ဖြိုးသီဟချို – ရိုဟင်ဂျာအသုံးအနှုန်းကြောင့် အမေရိကန်သံရုံးကို အမျိုးသားရေး ဝါဒီတို့ ကန့်ကွက်

April 28, 2016
ကြာသပတေးနေ့က အမေရိကန်သံရုံးရှေ့တွင် ကန့်ကွက်ဆန္ဒပြနေသော အမျိုးသားရေးဝါဒီများ (ဓာတ်ပုံ – ဖြိုးသီဟချို / MyanmarNow)
ဖြိုးသီဟချို – ရိုဟင်ဂျာအသုံးအနှုန်းကြောင့် အမေရိကန်သံရုံးကို အမျိုးသားရေး ဝါဒီတို့ ကန့်ကွက်
(မိုးမခ) ဧပြီ ၂၈၊ ၂၀၁၆

ယခု သတင်းဆောင်းပါးအား Myanmar Now မှ ပြန်လည်ကူးယူပါသည်။

ရန်ကုန် (Myanmar Now) – အမေရိကန်သံရုံး၏ ထုတ်ပြန်ချက်တစ်စောင်တွင် ရခိုင်ပြည်နယ်ရှိ နိုင်ငံမဲ့ မွတ်ဆလင်တို့အား ရိုဟင်ဂျာများဟု သုံးနှုန်းရေးသားခဲ့ခြင်းကို မကျေနပ်၍ မြန်မာအမျိုးသားရေးဝါဒီ အများအပြားက ကြာသပတေးနေ့တွင် ရန်ကုန်မြို့ အမေရိကန်သံရုံးရှေ့သို့ သွားရောက်ပြီး ကန့်ကွက်ဆန္ဒပြခဲ့ကြသည်။

အမျိုးသားရေးဝါဒီ လူပုဂ္ဂိုလ်များနှင့် ရဟန်းသံဃာ အများအပြားက အမေရိကန်သံရုံးရှေ့မျက်နှာစာတွင် နေရာယူပြီး “ဘင်္ဂါလီကို ရိုဟင်ဂျာဟု သုံးစွဲသူ၊ တို့ရန်သူ” “ အမေရိကန်သံရုံး၏ ရိုဟင်ဂျာ ကြေညာချက်၊ ချက်ခြင်းဖျက်” စသည့် ကြွေးကြော်သံများကို တစ်နာရီနီးပါး အော်ဟစ်ကြသည်။

ယခင်က သံရုံးနှင့် အမေရိကန်အစိုးရ တာဝန်ရှိသူတို့က ရိုဟင်ဂျာဟု ပုံမှန်သုံးစွဲခဲ့ကြသည်။

မြန်မာအစိုးရ၊ အမျိုးသားရေးဝါဒီ အသင်းအဖွဲ့များ၊ သာမန်ပြည်သူအများအပြားက ရခိုင်ပြည်နယ်မှ နိုင်ငံမဲ့မွတ်စလင်တို့ကို ဘင်္ဂလားဒေ့ရ်ှဘက်မှ တရားမဝင် ဝင်ရောက်လာခြင်းဖြစ်သောကြောင့် “ဘင်္ဂါလီ” ဟု သုံးနှုန်းခဲ့ကြသည်။

ဆန္ဒပြပွဲတွင် ပါဝင်သည့် အထင်ကရ အမျိုးသားရေးဝါဒီ မကွေးကျောင်းတိုက်ဆရာတော် ဦးပါမောက္ခက အစိုးရသစ်တွင် ပြဿနာပေါင်းများစွာရှိနေသည်ကို နားလည်သော်လည်း ထိုပုဂ္ဂိုလ်များနှင့် ပတ်သက်ပြီး ၁၉၈၂ နိုင်ငံသားဥပဒေနှင့်အညီ ဖြေရှင်းပေးစေလိုကြောင်း မိန့်ကြားသည်။

“ရိုဟင်ဂျာဆိုတာ တိုင်းရင်းသား ၁၃၅ မျိုးထဲမှာ မရှိပါဘူး။ မရှိတာကို အရှိလုပ်ပြီး ပြောတဲ့ အတွက် တုံ့ပြန်ဖြေရှင်းရခြင်းဖြစ်ပါတယ်” ဟု ဦးပါမောက္ခက မိန့်ကြားသည်။

ဆန္ဒပြပွဲသို့ရောက်ရှိနေသူ အမျိုး၊ ဘာသာ၊ သာသနာ ကာကွယ်စောင့်ရှောက်ရေးကွန်ရက်၊ လုပ်ငန်းဖော်ဆောင်ရေး ကော်မ တီမှ ဦးဝင်းသိန်းက ရိုဟင်ဂျာဟု အမေရိကန်အစိုးရ သုံးစွဲခြင်းမှာ အမျိုးသားလုံခြုံရေးကို ထိခိုက်စေနိုင်ပြီး၊ ထိုအသုံးအနူန်း အတည်ဖြစ်သွားမည်ကို စိုးရိမ်သည်ဟု ဆိုသည်။

