မောင်မောင်စိုး ● မူစယ် – မန္တလေး လမ်းအူကြောင်းသစ်

May 4, 2016

မောင်မောင်စိုး ● မူစယ် – မန္တလေး လမ်းအူကြောင်းသစ်
(မိုးမခ) မေ ၄၊ ၂၀၁၆
 

● မြောက်ပိုင်းလမ်း
မူစယ် မန္တလေးလမ်းကို မြောက်ပိုင်းလမ်းဟု ခေါ်ကြသည်။ မန္တလေးပြင်ဦးလွင် နောင်ချို ကျောက်မဲ သီပေါ လားရှိုး သိန္နီ ကွတ်ခိုင် နန့်ဖတ်ကာမူစယ် နမ့်ခမ်းအထိ မြို့စဉ်ဆက်ဖောက်လုပ်ထားသော လမ်းမကြီးဖြစ်သည်။ မူလအင်္ဂလိပ်ကိုလိုနီ လက်ထက်ကထဲက ဖောက်လုပ်ထားသော လမ်းမကြီးဖြစ်ပြီး ပြည်မ မန္တလေးနှင့် ရှမ်းပြည်မြောက်ပိုင်းသို့ ဆက်သွယ်ထား သော လမ်းမကြီးဖြစ်သည်။ အင်္ဂလိပ်ခေတ်ကာလက နမ့်ခမ်းမှ မန္တလေးထိ ဂျစ်ကားဖြင့် နေ့ချင်းပေါက် မောင်းနှင်သွားလာနိုင် သည်ဟု ဆိုကြသည်။ သို့သော် လွတ်လပ်ရေးရပြီးနောက်ပိုင်း ပြည်တွင်းစစ်များဖြစ်ပွားခြင်း၊ လမ်းအားပြုပြင်ထိမ်းသိမ်းမှုအားနည်းခြင်း၊ လမ်းလုံခြုံရေးအားနည်းခြင်းတို့ကြောင့် နေ့ခြင်းပေါက်မသွားနိုင်တော့ပေ။ မန္တလေးမှ လားရှိုးသို့ တရက်၊ လား ရှိုးမှ မူစယ် နမ့်ခမ်းသို့ တရက်၊ ၂ ရက်ခန့်သွားကြရသည်။

၁၉၉၀ခုနှစ်ကျော် ကာလပိုင်းများအထိသွားလာရခက်ခဲသော လမ်းမ ကြီးဖြစ်သည်။ ၁၉၈၅ ပတ်ဝန်းကျင်ကစ၍ တရုတ်နှင့် နယ်စပ်မှောင်ခို ကုန်သွယ်ရေးလမ်းကြောင်းစတင်ခဲ့သည်။ လမ်းဆိုးလွန်းလှသဖြင့် မူစယ် မန္တလေး နေ့ချင်းပေါက်မရောက် နိုင်ခဲ့ပေ။ ၁၉၉၀ နောက်ပိုင်း နယ်စပ် ကုန်သွယ်ရေးလမ်းကြောင်း တရားဝင်စည်ပင်လာ၍ ကားလမ်းကို တိုးချဲ့ဖောက် လုပ်လာခဲ့သည်။ ၁၉၉၅ ခုနှစ်ခန့်မှစ၍ မန္တလေး မူစယ်လမ်းမကြီးအား ပုဂ္ဂလိက ကုမ္ပဏီများအား BOT (Built Opreate and Transfer) စနစ်ဖြင့် ပြုလုပ်ခွင့်ပြုခဲ့သည်။ မူလကလားရှိုး မူစယ်လမ်းပိုင်းအား အေးရှားဝေါလ် (Asia World) ကုမ္ပဏီမှ တာ ဝန်ယူပြီး ပြင်ဦးလွင် လားရှိုးလမ်းပိုင်းအား အခြားကုမ္ပဏီတခု ရယူဆောင်ရွက်ခဲ့သော်လည်း နောက်ပိုင်းတွင် လမ်းပိုင်းအား လုံးအား အေးရှားဝေါလ်ကုမ္ပဏီမှ လွှဲပြောင်းရယူခဲ့သည်။

