စိုးနေလင်း – “အသွင်ကူးပြောင်းရေးကာလ တရားမျှတမှု ဆိုတာ”

April 22, 2016

စိုးနေလင်း – “အသွင်ကူးပြောင်းရေးကာလ တရားမျှတမှု ဆိုတာ”
(မိုးမခ) ဧပြီ ၂၂၊ ၂၀၁၆

အသွင်ကူးပြောင်းရေးကာလ တရားမျှတမှု ဆိုတဲ့ စကားလုံးတွေကို သိပ်လူပြောသူပြောများပါတယ်။ နားထောင်လို့လည်း ကောင်းပါတယ်။ သဘောတရားအရတော့ အသွင်ကူးပြောင်းရေးကာလ တရားမျှတမှု ဆိုတာဟာ စနစ်တကျ မတော်မတရားလုပ်မှု တွေနဲ့ ကြီးမားတဲ့ လူ့အခွင့်အရေး ချိုးဖောက်မှုတွေရဲ့ ဇစ်မြစ်ဖြစ်တဲ့ နိုင်ငံရေးစနစ်တွေ၊ ပဋိပက္ခတွေနဲ့ တခြား အခြေအနေတွေကို လုံးဝ ပြောင်းလဲပစ်ဖို့ အခွင့်အလမ်းတွေကို အားကောင်းလာစေဖို့ဒါမှမဟုတ် ဖန်တီးပေးဖို့ နဲ့ ခံစားခဲ့ရတဲ့ သားကောင်တွေ ကို ရင်းစားပြန်ပေးဖို့အားထုတ်ကြိုးပမ်းတဲ့ နည်းလမ်းတခုပဲဖြစ်တယ်လို့ဆိုပါတယ်။

ဒါကြောင့်ပဲ အသွင်ကူပြောင်းရေးကာလ တရားမျှတမှုက စနစ်တကျ ဒါမှမဟုတ် အကြီးအကျယ် မတော်မတရား လုပ်မှု တွေရဲ့အမွေဆိုးတွေကို ကိုင်တွယ်ဆောင်ရွက်ရာမှာ ဦးတည်ချက် ၂ မျိုး ရှိတယ်ဆိုတာကို အသိအမှတ်ပြုထားပါတယ်။

ပထမ တခုက ခံစားခဲ့ရတဲ့သားကောင်းတွေ အတွက် အတိုင်းအတာတခုထိ တရားမျှတမှု ရရှိစေဖို့နဲ့ ဒုတိယ တခုကတော့ ငြိမ်းချမ်းရေး ဒီမိုကရေစီရေး နဲ့ ပြန်လည်သင့်မြတ်ရေးတွေ ရရှိလာဖို့  ဖြစ်နိုင်ခြေတွေကို အားကောင်းလာအောင် လုပ်ဆောင်ပေးဖို့ဖြစ်ပါတယ်။ ဒီ အချက် ၂ ခုကိုရရှိဖို့ဆိုရင် အသွင်ကူးပြောင်းရေးကာလ တရားမျှတမှု က ရာဇ၀တ်မှု ဆိုင်ရာ၊ ပြန်လည်တည်ဆောက်ရေးဆိုင်ရာနဲ့ လူမှုရေးဆိုင်ရာ တရားမျှတ မှု အခြေခံအချက်တွေကို ပေါင်းစပ် စီရင်ဆုံးဖြတ်ရမှာ ဖြစ်ပါတယ်။ တကယ်တော့ အသွင်ကူးပြောင်းရေးကာလ တရားမျှတမှု ဆိုတာ တရားမျှတမှု ရဲ့ အထူးပုံသဏ္ဍန်တခု မဟုတ်ပါဘူး။ လူ့အခွင့်အရေးချိုးဖောက်မှု တွေ ပုံမှန်လိုဖြစ်နေတဲ့ လူ့အဖွဲ့အစည်းတွေမှာ အသွင်ကူးပြောင်းနေတဲ့ အချိန်တခုရဲ့ ထူးခြားတဲ့အခြေအနေတွေနဲ့လိုက်လျှောညီထွေရှိမယ့် တရားမျှတမှု ပဲဖြစ်ပါတယ်။ တချို့ အခြေအနေတွေမှာ ဒီင်္ပြောင်းလဲမှု တွေဟာ ရုတ်တရက် ဖြစ်ပြီး မြင်သာထင်ရှားနဲ့ နက်နဲတဲ့ အကျိုးဆက်တွေ ဖြစ်ပေါ်တတ်ပါတယ်။ တခြားအခြေအနေတွေမှာတော့ အဲဒါဟာ ဆယ်စုနှစ်တွေ အများကြီး ကြာသွားနိုင်ပါတယ်။

