ဗိုလ်ထက်မင်း – ပြောင်းလဲချိန်တန်ပြီဆိုရင် ပြောင်းလဲရေးမဟာဗျုဟာ နည်းဗျူဟာ အစီအစဉ်တိုက်တွန်းချက် – ၁၄

February 27, 2016

ယမန်နေ့က လွှတ်တော်မှာ ကန့်ကွက်ပြောဆိုခွင့်ရဖို့အရေး အားလုံး မတ်တပ်ရပ်ပြနေရသော တပ်မတော်ကိုယ်စားလှယ် ဆိုသူများ (ဓာတ်ပုံ – လွှတ်တော်ပြန်ကြားရေးသတင်း)


ဗိုလ်ထက်မင်း – ပြောင်းလဲချိန်တန်ပြီဆိုရင် ပြောင်းလဲရေးမဟာဗျုဟာ နည်းဗျူဟာ အစီအစဉ်တိုက်တွန်းချက် – ၁၄
(မိုးမခ) ဖေဖော်ဝါရီ ၂၇၊ ၂၀၁၆

၁၃၃။ စာရေးသူ အကြံပြုတင်ပြလိုတာက NLD ဟာ ငြိမ်းချမ်းရေး PROCESS ကို တပ်မတော်နဲ့လက်တွဲရင်း ခင်မင်မှုကနေ ယုံကြည်မှု၊ ထိုမှတဖန် နားလည်မှု ရရှိမှာ ဖြစ်လို့ လုပ်ဆောင်တဲ့အခါ ဒေါ်အောင်ဆန်းစုကြည် ကိုယ်တိုင် အချိန်များများ ပေးဖို့လိုပါတယ်။အလားတူ တိုင်းရင်းသားတွေဟာ ရွေးကောက်ပွဲရလဒ်အရ တိုင်းရင်းသားကိုယ်စားပြုပါတီ ဆိုလို့ (ရှမ်းပြည်နယ်အဆင့်မှာတောင် အနိုင်မရ) ရှမ်းနဲ့ရခိုင်သာ ရှိတာမို့သူတို့ရဲ့စိတ်ထဲမှာ NLD ထဲရှိ သူတို့တိုင်းရင်းသားတွေဟာ ဒေါ်အောင်ဆန်းစုကြည်ကို အရှိန်နဲ့ တိုင်းရင်းသားကိစ္စ ပြောရဲ ဆိုရဲ ရှိပါ့မလား ဆိုတဲ့ စိုးရိမ်ပူပန်မှူ ခံစားချက်ရှိနိုင်ပါတယ်။ သူတို့ဟာလွှတ်တော်ထဲမှာ အများစု ပါဝင်ခွင့်မရတဲ့အတွက် သူတို့ရဲ့ထွက်ပေါက်ဟာ လာမည့် ပြည်ထောင်စု ငြိမ်းချမ်းရေးညီလာခံ နိုင်ငံရေးဆွေးနွေးပွဲမှာ စုပြုံတိုးမဲ့ အခြေအနေက စိန်ခေါ်နေပါတယ်။ အပစ်ရပ်လက်မှတ်မထိုးတဲ့ တိုင်းရင်းသားလက်နက်ကိုင်အဖွဲ့ကြီးတွေ ရှိသလို ပြည်နယ် အဆင့်တောင်းဖို့“ ဝ” ကလည်း ဟန်ရေးပြင်နေပါတယ်။

၁၃၄။ အခြေခံဥပဒေပြင်ဆင်ရေးအတွက် လွှတ်တော်အတွင်းပြင်ဆင်ဖို့ အကန့်အသတ်ရှိလို့ ညီလာခံမှာပင် အခြေခံရမည့် မူဘောင်၊ ဖက်ဒရယ်စနစ်ရွေးချယ်မှု၊ ပါဝါရှယ်ယာ အုပ်ချုပ်ရေးနဲ့ အကျိုးစီးပွါးခွဲဝေမှု၊ ကိုယ်ပိုင်ပြဌာန်းခွင့်နဲ့ ယဉ်ကျေးမှု၊ တရားဥပဒေစိုးမိုးမှု စတာတွေ အားလုံး အကျေအလည် ဆွေးနွေးပြီး သဘောတူညီချက်ရရင် တိုင်းရင်သားလက်နက်ကိုင်တွေရဲ့ အနာဂတ်ရပ်တည်ခွင့်ကို ဘယ်လိုစီမံသွားမလဲ ဆိုတာပါ မကျန်စေရဘဲ နောက်ဆုံးအဆင့်အနေနဲ့ အသေးစိတ်ဆွေးနွေးပြီးမှ သဘောတူစာချုပ်မူကြမ်းရပြီးမှသာ စာချုပ်ပါ စာသားတွေ၊ ဥပဒေ ဝေါဟာရ ညီမညီ၊ အသုံးအနှုံး အကိုးအကား ရကြမှ လွှတ်တော်ထဲကို ထည့်သွင်းတာ သဘာဝကျပါတယ်။ ဆွေးနွေးပွဲလုပ်ငန်းစဉ် တလျှောက် လွှတ်တော်ကို ဘေးချိတ်ထားတဲ့ ပုံစံမျိုးမဖြစ်စေရန် ညီလာခံရှိ အချိုးကျပါဝင်တဲ့ လွှတ်တော်ကိုယ်စားပြုသူများက စဉ်ဆက်မပြတ် လွှတ်တော်ကို အစီရင်ခံနေဖို့လိုပြီး  လွှတ်တော်က အမတ်တွေရဲ့ မရှင်းလင်းတာတွေကို ပေါင်းကူးဆက်စပ်ပေးမှသာ စာချုပ်မူကြမ်းတင်လာတဲ့ အချိန်ကျရင် အချောသတ် အတည်ပြုလို့လွယ်သွားမှာဖြစ်တယ်။ အရေးကြီးကိစ္စတွေကြရင် သမ္မတ၊ လွှတ်တော်၊ ဥက္ကဌနဲ့ ပါတီဥက္ကဌ၊ တိုင်းရင်းသားခေါင်းဆောင်တွေ ကိုယ်တိုင်ဖြတ်ဖို့လိုပါတယ်။ အထက်ပါလုပ်ငန်းစဉ်အတိုင်းဆိုပါက တချက်ခုတ် ၃ ချက် ပြတ် (ငြိမ်းချမ်းရေးရ၊ အခြေခံဥပဒေပြင်ဆင်ပြီးသား ဖြစ်ကာ တပ်ကလည်း စစ်တန်းလျားပြန်ဖို့ ခြေလှမ်းပြင် %လျော့) သွားမှာ ဖြစ်ပါတယ်။

၁၃၅။ ဆွေးနွေးပွဲတွေမှာ တချို့ကဏ္ဏတွင် အမြင်သဘောထားကွဲလွဲမှုရှိပေမဲ့ သည်းခံပြီး ဆုံရပ်တခု ပေါင်းကူးတံတားထိုးနိုင်ရေး နည်လမ်းကြံဆရပါမယ်။ တိုင်းရင်းသားအခွင့်အရေး တန်းတူရည်တူဆိုရာမှာ လူဦးရေ၊ နယ်မြေ အကျယ်အဝန်း၊ လူမျိုးရဲ့စုစည်း သိပ်သည်း နေထိုင်နိုင်မှု၊ သံယံဇာတ ပိုင်ဆိုင်မှု၊ ထွက်ရှိမှု၊ လူသားအရင်းအမြစ်နဲ့ ပညာရပ်ပိုင်းဆိုင်ရာ ကျွမ်းကျင်နိုင်နင်းမှု တို့အပေါ် မူတည်ပြီး အနည်းအများ ကွာဟသွားမှာကို တိုင်းရင်းသား အားလုံး ကိုယ်စီ နားလည်မှု ရအောင် လိုတိုး၊ ပိုလျှော့ NLD က ညှိနှိူင်းရမှာဖြစ်ပါတယ်။ အထူးသဖြင့် နယ်မြေသတ်မှတ်ရာမှာ လူဦးရေအစိတ်အကျဲ မူတည်သလို ပင်လုံစာချုပ် သာမက အခြားတိုင်းရင်းသားများအရေး ကိစ္စပါ မကျန် သမိုင်းကြောင်းနဲ့ချီပြီး စဉ်းစားကောင်း စဉ်းစားရမဲ့ အပိုင်း ရှိလာနိုင်ပါတယ်။