ဤသို့နှင့် ၂၀၀၀ ခုနှစ်ပိုင်းမှစ၍ အဆိုပါမြောက်ပိုင်းလမ်းမကြီးသည်ကောင်းမွန်လာခဲ့ပြီး တရုတ်နယ်စပ်ကုန်သွယ်ရေး တိုး တက်လာသည်နှင့်အညီ အသွားအလာ တိုးတက်များပြားခဲ့သည်။ ရှမ်းပြည်မြောက်ပိုင်းလမ်းမကြီးသည် အမှန်အားဖြင့် မူစယ်အားကျော်၍ နမ့်ခမ်းတွင်ဆုံးသော်လည်း နယ်စပ်ကုန်သွယ်ဂိတ်ဖြစ်သော ရွှေလီနှင့်မျက်နှာချင်းဆိုင် မူစယ်အထိသာ အသွားအလာများကြ၍ မန္တလေး မူစယ်လမ်းမကြီးဟုသာ ခေါ်ဆိုလေ့ရှိကြသည်။

အဆိုပါလမ်းမကြီးသည် စဖွင့်စဉ်က လမ်းကြောင်းမကြပ်သော်လည်း ၂၀၁၀ နောက်ပိုင်းမှစ၍ လမ်းကြောင်းကြပ်လာသည်။ အထူးသဖြင့်၂၀၁၅ /၂၀၁၆ နှစ်များတွင် လမ်းကြောင်းကြပ်၍ လမ်းပိတ်ဆို့မှုများဖြစ်လာသည်။ အဓိက နောင်ချိုအထွက် ဂုတ်တွင်းနှင့် ကွတ်ခိုင် နန့်ဖတ်ကာကြားတောင်ကြောပေါ် နေရာ ၂ နေရာတွင် အဓိကလမ်းကြောင်းကြပ်လာသည်။ အဓိက ပြသနာမှာ ယခုနောက်ပိုင်းတွင် ကုန်စည်သယ်ယူပို့ဆောင်ရာတွင်သယ်ယူပို့ဆောင်ရေးစားရိတ်သက်သာစေရန် ၂၂ ဘီးတွဲ ကားကြီးအသုံးပြုလာကြရာ ရှည်လျားကြီးမားသော ထိုတွဲကားကြီးများကြောင့် တောင်တက် တောင်ဆင်း အကွေ့များသော နေရာတွင် ပိတ်ဆို့များ မကြာခဏဖြစ်လာတော့သည်။

သို့အတွက် မန္တလေး မူစယ်လမ်းမကြီးအား လျင်မြန်ချောမွေ့စွာသွားလာနိုင်ရေးအတွက် စဉ်းစားလာကြသည်။

● လမ်းအူကြောင်းသစ်ရှာဖွေရေး
၂၀၁၆ ခုနှစ် ဧပြီလ ၂၆ အစိုးရသတင်းအရ အရပ်သားအစိုးရသစ်ဆောက်လုပ်ရေးဝန်ကြီး ဦးဝင်းခိုင်နှင့် တရုတ်သံအမတ်ကြီး မစ္စတာဟွန်လျန်တို့ တွေ့ဆုံဆွေးနွေးရာတွင် မူစယ် မန္တလေးလမ်းမကြီးအား အန္တရာယ်ကင်းစွာအသုံးပြုနိုင်ရေးအတွက် လမ်းကြောင်းသစ်ရှာဖွေဖို့သဘောတူခဲ့ကြသည်ဟု သတင်းထုတ်ပြန်ခဲ့ပါသည်။

