စာရေးဆရာ ချစ်ဦးညို၏ သမ္မတသစ် ဦးထင်ကျော် အပေါ် သဘောထားအမြင်

March 23, 2016

စာရေးဆရာ ချစ်ဦးညို၏ သမ္မတသစ် ဦးထင်ကျော် အပေါ် သဘောထားအမြင်

(ရန်နောင်(ဗိုလ်တထောင်)) မိုးမခ၊ မတ် ၂၃၊ ၂၀၁၆

မေး။          ။ ဆရာ၊ မင်္ဂလာပါ။ ကျနော့်ကို ဆရာရဲ့ သမ္မတသစ် ဦးထင်ကျော် အပေါ်မှာ ရှိတဲ့သဘောထားအမြင်လေး ပြောပြပေးပါလား။

ဖြေ။     ။အင်း၊ ဘယ်လိုခေါ်မလဲ။ သူက low profile ဦးထင်ကျော်က ၊ မထင်မရှား၊ မသိမသာလေးပဲ နေတာဆိုတော့ သူ့အကြောင်းကို သိပ်မသိဘူး။သို့သော်လည်း အများသိသလောက်တော့ သိတယ်။ သို့သော်လည်း သူ့ကို ရင်ထဲကနေ အမှတ်ပေးမိတာက ဆရာကြီး မင်းသုဝဏ် သားဖြစ်နေတာကိုက ကိုယ့်စိတ်ထဲမှာ အတော့်ကို ပီတိ နှစ်ထောင်းအားရဖြစ်တယ်။ဘာဖြစ်လို့လဲဆို ဆရာကြီးမင်းသုဝဏ်ရဲ့ သွေးတွေဟာ သူ့ဆီမှာ လှည့်ပတ်စီးဆင်းနေမယ်ဆိုတာ ယုံကြည်တယ်။ ခင်တာကတော့ ဦးဥာဏ်စိုးနဲ့ နဲနဲ ခင်တယ်။ သူ့ရဲ့အကိုလေ။ သူနဲ့က မခင်ဘူး။ သိပ်လည်း မဆုံဘူးဖူး။ဆိုတော့ ဆရာကြီးမင်းသုဝဏ် ပြန်ကြည့်လိုက်တဲ့အခါမှာ စိတ်ကောင်းရှိတဲ့ ဆရာကြီး၊ အနုပညာကြွယ်ဝတဲ့ ဆရာကြီး၊ ကလေးတွေ အတွက် အင်မတန် အလုပ်လုပ်တဲ့ ဆရာကြီး၊ အမှန်တရားဖက်က ရပ်တည်ခဲ့တဲ့ ဆရာကြီး ၊ ၉၀ ခုနှစ်ရွေးကောက်ပွဲမှာ ဝင်ပြိုင်ပြီး အနိုင်ရခဲ့တဲ့ အစိုးရရဲ့ အငြိုငြင်ခံရတဲ့ဆရာကြီး၊ အဲဒီ ဆရာကြီးရဲ့ သားဖြစ်တယ်ဆိုတဲ့ အချက်နဲ့တင် စိတ်ထဲမှာ အတော်လေး နှလုံးတွေ့တယ်ပေါ့နော်။ ပြီးတော ဒီအင်မတန် မျိုးရိုးတွေက အင်မတန် အရေးကြီးပါတယ်။