အသွင်ကူးပြောင်းရေး ကာလ တရားမျှတမှု ဆိုတာဟာ အဓိကအားဖြင့် လက်တင်အမေရိက နဲ့ အရှေ့ ဥရောပ နိုင်ငံတွေမှာ ၁၉၈၀ စုနှစ်နဲ့၉၀ စုနှစ်တွေ အတွင်းဖြစ်ပွားခဲ့တဲ့ နိုင်ငံရေး ကူးပြောင်းမှု တွေ အတွက် ဖြေရှင်းမှု တခုအနေနဲ့ ပထမဆုံး ပေါ်ပေါက်လာခဲ့တာ ဖြစ်ပါတယ်။ အဲဒီကူးပြောင်းမှု ကာလတွေအတွင်း တရားမျှတမှု တောင်းဆိုတာတွေက ရှေ့တန်းရောက်လာခဲ့ပါတယ်။ အဲဒီအချိန်မှာ လူ့အခွင့်အရေး တက်ကြွလှုပ်ရှားသူတွေ နဲ့ တခြားလှုပ်ရှားသူတွေက ဖြစ်ပေါ်နေတဲ့ နိုင်ငံရေး အသွင်ကူးပြောင်းရေးလည်း လမ်းချော် တိမ်းပါး မသွားပဲ အားကောင်းနေရအောင် အုပ်ချုပ်ခဲ့တဲ့ အာဏာရှင်အစိုးရ တွေရဲ့ စနစ်တကျ လူ့အခွင့်အရေး ချိုးဖောက်မှု တွေ ကို လည်း ထိထိရောက်ရောက် ကိုင်တွယ်ဆောင်ရွက်နိုင်ရအောင် ဘယ်လို လုပ်သင့်တယ်ဆိုတာ နဲ့ပတ်သက်ပြီး စိုးရိမ် ကြောင့်ကျ ရှိခဲ့ကြပါတယ်။

အဲဒီလို ပြောင်းလဲမှု တွေကို အများက “ဒီမိုကရေစီ အသွင်ကူးပြောင်းရေး” လို့ခေါ်ခဲ့ကြပြီး ခုတော့ လူတွေက ပညာရပ်နယ်ပယ်စုံ ဝေါဟာရတရပ်သစ်တခု အဖြစ် “ အသွင်ကူးပြောင်းရေး ကာလ တရားမျှတမှု ” ဒါမှမဟုတ် “ အသွင်ကူးပြောင်းရေးကာလများ အတွက် တရားမျှတမှု” လို့ခေါ်ဆိုလာကြ ပါတယ်။အသွင်ကူးပြောင်းရေးကာလ တရားမျှတမှု က အစိုးရ မှတ်တမ်းမှတ်ရာတွေ ကိုဖွင့်ထုတ်ဖ်ာပြတာ၊ တရားဝင် အမှန်တရားဖော်ထုတ်ရေး ကော်မရှင်တွေ ဖွဲ့စည်းတာမျိုးတွေ၊ခံစားခဲ့ရတဲ့ သားကောင်တွေ အတွက် လျှော်ကြေးပေးရေး အစီအစဉ်တွေ နဲ့ပြည်သူ့ဝန်ထမ်းတွေ၊လုံခြုံရေး တပ်ဖွဲ့ဝင်တွေကို မေးမြန်း စုံစမ်း စစ်ဆေးတာမျိုးလို အမှန်တရားပြောဆိုမှု စဦးဆောင်ရွက်မှု တွေ နဲ့အာဏာရှင် အစိုးရ ခေါင်းဆောင်တွေကို တရားစွဲဆိုတာမျိုးအပါအ၀င် ကိုင်တွယ်ဆောင်ရွက်မှု မျိုးတွေကို လုပ်ဆောင်ရမှာဖြစ်ပါတယ်။

