ကိုအောင်မှိုင်း – အခုတော့လည်း တစိမ်းတွေလိုပါပဲဗျာ

May 22, 2016

 

ကိုအောင်မှိုင်း – အခုတော့လည်း တစိမ်းတွေလိုပါပဲဗျာ 

(မိုးမခ) မေ ၂၂၊ ၂၀၁၆

လက်သန်းကမင်တောင်မခြောက်သေး။ “ဇာတ်လမ်းကမသန်း”ဆိုသလိုပါပဲဗျာ။

အရင့်အရင့်အစိုးရတွေ လက်ထက်ကတော့ ပြဿနာလေးနည်းနည်းတွေ့တာနဲ့ တွယ်လိုက်တော့တာပါပဲ။ ဖမ်းဟယ်ဆီးဟယ်၊ ဒါနဲ့မှအဆင်မပြေသေးရင် ပစ်ရယ်ခတ်ရယ်ပေါ့။ ဖြေရှင်းပုံဖြေရှင်းနည်းတွေက သိပ်ကိုလွယ်ပါတယ်။ တရားမျှတတာတွေ မမျှတတာတွေ အသားထား။ ချက်ချင်းကို ငြိမ်ကျသွားစေမဲ့ စံချိန်မီဖြေရှင်းနည်းကြီးတွေပေါ့။ လက်သန်းကမင်တွေနဲ့တက်လာတဲ့ အစိုးရကြီးခေတ်၊ ဒီမိုကရေစီဆိုလားခေါ်တဲ့အစိုးရမင်းများအုပ်ချူပ်တဲ့ခေတ်၊ နေရာတကာ ပင်နီကိုယ်စီနဲ့ လတ်ယားလတ်ယား လမ်းသလားကြတဲ့ခေတ်ဆိုတော့ ပြဿနာများဖြစ်လာရင် ဘယ်လိုများဖြေရှင်းမလဲပေါ့။ အရင့်အရင်ခေတ်တွေလိုတော့ မဖြစ်တန်ကောင်းဘူးထင်ခဲ့တာပါ။ ခုတော့လည်း တစိမ်းတွေလိုပါပဲဗျာ။ ထူးမခြားနားလှပါဘူး။

လတ်တလောအခြေအနေအရ အလုပ်သမားပြဿနာတွေဖြေရှင်းရာမှာ အကောင်းဆုံးနည်းက သမ္မတကြီးဦးထင်ကျော် ပြောသလို အလုပ်သမားအလုပ်ရှင် အစိုးရသုံးပွင့်ဆိုင်ဖြေရှင်းနည်းဟာ အကောင်းဆုံးဆိုတာကို ကျနော်တို့အလေးအ နက်ထောက်ခံပါတယ်။ အလုပ်သမားပြဿနာတွေဟာ ရှိနေဦးမဲ့ဖြေရှင်းနေရဦးမဲ့ ပြဿနာတွေဖြစ်ကြောင်းပြောဆိုတာ ဟာလည်း အမှန်ပါပဲ။ ကနေ့ဗမာပြည်လက်ရှိလူမှုစီးပွားရေးအခြေခံပေါ်မှာ အလုပ်သမားပြဿနာတွေ လယ်သမားပြဿနာတွေဟာ တည်ရှိနေခဲ့တဲ့ပြဿနာတည်ရှိနေဆဲပြဿနာ ဆက်လက်တည်ရှိနေဦးမဲ့ ပြဿနာအဖြစ် ကျနော်တို့အလေးအနက် ရှုမြင်ရမဲ့ပြဿနာများဖြစ်သလိုအလေးအနက် ဖြေရှင်းရမဲ့ပြဿနာတွေလည်းဖြစ်တယ်လို့ ပြောလိုပါတယ်။