လက်ရှိ မြောက်ပိုင်းလမ်းသည် မန္တလေးမှ လားရှိုးသို့ အရှေ့မြောက်ဖက်ဆီဦးတည်ပြီးမှ လားရှိုးမှ အနောက်မြောက်ဖက်သို့ပြန်လည်ဦးတည်ပြီးမူစယ်သို့ဦးတည်သွားရာ တဆစ်ချိုးကွေ့သွားရသောလမ်းဖြစ်၍ မိုင် ၃၀၀နီးပါး ရှည်လျားကွာဝေးသည်။ ရှမ်းမြောက်ရှိမြို့များအား ဆက်သွယ်ဖောက်လုပ်ထားသည့်လမ်းဖြစ်သည်။ မန္တလေးနှင့် တရုတ်နယ်စပ်အထိ ကုန်သွယ်လမ်း ကြောင်းအတွက်ဆိုလျင် ဖြောင့်တန်းသော လမ်းအူကြောင်းသစ်တခု ရှာဖွေဖောက်လုပ်နိုင်ပေသည်။

လက်ရှိမြေပြင်အနေအထားအရဆိုလျင် တရုတ်တို့အနေနှင့် လမ်းအူကြောင်းသစ် ရှာဖွေထားပြီးဖြစ်ပုံရသည်။ ၎င်းတို့ရှာဖွေ ထားပြီးသော မြန်မာပြည်တွင်းရှိ ၎င်းတို့အားထောက်ခံသည့် လူများနှင့် ကြိုတင်စဉ်းစားထားသော လမ်းအူကြောင်းသစ်အား အရပ်သားအစိုးရသစ်နှင့် အတည်ပြုချက်ရယူရန်ပြင်ဆင်လုပ်ကိုင်ပုံရသည်ဟု ဆိုရပေမည်။

လက်ရှိ တရုတ်ပြည်တွင်း ယူနန်ပြည်နယ် ခွင်းမင်းမြို့မှဖောက်လုပ်လာသော ၆ လမ်းသွားလမ်းမကြီးသည် တရုတ်မြန်မာနယ် စပ်အထိ ဖောက်လုပ်ပြီးစီးသွားပြီဖြစ်သည်။ တောင်များကို ဥမင်လိုဏ်ခေါင်းဖောက်လုပ်ဖြတ်သန်းခဲ့ရာ ယခုအခါ တရုတ်နယ် စပ်မှ တရုတ်ပြည်အတွင်းသို့ လျင်မြန်ချောမွေ့စွာသွားလာနိုင်ပြီဖြစ်သည်။ တရုတ်ပြည်တွင်း အမြန်လမ်းမ၏ထူးခြားချက်မှာ လက်ရှိ နယ်စပ်ကုန်သွယ်ရေး ဝင်/ထွက်ပေါက်ဖြစ်သည့် မူစယ်တဖက်ရှိ ရွှေလီမြို့တွင် ရပ်တန့်မသွားခဲ့ပေ။ ရွှေလီအား ကျော်၍ မြန်မာပိုင် နမ့်ခမ်း၏တဖက်ကမ်းရှိ လုန်တောင်းမြို့လေးအထိ ဖောက်လုပ်ထားသည်ကိုတွေ့ရသည်။ လုန်တောင်း မြို့သည် ရွှေလီမြို့မှ ၁၈ မိုင် (၃၀ ကီလိုမိုင်ခန့်) ဝေးကွာသည်။ အလားတူပင် ရွှေလီနှင့်မျက်နှာချင်းဆိုင် မူစယ်နှင့် လုန် တောင်းနှင့်မျက်နှာချင်းဆိုင် နမ့်ခမ်းတို့မှာလည်း ၁၈ မိုင် (၃၀ ကီလိုမိုင်ခန့်) ကွာဝေးပါသည်။

