နေနေ ● ကျနော် .. အီးယားရင်းသမား

July 26, 2016

နေနေ ● ကျနော် .. အီးယားရင်းသမား
(မိုးမခ) ဇူလိုင် ၂၄၊ ၂၀၁၆
 

(၁)
သူငယ်တန်း ဆိုပေမယ့် ကျနော် မှတ်မိနေပါပြီ၊၊ ကျနော် ငယ်ငယ်ကနေတဲ့ ကျောင်းကအခန်းတွေ ဖွဲ့မထားပါဘူး။ ဟောကြီး ထဲမှာ အတန်းတွေကို ဒီလိုပဲ သူ့ အကန့်နဲ့သူ ခွဲထားတဲ့သဘောပါပဲ၊ တကျောင်းလုံးမှာ ဆရာမနှစ်ယောက်လောက်ပဲ ရှိတယ်၊ တခါတလေ တယောက်တည်းရယ်၊ ဒါကြောင့် တတန်းပြီးတတန်း လှည့်သင်နေရတာပေါ့၊ ဒီလိုနဲ့ တခြားအတန်းတွေကို သင်တဲ့အခါဆိုရင် နောက်တတန်းက အားနေတတ်တယ်၊ ကစားချိန်ပေးရင်ပေး၊ မဟုတ်ရင် အတန်းထဲမှာ ငြိမ်ငြိမ်နေ၊ သို့မဟုတ်ရင် တခုခု လုပ်ခိုင်းထားတယ်၊ ဒီလိုနဲ့ပေါ့…။

အဲဒီတုန်းက ကျောင်းအပ်ပြီးခါစ ကျနော်တို့ စာတောင် ကောင်းကောင်းမသင်ရသေးပါဘူး။ စာသင်တဲ့ စံနစ်ကလည်း စာ တပုဒ်ကို ဆရာမက ရှေ့ကနေ နှစ်ခေါက် သုံးခေါက် တိုင်ပေးမယ်၊ ကျောင်းသားတွေက နောက်ကနေ လိုက်ဆိုမယ်၊ ပြီးရင် ကျောင်းသားတွေထဲက တော်တဲ့ တယောက်က (ရသွားတဲ့ တယောက်က) တိုင်ပေးမယ်၊ ကျန်တဲ့ကျောင်းသားတွေက လိုက်ဆိုမယ်၊ အားလုံးရသွားတဲ့အခါ တတန်လုံး ညီညီညာညာဆိုမယ်၊ ဒါဆို ရပြီ၊၊ နောက်တပုဒ် တက်လို့ ရပြီပေါ့၊ ဒီလိုနဲ့ပေါ့…။ တနေ့မှာ… နှစ်တန်းမှာ နိုင်ငံတော် အလံအကြောင်း သင်တယ်၊ သင်နေကြအတိုင်းပဲပေါ့၊ ဆရာမ တိုင်တယ်၊ ကျောင်းသားတွေက လိုက်ဆိုတယ်။ ပြီးတော့ အတန်းထဲက အတော်ဆုံး ကျောင်းသားတယောက်ကို တိုင်ခိုင်းတယ်၊ မဖြောင့်ဘူး၊ ဆရာမက နောက်တခေါက် ထပ်တိုင်တယ်၊ ထပ်ဆိုခိုင်းတယ်။ မဖြောင့်သေးဘူး။ ဒီအချိန်မှာ ဇာတ်လိုက်ဖြစ် လာမယ့် ကျနော်က သူငယ်တန်း ခုံမှာ ထိုင်နေရင်းနဲ့ နှစ်တန်းက ဆရာမတိုင်တာတွေကို လိုက်ဆိုနေရင်းနဲ့ တို့ (ဒို့) အလံအကြောင်းကို အလွှတ်ရသွားတယ်။ သူငယ်တန်းခုံမှာ ထိုင်နေရင်းနဲ့ အလွှတ်ဆိုနေပြီ၊၊ ဆရာမတွေ့တော့ ကျနော့်ကို နှစ်တန်းဆီကို ခေါ်တယ်၊ ပြီးတော့ တိုင်ခိုင်းတယ်၊ သူငယ်တန်းကျောင်းသား ကျနော်က ရှေ့ကတိုင်.. နှစ်တန်း ကျောင်းသားတွေက နောက်ကနေ ညီညီညာညာ လိုက်ဆိုပေါ့… ကျနော် နာမည်ကြီးသွားတယ်။ အဲဒီတုန်းက ကျနော် ကကြီး ခခွေးတောင် မသိသေးပါဘူး၊ ကြားတဲ့ အသံကို မှတ်မိပြီး အလွတ်ရသွားတာပါ၊

(၂)
ကျနော်တို့ မောင်နှမတွေက နှစ်နှစ်ဆီကွာတယ်ဗျ။ ဒါပေမဲ့ မိဘတွေက အတန်းတွေကိုတဆက်တည်း ဖြစ်အောင် စီစဉ်ထားတယ်။ စာအုပ်ဖိုးး၊ အ၀တ်အစားဖိုးကလည်း အကုန်အကျ အများကြီး မခံရ ဘူးပေါ့၊ အလွန် အီကိုနော့မစ်ဆန်တဲ့ အစီအစဉ်ပေါ့။ စာအုပ်တွေ၊ အ၀တ်စားတွေ၊ ထီး၊ ဖိနပ်က အစ အဆင့်ဆင့် လက်ပြောင်းယူကြတယ်၊ အားလုံး ဒီလိုပါပဲ။ ကျနော်ဆိုရင် ငယ်ငယ်က ကျနော့် အစ်ကို ဆီက “အကျ” တွေပဲ ၀တ်ရတယ်၊ သုံးရတယ်။ ထားတော့။ ဆိုခဲ့တဲ့အတိုင်း ကျနော် အထက်က အစ်ကို တယောက်၊ နို့ညှာက အစ်မ၊ ကျနော်ကတော့ အထွေးဆုံး (နို့စို့) ပေါ့၊ အတန်းတွေက ဆက်တိုက်ပဲ၊ အစ်ကိုကသုံးတန်းဆိုရင် အစ်မက နှစ်တန်း၊ ကျနော်က တတန်းပေါ့၊ ကျနော် အစ်ကို စာကျက်ရင် အသံကိုမထွက်ဘူး၊ ထွက်ရင်လည်း ဗလုံးဗထွေ၊ မသဲကွဲဘူး၊ ကျနော့်အစ်မကျတော့ စာထွက်ရင် အသံထွက်ပြီး ကျက်တယ်၊ အဲဒီတော့ အီးယားရင်းသမား ကျနော်နဲ့ အံကိုက်ပဲပေါ့။ ဒါကြောင့်လို့ ထင်တယ်။ ကျနော်က သုံးတန်းဆိုရင် လေးတန်းစာလည်း ရနေတယ်၊ ငါးတန်းရောက်ရင် ခြောက်တန်း စာလည်း ရနေတယ်။ ကျနော့် အစ်မ အော်ကျက်တဲ့စာတွေကို ကျနော်ရနေတယ်။ ကျောင်းဖွင့်တဲ့အခါ တခြား အတန်းဖော်တွေထက် ကျနော်အမြဲတမ်း ခေါင်းတလုံး သာနေတယ်၊ ထူးထူးခြားခြား စာမကြိုးစားရဘဲနဲ့ အတန်းတိုင်းမှာ ဆုရတယ်၊ လေးတန်းဆိုရင် တနယ်လုံးမှာ နံပါတ် (၁) ဖြစ်ခဲ့တယ်။ ဒီလိုနဲ့ ကျောင်းသားဘ၀ကို အီးယားရင်းနဲ့ ဖြတ်သန်းလာ လိုက်တာ ဆယ်တန်းရောက်တဲ့အထိ၊ အောင်သွားတဲ့ အထိပါပဲ။ ဒီလိုနဲ့ တက္ကသိုလ်ရောက်တော့ ကျနော်စာအလွန်ညံ့သွားတယ်။ မိဘတွေဆို မယုံနိုင်အောင် ဖြစ်ကြတယ်။ ဒီကောင် ဘာဖြစ်တာလဲ၊ ရည်းစားထားလို့လား၊ တခြားမှာ အာရုံလွဲနေတာလား၊ စသဖြင့်ပေါ့။

တခါမှာ ကျနော့် အဖေက ကင်မရာတွေရော၊ နားကျက် ကက်ဆက်ကိုပါ သိမ်းဖို့ အမိန့်ထုတ်ဖူးတယ်၊ ထားတော့၊ ပြန်စဉ်းစားကြည့်တော့ အားလုံးနဲ့ ဆိုင်ပါလိမ့်မယ်။ ပထမအကြောင်းက ကျနော် ၀ါသနာ မပါတာပါ၊ ကျနော်က ၀ိဇ္ဇာဘက်မှာ၊ အတွေးအခေါ်ပိုင်းမှာ စိတ်ဝင်စားတယ်၊ အမှတ်မီလို့ အင်ဂျင်နီ ယာကျောင်းကို ပို့လိုက်တော့ စိတ်မ၀င်စားဘူး၊ စာလိုလို၊ ကဗျာလိုလို၊ လိုလို လုပ်နေတယ်။ အတွေးသမား၊ အငေးသမား၊ အဆွေးသမားဆိုပါတော့.။ ဒါက တပိုင်းပါ။ အဲဒီအချိန်မှာ အမှတ် မကောင်းတဲ့ ကျနော့်အစ်မက ပထ၀ီမေဂျာနဲ့ အဝေးသင်ပဲ တက်တယ်၊ ကျောင်းဆရာမလုပ်နေတယ်။ အီးယားရင်းသမား ကျနော်က နည်းပညာတက္ကသိုလ်ရောက်သွားတယ်။ ကျနော့်အတွက် ဒုက္ခပေါ့။ သူငယ်ချင်းတွေနဲ့ အဆောင်ငှားနေတော့လည်း တယောက်တခန်းစီ။ စာအော်ကျက်တဲ့ သူငယ်ချင်း တွေလည်း တယောက်မှမရှိတော့ဘူး။ ငယ်ငယ်တုန်းကလို ကျနော့်အစ်မက စာအော်ကျက်လို့ ကြားဖူးနားဝရှိနေတဲ့ စာတွေလည်း မရှိတော့ဘူး။ အားလုံး အစိမ်းသက်သက်ပေါ့၊ စာမေးပွဲ ခဏခဏ ပြန်ဖြေရတယ်။ အခု ပြန်စဉ်းစားကြည်တော့ ကျနော်ညံ့သွားတဲ့ကိစ္စမှာ အီးယားရင်းနဲ့ ဆိုင်တယ်လို့ တွေးမိတယ်။

(၃)
အခုတော့ အီးယားရင်းက ငယ်ငယ်တုန်းကလောက် မကောင်းတော့ပါဘူး။ တခုခုဆိုရင် တယောက် က ပြောတာလား၊ ဖတ်ဖူးတာလား၊ ကြုံဖူးတာလား မနည်းပြန်စဉ်းစားရတယ်။ Visual ပိုင်းလည်း အားနည်းနေပါပြီ၊ ပြီးတော့ ကိုယ့်ဘ၀နဲ့ ကိုယ်..။ အနားမှာ လမ်းညွန်ပြသဆုံးမပေးမယ့် မိဘလည်း မရှိ၊ ဆရာသမားလည်းမရှိဆိုတော့ တခါတလေ အီးယားရင်းနဲ့ဖြတ်သန်းခဲ့တဲ့အချိန်တွေကို သတိရ တယ်။ ဒါပေမဲ့ ဘ၀ဆိုတာက အီးယားရင်းနဲ့ ဖြတ်သန်းလို့ ရတာမျိုးမဟုတ်ပါလားလို့ သဘောပေါက်တဲ့ အခါလည်း တခုခုကို လွမ်းသလို၊ စိတ်ထဲမှာ ဟာတာတာရယ်…။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာစုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)