မောင်မောင်စိုး – မြစ်ဆုံပြဿနာ – အပိုင်း (၃)

April 22, 2016

မြစ်ဆုံရေအားလျပ်စစ်စီမံကိန်းလုပ်ငန်း အ၀င်ဝ (Photo : The Irrawaddy)
မောင်မောင်စိုး – မြစ်ဆုံပြဿနာ – အပိုင်း (၃)
(မိုးမခ) ဧပြီ ၂၂၊ ၂၀၁၆

● မြစ်ဆုံစီမံကိန်းနှင့် အကာကွယ်မဲ့ဒေသခံများ
မေခမြစ်ပေါ် ချီဗွေမြို့အနီး ချီဗွေရေအားလျှပ်စစ်တည်ဆောက်ရေးစီမံကိန်း အတွက် မြေသားစမ်းသပ်ခြင်းလုပ်ငန်းများကို ၂၀၀၉ နှစ်ဆန်းတွင်ပြုလုပ်သည်ကိုတွေ့ရသည်။ စမ်းသပ်သည်နေရာ မေခမြစ်ရိုးတွင် ကောင်းလ ဖလ စသည့် ရွာ ၄ ရွာခန့် ရှိသည်။ ရွာတရွာနှင့်တရွာကြားတွင် ဒေသခံလူထုပိုင် လိမ္မော်ခြံများပါအပါ ခြံများရှိသည်။ ထိုပိုင်ရှင်ရှိသော ခြံများအား ပိုင် ရှင်အားလည်း ခွင့်မတောင်း ဒေသခံအာဏာပိုင်များက ရွာသားများအားလည်း အကြောင်းကြားခြင်းမရှိဘဲ မြေသားစမ်း သပ်ခြင်းများ ဝင်ရောက်ပြုလုပ်သည်။ ကျင်းကြီးများအား ထိုအတိုင်းထားခဲ့သည်။ ထိုဒေသ၌ နွေရာသီတွင် ကျွဲ နွားများ လွှတ်ကျောင်းစနစ်အဖြစ်ထားရာ ကျင်းများအတွင်း ပြုတ်ကျပြီး ပြန်မတက်နိုင်ဘဲ သေဆုံးကြသည်။ ၂၀၀၉ မတ်လထိ သေ ဆုံးသည့် ကျွဲနွားကောင်ရေ ၁၀ ကောင်ခန့်ရှိပြီး လျော်ကြေးငွေမရကြ။

ထို့ပြင် ထိုရွာများတွင်းရှိ အိမ် ခြံဝင်းအတွင်းသို့ အိမ်ရှင်အား ခွင့်ပြုချက်မတောင်း လျော်ကြေးမပေး ဒေသခံအာဏာပိုင်များ၏ အကြောင်းကြားခြင်းမရှိဘဲ CPI မှ အလုပ်သမားများက ဝင်ရောက်မြေတူးစမ်းသပ်ကြသည်ကို ၂၀၀၉ မတ်လ အတွင်း ကောင်းလ ရွာတွင်တွေ့ရသည်။ ဒေသခံ လော်ဝေါ်အမျိုးသားမှာ စိတ်ပျက်လက်ပျက် နှင့် ရပ်ကြည့်နေရသည်။ CPI သည် အစိုးရအာဏာပိုင်များနှင့် မည်သို့ပင် သဘောတူသည်ဖြစ်စေ ဒေသခံလူထု၏ပိုင်ဆိုင်မှုကို လေးစားမှုပြသင့်သော်လည်း မပြခဲ့ဟုဆိုရမည်။ တဖက်ကဆိုရလျင် မြန်မာအာဏာပိုင်သည် ဒေသခံတိုင်းရင်းသားတို့၏ အခွင့်အရေးကိုရပ်ခံကာကွယ်ပေးခြင်းမရှိပေ။ ဤဖြစ်ရပ်ကား မိမိမျက်မြင်ကြုံခဲ့သောဖြစ်ရပ်ဖြစ်သည်။ ဤသို့သောဖြစ်ရပ် မည်မျှများပြားသည်ကို မှန်းဆရန်မလွယ်ပေ။

ဧရာဝတီကို ကယ်တင်ပါ (Photo : The Guardian)

 