တရုတ်ပြည်တွင်းရှိ လုန်တောင်းဒေသ၏ စီးပွားရေးအခြေအနေအရ ၆ လမ်းသွားလမ်းမဖောက်လုပ်ရအောင် အခြေအနေ မ ရှိပေ။ သာမန်လယ်ယာစိုက်ပျိုးရေးလုပ်ငန်းသာရှိသည့် နယ်စွန်နယ်ဖျားဒေသသာဖြစ်ပေသည်။ သို့ဖြစ်ရာ တရုတ်နယ်စပ် နမ့်ခမ်းမြို့တဖက်ကမ်း လုန်တောင်းမြို့လေးသို့ရောက်ရှိလာသော ၆ လမ်းသွား အမြန်လမ်းမကြီးသည် မြန်မာပြည်သို့ဆက်သွယ်ဖောက်လုပ်ရန် ရည်ရွယ်ပုံရပေသည်။ တရုတ်တို့အနေနှင့် မြန်မာပြည်တွင်း လမ်းအူကြောင်းသစ်ဖောက်လုပ်ရန် လျာ ထားပြီးပုံရသည်ဟု ဆိုရမည်။ ထို့ပြင် တရုတ်တို့အနေနှင့် ၎င်းတို့နှင့်ရင်းနှီးသော ယခင်အစိုးရခေါင်းဆောင်အချို့နှင့်လည်း ကောင်း၊ မြန်မာစစ်ဖက်ခေါင်းဆောင်အချို့နှင့်လည်းကောင်း၊ ဆွေးနွေးညှိနှိုင်းမှု ပြုထားပြီး ဖြစ်ပုံသည်ဟု ဆိုရမည်။

လက်ရှိအရပ်သားအစိုးရသစ်သည် မူစယ် မန္တလေးလမ်းမကြီးအား အမြန်လမ်းမကြီးဖြစ်ရေး အန္တရယ်ကင်းရေး လျင်မြန်ချော မွေ့စွာ သွားလာနိုင်ရေးတို့ကို မလွဲမသွေစဉ်းစားရမည်ဖြစ်သည်။ သို့ဖြစ်ရာ လက်ရှိတရုတ်တို့တင်ပြဆွေးနွေးလာသော လမ်းအူကြောင်းသစ်ကို လက်ခံစဉ်းစားရပေတော့မည်ဖြစ်ပါသည်။

● ဖြစ်နိုင်ဖွယ်ရာ လမ်းအူကြောင်းသစ်
မြေပြင်အခြေအနေနှင့် အရပ်ရပ်သတင်းများအရ လမ်းအူကြောင်းသစ်သည် မန္တလေး မတ္တရာမှ မိုးမိတ် မိုးလို သို့မဟုတ် မ ဘိန်း လဝါမှတဆင့် နမ့်ခမ်းမြို့သို့ တည့်ဖောက်လုပ်ဖွယ်ရှိသည်။ ထိုသို့တည့်ဖောက်လုပ်ပါက ခရီးမိုင် ၁၈၀ ခန့် (၂၈၀ ကီလို မိုင်) ခန့်သာရှိမည်။ လက်ရှိလမ်းကြောင်းထက် မိုင် ၁၀၀ ကျော် (ကီလိုမိုင် ၂၀၀ နီးပါး) သက်သာသွားမည်ဖြစ်သည်။ ဖောက် လုပ်ရန် ခက်ခဲနိုင်သည့်နေရာမှာ နမ့်ခမ်းတောင်ဖက် ရွှေလီမြစ်ရိုးရှိမြင့်မားသော တောင်တန်းများဖြစ်သည်။ တရုတ်တို့အရင်း အနှီးနှင့် နည်းပညာများအရ တောင်များကို ဥမင်လိုဏ်ခေါင်းဖောက်လုပ် ဖြတ်သန်းသွားနိုင်ပါသည်။

အရင်းအနှီးနှင့် နည်းပညာသုံးက ဖြောင့်တန်းသော ၆ လမ်းသွားသို့မဟုတ် ၄ လမ်းသွားလမ်းမတခု မန္တလေးနှင့်နမ့်ခမ်းကြား ပေါ်လာနိုင်ပါသည်။ ထိုသို့သောလမ်းမတခုပေါ်လာပါက မန္တလေးမှ တရုတ်နယ်စပ်ထိမောင်းနှင်ချိန် ၅ နာရီခန့်သာ ကြာမြင့် ပေလိမ့်မည်။ ယခင်က ကော့ကရိတ်မှမြဝတီကြား ဒေါနတောင်ကိုကျော်၍ အတက်ကား တရက် အဆင်းကားတရက် ခက်ခဲ စွာ သွားလာခဲ့ရသည်မှ ယခုအာရှလမ်းမသစ်ဖောက်လုပ်ပြီးသွားသောအခါ (၁) နာရီပင် ယာဉ်မောင်းချိန်မကြာမြင့်တော့ပေ။

● အကြံပိုင်သော တရုတ်များ
မြန်မာနိုင်ငံအဖို့ တရုတ်နှင့် နယ်စပ်ကုန်သွယ်ရေးအတွက် ဖြောင့်တန်း၍ အန္တရာယ်ကင်းသော အမြန်လမ်းမတခုလိုအပ် သည်က အမှန်ပင်ဖြစ်သည်။ ထို့အတွက် လမ်းဖောက်ရန် တရုတ်တို့ကမ်းလှမ်းလာသည်ကို ကြိုဆိုမည်သာဖြစ်သည်။ သို့ သော်စဉ်းစားဖွယ်ရာမှာ အဆိုပါလမ်းမဖောက်လုပ်ရန် တရုတ်တို့တက်ကြွစွာပါဝင်နေသည်မှာ နယ်စပ်ကုန်သွယ်ရေးသက်သက်ကြောင့်မဟုတ်နိုင်ပေ။ အရပ်ရပ်သတင်းများကို ထောက်ရှုပါက တရုတ်တို့အနေနှင့် မြန်မာပြည်ကိုဖြတ်၍ အိန္ဒိယ သမုဒ္ဒရာသို့ ထိုးဖောက်မည့် ပိုးလမ်းခါးပတ်၏အစိတ်အပိုင်းအဖြစ် ထည့်သွင်းစဉ်းစားထား၍ ဖြစ်ပုံရသည်။

မြန်မာပြည်ကိုဖြတ်၍ အိန္ဒိယသမုဒ္ဒရာကို ဖောက်ထွက်မည့် ပိုးလမ်းခါးပတ်သည် တရုတ်တို့၏ မဟာဗျူဟာဖြစ်သည်။ အ ကယ်၍သာ ကျောက်ဖြူမှ တရုတ်ပြည်နယ်စပ်ထိ လမ်းကြောင်းဖောက်လုပ်မည်ဆိုပါက မြန်မာပြည်တွင်းမှကန့်ကွက်မှုတပုံတပင်နှင့် ကြုံတွေ့ရမည်ဖြစ်ပြီး တပိုင်းစီပြုလုပ်ရန်ကြံရွယ်ပုံသည်။ ထို့အတူ မြန်မာပြည်၏ အကျိုးစီးပွားပါ မျက်မှောက်ပြု နေ၍ မြန်မာနိုင်ငံအတွက် မငြင်းသာသောကမ်းလှမ်းမှု ဖြစ်သွားသည်။

တရုတ်တို့နှင့်နီးစပ်သောသတင်းရပ်ကွက်များအဆိုအရ တရုတ်တို့အနေနှင့် ကျောက်ဖြူ မန္တလေး ၄၀၀ ကီလိုမိုင်နှင့် မန္တ လေး နမ့်ခမ်း ၂၈၀ ကီလိုမိုင်စုစုပေါင်း ၆၈၀ ကီလိုမိုင်အတွက် ရထားလမ်းရော ကားလမ်းပါ ဖောက်လုပ်ရန် ရည်ရွယ်ထားပြီး အမေရိကန်ဒေါ်လာ ၆ ဘီလီလျံခန့် ရင်းနှီးမြှုပ်နှံရန် ကြံရွယ်ထားသည်ဟုဆိုပါသည်။ ပထမအပိုင်းအနေနှင့် မြန်မာနိုင်ငံ၏ လက်ငင်း အကျိုးစီးပွားပါဝင်သည့် မန္တလေး မူစယ် နမ့်ခမ်း ကားလမ်းအူကြောင်းသစ်ကို အဆိုပြုခြင်းဖြစ်နိုင်သည်ဟု ယူဆရ ပါသည်။ ကျောက်ဖြူ နှင့် မန္တလေးကြားလမ်းပိုင်းကို ဒုတိယအဆင့် ရည်ရွယ်ချက်ထားပုံရသည်။

ဦးသိန်းစိန်အစိုးရလက်ထက်က မူစယ် လားရှိုး မန္တလေး ရထားလမ်း ဖောက်လုပ်ရေး နားလည်မှုစာချွန်လွှာ ထိုးထားမှုကို ဦးသိန်းစိန်သက်တမ်းကုန်မှီ ဖျက်သိမ်းခဲ့ခြင်းသည် တရုတ်တို့အနေနှင့် ကျောက်ဖြူ ခွင်းမင် မီးရထားလမ်းဖောက်လုပ်ရေးကို လက်လွှတ်လိုက်သည်ဟု ယူဆ၍ မရပေ။ လမ်းအူကြောင်းသစ်ရှာဖွေဖောက်လုပ်ရန်အတွက် နားလည်မှု စာချွန်လွှာအသစ်ပြန်လည်အဆိုပြုဖွယ်ရှိသည်။ လက်ရှိအချိန်တွင် တရုတ်ပြည်တွင်း ယူနန်ပြည်နယ်တွင်း ရထားလမ်းဖောက်လုပ်မှုမှာ ခွင်း မင်းနှင့်ရွှေလီကြား ရထားလမ်းဖောက်လုပ်ရန် ခွင်မင်တောင်ဖက် တလီနှင့်ပေါက်စမ်းမြို့ များကြား လမ်းပိုင်းတွင် စတင် နေပြီဖြစ်သည်။

သို့ဖြစ်ရာ ယခု တရုတ်တို့အဆိုပြုသော မူစယ် မန္တလေး လမ်းအူကြောင်းသစ်သည် မြန်မာနိုင်ငံအကျိုးစီးပွားသက်သက်အတွက် တရုတ်တို့ ကမ်းလှမ်းနေခြင်း အားတက်သရော ပါဝင်နေခြင်းမဟုတ်ပေ။ တရုတ်တို့၏ ပိုးလမ်းခါးပတ်၏ အစိတ်အပိုင်းအဖြစ် အားတက်သရော ပါဝင်နေခြင်းခြင်းဖြစ်သည်ကို ရှင်းလင်းစွာ ကြိုတင်ကြည့်မြင်သုံးသပ်ထားရန် လိုအပ်ပေသည်။

● လမ်းလုံခြုံ ရေး
အဆိုပါလမ်းအူကြောင်းသစ်တွင် လမ်းလုံခြုံရေးအတွက်ပြောစရာရှိသည်မှာ နမ့်ခမ်းတောင်ဖက် ရွှေလီမြစ်ရိုးရှိ တောင်တန်း ဒေသများဖြစ်သည်။ ထိုဒေသများ၌ လက်ရှိ အပစ်ရပ်လက်မှတ်မထိုးသေးသော TNLA /KIA/SSPP-SSA တပ်ဖွဲ့များ လှုပ် ရှား နေသည့်ဒေသဖြစ်သည်။ ထိုတပ်ဖွဲ့များနှင့်အပစ်ရပ်သဘောတူညီချက်မရပါက ဖောက်လုပ်ရန် အတန်ငယ်ခက်ခဲပေမည်။ အစိုးရသစ်လက်ထက် ဆွေးနွေးမှု များပြေလည်ပါက ပြဿနာကျော်လွှားနိုင်ပေမည်။

သို့သော် ထိုလမ်းကြောင်းလုံခြုံ ရေးအတွက်မြန်မာစစ်ဖက်ခေါင်း ဆောင်များကြိုတင်ပြင်ဆင်ထားပုံရသည်။ ၂၀၁၅ နှစ်ကုန် ပိုင်းတွင် ထိုဒေသတွင်းသို့ အစိုးရနှင့် အပစ်ရပ်လက်မှတ်ထိုးထားပြီး နားလည်မှုရထားသော RCSS ရွက်ဆစ်အဖွဲ့များ ဝင်ရောက်ခွင့်ပြုခဲ့ရာ ယခုအခါ ထိုဒေသ၌ RCCS တပ်ဖွဲ့ဝင်များ အင်အား ၂၅၀၀ ခန့်ရောက်ရှိနေပြီး ပြန်လည်ဆုတ်ခွာမည် မဟုတ်ဟု ရွက်ဆစ်ကပြောဆိုခဲ့သည်ဟု သတင်းများတွင်တွေ့ရသည်။

သို့ဖြစ်ရာ ကျန် ၃ ဖွဲ့နှင့် သဘောတူညီမှုမရပါက မြန်မာစစ်ဖက်အနေနှင့် သူနှင့်နားလည်မှုရသော RCSS အဖွဲ့ကို တွဲ၍ အ သုံးပြုပြီးလမ်းလုံခြုံ ရေးကိုဆောင်ရွက်ရန်ပြင်ဆင်ထားပုံရသည်။ မြဝတီ ကော့ကရိတ်ကြား အာရှလမ်းမသစ်တွင်လည်း KNU /DKBA တပ်ဖွဲများကို ဖယ်ရှားပြီး စောချစ်သူဦးစီး ကရင် BGF တပ်များကိုတွဲ၍ အသုံးပြုကာ လမ်းကြောင်းကိုထိမ်းချုပ် သကဲ့သို့ ထိမ်းချုပ်သွားဖွယ်ရှိပေသည်။

● နိဂုံး
မည်သို့ဆိုစေ မန္တလေးမှ တရုတ်နယ်စပ်သို့ လမ်းအူကြောင်းသစ်သည် များမကြာမှီပေါ်ပေါက်လာဖွယ်ရာရှိသည်ဟု ဆိုရ မည်။ သို့အတွက် လတ်တလော ပေါ်ပေါက်လာဖွယ်ရှိသည့် လမ်းအူကြောင်းသစ်တွင်ပါဝင်သွားမည့် ပုဂ္ဂလိကပိုင်ဆိုင်သည့် မြေယာလျော်ကြေးပြဿနာကို လူထုအားနားလည်အောင်ရှင်းလင်းပြောဆိုရမည့်ပြဿနာ၊ တိုင်းရင်းသားလက်နက်ကိုင် တပ်ဖွဲ့များပြဿနာကို ပျော့ပြောင်းစွာပြေလည်အောင် ရှင်းလင်းရမည်ဖြစ်သည်။

ထို့ပြင် များမကြာမှီ ထိုလမ်းပိုင်းအား ပိုးလမ်းခါးပတ်၏ အစိတ်အပိုင်းအဖြစ် တရုတ်တို့ထည့်သွင်းလုပ်ဆောင်လာမည့် အ လားအလာကို ကြိုတင်တွက်ချက်ပြီး မြန်မာပြည်၏ အမျိုးသားအကျိုးစီးပွားကို ကာကွယ်ရေးကိုလည်းကောင်း၊ မြန်မာပြည် အတွက် အကျိုးအမြတ်ရှိမည့် အခြေအနေများကိုလည်းကောင်း၊ ထည့်သွင်းတွက်ချက်ထားရန် လိုအပ်ပေလိမ့်မည်ဟု သုံး သပ်ရပါသည်။

Mg Mg Soe (မောင်မောင်စိုး)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး, မောင်မောင်စိုး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

MoeMaKa Monthly July 2017 ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်