မောင်မောင်စိုး ● ကျွန်ုပ်တို့ နှင့် တရုတ်တို့ – အပိုင်း (၃)

April 30, 2016

 မောင်မောင်စိုး ● ကျွန်ုပ်တို့ နှင့် တရုတ်တို့ – အပိုင်း (၃)

(မိုးမခ) ဧပြီ ၃၀၊ ၂၀၁၆

● နှစ်ဖက်စလုံး၏ဝှက်ဖဲ
နယ်စပ်တိုင်းရင်းသားလက်နက်ကိုင်တပ်ဖွဲ့ပြဿနာသည် တရုတ်- မြန်မာဆက်ဆံရေးတွင် တရုတ်တို့၏ဝှက်ဖဲဖြစ်သည်ဟု အချို့ကဆိုကြသည်။

“တရုတ် – မြန်မာဆက်ဆံရေးအလျော့အတင်းလုပ်ဖို့ နယ်စပ်ရှိတိုင်းရင်းသား လက်နက်ကိုင်အဖွဲ့များကို ကိုင်တွယ်ထားခြင်း သည် တရုတ်တို့အရေးပါသောကိစ္စဖြစ်သည်ဟု တရုတ်အချို့က ယူဆကြသည်။ နယ်စပ်ရှိ တိုင်းရင်းသားလက်နက်ကိုင် အဖွဲ့များအားကိုင်ထားပြီး တရုတ်-မြန်မာဆက်ဆံရေးအား ထိမ်းညှိသင့်သည်” ဟု တရုတ်အချို့က ယူဆကြသည်ဟု နိုင်ငံ တကာသုတေသီများက ဆိုကြသည်။

ဤအချက်နှင့်ပတ်သက်၍ တရုတ်အစိုးရ၏ ပေါ်လစီဖြစ်သည် ဖြစ်စေ၊ မဖြစ်သည် ဖြစ်စေ၊ ဤအချက်သည် မိမိတို့၏အားနည်း ချက်မှပေါ်လာသည်ကိုတော့ ၀န်ခံအသိမှတ်ပြုရပေမည်။ မိမိပြည်တွင်းအားနည်းချက်အား အခြားသူများက ယူငင်အသုံးမပြု နိုင်ရန် မိမိတို့ဘာသာ ပြင်ဆင်ရမည်သာဖြစ်သည်။ တိုင်းရင်းသားပြဿနာ၊ ဖက်ဒရယ်၊ ပြည်ထောင်စုပြဿနာ၊ တန်းတူရေးပြ ဿနာ၊ ကိုယ်ပိုင်အုပ်ချုပ်ခွင့်ပြဿနာ သယံဇာတခွဲဝေရေးပြဿနာ လက်နက်ကိုင်တပ်ဖွဲ့ပြဿနာ စသည်တို့ကို တဆင့် ချင်း မှန်ကန်စွာဖြေရှင်းနိုင်ရန် လိုသည်။ ကျွန်ုပ်တို့၏ အတွင်းပိုင်းအားနည်းချက်ကို ကျွန်ုပ်တို့ မှန်ကန်စွာကိုင်တွယ်ဖြေရှင်း နိုင်ပါက ဤအားနည်းချက်ကို ကိုင်တွယ်အသုံးချခြင်းကို တားဆီးနိုင်ပေမည်။ ဖြေရှင်း၍ မရမီအထိတော့ ထိုအားနည်းချက်မှ ဖြစ်လာနိုင်သည်များကို ကြိုတင်ပြင်ဆင်ထားရန်သာ တတ်နိုင်ပေလိမ့်မည်။

ထို့ပြင် တိုင်းရင်းသားလက်နက်ကိုင်အဖွဲ့များအနေနှင့်လည်း မိမိတပ်ဖွဲ့ရှင်သန်ရေးအတွက် တရုတ်နှင့်ဆက်ဆံမှု ပြု ကြ သော်လည်း တကယ်တမ်းပြဿနာကို ပြည်တွင်း၌သာ ဖြေရှင်း၍ ရမည်ကိုသိကြသည်သာ ဖြစ်သည်။ ပြီးခဲ့သည့်ကာလက ငြိမ်းချမ်းရေးဆွေးနွေးပွဲများကို နော်ဝေအခြေပြုသည့် ဥရောပနိုင်ငံများ၏ ပံ့ပိုးမှုဖြင့်ပြုလုပ်ခဲ့သည်။ ဤတွင် တရုတ်နယ်စပ်ရှိ တိုင်းရင်းသားလက်နက်ကိုင်အဖွဲ့များအပေါ် အနောက်၏သြဇာသက်ရောက်လာမည်ကို စိုးရိမ်ပူပန်သော တရုတ်၏သဘော ထားကို UWSA ဝ အဖွဲ့၏ကြေငြာချက်တွင် တွေ့ရှိရသည်။ သို့ဖြစ်ရာ ငြိမ်းချမ်းရေးဆွေးနွေးပွဲ ဆောင်ရွက်နေသည့် မြန်မာ ဖက်မှ တာဝန်ရှိသူများအနေနှင့် တရုတ်တို့၏စိုးရိမ်ပူပန်မှုကို သတိပြုရန်လိုအပ်ပေမည်။ သို့မှသာ မလိုလားအပ်သော ရှုပ် ထွေးမှုများ၊ နားလည်မှု လွဲချော်မှုများကို ရှောင်ရှား ကျော်လွှားနိုင်ပေမည်။