အသွင်ကူးပြောင်းရေးကာလ တရားမျှတမှု ဆိုတာက စနစ်တကျ ဒါမှမဟုတ် အကြီးအကျယ် မတော် မတရား လုပ်မှု တွေကိုကိုင်တွယ်ရာမှာ ထူးခြားတဲ့ ရှေ့နောက်ချဉ်းကပ် ကြည့်ရှုလေ့လာမှု လိုအပ်မှု ကို အသိအမှတ်ပြု တဲ့ အစိတ်အပိုင်းတရပ်အနေနဲ့ပေါ်ပေါက်လာတာဖြစ်ပါတယ်။ဒီတရားမျှတ မှုဟာ ခံစားခဲ့ ရတဲ့ သားကောင်တွေရဲ့ ဂုဏ်သိက္ခာကို ထိမ်းသိမ်းပေးရုံ သာမဟုတ်ဘဲ နောင်လာမယ့် အနာဂတ်မှာ အလားတူသားကောင် အဖြစ်ခံရမယ့် အခြေအနေမျိုး မဖြစ်ရအောင် အကာအကွယ်ပေးဖို့လည်း ဖြစ်ပါတယ်။

အသွင်ကူးပြောင်းရေးကာလ တရားမျှတ မှု ရဲ့ ရေရှည် ရည်မှန်းချက်ချက်တွေကတော့ စနစ်တကျ ဒါမှမဟုတ် အကြီးအကျယ် လူ့အခွင့်အရေး ချိုးဖောက်မှု ကို ဒီအခြေအနေတွေက အထောက်အကူ ဖြစ်စေနိုင်တယ်ဆိုတဲ့ အမြင်နဲ့ ငြိမ်းချမ်းရေး၊ ဒီမိုကရေစီရေး နဲ့ ပြန်လည်သင့်မြတ်ရေး တွေကို တိုးမြှင့် ပေးဖို့ဖြစ်ပါတယ်။ ဒါပေမယ့် ဒီကနေ့အသွင်ကူးပြောင်းရေးကာလ တရားမျှတမှု ကတော့ နယ်ပယ်အမျိုးမျိုး အထွေထွေ ဖြစ်လာပါပြီ။ ဒီတရားမျှတမှု ကြီးထွားလာတဲ့ အချိန်မှာပဲ လူမှု တရားမျှတမှု ဆိုတဲ့ ဘုံအခြေခံတရပ်ကို တွေ့ရှိလာခဲ့ပြီဖြစ်သလို ပဋိပက္ခ အဖြေရှာရေး၊ ငြိမ်းချမ်းရေး တည်ဆောက်ရေး နဲ့ သမိုင်းဆိုင်ရာအမှတ် ရစရာ စတဲ့ နယ်ပယ်တွေလည်း အပါအ၀င်ဖြစ်လာခဲ့ပါတယ်။ လူမျိုးတုံး သတ်ဖြတ်မှု တွေ နဲ့ နေရာရွှေ့ပြောင်း နေထိုင်စေတာတွေ ၊ စစ်သားဟောင်းတွေကို လူ့အဖွဲ့အစည်းအတွင်း ပြန်လည်နေရာချထားပေးတာတွေ၊ လူ့အဖွဲ့ အစည်းတွေ အကြား ပြန်လည်သင့်မြတ်ရေး ဆောင်ရွက်တာတွေ နဲ့ ငြိမ်းချမ်းရေး တည်ဆောက်မှု မှာ တရားမျှတမှု ရဲ့ အခန်းကဏ္ဍ စတာတွေဟာ အသွင်ကူးပြောင်းကာလ တရားမျှတမှု