fbpx

ကာတွန်းဝင်းအောင် – နှုတ်ဆက်ကန်တော့လိုက်ပါတယ် ဆရာ

January 27, 2016

ဆရာ ဇော်ဇော်အောင် (၁၉၃၇-၂၀၁၆) ဓာတ်ပုံ – မိုးမခ

ကာတွန်းဝင်းအောင် – နှုတ်ဆက်ကန်တော့လိုက်ပါတယ် ဆရာ

(မိုးမခ) ဇန်န၀ါရီ ၂၇၊ ၂၀၁၆

၁၉၈၀ ကျော်တဝိုက်က ကျနော့်သူငယ်ချင်း မောင်သာချို ဇောင်းထက်တို့ရှိတဲ့ ရန်ကုန်တက္ကသိုလ်ကို အမြဲရောက်ဖြစ်တယ်။  ရောက်တိုင်း တောင်ငူဆောင် တောင်ပိန္နဲပင်အောက်က  လက်ဖက်ရည်ဆိုင်မှာထိုင်ဖြစ်တယ်။ အဲဒီဝိုင်းမှာ ဆရာတင်မိုး၊ ဆရာမောင်စွမ်းရည်၊ ဆရာဇော်ဇော်အောင်၊ ဆရာမင်းမော်တို့နဲ့ အမြဲဆုံ နေကြဆိုတော့ ဆရာတွေနဲ့ ရင်းနီးခင်မင်ခွင့်ရခဲ့တယ်။ အဲဒီထဲမှာ ဆရာဇော်က ကျနော့်အတွက်ထူးခြားတဲ့ဆရာပါ ။

 ပွင့်ပွင့်လင်းလင်း ပြောရရင် ဆရာဇော်ရဲ့စာပေအယူအဆကို
မကြိုက်ဘူး။ ဒါ့အပြင် သူ့ဝေဖန်ရေးဆောင်းပါးတွေက ကျနော်လေးစားချစ်ခင်တဲ့ ဆရာတွေ ကို အင်မတန်ပြောင်မြောက်တဲ့ စကားလုံးတွေနဲ့ နှိပ်ကွပ်ထားတာမို့ စိတ်ထဲမှာ မျက်မုန်းကြိုးနေမိတယ်။ 

လူချင်းရင်းနီးခွင့်ရတော့မှ အပြင်မှာလည်း စာထဲကအတိုင်း ဆရာတွေကို ဆက် ဆံပြောဆိုတာကိုတွေ့ရတယ်။ သူတို့က အင်မတန်ချစ်တဲ့ ကျောင်းနေဘက်သူငယ်ချင်းတွေဆိုတာ နောက်မှ သိရတယ်။ ဒီတော့ စာနဲ့လူခွဲခြား မြင်ပြီး ဆရာ့ကို လေးစားချစ်ခင်သွားတယ်။

 ဆရာဇော်က လူငယ်တွကို အမြဲတန်ဖိုးထားဆက်ဆံတယ် ရင်းနီး ဖေါ်ရွေစွာဆက်ဆံတယ်။ လွန်ခဲ့တဲ့ ငါးနှစ် ၊ခြောက်နှစ်လောက်က ပွဲတခုမှာတွေ့တော့ ကျနော်က မော်ဒန်ကဗျာသီဝရီ မရေးတော့ဘူးလားလို့ မေးတော့ ဆရာက ငါ့အာရုံထဲ ဒါတွေမရှိတော့ဘူးကွာ … တဲ့ ။

 ကျနော်က ဆရာကို ကလိချင်တာနဲ့ “ဆရာက … ကွန်မြူနစ်ကို တလျောက်လုံး ဆန့်ကျင်လာပြီး ခုကြ ဘာဖြစ်လို့ ဒီဝါဒကို ပြန်တင်နေရတာလဲ” ။  ဆရာက တိုတိုပဲပြန်ဖြေတယ် ။ “ဖက်ဆစ်ကိုဆန့်ကျင်ဖို့ ပေါ်လာတဲ့စနစ်က ဖက်ဆစ်ကိုတိုက်ဖို့ အကောင်းဆုံးပဲကွ” တဲ့ ။ 

ဆရာကို နောက်ဆုံးတွေ့ခဲ့ရတာကတော့ ဆရာ မောင်စွမ်းရည် မြန်မာပြည် ခေတ္တပြန်လာတုန်းကပါပဲ။ ဆရာဟာ ကျောင်းသားနိုင်ငံရေးသမားဘဝနဲ့ စာပေလောကကို ဝင်ရောက်ခဲ့တယ်။  လူ့ဘဝက ထွက်ခွါခါနီးမှာလည်း ကျောင်းသား၊ နိုင်ငံရေးသမား လူငယ်တွေအတွက် စာတွေ အများကြီး ရေးခဲ့တယ်။ တိုင်းပြည်ရဲ့ အရေးကြီးတဲ့ အပြောင်းအလဲကာလမှာ ရွာလူတွေ ဖတ်ဖို့ အပါအဝင် တန်ဖိုးရှိတဲ့ စာတွေ ထားခဲ့တယ်။ 

ဆရာ့က တမလွန်ကနေ သူ့ဘဝသူ ကျေနပ်နေမှာပါ နှုတ်ဆက်ကန်တော့ လိုက်ပါတယ်ဆရာ ။

ကာတွန်းဝင်းအောင်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကာတွန်း ၀င်းအောင်, လူများ၊ ရုပ်ပုံလွှာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)