မောင်ရစ် – အပြောင်းအလဲအတွက် မေတ္တာ၊ အိမ်သာနဲ့ ခေါင်းဆောင်ကောင်း

March 6, 2016

Artist Than Htay Maung (2014)

မောင်ရစ် – အပြောင်းအလဲအတွက် မေတ္တာ၊ အိမ်သာနဲ့ ခေါင်းဆောင်ကောင်း

(အတွေးအမြင် မတ် ၂၀၁၆ အတွက် စာမူ) မိုးမခ၊ မတ် ၆၊ ၂၀၁၆

အခုဆောင်းပါးပါ အကြောင်းအရာတွေက လွန်ခဲ့တဲ့ ၇ နှစ်၊ ၂၀၀၈ နာဂစ်မုန်တိုင်းအလွန်၊ မြန်မာပြည်အရေးအခင်းများ လှိုင်းကြီးလေထန်ဖြစ်နေစဉ် မြန်မာပြည်က ပြည်ပကို ခေတ္တကြွလာတဲ့ ဆရာတော်တပါးနဲ့ စကားလက်ဆုံ ပြောဖြစ်ခဲ့တာတွေကို ပြန်လည် ဖော်ပြတာပါ။ အဲသည်တုန်းက မြန်မာပြည်ရဲ့ အပြောင်းအလဲကို အားလုံးက အပြင်းအထန်တောင့်တပြီး ရုန်းကန်နေကြချိန်၊ မြန်မာပြည်က အတိုက်အခံခေါင်းဆောင်တွေ၊ ကျောင်းသားလူငယ်တွေ အကျဉ်းထောင်အသီးသီးမှာ ထောင်သွင်း အကျဉ်းချခံနေရချိန်လည်း ဖြစ်ပါတယ်။ အခုအချိန်မှာတော့ဖြင့် အချိန်အခါ အခြေအနေတွေဟာ ‘ပြောင်းလဲချိန်တန်ပြီ’ လို့ ဆိုကြရတော့မယ် အခါ ဖြစ်နေပါပြီ။ အခု အဲသည်တုန်းက အကြပ်အတည်းကာလကို ပြန်မြင်ယောင်ပြီးတော့ ဖတ်ကြည့်စေချင်ပါတယ်။

အစကတော့ မြန်မာပြည်က ခေတ္တလာရောက်တဲ့ ဆရာတော်တပါးက စာအုပ်စာတမ်းတချို့ ဖတ်ချင်တာတွေရှိလို့ ရှာဖွေပေးမိတာပါ။ ပြီးတော့ ဆရာတော်နဲ့ စကားစမြည် ပြောဆို တင်လျှောက်ဖြစ်ပါတယ်။ မောင်ရစ်က စကားလည်း ၄ လုံးကွဲအောင် မပြောတတ်၊ (ဒီ မို က ရေ စီ … ဟိုက် … ၅ လုံး ဖြစ်သွားပြီ)။ စာလည်း တည့်တည့် ဖြောင့်ဖြောင့် မရေးတတ်ပါဘူး။ (ဒီကောင်က စောင်းပြီးပြောတယ် တဲ့၊ လက်ရေးမလှဘူးလို့ ဆိုတာနဲ့တူရဲ့)။ ဆရာတော်ကို အင်တာဗျူးဖို့ မစဉ်းစားရဲပါ။ နောက်တော့လည်း မေးဖြစ်တာလေးတွေကို ဆရာတော်က စေတနာ မေတ္တာထားပြီး ဖြေခဲ့တော့ အဲသည်အကြောင်းတော့ ရေးဦးမှပဲဆိုပြီး ရေးပါတယ်။

ဆရာတော်က ပြည်ပခရီးလှည့်ပြီး မြန်မာတွေနဲ့တွေ့ဆုံ၊ တရားရေအေး တိုက်ကျွေးခဲ့လေတော့ လမ်းမှာ တွေ့သမျှမြန်မာတွေ၊ မြန်မာမိသားစုတွေကို ဘယ်လို မြင်မိပါတုန်းလို့ မေးပါတယ်။

