နိုင်ငံမအုပ်ချုပ်သော ဗီယက်နမ်စစ်ဗိုလ်ချုပ် ကွယ်လွန်

October 15, 2013



နိုင်ငံမအုပ်ချုပ်သော ဗီယက်နမ်စစ်ဗိုလ်ချုပ် ကွယ်လွန် 
 ၀တ်မှုန်၊ အောက်တိုဘာ ၁၆၊ ၂၀၁၃

ကျနော်ငယ်စဉ်က ဗီယက်နမ်စစ်တပ်ကို အလွန်လေးစားခဲ့သည်။ ၁၉၇၀နောက်ပိုင်း ထိုင်းနိုင်ငံဗဟိုပြုသော အမေရိကန်လေတပ်၊ မရိန်းတပ်များမှ ဘီ၅၂လေယာဉ်ကြီးများဖြင့် မြောက်ဗီယက်နမ်ကွန်မြူနစ်များကို တဝုန်းဝုန်းဗုံးကြဲတိုက်ခိုက်နေသည့်ကြားမှ နောက်ဆုံး အမေရိကန်ကန်တပ်များ ၁၉၇၅တွင် အရှုံးပေးလိုက်သည်။ ထိုစဉ်က ဆိုင်ဂုံမြို့ (ယခ ဟိုချီမင်းမြို့)တွင် နောက်ဆုံး မြို့သိမ်းတိုက်ပွဲ အမေရိကန်များဆုတ်ခွာခဲ့ပုံများနှင့် ဗီယက်နမ်စစ်ကားများသည် ကျနော်တို့ငယ်စဉ်က များစွာကြည့်ရှုခဲ့ရသည်။ နာမည်ကျော် First Blood ရမ်ဘိုမင်းသား စတောလုံး၏ ရုပ်ရှင်မှာ နာမည်အကြီးဆုံးဖြစ်သည်။ ၁၉၅၄ခုနှစ်တွင်ကလည်း ကိုလိုနီပြင်သစ်နိုင်ငံက လွတ်လပ်ရေးပေးရန် တိုက်ပွဲဖြစ်ပွားရ ပြင်သစ်စစ်တပ်ကြီးတစ်ခုလုံး ဘိန်ဒိန်ဖူး အရပ်ဒေသတွင် လက်နက်ချ၊ အရှုံးပေးကာ ပြင်သစ်တို့ဆုတ်ခွာခဲ့ရသည်။ နောက်ပိုင်းရောက်လာသော အမေရိကန်တို့လည်း အရှုံးကြီးရှုံးကာ ဆုတ်ခွာခဲ့ရသည်။ ထိုစစ်ပွဲကြီးများကို ဦးဆောင်တိုက်ခိုက်ခဲ့သော စစ်ဗိုလ်ချုပ်ကြီးမှာ General Vo Nguyen Giap  ဖြစ်သည်။ ယခု အသက်၁၀၂နှစ်တွင် ကွယ်လွန်သောအခါ နိုင်ငံတော် ဈာပနတွင် လူတစ်သိန်းခွဲ လာရောက်ဂါရဝပြုကြသည်။