၁၃၆။ တပ်မတော်အပေါ် တချို့တိုင်းရင်းသားလက်နက်ကိုင်တွေက ယုံကြည်မှုနည်းပါးနေလို့ NLD က ထိပ်တိုက် ပေးမတွေ့စေလိုဘဲ သူတို့တောင်းဆိုမှုဟာ တခြားတိုင်းရင်းသားတွေကလည်း အလားတူ တောင်းလာရင် လုပ်ကိုင်ရ ခက်မယ် ဆိုတာမျိုး ဗဟိုပြည်ထောင်စုဘက်ကို ဝင် ကြည့်ပေးဖို့ပြောသင့်ပါတယ်။ ဒါနဲ့ ပတ်သက်ပြီး တပ်ချုပ်က မီဒီယာတွေနဲ့ ပြည်ထောင်စုညီလာခံမှာ ပြောဆိုသွားတာတွေကို ကောက်နှူတ် ဖေါ်ပြပေးလိုက်ပါတယ်-

“ငြိမ်းချမ်းရေးကတော့ တစ်ယောက်နဲ့တစ်ယောက် ယုံကြည်မှုကတော့ အရေးကြီးပါတယ်၊နောက်တခုက မြန်မာစိတ်မွေးဖို့လည်း အရေးကြီးတယ်၊ တချို့အားငယ်တဲ့ စိတ်နဲ့နေသူတွေ ရှိပါတယ်၊ ဒီအတွက်လည်း တိုင်းရင်းသားတွေ အပေါ်မှာ ကိုယ်ချင်းစာပါတယ်၊ ဒါကြောင့် ကျွန်တော်တို့အနေနဲ့ သံသယ မဖြစ်အောင် နေထိုင်လုပ်ကိုင်ဖို့က တော်တော်အရေးကြီးတယ်၊ ဒီသံသယစိတ်ကို ပိုကြီးမားအောင်လည်း မလှုံ့ဆော်ဖို့ ပိုအရေးကြီးတယ်၊ တချို့ကျတော့လည်း ဒီသံသယ စိတ်ပေါ်ပိုပြီးကြီးမားအောင် လှုံဆော်ပေးတဲ့ ဟာတွေလည်း ရှိပါတယ်။ ကျွန်တော့်ဆန္ဒပြောပြရရင်တော့ ငြိမ်းချမ်းရေးနဲ့ပတ်သက်ပြီး သံသယ ရှင်းရှင်းနဲ့လုပ်မယ်၊ ဒီမိုကရေစီနိုင်ငံတွေမှာ လက်နက်ကိုင်ပဋိပက္ခလမ်းစဉ်ကတော့ မရှိသင့်ပါဘူး၊ တပ်မတော်အနေနဲ့လည်း ဒီအတွက်ကြောင့် အာဏာ (၃) ရပ်ကိုင်ထားတာနေပြီးတော့ ရွေးချယ်ခံအစိုးရကို လွှဲပေးခဲ့တာဖြစ်တယ်။ ဒီအပေါ်မှာ တိုင်းရင်းသားတွေက သံသယရှင်းရှင်း နဲ့ ပူးပေါင်းဆောင်ရွက်လာမယ်ဆိုရင် ငြိမ်းချမ်းရေး ဆိုတာ ဖြစ်မယ်။ NCA လက်မှတ်မထိုးသေးတဲံ့ အဖွဲ့များအပေါ် တပ်မတော်အနေနဲ့ သံသယ စိတ်မထားဘဲ မိမိဆန္ဒအတိုင်း အချိန်မရွေးလက်မှတ်ထိုးဖို့ တံခါးဖွင့်ဟ ထားပါတယ်။”

၁၃၇။ တချို့တိုင်းရင်းသားလက်နက်ကိုင်အဖွဲ့ဟာ အပစ်ရပ်စာချုပ်မူကြမ်းဆွေးနွေးစဉ်ကာလမှာ အရေးကြီးကဏ္ဏတွေမှာ လူထုသဘောထား ပြန်တောင်းရမည်ဆိုတာ နားလည်ပေးရသော်လည်း CECဲ ပြန်ထိုင်ရမည်။ လာတဲ့သူတွေဟာ Mandate မရသူများဖြစ်နေတာ တွေ့ရလို့ မလိုလားအပ်ဘဲ အချိန်ဆွဲနေတာမျိုး ဖြစ်နေပါတယ်။ ဒါကြောင့် NLD အနေနဲ့ အနီးကပ်သိတဲ့ တပ်မတော်ကို သူတို့အကြောင်း (ယခင်က စီးပွါးရေး လုပ်ပိုင်ခွင့်ပေးထားတဲ့ အပစ်ရပ်ကာလမှာရော၊ တိုက်ပွဲဖြစ်တဲ့ ကာလမှာပါ၊ အမှန်တကယ် လူထုကို ကိုယ်စားပြုသူတွေဖြစ် မဖြစ်၊ တဖွဲ့တည်းမဟုတ်ဘဲ အဖွဲ့တွေကွဲနေလား၊ ဒေသဖွံ့ဖြိုးရေးကော လုပ်ရဲ့လား၊ မူးယစ်ဆေးဝါးကော ကင်းရဲ့လား၊ ပြင်ပနိုင်ငံများက ကူညီနေလား၊ ငွေမဲကိစ္စ၊ ယခင်စစ်အာဏာရှင်မိသားစုတွေနဲ့ ပတ်သက်နိုင်လား၊ အစိုးရထုတ်တဲ့ ဥပဒေကို လိုက်နာရဲ့လား၊ ယခင်အစိုးရက ပေးလိုက်တဲ့ အခွင့်အရေးတွေကို ဒေသလူထု အတွက်၊ အစွန်ဆုံး မိမိလက်အောက်ခံ တပ်ဖွဲ့များ သက်သာချောင်ချိရေးကော လုပ်ရဲ့လား၊ ကိုယ်ကျိုးစီးပွါး ဆန်လွန်သူများဖြစ်နေလား၊ စစ်ဘုရင်အယူအဆ အာဏာရှင်ဇာတ်လမ်းဆက်ချင်ကာ ဒီမိုကရေစီကို အမှန်မြတ်နိုးနိုင်ပါ့မလား၊ ထိပ်ပိုင်းကို တက်လာနေတာ ဒီလူတွေပဲချည်းဖစ်နေတာ ဘယ်လောက်ကြာပြီလဲ၊ ဥပဒေလက်တလုံးခြား သစ်၊ ကျောက်စိမ်းကဲ့သို့ သံယံဇာတများကို သဘာဝဝန်းကျင် ပျက်စီးတဲ့အထိ အစွန်းကုန် လုပ်နေသူလား၊ စတာတွေ ပွင့်ပွင့်လင်းလင်း မေးထားသင့်ပါတယ်။

၁၃၈။ အထက်ပါ တင်ပြချက်တွေကြောင့် NLD က သိမ်မွေ့စွာ  ကိုင်တွယ်ပြီး တောင်းသမျှတိုင်း ပေးလိုက်ရင်၊ ပြည်ထောင်စုပြိုကွဲနိုင်သလို တချို့က ” မြွေမြွေခြင်း ခြေမြင်” တဲ့ တပ်မတော်ရဲ့၂၅% ကို မြန်မြန်ထွက်ခွါဖို့ ကြိုးစားခိုင်းရင် တပ်မတော်အနေနဲ့ပိုပြီးစိုးရိမ်ကာ ဆက်ဆံရေး အဖုအထစ်များ ဖြစ်လာဖွယ် ရှိနိုင်ပါတယ်။

တချို့ တိုင်းရင်းသားလက်နက်ကိုင်တွေဟာ မြန်မာလူမျိုးကြီးဝါဒလို့စွပ်စွဲပြီး ရိုးသားတဲ့တိုင်းရင်သားတွေကို စည်းရုံးကာ နယ်မြေရှိ အားနည်းတဲ့အခြားတိုင်းရင်းသားတွေအပေါ်ကျတော့ သူတို့ကိုယ်တိုင် လူမျိုးကြီးဝါဒ လက်ကိုင်ကျင့်သုံးနေသလားလို့ မေးစရာဖြစ်လာပါတယ်။ တကယ်တမ်းသူတို့ အကျိုးစီးပွါး၊ သူတို့ရပ်တည်ခွင့် Space ချဲ့တာဖြစ်ပြီး၊ အောက်ခြေက ဗမာအများစုဟာ တိုင်းရင်းသားတွေအပေါ် လူမျိုးကြီးဝါဒ ကျင့်သုံးတာနည်းကာ လုပ်ငန်းခွင်မှာ အတူတူနေထိုင်စားသောက်တာဘဲ ရှိတာကို မသိချင်ယောင်ဆောင်နေသူများဖြစ်ပါတယ်။

၁၃၉။ ပြည်ထောင်စုငြိမ်းချမ်းရေးညီလာခံမှာ (၈) ပြည်နယ်ဖက်ဒရယ်မူ တင်လာတာဟာ အန္တရယ်များလွန်းတဲ့အတွက် တပ်မတော်ရော NLD ပါ သဘောမတူတဲ့ အသံဗလံများပေါ်ထွက်လာကာ ဗဟိုအားကောင်းတဲံ့ ဖက်ဒရယ်ကို တပ်က တင်လာပါတယ်။ တကယ်တော့ ကိုယ်ပိုင်နယ်မြေ၊ ပြည်နယ်ရှိပြီ၊ ကိုယ်ပိုင်အစိုးရနဲ့ လွှတ်တော်လည်း ရှိနေပြီ၊ ကိုယ်လူမျိုးကိုယ် အုပ်ချုပ်ခွင့်၊ အကျိုးစီးပွါးခံစားခွင့် ဖက်ဒရယ်ရလာရင် နှစ်ဦး နှစ်ဖက် ကျေကျေလည်လည် စဉ်းစားသင့်ပါတယ်။

၁၄၀။ တချို့တိုင်းရင်းသားတွေက NLD နဲ့ တပ်မတော် အရင်ညှိနေတာ သဘောမကျတဲ့ လေသံကြားနေရပါတယ်။  တကယ်လို့ ဆန့်ကျင်ဘက်ပြန်တွေးကြည်လိုက်ရင် ဒေါ်အောင်ဆန်းစုကြည်က သူတိုတွေနဲ့အရင်တွေ့လိုက်က အတိုက်အခံပီပီ အပေါ်စီးရလို့ တပ်မတော်ကို အကျပ်ကိုင်ဖို့စိန်ခေါ်နေသလား ဆိုတဲ့ ပြန်လှန် မေးစရာ ဖြစ်လာနိုင်ပါတယ်။ သူတို့သဘောမပေါက်တာက အစိုးရ၊ လွှတ်တော် ပြောင်းချင်ပြောင်းမယ်၊ တပ်မတော်က သူ့အမှုထမ်းသက်အရ ဆက်ရှိနေတာကြောင့် အုပ်ချုပ်ရေးယန္တယားကိုင်ထားတဲ့ ငြိမ်းချမ်းရေးလုပ်ငန်းစဉ်ကိုင်ထားတဲ့ တပ်မတော်ကို ဦးစွာတွေ့ဆုံတွေ့မှသာ တည်ငြိမ်မှုနဲ့ ရှေ့ဆက် စခန်းသွားလို့ရပါမယ်။ တပ်ကပြောတိုင်းလည်း ဒေါ်အောင်ဆန်းစုကြည်က ပညာတတ်ပီပီ အပြည့်လက်ခံမှာ မဟုတ်ဖူးလို့ ယုံကြည်သလို အစွန်းရောက် ကျဉ်းမြောင်းတဲ့အမြင်အမျိုး မမြင်သင့်ဘဲ NLD ကို သဘောထားအမြင်ကျယ်ကျယ်တွေးပြီး  သူတို့အစိုးရဖွဲ့နိုင်သည်အထိ နားလည် စောင့်ဆိုင်း ပေးသင့်ပါတယ်။

(ဆက်လက်ဖော်ပြပါမည်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဗိုလ်ထက်မင်း, သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

http://moemaka.com/archives/57845

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်