မောင်မောင်စိုး – ကချင်တိုင်းရင်းသားလက်နက်ကိုင်စစ်သည်များ၏ ကောက်ကြောင်း အပိုင်း (၁၄)

February 15, 2016

မောင်မောင်စိုး – ကချင်တိုင်းရင်းသားလက်နက်ကိုင်စစ်သည်များ၏ ကောက်ကြောင်း အပိုင်း (၁၄)
(မိုးမခ) ဖေဖော်ဝါရီ ၁၅၊ ၂၀၁၆

● KIA ( 2011- ယနေ့အထိ )
ယခုနောက်ပိုင်းကာလများကား သတင်း လွတ်လပ်ပွင့်လင်းမှု အတော်အသင့်ရှိလာပြီဖြစ်ရာ အတော်များများမှ မီဒီယာများမှ တဆင့်သိပြီးဖြစ်ရာ အကျဉ်းသာဖေါ်ပြပါမည်။

၂၀၁၁ မှစ၍ အစိုးရနဲ့ KIA ကြားလက်နက် ကိုင်ပဋိပက္ခ ပြန်လည်ဖြစ်ပွါးခဲ့သည်။ အစိုးရတပ်များ KIA ဌာနချုပ်ရှိရာ လိုင်ဇာဒေသသို့ ထိုးစစ်ဆင်ခဲ့ရာ ပြင်းထန်သောတိုက်ပွဲများစတင်ခဲ့သည်။လိုင်ဇာအနီး တောင်ကြောအချို့အား အစိုးရစစ် တပ်မှ သိမ်းပိုက်နိုင်ခဲ့သည်။ မြစ်ကြီးနား လိုင်ဇာကြား စည်ကားသည့် နန်ဆမ်ယန်ကဲ့သို့ ရွာကြီးများအပါ ရွာအတော်များများ ပျက်စီးခဲ့သည်။ စစ်ဘေးဒုက္ခသည် တစ်သိန်းကျော်ထိရောက်ရှိလာပြီး ယနေ့တိုင်နေရပ်ပြန်ခွင့်မရနိုင်ခဲ့ပေ။ ဤသို့ ရွာကြီး များ ပျက်၍ နေရပ်ပြန်နေခွင့်မရခြင်းမှာ KIA အားထောက်ပံ့အားပေးနေသည့် ရေသောက်မြစ် အားဖြတ်တောက်ရန် ကြိုးစားခြင်း ဖြစ်ဖွယ်ရှိသည်။သို့သော် ဒုက္ခရောက်လေ ပိုမိုနာကျည်းမှုဖြစ်လေဖြစ်ကာ KIA အတွက် တပ်သားရေသောက်မြစ်ပိုမိုရရှိသွားသကဲ့သို့ ဖြစ်တော့သည်။

၂၀၁၂ အတွင်း ပန်ဝါဒေသ BGF တပ်စခန်းများကို KIA မှ ဝင်ရောက်တိုက်ခိုက်ခဲ့ရာ အစိုးရတပ်မ ၈၈ မှ ဗျူဟာတခု စစ်ကူပို့ လွှတ်၍လည်းကောင်း၊ လေ ကြောင်းအကူအညီပေး၍လည်းကောင်း ကူညီခဲ့ရသည်။ KIA တို့အနေနှင့် ပန်ဝါအား သိမ်းပိုက် နိုင်ခြင်း မရှိသော်လည်း ပန်ဝါအထက် နယ်စပ်ကျောက်တိုင်အမှတ် ၅ နှင့် ၆ အကြား လဂွေ နှင့် ဖရယ်တောင်ကြားတဝိုက်တွင် KIA အင်အား ၂၀၀ ခန့် ယနေ့တိုင်အခြေစိုက်သွားနိုင်သည်ဟု ဆိုပါသည်။ (ပန်ဝါသည် နယ်စပ်ကျောက်တိုင် အမှတ် ၄ တွင်တည်ရှိပါသည် )

တဖက်တွင်လည်း လိုင်ဇာ၏ ရှေ့ကာကုန်းတချို့ဆုံးရှုံးလက်လွှတ်ရသကဲ့သို့ လုံခင်းအထက်ဖက် ကန်စီး အောင်ဘာလေ ရွာတဝိုက်ရှိ KIA စခန်းအချို့ဆုံးရှုံးလက်လွှတ်ရခဲ့သည်။ သို့သော်အစိုးရနှင့် KIA ၏တိုက်ပွဲများသည် ကချင်ပြည်နယ်သာမကရှမ်းပြည်မြောက်ပိုင်းအထိပါ ကျယ်ပြန့်သွားခဲ့တော့သည်။ ၂၀၁၂ ခုနှစ် ငြိမ်းချမ်းရေးဆွေးနွေးပွဲများပြန်စသည်အထိ ပြင်း ထန်သော တိုက်ပွဲများအတွင်း KIA ဘက်မှ ရာဂဏန်းကျဆုံးဒဏ်ရခဲ့သည်။ မြန်မာစစ်ဖက်မှ ကျဆုံးဒဏ်ရာရစာရင်းကို တရားဝင်ထုတ်ပြန်ခြင်းမရှိခဲ့ပေ။ နိုင်ငံခြားသတင်းဌာနများကမူ မြန်မာစစ်ဖက်၏ ကျဆုံးဒဏ်ရာရရှိမှုသည် ၅၀၀၀ ခန့်အထိ ရှိနိုင် သည်ဟု ခန့်မှန်းဖေါ်ပြခဲ့သော်လည်း အတည်ပြုရန်ခက်ခဲပါသည်။

၂၀၁၁ တကျော့ပြန်စစ်ပွဲမှတွေ့ရသည်မှာ KIA ၏ တိုက်ရည်ခိုက်ရည်သည်လည်းကောင်း၊ တိုက်နည်းခိုက်နည်းသည်လည်း ကောင်း၊ ယခင်ကထက်များစွာမြင့်တက်လာသည်ကို တွေ့ရသည်။ ယခင်က ပြောက်ကျားနည်းသာအသုံးပြုသည့် KIA သည် ယခုတကျော့ပြန်စစ်ပွဲတွင် ပုံမှန်စစ် ခံစစ်ဗျူဟာပါဆွဲကိုင်လာသည်ကိုတွေ့ရသည်။ မြန်မာစစ်ဖက်က လက်နက်ကြီး ပစ်ကူ လေကြောင်းပစ်ကူများစွာအသုံးပြုခဲ့သည်ကို ရင်ဆိုင်နိုင်ခဲ့သည်ကိုတွေ့ရသည်။ ထို့ပြင် ခံစစ်ပုံမှန်စစ်တိုက်နိုင်လောက် အောင် ခဲယမ်းမီးကျောက်ပြည့်စုံလုံလောက်လာသည်လည်း တွေ့ရသည်။

ထို့ပြင် KIA သည် ၂၀၁၀ ခုနှစ်၌ ယခင်ပြည်သူစစ် RGF ကို MHH MungShawa Hpyeng Hpung ဟူသောအမည်ဖြင့်ပြည်သူစစ်အဖွဲ့ပြန်လည်ဖွဲ့စည်းခဲ့သည်။ ၎င်း MHH အား ဗိုလ်မှူးကြီးအင်ခွန်လနူးက ဦးစီးခဲ့သည်။ စစ်ဦးစီးအဖွဲ့က တိုက်ရိုက်ညွှန် ကြားခဲ့သည်ဟုဆိုသည်။ MHH အင်အားကြီးထွားလာသည်နှင့်အမျှ စစ်ပွဲကိုကောင်းစွာထောက်ကူပြုနိုင်ခဲ့သည်ဟုဆိုသည်။ ယခုအခါ MHH ကို Department of GeneralAdministration အထွေထွေအုပ်ချုပ်ရေးဌာနအောက်တွင်ထားရှိပြီး ဗိုလ် မှူးကြီး ဇော်ရော်က တာဝန်ယူသည်ဟုဆိုပါသည်။

၂၀၁၂ မှစ၍ KIA သည် တဖွဲ့ချင်းအပစ်ရပ်ရေးထက် တိုင်းရင်းသားလက်နက်ကိုင်အဖွဲ့အားလုံးအပစ်ရပ်ရေးကို အလေးထားလုပ်ဆောင်လာခဲ့သည်ကိုတွေ့ရသည်။ တိုင်းရင်းသားလက်နက်ကိုင်အဖွဲ့များ၏ ညီလာခံကို လိုင်ဇာ/ လော်ခီးလာတို့ တွင်ပြုလုပ်ခဲ့ပြီး သမတဦးသိန်းစိန်အစိုးရနှင့် ငြိမ်းချမ်းရေးဆွေးနွေးပွဲများတွင်အခြားတိုင်းရင်းသား လက်နက်ကိုင်အဖွဲ့များ နှင့်ပါဝင်ဆွေးနွေးခဲ့သည်။

ထို့ပြင် ထိုဆွေးနွေးပွဲများတွင် တက်ကြွစွာ ပါဝင်လှုပ်ရှားရင်း တိုင်းရင်းသားလက်နက်ကိုင်အဖွဲ့များ၏ တပ်ပေါင်းစုဖြစ်သည့် UNFC တွင် KIA မှ ဥက္ကဌနေရာရယူလာနိုင်သည်ကိုတွေ့ရသည်။၂၀၁၅ ခုနှစ်သြဂုတ်လအတွင်း တိုင်းရင်းသား လက်နက် ကိုင်များအကြား NCA ခေါ် တနိုင်ငံလုံးအပစ်အခတ်ရပ်စဲရေးဆိုင်ရာသဘောတူချက်ကို သဘောတူနိုင်ခဲ့သည်။ သို့သော် NCA လက်မှတ်ထိုးရာတွင် အားလုံးပါဝင်လက်မှတ်ထိုးနိုင်ရေးနှင့်ပတ်သက်ပြီး သဘောထားကွဲလွဲမှုကိုကားညှိနှိုင်းမရနိုင်ခဲ့ပေ။

သို့ဖြစ်ရာ ၂၀၁၅ စက်တင်ဘာ ၉ ရက်နေ့တွင် သမတဦးသိန်းစိန် တိုင်းရင်းသားလက်နက်ကိုင်ပါတီကြီး ၅ ခု တွေ့ဆုံဆွေး နွေးရာ၌ KNU/SSPP/NMSP/KNPP တို့နှင့်အတူ KIO ဒုဥက္ကဌ အင်ဘန်လ တက်ရောက်ဆွေးနွေးခဲ့သည်။ သို့သော် ကိုးကန့် MNDAA တအန်းပလောင် PSLF/TNLA AA စသည့် အဖွဲ့ ၃ ဖွဲ့ပါဝင်လက်မှတ်ထိုးရေးညှိနှိုင်းမှုမရရှိခဲ့ကြပေ။ ဤသို့ဖြင့် ၂၀၁၂ မှစ၍ သုံးနှစ်တာမျှ အကြိမ်ကြိမ်တွေ့ဆုံညှိနှိုင်းလာခဲ့ပြီး ရရှိလာသည့် NCA လက်မှတ်ထိုးပွဲတွင် KIA နှင့် တိုင်းရင်းသားလက်နက်ကိုင်အဖွဲ့ကြီးအများစု မပါဝင်သေးဘဲ KNU နှင့်အဖွဲ့ငယ်အချို့သာ လက်မှတ်ရေးထိုးဖြစ်ခဲ့တော့သည်။

ထိုသို့ငြိမ်းချမ်းရေးဆွေးနွေးနေသည့် သုံးနှစ်တာကာလတွင် KIA နှင့် မြန်မာစစ်ဖက်လုံးဝအပစ်ရပ်သည်တော့မဟုတ်ပေ။ ဒေသအလိုက်ကွက်၍တိုက်ပွဲများဖြစ်ပွားနေသည်။ အချို့တိုက်ပွဲများသည် ရန်ကုန်တွင် ဆွေးနွေးပွဲကျင်းပနေစဉ်ပင် ဖြစ်ပွါး သည်ကိုတွေ့ရသည်။ ဆွမ်ပရာဘွမ်ဒေသ ဖါးကန့်ဒေသ မိုးညှင်းဒေသ ဗန်းမော်ဒေသ ရှမ်းမြောက်ဒေသများတွင် တိုက်ပွဲများ အကန့်အသတ်နှင့်ဖြစ်ပွါးဆဲဖြစ်သည်။ လိုင်ဇာ KIA ဗိုလ်သင်တန်းကျောင်းသို့ လက်နက်ကြီးနှင့် အပစ်ခံရပြီး KIA နှင့် တပ် ပေါင်းစုဖွဲ့ထားသည့် AA/CNF/TNLA တို့မှ ဗိုလ်လောင်း ၂၃ ယောက် ကျဆုံးခဲ့သေးသည်။