မည်သို့ဆိုစေ ဝှက်ဖဲသည် တရုတ်တို့ဖက်တွင်သာရှိသည်မဟုတ်ပေ။ ကျွန်ုပ်တို့ဖက်တွင်လည်း ရှိသည်။ ယင်းမှာ မြန်မာပြည် ကိုဖြတ်၍ အိန္ဒိယသမုဒ္ဒရာထိခြေဆန့်ချင်သော တရုတ်တို့၏ စီးပွါးရေးမဟာဗျူဟာရည်မှန်းချက်ဖြစ်သည်။ တရုတ်တို့အနေ နှင့် အဆိုပါမဟာဗျူဟာရည်မှန်းချက် ပေါက်မြောက်လိုပါက မြန်မာအစိုးရ၏သဘောတူညီမှု မြန်မာအစိုးရ၏ပူးပေါင်းပါ ဝင် မှု မုချလိုအပ်သည်။ ဤအချက်သည်ပင် ကျွန်ုပ်တို့၏ဝှက်ဖဲဟု ဆိုရပေမည်။

ကျွန်ုပ်တို့အနေနှင့် အဆိုပါဝှက်ဖဲကို ကိုင်ပြီးကျွမ်းကျင်ပိုင်နိုင်စွာ ကစားတတ်ရန်သာ လိုပေလိမ့်မည်။ လက်ရှိအခြေအနေတွင် တရုတ်ပြည်တွင်းစီးပွါးရေးကျဆင်းမှု စတော့ရှယ်ရာဈေးကွက်ရပ်ဆိုင်းမှုတို့ကြောင့် ထိုအခြေအနေကို ကျော်လွှားနိုင်ရန် တ ရုတ်စီးပွားရေးကိုတည့်မတ်နိုင်ရန် ကြိုးစားနေသည့်ကာလဖြစ်ရာ ကျွန်ုပ်တို့နှင့်တရုတ်တို့ကြား အားသာချက် အားနဲချက်များ သည် မျှခြေရှိသည်ဟု ဆိုရပေမည်။

● နိုင်ငံတကာ အင်အားပြိုင်ဆိုင်မှုကြားက ကျွန်ုပ်တို့
တရုတ်အနေနှင့် စီးပွားရေးအရ အင်အားကြီးနိုင်ငံတခုဖြစ်လာသည်သာမက စစ်ရေးအရပါ စူပါ ပါဝါအဆင့်သို့ တက်လှမ်း နေသည်။ မကြာခင်ကဘေကျင်းတွင် ကြီးကျယ်သော စစ်ရေးပြအခန်းအနားတခုပြုလုပ်ခဲ့ပြီး နိုင်ငံတကာခေါင်းဆောင် များအား ဖိတ်ကြားခဲ့သည်ကိုတွေ့ရသည်။ လေယဉ်တင်သင်္ဘော ၁ စီးရေချထားပြီး နောက်ထပ် ၂ စီးဆောက်လုပ်လျက်ရှိ သည်ဟု သတင်းများကဆိုသည်။ လတ်တလောတွင် တောင်တရုတ်ပင်လယ်သည် တရုတ်တို့နှင့် အမေရိကန် ဂျပန်အနောက်အုပ်စုတို့အားပြိုင်ရာဖြစ်သည်။

ထိုတောင်တရုတ်ပင်လယ် ပိုင်ဆိုင်မှု အငြင်းပွါးမှုတွင် မြန်မာနိုင်ငံအနေနှင့် တိုက်ရိုက်သက်ဆိုင်ခြင်းမရှိဟုဆိုနိုင်သော်လည်း ထိုအငြင်းပွားမှုတွင် အာဆီယံနိုင်ငံအများအပြားပါဝင်မှုရှိပေရာ မြန်မာတို့နှင့် သွယ်ဝိုက်သက်ဆိုင်နေသည်ဟု ဆိုရပေ မည်။ သို့ဖြစ်ရာ တောင်တရုတ်ပင်လယ်နှင့်ပတ်သက်သည့် မြန်မာအရပ်သားအစိုးရသစ်၏ သဘောထားကို အကဲခတ်စောင့် ကြည့်နေမှုများ ရှိပေသည်။ မွန်ဂိုလီးယားခရီးစဉ်အတွင် တိဗက်ပြဿနာကို ရုတ်ချည်းဆိုသလို လှပစွာ ချဉ်းကပ်ဖြေဆိုခဲ့သည့် ဒေါ်အောင်ဆန်းစုကြည်အတွက် တောင်တရုတ်ပင်လယ်ပြဿနာသည် ခက်ခဲလှမည်မဟုတ်ပေ။

ပြီးခဲ့သော နှစ်များစွာတွင် အနောက်အုပ်စု၏ပိတ်ဆို့မှု အောက်တွင်အထီးကျန်နေခဲ့သော မြန်မာပြည်တွင် တရုတ်တို့ပြိုင်ဖက်မရှိဖြစ်ခဲ့သည်။ပြီးခဲ့သောနှစ်အနဲငယ်မှစ၍ မြန်မာပြည်အပြောင်းအလဲများနင့်အတူ မြန်မာပြည်သည် အနောက်အုပ်စုဝင် နိုင်ငံများ၏ အလေးထားဆက်ဆံမှုကို ရရှိလာပြီး ယခုအရပ်သားအစိုးရသစ်လက်ထက်တွင် အနောက်နှင့်ဆက်ဆံမှု ပိုမို အားကောင်းလာဘွယ်ရှိသည်ဟု အများကသုံးသပ်ကြသည်။ ပြီးခဲ့သောအနှစ် ၂၀ ကျော်အတွင်း အနောက်အုပ်စုဝင်နိုင်ငံများ အနေနှင့် စစ်အစိုးရနှင့် အဆက်အဆံကျဲပါးခဲ့သော်လည်း မြန်မာ့ဒီမိုကရေစီရေးနှင့်ပတ်သက်ပြီး အနောက်အုပ်စုနိုင်ငံများ၏ ရပ်ခံပေးမှုကြောင့်လည်းကောင်း၊ အနောက်တိုင်းအသံလွှင့်ဌာနများ၏ သတင်းနှင့်အာဘော်များကို လူထု၏ လိုလားလက်ခံမှု အရလည်းကောင်း၊ အနောက်နိုင်ငံများ၏ရံပုံငွေဖြင့် ဝင်ရောက်နေသော အစိုးရမဟုတ်သည့် အဖွဲ့အစည်း NGO များဖြန့် ကျက်ထားနိုင်မှုအရလည်းကောင်း၊ ဂျပန်နှင့်အနောက်တိုင်းနိုင်ငံများဝင်ရောက်နိုင်ရန် မြန်မာပြည်၌ ရေခံမြေခံကောင်းရှိ မည်ဟု ဆိုရပါမည်။

သို့ဖြစ်ရာ မြန်မာပြည်တွင် တစ်ဦးတည်းပြိုင်ဖက်မရှိသော တရုတ်တို့အဖို့ အမေရိကန် ဂျပန်အပါ အနောက်တိုင်းနိုင်ငံများနှင့် ပါ မြန်မာမြေတွင် ယှဉ်ပြိုင်ရတော့မည်ဖြစ်သည်။ တောင်တရုတ်ပင်လယ်တွင် နယ်မြေပိုင်ဆိုင်မှုကြောင့် ပြိုင်ဆိုင်ရခြင်းဖြစ်ပြီး မြန်မာပြည်တွင်မတော့ အိန္ဒိယသမုဒ္ဒရာသို့ထိုးဖေါက်ရေးတရုတ်တို့ မဟာဗျူဟာကြောင့် ပြိုင်ဆိုင်ရခြင်းဖြစ်ပေသည်။ တ ရုတ်ဖြစ်စေ၊ အမေရိကန်ဖြစ်စေ အင်အားကြီးနိုင်ငံများသည် နိုင်ငံငယ်များအပေါ် အပြိုင်အဆိုင် သြဇာတည်ဆောက်ရန်ကြိုး ပမ်းကြလေ့ရှိကြသည်။ ဤနေရာတွင် ကျွန်ုပ်တို့အဖို့ မည်သည့်သြဇာခံမှအဖြစ်မခံရန် လိုအပ်သည်။ ထိုသို့ အင်အားကြီးနိုင်ငံ များ၏ အပြန်အလှန်ယှဉ်ပြိုင်မှုကြားမှ ကျွန်ုပ်တို့နိုင်ငံအတွက် အခွင့်အလမ်းကောင်းများ အကျိုးအမြတ်များ ရရှိရေးကို ရှေးရှု ရပေလိမ့်မည်။

