ်များအတိုင်း သင့်တင့်တဲ့ Time Line သတ်မှတ်ပြီး အကောင်အထည်ဖော်ဆောင် ရွက်ရမှာဖြစ်ကြောင်း ပြောကြားလိုပါတယ်” (လက်နက်ချပြီးမှ နိုင်ငံရေးဆွေးနွေးရမယ်ဆိုတာပဲ)

“ကျွန်တော်တို့နိုင်ငံတော်ဟာပြည်နယ်နှင့်တိုင်းဒေသကြီးများစုစည်းထားတဲ့ပြည်ထောင်စုနိုင်ငံဖြစ်ပါတယ်” (ပြည်ထောင်စု ဆိုတာ တိုင်းဒေသကြီးနဲ့ ပြည်နယ် ၇ ခုပဲလို့ပြောတာပဲ)

ဒါကြောင့် သမ္မတနဲ့ကာချုပ်ရဲ့အထက်ပါပြောဆိုချက်တွေက နောင်ပေါ်ပေါက်လာမယ့် အစိုးရသစ်အတွက် ငြိမ်းချမ်းရေး ပေါ်လစီသစ်ချမှတ်ရာမှာ ငြိမ်းချမ်းရေး လုပ်ငန်းစဉ်တွေလုပ်ဆောင်ရာမှာ တစ်ဖက်သတ် ကြိုတင်လွှမ်းမိုးချုပ် ကိုင်ခြယ် လှယ်စွက်ဖက် ထားတဲ့အချက်တွေဖြစ်နေပါတယ်။

ဒီလို တရားသေကျတဲ့၊ တစ်ဖတ်သတ်ကျတဲ့ မူတွေ၊ ပေါ်လစီတွေ၊ လုပ်ငန်းစဉ်တွေ၊ ပြောဆိုနေတတာတွေကို အစိုးရသစ် အနေနဲ့မျက်စိမှတ်ပြီး လက်ခံလို့မဖြစ်ပါဘူး။ “တပ်/ငြိမ်းမူ ၆ ရပ်” ကို အသေကိုင်စွဲထားမယ်။ “၂၀၀၈ အခြေခံဥပဒေ” ဘောင်ထဲကနေပဲ ရပ်တည်ပြီး ဆွေးနွေး အဖြေရှာနေမယ်ဆိုရင်အရှည်တည်တံ့ခိုင်မြဲတဲ့ငြိမ်းချမ်းရေးမရနိုင်ဘဲ ငြိမ်းချမ်ရေးနဲ့ ထာဝရဝေးကွာနေပါလိမ့်မယ်။

ဒါကြောင့် အစိုးရသစ်အနေနဲ့ ငြိမ်းချမ်းရေးကို ပြည်သူ့အင်အားနဲ့ယူမှသာလျှင် လက်ဝယ်ပိုင်ပိုင်ရယူနိုင်ပါလိမ့်မယ်။

ညွန်း

၁၂-၁-၂၀၁၆ ပြည်ထောင်စုငြိမ်းချမ်းရေးညီလာခံသမ္မတမိန့်ခွန်း (၁၃-၁-၂၀၁၆) ကြေးမုံသတင်းစာ

ကာချုပ်နှုတ်ခွန်းဆက်စကား (၁၂-၁-၂၀၁၆)

ဒေါ်အောင်ဆန်းစုကြည်နှုတ်ခွန်းဆက်စကား (၁၂-၁-၂၀၁၆)

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

Comments are closed.

ကြော်ငြာ … ကြော်ငြာ …

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags