ကျော်မောင်(တိုင်းတာရေး) – တပုဒ်ကောင်း တအုပ်ကောင်း

June 20, 2016

 

ကျော်မောင်(တိုင်းတာရေး) – တပုဒ်ကောင်း တအုပ်ကောင်း 

(မိုးမခ) ဇွန် ၂၀၊ ၂၀၁၆

(၁)

ငယ်ငယ်တုန်းက ဒို့နေတာ နယ်ဖက်မှာဆိုတော့ စာအုပ်စာတမ်းတွေက နည်းတယ်။ ဟိုလူ့ဆီက ငှားဖတ်၊ ဒီလူ့ဆီက ငှားဖတ်နဲ့ စာတွေဖတ်လာကြရတာ။ ၀တ္ထုတွေဖတ်ဖြစ်တော့လည်း ဒီအတိုင်းပဲ။ ရတဲ့စာအုပ်ပဲဖတ်ရတာ။ စာအုပ်ကောင်းတွေ စာပေကောင်းဆိုတာတွေကို ရွေးရလောက်အောင်အထိ ပေါပေါများများ မရခဲ့ မရှိခဲ့ဘူး။ ဒို့ခေတ်မှာ စာဖတ်တဲ့သူတွေလား၊ ရှိတာပေါ့ကွာ။ ငါစွဲသွားတဲ့ စာအုပ်တအုပ်က အဲဒီစာဖတ်သူတွေထဲက တယောက်ရဲ့ကျေးဇူးကြောင့်လို့ ပြောလို့ရတယ်။

စာအုပ်ရလာတဲ့ဇာတ်လမ်းက ဒီလိုကွ။ ငါ့အဖေက စက်လှေထောင်ဖူးတယ်။ အနီးအနား ရွာနီးချုပ်စပ်က ဒေသထွက်ကုန်တွေကို သယ်ယူပို့ဆောင်ပေးတဲ့ စက်လှေပဲ။ ကုန်သည်မဟုတ်တဲ့ ရိုးရိုးခရီးသည် နည်းနည်းပါးပါးလည်း တင်တာပေါ့။ အဖေက ဘာကိုပဲဖြစ်ဖြစ်နာမည်ပေးရင် အဓိပ္ပာယ်ပါပါနဲ့ပေးတတ်တဲ့ သူ။ သူ့စက်လှေကို နာမည်ပေးတော့ အဲဒီခေတ်တုန်းက ထင်ရှားတဲ့ သင်္ဘောတစီးနာမည်ကို ယူပြီး ပေးတယ်။ အခုစက်လှေနဲ့ စီးပွားရှာပြီး နောင်အခါ အဲဒီသင်္ဘောလောက်ရှိတဲ့ သင်္ဘောဝယ်နိုင်အောင်လို့ ဆိုတဲ့ အတိတ်နိမိတ်နဲ့ပဲတဲ့။ တိုက်တိုက်ဆိုင်ဆိုင် ငါအင်ဂျင်နီယာကျောင်းသားဘ၀ လေ့လာရေးဆင်းရ တုန်းက အဲဒီသင်္ဘောကြီးပေါ်ရောက်ခဲ့ဖူးတယ်။

အဲဒီလို စက်လှေနဲ့ အလုပ်ဖြစ်နေတုန်း တခေါက်မှာတော့ စက်လှေက ကံမကောင်းအကြောင်းမလှဘဲ နစ်ပါလေရော။ စက်လှေပေါ်ပါတဲ့လူတွေတော့ ဘာမှမဖြစ်ဘူး။ ကုန်တွေတော့ ရေနစ်ပြီး အပျက်အစီးအဆုံး အရှုံး ရှိတာပေါ့။ အဲဒီစက်လှေကို ပြန်ဖော်တော့ စက်လှေပေါင်းမိုးမှာ ညှပ်ထားတဲ့ စာအုပ်တအုပ်တွေ့တယ်။ ရေစိုနေတဲ့အတွက် နေတော်တော်လှန်းလိုက်ရတယ်။

အဲဒီစာအုပ်က စာရေးဆရာကြီး ရွှေဥဒေါင်း ဆီလျော်အောင် ဘာသာပြန်ပြီး မှီးငြမ်းရေးသားထားတဲ့ “ရူပနန္ဒီ” ဆိုတဲ့စာအုပ်ပဲ။ ဘယ်လောက်အထိစွဲသွားလဲဆိုရင် တထိုင်တည်းနဲ့ တအုပ်လုံးပြီးအောင် ဖတ်လိုက်တဲ့အထိပဲ။ နောက်ရက်တော်တော်ကြာတော့မှ စာအုပ်ပိုင်ရှင်က သူ့စာအုပ်သတင်းရပြီး စာအုပ်လာတောင်းလို့ ပေးလိုက်ရတယ်။ စာအုပ်ပိုင်ရှင်က စက်လှေနစ်တုန်းကပါခဲ့တဲ့ ကျောင်းဆရာ တယောက်ပဲ။ အဲဒီတအုပ်ကောင်းကနေစပြီး ဒို့ညီအကိုတွေ အသက်ကြီးလာတဲ့အခုထက်ထိ စာအုပ်တွေမပြတ်ဖတ်တဲ့အလေ့အကျင့်ကောင်း ရလာကြတာပဲ။

ကိုယ်တိုင်စာဖတ်သည်သာမက သားသမီးများ ဆွေမျိုးများ နီးစပ်ရာမိတ်ဆွေများကိုပါ စာဖတ်သည့်အလေ့ အထ ဖြစ်ထွန်းအောင် ကြိုးစားနေသောသူတယောက်မှ ပြန်လည်ပြောပြသော ဇာတ်ကြောင်းဖြစ်သည်။ တခုခုသိလို၍ မေးမြန်းသည့်အခါ မဆိုင်းမတွ ဖြေနိုင်သည်။ အဖြေကို ဘယ်လိုသိပါသလဲဟုမေးသည်တွင် မည်သည့်စာအုပ်မှာ မည်သည့်အကြောင်းအရာရှိသည် အဲဒီမှာ ရှာနိုင်သည် စသည်ဖြင့် ညွှန်ပြသည်။ နီးစပ်ရာများကိုလည်း စာကောင်းပေကောင်းများဖတ်ရှုရန် အမြဲလမ်းညွှန်သည်။

(၂)

နောက်တယောက်ကလည်း သူရုန်းကန်ခဲ့ရသော ဘ၀ဇာတ်ကြောင်းမှ တစိတ်တဒေသကို အခုလို ပြန်ပြောပြသည်။

မင်းသိတဲ့ အတိုင်းပဲ။ ငါအိမ်ထောင်ကျတော့ အလုပ်ကလည်း မည်မည်ရရမရှိဘူး။ ကြုံရာ ကျပန်း လုပ်နေရတာ။ ဟိုဖက်ကမ်းမှာ ကားစပယ်ယာ၊ ယာဉ်နောက်လိုက်လို့လည်း ခေါ်တယ်၊ မောင်းတဲ့သူကို ကူဖို့လူ လိုတယ်ဆိုတော့ သွားလုပ်တယ်။ ကားက ဂျစ်ကား။ ခရီးသည်တွေကို စုပြုံပြီး တင်တယ်။ သင်္ကြန်ဂျစ်ကားတွေအတိုင်းပေါ့။ ထိုင်စီးတဲ့သူ၊ တွယ်စီးတဲ့သူ၊ ရှေ့က ကားစက်ဖုံးပေါ်မှာ ထိုင်လိုက်တဲ့သူနဲ့။ ကားစီးခကောက်ရတယ်။ ခရီးသည်တွေကို နေရာချရတယ်။ ပစ္စည်းပါရင် အတင်အချလုပ်ပေးရတယ်။ လူခေါ်ရတယ်။ ကားဆရာကို ကူညီရတယ်။ အဲဒီကနေမှ အခု ဆန်ရောင်းတဲ့ ဆန်ကုန်သည်ဖြစ်လာတာပဲ။

ပြောနေစဉ်မှာ ဘယ်ကနေဘယ်လို ဆန်ကုန်သည်ဖြစ်သွားတယ်ဆိုတာမပါ။ သိချင်သောအချက်က ကားနောက်လိုက်ကနေ ဆန်ကုန်သည်ဖြစ်သွားတယ်ဆိုတာပဲဖြစ်သည်။ သူပြောချင်သော သူ့အကြောင်းကို အားပါးတရပြောပြပြီး ပဲဆီဖြင့်စိမ်ထားနှပ်ထားသော လက်ဖက်သားလေးကို ဇွန်းနဲ့ ခပ်ကာ တမြုံ့မြုံ့ ၀ါးလိုက်နှင့် ဖတ်လျက်စသတင်းစာကို ဆက်ဖတ်နေသည်။

