ရန်လိုကျွဲ – ဝန်ကြီးတာဝန် ထမ်းလိုသူများ

January 16, 2016

– ဝန်ကြီးတာဝန် ထမ်းလိုသူများ

(မိုးမခ) ဇန်န၀ါရီ ၁၆၊ ၂၀၁၆

ရွေးကောက်ပွဲ အကြီးအကျယ် နိုင်သော ပေါ်ပြူလာပါတီ အစိုးရဖွဲ့ရတော့မည်။  ဤအချိန်တွင် ဝန်ကြီးတာဝန် ထမ်းဆောင် လိုကြောင်း ပါတီခေါင်းဆောင်များထံသို့ စာပို့အရေးဆိုကြသူ အများအပြား ပေါ်ပေါက်လာလေသည်။

ထူးဆန်းသည်မှာ … ထိုသို့ ထပ်မံ အရေးဆိုလာပါက  ပြင်းပြင်းထန်ထန်အရေးယူမည်ဟု ပါတီခေါင်းဆောင်တို့က ရာဇသံ ထုတ်ပြီး  လာလတ္တံ့သော ကမ်းလှမ်းချက်တို့ကို ပိတ်ပင်သည်ဟူသောအချက်ပင်။ ထိုသို့သောကမ်းလှမ်းမှုသည် လွန်စွာ စိတ်ဆိုးဖွယ်ကောင်းသော လုပ်ရပ် ဖြစ်သည်ဟု ခေါင်းဆောင်တို့က ဆို၏။

ဤဖြစ်ရပ်သည် ဒုက္ခသီရိနေပြည်တော်တွင် အကြီးအကျယ် ဂယက်ရိုက်သွားသည်။ ဝန်ကြီးဖြစ်ချင်ကြောင်း တင်ပြပြောဆို ရုံနှင့် ပါတီစည်းကမ်းကို ချိုးဖောက်ရာရောက်သည်ဟူသောအချက်မှာ လက်ဘက်ရည်ဝိုင်း၊ ဘီယာဝိုင်းတို့တွင် ဆွေးနွေး လို့ကောင်းသော အကြောင်းအရာတစ်ခု ဖြစ်လာသည်။ မည်သို့အရေးယူမည်ဆိုသည်ကိုလည်း အများက စိတ်ဝင်စား နေကြသည်။

ကမ်းလှမ်းထားသူတို့ကို ဇာတ်ထဲတွင် ဝန်ကြီးများအဖြစ် သရုပ်ဆောင်ခိုင်းမည်လောဟုလည်း တွေးသူများ ရှိသလို၊ ပါတီဝင် အဖြစ်မှ ရာသက်ပန် ထုတ်ပယ်မည်လောဟု တွေးသူလည်း ရှိ၏။ မည်သို့ပင် တွေးစေကာမူ ဝန်ကြီးတာဝန်ယူလိုကြောင်း ပြောဆိုရုံဖြင့် စိတ်ဆိုးရသည့် အကြောင်းရင်းကိုရှာဖွေနိုင်ခြင်း မရှိကြပေ။

ပေါ်ပြူလာပါတီ၏ခေါင်းဆောင်မှာ သမ္မတ တာဝန် ထမ်းဆောင်လိုသည်ဟု ပြောဖူးသည်။ ထိုစဉ်က များစွာ ပွဲမဆူခဲ့။ ယခု ပါတီဝင်တချို့က ဝန်ကြီးတာဝန်ထမ်းဆောင်လိုသည်ဟူသော တင်ပြချက်ကို စိတ်ဆိုးသည်ဟူသော သတင်းထွက်လာရာ တွင်မူ ပွဲဆူသွားသည်။ ကာတွန်းဆရာ ကိုကိုဖောင်တိန်က ထိုအကြောင်း ကာတွန်းဆွဲပြီး ကလိလိုက်ရာ ပါတီဝင်တချို့က ဖောင်တိန်ကို ရိုက်ချိုးပစ်မည်ဟုပင် ကြိမ်းဝါးကြလေသည်။

ဤသည်တို့မှာ ဒုက္ခသီရိတိုင်းပြည်တွင် လတ်တလော လူပြောများသော အကြောင်းအရာပင်တည်း။

ဤအတောအတွင်း သတင်းထောက် ရန်လိုကျွဲ၏လက်ထဲသို့ စိတ်ဝင်စားဖွယ် ဖိုင်တွဲတစ်ခု ရောက်လာသည်။ ဖိုင်ထဲတွင် တွေ့ရသည်မှာ ဝန်ကြီးတာဝန်ယူလိုကြောင်း ကမ်းလှမ်း ပေးပို့သည့် စာများကို မိတ္တူပွားထားခြင်းပင်။  ပါတီတွင်း ပေးပို့သည့် စာများ ပြင်ပသို့ ပေါက်ကြားလာခြင်း ဖြစ်နိုင်သလို တခြားသော ရည်ရွယ်ချက်ဖြင့် သတင်းထောက်လက်သို့ အရောက်ပို့ လိုက်ခြင်းလည်း ဖြစ်သည်။ မည်သို့ပင်ဖြစ်စေ… အများပြည်သူ လေ့လာရန်အလို့ငှာ တချို့ကို ကောက်နုတ် ဖော်ပြလိုက်ပါ သည်။

ဝန်ကြီးဖြစ်လိုသူထံမှ

“…    ချွေတာစုဆောင်း သူဌေးလောင်းဆိုတဲ့ စကား ရှိပါတယ်။ လူတိုင်း လူတိုင်း ထမင်းတနပ် လျှော့စားမယ်ဆိုရင် အကုန် အကျ အင်မတန်သက်သာမှာဖြစ်ပါတယ်။ ထမင်းကို နှစ်ကြိမ် စားကြပါတယ်။ တစ်ကြိမ်ပဲ စားမယ်ဆိုရင် စရိတ်သက်သာပြီး အများအပြား စုဆောင်းမိမှာ ဖြစ်ပါတယ်။ ဒီနည်းနဲ့ ပြည်သူတွေ ကြွယ်ဝလာနိုင်ပါတယ်။ ပြည်သူတွေ ချမ်းသာပြီဆိုရင် နိုင်ငံလည်းချမ်းသာပါပြီ။  ဒါ့အပြင် … ဥစ္စာဖြို စားဖိုကဆိုတဲ့ စကားလည်း ရှိပါတယ်။ ဓနဥစ္စာတွေက ဖြိုနေတဲ့  စားဖိုတွေ၊ မီးဖိုဆောင်တွေကို ဖျက်လိုက်မယ်ဆိုရင် ပိုပြီး သင့်တော်ပါတယ်။ ဒါကတော့ ပေါ်လာတဲ့ စိတ်ကူးတချို့ကို ဖော်ပြလိုက်တာပါ။
ကျွန်တော့်ကို ဝန်ကြီးတစ်နေရာစာပေးလို့ ဝန်ကြီး ဖြစ်လာခဲ့ရင် ကျွန်တော့်မှာရှိတဲ့ စိတ်ကူးကောင်းတွေကို တိုင်းပြည်နဲ့ လူထုအတွက် အကျိုးရှိရှိ အသုံးချနိုင်မှာ ဖြစ်ပါတယ် …”

ငြိမ်းချမ်းရေး ဖော်ဆောင်လိုသူထံမှ
“… ငြိမ်းချမ်းရေးဝန်ကြီးဌာန ဟူသော ဌာနတစ်ခု တိုးချဲ့ဖွဲ့စည်းရန် အရေးတကြီး လိုအပ်နေပါသည်။   ငြိမ်းချမ်းရေး တည် ဆောက်ရန် ပထမနှစ်အတွက် လိုအပ်သော အသုံးစရိတ် ပမာဏမှာ ဒေါ်လာ သန်း ၂,၁ဝဝ ဖြစ်ပါသည်။ ထိုစရိတ်အတွက်
ထုံးစံအတိုင်း ပြည်ပအားကိုးရပါမည်။ သို့သော်လည်း အိတ်စိုက်သုံးနေသည်ဟုသာ သံကောင်းဟစ်ရမည် ဖြစ်ပါသည်။
…  … …  … …  …
တရုတ်ကို ကြောက်ခြင်းသည် ကျွန်ုပ်၏ အရည်အချင်းတစ်ခု ဖြစ်ပါသည်။  … ”

မြို့တော်ဝန် ဖြစ်လိုသူထံမှ
“… လမ်းဖောက်လုပ်သည်၊ ကတ္တရာ သို့မဟုတ် ကွန်ကရစ်ခင်းပေးသည်ဆိုသော်လည်း လမ်းတစ်ခြမ်းခင်းသည့် နည်းလမ်း ကိုသာ ကျင့်သုံးပါမည်။  ဤသို့သောအနေအထားတွင် မိဘပြည်သူများ အနေဖြင့် နောက်တစ်ခြမ်း ခင်းပေးလိမ့်မည်ဟု မျှော်လင့်ချက်ထားကြမည်မှာ ဧကန်ပင်။  ရွေးကောက်ပွဲတွင် မိမိတို့ကိုမဲပေးရွေးချယ်မည်ဆိုပါက လမ်းနောက်တစ်ခြမ်း ခင်းပေးမည်ဖြစ်ကြောင်း ၎င်းတို့သဘောပေါက်အောင် အသံလွှင့်ရမည်ဖြစ်သည်။ ဤဗျူဟာအတိုင်း ကျင့်သုံးပါက ရွေး ကောက်ပွဲတွင် မိမိတို့ပါတီ မဲရရှိရေး ရာနှုန်းပြည့် သေချာမည် ဖြစ်သည် …”

ဝန်ကြီး သို့မဟုတ် အကြံပေးအရာရှိ ဖြစ်လိုသူ
“… ဖယောင်းတိုင်စက်ရုံ အများအပြား တည်ဆောက်ရန် လိုအပ်နေသည်။ လျှပ်စစ်မီးမရှိသော ဒေသတွင် ဖယောင်တိုင်စက်ရုံ အရေအတွက် ပိုမိုတည်ဆောက်သင့်သည်။ ဓာတ်လိုက်သေသော မသာများသာ ရှိပြီးဖယောင်းတိုင်လိုက်သေသော မသာ မရှိကြောင်း မကြာခဏ ဝါဒဖြန့်ရမည် …”
တိုင်းဒေသကြီးတစ်ခုကို ကိုင်တွယ်လိုသူ
“… ကျွန်တော်တာဝန်ယူလိုသောနယ်မြေသည် ကမ်းရိုးတန်းဒေသတွင် တည်ရှိသည်။ ငါးနှစ်အတွင်း စင်္ကာပူနှင့်တူသော တိုင်းဒေသကြီးဖြစ်စေရန် တာဝန်ယူပါသည်။ စည်ပင်သာယာရေးနည်းတူ  အတိုက်အခံများအပေါ် နှိပ်ကွပ်ရေးကိုလည်း အဓိကထားလုပ်ဆောင်ပါမည် …”

ဝန်ကြီးဖြစ်လိုသူ နောက်တစ်ဦး
“…ဂျပန်တို့သည် နေမျိုးနွယ်ဝင်များဖြစ်ကြသည်။ ခေတ်မီတိုးတက်သော လူမျိုးများဖြစ်သည်။ ထို့ကြောင့် ဂျပန်တို့လက်ချက် ကြောင့် သေဆုံးသူတို့သည် မုန်တိုင်းကဲ့သို့သော သဘာဝဘေးဒဏ်ကြောင့် သေဆုံးသူတို့ထက် ပိုမိုတန်ဖိုးထားစရာ ဖြစ်လာ သည်…”

အထက်တွင်ဆိုခဲ့သလိုပင်  … ဖော်ပြပါစာတို့မှာ ပါတီတွင်း ပေးပို့သည့်စာများ ပြင်ပသို့ ပေါက်ကြားလာခြင်း ဖြစ်နိုင်သလို တခြားသောရည်ရွယ်ချက်ဖြင့် သတင်းထောက်လက်သို့ အရောက်ပို့လိုက်ခြင်းလည်း ဖြစ်သည်။

ပေးစာတို့ကြောင့် ပါတီလူကြီးများ  စိတ်ဆိုးနေသည်ဟုဆိုရာ… ဤစာများ အတုအယောင်မဟုတ်ပါက လူကြီးတွေ အမှန် တကယ် စိတ်ဆိုးထိုက်ပါသည်ဟု ဆိုရမည် ဖြစ်ပေတော့သည်။      ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သရော်စာ

One Response to ရန်လိုကျွဲ – ဝန်ကြီးတာဝန် ထမ်းလိုသူများ

  1. San Hla Gyi on January 17, 2016 at 5:56 pm

    ကာတွန်းဆရာလည်း အရေးမတော် တစ်ကွက် ဆိုသလိုပေါ့ ခင်ဗျာ။

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)