ကျွန်ုပ်တို့၏အနောက်ဖက်တွင်ရှိသော အိန္ဒိယသည်လည်း အရှေ့ကိုစောင့်ကြည့်သည့် (look east) မူဝါဒဖြင့် နှစ်ပေါင်းများစွာ ငြိမ်သက်နေရာမှ အရှေ့၌ တက်ကြွစွာလှုပ်ရှားသည့် (act east) မူဝါဒကို ပြောင်းလဲချမှတ်လာပေရာ ကျွန်ုပ်တို့အနေနှင့် အလေးမူ ဂရုပြုထားရန် လိုအပ်ပေသည်။

အဓိကအားဖြင့် အရှေ့အလယ်ပိုင်းကို အလေးထားသည့် အမေရိကန်ကလည်း အရှေ့ဖျားဒေသကို အာရုံစိုက်လာသည့်ပြင် သူ၏စစ်အင်အားနေရာချထားမှုများကို အရှေ့ဆီသို့ရွှေ့လာသည့်အချိန်ဖြစ်သည်။ အလားတူပင် တရုတ်တို့ကလည်း မြန်မာ ပြည်ကိုဖြတ်၍ အိန္ဒိယသမုဒ္ဒရာဆီသို့ ထိုးဖေါက်ထွက်ရန် မဟာဗျူဟာချမှတ်ထားသည့်ကာလလည်းဖြစ်သည်။ ထို့အတူ အိန္ဒိယ မဇ္ဇျိမတိုင်းသားတိုင်းသားတို့ကလည်း အရှေ့၌ တက်ကြွစွာလှုပ်ရှားရန် ပြင်ဆင်လာသည့်ကာလလည်းဖြစ်သည်။

ဤသို့ စီးပွါးရေးအရ စစ်ရေးအရ အင်အားကြီးနိုင်ငံများ၏ ရည်မှန်းချက်ကိုယ်စီဖြင့် ချဉ်းကပ်လာနေသော ဆုံချက်အလယ်တွင် ရှိနေသည့် ကျွန်ုပ်တို့မြန်မာနိုင်ငံအဖို့ တိုင်းပြည်အတွက် အကျိုးရှိစေမည့် အခြေအနေ အကြောင်းအချက်များကို ဖန်တီးယူ နိုင်ရန်သာလိုပေသည်။ သို့သော် ကျွန်ုပ်တို့အထူးဂရုပြုရန်လိုမည်မှာ အနောက်၏ တရုတ်အားဝိုင်းပတ်ရေးပေါ်လစီနှင့်လက်သင့်ခံမည်မဟုတ်သော တရုတ်၏ အားပြိုင်မှုများတွင် ကြားမညှပ်ရန် အထူးဂရုမပြုရန်တော့ လိုပေမည်။ နိုင်ငံကြီးများနှင့် ပတ်သက်၍ အထူးသတိပြု ရန်လိုသည့်အချက် သူတို့သည် ကိစ္စကြီးများကိုသာ ဦးစားပေးစဉ်းစားလုပ်ကိုင်လေ့ရှိကြပြီး ကိစ္စ ငယ်များကို စတေးရန် ဝန်မလေးတတ်ကြပေ။

● ဒေါင်းနှင့် နဂါး
တကယ်တော့ တရုတ်သည်လည်း မြန်မာ့နှင့်ပတ်သက်၍ အထူးအလေးထားလုပ်ဆောင်သည်ကိုတွေ့ရသည်။ အထူးသဖြင့် ပြီးခဲ့သောနှစ်များအတွင်း မြန်မာနိုင်ငံရေးအပြောင်းလဲကို မပြတ်လေ့လာပြီး မြန်မာ့အပြောင်းအလဲနှင့် လိုက်လျောညီထွေရှိ သည့် ပေါ်လစီများကို ပြောင်းလဲလုပ်ဆောင်နေသည်ကို တွေ့ရသည်။