သို့ဖြစ်ရာ မြစ်ဆုံစီမံကိန်းအား CPI မှဆောင်ရွက်နေစဉ်အတွင်း ဒေသခံတိုင်းရင်းသားတို့မှာ မိမိတို့၏ဘိုးဘွားပိုင်ဆိုင်မှု ပုဂ္ဂိလ်ိကအခွင့်အရေးများနှင့်ပတ်သက်ပြီး အကာကွယ်မဲ့ခဲ့သည်ဟု ဆိုရပါမည်။ ဤကိစ္စတွင် CPI သာမက မိမိလူထုအား အ ကာကွယ်ပေးရန် ပျက်ကွက်သည့် မြန်မာအာဏာပိုင်များတွင်လည်း တာဝန်ရှိပေသည်။ ထို့အတူ CPI သည်လည်း မြန်မာ ပြည်သူလူထု၏ ပုဂ္ဂလ်ိကအခွင့်အရေးကို လေးစားအသိမှတ်ပြုရန် ပျက်ကွက်ခဲ့သည်ဟုဆိုနိုင်ပါသည်။

● မြစ်ဆုံစီမံကိန်းအား ဆန့်ကျင်ကြခြင်း
မြန်မာ နအဖ အစိုးရသည်၎င်း တရုတ် CPI သည်၎င်း မြစ်ဆုံစီမံကိန်းအား အကျိုးစီးပွားမက်လုံးများကို အဓိကဦးတည်၍ ဆောင်ရွက်ရန် အစချီခဲ့ကြသည်။ မြစ်ဆုံစီမံကိန်းပြီးစီးပါက ပထမ နှစ် ၅၀ တွင် အမေရိကန်ဒေါ်လာ ၅၄ ဘီလီလျံရရှိမည်ဖြစ်ပြီး ဒုတိယနှစ် ၅၀ တွင် ၁၀၀ ဘီလျံရရှိမည်ဟုဆိုသည်။ ထို့ကြောင့်လည်း CPI နှင့် နအဖတို့ ၂၀၀၆ တွင် MOU ထိုး၍ ၂၀၀၇တွင် စီမံကိန်းရေးဆွဲကာ ၂၀၀၈ မှစ၍ ကျေးရွာများပြောင်းရွှေ့ခြင်းကို စတင်ခဲ့သည်။

သို့သော် နအဖ အစိုးရရော CPI ပါ ၎င်းကြီးမားသည့်စီမံကိန်းကြီးအားလူထုအား ချပြ သဘောထားခံယူရန်ပျက်ကွက်ခဲ့သည်။ နအဖ အစိုးရလက်ထက်သည် စစ်အစိုးရလက်ထက်ဖြစ်သည့်အားလျော်စွာ လူထုအသံကို နားမထောင်သည့်အပြင် လူထု မှာလည်း ပြောဆိုခွင့်မရှိခဲ့သောကာလဖြစ်သည်။ CPI သည်လည်း မြန်မာလူထုရှင်းလင်းချပြခြင်းမရှိ မြန်မာ နအဖ အစိုးရနှင့် သဘောတူချက်ရရှိရေးသာ အလေးထားခဲ့သည်။ ကောင်းသည် ဆိုးသည်အားလုံးသည် မြန်မာအစိုးရနှင့်သာဆိုင်ပြီး တရုတ် တို့အနေနှင့် မြန်မာအစိုးရသဘောတူ၍ လုပ်သည်ဆိုသည့် ဆင်ခြေဖြင့် လုပ်ကိုင်ခဲ့ကြသည်။

မြစ်ဆုံစီမံကိန်းကို ဆန့်ကျင်သူများအနေနှင့် မြစ်ဆုံ၏ အထင်ကရသြဇာသက်ရောက်မှု သဘာဝပတ်ဝန်းကျင် ပျက်စီးဆုံးရှုံးမှု ငလျင်ကြောနှင့် နီးကပ်စွာတည်ရှိမှုတို့ကို ဖေါ်ပြကန့်ကွက်ခဲ့ကြသည်။ ထိုအတူ ပညာရှင်အချို့ကလည်း ဧရာဝတီမြစ်ကြောင်း ထိမ်းသိမ်းရေး ရည်ရွယ်ချက်မပါဘဲ လျှပ်စစ်ထုတ်လုပ်ရေးသက်သက် ရည်ရွယ်ချက်ကို ကန့်ကွက်ကြသည်။ ဤသည်တို့မှာ ဖေါ်ပြသော အကြောင်းပြချက်များဖြစ်သည်။ ထိုပြင် ပြည်နယ်တွင် ငြ်ိမ်းချမ်းရေးမရသေးခြင်း တိုင်းရင်းသားတန်းတူ ရေးပြဿနာ ဖက်ဒရယ်ပြဿနာ ကိုယ်ပိုင်အုပ်ချုပ်ခွင့်ပြဿနာ သယံဇာတခွဲဝေရေးပြဿနာများနှင့်ပတ်သက်ပြီး ဖြေရှင်း မပြီးခင် မြစ်ဆုံစီမံကိန်းများကို မလုပ်ကိုင်စေလိုကြပေ။ ပြည်နယ်၏နိုင်ငံရေးပြဿနာကို အရင်ဖြေရှင်းစေချင်ကြသည်။