Uncle Ho ဟုခေါ်ကြသော ခေါင်းဆောင်ဟိုချီမင်းသည် နိုင်ငံရေးခေါင်းဆောင်ဖြစ်ပြီး၊ Giap သည် စစ်ရေးခေါင်းဆောင်ဖြစ်သည်။ ပြင်သစ်တို့နှင့်စစ်ပွဲတွင် တရုပ်စစ်အကြံပေးဖြစ်သူတစ်ဦးအဆိုအရ သမရိုးကျတိုက်ပွဲမှ ရုတ်တရက်စစ်ကြောင်းပြောင်းပြီး၊ ပြင်သစ်ခံတပ်ကြီး၏ နောက်ဖက် တောတောင်ကြီးများကို ဖြတ်ကျော်ချီတက်လာရာ ၅၆ရက်အကြာတွင်  ပြင်သစ်တို့၏ ဒိန်ဘိန်ဖူးခံတပ်ကြီး ကျဆုံးသွားခဲ့သည်။ ထိုကျဆုံးမှုသည် ပြင်သစ်တို့ ဗီယက်နမ်မှထွက်ခွာရသလို ၊ အင်ဒိုချိုင်းနားတခုလုံးမှလည်း ထွက်ခွာရသော စစ်ပွဲကြီးဖြစ်သည်။ စစ်ဗိုလ်ချုပ် Giap သည် အမေရိကန်နှင့်စစ်ပွဲတွင်လည်း ဆက်လက်တိုက်ခိုက်ခဲ့သည်။ အားနည်းလှသော ဗီယက်နမ်စစ်တပ်ကို ပျောက်ကြားစစ်အဖြစ် အားကြီးလှသည့် အမေရိကန်စစ်တပ်ကြီးကို ခုခံရင်း၊  တဖြေးဖြေးနှင့် အမေရိကန်တပ်များကို အနိုင်ယူတိုက်ခိုက်နိုင်ခဲ့သည်။ အလွန်ကျွမ်းကျင်စော စစ်ဗိုလ်ချုပ်ကြီးဖြစ်သည်။

မြန်မာနိုင်ငံမှ တရုပ်တို့၏ ကျုးကျော်တပ်များ ရှမ်းပြည်တခုလုံးအထိ ရောက်ရှိနေစဉ်၊ အင်အားနည်းသော်လည်း အနိုင်တိုက်ခိုက်နိုင်ခဲ့သော စစ်ဗိုလ်ချုပ် ဗိုလ်မှုးချုပ်ကျော်ဇော ရှိခဲ့ပါသည်။ ဗိုလ်မှုးချုပ်ကျော်ဇောသည် စစ်ပညာ ပရောဖက်ရှင်နယ်တစ်ဦးဖြစ်သည်။ မြန်မာစစ်ဗိုလ်ချုပ်သည် စစ်အာဏာရှင်အစိုးရလက်ထက်တွင် တရုပ်ပြည်သို့ သွားရောက်နေထိုင်ခဲ့ရပြီး၊ ၂၀၁၁ ပြည်ပတွင်ကွယ်လွန်ခဲ့ရသည်။ သူ၏ဈာပနမှာလည်း ဗီယက်နမ်စစ်ဗိုလ်ချုပ် Giap ကဲ့သို့ နိုင်ငံတော်က လုပ်ပေးသင့်သည့် ပုဂ္ဂိုလ်ကြီးဖြစ်ပါသည်။ 

လက်ရှိမြန်မာစစ်ဗိုလ်ချုပ်ကြီးများသည် ပြည်ပရန်ကိုကာကွယ်သူများဖြစ်ရန်လိုသည်။ ပြည်တွင်း မိမိတိုင်းရင်းသားအချင်းချင်း တိုက်ခိုက်၊သတ်ဖြတ်နေသော ပြည်တွင်းစစ်ပွဲများကို ရပ်ဆိုင်းပြီး ကမ္ဘာ့အဆင့် ပရိုဖက်ရှင်နယ်စစ်ဗိုလ်ချုပ်များဖြစ်ရန် ပြုပြင်ပြောင်းလဲရလျှက်ရှိသည်။ ယခု ကချင်လက်နက်ကိုင်များနှင့် အပစ်ခတ်ရပ်စဲရေး အခြေအနေကောင်းနေသည်ဟု ကြားသိရသည်။ ငြိမ်းချမ်းရေးရမှ၊ အခွင့်အရေးများခွဲဝေပေးနိုင်မှ ပြည်တွင်းစစ်များရပ်စဲမည်ဖြစ်သည်။

AP သတင်းဌာနကြေငြာချက်အရ စစ်ဗိုလ်ချုပ် Giap သည် ၁၉၈၂ခုနှစ်အထိ ဗီယက်နမ်ပေါ်လစ်ဗျူရိုအဖွဲ့ဝင်ဖြစ်ခဲ့သည်။ အငြိမ်းစားယူသည်။  12 Oct 2013 တွင်ကွယ်လွန်ပြီး နိုင်ငံတော်ဈာပနကျင်းပခဲ့သည်။  (ဝတ်မှုန်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:International News

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်