လှုပ်ရှားဆောင်ရွက်နေသူတွေ အတွက် ဘယ်လိုပဲဖြစ်ဖြစ် အရေးကြီတဲ့ကိစ္စတွေ ဖြစ်လာခဲ့ပါတယ်။ ပထမဆုံးအနေနဲ့ စစ်သားဟောင်း အဆင့်ဆင့်တွေ ကြားမှာ လူ့အခွင့်အရေး အကြီးအကျယ် ချိုးဖောက်မှု တွေအတွက် ကျူးလွန်သူ ဒါမှမဟုတ် ကြိုးကိုင်စေခိုင်းသူတွေ ဖြစ်ကောင်းဖြစ်နိုင်ပါတယ်။ ဒုတိယ နဲ့ယေဘုယျ အနေနဲ့ ခံခဲ့ရတဲ့ သားကောင်တွေ အနေနဲ့သူတို့ဘ၀ ပြန်လည်တည်ဆောက်ဖို့ မဆိုစလောက်ပဲ အကူအညီရတာ ဒါမှမဟုတ် လုံးဝ မရ တာမျိုးဖြစ်နေတဲ့ အချိန်မှာ စစ်သားဟောင်းတွေကတော့ သူတို့လက်နက်စွန့်လာအောင် မက်လုံးဖြစ်တဲ့ ငွေကြေး ရရှိတာ၊ အလုပ်အကိုင်အတွက် လေ့ကျင့်သင်ကြားပေးတာ ခံရတာမျိုးတွေ ရှိနေတတ်ပါတယ်။ဒီလို မညီမျှမှု တွေဟာ ကိုယ်ကျင့်တရားအရ ဆိုးဝါးလွန်းရုံသာမကပဲ အသိပညာ မဲ့ရာလည်း ကျ တယ်လို့ ဆိုရပါမယ်။အဲဒါတွေဟာ စိတ်ပျက် ဒေါသထွက်မှု တွေ ကိုဖြစ်ပေါ်စေနိုင်ပြီး စစ်သားဟောင်းတွေကို ပြန်ပြီး လက်ခံရမယ့် လူ့အဖွဲ့အစည်း တွေကို လက်တွန့်နှောင့်နှေး သွားစေနိုင်သလို ပဋိပက္ခလွန် တည်ြိငိမ်မှု ရရှိရေး အတွက် လည်းခြိမ်းခြောက်မှု ဖြစ် လာစေနိုင်ပါတယ်။

ဒီအသွင်ကူးပြောင်းရေးကာာလ တရားမျှတမှု နယ်ပယ် ဟာလွန်ခဲ့တဲ့ နှစ် ၂၀ ကာလ အတွင်း အမျိုးမျိုး ပြောင်းလဲ ကျယ်ပြန့်လာနေတဲ့ အချိန်မှာပဲ အပြည်ပြည်ဆိုင်ရာ တရားဥပဒေအတွက် အရေးကြီးတဲ့ အခြေခံတခုအဖြစ်လည်း ဖွံဖြိုးတိုးတက်လာခဲ့ပါတယ်။ ၁၉၈၈ ခုနှစ် အတွင်းက အမှု တခုကို စီရင်ရာမှာ အမေရိကန်ပြည်တွင်းတရားရုံးတခုက ပြည်နယ်အားလုံးမှာရှိရမယ့် လူ့အခွင့်အရေး ဆိုင်ရာအခြေခံတရား ဒါမှမဟုတ် အနည်းဆုံးထားရှိရမယ့် တာဝန်ရှိမှု လေးခုကို တွေ့ရှိသွားခဲ့ပါတယ်။ အဲဒါတွေကတော့….

လူ့အခွင့်အရေးချိုးဖောက်မှု တွေကို ကာကွယ်ဖို့ ကြောင်းကျိုးတကျရှိတဲ့ အဆင့်တွေလုပ်ဖို့။

လူ့အခွင့်အရေးချိုးဖောက်မှုတွေ ဖြစ်လာတဲ့အချိန်မှာ ချိုးဖောက်မှု တွေကို အလေးအနက်စုံစမ်း စစ်ဆေးဖို့။

ချိုးဖောက်မှု တွေ အတွက်တာဝန်ရှိသူသူတွေအပေါ်သင့်လျှော်တဲ့ အရေးယူမှု တွေ ချမှတ်ဆောင်ရွက်ဖို့။

ချိုးဖောက်ခံရတဲ့ သားကောင်တွေ အတွက် လျှော်ကြေးပေး အပ်ဖို့။

ဆိုတဲ့ အခြေခံ တာဝန်ရှိမှု တွေ ဖြစ်ပါတယ်။ နောက်ပိုင်းမှာတော့ဒီ အချက်တွေကို ကုလသမဂ္ဂ အထွေထွေအတွင်းရေးမှူးချုပ်ရဲ့ တရားဥပဒေ စိုးမိုးရေးနဲ့ ပဋိပက္ခကာလနဲ့ ပဋိပက္ခလွန်ကာလ ဖြစ်နေတဲ့ လူ့အဖွဲ့အစည်းတွေ အတွက် အသွင်ကူးပြောင်းရေးကာလ တရားမျှတ မှု အစီရင်ခံစာ (၂၀၀၄) မှာထည့်သွင်းဖော် ပြလာတာတွေ့ရပါတယ်။

၁၉၈၈ ခုနှစ် နိုင်ငံတကာရာဖ၀တ်ခုံရုံး စတင်တည်ထောင်လိုက်မှု မှာလည်း ခံစားရသူ သားကောင်တွေရဲ့ အခွင့်အရေးကို လေးစားဖို့နဲ့ အပြစ်ရှိရဲ့နဲ့ အပြစ်ပေးမခံရဘဲ လွတ်ကင်းနေမှု မရှိစေရေးတွေ ဟာ တရားရုံးရဲ့စည်းမျဉ်းဥပဒေ ဖြစ်လာတဲ့အတွက် အသွင်ကူးပြောင်းရေးကာလ တရားမျှတမှု အတွက် အရေးပါတဲ့ အခန်းကဏ္ဍ တခု ဖြစ်လာခဲ့ပါတယ်။