ဧရာဝတီနှင့် အသက်ဝမ်းကျောင်းပြုကြရသူများ (Photo : the rivers network)

သက်သေပြရန် အချက်အလက်အခိုင်အမာမရှိသော်လည်း အဆိုပါမြစ်ဆုံရေအားလျှပ်စစ်တည်ဆောက်ခွင့်ရရေးအတွက် တာဝန်ရှိ မြန်မာအာဏာပိုင်များ အဂတိလိုက်စားမှုကြီးမားစွာရှိခဲ့သည်ဟု စွပ်စွဲမှုများ အများအပြားရှိခဲ့သည်။ အဆိုပါ သံသ ယဖြစ်စရာ အဂတိလိုက်စားမှုရှိသည်ဆိုသည့်အချက်သည်လည်း မြစ်ဆုံစီမံကိန်းအား ပြင်းထန်စွာဆန့်ကျင်ကြသည့်အေ ကြာင်းအချက်တခုဖြစ်ပေသည်။

ထို့ပြင် မြစ်ဆုံစီမံကိန်းကို ကန့်ကွက်ကြခြင်းမှာ အောက်ပါ အချက် ၃ ချက်ကြောင့်လည်း ဖြစ်ပုံရသည်။ ပထမအချက်မှာ တရုတ်အစိုးရ၏ ပြီးခဲ့သောကာလက ရပ်တည်ချက်များကြောင့်ဖြစ်သည်။ ၁၉၈၈ စစ်တပ်အာဏာသိမ်းပြီးနောက် မြန်မာစစ် အစိုးရကို တရုတ်အစိုးရက နိုင်ငံရေး စစ်ရေးစီးပွားရေးဘက်စုံက ကူညီခဲ့သည်။ မြန်မာစစ်အစိုးရအတွက် ကုလသမဂ္ဂတွင် ဗီတိုအာဏာသုံးစွဲပေးခဲ့သည်။ နိုင်ငံတကာပိတ်ဆို့မှုများကြောင့် အကြပ်အတည်းတွေ့နေချိန်တွင် တရုတ်အစိုးရက ကူညီ ပေးခဲ့သည်။

ထို့ကြောင့် တရုတ်အချို့က မြန်မာနိုင်ငံအကြပ်အတည်း တွေ့နေချိန်တွင် ကူညီခဲ့သောကြောင့် တရုတ်သည် မြန်မာ၏ ကျေးဇူးရှင်ဟု ယူဆကြသည်။ ထိုစဉ် မြန်မာစစ်ခေါင်းဆောင်အချို့က တရုတ်သည် ကျေးဇူးရှင်ဟု ယူဆကြသော် မြန်မာ ပြည် လူထုအများစုက ထိုသို့ မယူဆကြပေ။ တရုတ်သည် မြန်မာတွင် စစ်အာဏာရှင်စနစ် သက်ဆိုးရှည်အောင် ကူညီခဲ့သူ မြန်မာပြည်လူထုအားကျောခိုင်း၍ မြန်မာလူထုအား ကျောခိုင်းသူအဖြစ် ကြည့်မြင်ကြသည်။ တရုတ်က မြန်မာပြည်တွင် လုပ်သော စီးပွားရေးလုပ်ငန်းကြောင့် မြန်မာပြည်မှ လူအချို့ အကျိုးရှိခဲ့သည်မှာ အမှန်ဟု ယူဆကြသည်။ မြန်မာလူထုကမူ တရုတ်၏ စီးပွားရေးလုပ်ငန်းများသည် စစ်ဗိုလ်ချုပ်ကြီးများနှင့် ခရိုနီတချို့သာအကျိုးရှိခဲ့ကြပြီး မြန်မာလူထုအတွက် အကျိုး မရှိဟုယူဆကြသည်။

ဒုတိယအချက်မှာ မြန်မာပြည်တွင် လာရောက်လုပ်ကိုင်သော စီးပွားရေးလုပ်ငန်းများတွင် မြန်မာပြည်မှ လုပ်သားအင်အားစု များ အလုပ်အကိုင်ရရှိမှုပြဿနာဖြစ်သည်။ တရုတ်ပြည်မှလာရောက်ရင်းနှီးမြှုပ်နှံသော လုပ်ငန်းများတွင် မြန်မာပြည်သားများ အလုပ်ကိုင်ရရှိမှုမှာ အလွန်နည်းသည်။ ထမင်းချက်မှစ၍ လုပ်သားအများက်ို တရုတ်ပြည်မှ ခေါ်လာ၍ လုပ်ကိုင်လေ့ရှိရာမြန် မာပြည်အလုပ်သမားများ အလုပ်အကိုင်အခွင့်အလမ်းနည်းသည်။ အလုပ်ခန့်ထားရာတွင်လည်း မြန်မာပြည်သားများရအ လုပ်အကိုင်များမှာ အောက်အဆင့် အလုပ်ကြမ်းသာများသည်။ အထူးသဖြင့် လစာကောင်းသော ပညာရှင်နေရာများတွင် အလုပ်ခန့်ထားမှုနည်းပါးရာ မြန်မာပြည်ရှိ ပညာတတ်များသည် တရုတ်တို့၏ရင်းနှီးမှုလုပ်ငန်းများအား မကြိုဆိုကြချေ။ အလွယ်ဆိုရလျှင် အမေရိကန် ဂျပန်တို့၌ တစ်ဦးချင်းဝင်ငွေမြင့်မားရာ လစာအမေရိကန်ဒေါ်လာ တစ်ထောင် နှစ်ထောင်သာ ရသောလစာနှင့် မြန်မာပြည်လာမလုပ်ကြ။ မြန်မာပြည်မှ အလုပ်သမားကိုသာ ငှားရမ်းကြသည်။ တရုတ်တို့မှာမူ တစ်ဦးချင်း ဝင်ငွေ များစွာမြင့်မားခြင်းမရှိသေးရာ ထိုလစာနှုန်းများတွင် တရုတ်တို့လာရောက်လုပ်ကိုင်ကြသည်။ သို့ဖြစ်ရာ မြန်မာပြည်ရှိ ပညာတတ်အလုပ်လက်မဲ့များအတွက် တရုတ်ရင်းနှီးမြှုပ်နှံမှုသည် လိုလားနှစ်သက် ကြိုဆိုစရာ မဖြစ်ပေ။

တတိယအချက်အနေနှင့် တရုတ်စီးပွားရေးလုပ်ငန်းများဝင်ရောက်လာသော်လည်း ထိုဒေသ၌ ဖွံ့ဖြိုးတိုးတက်လာခြင်းမရှိ။ ဥပမာ ကျောက်ဖြူ ရေနက်ဆိပ်ကမ်း တကောင်းနီကယ်စက်ရုံကဲ့သို့ တရုတ်အလုပ်သမား သောင်းနှင့်ချီလုပ်ကိုင်နေသော လုပ်ငန်းကြီး ဖြစ်ထွန်းနေသော်လည်း ဒေသခံများမှာ မည်သည့် အကျိုးဖြစ်ထွန်းမှုမရှိသဖြင့်ဒေသခံများ၏ လိုလားမှုကိုမရပေ။ ဤကိစ္စများဝေဖန်မှုများမြင့်တက်လာ၍ နောက်ပိုင်းတွင် တရုတ်ကုမ္ပဏီများ ဒေသဖွံ့ဖြိုးရေးခေါင်းစဉ်ဖြင့် အစီအစဉ်တချို့ ပြုလုပ်နေသည်ကိုတွေ့ရသည်။

သို့ဖြစ်ရာ မြစ်ဆုံစီမံကိန်းနှင့်ပတ်သက်၍ လူထုကြားတွင်လည်းကောင်း၊ မီဒီယာများတွင်လည်းကောင်း၊ ပြင်းပြင်းထန်ထန်ဆန့်ကျင်ခံခဲ့ရသည်ဟုဆိုရမည်။ အဓိကအားဖြင့် စီမံကိန်းအကျိုးအပြစ်များအား လူထုအားကောင်းမွန်စွာချမပြခြင်း ဒေသခံ လူထု၏ အကျိုးစီးပွားကို မျက်မှောက်မပြုခြင်းတို့ကြောင့် ဆန့်ကျင်ခံရသည်ဟု ဆိုရပေမည်။ အစိုးရသည်လည်းကောင်း၊  CPI သည်လည်းကောင်း၊ မြန်မာလူထုအားကျောခိုင်း၍ နှစ်ဖက်သဘောတူညီလုပ်ကိုင်ရေးသာရှေးရှုခဲ့ကြသည့် စီးပွားရေး အကျိုးအမြတ်သက်သက်သာကြည့်ခဲ့သည့် အကျိုးဆက်ဟုဆိုရမည်။

ဆက်လက်ဖေါ်ပြပါမည်

Mg Mg Soe (မောင်မောင်စိုး)

မှတ်ချက်။ ။ မြစ်ဆုံပြဿနာဆောင်းပါးကို Chronicles of Maung Maung Soe page တွင်လည်း ဖေါ်ပြထားပါမည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, မောင်မောင်စိုး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်