အလုပ်သမားပြဿနာတွေ လယ်သမားပြဿနာတွေကိုဖြေရှင်းရာမှာ အရေးတကြီးလိုအပ်တာကတော့ တိကျတဲ့အလုပ် သမားရေး လယ်သမားရေးတွေအတွက် အစိုးရပေါ်လစီပဲဖြစ်ပါတယ်။ စစ်တပ်ကိုကြောက်လို့အလုပ်ရှင်ခရိုနီတွေနဲ့ မျက် နှာမပျက်ချင်လို့ တော်သလိုသင့်သလို ဖြေရှင်းမှုတွေဟာ နိုင်ငံအတွက် အင်မတန်အန္တရယ်ကြီးပါတယ်။ အစိုးရအတွက်လည်း အင်မတန်ကို အရှက်ရစေမဲ့ကိစ္စတွေ ဖြစ်ပါတယ်။ နောက်တချက်က အစိုးရအနေနဲ့ တည်ရှိနေတဲ့ ပြဿနာတွေကိုဖြေရှင်းရာမှာ ပွင့်လင်းမြင်သာဖို့အလွန်အရေးကြီးပါတယ်။ ပြဿနာစတင်ဖြေရှင်းကထဲက စုဖွဲ့မှု၊ ဖြေရှင်းမဲ့အစီအစဉ်၊ ကာလစည်းကမ်းသတ်မှတ်ချက်၊ နည်းဥပဒေဆိုင်ရာ အထောက်အကူပြုအဖွဲ့၊ အလုပ်သမား အထောက်အကူပြုအဖွဲ့(NGO)၊ စနစ်တကျမှတ်တမ်းတင်မှု၊ စနစ်တကျသတင်းထုတ်ပြန်မှု စတာတွေလိုပါတယ်။ ဒါတွေကလည်း အသေအချာ စဉ်းစဉ်းစားစားလုပ်မယ်ဆိုရင် မဖြစ်နိုင်တဲ့ကိစ္စတွေမဟုတ်ပါဘူး။ ကျနော်တို့ အခုလိုပြောနေတာ အစိုးရကို ၀ိုင်းရံနေကြတာပါ။

အခုကာလက NLD နဲ့ အစိုးရကို နည်းနည်းလောက်ဝေဖန်လိုက်တာနဲ့ ၀ိုင်းဆဲလိုက်ကြတာ မြင်မကောင်း ရှုမကောင်း အောင်ဖြစ်နေကြတာတွေ့ရတော့ အတော်ကို စိတ်ပျက်မိတယ်။ အစိုးရဖြစ်စေ၊ ပါတီအဖွဲ့အစည်းတခုခုဖြစ်စေ အဝေဖန်ခံနိုင်ဖို့လိုပါတယ်။ ဝေဖန်မခံနိုင်ရင် အစိုးရကလည်း အာဏာရှင်အစိုးရဖြစ်သွားနိုင်သလို ပါတီအဖွဲ့အစည်းဆိုရင်လည်း လူထုဆန့်ကျင်မှုကိုခံရမှာ အသေအချာပဲဖြစ်ပါတယ်။ ကနေ့အစိုးရကို လူထုအနေနဲ့ဝိုင်းရံဖို့ အထူးလိုအပ်နေချိန်လို့ပြောလိုပါတယ်။ ၀ိုင်းရံတယ်ဆိုတာ အစိုးရဘာလုပ်လုပ်မှန်တယ် အစိုးရကိုဝေဖန်ရင် တို့ရန်သူဆိုတာမျိူးမဟုတ်ပါ။ အစိုးရကို အကျိူးနဲ့အကြောင်းနဲ့ထောက်ပြဝေဖန်တာဟာ အစိုးရကိုဝိုင်းရံတာ ဖြစ်တယ်ဆိုတဲ့အမြင်ကိုစိုက်ထူဖို့ ဖြစ်ပါတယ်။ ဝေဖန်သူကလည်း အကျိူးနဲ့အကြောင်းနဲ့ဝေဖန်ဖို့ လိုပါတယ်။ ပါးစပ်ရှိလို့ဆဲတယ်။ လက်ရှိလို့ရေးတယ်ဆိုတာတော့ မဖြစ်သင့်ဘူးထင်ပါတယ်။ အချို့ ဝေဖန်စာတွေဟာ အစိုးရအနေနဲ့ အတော့်ကိုဂရုပြုသင့်တဲ့ဝေဖန်မှုတွေကိုတွေ့ရတယ်။ တိုင်းပြည်နဲ့လူမျိုးအတွက် အသေအချာစဉ်းစားတွေးတော ဝေဖန်နေကြတာတွေ့ရလို့ မြန်မာနိုင်ငံသားတွေကို အတော်လေးစားမိတယ်။ ကိုယ့်ထမင်းကိုယ်စားပြီး ဒီမိုကရေစီကို ကာကွယ်နေကြသူတွေလို့ မြင်တယ်။ အစိုးရကိုယ်တိုင်ကလည်း ဝေဖန်တာကို ကြိုဆိဖို့လိုပါတယ်။