၂၀၁၅ နှစ်လယ်တွင် ထိုစဉ်အတိုက်ခံခေါင်းဆောင်အဖြစ်သာရှိနေဆဲဖြစ်သည့် NLD ဥက္ကဌ ဒေါ်အောင်ဆန်းစုကြည်အား တရုတ်သမတ ရှီကျင့်ပင်အပါအဝင် တရုတ်ထိပ်တန်းခေါင်းဆောင်များက ဖိတ်ခေါ်တွေ့ဆုံပြီး သူတို့၏ မြန်မာနိုင်ငံရေးအခြေ အနေနှင့်အတူ ပြောင်းလဲလိုက်ပါမှုကိုပြသခဲ့သည်။ မြန်မာပြည်၌ NLD အစိုးရသစ်တက်လာသောအချိန်တွင်လည်း နိုင်ငံခြား ရေးဝန်ကြီးအဖြစ်တာဝန်ယူသည့် ဒေါ်အောင်ဆန်းစုကြည်သည် တရုတ်နိုင်ငံခြားရေးဝန်ကြီးအား ဦးစွာဖိတ်ကြားတွေ့ဆုံပြီး မြန်မာအစိုးရသစ်၏ တရုတ်တို့ အားအလေးထားမှုကို ဖေါ်ပြခဲ့ပါသည်။

ကျွန်ုပ်တို့ပတ်သက်၍ တရုတ်တို့၏ပေါ်လစီကား ပြောင်းတော့ ပြောင်းနေသည်က အမှန်ပင်။ သို့သော် တရုတ်တို့အနေနှင့် မြန်မာနိုင်ငံရေးအခြေအနေအား အတိမ်းအစောင်းမခံဘဲ ဂရုတစိုက် ကိုင်တွယ်နေပုံရသည်။ အစိုးရသစ် နိုင်ငံခြားရေးဝန်ကြီး ဒေါ်အောင်ဆန်းစုကြည်၏ ဖိတ်ကြားမှုဖြင့်ရောက်ရှိလာသော တရုတ်နိုင်ငံခြားရေးဝန်ကြီးသည် ဒေါ်အောင်ဆန်းစုကြည်နှင့် လည်းကောင်း၊ သမတဦးထင်ကျော်နှင့်လည်းကောင်း၊ တွေ့ဆုံခဲ့သည်ပြင် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင် လှိုင်အားလည်းကောင်း၊ ရွေးကောက်ပွဲတွင်အရေးနိမ့်ခဲ့သော ပြည်ခိုင်ဖြိုးပါတီအတွင်းရေးမှူး ဦးတင်နိုင်သိန်းအားလည်း ကောင်း၊ သီးခြားစီတွေ့ခဲ့သည်ကို တွေ့ရသည်။

မည်သို့ဆိုစေ မြန်မာ့နိုင်ငံရေးအပြောင်းအလဲများအားကောင်းလာသည်နှင့်အမျှ တရုတ်တို့ပေါ်လစီအပြောင်းအလဲများ မြန်ဆန်လာသည်ကိုတွေ့ရမည်ဟု သုံးသပ်ရပေသည်။

ချုပ်၍ဆိုရသော် ကျွန်ုပ်တို့နှင့်တရုတ်တို့ကား ကင်းမရသည့် ရှောင်လွှဲမရသည့် နှစ်နိုင်ငံဆက်ဆံရေးဖြင့် ချည်နှောင်ထား သည့်ဟု ဆိုနိုင်သည်။ မလျော့မတင်း စောင်းကြိုးညှင်းမှသာ သံသာသာထွက်သကဲ့သို့ ရှိခြိမ့်မည်။ ပစ်ပစ်ခါခါ စိတ်ထင်တိုင်း ဆုံးဖြတ်၍ရသည့် ဆက်ဆံရေးမျိုးတော့မဟုတ်။ ကျွန်ုပ်တို့နှင့် တရုတ်တို့ကား အဖက်ဖက်မှ တိုင်းတာလျင် အရွယ်အစားချင်း ကွာခြားလှသည်။ သို့သော် ဒေါင်းလည်း ဒေါင်းအထွာနှင့် နဂါးလည်း နဂါးအထွာနှင့်ဟုသာ ဆိုရပေတော့မည်။ ဇာတိပုည ဂုဏ်မာနကား လူမျိုးတိုင်းရှိသည် မဟုတ်ပါလော။

ပြီးပါပြီ
Mg Mg Soe (မောင်မောင်စိုး)

မှတ်ချက်။ ။ ကျွန်ုပ်တို့နှင့်တရုတ်တို့ဆောင်းပါးအား  Chronicles of Maung Maung Soe page တွင်လည်း ဖေါ်ပြထားပါသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, မောင်မောင်စိုး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း သြဂတ်စ် ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

မိုးမခနဲ့ ပတ်သက်သမျှ

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်