ဟို ဆရာကြီးသခင်ကိုယ်တော်မှိုင်းက ဆောင်းပါးလေးတပုဒ်ဖတ်ဖူးတယ်။ တောင်တွင်းကြီးမှာ သခင်လေးမောင်က အဖမ်းခံထားရတယ်။ ဒို့ဗမာအစည်းအရုံးပေါ့လေ။ ထောင်ခြောက်လ ကျနေတယ်။ သခင်ပေါက်စ ထောင်ခြောက်လပေါ့လေ။ အဲတော့ သခင်လေးမောင်က ဆရာကြီးသခင်ကိုယ်တော်မှိုင်းကို လှမ်းခေါ်တယ်။ ဆရာကြီး လာခဲ့ပါဦး ၊ ကျနော် အဖမ်းခံရတော့မယ်၊အဖမ်းတော့မခံရသေးဘူး၊ အဖမ်းခံရတော့မယ်၊အဲတော့ ဆရာကြီးမှိုင်းကလည်း တက်သွားတယ်။ တောင်တွင်းကြီးရောက်တော့ ဟေ့ကောင် လေးမောင် ခွေးကောင်ပေါ့ ၊ ဘယ်လို ဘယ်လိုဖြစ်လဲ၊ ကျနော်တော့ အဖမ်းခံရတော့မယ် ၊ငါလည်း မကယ်နိုင်ဘူးတဲ့၊ မင်းအဲဒါကိုတဲ့။ မဟုတ်ဘူးတဲ့။ အဓိကက ကျနော့်ကို လာကယ်ဖို့အတွက် ဆရာကြီးကို ခေါ်တာမဟုတ်ဘူးတဲ့။ ဆရာကြီး ဒီမှာရောက်တုန်းကို ဒီကိုတက်လာပြီးတော့ ဒို့ဗမာအစည်းအရုံး ဖွဲ့စည်းရေး အတွက် ကျနော် ညာခေါ်တာပါ ဆရာကြီး တဲ့။ ကဲထားတော့ ၊ တွေ့သင့်တွေ့ထိုက်တဲ့ ပုဂ္ဂိုလ်တယောက် ရှိပါသေးတယ်ဆိုတော့ သျှင်ဥက္ကဋ္ဌ ဆီသွားကြတယ်။ တောင်တွင်းကြီးသျှင်ဥက္ကဋ္ဌ ဆီပေါ့။ သွားရင်းနဲ့ စကားစမြည်ပြောရင်းနဲ့ သျှင်ဥက္ကဋ္ဌ ကနေပြီးတော့ ဗိုလ်မင်းရောင်(ရွှေလရောင်) အကြောင်းတွေ ရောက်သွားရော။ အဲဒီမှာ သျှင်ဥက္ကဋ္ဌ က မိန့်တယ်တဲ့။ ဆရာကြီးပေါ့ ခင်ဗျားတို့ဆီမှာ ၊ ရန်ကုန်မှာလည်း ဦးမင်းရောင်ရဲ့ မြေးလား ဘာလား မသိဘူး၊ တော်တဲ့ ကောင်လေးတွေရှိတယ်။ ကျောင်းတက်နေတယ်။ အောင်သန်းနဲ့ အောင်ဆန်း၊ အပြောကတော့ အလုပ်လုပ်နေပြီ။ ဟာ ဟုတ်လားပေါ့။ အဲဒီကျမှ သူက ပြန်လာပြီး ရန်ကုန်ရောက်တော့မှ မေးတာ၊ မောင်အောင်ဆန်း မင်းအဘိုးက ဦးမင်းရောင် ဆို၊ ဟာ မင့် ငါ့မပြောပါလား၊ မလိုအပ်ဘူး ထင်လို့ မပြောတာပါ ဆရာကြီး ။ ဟာ မင်း မျိုးရိုးတယ်ကောင်းတာပဲ ကွာ။ မျိုးရိုးနဲ့ ပတ်သက်ပြီး ပြောတာပါ။

အဲတော့ မျိုးရိုးနဲ့ ပတ်သက်ပြီး ဘမျိုးဘိုးတူ ၊ မျိုးကောင်းရိုးကောင်းဆိုတာက ပါကို ပါတယ်။ ဒါကတော့ ငြင်းလို့မရဘူး။ အဲ့ တချက်ထဲနဲ့ကို ဦးထင်ကျော်ကို ကျေနပ်သွားပြီ။

ဒါပေမဲ့ သူကြည့်ရတာ ဒီနေ့ ပြည်ထောင်စုလွှတ်တော် လာပြီး မိန့်ခွန်းပြောတော့ ၊ ဝန်ကြီးဌာန ၂၁ ခုနဲ့ ပတ်သက်လို့ လာပြီး ရှင်းပြသွားတာ၊ အဲဒီမှာလည်း အေးအေးဆေးဆေး ၊ လုံးဝ တုန်လှုပ်ခြင်း၊ စိတ်လှုပ်ရှားခြင်း ၊ မရိုးမသားနဲ့ ပုံကြီးချဲ့ခြင်း ဘာမှမရှိဘူး။ အေးအေး ဆေးဆေး လေး ရိုးရိုးသားသား ပြောတာ ၊ သူ့ပုံရိပ်လေးကို လှစ်ခနဲ မြင်လိုက်ရတယ်။ ရိုးသားမှု အပြည့်ရှိတယ် ဆိုတာ မြင်လိုက်ရတယ်။ အဲဒီအတွက် ကျေနပ်တယ်။ ဦးထင်ကျော်ကို ။ အရပ်သား သမ္မတ ဆိုတာတော့ဒါ တပြည်လုံးကျေနပ်တာပဲလေ။

နောက်တခုက ပြောချင်တာက သူက ဒလဘန်းဆိုပြီးတော့ ဒဒွေး ၊ လ၊ ဘနဲ့ ရေးထားတယ်။ ဒလဘန်းဆိုပြီးတော့ ရေးထားတယ်။ မသိဘူး။ ဆရာကြီးမင်းသုဝဏ် သားမှန်းလည်း မသိဘူး။ အရင်က ။ သို့သော်လည်း ပထမအကြိမ် စာအုပ်ကတည်းက ရှိတယ်။ ၂၀၀၆ ကနေ ၂၀၀၈ အထိ ချယ်ရီမဂ္ဂဇင်းမှာ အခန်းဆက်ရေးခဲ့တာ ။ အဲဒီတုန်းကတည်းက သတိထားမိတယ်။ နာမည်က ဆန်းနေတာ။ ဒါပေမယ့် ကြိုကြား ကြိုကြား ဖတ်ရတယ်။ အခု လုံးချင်းလေးထွက်လာတော့ ဒါ ပထမအကြိမ်နော်။ ခု ထွက်နေတာ ဒုတိယ အကြိမ်ပေါ့။ အဲဒီမှာ ရေးတော့မှ ဟာ ဒလဘန်း ဆိုတာ ဆရာကြီးမင်းသုဝဏ် သားပါလား၊ မောင်ပို၊ မောင်ထင်ကျော်ပေါ့။ ရေးလိုက်တာကလည်း ကောင်းလိုက်တာ၊ များသောအားဖြင့်က လူတယောက် အကြောင်းရေးတယ်ဆိုရင် ရေးတဲ့သူက သူ့အကြောင်းဖြစ်ပြီး သူ့အကြောင်းချည်းပဲ ရေးနေတာ များတယ်။ သူ့ပုံရိပ် ချည်းပဲ ထိုးထိုးပြတယ်။ ဝင် ဝင်ကြွားတယ်ပေါ့။ လုံး ဝမရှိရဘူး။ ဘကြီးဇော် (ဆရာဇော်ဂျီ) အကြောင်း ၊ဘယ်သူ့အကြောင်း အဲဒါတွေပဲ ရေးပြသွားတယ်။ သူ့အကြောင်း ၊ ဒလဘန်းဆိုတာ မပါလာဘူး။ သူ့ရဲ့ ကိုယ်ရေး မပါဘူး။ အင်မတန်နှိမ့်နှိမ့်ချချနဲ့ ရိုးသားစွာ ကိုရေးပြသွားတယ်။

အဲဒီတော့ ဒလဘန်းဆိုတာ မွန်စစ်သူကြီး၊ အလောင်းမင်းတရား အရေးတော်ပုံထဲမှာပါတယ်။ တချို့က တလဘန်း လို့ ရေးတယ်။ အလောင်းမင်းတရား အရေးတော်ပုံထဲမှာ ပါတာက မုဆိုးဖို၊ ရွှေဘို လုပ်မယ်ဆိုတော့ ကွေ့ရှမ်း၊ ဂု န္တအိန် ဘယ်ကပါမယ်၊ တလဘန်း တို့ကလည်း တစခန်းထတာလေ၊ တလဘန်းကိုလည်း လွှတ်ပြီးတော့ ဟံသာ ဝတီဘုရင် အနေနဲ့ ဥပရာဇာကနေ၊ တလဘန်းကလည်း တိုက်တာပဲ၊ ဒါပေမဲ့ သူ စစ်ရှုံးတယ်။ စစ်ရှုံးပေမဲ့ အလောင်းမင်းတရား ဦးအောင်ဇေယျက သူ့ရန်သူထဲမှာ ၊ ရန်သူပဲ ဆိုကြပါစို့၊ ရန်သူထဲမှာ ဒီ မွန်စစ်သူကြီး တလဘန်းကို အလေးစားဆုံး၊ စစ်သာ ရှုံးသာ ၊ တကယ်တော်တဲ့ လူကြီး၊ စိတ်ဓာတ်အင်မတန် မြင့်မြတ်တဲ့သူ၊ ရှုံးလို့သာ ရှုံးသွားတာ၊ တကယ်တော့ နိုင်သင့်တဲ့သူကြီး ၊ အဲလိုကို အလောင်းမင်းတရားက အမှတ်ပေးတာဗျာ။

ဆိုတော့ ဒလဘန်းဆိုတဲ့ မူလ မွန်စစ်သူကြီး ပုံရိပ်ကလည်း ကောင်းတယ်။ ပြီးတော့ အဲဒီ ဒလဘန်း ဆိုတဲ့ နာမည်က ဆရာကြီး မင်းသုဝဏ်က မှည့်ပေးထားတာ။ ဒီစာအုပ်ရေးပြီးတော့ သူ ကလောင်နာမည် မတပ်တတ်ဘူးဖြစ်နေတယ်။ အဲဒီမှာ သူ့မိန်းမဒေါ်စုစုလွင်က (ဦးလွင် သမီးက) ရှင့်အဖေ ရက်ချုပ်ထဲမှာ ပေးထားတယ်လေ၊ ရှင့်ကို ဒလဘန်းလို့ပေးထားတယ်လေ။ အဲဒီနာမည် ယူလိုက်ပါလားလို့ ပြောလို့ ယူလိုက်တာ။ ဒေါ်စုစုလွင် ကျေးဇူးမကင်းဘူး။ ဒလဘန်း ဖြစ်တာ။ (ရယ်လျက်) အဲဒါကြောင့်လည်း ကြိုက်တယ်၊ စာရေးဆရာ ဒလဘန်းဖြစ်လို့လည်း ကြိုက်တယ်။အဲဒါပါပဲဗျာ။

မေး ။    ။ကျေးဇူးတင်ပါတယ်ဆရာ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Yan Naung (Bo Ta Htaung), အင်တာဗျူး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

 ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ

By

ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ (မိုးမခ) ဖေဖော်ဝါရီ ၅၊...

Read more »

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ 

By

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ  မိုးမခစာပေက ထွက်ပါပြီ။...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်