ဗိုလ်ထက်မင်း – ပြောင်းလဲချိန်တန်ပြီဆိုရင် ပြောင်းလဲရေးမဟာဗျုဟာ နည်းဗျူဟာ အစီအစဉ် တိုက်တွန်းချက် – ၁၃

February 25, 2016

အရာခံနှင့် အကြပ်ကြီးသင်ကျောင်း၊ သင်တန်းသား စားရိပ်သာတွင်
ကွန်ပျူတာဒီပလိုမာ တပ်ကြပ်ကြီး/စာရေးသင်တန်းမှ သင်တန်းသားများနှင့်
နေ့လယ်စာ စားနေစဉ်၊ ဖေဖော်ဝါရီ ၂၃၊ ၂၀၁၆

ဗိုလ်ထက်မင်း – ပြောင်းလဲချိန်တန်ပြီဆိုရင် ပြောင်းလဲရေးမဟာဗျုဟာ နည်းဗျူဟာ အစီအစဉ် တိုက်တွန်းချက် – ၁၃

(မိုးမခ) ဖေဖော်ဝါရီ ၂၅၊ ၂၀၁၆

၁၂၆။ လွှတ်တော်အစည်းအဝေးတခုမှာ မျက်နှာပေါ် အခက်တွေ့နေဟန်ပြတဲ့ ဒေါ်အောင်ဆန်းစုကြည်ပုံကို  တွေ့လိုက်ရတော့ ကိုယ်ချင်းစာနာမိပါတယ်။ ဒီနေရာမှာ တပ်ချုပ်အနေနဲ့ ယခင်တုံးက တိုက်ရိုက်တွေ့ရင် စီနီယာတချို့က တမျိုးမြင်လို့ မတွေ့သင့်တာ နားလည်ပေးသော်လည်း ယခုအခြေအနေမှာ မောင်နှမလို ထိတွေ့ဆက်ဆံကာ လိုအပ်တာ ကူညီပေးလို့ရနေပြီ ဖြစ်ပါတယ်။ မိမိကိုယ်တိုင်ဝင်ဖို့မလိုသေးရင်တောင် Listen Officer တစ်ဦးဖြစ်ဖြစ်၊ တပ်ချုပ်ကြိုက်လို့ နှစ်ကြိမ်ရွေးထားတဲ့ တရားဝင်ကိုယ်စားလှယ်ဖြစ်တဲ့ ဗိုလ်ချုပ်တောက်ထွန်းကို တာဝန်ပေးပြီး အနီးကပ် ဘာတွေ လိုအပ်လို့ ဘယ်လိုကူညီပေးလို့ရမလဲဆိုတာ နည်းလမ်း ရှာပေးသင့်ပါတယ်။

၁၂၇။ တပ်မတော်က အပြုသဘော ကူညီရမယ့် အပိုင်းတွေကတော့ အစိုးရအဖွဲ့ဖွဲ့လိုက်တာနဲ့  အစိုးရယန္တရား စီမံခန့်ခွဲရေး၊ စာရင်းဇယား ကားချပ်များ၊ ဘဏ္ဏာရေးကိစ္စ၊ စီမံကိန်းကို နှစ်ဦးစလုံး ခေါင်းချင်းဆိုင်၊ ရှေ့ဆက်ဘယ်လို ဆက်သွားကြမလဲ၊ဒေါ်အောင်ဆန်းစုကြည်ရဲ့ မူ သဘောထားက ဘယ်လို ပြောင်းချင်တာလဲ ဆိုတာ ပွင့်ပွင့်လင်းလင်းမေးကာ နည်းဗျူဟာများ၊စီမံချက်တွေ ချမှတ်လုပ်သင့်ပါတယ်။ အထူးသဖြင့် အုပ်ချုပ်ရေးအဓိကဖြစ်နေတဲ့ ပြည်ထဲရေးဝန်ကြီးကို မိမိခန့်ခဲ့သော်လည်း ဒေါ်အောင်ဆန်းစုကြည်ရဲ့ အမိန့် ညွှန်ကြားချက်အတိုင်း ဆောင်ရွက်ဖို့ မှာသင့်ပါတယ်။ အရေးကြီးဆုံးတခုက စိန်ခေါ်ဖို့ရှိနေတဲ့ တရုတ်နိုင်ငံရဲ့ အကျိုးစီးပွါး – မြန်မာနိုင်ငံမှာ ရင်းနှီးမြှပ်နှံထားရာ စာချုပ်တွေက ဘယ်လိုရှိနေလဲ၊ ယခင်လူကြီးတွေနဲ့ နားလည်မှု ယူထားတာများရှိခဲ့ရင် ဘယ်လိုဖြေရှင်းရင်ရနိုင်မလဲ။ ဒါအပြင် နိုင်ငံတကာနဲ့ တရားမဝင်မထုတ်ပြန်သေးတဲံ့ သံတမန်ရေးရာ၊ စစ်ရေးဆိုင်ရာ၊ စီးပွါးရေးဆိုင်ရာ ကြွေးမြီကိစ္စ၊ ဘင်္ဂလီကိစ္စ ၊တိုင်းရင်းသားအရေး ၊ အဂတိတရား တိုက်ဖျက်ရေး၊ ခရိုနီများနဲ့ယခင်လူကြီးတွေ ပြည်ပဘဏ်မှာ ငွေထားတဲ့ကိစ္စ၊ မူးယစ်ဆေးဝါးကိစ္စ စတဲ့ အတွင်းရေး၊ လျှိုဝှက်ကိစ္စ တွေကို ရှင်းပြကာ ပူးပေါင်းဆောင်ရွက်ရင် အောင်မြင်မယ်လို့ယုံကြည်ပါတယ်။ လက်ရှိလူဟာ လူသစ်ထက် ပို ကျွမ်းနေတာမို့ တပ်ချုပ်ရဲ့ အပြုသဘော ဆောင်ရွက်ပေးတာဟာ ဒေါ်အောင်ဆန်းစုကြည်အဖို့ ကျေးဇူးတင်တယ်ဆိုတဲ့ စကားထက် ပို တန်ဖိုးရှိသွားပြီဖြစ်ပါတယ်။

၁၂၈။ ဒါ့အပြင် တပ်မတော်ရဲ့ စီးပွါးရေးလုပ်ငန်းဖြစ်တဲ့ ဦးပိုင်၊ မြန်မာစီးပွါးရေးကော်ပိုရေးရှင်းတွေကို ဘယ်ဟာက မြတ်တယ်၊ ရှုံးတယ်။ ဘယ်ဟာတွေကိုတော့ အခွန်ဆောင်ထားတယ်။ တပ်မတော်သားတွေရဲ့ သက်သာချောင်ချိရေး ဘယ်လိုပေးထားလို့ ဘာတွေလိုနေတယ်။ တိုင်းပြည်အတွက် ဘာပြန်လုပ်ပေးနိုင်တယ် … စသဖြင့် ကြိုတင် ပြောထားတာဟာ ပြသနာဖြစ်မှ ပြောတာထက် လေးစားသမှုလုပ်ပြတာဟာ ယုံကြည်မှူ ရစေပါတယ်။

ဌာနဆိုင်ရာတွေမှာ  တပ်မတော်အရာရှိတွေ ရှိလို့ ပြောင်းခိုင်းသူများ၊ ပြစ်တင်ဝေဖန်သူတွေ ရှိလို့ အဲဒီအရာရှိတွေထဲက နံမည်ဆိုးထွက်ပြီး ဌာနအတွက်အသုံးမဝင်တဲံ့ အရာရှိတချို့ကို နစ်နာကြေး ရက်ရောစွာပေးပြီး တပ်ချုပ်ကိုယ်တိုင် စတင် လုပ်ပြသင့်ပါတယ်။ ဝန်ကြီးဌာနတွေဟာတခုနဲ့ တခုမတူဘဲ စီမံခန့်ခွဲရေးကို အဓိက အကောင်အထည်ဖေါ်ရတဲ့ ဌာနများမှာ တချို့သောတပ်မတော်အရာရှိတွေက နယ်ဘက်ဝန်ထမ်းတွေထက် ပိုမိုကျွမ်းကျင်ပြီး ပညာရပ်ဆိုင်ရာ၊ စီမံကိန်းဌာနတွေ ကျတော့ တပ်ကလူတွေဆိုတာ အပိုသက်သက်သာ ဖြစ်ရာ ဝန်ကြီးဌာနတွေပေါင်းရေးကိစ္စအပါအဝင် ဝန်ထမ်းရေးရာတွေကို ထိပ်သီးနှစ်ဦး လေ့လာ သုံးသပ်ဖို့လိုပါတယ်။

၁၂၉။ ဆက်လက်ပြီး တပ်မတော်ဟာ အင်အားတောင့်တင်းအောင် ဘာတွေ လိုအပ်နေတယ်၊ NLD သိစေဖို့ တင်ပြသွားပါမယ်။ ဗြိန်တိန်နဲ့မြန်မာနိုင်ငံဟာ ပထဝီအနေအထားအရ ဝေးကွာလွန်းတဲ့အပြင် ဝန်ကြီးချုပ် အုပ်ချုပ်တဲ့ ပါလီမန် စနစ်ဖြစ်တာမို့ လုပ်ပိုင်ခွင့် ကန့်သတ်ချက်ရှိရာ အိုင်စစ် အကြမ်းဖက် စစ်ဆင်ရေးတွေမှာ ပြင်သစ်နဲ့အမေရိကန်နိုင်ငံတွေက အဆင်သင့်ဖြစ်နေချိန် သူက ပါလီမန်မှာ ခွင့်တောင်းနေရတုံး ဖြစ်ပါတယ်။

မြန်မာတပ်မတော်အနေနဲ့ ဗြိန်တိန်ထက် အမေရိကန်ကို ပိုမိုလိုလားကြောင်း အရာရှိများရဲ့လေသံအရ သိရပါတယ်။ အမေရိကန်နိုင်ငံဟာ မဟာမိတ်နိုင်ငံဆိုရင် ရက်ရက်ရောရော ပေးလေ့အစဉ်အလာ ရှိပြီး မြန်မာနိုင်ငံ တပ်မတော်အတွက် ထောက်လှမ်းရေးနဲ့ စစ်သင်တန်းတွေ၊ ရဟတ်ယာဉ်တွေ၊ အမြောက် လက်နက်တွေကို ဦးနေဝင်းလက်ထက်က ကွန်မြူနစ်တိုက်နေလို့ ဆိုပြီး ကူညီပေးခဲ့တဲ့ အစဉ်အလာ ရှိခဲ့ပါတယ်။ အမေရိကန်ရေတပ် ၊ ပစိဖိတ်ဒေသ စစ်ဦးစီးချုပ် ၊ 4 stars General Vincent Brook က ပြီးခဲ့တဲ့ ရွေးကောက်ပွဲမှာ ဒေါ်အောင်ဆန်းစုကြည်တို့ အနိုင်ရသွားတဲ့အတွက် မိမိတို့အနေနဲ့တပ်မတော်နဲ့ ပိုမို ချစ်ကြည်ရင်းနှီးစွာ ဆက်ဆံဖို့ စိတ်အား ထက်သန်နေကြောင်း၊ ဆက်ဆံရေးတိုးချဲ့ဖို့ အဆင့်သင့်ဖြစ်နေကြောင်း၊ ဒါပေမဲ့ အစိုးရမူဝါဒ လမ်းညွှန်ချက်ကိုတော့ စောင့်ဆိုင်းရဦးမှာ ဖြစ်ကြောင်း၊ အမေရိကန်တပ်မတော်ရဲ့ အရည်အသွေးမြင့်မားမှုနဲ့ အရပ်သားအစိုးရကို ပံ့ပိုးကူညီပေးနိုင်ပုံတွေကို လက်ဆင့်ကမ်း ဖြန့်ချိပေးနိုင်တဲ့အ ခွင့်အရေးရမှာဖြစ်တယ်လို့ ပြောသွားပါတယ်။

ဒါပေမဲ့ ဆီးနိတ်နိုင်ငံခြားရေးကော်မတီ အစည်းအဝေးမှာ ဆီးနိတ်အမတ်က အစိုးရကို စောင်ကြည့်ဦးမယ်လို့ ဟန့်တားလိုက်တာဟာ မြန်မာတပ်မတော်အရာရှိများအဖို့ စိတ်ပျက်သွားကြောင်း သိရပါတယ်။

၁၃၀။ ဒါကြောင့် ဒီလိုအနေအထားမျိုး စွမ်းဆောင်နိုင်သူဟာ ဒေါ်အောင်ဆန်းစုကြည်တစ်ဦးသာရှိပြီး တင်ပြလိုတာက မြန်မာတပ်မတော် အင်အားတောင့်တင်းဖို့ အောက်ပါ အခြေအနေများက စိန်ခေါ်နေပါတယ်။

“အရှေ့တောင်အာရှနိုင်ငံတွေအနက် အင်အားတောင့်တင်းရာမှာ နံမည်ကြီးဗီယက်နမ်နိုင်ငံဟာ တရုတ်နိုင်ငံနဲ့ ထိပ်တိုက်တွေ့တိုင်း ခပ်မာမာ တုံ့ပြန်လေ့ရှိရာ ပြည်တွင်းရှိ ရင်နှီးမြှပ်နှံတဲ့ တရုတ်လူမျိုးများကို ဥပဒေနဲ့အညီ အရေးယူရဲတဲ့ သတ္တိ ရှိပါတယ်။ မြန်မာသမ္မတ ကတော့ သစ်ခိုးမှုနဲ့ ထောင်ချတဲ့ တရုတ်တွေကို (၈) ရက်နဲ့ပြန်လွှတ်လိုက်ရအောင် ကြောက်နေတာက နယ်စပ်မှာ တရုတ်တပ်မတော်က စစ်ရေးလေ့ကျင့်မှု ဆက်တိုက်လုပ်နေပြီး  လေထဲမှ ပစ်မှတ်ကို ၈စက္ကန့်နဲ့ ပစ်ချပစ်မယ်ဆိုပြီး ချိန်းခြောက်နေလို့ဖြစ်ပါတယ်။ မြန်မာလေတပ်က MIG 29 အဆင့်သာ ရှိနေချိန်မှာ ဗီယက်နမ်လေတပ်မှာ SU27 ဆူခွိုင်းဂျက်၊အင်ဒိုနီးရှားမှာ SU27 အပြင် US F16 JET နှစ်မျိုးလုံးရှိနေပြီး သုတေသနရေးနေချိန်မှာ ရုရှားမှ aနာက်ဆုံးပေါ် SU35 – (၁၀) စင်း သွားဝယ်နေပြီဖြစ်ပါတယ်။ ထိုင်းက ရုရှား – တရုတ် ဖက်စပ် အဆင့်မြင့် ဒုံးတွေ ဝယ်နေပြီဖြစ်ပါတယ်။ တရုတ်က နယ်စပ်မှ မသိမသာ လက်နက်ခဲယမ်းများကို UWSA , KIA,  MNDAA (၁၂၂ မမ ဒုံးနဲ့ ပခုံးထမ်းဒုံး – ဝ ကိုပေး) စတာတွေ ထောက်ပံ့ပေးနေပြီး အစိုးရသစ်က တရုတ်အကျိုးစီးပွါးကို ထိခိုက်အောင်လုပ်ခဲ့ပါက အချိန်မရွေး ဓါတ်ဆီလောင်းမီးရှို့မယ့် အခြေအနေရှိတယ်လို့ ထင်ပါတယ်။ အနီးစပ်ဆုံး စိန်ခေါ်မှုက အပစ်ရပ်လက်မှတ်မထိုးဖို့ UWSA ကို ယူနန်ပြည်နယ်အစိုးရက ဖိအားပေးထားပြီး၊ ခွဲထွက်ခဲ့ရင် အဲဒီအချိန်ကျမှ စစ်အင်အားဖြည့်တင်းနေပါက နောက်ကျ သွားနိုင်ပါတယ်။”

၁၃၁။ တပ်မတော်အခြေခံလိုအပ်ချက်ဖြစ်တဲ့ စစ်ဝတ်၊ ချပ်ဝတ်တန်ဆာတွေဟာ ညံ့ဖျင်းလှပြီး Equipment ကလည်း ခိုင်ခန့်မှု မရှိကာ တောစီးဘိနပ်ကလည်း တရုတ်ဗကပဘိနပ်လို့ခေါ်တဲ့ ခွါပါပြီး ယက်အားရှိလို့ အပြင်က မိမိငွေနဲ့ ဝယ်နေရပါတယ်။ အိမ်နီးချင်း ထိုင်းနိုင်ငံတပ်မတော်က ဝတ်စုံတွေဟာ အသားကောင်းမွန်ပြီး၊ ချုပ်ရိုးကြောင်းနှစ်ထပ်နဲ့ အင်မတန်မှ ကောင်းပါတယ်။ တိုက်ခိုက်ရေးအင်အား တောင်တင့်ရေးအတွက် အဓိက ဖြည့်ဆည်းချင်တာက US F16 JET သို့မဟုတ် ပြင်သစ်လုပ် Mirage 2000DN (အင်ဒိုနီးရှားလို ရန်သူမှ တွက်ချက်ရခက်အောင်( ရုရှား-အမေရိကန်) စုံအောင်ကိုင်ထားတာ သတိမူရပါမယ်)။

၁၃၂။ တကယ်လို့ အမေရိကန်က တရုတ်ကန့်ကွက်မှာစိုးလို့ဖြစ်စေ၊ ဂုဏ်သိက္ခာအရ ဆယ်ချင်ပါက လောလောဆယ် စစ်ရေးဆိုင်ရာ ပိတ်ဆို့မှုတွကို (အကန့်အသတ်နဲ့ တစုံတရာ) ရုပ်သိမ်းပေးလိုက်ရင် နည်းလမ်းရှာ ထွက်ပေါက်ရသွားပြီး အသက်ရူ ချောင်ပါလိမ့်မယ်။ ဒေါ်အောင်ဆန်းစုကြည်ရဲ့ ပါတီမဲဆွယ် တရားဟောသံဖြစ်တဲ့ တပ်မတော်ကို အင်အားတောင့်တင်းအောင် ကူညီပေးမယ်ဆိုတဲ့ မေတ္တာစေတနာကို စာရေးသူ အကြွင်းမဲ့ ယုံကြည်ပါတယ်။ ဗိုလ်ချုပ်မှူးကြီး မင်းအောင်လှိုင်ကလည်း ကူညီမှု မေတ္တာရောင်ပြန်ဟပ်ပေးလိမ့်မယ်လို့ မျှော်လင့်ပါတယ်။ ထိပ်သီးနှစ်ဦးစလုံးကို တင်ပြလိုတာက ကူညီမှု အပြန်အလှန်ပေးရာမှာ သူ့ဘက်က ဘယ်လိုလာမလဲ စော့င်ကြည့်ပြီးမှ တုန့်ပြန်တာထက် စေတနာ ရေစီးကမ်းပြို ၊ ဗုဒ္ဓတရားတော်အရ အကျိုးမမျှော်ဘဲ မေတ္တာထားကြဖို့ တိုက်တွန်းပါတယ်။

အမေရိကန်ပိတ်ဆို့မှုကို ဒေါ်အောင်ဆန်းစုကြည်က ရုပ်သိမ်းခွင့်ပြုဖို့ ကြိုးစားပေးမယ်ဆိုရင် တပ်မတော်က ၅၉(စ)ကို နည်းလမ်းရှာပြီး ဖြည့်စွက်ချက် (သို့မဟုတ်) ချွင်းချက်နဲ့ လုပ်ပေးနိုင်မှု အလားအလာကို စစ်ရုံးနဲ့နီးစပ်သူတဲ့ အရာရှိကြီးထံ မေးကြည့်ပါတယ်။

“အကိုကြီး ဒေါ်စုက US SANCTION WITHDRAW ကြိုးစားပေးမယ်ဆိုရင် လူကြီးတွေက ပုဒ်မ(၅၉)(စ)ကိစ္စ နည်းလမ်းရှာပေးနိုင်မယ်လို့ အကိုကြီးအနေနဲ့ ထင်မြင်ယူဆလား။”

“၂၀၀၈ခုနှစ်အခြေခံဥပဒေက ခွင့်ပြုထားသလို ပြင်တာကိုဘဲ ကြိုက်နေဆဲမို့၊ ဒါဟာ တစ်ယူသန် ဆန်လွန်းတယ်၊ တရားသေဆုတ်ကိုင်ထားတယ်။”

အထက်ပါ အရာရှိများရဲ့ ထင်မြင်ယူဆချက်အရ တပ်မတော်ဟာ လတ်တလောပြင်ပေးနိုင်မှာ မဟုတ်သော်လည်း အားလုံးဟာ တင်းမာတဲ့သဘောထားမရှိကြဘဲ တချို့က အပြုသဘောဆောင် ဖြည့်ဆည်း ကူညီပေးချင်စိတ်များရှိကြလို့ မျှော်လင့်စရာ အပေါင်းလက္ခဏာ အဖြစ် ရှူမြင်ပါတယ်။ အဓိက နှစ်ဖက်ယုံကြည်မှု နည်းပါးနေသေးတာဖြစ်ပြီး ဒေါ်အောင်ဆန်းစုကြည်အနေနဲ့ ယခင်က အခြေအနေမပေးလို့ တပ်မတော်နဲ့ ထိတွေ့ဆက်ဆံဖို့ မလုပ်ခဲ့ရပေမဲ့၊ ယခုအခါ လေယာဉ်ပျက်ကျတဲ့ လေသူရဲများနဲ့ စစ်သည်မိသားစုတွေကို သွားရောက်အားပေးတာမျိုးကဲ့သို့ မိသားစုအသွင် အပြုသဘောဆောင်တဲ့ ထိတွေ့ဆက်ဆံရေးမျိုး လုပ်ပြဖို့ တိုက်တွန်းတင်ပြလိုပါတယ်။ ဒါအပြင် လုပ်ငန်းသဘောအရ မကြာမီ၊ တပ်မတော်နဲ့ လက်တွဲဆောင်ရွက်ရတော့မည့် ငြိမ်းချမ်းရေးလုပ်ငန်းစဉ်ထဲမှာ ဘယ်အဆင့်ထိ ရောက်လာခဲ့ရင် တပ်မတော်နဲ့ တိုင်းရင်းသားလက်နက်ကိုင်တွေပါ တခဲနက် ထောက်ခံလာခဲ့ကြရင်၊ အဲဒီအချိန်ကျရင် ပုဒ်မ(၅၉)(စ)ကို ပြုပြင်ဖို့ မခဲယဉ်းနိုင်တော့ဖူးဆိုတာ အပိုင်း(၁၅)  နိဂုံးချုပ်မှာ သုံးသပ်တင်ပြသွားပါ့မယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဗိုလ်ထက်မင်း, သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)