“မြန်မာတွေက မညီညွတ်ကြဘူး …” တဲ့

ဆရာတော်က ဖြေတယ်။

ဒါကလည်း မြန်မာတွေ မညီညွတ်တာက ပေါရာဏတောင် ဖြစ်သွားပြီ။ မော်ဒန် မဖြစ်တော့ဘူး။ ပြောနေစရာတောင် မလိုဘူး။ တမ္ဘာလုံးတောင် သိတယ် … လို့ ပြောရမလို ဖြစ်နေပါတယ်။ ဒါကို ဆရာတော်က အဆန်းလုပ်ပြီး ပြောတော့ မောင်ရစ်စိတ်ထဲ ဘယ်လိုမှ မနေဘူးလေ။

မြန်မာတွေ မညီညွတ်တာကို ဘယ်လို ဖြေရှင်းကြမလဲ … လို့ မောင်ရစ်က ဆက်မေးပါတယ်။ ဆရာတော်က ဘုရားရှင်ရဲ့ တရားဓမ္မနဲ့ပဲ ဖြေရှင်းရမှာ ဖြစ်ပါတယ်တဲ့။ ဟိုက်ရော … လက်နက်ကိုင်ထားတဲ့ ရန်လိုသူကြီးတွေကို မေတ္တာပို့ရချေဦးတော့မည် လို့ ခပ်တုံးတုံးပဲ မောင်ရစ်က တွေးမိပါတယ်။

သို့သော် ဆရာတော် ပြောတာက ဒီလိုပါ။ မိမိနဲ့ ဆက်စပ် ပတ်သက်နေသမျှ ပုဂ္ဂိုလ်တွေကို မျက်မှောက်မှာကော၊ မျက်ကွယ်မှာကော၊ ကိုယ် နှုတ် နှလုံး ၃ ပါးလုံးနဲ့ မေတ္တာထားရမှာ ဖြစ်ပါတယ် တဲ့။

မျက်မှောက်မှာလည်း စိတ်ကနေ မေတ္တာထားတာ၊ နှုတ်ကလည်း မေတ္တာထားတဲ့ စကားကို ဆိုတာ။ ကိုယ်ကာယအားဖြင့်လည်း သူ ချမ်းသာအောင် ပြုစု ဆောင်ရွက်ပေးတာ ဖြစ်ပါတယ် တဲ့။ ပြီးတော့ မျက်ကွယ်မှာလည်း သူ့ကို မှန်းဆ မေတ္တာပို့တာ၊ နှုတ်ကလည်း သူ့ကို ရည်ရွယ်သော မေတ္တာ စကားသာ ဆိုတာ။ ပြီးတော့ သူ့အကြောင်းကိစ္စ ကြုံလာလျင်လည်း သူ့ကိုယ်စား ဆောင်ရွက်ပေးတာ ဖြစ်ပါသတဲ့။

ဘုရားရှင် လက်ထက်မှာ သာဝကတွေ၊ သံဃာတော်တွေဟာ အဲသည်လို ကျင့်ကြံကြပါ သတဲ့။ ရဟန်းအချင်းချင်း မျက်မှောက်ကော၊ မျက်ကွယ်မှာပါ မေတ္တာထား စောင့်ရှောက် ကာကွယ်ကြပါသတဲ့။ တစုံတဦးက ပြစ်တင်စကား ဆိုလာလျှင်၊ မကောင်းကြံစည်လာလျှင် သံဃာတို့က စိတ်ကို သန့်ရှင်း တည်ငြိမ်စွာနဲ့ မေတ္တာထားပြီး ကာကွယ် စောင့်ရှောက်ကြပါသတဲ့။ အဲသည်တော့ သံဃာဆိုတာ သာမဂ္ဂီ ဆိုတဲ့ စည်းလုံးညီညွတ်သော အစုအဝေးဖြစ် အဓွန့်ရှည်ပြီး သာသနာကို စောင့်ရှောက် ထွန်းကားစေပါ သတဲ့။ အဲသည်လို “သမဂ္ဂါနံ တပေါ သုခေါ …” ဆိုပြီး ဒီလို သံဃာကောင်း သံဃာမြတ်တို့ စုဝေးပေါင်းဖက်ခြင်းကနေပြီးတော့ နိဗ္ဗာန် ချမ်းသာအထိ ရရှိစေအောင် အကျိုးများနိုင်ပါသတဲ့ လို့ ဆရာတော်က ရှင်းပြပါတယ်။

မောင်ရစ်လည်း သူ့ပါရမီ မမှီမကန်း ရှိသလောက်နဲ့ မရှိတဲ့ ဉာဏ်အလင်းလေး ဘာလေး နည်းနည်းတော့ မီးခြစ်ကျောက်လောက် အလင်းပွင့်သွားပါတယ်။

” ဟာ … ဆရာတော်ပြောတာ သဘောပေါက်ပြီ။ တပည့်တော်တို့ အချင်းချင်း အတင်းပြောတဲ့ အကျင့်ကို စွန့်လွှတ်ခိုင်းတာပဲ မဟုတ်လား …” ဆိုပြီး မောင်ရစ်က တရား ထောက်လိုက်မိပါတယ်။

ဆရာတော်က ကိုယ့်မိတ်ဆွေတွေ အချင်းချင်းမှာ မညီညွတ်ကြတော့ အလုပ်တခု လုပ်ဖို့ တည်လိုက်တာနဲ့ အချင်းချင်းစပြီး တကွဲတပြား စဖြစ်ကုန်ကြတယ်၊ အချင်းချင်းတွေကို အပြစ်ဖို့ ပြောဆို ရှုတ်ချကြတာတွေ လုပ်တာနဲ့ တဖက်သားကိုတောင် အရေးယူဖို့ မဖြစ်မြောက်ခဲ့တာတွေ ရှိတယ်လို့ ဆရာတော်က ထောက်ပြပါတယ်။ သည်တော့ အပြင်လူတွေကိုယ်တိုင်ကလည်း ကူညီချင်ဦးတော့ အချင်းချင်း မညီညွတ်ကြတာနဲ့ တဖက်သားတွေဆီကို ပိုပြီး တိမ်းညွတ်ကုန်ကြတယ်လို့ သုံးသပ်ပါတယ်။

ဟုတ်တာပေါ့ ဘုရား၊ ကိုယ့်အိမ်မှ မသာရင် ဧည့် ဘယ်လာမလဲ လို့ မတတ်တတတ် မြန်မာဆိုရိုးတွေ ဘာတွေနဲ့ ဆရာတော်ကို တရားထောက်လိုက်ရတာပေါ့လေ။

ဆရာတော်က ပြောပါတယ်။ တဖက်မှာလည်း စစ်အာဏာရှင်တွေအောက်မှာ ပိပြားပြီး ကြောက်ရွံပြီး နေထိုင်နေရတဲ့ သူတွေ အများကြီးပါပဲ … တဲ့။ ဗိုလ်ချုပ်တွေထဲမှာအထိကို မလုပ်၊ မရှုပ်၊ မပြုတ် ဆိုပြီး နေထိုင်နေတဲ့ လူတွေလည်း ရှိတာပါပဲ တဲ့။ သူတို့တွေဟာ ဒီဖက်က အင်အားတောင့်တင်းလာရင်၊ စည်ပင်ထွန်းကားလာလျှင် သူတို့ဉာဏ်အသိစိတ်လေးတွေမှာ မောဟအမိုက်ဖုံးနေရာက ပြင်ဆင်ပြီး ဒီဖက်ကို လာရောက် ပူးပေါင်း ဆောင်ရွက်ကြမှာပါတဲ့။ နီးရာ ဓားကို ကြောက်နေရချိန် ဟိုဖက်ကမ်းကို လှမ်းကြည့်လိုက်တော့ ဟိုမှာဖက်ကမ်းကလည်း တခြိမ်းခြိမ်းနဲ့ တကွဲတပြားဆိုရင်ဖြင့် ဘယ်လိုမျိုး ပူးပေါင်းလာကြမလဲ … တဲ့။ သူတို့တတွေကို လက်ကမ်းကြိုဆိုဖို့ မဆိုထားနဲ့ ဘယ့်နှယ် လုပ်ထည့်လိုက်မယ်၊ ဘယ်ညာ လုပ်ပစ်လိုက်မယ်ဆိုတဲ့ မိုးကြိုးသွား စကားတွေ လှမ်းပစ်နေတဲ့အခါ၊ နီးရာဓားအောက်မှာ ကြိတ်မှိတ်ပြီး ငရဲလမ်းကို နတ်လမ်းပဲဆိုပြီး မိုက်သည့်ထက် မိုက်၊ တွင်းတူးပြီးတော့ကို မိုက်နေကြတော့တာပေါ့ … တဲ့။

မောင်ရစ်ကလည်း ထောက်ခံရတော့တာပေါ့လေ။ မှန်ပါတယ် ဘုရားပေ့ါ။ အခုဆိုရင် ဆရာတော်တို့တွေဟာ ပြည်တွင်း ပြည်ပမှာ ခရီးဆန့်လို့ ပြည်သူတွေကို အခုလို ဟောကြား ဆုံးမနေပြီ ဖြစ်တဲ့အတွက်ကြောင့် ဟိုဖက်ကကော၊ ဒီဖက်ကကော လိမ္မာယဉ်ကျေး မေတ္တာထားနိုင်တဲ့ ကိုယ်တွေ ဖြစ်လာတော့မှာပေါ့ ဆိုပြီး ကိုယ်ထင်ရာ မြင်ရာတွေကို ၀င်ပြောရတော့တာပေါ့လေ။

အဲဒီမှာ ဆရာတော်က မောင်ရစ်ဆိုတဲ့ အမိုက်အမဲလေးကို နောက်ထပ် အကြောင်းအရင်းတခုကို ရှင်းပြပါတယ်။

ဒကာကြီး … တဲ့ ဘုန်းကြီးတို့က ဆရာတော်တွေ၊ သံဃာတော်တွေက ဘုရားရှင်ဟောကြားတဲ့ တရားဓမ္မကို ကျင့်ကြံအားထုတ်လို့ ပရိသတ်ကိုလည်း တတ်နိုင်သလောက် အကျိုးပြု ဆောင်ရွက်တဲ့ အလုပ်ကို လုပ်နေတဲ့နေရာမှာ တိုင်းပြည်အရေး၊ လူမျိုးအရေး၊ အမျိုးသားအရေးကို အကုန်လုံးကိုတော့ မရွက်ဆောင်နိုင်ပါဘူးတဲ့။ သင့်တင့် ဆီလျှော်တဲ့ အရပ်၊ နေရာ၊ ကဏ္ဍတွေကနေ ထောက်ခံ အားပေး ကူညီတဲ့ နေရာကပဲ ဆောင်ရွက်နိုင်တာပါ …တဲ့။

“ဒကာကြီး … ဦးဇင်းတို့ဆီမှာ ဗိုလ်ချုပ်အောင်ဆန်းလို ခေါင်းဆောင်မျိုး လိုတယ် …” တဲ့

ဟာ … မောင်ရစ်ကလည်း ဒီကိစ္စမျိုးဆိုရင် ငါ ဖြေနိုင်ပါတယ် ဆိုတဲ့ စတိုင်နဲ့ ကြားဝင် ဖြတ်ပြီးတဲ့အခါ … မြန်မာပြည်မှာ ခေါင်းဆောင်တွေ ရှိပါကြောင်း၊ ဒေါ်အောင်ဆန်းစုကြည်၊ ဦးတင်ဦး၊ ဦးဝင်းတင်၊ ၈၈ မျိုးဆက် ကျောင်းသားများ အစရှိသဖြင့် ပြည်သူတွေ ရှေ့က မားမားမတ်မတ် ရပ်တည် ဆောင်ရွက်သူတွေကို နှုတ်အာ ရွရွ ရွတ်ဆိုပြမိပါတော့တယ်။ ပြည်သူလူထုကြီးတရပ်လုံးကလည်း ထိုထို ပုဂ္ဂိုလ်များကို မိမိတို့ရှေ့က ဦးဆောင်သူများအဖြစ် သတ်မှတ်ထားပြီး ဖြစ်ကြောင်း တင်ပြမိပါတယ်။ အလွတ်ကျက်ထားတဲ့ စာရင်းမှာ ရွေးကောက်ပွဲအနိုင်ရခဲ့တဲ့ ၁၉၉၀ အမတ်စာရင်းကို ရွတ်မလို့ ခါးတောင်းကျိုက်လိုက်စဉ်မှာပဲ ဆရာတော်က ကြားဖြတ်ပြီး ၀င်ပြောပါတယ်။ (အဲသည်တုန်းက ၂၀၀၈ လေ၊ အခု ၂၀၁၆ မဟုတ်သေးလို့ပါ)။

“ဟုတ်တော့ ဟုတ်ပါတယ်။ ကျုပ်တို့ဆီမှာ ဗိုလ်ချုပ်အောင်ဆန်းလို ခေါင်းဆောင်ဆိုတာ ပါရမီရှင် ခေါင်းဆောင်လို့ ဆိုလိုတာပါ။ သူ ဘယ်လောက်ပဲ အသက်ရှင်သွားသလဲ စဉ်းစားကြည့်စမ်းပါ။ အသက် ၃၂ မှာတင် လုပ်ကြံခံရလို့ ကွယ်လွန်ခဲ့ပေမယ့် တိုင်းပြည်လွတ်လပ်ရေးကို အရ ဦးဆောင် ပေးသွားခဲ့တယ် မဟုတ်ဘူးလား။ အသက်တိုပေမယ့် သူလုပ်ရမယ့်အလုပ်ကို ပြီးအောင် ပြတ်အောင် လုပ်ပြနိုင်တယ်လေ။ ပါရမီရှင်ခေါင်းဆောင် ဆိုတာ အလုပ်တခုကို ပြီးမြောက် အောင်မြင်တဲ့အထိ လုပ်ပေးနိုင်တာကို ပြောချင်တာပါ …”

ဆရာတော်က အဲသလို ပြောလိုက်တော့လည်း မောင်ရစ်ခမျာ ဉာဏ်ကလေး ရှိသလောက် တတို တထွာနဲ့ ငေါင်ငေါင်လေး နားထောင်နေရတာပေါ့ခင်ဗျာ။ မောင်ရစ်ခမျာ တနေ့ တနေ့ ကိုယ်လုပ်သမျှကို ဟုတ်လှပြီ ဆိုပြီး ကျေနပ်နေတာ မဟုတ်လား။ တွန်းတော့ တွန်းနေပါရဲ့၊ မရွေ့တာကို အရေးမလုပ်ဘဲ အားစိုက်ပြီး တွန်းနေရတာနဲ့ မောင်ရစ်က မိန်းမောနေမိတော့ ဆရာတော် ပြောတာကို နားဝင်မချိုဘူးပေါ့ခင်ဗျာ။

“ဆရာတော် ဆိုလိုတာက ရူပဗေဒက အလုပ်ကို ဖော်မြူလာ ထုတ်သလိုပေါ့နော်၊ အရွေ့မရှိရင် အလုပ် မဖြစ်ဘူးပေါ့။ သိပ္ပံနည်းကျ ခေါင်းဆောင်ပေါ့ ဟုတ်လား ဘုရား …” ဒါကတော့ တတ်သမျှ မှတ်သမျှနဲ့ အာ ကြည့်တာပေါ့လေ။

“ဦးဇင်းတို့ ခေါင်းဆောင်ဖြစ်တဲ့ ဂေါတမဗုဒ္ဓရဲ့ ဖြစ်စဉ်တွေကို ကြည့်ပါ။ နိဗ္ဗာန်မရခင် စပ်ကြား သူ ပါရမီဖြည့်စဉ်ကာလတွေမှာ ရခဲ့တဲ့ ဘ၀၊ ခေါင်းဆောင်အဖြစ် ရတဲ့ ဘ၀၊ ငုံးမင်း၊ မျောက်မင်း ဘာပဲ ဖြစ်ဖြစ် သူ့ နောက်လိုက်တွေ၊ သားချင်းတွေ၊ အစုအဖွဲ့တွေအတွက် ပြီးမြောက်အောင် ကယ်တင် ဆောင်ရွက်ပေးခဲ့တယ်။ သူတို့တွေကို ဒုက္ခ၊ အခက်အခဲ၊ အကြပ်အတည်းတွေက လွတ်မြောက်အောင် ထမြောက်သည်အထိ စွမ်းဆောင်နိုင်ခဲ့တယ်။ အဲဒီဘ၀တွေမှာ နိဗ္ဗာန်တော့ ရမသွားခဲ့ပေမယ့် သူ ရွေ့အောင် ရွှေ့ခဲ့တယ် မဟုတ်လား …”

ဆရာတော်က ဂေါတမဗုဒ္ဓရဲ့ အတိတ်ဇာတ်ကြောင်းကိုပါ ထည့်သွင်းပြီး မောင်ရစ်ကို ထပ် ရှင်းပြပါတယ်။

မောင်ရစ်ကလည်း –

“အခုချိန်မှာ တဖက်က ဒီမိုကရေစီရေး ဆောင်ရွက်နေသူတွေကို တိုက်ပွဲဝင်သူတွေကို အမြစ်ကလှန်၊ အညွန့်အခက်တွေ ဖြတ်၊ အကိုင်းအခက်တွေကို ချိုင် စသည်ဖြင့် စစ်အာဏာရှင်တွေက လုပ်နေလေတော့ ဒီဖက်က နောက်ထပ် မဆုတ်နိုင်အောင် ကြံ့ကြံ့ခံ ရပ်နေရတာကလည်း ရှိသေးတာကိုး ဘုရား …” လို့

လက်ရှိအနေအထား မြင်မိသမျှကို ပြောမိပါရဲ့။

ဆရာတော်က ဆက်ပြောပါတယ်။

“ဦးဇင်း နားလည်ပါတယ်။ အခုလက်ရှိ အခြေအနေ၊ အခက်အခဲ၊ အကြပ်အတည်းတွေကို နားလည်ပါတယ်။ ဦးဇင်းစိတ်ထဲမှာ ရှိတာကိုလည်း ပြောပြတာပါ။ ဒကာကြီး မေးတာကို ဦးဇင်းက ဒီနေရာ ဒီအချိန် ဒီအခြေအနေမျိုးမှာမို့လို့ ဖြေလိုက်တာ၊ ပြောလိုက်တာပါလေ။ ဦးဇင်းတရားပွဲမှာလည်း အခုလို ပြောမှာ မဟုတ်ဘူး။ ပြည်တွင်းကို ပြန်ရောက်သွားချိန်မှာလည်း ဦးဇင်းက ဒါကို ပြောနိုင်မှာလည်း မဟုတ်ပါဘူး။ ခေါင်းဆောင်ကို ဦးဇင်းက ဘယ်လိုမျိုး မျှော်လင့်တယ်၊ ကြိုဆိုနေတယ် ဆိုတာကို ပြောပြတာ။ အနှစ် ၂၀ ရှိပါပြီ။ ဒကာကြီး ပြောသလို ကြံ့ကြံ့ခံ ရပ်နေကြရတာ။ ဦးဇင်းက ပြောချင်ပါတယ်။ တပ်မတော်ထဲကပဲ ပေါ်လာ ပေါ်လာ၊ ပြည်သူတွေထဲကပဲ ပေါ်လာ ပေါ်လာ၊ ပါတီထဲကပဲ ပေါ်လာ ပေါ်လာ … ကြိုဆိုပါတယ် လို့ ပြောပါတယ်။”

ကဲ … ဆရာတော်ရဲ့ စကားလက်ဆောင်လေး အတတ်နိုင်ဆုံး ရေးပြီး တင်ဆက်လိုက်ပါရဲ့။

အခုအချိန်အခါ – ပြောင်းလဲချိန်တန်ပြီ ဆိုတဲ့ ၂၀၁၆ မှာတော့ဖြင့် လွန်ခဲ့တဲ့ ၂၀၀၈ တုန်းက ပြောခဲ့တာလးတွေ သတိတရနဲ့ ထုတ်ဖော် ရေးသားလိုက်ပါရတယ်။ ၂၀၁၅ ရွေးကောက်ပွဲမှာ ကျနော်တို့ မြန်မာတွေ ညီညွတ်လိုက်ကြတာကြောင့် (အချင်းချင်းလည်း မေတ္တာထား၊ အတင်းတွေ မပြော၊ မကွဲမပြဲ) တွန်းခဲ့ကြတာကြောင့် ရွေးကောက်ပွဲ အောင်မြင်မှုဟာ သက်သေဖြစ်ပါတယ်။ အိမ်သာပြီဆိုတော့ ဧည့်လာတာ … မိမိတို့ အင်အားက ချစ်ခင်နှစ်လိုသော အင်အားရှိလာတာမို့ တဖက်အသိုင်းအ၀ိုင်းနဲ့ အပြင်လူတွေကိုယ်တိုင်ကလည်း ၀ိုင်းဝန်း ပူးပေါင်း ဆောင်ရွက်ကြဖို့ လိုလား တိမ်းညွတ်လာကြတာကလည်း အထင်အရှား မြင်တွေ့နေရပြီ ဖြစ်ပါတယ်။ ဒီအရွေ့ ဒီအကူးအပြောင်းဟာ ပါရီမီရှင်ကဲ့သို့သော ခေါင်းဆောင်ကောင်းရဲ့ ဦးဆောင်မှုကြောင့် ခံစားရတဲ့ တမဟုတ်ခြင်း ထမြောက်မှုကြီး ဖြစ်တယ်လို့လည်း ပြောချင်မိပါတော့တယ်။ ကဲ ပြောင်းလဲချိန်တန်ပြီကနေ ပြောင်းလဲပြီ ဖြစ်စေဖို့ ဆက်လက် ချီတက်ကြပါဦးစို့။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အတွေးအမြင်, မောင်ရစ်

2 Responses to မောင်ရစ် – အပြောင်းအလဲအတွက် မေတ္တာ၊ အိမ်သာနဲ့ ခေါင်းဆောင်ကောင်း

  1. Ko Zaw on March 7, 2016 at 9:09 am

    Yes,
    Religious Teacher(s)’s talk –> Changed U Than Shwe- Daw Kyaing’s action. NLD win in 2015. Now, most Myanmar people weekly go to Temple and listen to monks for Unity of own family. Politic. unity under one clean person DASSK.

    Religious People are the most clean person.

    ‘free thinkers’, i have no idea.

  2. Catwoman on March 8, 2016 at 10:16 am

    I respect gen aung san but not sure if we should stay under British rule for awhile. That might have been good for burma. We can be like Hong Kong but Burmese people are annoyingly patriotic . We got independence from the British and now look at where we are.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

မိုးမခ မတ်၊ ၂၀၁၇ ထွက်ပါပြီ

By

  မိုးမခ မတ်၊ ၂၀၁၇ ထွက်ပါပြီ (မတ် ၉ ၊ ၂၀၁၇)...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်