၂၀၁၅ နိုဘယ်မြန်မာ – ကလေးစာပေပွဲတော်အတွက် စာအုပ်တချိူ့

January 16, 2016

၂၀၁၅ နိုဘယ်မြန်မာ – ကလေးစာပေပွဲတော်အတွက် စာအုပ်တချိူ့
(မိုးမခ စာအုပ်စင်) ဇန်န၀ါရီ ၁၆၊ ၂၀၁၆


နိုဘယ် – မြန်မာ ကလေးစာပေ ၂၀၁၅နှစ်အတွက် ၂၀၁၆ ခုနှစ် ဇန်န၀ါရီလ ၁၆၊ ၁၇၊ ၁၈ ရက်များတွင် မြေနီကုန်းအနီး ရှင်စောပုလမ်းရှိ MEP မှာ ကျင်းပပြုလုပ်မည်။  နိုဘယ်-မြန်မာ စာပေပွဲတော်တွင် စာအုပ်တိုက်များကနေ ကလေးစာအုပ် ၁၀၀ ပါဝင်လျက် ထူးထူးခြားခြာ်း ရောင်းချပေးသွားမည်ဟု သိရပါသည်။ ထိုကလေးစာပေအဖြစ် ရွေးချယ်ပြသထားမည့် စင်တွင်လည်း ပါဝင်သည့်စာအုပ်များကို ရွေးချယ်ကာ စိတ်ကြိုက်အားပေးလို့ရမည် ဖြစ်ပါသည်။

ယခုလေ့လာမိသလောက်တော့ ဦးဖိုးကျားရေးသားသော စာအုပ်၊ လူထုဦးလှပုံပြင်စာအုပ်၊ မြနှောင်းညိုေ၇းသားသောကလေးပုံပြင်စာအုပ်၊ ရိုးရာပုံပြင်များ၊ ကလေးကဗျာများ၊ ကြည်နိုင်၏ ကလေးပုံပြင်၊ တက္ကသိုလ်ရွှေရီဝင်း ဘာသာပြန် ထားသော ဒေါက်တာစူးပြောသော ပုံပြင်စာအုပ်များ၊ ဂျူနီယာဝင်း ဘာသာပြန်ထားသည့် အဲလစ်နှင့်အံ့ဖွယ်ကမ္ဘာ၊ အဲလစ်နှင့် မှန်၏ ဟိုဖက် အစရှိသည်များကိုလည်း ထိုအုပ် ၁၀၀ စင်ပေါ်မှာ သို့မဟုတ် စာပွဲပေါ်မှာ တွေ့ကြရပေဦးမည်။ ယခုတော့ လက်လှမ်းမှီသလောက်သော အုပ် ၁၀၀ စာရင်းဝင် စာအုပ်တချိူ့ကို တင်ပြလိုက်ရပါသည်။

အုပ်ချူပ်သူမျော်နေသော ဖားများနှင့် ဒဏာရီပုံပြင်များ
မူရင်း The Frogs want a Ruler and other stories
ဘာသာပြန်သူ – တက္ကသိုလ်ရွှေရီဝင်း

အင်္ဂလိပ်မြန်မာ ဆေးရောင်စုံစာအုပ်ကလေး
ရန်အောင်စာပေ။ အထက (၁) ရန်ကင်းကျောင်းရှေ့၊ ဆိုင်အမှတ် (H)၊ ၁၂လုံးတန်းမှတ်တိုင်အနီး၊ ရန်ကင်း
ဖုန်း – ၀၉ ၅၁၇ ၉၃၉၈၊ ၀၉ ၇၃၂ ၄၃ ၈၅၁။
အုပ်ရေ ၁၀၀၀
တန်ဖိုး ၁၀၀၀ကျပ်
ပထမအကြိမ် ၂၀၁၅ ဒီဇင်ဘာ
မျက်နှာဖုံးဒီဇိုင်း – ကိုဇော် (ရန်ကင်း)
စာမျက်နှာ ၂၄