ဒါပေမယ့် အသွင်ကူးပြောင်းရေး နဲ့ဆက်စပ် အကြောင်းအရာတွေ မှာ ကိုယ်ကျင့်တရား ဆိုင်ရာ၊ တရားဥပဒေ ဆိုင်ရာနဲ့ နိုင်ငံရေးဆိုင်ရာ အကျပ်အတည်းတွေ အမြဲလိုလို ပါဝင်ပတ်သက်နေတဲ့ အတွက် စနစ်တကျု ဒါမှမဟုတ် အကြီးအကျယ် လူ့အခွင့်အရေး ချိုးဖောက်မှု တွေကို ကိုင်တွယ်ဆောင်ရွက်ရာမှာ စိန်ခေါ်မှု တွေ အများကြီးရှိ လာခဲ့ပြီး နိုင်ငံရေး အရ သိပ်အကဲဆတ် တဲ့ ပြသနာ၊ လက်တွေ့အရ လုပ်ဆောင်ဖို့ ခက်ခဲတဲ့ ပြသနာတခု ဖြစ်လာခဲ့ပါတယ်။ အာဏာ ရဲ့ နိုင်ငံရေးအရ ဟန်ချက်ညီ မှု ဟာ နူးညံ့သိမ်မွေ့ ပြီးအနိုင်ရလာတဲ့ အစိုးရ တွေအတွက် ကျယ်ပြန့်တဲ့ အသွင်ကူးပြောင်းရေးကာလ တရားမျှတမှု ရရှိရေး ဆောင်ရွက်ဖို့ သိပ်စိတ်လိုလက်ရ မရှိတတ်ကြဘူးလို့ ဆိုပါတယ်။ဘာလို့ဆိုတော့ ကိုင်တွယ်တဲ့ အစိုးရရဲ့ ကိုယ်ပိုင်တည်ငြိမ်ရေး အတွက်လည်း အန္တရယ်ရှိလာနိုင်တဲ့ အတွက် ဖြစ်တယ်လို့ ပညာရှင်တွေကသုံးသပ် ပြခဲ့ပါတယ်။ ဒါပေမယ့် အကြီးအကျယ် လူ့အခွင့်အရေး ချိုးဖောက်မှု တွေ များလာတဲ့ အချိန်မှာတော့ ရာဇ၀တ်မှု ဆိုင်ရာ တရားမျှတမှု ဟာ အဓိက အခန်းကဏ္ဍကို ရောက်လာတတ်ပါတယ်။ အဲဒီ ချိုးဖောက်မှုတွေ အတွက် တာဝန်ရှိသူတွေကို ကိုင်တွယ် ထိမ်းချုပ်ဖို့ လိုအပ်လာတဲ့အတွက် အဲဒီ တရားမျှတမှုဟာ ဘက် ၂ ဘက်စလုံးအတွက် အရေးကြီးလာတယ်လို့ဆိုရပါမယ်။

ဒီ အသွင်ကူးပြောင်းရေးကာလ တရားမျှတ မှု ဆိုတာ ခုကျနော်တို့ နိုင်ငံအတွက်လည်း အရေးကြီးတဲ့ အနေအထားကို ရောက်လာပါပြီ။ စစ်အစိုးရအဆက်ဆက် ကျူးလွန်ခဲ့တဲ့ စနစ်တကျ ကျူးလွန်ခဲ့တဲ့ လူ့အခွင့်အရေး ချိုးဖောက်မှု တွေ၊ ရာဇ၀တ် မှု တွေမှာ ခံစားခဲ့ရတဲ့ သားကောင်းတွေ အတွက် တရားမျှတမှု ပြန်ပေးရေးဟာ အရေးကြီးပါတယ်။အဲဒီချိုးဖောက်မှု တွေကို ကျူးလွန်ခဲ့တဲ့၊ တာဝန်ရှိ ခဲ့တဲ့ သူတွေ ကို ကျူးလွန်တာ သေချာ၊ တာဝန်ရှိတာ သေချာတယ်ဆိုရင် ထိုက်သင့်တဲ့ ပြစ်ဒဏ် ချမှတ်အပြစ်ပေး မှပဲ တရားမျှတမှု  ပြန်ရလာမှာဖြစ်ပါတယ်။ အပြစ်အကြီးအသေး၊ တာဝန်ရှိမှု အကြီးအသေးအရ ပြစ်ဒဏ် တွေ အကြီးအသေး ကွာခြားမှု ရှိမှာဖြစ်ပေမယ့် အပြစ် ကျူးလွန်ထားရဲ့နဲ့ အပြစ်ရှိနေပါရဲ့ အပြစ်ပေးမခံရ ဘဲ လွတ်ကင်းနေတာမျိုးကတော့ လုံးဝ ရှိလို့မဖြစ်ပါဘူး။ ဒါဟာ တရားမျှတမှု ပြန်လည်ရရှိရေး၊ ချိန်ခွင်လျှာ ပြန်လည်တည့်မတ်ရေး ပဲဖြစ်ပါတယ်။

မတရားမှု တွေ အတွက် တရားမျှတမှု ကို ပြန်လည်တောင်းဆိုခွင့်ဟာ ပြည်သူလူထုရဲ့ အခွင့်အရေးဖြစ်ပါတယ်။ ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စိုးနေလင်း, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)