NLD ပါတီဟာ ရွေးကောက်ပွဲမှာသောင်ပြိုကမ်းပြိုနိုင်ခဲ့တယ်။ ဒီအတွက်အစိုးရဖွဲ့နိုင်ခဲ့တယ်။ အစိုးရအဖွဲ့ရဲ့အမျိုးသား ပြန်လည်သင့်မြတ်ရေးခေါင်းစဉ်အောက်မှာ မျက်နှာသစ်တွေပါလာသလို မျက်နှာဟောင်းတွေလည်း ပါလာကြပါတယ်။ ဘယ်လိုပဲဖြစ်ပါစေ အားလုံးဟာ အတွေးအခေါ်သစ်တွေဖြစ်ဖို့တော့ လိုပါတယ်။ အတွေးအခေါ်ဟောင်းတွေနဲ့ မျက်နှာဟောင်းတွေအဖြစ် ဆက်ရပ်တည်နေကြဦးမယ်ဆိုလို့ကတော့ ဒီမိုကရေစီသင်းသတ်ခံရတာနဲ့အတူတူ ဖြစ်မှာပါ။ ဒီမိုကရေစီစနစ်အတွက် လက်ရှိအစိုးရအပေါ် ကျနော်တို့စိုးရိမ်မိတာ တချို့ ရှိပါတယ်။

လက်ရှိအစိုးရ တလွဲတွေလုပ်နေလို့က စစ်အုပ်စုအနေနဲ့ ဒီမိုကရေစီကိုအမဲဖျက်ကြလိမ့်မယ်။ ဒီမိုကရေစီဆိုတာ ဒါပဲဆို ပြီး ဒီမိုကရေစီစနစ်ကိုပါ မြန်မာပြည်မှာ သင်းကွတ်ကြပါလိမ့်မယ်။ အဲလိုဖြစ်အောင်လည်း အတွင်းအပြင် ဖျက်ကြလိမ့် မယ်ဆိုတာ လူထုအနေနဲ့ သတိပြုသင့်တယ်။ နောက်တချက်က အစိုးရဟာခေါင်ကြီး ကိုယ်သေး ဖြစ်နေတယ်လို့ သုံးသပ်မိတယ်။