ဒဏ္ဍာရီပုံပြင်များကား စာဖတ်သူများကို အပြင်းပြေစေသည့်ပုံပြင်များဖြစ်ပေသည်။ သင်ခန်းစာလည်း ပေးတဲ့အခါပေးပါသည်။ လူတွေ၏ မဆင်မခြင်လုပ်ဆောင်မူများကိုလဲ လှောင်ပြောင်ကာ ရေးသားထားသည် များလဲ ပါဝင်ပါသည်။ ဒဏာရီတော်တော်များများမှာတော့ တိရစ္ဆာန်များ သို့မဟုတ် အပင်များကို ဇာတ်ကောင်များ အဖြစ် ဖန်တီးထားတာတွေ တွေ့ရတတ်ပါသည်။ ဒဏ္ဍာရီဆိုတာ လူတွေ တဆင့်ပြီးတဆင့် ပြောဆိုလာရာ ကနေ လက်ဆင့်ကမ်းသယ်လာရင်း ယနေ့တိုင် မကွယ်မပျောက် ရှိနေကြတာ ဖြစ်ပါသည်။ သည်တော့ ပြောဆိုလာကြရာက မူရင်းဇာတ်လမ်းတော့ နည်းနည်းပါးပါး ကွဲပြားမူတွေတော့ ရှိကောင်းရှိနိုင်ပါသည်။

ယခုသည်စာအုပ်က ထိုဒဏာရီများကို ကာလာရုပ်ပုံများနဲ့အတူ ခံစားရင်း ကြိုက်နှစ်သက်ကြမည် ဖြစ်ပါသည်။ ပုံပြင် ၇ ပုဒ်ပါဝင်ထားပြီး အင်္ဂလိပ်မြန်မာ တွဲဖက်ကာ ဖော်ပြထားတာကြောင့်၎င်း၊ ပုပြင်တစ်ပုဒ်ဆီမှာ ပါဝင်သော စကားပုံသဖွယ် စာကြောင်းများကို လိုက်ဖတ်ရင်း အသိပညာ တိုးသွားကြမည် ဖြစ်ပါသည်။ ဥပမာ – ‘Physical strength may be overcome by intelligence. = အင်အားကြီးသူကို ပညာဥာဏ်ဖြင့် အနိုင်ယူနိုင်သည်။’

ကလေးတို့ဖတ်ဖို့ ၁၀၀၁ည ပုံပြင်များ
မူရင်း – 1000 Nights and a Night
ဘာသာပြန်သူ – တက္ကသိုလ်ရွှေရီဝင်း

ရန်အောင်စာပေ ။ အထက (၁) ရန်ကင်းကျောင်းရှေ့၊ ဆိုင်အမှတ် (H)၊ ၁၂လုံးတန်းမှတ်တိုင်အနီး၊ ရန်ကင်း
ဖုန်း – ၀၉ ၅၁၇ ၉၃၉၈၊ ၀၉ ၇၃၂ ၄၃ ၈၅၁။
အုပ်ရေ ၅၀၀
တန်ဖိုး ၂၅၀၀ကျပ်
ပထမအကြိမ် ၂၀၁၆ ဇန်န၀ါရီ
စာမျက်နှာ ၂၃၇

၁၀၀၁ညဆိုတဲ့ ပုံပြင်တွေထဲက ပုံပြင် ၂၀ ပါဝင်ထားသည်။ ငယ်ငယ်တုန်းက ဖတ်ခဲ့ကြားခဲ့ဖူးသော အလီဘာဘာနှင့် ခိုးသား၄၀၊ အာလာဒင် အစရှိသော ပုံပြင်များကို ပြန်တွေ့ကြရမည်။ ထိုဇာတ်လမ်းများကို ရုပ်ရှင်များ ကာတွန်းများပင် ရိုက်ကြရာ ကလေးများလည်းကြိုက်၊ လူကြီးများလည်း နှစ်သက်ကြရသည်။

ဘုရင်တပါးက သူ့အပေါ်သစ္စာမရှိသော မိဖရားတစ်ပါးကို အကြောင်းပြုလို့ မိန်းမများကို မုန်းတီးလျက်ရှိကာ သူ့အား တစ်ည တစ်ယောက် သတို့သမီးဆက်စေလျက် ထိုဆက်သသော သတို့သမီးကို နောက်တစ်နေ့နံနက်တွင် သတ်စေသည်။ ထိုသို့ပြုလုပ်ခြင်းသည် သူ့အား သစ္စာဖောက်ရန် အခွင့်မပေးခြင်း ဖြစ်သည်။ ဤသို့နှင့် သူတို့တိုင်းပြည်မှာ သတို့သမီးတစ်ယောက်မှ မကျန်သည့်အဖြစ်ကို ရောာက်ရသည်။ နောက်ဆုံး သတို့သမီး ရှာရာဇတ် အလှည့်ရောက်ချိန်မှာ ထိုမင်္ဂလာဦးညတွင် သူကပုံပြင်ကြိုက်သော ဘုရင်ကြီးကို ပုံပြင်တစ်ပုဒ်စပြောသည်။ နောက်တစ်နေ့တွင် ဆက်ရန်ရှိဦးမည့်ပုံပြင်ကို တပိုင်းတန်းလန်း ရပ်ပစ်လိုက်သည်။ ဘုရင်ကြီးသည် နောက်တစ်နေ့ သတို့သမီးကို သတ်ရန်လာခေါ်သည့် သူများကို ပုံပြင်မပြိးသေးသဖြင့် နောက်တစ်နေ့မှ လာဖို့ပြောလိုက်သည်။ ဤသို့နှင့် ပုံပြင်ဟာ ဆက်လက်၍ ပြောလိုက်တာဟ တစ်ထောင့်တစ်ည တိုင်သွားလေသည်။

ထိုပုံပြင်များ၏ မူရင်းမှာ အာရေဗျ ကဖြစ်သည်။ ထိုအာရေဗျဘာသာကနေ ပြင်သစ်လူမျိူး တစ်ဦးဖြစ်သူ Antoine Galland က အတွဲပေါင်း ၁၀တွဲ (၁၇၀၄-၁၇၁၂) တွင် ဘာသာပြန်သည်။ နောက်၂တွဲကို ၁၇၁၇ တွင် ထွက်သည်။ ၁၇၀၆ တွင် ယင်းကို အင်္ဂလိပ်ဘာသဖြင့် ဘာသာပြန်ထွက်ရှိသည်။ မြန်မာဘာသာဖြင့် သခင်ဘသောင်း (1902-1982) တွင် ဘာသာပြန်ထွက်ရှိသည်။ ယခုစာအုပ်မှာ ကလေးများအတွက် ဖတ်ရန်ရေးသားထားသော ၁၀၀၁ည ပုံပြင်တွေထဲက အတွဲတစ်ခု ဖြစ်ပါသည်။

၂၀၁၅ သချာင်္ဥာဏ်စမ်းများ
ဒေါက်တာခင်မောင်ဝင်း (သချာင်္)

ရန်အောင်စာပေ။ အထက (၁) ရန်ကင်းကျောင်းရှေ့၊ ဆိုင်အမှတ် (H)၊ ၁၂လုံးတန်းမှတ်တိုင်အနီး၊ ရန်ကင်း
ဖုန်း – ၀၉ ၅၁၇ ၉၃၉၈၊ ၀၉ ၇၃၂ ၄၃ ၈၅၁။
မျက်နှာဖုံးဒီဇိုင်း – သင်းနွယ်ဆွေ
ပထမအကြိမ် ၂၀၁၅ ဇွန်
အုပ်ရေ – ၁၀၀၀
တန်ဖိုး ၁၅၀၀ကျပ်
စာမျက်နှာ – ၁၂၈

သချာင်္ဥာဏ်စမ်းပေါင်း ၅၃ ခုပါဝင်ကာ ရုပ်ပုံများနှင့်အတူ စိတ်ဝင်စားဖွယ် မေးခွန်းများပါဝင်သော သည်စာအုပ်လေးက သည်ကလေးစာပေ နိုဘယ်မြန်မာ ထဲ ၀င်သွားပါသည်။ စဉ်းစားပုံစဉ်းစားနည်းများ ပါဝင်သောကြောင့်လဲ သချာင်္တွက်ရင်း ဦးနှောက်လည်း သုံးရင်းနဲ့ ပျော်ရွှင်ဖွယ်တွက်ကြည့် ရမည် ဖြစ်ပါသည်။ မေးခွန်းများကလဲ စိတ်ဝင်စားစရာပါ။

‘ ဘယ်သူက ကော်ဖီ ဘယ်သူက လက်ဖက်ရည်လဲ’ ‘သဘောင်္၆စင်းနဲ့ ခရီးသည်များ’ထဲက ခရီးသည် ဘယ်နှစ်ဦးလိုက်မှာလဲ။ ‘ ၀င်္ကဘာထဲကထွက်နည်းရှာပေးပါ’ စသဖြင့် စသဖြင့်တို့အပြင်၊ စက်လှေကားပြသနာများ၊ စီးပွားရေးလိမ်လည်မူကြီး၊ A4 စက္ကူနှင့် အမျိူးသမီးများ၏ ဆွဲဆောင်မူ၊ အစရှိသည်တို့သည်လည်း သချာင်္ပုစ္တာများအဖြစ် တွေ့ကြရဦးမည်။ ရုပ်ပုံကလေးများက ကလေးများအကြိုက်ဖြစ်ကာ သချာင်္မေးခွန်းများကလည်း စိတ်ဝင်တစား စဉ်းစားစဖွယ် ဖြစ်ပါသည်။ အဖြေများလည်းပါတာကြောင့် ချက်ချင်းအဖြေညှိကြည့်လိုက်တာပေါ့။
ရွှေမိနဲ့ အင်္ဂလိပ်စာ
မောင်ရစ်

ရန်အောင်စာပေ။ အထက (၁) ရန်ကင်းကျောင်းရှေ့၊ ဆိုင်အမှတ် (H)၊ ၁၂လုံးတန်းမှတ်တိုင်အနီး၊ ရန်ကင်း
ဖုန်း – ၀၉ ၅၁၇ ၉၃၉၈၊ ၀၉ ၇၃၂ ၄၃ ၈၅၁။
အုပ်ရေ – ၅၀၀
တန်ဖိုး – ၁၅၀၀ ကျပ်
စာမျက်နှာ – ၉၆
မျက်နှာဖုံး – အောင်ထက်
၂၀၁၆ ဇန်န၀ါရီ ပထမအကြိမ်နေ့စဉ်အင်္ဂလိပ်စကားပြောများထဲက အင်္လကာသုံး၊ ဗန်းစကားအသုံးများကို ရွှေမိနဲ့ အင်္ဂလိပ်စာ သင်ခန်းစာများပေးသွာားသော တစ်မျက်နှာ ကာတွန်းများဖြစ်သည်။ ၂နှစ်ခန့်ကြာ အကယ်ဒမစ်ဝီးကလီတွင် အပတ်စဉ်ရေးသားနေသော ကာတွန်းမောင်ရစ်၏ ရွှေမိနှင့် အင်္ဂလိပ်စာ များကို စုပေါင်းတင်ဆက်ထားတာ ဖြစ်ပါသည်။ ပျော်တော်ဆက်တွင် ကာတွန်းတင်ဝင်း၏လက်ရာ တူးမာနဲ့အင်္ဂလိပ်စာ များကို မှတ်မိကြမည်ဆိုပါလျှင် ယခုစာအုပ်ကို စာဖတ်သူများ စိမ်းမည် မထင်ပါ။ ယခု နိုဘယ်မြန်မာ ကလေးစာပေမှာ စာတစ်အုပ်အဖြစ် တွေ့မြင်ကြရတာကြောင့် ကာတွန်းမောင်ရစ်၏ ကာတွန်းလက်ရာများကို ကြည့်ရင်းနဲ့ အင်္ဂလိပ်စာပါတိုးသွားမည့် စာအုပ်တစ်အုပ်ဖြစ်ပါသည်။

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာအုပ်စင်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်