ကိုသန်းလွင် – အစိုးရသစ်နှင့် ပြု ပြင်ပြောင်းလဲရေးလုပ်ငန်းများ

March 7, 2016

2013 – Tatmadaw Day

 

ကိုသန်းလွင် – အစိုးရသစ်နှင့် ပြု ပြင်ပြောင်းလဲရေးလုပ်ငန်းများ

(မိုးမခ) မတ် ၇၊ ၂၀၁၆

(၁)

စစ်ဗိုလ်ချုပ်ကြီးများ ရေးဆွဲအတည်ပြုခဲ့သော ၂၀၀၈ ခု ဖွဲစည်းပုံအခြေခံဥပဒေအရ ကျင်းပပြုလုပ်ခဲ့သည့် ရွေးကောက်ပွဲတွင်တခဲနက်အနိုင်ရရှိခဲ့သည့် အမျိုးသားဒီမိုကရေစီအဖွဲ့ချုပ်မှာ အစိုးရဖွဲ့စည်းနိုင်ရေးအတွက် တပ်မတော်ကာကွယ်ရေးဦးစီးချုပ် နှင့်အာဏာခွဲဝေရေးဆိုင်ရာကိစ္စများနှင့်ပါက်သက်ပြီးအကြိတ်အနယ် ဆွေးနွေးနေရပါသည် ၊ တရားဝင်ပြောကြားချက်များမှ၎င်း သိုးသိုးသန့်သန့်ကြားရသော ပြင်ပသတင်း များမှ၎င်း ဆွေးနွေးပွဲများမှာ အောင်မြင်ချောမွေ့သည်ဟုမဆိုနိုင်ပါ။

(၂)

ကျွန်တော်တို့တွင် ခေါင်းဆောင်ကြီးများ ဆွေးနွေးပွဲထိုင်နေစဉ်အတွင်း ပြည်သူတို့ဧ။်ဆန္ဒကို ပြောစရာများ ရှိလာကြပါသည် ၊ တချိန်ထဲမှာပင် ကမ္ဘာ့နိုင်ငံအသီးသီးမှ သင်ခန်းစာယူနိုင်စရာ အချက်အလက်များကိုလည်း သတိပြုမိကြပါသည်။

ဆိုဗီယက် ရုရှားနိုင်ငံတွင် စကာလင်ခေတ်က၄င်း ၊ ဘရက်ဇညက်နှင့် ကွန်မြူနစ်ပါတီခေါင်းဆောင်များ၏ အင်အားသုံး၍ ဖွဲ့စည်းခဲ့သော ပြည်ထောင်စုမှာ မစ်ခေးလ်ဂိုဗာချော့ ၏ Glasnost နှင့် Perestroika ခေါ် ပွင့်လင်းရေး နှင့် ပြုပြင်ပြောင်းလဲမှု လုပ်ငန်းများ လုပ်ဆောင်ရင်း တစစီပြိုကွဲခဲ့ရပါသည် ၊ ဂိုဗာချော့ ၏ ကောင်းမွန်သော အတွေးအခေါ်များ ၊ ရည်ရွယ်ချက်ကောင်းများနှင့် စတင်ခဲ့သော ပြုပြင်ပြောင်းလဲရေး လုပ်ငန်း များမှာ မိမိသြဇာအာဏာခိုင်မြဲမှု မရှိစဉ်တွင် ပြုလုပ်ခဲ့ခြင်းကြောင့် ရည်မှန်းသလိုဖြစ်မလာဘဲ ကျရှုံးခဲ့ရပါသည်။