ရခိုင်ဒေသ မွတ်စလင်တို့ကမူ ၎င်းတို့ကိုယ် ၎င်းတို့ ရိုဟင်ဂျာဟု သတ်မှတ်ခေါ်ဆိုပြီး ထိုဒေသတွင် မျိုးဆက်ပေါင်းများစွာ နေထိုင်ခဲ့ခြင်းကြောင့် နိုင်ငံသားအခွင့်အရေး ရသင့်သည်ဟု ပြောသည်။

စစ်တွေမြို့အနီး ဧပြီ ၁၉ ရက်နေ့တွင် စက်လှေ နစ်မြုပ်သေဆုံးခဲ့သူများနှင့် ပတ်သက်ပြီး ဝမ်းနည်းကြောင်း ထုတ်ပြန်သော အမေရိကန်သံရုံး ကြေညာချက်တွင် ရိုဟင်ဂျာဟူသော အသုံးအနှုန်းကို ထည့်သွင်းထားသည်။

ဆန္ဒပြခံရမှုကြောင့် ရိုဟင်ဂျာဟူသော အသုံးအနှုန်းကို သုံးစွဲရန် တုံ့ဆိုင်းသွားမည်လောဟု မေးမြန်းရာ အမေရိကန်သံရုံး ပြောခွင့်ရသူက “ကမ္ဘာပေါ်က ဘယ်လူသားမဆို မိမိတို့ကိုယ် မိမိတို့ အသိအမှတ်ပြုနိုင်ခွင့် ရှိပါတယ်” ဟု ပြန်လည် ဖြေကြားခဲ့သည်။ ငြိမ်းချမ်းစွာ စုဝေးခွင့်၊ ဆန္ဒဖော်ထုတ်ခွင့် စသည့် အခွင့်အရေးတို့ကို အမေရိကန်အစိုးရက အားပေးထောက် ခံကြောင်းလည်း သူက ဖြည့်စွက်ပြောကြားသည်။

အနောက်ပိုင်းခရိုင်ရဲတပ်ဖွဲ့မှူး ဒုရဲမှူး ကျော်ထွဋ်က ဆန္ဒပြတောင်းဆိုသူများကို ပုဒ်မ ၁၉ ဖြင့် အရေးယူသွားမည်ဖြစ်ပြီး၊ ဆန္ဒဖော်ထုတ်ရာတွင်ပါဝင်သူ သံဃာတော်များကို စည်းကမ်း ထိန်းသိမ်းရေး ဆရာတော်များမှ တစ်ဆင့် အရေးယူသွားမည်ဟု ဆိုသည်။

“ခွင့်ပြုတဲ့နေရာက ဗဟန်း ဗိုလ်စိန်မှန်ကွင်းပါ။ သူတို့ကို အဲဒီနေရာမှာလုပ်ဖို့ ခွင့်ပြုထားပါတယ်။ ဒီမှာတော့ တစ်ယောက်က ပြဿနာရှာလိုက်လို့ ပြဿနာဖြစ်သွားမယ်ဆိုရင် နှစ်နိုင်ငံပြဿနာဖြစ်သွားနိုင်တယ်” ဟု သူက ပြောသည်။ ။

Tags: , , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

One Response to ဖြိုးသီဟချို – ရိုဟင်ဂျာအသုံးအနှုန်းကြောင့် အမေရိကန်သံရုံးကို အမျိုးသားရေး ဝါဒီတို့ ကန့်ကွက်

  1. Nyi Lay Maung on April 29, 2016 at 4:35 am

    ဘင်္ဂလီစစ်တကောင်းစကား (ခေါ်တောစကား) မှာ ရခိုင်ပြည်ကို “ရိုဟန်”လို့ခေါ်တယ်။ “ဂျာ”ဆိုတာက “လူမျိုး” ၊” ပြည်သား” လို့အဓိပ္ပါယ်ရတယ်။ “ရိုဟန်ဂျာ” ဆိုတော့ “ရခိုင်သား၊ ရခိုင်လူမျိုး”လိုို့ဆိုလိုက်တာ။ ဒါကြောင့်ရခိုင်တွေလက်မခံနိုင်တာ။

    လူ့အခွင့်အရေးမျက်နှာဖုံးတပ်ပြီး နိုင်ငံသားအခွင့်အရေး တောင်းဆိုနေပေမဲ့ သူတို့တကယ်လိုချင်တာက ကျုပ်တို့မြေ၊ ကျုပ်တို့နိုင်ငံတစိတ်တပိုင်း၊ ဖြစ်နိုင်ရင်တပြည်လုံးပါ။

    မြန်မာပြည်သားတော့ဖြစ်ချင်ပါတယ်၊ ဒါပေမဲ့မြန်မာနိုင်ငံတော်အလံကိုအလေးမပြုနိုင်ဘူး၊ မြန်မာစကားနဲ့စာသင်ဖို့မလိုဘူး၊ လုပ်နေတာကိုမသိကြဘူးလား။

ကြော်ငြာ … ကြော်ငြာ …

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags