မောင်မောင်စိုး ● လွမ်းရစ်ဝေသော နေ့များ ညများ ဘဝပေါင်းများစွာ – အပိုင်း (၁၀) (မိုးမခ) ဇူလိုင် ၁၃၊ ၂၀၁၆

July 13, 2016

မောင်မောင်စိုး ● လွမ်းရစ်ဝေသော နေ့များ ညများ ဘဝပေါင်းများစွာ – အပိုင်း (၁၀)

(မိုးမခ) ဇူလိုင် ၁၃၊ ၂၀၁၆

● စာအုပ်နှင့်စာအုပ်များ
အလယ်တန်းကျောင်းသားဘဝက စာဖတ်အားသည် အထက်တန်း ကျောင်းသားဘဝ၌လည်း ဆက်သည်။ စာဖတ်ရသည် ကိုလည်း နှစ်သက်သည်။

မိမိဖခင်၏စာအုပ်ဗီရိုမှာ စာအုပ်စုံလာသကဲ့သို့ အုတ်ဖိုက တခုတည်းသော စာအုပ်ဆိုင်မှာ မိမိဖတ်ချင်သောစာအုပ် ဝယ်ခွင့် ပေးထားသည်။ တလတခါ သူကျသင့်ငွေရှင်းသည်။ မိမိဖခင်၏အားပေးမှုကြောင့်လည်း စာပိုဖတ်ဖြစ်သည်ဟု ဆိုရမည်။

အထူးသဖြင့် နိုင်ငံရေးနောက်ခံဝတ္ထုများ နိုင်ငံရေးစာပေများ နိုင်ငံရေးသမိုင်းများကို အချိန်ရလျှင် ရသလိုဖတ်ရှုလာမိသည်။ ထိုစာအုပ်များမှ မြန်မာ့နိုင်ငံရေးအခြေအနေရော ကျန်နိုင်ငံများမှ အခြေအနေရော တီးမိခေါက်မိရှိလာသည်။ နိုင်ငံရေးသ ဘောတရားစာအုပ်များမှ နိုင်ငံရေးသဘော တရားများကို တီးမိခေါက်မိရှိလာသည်။ မြန်မာပြည် ပဒေသရာဇ်မင်းဆက်ကာလ ကိုလိုနီဘဝ ကိုလိုနီ ခေတ်နိုင်ငံရေးလှုပ်ရှားမှုများ သမဂ္ဂ၏အခန်းကဏ္ဍ လွတ်လပ်ရေးအတွက် လက်နက်ကိုင်တိုက်ပွဲ ဖဆ ပလ ဖွဲ့စည်းခြင်း လွတ်လပ်ရေးရအပြီး လက်နက်ကိုင်ပုန်ကန်မှုများ အိမ်စောင့်အစ်ိုးရ စစ်တပ်မှ အာဏာသိမ်းခြင်း ကျောင်း သမဂ္ဂအဆောက်အအုံဖြို ဖျက်ဆီးခံရခြင်း ရာကျော်ကျောက်တိုင်ပြည်တွင်း ငြိမ်းချမ်းရေးဆွေးနွေးပွဲ ငြိမ်းချမ်းရေး ဆန္ဒပြပွဲ များ တရုတ်ဗမာအရေးအခင်း ဗမာပြည်ကွန်မြူ နစ်ပါတီ ပြည်တွင်းစစ်စသည့် စသည့် ပြည်တွင်းပြဿနာမျိုးစုံကိုထိတွေ့လာမိသည်။

ထို့ပြင် လူပုဂ္ဂို လ်အရ သခင်ကိုယ်တော်မှို င်း သခင်အောင်ဆန်း သခင်နု၊ သခင်သန်းထွန်း သခင်ဇင် သခင်စိုး၊ ဦးဗဆွေ၊ ဦးကျော်ငြိမ်း၊ ဗိုလ်နေဝင်း၊ ဗိုလ်ကျော်ဇော၊ ဗိုလ်ဇေယျ၊ ဗိုလ်မောင်မောင်၊ ဗိုလ်အောင်ကြီး ဗန်းမော်တင်အောင်၊ ဒဂုန်တာရာ၊ မြသန်းတင့် စသူများ၏ နိုင်ငံရေးလှုပ်ရှားမှုများ သူတို့၏စာများ အယူအဆများကိုလည်း ရင်းနှီးထိတွေ့ခဲ့ရသည်။

ထို့အတူ နိုင်ငံရပ်ခြားမှ ပြင်သစ်တော်လှန်ရေး အမေရိကန်လွတ်လပ်ရေးလှုပ်ရှားမှု၊ အိန္ဒိယနှင့်ဂန္ဒီ တရုတ်ပြည်နှင့် မော်စီ တုန်း၊ ရုရှားအောက်တိုဘာတော်လှန်ရေးနှင့် လီနင် စတာလင် ကျူဘားနှင့် ကပ်စထရို နော်မန်ဗက်သွန်းနှင့် ချေဂွေဗားရား ဗီယက်နမ်နှင့် ဟိုချီမင်း၊ ကိုရီးယားစစ်ပွဲ၊ ဒေါက်တာ မာတင်လူသာကင်း အာဖရိကတိုက်က ပက်ထရစ်လူမွန်ဘာ ကမ္ဘာတ ဝှမ်းမှ ရက်စက်ကြမ်းကြုတ်သော စစ်အာဏာရှင်များ ဗီယက်နမ်၊ ကမ္ဘောဒီးယားတို့မှ စစ်ပွဲများတို့ နှင့်ရင်းနှီးကျွမ်းဝင်လာခဲ့သည်။

အရစ္စတိုတယ်၊ ပလေတို၊ ဟီဂယ်၊ မတ်၊ အိန်ဂျယ်၊ ရောဘတ်အိုဝင်တို့၏ အယူအဆများ၊ လီနင် စတာလင်တို့၏ရုရှားတော်လှန်ရေးအတွေ့အကြုံ၊ မော်စီတုန်း၏ တရုတ်တော်လှန်ရေးအတွေ့အကြုံ၊ ထိုကာလက ဖြစ်ပွားနေသော ဟိုချီမင်း၏ ဗီယက်နမ်စစ်ပွဲအတွေ့အကြုံများနှင့် အဆိုပါအတွေ့အကြုံများမှ ထွက်ပေါ်လာသော အယူအဆသဘောတရားများနှင့်လည်း ကျွမ်း ဝင်ခဲ့သည်။ မိမိခေါင်းထဲသို့ တိုးဝင်လာသော နိုင်ငံရေးအကြောင်းအချက်များ ဒဿနများဟု ဆိုရမည်။

ထိုသို့ နိုင်ငံရေးစာပေဟုဆိုသော စာများဖတ်သကဲ့သို့ စွန့်စားခန်းဝတ္ထုများအားလည်းကြိုက်သည်။ အလန်ကွာတာမိန်း၏ တောတွင်းစွန့်စားခန်းများ ၎င်းတို့ကို မြန်မာမှုပြု၍ပြန်လည်ရေးသားထားသော ရူပစန္ဒီ၊ ရူပကလျာဏီတို့ကဲ့သို့ တောတွင်းအံ့ဖွယ်စွန့်စားခန်းများအားလည်း နှစ်သက်ခဲ့သည်။

စာအုပ်နံမည်တော့မမှတ်မိတော့ ကမ်းမမြင်လမ်းမမြင် ပင်လယ်ထဲတွင် ဖောင်ငယ်တစီးနှင့် စွန့်စားသွားလာပြီး မြေပုံပေါ်တွင် မပါသေးသည့် ကျွန်းများသို့ ရောက်သွားသည့် စွန့်စားခန်းဝတ္ထုများကိုလည်း ကြိုက်သည်။ လူငယ်တယောက်အဖို့ စွန့်စားခန်း များသည် အားကျနှစ်သက်ဖွယ်ဖြစ်ခဲ့သည်။

မိမိသည် နိုင်ငံရေးစာပေများအပြင် ကဗျာ ဝတ္ထုများ ဖတ်ရသည်ကို နှစ်သက်သည်။ ထိုစဉ်က စာပေနယ်တွင် အယူအဆ ၂ ခုပြင်းပြင်းထန်ထန် ငြင်းခုန်နေသည်ကို တွေ့ရသည်။ ၎င်းမှ “အနုပညာသည် ပြည်သူ့အတွက်” နှင့် “အနုပညာသည် အနုပညာအတွက် ” ဟူသော အယူအဆများဖြစ်သည်။

အနုပညာသည် ပြည်သူ့အတွက်ဆိုသူများကလည်း ပြည်သူလူထုဖက်က မရပ်တည်လျှင် ဖောက်ပြန် သည်ဟု ဆိုသည်။ ထိုမှတဆင့် တော်လှန်စာပေဟု ကြွေးကြော်ရပ်ခံသူများလည်း ရှိလာသည်။ အနုပညာသည် အနုပညာအတွက်ဆိုသူ များကလည်း အနုပညာပစ္စည်းများသည် အနုပညာမြောက်ရမည်ဟုဆိုသည်။ အနုပညာသည် ပြည်သူအတွက် ဆိုသူများ အားလည်း အနုပညာဆိုသည်မှ လူတွေအတွက်မဟုတ်လို့ တိရိစ္ဆာန်အတွက် ဖန်တီးရေးသားသည့် အနုပညာရှိလို့လားဟု ပြန်လည် ထေ့ငေါ့သည်။ အတော်ပွဲဆူသည်ဟု ဆိုသည်။ အပြန်အလှန်ဆွေးနွေးငြင်းခုံကြသလို အပြန်အလှန်လည်း ထိုးနှက်တိုက်ခိုက်ခဲ့ကြသည်။

ထို့ပြင် စာပေနယ်၌ သရုပ်ဖော်ဝါဒ သရုပ်မှန်ဝါဒတို့ကို ငြင်းခုန်နေကြစဉ်အတွင်း အိတ်ဇစ်စတန်ရှယ် လစ်ဇင်ဟုခေါ်သော ဖြစ်တည်မှုပဓာနဝါဒဟူသော စာပေအယူအဆတခုလည်း စာပေနယ်အတွင်း ဝင်ရောက်လာသည်။ ငြင်းကြခုံကြ ဆွေးနွေး ကြဖြင့် အတော်ပွဲဆူသည့်ကာလဟု ဆိုရမည်။

လေးလုံးစပ် ဒွေးချိုး လေးချိုးတို့နှင့် အသားကျနေသော ကဗျာနယ်ပယ်တွင် ကာရန်မဲ့ ကဗျာဆိုသည် ဝင်လာသည်။ ရစ်သမ်ကိုအသားပေးလာသူလည်း ရှိသည်။ ကာရံမဲ့ကဗျာကို လိုလားနှစ်သက်သူ များက လူငယ်များဖြစ်ကြသည်။

လူကြီးများက နှာခေါင်းရှုတ်ကြသည်။ မြန်မာ့ကဗျာလောကကြီးပျက်စီးပါပြီဟု ငိုချင်းချသူလည်း ရှိသည်။ အသစ်နှင့်အဟောင်း ၏ပဋိပက္ခ လူငယ်နှင့်လူကြီးများကြားက ပဋိပက္ခ မတူသော အယူအဆများ၏ ပဋိပက္ခများကြားတွင် စာပေလောကသည်၎င်း၊ လူအဖွဲ့အစည်းသည်၎င်း၊ လှုပ်ရှား ရှင်သန်၍နေသည်။

တကယ်တော့ ထိုကာလက မိမိသည် ၁၅/၁၆ မျှသာရှိသေးသည့်အရွယ် ရင်ခုန်တတ်သည့်အရွယ် ဖြစ်သည်။ အချစ်ကို စူးစမ်းထိတွေ့ခံစားနေသည့်အရွယ်လည်း ဖြစ်သည်။ မိမိဖတ်မိသည့်အချစ်ဝတ္ထု များထဲမှ ထူးခြားသည်ကိုလည်း ဖော်ပြလိုသည်။ တခုကတော့ ဝတ္ထုမဟုတ် ရုပ်ပြကာတွန်းဖြစ်သည်။ ကာတွန်းမြင့်သိန်း၏ စံရွှေမြင့် ရုပ်ပြကာတွန်းဖြစ်သည်။ စံရွှေမြင့်က စထွက်ကာစက ဟာသကာတွန်းပုံ ဖြစ်သော်လည်း နောက်ပိုင်းတော့ ရုပ်ပြလိုင်းပြောင်းသည်။ ဇတ်လမ်းတွေက ကောင်းလာ သည်။ နောက်ပိုင်းတွင် ရုပ်ရှင်ပင်ရိုက်ရသည်။ စထွက်ခါစက ပြား ၆၀ နောက်ပိုင်း တစ်ကျပ်ပေးရသည့် စံရွှေမြင့်ရုပ်ပြကို လစဉ် စောင့်ဖတ်ခဲ့ရသည်။ ဆယ်ကျော်သက်တို့အကြို က်ဖြစ်သည်။ နောင်ဆယ်နှစ်ကျော်ခန့်အကြာတွင် စံရွှေမြင့်ဇတ်လမ်း ထဲမှ စာသားများကိုအလွတ်ရွတ်ပြနိုင်သည့် သူငယ်ချင်းတယောက် ဆုံရဖူးသည်။

တက္ကသိုလ်ဘုန်းနိုင်၏ လွမ်းတေးမဆုံးစေနှင့်စောသခင်မှ ကွင်းမေရီသင်္ဘောပေါ်မှ အခန်းများကိုနှစ်သက်သည်။ သူငယ်ချင်း လို့ပဲ ဆက်၍ခေါ်မည် ခိုင်ထဲက ကြိုင်၊ မြိုင်၊ ခိုင် လှိုင်တို့ကိုလည်း စွဲလမ်းနှစ်သက်ခဲ့ဖူးသည်။

တက္ကသိုလ်ဘုန်းနိုင်သည် ညီမလေးရယ်စိုးရိမ်မိတယ်ဆိုသည့်စာအုပ်တွင်တော့ ကွန်မြူနစ် ဆန့်ကျင်ရေးကို ဖော်ကျူးရေး သားထားသည်ကို တွေ့ရသည်။

အစအဆုံး တအုပ်မှမဖတ်ဖူးဘဲ ကိုးကားစာအုပ်အဖြစ်သဘောထားခဲ့ အချစ်ကျမ်းပြုဆရာများ၏စာအုပ်များလည်း ဆောင်ရ သည်။ ထိုစာအုပ်များမှာ မြင့်ကျော်၊ မြင့်နီ၊ ကရမက်တို့ စုပေါင်းရေးသားသော “ချစ်ဦးသူတို့ပေးစာများ” ဖြစ်သည်။ ၂ ကျပ်တန် အတွဲ ၂၀ ကျော်ခန့်ထွက်သည်ထင်သည်။ မိမိတို့လည်း ထိုစာအုပ်ထဲမှ ဟိုနားကတပိုဒ် ဒီနားက တပိုဒ်ကူးချပေါင်း စပ်ပြီး ရည်းစားစာရေးရသည်။ ပြီးတော့ပေးရသည်။ မိမိအဖို့ ပထမဆုံးကျမ်းကိုး ကျမ်းကားနှင့် ရေးသောစာများသည် အောင်မြင်မှုမရခဲ့။ ရှုံးနိမ့်မှုနှင့်ကြုံခဲ့ရသည်။

ထူးထူးခြားခြား မိမိမှတ်မိသော ဝတ္ထုစာအုပ်အုပ်တွဲ တတွဲရှိသည်။ မိမိမွေးဖွားစဉ်ကာလလောက်က ထုတ်သောစာအုပ်များ ဖြစ်သည်။ အသိမ်းအဆည်းကောင်းသော ပုသိမ်အိမ်မှ စာအုပ်ဘီရိုအားမွှေနှောက်ရင်း ဖတ်ကြည့်ခွင့်ရခဲ့သည်။ လင်းယုန်နီ ရေးသော ဝတ္ထုစာအုပ်အတွဲဖြစ်သည်။ “မြင့်” “မမ”၊ “မမမြင့် “၊ “ချစ်မမ”၊ “ချစ်မမမြင့်” ၊ ချစ်သောမမ ချစ်မမ” တို့ဖြစ်သည်။
၆ အုပ်တွဲ ဖြစ်သည်ဟုထင်သည်။ လွတ်လပ်ရခါစ နိုင်ငံရေးနောက်ခံ လှုပ်ရှားမှုများတွင် ရုံးစာရေးမတဦးဖြစ်သော မမမြင့်နှင့် တက္ကသုိလ်ကျောင်းသား မောင်စောလွင်တို့၏အချစ်ဇာတ်လမ်းကို ပုံဖော်ထားသည်။ ပညာတတ်တို့၏ တွေဝေတတ်မှုနှင့်ကြောင်တောင်တောင်နိုင်မှုကိုလည်း ပုံဖော်ထားသည်။ ထိုခေတ်ကာလကိုလည်း ကောင်းကောင်းတွေ့မြင်ရသည်။ စွဲမက်ခဲ့ရသည့်ဝတ္ထု တပုဒ်ဖြစ်ခဲ့သည်။

ထိုခေတ်က လစဉ်ထုတ်မဂ္ဂဇင်းများ ပုံမှန်စာအုပ်များသည် တအုပ် ၂ ကျပ် နည်းနည်းထူလျှင် ၃ ကျပ်ပေးရပြီး အထူဆုံးစာ အုပ်မှ ၅ ကျပ်ခန့်သာပေးရသည်။ မိမိဖခင်ကိုယ်တိုင်ကလည်း စာဖတ်ဝါသနာပါ အိမ်မှာလည်း စာအုပ်စင်ရှိ သည့်ပြင် စာဖတ်သည်ကိုလည်း အားပေးခံရသဖြင့် ငယ်စဉ်ကထဲ စာအတော်ဖတ်ဖြစ်ခဲ့သည်။ စာဖတ်နေရလျှင် ထမင်းမေ့ဟင်းမေ့ ဖြစ်သည်။စာအုပ်သည် မိမိ၏ဘဝအစိတ်အပိုင်း ဖြစ်သည်။ စာအုပ်မှ အသိအမြင် အတွေ့အကြုံစဉ်းစားတွေးခေါ် မှုများ သည်လည်း မိမိစဉ်စားလုပ်ကိုင်မှုများကို အထောက်အကူပြု ခဲ့သည်။

● ၁၉၇၀ စုနှစ်များ၏နိုင်ငံတကာလေထု
ဒုတိယကမ္ဘာစစ်အပြီး ကိုလိုနီနိုင်ငံအများအပြား လွတ်လပ်ရေးရခါစ အချိန်ဖြစ်သည်။ သို့သော် ထိုနိုင်ငံအများစုသည် မ တည်ငြိမ်နိုင်သေး။

မြန်မာအပါ လွတ်လပ်ရေးရခါစနိုင်ငံများတွင် စစ်အာဏာရှင်များပြန်လည် မင်းမူသည်။ မည်သို့သော အစိုးရတက်သည်ဖြစ်စေ နယ်ချဲ့ဆန့်ကျင်ရေးပဒေသရာဇ်ဆန့်ကျင်ရေး အမျိုးသားလွတ်မြောက်ရေး သည် ထိုစဉ်က နိုင်ငံတကာတွင် လွှမ်းခြုံနေသော အသာစီးရနေသော အယူအဆဖြစ်သည်။ အားလုံးက နယ်ချဲ့ဆန့်ကျင်ရေး ပဒေသရာဇ်ဆန့်ကျင်ရေးကို ကြွေးကြော် နေကြသည်။

၁၉၁၇ ရုရှား အောက်တိုဘာတော်လှန်ရေးအောင်ပွဲနှင့် ၁၉၄၉ ခုနှစ် တရုတ်ကွန်မြူနစ်ပါတီက တရုတ် ပြည်တွင် လက်နက် ကိုင်တော်လှန်ကာ ကျန်းခဲ့ရှိတ် (ချန်ကေရှိတ်) အစိုးရအား တိုင်ဝမ်ကျွန်းသို့ မောင်းထုတ်ပြီး တရုတ်ပြည်အားသိမ်းပိုက်လွတ်မြောက်နိုင်ခဲ့သည့်အောင်ပွဲသည် အရှေ့တောင်အာရှနိုင်ငံများအပါ ကမ္ဘာကြီးအား ကောင်းစွာဂယက်ရိုက်သည်။ အထူး သဖြင့် ကိုလိုနီဘဝတွင် ရှိနေဆဲနှင့် လွတ်မြောက်ခါစနိုင်ငံများတွင် လက်ဝဲဝါဒအယူအဆ လွှမ်းမိုးသြဇာ ကောင်းနေသည်။ အရှေ့လေတိုက်နေသောအချိန်ဖြစ်သည်။ ကွန်မြူနစ်ဝါဒကို ဆန်ကျင်သော ကွန်မြူနစ်များက်ို ဆန့်ကျင်နေသူများပင် ဆိုရှယ်လစ်ဆိုသောစကားသုံး၍ လူထုအားချွေးသိပ်စည်းရုံးနေရသည့်ကာလဖြစ်သည်။ ဆင်းရဲသော ခေတ်နောက်ကျသော မဖွံ့ဖြိုးသောတိုင်းပြည်များအတွက် အလုပ်သမား လယ်သမားများအတွက်ဟု ကြွေးကြော်ခဲ့သောရုရှား တရုတ်အပါနိုင်ငံ အချို့တွင် အောင်ပွဲခံနိုင်ခဲ့သော ကွန်မြူနစ်ဝါဒသည်ဆင်းရဲသားဝါဒ ဘုံဝါဒအဖြစ် ရေပမ်းစားနေသည်ဟု ဆိုရမည်။

ထိုစဉ်က အနောက်လေဟုဆိုနိုင်သည့် ဒီမိုကရေစီနှင့် လူအခွင့်အရေးဆိုသည် ရေပန်းမစားချေ။ စစ်ရှုံးသွားသော ဂျပန် ဂျာမဏီ အီတလီတို့လည်း အသံမထွက်နိုင်။ ပြင်သစ်အပါ ဥရောပနိုင်ငံများမှာလည်း စစ်ကြောင့် နလံထူနိုင်အောင် ကြိုးစား နေရသည့်အချိန် ဖြစ်သည်။ နေမဝင်အင်ပါယာကြီးထူထောင်နိုင်ခဲ့သော အင်္ဂလန်သည်လည်း ဒုတိယကမ္ဘာစစ်အပြီး ကိုလိုနီ နယ်ပယ်အများစုကို စွန့်လွှတ်ခဲ့ ရပြီးနောက် နိုင်ငံတကာနယ်ပယ်တွင် သြဇာများစွာ ဆုတ်ယုတ်နေခဲ့သည်။

ထိုစဉ်ကာလက စစ်ရေးရော စီးပွားရေးရောထောင်တက်နေသည်မှာ အမေရိကန်ဖြစ်သည်။ ထိုသို့ ထောင်တက်နေသည့် အင်အားသြဇာအရှိန်အဝါတို့ဖြင့် ကမ္ဘာပြဿနာနေရာတကာတွင် အမေရိကန်တို့ ပါဝင်စွက်ဖက်နေ၍ ကမ္ဘာ့ပုလိပ်ကြီး ငပွကြီးအဖြစ် သမုတ်ခံနေရသော အခြေအနေ ဖြစ်သည်။

ထို့ပြင် အာရှ၌ ကိုရီးယားစစ်ပွဲ ဗီယက်နမ် ကမ်ပူကျဲနှင့် လာအိုစသည့် အင်ဒိုချိုင်းနား ၃ နိုင်ငံတွင် စစ်ရေးအရ အင်အားအလုံး အရင်းသုံး၍ ဝင်ရောက် တိုက်ခိုက်နေသည်။ ကိုရီးယားစစ်ပွဲက အမေရိကန်တို့ နိုင်ငံရေးအရ သိပ်မထိခိုက်ဟုဆိုနိုင်သော်လည်း အင်ဒိုချိုင်းနားကျွန်းဆွယ် အဓိက ဗီယက်နမ်စစ်ပွဲဝင်ရောက်တိုက်ခိုက်နေသော အမေရိကန်အား တတိယကမ္ဘာနိုင်ငံများကပြင်းပြင်းထန်ထန်ဆန့်ကျင်နေကြသည်။ အမေရိကန်နယ်ချဲ့သမားဟု ကင်ပွန်းတပ်ကြသည်။ ထိုပြင်ဗီယက်နမ်စစ်ပွဲအတွင်းမှ စစ်ရာဇဝတ်မှုများကြောင့် သိက္ခာများစွာကျဆင်းနေသည့် အချိန်ဖြစ်သည်။

ထိုကာလက နိုင်ငံတကာတွင်သာမ အမေရိကန်ပြည်တွင်းတွင်လည်း ဗီယက်နမ်စစ်ပွဲ ပြင်းပြင်း ထန်ထန် ဆန့်ကျင်ကန့်ကွက် နေကြသည်။ ထို့ပြင် ယနေ့ လူမဲသမ္မတ အုပ်ချုပ်၍ ဒီမိုကရေစီနှင့် လူ့အခွင့်အရေးကြွေးကြော်နေသည့် ကမ္ဘာရှေ့ဆောင်ဒီမိုကရေစီနိုင်ငံဆိုသည့်အမေရိကန်နိုင်ငံကြီးတွင် လူဖြူလူမဲ ခွဲခြားမှုကြောင့် လူမဲများများက ပြင်းထန်စွာ ဆန့်ကျင်ကန့် ကွက်နေကြသည်။ ကေသုံးလုံးခေါ် လူဖြူအစွန်းရောက်အဖွဲ့များက လူမဲများအား တရားလက်လွတ်တိုက်ခိုက်ခဲ့ကြသည်။ လူမဲစီးခွင့်မရသော ဘတ်စကားလိုင်းများလူမဲနှင့်ခွေးမဝင်ရ ဆိုင်းဘုတ်ချိတ်ထားသောဆိုင်များသည် ထိုစဉ်အမေရိကန်၏ ပြဿနာများအဖြစ် တည်ရှိခဲ့သည်။

အမေရိကန်လူဖြူ လူမဲ ခွဲခြားမှုဆန့်ကျင်ရေးတိုက်ပွဲတွင် ရှေ့တန်းရောက်သည့် လူမဲခေါင်းဆောင်မှာ ဒေါက်တာမာတင်လူသာကင်းဂျူနီယာဖြစ်သည်။ မာတင်လူသာကင်းသည် ၁၉၅၇ ခန့်မှစ၍ လူမဲအခွင့် အရေးအတွက်တိုက်ပွဲဝင်ခဲ့သည်။ ၁၉၆၃ ခုနှစ် ဝါရှငင်တန်ချီတက်ပွဲတွင် ပြောကြားခဲ့သော “ကျနော့်မှာ အိပ်မက်တခုရှိတယ်” ဆိုသည့် မာတင်လူသာကင်း၏မိန့်ခွန်းသည်ကျော်ကြားခဲ့သည်။ ၁၉၆၄ တွင် နိုဘယ်ငြိမ်းချမ်းရေးဆု ချီးမြှင့်ခြင်းခံရသော မာတင်လူသာကင်းသည် ၁၉၆၈ ခုနှစ် လူထု လှုပ်ရှားမှုတွင် လုပ်ကြံသတ်ဖြတ်ခံရသည်။ သူကွယ်လွန်ပြီးနောက် အမေရိကန်မြို့ကြီးများစွာတွင် ဆူပူအုံကြွမှုများဖြစ် ပွားခဲ့သည်။ မာတင်လူသာကင်းသည် လူမဲအခွင့်အရေး အတွက်သာမက ဗီယက်နမ်စစ်ဆန့်ကျင်ရေး တွင်လည်း တက်ကြွ စွာပါဝင်လှုပ်ရှားခဲ့သည်။

ထို့ကြောင့် ထိုစဉ်ထိုကာလက အမေရိကန်သည် သူ့ပြည်တွင်းမှာပင် လူမဲပြဿနာ ဒီမိုကရေစီနှင့် လူ့အခွင့်အရေးပြဿနာများ ဖြင့် ရင်ဆိုင်ဖြေရှင်းနေရသည်ဖြစ်ရာ ထိုစဉ်ကအနောက်လေအားပျော့၍ အရှေ့လေအားကောင်းနေသည်မှာ မထူးဆန်းပေ။

ထို့ ပြင် အမေရိကန်တန်းတူ အနုမြူလက်နက်ပိုင်ဆိုင်ပြီး အာကာသသို့ လူလွှတ်နိုင်စွမ်းရှိနေပြီ ဖြစ်သော ဆိုဗီယက်ရုရှားသည် သူပါတီတွင်း အယူအဆရေးရာပြဿနာများဖြင့် ရှုပ်ထွေးနေသည်။ ထို့ ပြင် ဆိုဗီယက်တို့သြဇာသည် အရှေ့တောင်အာရှတွင် ညောင်းလှသည်မဟုတ်ချေ။

ဆက်လက်ဖော်ပြပါမည်
Mg Mg Soe (မောင်မောင်စိုး)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, မောင်မောင်စိုး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

MoeMaKa Monthly July 2017 ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်