ကျွန်တော်တို့ကြားဖူးသော အဖြစ်အပြက်တစ်ခုမှာ ဆိုဗီယက်နိုင်ငံ ဘတ်ဂျက်နှင့် ပါတ်သက်ပါသည် ၊ ပဌမ ဘတ်ဂျက်မူကြမ်းမှာ ဂိုဗာချော့ ထံရောက်ရှိပြီး (၂) ပါတ်အကြာတွင် ပယ်ချခံခဲ့ရပါသည် ၊ သူကဘာတွေ ပြင်ရ မည်ဆိုပြီး ပြန်ချပေးခဲ့ပါသည် ၊ နောက်တကြိမ် ထပ်မံတင်ပြန်သောအခါ သူထံမှာ ရက်သတ္တ တပါတ်မျှ သိမ်း ထားပြီးပယ်ချခဲ့ပြန်ပါသည် ၊ ထိုအချိန်မှာ တိုင်းပြည်တွင် ဘတ်ဂျက်အတည်မဖြစ်သေးသဖြင့် လုပ်ငန်းများ လည်ပတ်မှု ခက်ခဲကုန်သည်ဟုဆိုကြပါသည် ၊ ပေါင်မုန့်ကဲ့သို့သော အခြေခံစားကုန်တွေပင် ရှားပါးကုန်သည်။

နောက်သမ္မတသစ် ယဲ့လ်ဆင် တက်လာသောအခါ သူ့ရှေ့ရောက်လာသည့် ဘတ်ဂျက်မူကြမ်းကို ပဌမ စာမျက်နှာကိုပင် ပြီးအောင်မဖတ်ဘဲ လက်မှတ်ထိုးအတည်ပြုခဲ့သည်ဟုဆိုသည် ၊ သင်ခမ်းစာကို ကြိုက်သလို ယူနိုင်ပါသည် ၊ အစိုးရတခု၏ ပဌမဆုံးဦးတည်ချက်မှာ မိမိ၏အချုပ်အခြာအာဏာ နှင့်သြဇာ တည်မြဲရေးပင် ဖြစ်ပါသည်။

အီဂျစ်နိုင်ငံ၏ ဥပမာတွင် ပဌမဆုံးရွေးချယ်တင်မြှောက်ခံရသည့် သမ္မတ မိုဟာမက် မော်စီ အစိုးရ တာရှည် မခိုင်မြဲခဲ့ပုံတွင် တွေ့မြင်နိုင်ပါသည် ၊ ၂၀၁၂ ခုနှစ် ဇွန်လရွေးကောက်ပွဲတွင် မဲအများဆုံးရခဲ့သည့် Muslim Brotherhood ပါတီသည် မော်စီကို သမ္မတတင်မြှောက်ခဲ့သည် ၊ ထိုနှစ် နိုဝင်ဘာလတွင် သမ္မတ မော်စီက မိမိကိုယ်ကို အာဏာ နှင့် လုပ်ပိုင်ခွင့် ပိုမိုရရှိစေရန် ဖွဲ့စည်းပုံအခြေခံဥပဒေကိုပြင်ဘို့ ကျိုးစားခဲ့သည် ၊ သမ္မတ သည် အတိုက်အခံ ပါတီများနှင့် ဆွေးနွေးပွဲတွင် ကတိတွေပေးခဲ့ပြီးသည့်နောက် သူ့ပါတီအကြီးအကဲများထံ အစီရင်ခံပြီးသောအခါ မိမိပေးခဲ့သောကတိကိုပင် မထိမ်းသိမ်းနိုင်၊ ထိုအကြီးအကဲများအလိုကျ တဖက်သတ် ကျေငြာချက်များ ထုတ်ပြန် တတ်သည်၊ နိုင်ငံအကျိုးထက် ပါတီ၏အကျိုးကို ဦးစားပေးသည်ဟု စွတ်စွဲ ခံရသည်၊

လုံခြုံရေးတပ်ဖွဲ့များ ၊ တရားစီရင်ရေးဝန်ထမ်းများကပင် သူ့ကိုမထောက်ခံဘဲ ဗြောင်အာဏာဖီဆန်ခဲ့ကြသည်၊ မော်စီအစိုးရမှာ တနှစ်သာခံပြီး စစ်တပ်မှ အာဏာသိမ်းခံလိုက်ရပါသည်။

တရုပ်ပြည်တွင် ၁၉၆၃ ခုနှစ်က ၀န်ကြီးချုပ် ချူအင်လိုင်းက ခေတ်မှီတိုးတက်ရေး (Four Modernization) Guide line ၄ခု ကိုချမှတ်ကျေငြာခဲ့သည်၊ ၄င်းတို့မှာ (၁) စိုက်ပျိုးရေး ၊ (၂) စက်မှုဖွံ့ဖြိုးရေး ၊ (၃) အမျိုးသား ကာကွယ်ရေးနှင့် (၄) သိပ္ပံနှင့်နည်းပညာတိုးတက်ရေးဟူ၍ဖြစ်သည်၊ ၄င်းတို့ကိုလက်တွေ့သမား တိန်ရှောက်ပင် ( Deng Xiaoping) ကအကောင်အထည်ဖေါ်ပေးခဲ့ရသည်၊ ထိုပြုပြင်ပြောင်းလဲရေးလုပ်ငန်းများတွင် နိုင်ငံရေး ပြုပြင်ပြောင်းလဲရေးဟူ၍မပါဝင်ပေ၊ ကွန်မြူနစ်ပါတီသည် နိုင်ငံရေးကို ယခုအချိန်အထိပြောင်းလဲဖို့ မကျိုးစား ခဲ့ကြပေ ၊ တရုတ်နိုင်ငံသည် ဒီမိုကရေစီနိုင်ငံမဟုတ်သလို၊ ဒီမိုကရေစီစနစ်သို့ ပြောင်းလဲမည့် အရိပ်အရောင် လည်း မပြသခဲ့ပေ။

တိန်ရှောက်ပင်မှာ စဦးကတည်းက စီးပွားရေးကိုဈေးကွက်စီးပွားရေးစနစ် သို့ ပြုပြင်ပြောင်းလဲလိုသူဖြစ်သည် ၊ သူ့တွင် သြဇာအာဏာမရှိစဉ် ကာလများကတည်းက စီးပွားရေးတိုးတက်မှုကို ဆော်သြနေသူဖြစ်ရာ မော်စီတုန်း ရှိစဉ်ကာလမှ စ၍ သုံးကြိမ်ထက်မနည်း ဖေါက်ပြန်သူအဖြစ် အရာကျခဲ့ပါ သည် ၊ သူသည်နောက်ဆုံး တွင် ပါတီ ဥက္ကဌရာထူးနှင့်အတူ တရုတ်ပြည် စစ်တပ်၏ စစ်သေနာပတိချုပ် လည်းဖြစ်လာသည် ၊ မိမိသြဇာ အာဏာ ထိပ်ဆုံးရောက်ချိန်တွင် တီရမ်မင်ရင်ပြင် (Tiananmen Square) မှ ဆန္ဒပြ မှုများကို အင်အားသုံး နှိမ်နင်းခဲ့ သည်။

ထိုဖြစ်ရပ်များနောက်ပိုင်းတွင်ရာထူးအားလုံးကို စွန့်လွှတ်ခဲ့သည်၊ ထိုအချိန်မှစ၍ သူ၏အောင်မြင် ကျော်ကြား သော တောင်ပိုင်းကမ်းရိုးတန်းဒေသ ခရီးစဉ်ကိုစတင်ခဲ့သည်၊ ရောက်လေရာအရပ်တွင် သူ၏စီးပွားရေးမူဝါဒ၊ ယုံကြည်ချက်များဖြင့် ဆော်သြခဲ့သည်၊ ထိုအချိန်က သမ္မတ ဂျန်ဇီမင်းမှ အစပြု၍ သူ့ပေါ်လစီများကို ထောက်ခံ ခဲ့ကြရာမှ စီးပွားရေးပြုပြင်မှုကို အရှိန်အဟုန်ဖြင့် အကောင် အထည်ဖော်ခဲ့သည်။

သူ့တွင်တရားဝင် သြဇာအာဏာမရှိတော့သည့်တိုင်အောင် တရုတ်ပြည်သူ သန်းပေါင်းများစွာကို ဆင်းရဲတွင်း မှလွတ်အောင် ဆောင်ကျဉ်းပေးနိုင်ခဲ့သည်၊ ထို့နောက်တွင် တရုပ်အစိုးရကို ပြည်သူလူထုကလက်ခံကြသည့် နည်းတူ ကမ္ဘာ့ အလယ်တွင်လည်း မျက်နှာမငယ်ရတော့ချေ၊ ထိုဥပမာများက ပြောနေသော သင်ခမ်းစာမှာ အစိုးရများ အနေဖြင့် “သြဇာအာဏာ ခိုင်မာမှုမရှိဘဲ ပြုပြင်ပြောင်းလဲရေးလုပ်ငန်းများကို လုပ်၍ မရပါ” ဟုပင် ဖြစ်ပါသည်။

(၃)

ယနေ့ ကျွန်တော်တို့ မြန်မာ့နိုင်ငံရေးမှာပြည်သူကပေးအပ်သော mendate ရှိသည်ဆိုစေ တပ်မတော်နှင့် ယုံကြည်မှုတည်ဆောက်ရေးကို လုပ်ဆောင်နိုင်ပါမှ တက်လာမည့်အစိုးရသစ်သည် အုပ်ချုပ်မှုအာဏာတည်တံ့ ခိုင်မြဲပြီး ပြုပြင်ရေးလုပ်ငန်းအရပ်ရပ်ကို ဆောင်ရွက်နိုင်မည်ဖြစ်သည်၊ ၂၀၀၈ဖွဲ့စည်းပုံဥပဒေအရ ဤအချက် သည် ရှောင်လွှဲ၍မရနိုင်သော အချက်တခုဖြစ်နေပါသည်။

ထိုမှတဆင့်တက်၍ ပြောရသော် ထိုဖွဲ့စည်းပုံဥပဒေအရပင် အစိုးရသစ်အဖို့ တိုင်းရင်းသားရေးနှင့် ငြိမ်းချမ်းရေး ကိစ္စများတွင် အဓိက ဆုံးဖြတ်ချက်များကို ချပေးနိုင်စွမ်းရှိမည်မဟုတ်ပါ၊ ဗဟိုအစိုးရသည် တိုင်းရင်းသားပြည်သူ များ၏ယုံကြည်ကိုးစားမှု ရှိရန်လိုအပ်သလို သူတို့၏အဓိကလိုလားချက်များတွင် နယ်မြေစိုးမိုးရေးသည် အရေး ကြီးဆုံးဖြစ်သည် ဆိုခြင်းကိုလည်း သတိချပ်သင့်သည် ၊ တိုင်းနှင့်ပြည်နယ်များမှ ပါတီအများစုမှာ အစိုးရဖွဲ့နိုင် ရေး၊ အာဏာတည်တံ့ရေးကိုသာ ဦးစားပေးနေကြဟန်ရှိသည်၊ သူတို့အနေဖြင့် မည်သူ့ကိုမျှ မယုံကြည်ကြ ဆိုခြင်းကိုလည်း နားလည်ပေးကြရပါမည်။

နယ်စပ်ဒေသ ပြည်နယ်များအရေးမှာ အကိုင်အတွယ် နူးညံ့သိမ်မွေ့ ရပါမည်၊ ပြဿနာများကို ဖြေရှင်းရာတွင် Geopolitics ခေါ် ဒေသဆိုင်ရာ ပထ၀ီအနေအထားအရ ကျွမ်းကျင်စွာ ကစားနိုင်ရပါလိမ့်မည်။

အမျိုးသားဒီမိုကရေစီအဖွဲ့ချုပ်အစိုးရသည် ထိုလုံခြုံရေးနှင့် ငြိမ်းချမ်းရေးကိစ္စများကို မြန်မာ့တပ်မတော်ကိုသာ လွှဲထားသင့်ပါသည် ၊ နိုင်ငံရေး နှင့်စီးပွားရေးဟူ၍ ရှိရာတွင် နိုင်ငံရေးပြုပြင် ပြောင်းလဲမှုကို အမျိုးသားဒီမိုကရေစီ အဖွဲ့ချုပ်က လောလောဆယ်တွင် လက်ရှောင်ထားသင့်ပါသည်၊ မိမိအတွက် အဓိကထားပြီး အလုပ်လုပ်ရန်မှာ ပြည်သူတို့၏စီးပွားရေး ၊ ကျန်းမာရေးနှင့် ပညာရေးကိစ္စများ ဖြစ်ပါသည် ၊ ထိုနယ်ပယ်တွင် အောင်မြင်မှုများရ လျင် ပြည်သူလူထုက ယုံကြည်ကိုးစားလာပါလိမ့်မည် ၊ ဤနည်းဖြင့် အချိန်တနှစ်မှ နှစ်နှစ်တွင် အစိုးရအသစ်၏ ဂုဏ်သိက္ခာတိုးတက်လာပါလိမ့်မည်၊ သြဇာအာဏာလည်းခိုင်မြဲလာပါလိမ့်မည်။

အမျိုးသားဒီမိုကရေစီအဖွဲ့ချုပ်ပါတီကြီးမှာ အတိုက်အခံဘ၀တွင် စစ်အစိုးရအပေါ် ဆန့်ကျင်တိုက်ခိုက်နိုင်ခြင်း အတွက် ပြည်သူကချစ်ခင်လေးစားခဲ့ကြပါသည် ၊ စစ်အစိုးရမရှိတော့ချိန် ၊ တိုက်ခိုက်စရာမရှိတော့ချိန်၊ မိမိတို့ ကိုယ်တိုင်အုပ်ချုပ်ရချိန်တွင် အကြောင်းအမျိုးမျိုးကြောင့် မိမိကိုချစ်ခင်လေးစားမှု ဒီဂရီမှာ လျော့ကျသွားနိုင်ပါ သည်။

အစိုးရကက်ဘိနက်တွင် တိုင်းရင်းသားများအပါအ၀င် အင်အားပေါင်းစုံ ထည့်သွင်းပေးရပါမည် ၊ တိုင်းရင်းသား နယ်မြေများတွင် နယ်ခံလူထုနှစ်သက်သလို ၀န်ကြီးချုပ်များရွေးချယ်ပိုင်ခွင့်ကိုပေးသင့်ပါသည်၊ အဖွဲ့အစည်း၊ လူတန်းစားပေါင်းစုံ၏ ကိုယ်စားလှယ်ပေါင်းစုံပါဝင်ပြီး ၄င်းတို့အား စီမံခန့်ခွဲပိုင်ခွင့် သြဇာအာဏာများ ပေးအပ် ရမည်ဖြစ်ပါသည်။

ပဌမဦးဆုံးနှစ်မှာ အာဏာကိုချောမွေ့စွာ လွှဲပြောင်းရယူသည်နှင့်အတူ နိုင်ငံတော်၏ စီးပွားရေး၊ ကျန်းမာရေး၊ ပညာရေး ပြုပြင်ပြောင်းလဲမှုများအတွက် ဥပဒေသစ်များပြဌာန်းနိုင်ရေးကို ဦးစားပေးလုပ်ဆောင်သင့်ပါသည်၊ ပြည်သူတို့အသံကို နားထောင်ရန် Forum များ Workshop များတွေ့ဆုံ ဆွေးနွေးမှုများကိုကျင်းပ ပေးရပါမည်၊ တိုင်းပြည်၏ ဦးတည်ရာ အနာဂါတ်လမ်းကြောင်း ပေါ်လာအောင် ဆောင်ရွက်ရပါလိမ့်မည်။

(၄)

“လ္ဘက်ကောင်းစားချင်၊ ပလောင်တောင်တက်နှေးရပါသည်” ဆိုသောစကားရှိပါသည်၊ နိုင်ငံဖွဲ့ဖြိုးရေး ပြုပြင် ပြောင်းလဲရေးအတွက် သတိကြီးစွာနှင့်၊ အချိန်လုံလောက်အောင်ရယူပြီးမှသာပေါ်လစီအသစ်များကို ချမှတ်ရ ပါမည်၊ ရှေ့ကို လောမကြီးစေချင်ပါ၊ ဘယ်နိုင်ငံတွင်မှ မဖြစ်ခဲ့ဘူးသော အနိုင်ရပါတီက မိမိအာဏာရရှိရေးကို စစ်တပ်နှင့် စေ့စပ်ညှိနှိုင်း ရယူနေရခြင်းအတွက် ပိုပြီးစိတ်ရှည်ရန်၊ သဘောထားကြီးရန် လိုအပ်ပါသည်။

ကိုသန်းလွင်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုသန်းလွင်, သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်