ထိုသို့ဒေသအလိုက် အကန့်အသတ်နှင့်ဖြစ်ပွါးသည်ဆိုသော်လည်း တိုက်ပွဲများသည် ပြင်းထန်ခဲ့သည်။ တိုက်ပွဲအတော်များ များတွင် မြန်မာစစ်ဖက်က လေကြောင်းပစ်ကူသုံး၍ တိုက်ခိုက်ခဲ့သည်ကိုတွေ့ရသည်။ ဤသို့ဖြင့် ပြင်းပြင်းထန်ထန်တိုက်လိုက် ဆွေးနွေးလိုက်ဖြင့်သွားနေသည့်ကာလဟု ဆိုရမည်။

ထိုသို့ တိုက်လိုက်ဆွေးနွေးလိုက်ဖြစ်နေသော၂၀၁၁ မှ ယနေ့အထိကာလအတွင်း စစ်ရေးအပြင် နိုင်ငံရေးအရ KIA တို့ အလေးထားလုပ်ဆောင်နေသည့် အချက်နှစ်ခုရှိသည်။ ပထမအချက်မှာ တိုင်းရင်းသားလက်နက်ကိုင်တပ်ဖွဲ့များတပ်ပေါင်းစုဖွဲ့နိုင်ရေးဖြစ်ပြီး ဒုတိယအချက်မှာ ဒေသခံကချင်လူထုကိုအလေးထားစည်းရုံးခြင်းဖြစ်သည်။

ပထမအချက်ဖြစ်သည့် တပ်ပေါင်းစု ပြဿနာကို ကိုင်တွယ်ရာ၌ လိုင်ဇာညီလာခံ လော်ခီလာညီလာခံတို့တွင်တက်ကြွစွာပါဝင်သကဲ့သို့ တိုင်းရင်းသားလက်နက်ကိုင်တပ်ပေါင်းစုဖြစ်သည့် UNFC တွင်လည်း ဥက္ကဌ တာဝန်ယူနိုင်ခဲ့သည်ကိုတွေ့ရ သည်။ ထို့ပြင်UNFC တွင်လည်းမပါဝင် NCA ဆွေးနွေးရာတွင် မပါဝင်သည့် UWSA ဝ အဖွဲ့ NDAA မိုင်းလားအဖွဲ့တို့နှင့် တပ်ပေါင်းစုဆက်ဆံရေးထားရှိနိုင်ခဲ့သည်။ ထို့ပြင် KIA သည် UWSA/NDAA တို့နှင့် တွဲဖက်ကမကထပြု၍ အင်အားကြီး တိုင်း ရင်းသားလက်နက်ကိုင်အဖွဲ့များပါသော ပန်ဆန်းညီလာခံကိုUWSA ဌာနချုပ်၌ ၂၀၁၅ အတွင်း ၂ ကြိမ်တိုင် ကျင်းပ နိုင်ခဲ့သည်။

တဆက်တည်းတွင် ဒူဝါအင်ဘန်လ၏ ဂျပန်ခရီးစဉ် ဒူဝါဂွမ်မော်၏ အမေရိကန်ခရီးစဉ်တို့သည်KIA ၏နိုင်ငံတကာဆက်ဆံ ရေးခြေဆန့်သည်ကိုပြသသည်။ ၂၀၁၆ နှစ်ဆန်းပိုင်းတွင် အမေရိကန် ဝါရှင်တန် ဒီစီ၌ ကချင်ဆက်ဆံရေးရုံးတစ်ရုံးဖွင့်လှစ် နိုင်ခဲ့သည်ကိုတွေ့ရသည်။