ရွေးကောက်ပွဲမှာအနိုင်ရလို့ နိုင်ငံရေးအရ ပြည်ထောင်စုဝန်ကြီးတွေဖြစ်ကြ တချို့လည်း ၀န်ကြီးချုပ်တွေ ၀န်ကြီးတွေ ဖြစ်ကြတာကို တွေ့ရပါတယ်။ ဒါပေမဲ့ ဌာနဆိုင်ရာအားလုံးကတော့ အရင်အစိုးရလက်ထက်က ပုဂ္ဂိုလ်တွေပဲ ဖြစ်ကြတာ တွေ့ရပါတယ်။ အောက်ခြေဌာနဆိုင်ရာဝန်ထမ်းတွေကတော့ အဖိနှိပ်ခံတွေဖြစ်လို့ အစိုးရသစ်ကို ၀မ်းသာအားရ ကြိုဆိုလက်ခံကြလိမ့်မယ်ဆိုတာ ယုံပါတယ်။ ဌာနဆိုင်ရာအကြီးအကဲဆိုတဲ့ ပုဂ္ဂိုလ်ကြီးများကတော့ အရင်အစိုးရ လက်ထက်ကလည်း ပုလင်းတူ ဗူးစို့တွေဖြစ်လို့ ယုံကြည်ဖို့ အတော်ခက်ပါတယ်။ အချိူ့ လူကောင်းတွေကိုတော့မဆိုလိုပါ။ ကျနော်တို့စိုးရိမ်တာက မကြာသောကာလမှာ ၀န်ကြီးများ ၀န်ကြီးချူပ်များကိုယ်တိုင် ကိုယ်တိုက်ဖို့ ရည်ရွယ်ထားတဲ့ လာဘ်ပေးလာဘ်ယူမှုတွေ အာဏာအလွဲသုံးစားမှုတွေ ဆွေမျိုးကောင်းစားရေးဆိုတဲ့နွံဗွက်ကြီးထဲလက်ပစ်ကူးဖို့ တံတားကတော့ အဆိုပါဌာနဆိုင်ရာအကြီးအကဲဟောင်းများ ဖြစ်ဖို့ သေချာသလောက်ပါပဲ။

နောက်တချက်ကတော့ အစိုးရအဖွဲ့ထဲပါဖို့အားခဲကြရင်း NLD ပါတီရဲ့ ပါတီလုပ်ငန်းတွေကို သက်ကြီးရွယ်အို လူတစု လက်ထဲ ထိုးအပ်ကြတာတွေ့ရတော့ NLD ပါတီရဲ့ နောင်ရေးအတွက် ရင်လေးတယ်လို့ပဲ ပြောရတော့မှာပါ။ NLD ပါတီ ဟာ ဒီအတိုင်းသွားလို့ကတော့ မကြာမီလူထုနဲ့အဆက်ပြတ်ပြီး လူထုဆန့်ကျင်ရေးတွေ အစိုးရကလုပ၊် လူထုကလည်း အစိုးရဆန့်ကျင်ရေးတွေလုပ်ကာ လူထုပါတီတခုကျဆုံးမှာကို ကျနော်တို့ဝမ်းမသာနိုင်ကြတာ အမှန်ပါ။ လူထု ပါတီဖြစ်ဖို့က နှစ်ရှည်လများ ရင်းနှီးပေးဆပ်မှုတွေများစွာ ပေးဆပ်ရတာ ဖြစ်ပါတယ်။ လူတစုကောင်းစားဖို့ လူထုကအနစ်နာခံခဲ့ကြတာမဟုတ်ပါ။ လူအများကောင်းစားဖို့ဆိုတာတော့ ကျနော်တို့တိုင်းရင်းသား ပြည်သူလူထုအားလုံးသိတဲ့ကိစ္စဖြစ်ပါတယ်။ ပါတီလုပ်ငန်းတွေ သွက်ချာပါဒလိုက်တာနဲ့အစိုးရလုပ်ငန်းတွေလည်း သွက်ချာပါဒလိုက်မယ်ဆိုတာ မြေကြီးလက်ခတ်မလွဲ သတိကြီးကြီးထားရမဲ့ ကိစ္စလို့ နားလည်ဖို့လိုပါမယ်။ ကနေ့ပါတီလုပ်ငန်း လုပ်ချင်သူနည်းပြီး အစိုးရလုပ်ငန်းလုပ်ချင်သူများနေတာကိုက NLD အတွက် ရှေ့ ခရီး ရင်လေးစရာလို့ပဲ သတိပေးပါရစေ။

ဒေါ်အောင်ဆန်းစုကြည်ကိုဝိုင်းရံဖို့လိုတယ်။ ဆိုလိုတာက ပါတီတွင်းဖြစ်စေ အစိုးရတွင်းဖြစ် ဝေဖန်ထောက်ပြမဲ့လူတွေလို နေတယ်လို့ မြင်တယ်။ အမေပြောတာမှန်တယ်၊ အမေလုပ်တာမှန်တယ်ဆိုတာနဲ့ တိုင်းပြည်ကိုတည်ဆောက်လို့မရတာ အမှန်ပါ။ ကျနော်အလေးအနက်တင်ပြချင်တာက နိုင်ငံခြားရောက်နေကြတဲ့တော်လှန်ရေးသမားတွေ နိုင်ငံရေးသမား တွေကို ပြန်ခေါ်ဖို့လိုပြီဆိုတာ ပြောချင်တယ်။ ကိုမိုးသီးဇွန်တို့လို နိုင်ငံရေးသမားတော်လှန်ရေးသမားတွေ ခုချိန်ထိ နိုင်ငံ ရပ်ခြားမှာ နေနေရတယ်ဆိုတာကိုက တခုခုမှားနေပြီဆိုတာ ညွှန်ပြနေတာပါ။ သူတို့လို အမှန်ပြောမဲ့သူတွေ ပြောရဲတဲ့လူ တွေ အခုတိုင်းပြည်မှာ တကယ့်ကို လိုနေတာဖြစ်ပါတယ်။ မျက်နှာဟောင်းအများစုကတော့ အဆင်းကို ဘီးဝိုင်းတွန်းမဲ့သူ များမှာပါ။ ကနေ့ဖြစ်သင့်တာတွေ နှောင့်နှေးကြန့်ကြာနေတာကိုက တိုင်းပြည်အတွက် မကောင်းတာတွေအတွက် ကနဦး အမှားတွေလို့ ပြောပါရစေ။

ကနေ့အလုပ်သမားတွေဆန္ဒပြချီတက်ပွဲကိုဖြေရှင်းတဲ့နည်းဟာ လုံးဝမှားပါတယ်။ ဒီမိုကရေစီအစိုးရတရပ်အနေနဲ့ ဒီလို ဖြေရှင်းမှုကို လုံးဝလုံးဝ ရှုတ်ချပါတယ်။ ဒီထက်ကောင်းတဲ့ဖြေရှင်းမှုတွေ မရှိတော့ဘူးလားလို့ မေးခွန်းထုတ်ရတော့မှာ လည်း ဖြစ်ပါတယ်။ ကျနော်ပြောခဲ့သလို မျက်နှာဟောင်းထွေအုပ်အမျိုးမျိုးလက်ထဲ ဒီလိုကိစ္စတွေ လွှဲထားလို့ကတော့ မိုးမီးလောင်ပြီသာမှတ်လို့ပြောရတော့မှာပါ။ အလုပ်သမားတွေ၊ လယ်သမားတွေ၊ ကျောင်းသားတွေဟာ NLD အစိုးရရဲ့ ကျေးဇူးရှင်အစစ်တွေပါ။ NLD ကျေးဇူးဆပ်ရမဲ့ ပုဂ္ဂိုလ်တွေက စစ်ဗိုလ်ချုပ်ဟောင်းတွေ မဟုတ်သလို လက်ရှိဌာနဆိုင်ရာ အကြီးအကဲဆိုတဲ့ပုဂ္ဂိုလ်ကြီးတွေမဟုတ်ပါဘူး။ ခုတော့လည်း NLD လုပ်နေတာတွေက တလွဲဆံပင်ကောင်းဆိုသလို ကျေးဇူးရှင်တွေအပေါ် တစိမ်းတရံစာတွေလို ဆက်ဆံနေတာက ၀မ်းနည်းစရာလို့ပဲ ပြောပါရစေတော့ဗျာ။

ကိုအောင်မှိုင်း

(၂၂.၆.၂၀၁၆)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုအောင်မှိုင်း, သူတို့အာဘော်

One Response to ကိုအောင်မှိုင်း – အခုတော့လည်း တစိမ်းတွေလိုပါပဲဗျာ

  1. Catwoman on May 23, 2016 at 5:28 pm

    People here in the United States go and protest infront of White House so they look good. We really don’t know if they really love their country or are they just doing it for their pockets?

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်