သတင်းစာကို ကြည့်ရင်းနဲ့မှ သတိရသွားသည်။ သည်ပုဂ္ဂိုလ်က သတင်းစာ နေ့တိုင်းဖတ်သည်။ သတင်းစာအပြင် ဘာစာတွေဖတ်သလဲလို့ စဉ်းစားမိတဲ့အခါ စာအုပ်တအုပ်ကို သွားသတိရသည်။ ဆရာနန္ဒာသိန်းဇံ ရေးသားသည့် “ခရောင်းလမ်းကို ဖြတ်ကျော်ခြင်း” ဆိုသော စာအုပ်ဖြစ်သည်။ ထိုစာအုပ် တအုပ်ထဲသာ အခေါက်ခေါက်အခါခါဖတ်ထားပုံရသည်။ ပလတ်စတစ်အဖုံးဖြင့် ဖုံးထားသော စာအုပ်အထဲ က စာရွက်များပင် ၀ါကျင့်ကျင့်ရှိနေပြီဖြစ်သည်။ စာအုပ်ထဲတွင် တချို့စာကြောင်းများကို မင်ဖြင့် မျဉ်းသား ထားသည်ကို တွေ့ရသည်။ ဒီစာအုပ်တအုပ်နဲ့ သူ့ဘ၀ ဒီလိုအခြေအနေရောက်လာသလားဆိုတာ မေးခွန်း ဖြစ်သွားသည်။

(၃)

ဉာဏ်မကောင်းသော ညီဖြစ်သူသည် ပညာသင်နှစ်ကုန်ဆုံးသောအခါ အကိုဖြစ်သူနှင့်အတူ နေရပ်ဌာနေ တိုင်းပြည်သို့ ပြန်တော့မည်တွင် ဒိသာပါမောက္ခဆရာကြီးမှ ဂါထာတပုဒ် မရမက သင်ပေးလိုက်သည်။

ဂါထာမြန်မာပြန်မှာ “အသင် ကျွန်ုပ်ကို မကောင်းကြံနေတယ်၊ အသင် ဘာလုပ်မယ်ဆိုတာ ကျွန်ုပ်သိတယ်” ဆိုတာပဲဖြစ်သည်။

သူ့မှာ ထိုတပုဒ်လေးကို နှုတ်တက်ရအောင် အတော်ကျက်ယူလိုက်ရသည်။ ပညာသင်ကာလတွင် ဉာဏ်ထုံသောကြောင့် မည်သည့်ပညာမှမရ မည်သည့်ပညာမှမတတ်၊ ပြည်တော်ပြန်ခါနီး အနီးကပ် သင်ယူလိုက်ရသော ဂါထာတပုဒ်ကိုသာ အာရုံစူးစူးစိုက်စိုက်ဖြင့် ဇွဲနပဲသုံးကာ အခေါက်ခေါက်အခါခါ ဆိုသောကြောင့် ရခဲ့သည်။ ထိုဂါထာတပုဒ်ကျေးဇူးကြောင့် တိုင်းပြည်ပြန်ရောက်သည့်အခါ ရှင်ဘုရင်မှ မြှောက်စားခံခဲ့ရသည်အထိ သူ့ဘ၀ အခြေမြင့်သွားခဲ့သည်။

(၄)

ပထမဆုံးစဖတ်ဖူးသော ၀တ္ထုစာအုပ်သည် ထူးထူးခြားခြားဖြစ်သည်။ ဆရာမောင်နှင်းဆွေ ဘာသာပြန် ရေးသားသည့် သိုင်းဝတ္ထုလုံးချင်းစာအုပ်ဖြစ်နေခြင်းပင်။ ယခင်က ဖတ်သည်မှာ ရွှေသွေးစာစောင်၊ ရတနာ မွန်မဂ္ဂဇင်း၊ ကာတွန်း စာအုပ်များ၊ ပုံပြင်အတိုအထွာလေးများသာ ဖြစ်သည်။ ထိုသိုင်းဝတ္ထုကလည်း ဘယ်ကဘယ်လို အိမ်သို့ရောက်လာသည်မသိ။ ဖြစ်နိုင်သည်မှာ အိမ်အလည်လာသော ဧည့်သည် တယောက်ယောက် ကျန်သွားတာဖြစ်နိုင်သည်။ ရှေ့ပိုင်းစာမျက်နှာတချို့မှာ မရှိတော့။ ရှိသည့်စာမျက်နှာမှ စဖတ်ရသည်။ သိုင်းဝတ္ထုဇာတ်လမ်းမှတ်မိသမျှမှာ ဘုရင်စိုးစံရာ တိုင်းနေပြည်တော်မှ အဆင့်မြင့်သိုင်း ကျွမ်းကျင်သည့် သိုင်းသမားတယောက်သည် လူဆိုးဂိုဏ်းကြီးထဲတွင် သူလျှိုလုပ်ကာ မတရားမှုကို နှစ်သက်သော အနက်ရောင်ဂိုဏ်းအား တရားမှုကို လိုလားသောအဖြူရောင်သိုင်းသမားတို့နှင့်အတူ ပူးပေါင်း၍ ဖြိုခွင်းသောဇာတ်လမ်းဖြစ်သည်။