၂၀၁၂ မှစသည့် အစိုးရနှင့်တွေ့ဆုံဆွေးနွေးပွဲကာလတလျောက်လုံး KIA သည် ကချင်လူထုအဖွဲ့အစည်းများ အရပ်ဖက် အဖွဲ့အစည်းများ ဘာသာရေးအဖွဲ့အစည်းများမှ လူထုကိုယ်စားလည်များနှင့်အကြိမ်ကြိမ်တွေ့ဆုံခဲ့ပြီး KIA ၏သဘောထား ကိုချပြခဲ့သလို ကချင်လူထုသဘောထားကိုလည်း ရယူခဲ့သည်ကို တွေ့ရသည်။ သို့ဖြစ်ရာ KIA ၏ရပ်ခံချက်များနှင့်ပတ်သက်၍ ကချင်လူထု၏ထောက်ခံချက် အများစုရယူနိုင်ခဲ့သည်ဟုဆိုရမည်။ ၁၉၉၄ အပစ်ရပ်စဉ်ကာလက KIA အား ကချင်လူထု ထောက်ခံမှုသည် ၅၀ % ရှိသည်ဆိုပါက ယနေ့ အချိန်တွင် ၉၀% အထက်ရှိလိမ့်မည်ဟု သုံးသပ်ရပါသည်။ နှစ်ဆခန့်
တိုးလာသည်ဟု သုံးသပ်ရပေသည်။

● လက်ရှိ KIA ရပ်တည်လှုပ်ရှားမှု
လက်ရှိအချိန် KIA တပ်ဖွဲ့စည်းပုံမှာ ယခင်ကထက် နှစ်ဆတိုးသွားပြီဟုဆိုရမည်။ ယခင်ကတိုင်းနယ်မြေတစ်ခုတွင် တပ်မ ဟာ ၁ ခုသာရှိရာမှယခုအခါ တိုင်းနယ်မြေ ၁ ခုတွင် တပ်မဟာ ၂ ခုစီတိုးချဲ့ဖွဲ့စည်းထားနိုင်သည်ကို တွေ့ရသည်။

မြစ်ဆုံအထက်ပိုင်း မြောက်ပိုင်းတိုင်းတွင် ယခင် တပ်မဟာ ၁ အပြင် တပ်မဟာ ၇ တိုးချဲ့။

မြစ်ဆုံအောက် ဧရာဝတီမြစ်အနောက်ခြမ်းရှိအနောက်ပိုင်းတိုင်း၌ ယခင် တပ်မဟာ ၂ အပြင်တပ်မဟာ ၈ ထပ်မံတိုးချဲ့။

မြစ်ဆုံအောက် ဧရာဝတီအရှေ့ခြမ်းရှိ အရှေ့ ပိုင်းတိုင်း၌ ယခင် တပ်မဟာ ၃ အပြင် တပ်မဟာ၅ ထပ်မံတိုးချဲ့။

ရှမ်းပြည်မြောက်ပိုင်းရှိ တောင်ပိုင်းတိုင်း၌ ယခင်တပ်မဟာ ၄ အပြင် တပ်မဟာ ၆ အား ထပ်မံတိုး ချဲ့။

သို့ဖြစ်ရာ လက်ရှိ KIA ၏စစ်အင်အားမှာ တပ်မဟာ ၈ ခုနှင့် ဗဟိုတပ်များပါ ထည့်သွင်းတွက်ချက်ပါက တပ်ရင်း ၄၀ ဝန်းကျင် ခန့်ရှိပြီး အင်အား ၁၅၀၀၀ ခန့်ရှိသည်ဟု ခန့်မှန်းသုံးသပ်ရပါသည်။ ထို့ပြင် KIA ၌ လက်နက်ငယ်နှင့်ခဲယမ်းမီးကျောက်ထုတ်လုပ်သည့် စက်ရုံငယ်များရှိနေသည်ဟူသည့်သတင်းများထွက်ပေါ်နေသော်လည်း အတည်ပြု၍မရပါ။

၂၀၁၆ ဇန္နဝါရီ ၃၁ ရက်နေ့ KIO ဗဟို၏ထုတ်ပြန်ချက်အရ လက်ရှိ KIO/KIC/KIA ခေါင်းဆောင်များမှာ အောက်ပါအ တိုင်းဖြစ်သည်။

KIO ဥက္ကဌ လယော်ဇောင်ဟရာ၊
ဒုဥက္ကဌ ဗိုလ်ချုပ်ကြီးအင်ဘန်လ၊
အထွေထွေအတွင်းရေးမှူး ဦးလနန်၊
KIC ဥက္ကဌ လယော်ဇောင်းဟရာ၊
ဒုဥက္ကဌ ၁ ဒုဗိုလ်ချုပ်ကြီးဂွမ်ထန်ဂမ်ရှောင်၊
ဒုဥက္ကဌ ၂ ဗိုလ်ချုပ်ဆွန်လွတ်ဂွမ်မော်၊
KIA တပ်ချုပ် လယော်ဇောင်းဟရာ
ဒုတပ်ချုပ် ဗိုလ်ချုပ်ကြီးအင်ဘန်လ
စစ်ဦးစီးချုပ် CS ဒုဗိုလ်ချုပ်ကြီးဂွမ်ထန်ဂမ်ရှောင်
ဒုစစ်ဦးစီချုပ် ၁ ဗိုလ်မှူးချုပ်ဝေါကျွမ်းခေါင်လွန်း
ဒုစစ်ဦးစီချုပ် ၂ ဗိုလ်မှူးချုပ် အောင်ဆိုင်းလာ
မဟာဗျူဟာမှူး ဗိုလ်မှူးချုပ် မရန်ဇော်တောင်
နိုင်ငံခြားဆက်ဆံရေး ဗိုလ်မှူးကြီးဂေါ်လူလအောင်

လက်ရှိ KIA ၏ ခေါင်းဆောင်ပိုင်းတွင် ဥက္ကဌလယော်ဇောင်းဟရာနှင့် ဒုဥက္ကဌ အင်ဘန်လမှလွဲ၍ ကျန်သူများကား KIA မျိုးဆက်သစ်ခေါင်းဆောင်များဟုဆိုရပေမည်။

၂၀၁၆ ဖေဖဝါရီ ၁ ရက်နေ့က KIA ဌာနချုပ်လိုင်ဇာတွင် ကချင်ပြည်နယ်တွင်းရော ပြည်နယ်ပမှာပါရှိသော ကချင်လူထုအ ဖွဲ့အစည်းကိုယ်စားလည် ၄၆၇ ဦးတက်ရောက်သော လူထုကိုယ်စားလည်များနှင့်တွေ့ဆုံပွဲတရပ်ကျင်းပခဲ့ပါသည်။

၎င်းအစည်းအဝေးတွင်KIO ဒုဥက္ကဌအင်ဘန်လ KIC ဒုဥက္ကဌ ၂ ဆွန်လွတ်ဂွမ်မော်နှင့် KIO အထွေထွေအတွင်းရေးမှူး ဦးလ နန် တို့ တက်ရောက်ကြပြီးKIA ၏ရှေ့ဆက်သွားမည့် နိုင်ငံရေးလမ်းကြောင်းကို ချပြဆွေးနွေးသွားသည်ဟုဆိုပါသည်။ KIA အနေနှင့် ကချင်တို့၏နိုင်ငံရေး ရပိုင်ခွင့်ကို နိုင်ငံရေးနည်းနှင့်အဖြေရှာသွားမည်ဟုဆိုသည်။ ကချင်တို့၏နိုင်ငံရေးအနာဂါတ်အတွက် KIO နှင့် လူထုကိုယ်စားလည်များပါသည့် နိုင်ငံရေးအဖွဲ့အစည်းတခုကို ဖွဲ့စည်းသွားပြီး နိုင်ငံရေးနည်းလမ်းနှင့်ဖြေရှင်းသွားရန် ကြိုးပမ်းသွားမည်ဟုဆိုပါသည်။

စစ်ဆိုသည်မှာ နိုင်ငံရေး၏ အဆက်ဖြစ်သည်ဟုဆိုကြပါသည်။ နိုင်ငံရေးပြသနာကို နိုင်ငံရေးနည်းနှင့် ဖြေရှင်းနိုင်လျင် စစ် သည်လိုအပ်မည်မဟုတ်တော့ပေ။ လာမည့် NLD အစိုးရသစ်နှင့်အတူ အပြောင်းအလဲများကို မြန်မာပြည်မလူထုနှင့်အတူ တိုင်းရင်းသားလက်နက်ကိုင်များ တိုင်းရင်းသားပြည်သူများလည်း မျှော်လင့်လျက်ရှိသည်ဟုဆိုရပေမည်။

ဆက်လက်ဖေါ်ပြပါမည်
photocredit Mungdungla Wawhkyung


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, အခန်းဆက်များ, မောင်မောင်စိုး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်