ထိုသိုင်းဝတ္ထုမှ စတင်ပြီး နောက်ပိုင်းတွင် စာအုပ်ငှားသောအခါ သိုင်းဝတ္ထုတွေငှားဖတ်သည်။ သိုင်းဝတ္ထုဖတ်နေရင်းပင် စာဖတ်သွက်လာသောအခါ လူကြီးများညွှန်ပြသော စာရေးဆရာများ၏ ၀တ္ထုများ ကို ဖတ်တတ်လာသည်။ ကောင်းတယ်ကွ အဲဒါဖတ်ကွဟု ညွှန်းကြသည်။ စာဖတ်ရင်းမှ ရလာသော စာပေအရသာကို စာသင်ကျောင်းတွင် ကောင်းစွာအသုံးချဖြစ်ခဲ့သည်။ စာကျက်ရခက်နေလျှင် အမေက အခုလို အားပေးသည်။ သားရေ သားတို့တွေက ၀တ္ထုတွေတောင် တအုပ်ပြီး တအုပ်ဖတ်နိုင်တာပဲ၊ ဇာတ်လမ်းတွေတောင် ပြန်ပြောင်းပြောနိုင်တာပဲ၊ စာလည်း အဲဒီလိုပဲ လုပ်နိုင်ရမှာပေါ့ဟုပြောသည်။

(၅)

စာဖတ်ခြင်းကို အားပေးရာတွင် သိသိသာသာအားပေးခြင်း၊ မသိမသာအားပေးခြင်းများဖြင့် ပြုလုပ်နိုင်ပါ သည်။ လူငယ်များ စာဖတ်စေအောင် စွမ်းဆောင်ခြင်းတွင် စာအုပ်လက်ဆောင်ပေးသော အလေ့အထသည် သူတို့အတွက် အကောင်းဆုံးလက်ဆောင်ဟု ပြော၍ရပါသည်။ ဆုပေးပွဲများတွင် ဆုလက်ဆောင်ပေးကြ သောအခါ၌ စာအုပ်လက်ဆောင်များပေးကြသည်။ အလွန်ကောင်းမွန်သော ချီးမြှောက်ခြင်း ဖြစ်ပါသည်။

စာဖတ်နေသော လူငယ်များကို တွေ့သောအခါတွင်လည်း သူတို့တွေ ဘာစာအုပ်တွေဖတ်နေသည်ကို တစေ့တစောင်းကြည့်၍ လိုအပ်ပါက ညွှန်ပြပေးနိုင်အောင်လည်း ပြုလုပ်ရပါမည်။ ညွှန်ပြပေးနိုင်အောင် လည်း ကိုယ်တိုင်က စာဖတ်နာသူဖြစ်ဖို့ လိုပါသည်။ တခါတလေတွင်လည်း သူတို့ဖတ်နေသောစာအုပ်တွေ ကို လိုက်ဖတ်ရတာမျိုးလည်း ရှိသင့်ပါသည်။ သို့မှသာ သူ့ခေတ် သူ့အခါထွက်ရှိလာသော စာပေများကို ဖတ်သင့်သည် မသင့်သည် စသည်ဖြင့် ဝေဖန်ပေးနိုင်မည် ဖြစ်ပါသည်။ ကိုယ့်တုန်းက ဒါတွေဖတ်လို့ သူတို့ကိုလည်း ဒါတွေ ဖတ်ရမည်ဟု တရားသေ မမှတ်ထားသင့်ကောင်းပေ။

ဖတ်ထားဖူးသမျှထဲမှ စိတ်ကြိုက်တွေ့သော စာများကို စာညွှန်းသဘောလောက် ညွှန်းနိုင်ကြပါလျှင် အညွှန်းပြုစုသူကိုယ်တိုင်လည်း မှတ်တမ်းမှတ်ရာ မှတ်စုတခုအနေဖြင့် ရရှိသွားနိုင်လောက်အောင် အကျိုးရှိ၊ ဖတ်မိသူများအနေဖြင့်လည်း စာညွှန်းများမှတဆင့် မူရင်းစာအုပ်များရှာဖွေဖတ်ရှုလိုစိတ် ဖြစ်သွားနိုင် ကြသည်အထိ အကျိုးများမည်ဖြစ်သည့်အတွက် များစွာပြုစုစေချင်ပါသည်။

တပုဒ်ကောင်း တအုပ်ကောင်းတွေ့ပြီး စာဖတ်ဝါသနာပါသွားကြကာ တတ်သိပညာများ လေ့လာ ရှာဖွေရေးတွင် အထောက်အကူဖြစ်ပါနိုင်စေရန် ရည်ရွယ်ပါကြောင်း။

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အတွေးအမြင်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments