ခင်စန္ဒာမြင့် ● ဒုတိယတန်းစားမဟုတ်သည့် TVET ပညာရေး

July 27, 2016


ခင်စန္ဒာမြင့် ● ဒုတိယတန်းစားမဟုတ်သည့် TVET ပညာရေး
(Education Digest / မိုးမခ) ဇူလိုင် ၂၇၊ ၂၀၁၆

“နည်းပညာနှင့် သက်မွေးပညာရေး Technical Vocational Education and Training (TVET)” လို့ ပြောလိုက်မယ်ဆိုရင် ယနေ့ခေတ်လူအများစု တွေးထင်လိုက်တာက နည်းပညာတက္ကသိုလ်တွေကိုပါပဲ။ တကယ်တော့ မြန်မာနိုင်ငံမှာ နည်းပညာနှင့်သက်မွေးပညာရေးကို ဦးစီးဌာန တခုအနေနဲ့ ပညာရေးဝန်ကြီးဌာနလက်အောက်မှာ ၁၉၇၂ ခုနှစ် မတ်လ ၁၅ ရက်နေ့ကတည်းက စတင်ဖွဲ့စည်း တည်ထောင်ခဲ့တဲ့ မှတ်တမ်းရှိပါတယ်။ နည်းပညာ ပြည့်ဝတဲ့ ကျွမ်းကျင်လုပ်သားတွေကို မွေးထုတ်ပေးနိုင်ဖို့အတွက် ရည်ရွယ်တည်ထောင်ခဲ့ခြင်းပါ။ နိုင်ငံတနိုင်ဖွံ့ဖြိုးဖို့၊ ဆင်းရဲမွဲတေမှု လျှော့ချနိုင်ဖို့၊ စဉ်ဆက်မပြတ် ရေရှည် တိုးတက်မှု လမ်းကြောင်းအပေါ်တင်ဆောင်နိုင်ဖို့ဆိုရင် ကျွမ်းကျင်လုပ်အားတွေ အများအပြားလိုပါတယ်။

TVET ပညာရေး ဆိုတဲ့သဘောသဘာဝဟာ လူငယ်တွေ ဝါသနာပါရာ စက်မှု လက်မှု နည်းပညာ အတတ်ပညာရပ်များကို စူးနစ် လေ့လာလိုက်စားရင်း ကျွမ်းကျင်ရာ လိမ္မာစေပြီး နိုင်ငံအတွက် သားကောင်း၊ တိုင်းပြည်စီးပွားအတွက် လုပ်အားကောင်းတွေ မွေးထုတ်ပေးနိုင်ခြင်းပါ။ Skill ၊ Knowledge နဲ့ Attitude ဆိုတဲ့ လုပ်ငန်းကျွမ်းကျင်မှု၊ ဗဟုသုတ အသိ အတတ်ပညာ ပြည့်စုံတဲ့ ကျွမ်းကျင်လုပ်သားတွေဟာ တိုင်းပြည်ရဲ့ အဖိုးမဖြတ်နိုင်အောင် တန်ဖိုးရှိတဲ့ လူသားအရင်းအမြစ်ကောင်းတွေ ဖြစ်ပါတယ်။

ဒီလို ရင်းမြစ်အများစုကို နိုင်ငံတကာမှာ တက္ကသိုလ်တွေက မွေးထုတ်ပေးနေတာမဟုတ်ပါဘူး။ ဒီနိုင်ငံ့ကုန်ထုတ်လုပ်အား ရင်းမြစ်အတွက် စက်မှု၊ နည်းပညာ သင်တန်းကျောင်းတွေက အဓိကပေးနေတာပါ။ စင်ကာပူနိုင်ငံက Plolytechnic ကျောင်းမျိုးနဲ့ သြစတြေးလျနိုင်ငံဆိုရင် Technical and Further Education (TAFE) ကျောင်းလိုမျိုးတွေပါ။

မြန်မာပြည်က လူငယ်များကြား အထက်တန်းအောင်မြင်အပြီးမှာ စင်ကာပူသွားကာ ပိုလီတက္ကနစ် ကျောင်းတက်ဖို့ ရေပန်းစားလာခဲ့တာ ဆယ်စုနှစ်တခုတောင်ကျော်လာပါပြီ။ ဒါပေမယ့် အလားတူ အသက်မွေးဝမ်းကျောင်းပညာသင်ကျောင်းတွေ မြန်မာပြည်မှာ အထင်ကရ ရှိခဲ့တယ်၊ ဒီလို ကျောင်းတွေက ဆင်းခဲ့တဲ့ ကျောင်းသားဟောင်း အများအပြားဟာ ပြည်တွင်းနဲ့ နိုင်ငံတကာမှာ အလုပ်ကောင်း၊ နေရာကောင်းတွေယူသူယူ၊ စက်မှုလက်မှုစီးပွားရေး လုပ်ငန်းရှင်ကြီးတွေ ဖြစ်သူဖြစ် အများကြီး ရှိခဲ့ပါတယ်။

ဟိုအရင်ကဆို အသက်မွေးပညာရေးကျောင်းတွေ၊ စက်မှုလက်မှု သိပ္ပံ ကျောင်းတွေဟာ လူတန်းစားမရွေး သွားရောက် သင်ကြားလိုတဲ့ နေရာတွေ ဖြစ်ခဲ့ပါတယ်။ စာရေးဆရာ ဒါရိုက်တာ ဆရာ သာဓုသား အဆိုကျော် စာရေးဆရာ ရုပ်ရှင်မင်းသားကြီး သုမောင် တယောက် သူတို့ ခေတ်အခါ သူငယ်စဉ်က ဝါသနာပါရာ နတ်မောက်လမ်း စက်မှုလက်မှု အထက်တန်းကျောင်းကို တက်ခဲ့ပါတယ်။ စတီရီယိုခေတ်ဦး အဆိုတော်ကြီး မင်းမင်းလတ်ဆိုလည်း အလားတူပါပဲ။

ဒါပေမယ့် အစိုးရအဆက်ဆက် မူဝါဒပြောင်းလဲမှုများစွာနဲ့အတူ နည်းပညာနှင့် သက်မွေးပညာရေးရဲ့ အခြေအနေဟာလည်း ပြောင်းလဲခဲ့ရပါတယ်။ စနစ်မတည်ငြိမ်မှု၊ ချို့ယွင်းမှုနဲ့ အတူ ကျောင်းသားနဲ့မိဘများရဲ့ အမြင်တွေလည်း ပြောင်းလဲကုန်ပါပြီ။

၁၉၉၆ ခုနှစ်မှာ သိပ္ပံနှင့်နည်းပညာ ၀န်ကြီးဌာနအောက်ကို ရောက်ရှိခဲ့ပြီးချိန်ကစပြီး TVET ပညာရေးရဲ့ အခန်းကဏ္ဍဟာ တဖြည်းဖြည်း ပျောက်ကွယ်လာခဲ့ရပါတယ်။ ဘယ်လောက်အထိလဲဆိုရင်နည်းပညာနှင့် သက်မွေး အထက်တန်းကျောင်းနဲ့ ကောလိပ်အရေအတွက်ဟာ ၁၉၉၆ ခုနှစ်ကနေ ၂၀၀၃ ခုနှစ်အတွင်း (၆) ကျောင်းသာ ကျန်ခဲ့တော့တဲ့အထိ ဖြစ်ခဲ့ရပါတယ်။

“သင်တဲ့လူတွေရဲ့ အရည်အသွေးကလည်းကျ၊ ခါးဆက်ကလည်းပြတ်သွားတော့ TVET ပညာရေးရဲ့ အခန်းကဏ္ဍက ၁၉၉၆ကတည်းကစပြီး မှေးမှိန်သွားခဲ့ပါတယ်။ TVET ပညာရေးအတွက် ဆရာမွေးထုတ်ပေးတာလည်း မရှိတော့ပဲ၊ ဆရာအများစုဟာ နည်းပညာတက္ကသိုလ်က ဆင်းလာတဲ့ ဆရာတွေများလာတော့ သူတို့မှာ အင်ဂျင်နီယာတယောက်ရဲ့ အတွေးအခေါ်နဲ့ သင်တာမျိုးဖြစ်လာပါတယ်။ ဒီတော့ ကျောင်းသားတွေရဲ့ အရည်အသွေးကလည်းကျဆင်းသွားရပြီး၊ လုပ်ငန်းရှင်တွေဘက်က GTI ကျောင်းဆင်း THS ကျောင်းဆင်းဆိုတာ မရှိတော့ဘူးလို့တောင် ထင်လာကြပါတယ်” လို့ မျက်မှောက် နည်းပညာအထက်တန်းကျောင်းနဲ့ ကောလိပ်တွေရဲ့ အခြေအနေကို နည်းပညာနှင့် သက်မွေးပညာရေးနှင့်လေ့ကျင့်ရေး နှီးနှောဖလှယ်ပွဲတွင် ပါဝင်ဆွေးနွေးသူတဦးဖြစ်တဲ့ နည်းပညာနှင့်သက်မွေးပညာကျောင်းအုပ်ကြီး ဒေါက်တာကျော်ကျော်မြင့်က Education Digest ဂျာနယ်ရဲ့ သီးသန့်အင်တာဗျူးပြုလုပ်ရာမှာ ထည့်သွင်းပြောကြားသွားပါတယ်။

ဒေါက်တာကျော်ကျော်မြင့်
နည်းပညာနှင့်သက်မွေးပညာ ကျောင်းအုပ်ကြီး
ဓာတ်ပုံ – ခင်စန္ဒာမြင့် / Education Digest Journal

နိုင်ငံရဲ့ လက်ရှိစီးပွားရေး၊ လူမှုရေးရာနှင့် အလုပ်သမားဈေးကွက်မှာ အထက်တန်း အင်ဂျင်နီယာတွေချည်း လိုအပ်နေတာမဟုတ်ပါဘူး။ စိုက်ပျိုးရေး၊ အထည်အလိပ်၊ စားသောက်ကုန်ထုတ်လုပ်ငန်းနှင့် အခြားသော လုပ်ငန်းနယ်ပယ်အသီးသီးမှာပါ နည်းပညာကျွမ်းကျင်လုပ်သားတွေ လိုအပ်နေတာအမှန်ပါ။ ဒါကို ဖြည့်စွမ်းနိုင်ဖို့အတွက် Pyramid ပုံစံပညာရေးကို ဖော်ဆောင်လုပ်ကိုင်ရမှာဖြစ်ပါတယ်။ ပိရမစ်ပုံစံပညာရေးဆိုရာမှာ ကျွမ်းကျင်လုပ်သားတွေဟာ အဓိကကျပါတယ်။ အဲ့ဒီကမှတဆင့် သူတို့ကို ကြီးကြပ်ကွပ်ကဲမယ့် လုပ်သားတွေ၊ ဒီထက်တဆင့်မြင့်ရင် နည်းပညာကျွမ်းကျင်လုပ်သားတွေ၊ ပြီးမှ အင်ဂျင်နီယာတွေ စသည်ဖြင့် အဆင့်ဆင့် အခြေခံကို ခိုင်အောင်မာအောင် ကျုယ်ကျယ်ပြန့်ပြန့် ဇောင်းပေးပြုလုပ်ထားတဲ့ ပိရမစ်ပုံစံပညာရေးကို ဖော်ဆောင်ရမှာဖြစ်ပါတယ်။

ဒါကြောင့် ပညာရေးတဖက်ထဲတင် အောင်မြင်အောင် လုပ်ဆောင်နေလို့ မရပါဘူး။ အလုပ်အကိုင်အခွင့်အလမ်းတွေ၊ လုပ်သားလိုအပ်ချက်တွေကို သိနိုင်ဖို့အတွက် စီးပွားရေးလုပ်ငန်းတွေ၊ လုပ်ငန်းရှင်တွေနဲ့ပါ ပူးပေါင်းလုပ်ဆောင်ကြရမှာဖြစ်ပါတယ်။ အရပ်ဘက်နှင့် အစိုးရ လက်တွဲညီညီနဲ့ ပြိုင်တူဖွံ့ဖြိုးအောင်လုပ်ရမယ့် ပညာရေးဟာ TVET ပညာရေးဖြစ်ပါတယ်။

သို့သော် လက်တွေ့အခြေအနေမှာတော့ “လုပ်သားဈေးကွက်လိုအပ်ချက် ဘယ်လောက်ရှိတယ်ဆိုတာကို ကွင်းဆင်းလေ့လာတာမျိုးတွေလည်းမလုပ်နိုင်ကြတော့သလို၊ လုပ်ငန်းရှင်တွေအတွက် ဘယ်လိုလုပ်သားတွေလိုအပ်တယ်ဆိုတာကို မေးမြန်းမှုတွေလည်း မရှိတော့ဘဲ နည်းပညာနဲ့ သက်မွေးပညာရေးရဲ့ ခါးဆက်ပြတ်လာခဲ့ရပါတယ်” လို့ ဒေါက်တာကျော်ကျော်မြင့်က Education Digest ကို ပြောကြားခဲ့ပါတယ်။

လက်ရှိ အစိုးရသစ်လက်ထက်မှာတော့ ဒီလို မှေးမှိန်လာတဲ့ TVETပညာရေးရဲ့ အခြေအနေကို မြှင့်တင်ခြင်းဟာ နိုင်ငံမှာ မရှိမဖြစ်အရေးတကြီး လိုအပ်နေတဲ့ အချက်ဖြစ်တယ်ဆိုတာကို၂၀၁၆ခုနှစ် ဇူလိုင်လ ၁၅ရက်နေ့က နေပြည်တော်ရှိ အပြည်ပြည်ဆိုင်ရာ ကွန်ဗန်းရှင်းစင်တာ (MICC II) တွင်ကျင်းပခဲ့တဲ့ နည်းပညာနှင့် သက်မွေးပညာရေးနှင့်လေ့ကျင့်ရေးနှီးနှောဖလှယ်ပွဲ (TVET Forum) ကြီးကတဆင့် ထင်ရှားစေခဲ့ပါတယ်။

ဒီပွဲမှာ နိုင်ငံတော်ရဲ့ အတိုင်ပင်ခံပုဂ္ဂိုလ်ဖြစ်တဲ့ ဒေါ်အောင်ဆန်းစုကြည်ကိုယ်တိုင်က “နည်းပညာနှင့်သက်မွေးပညာဟာ ဒုတိယတန်းစား ပညာရေးမဟုတ်ကြောင်း၊ ကိုယ့်ဝါသနာ ဗီဇနဲ့ကိုက်ညီတာကို လုပ်နိုင်ဖို့သင်ကြားတဲ့ ပညာရေးဖြစ်ကြောင်း” ပြောကြားခဲ့ပါတယ်။

ဇူလိုင် ၁၅-၁၆ TVET Forum ၊ နေပြည်တော် MICC-II ၊
နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် မိန့်ခွန်း ပြောကြားနေစဉ်။
ဓာတ်ပုံ – ခင်စန္ဒာမြင့် / Education Digest Journal

ပညာရေးဝန်ကြီးဌာန ၀န်ကြီးဒေါက်တာမျိုးသိမ်းကြီးကလည်း “နိုင်ငံတကာအဆင့်မီပြီး၊ မြန်မာနိုင်ငံနှင့် လိုက်ရောညီတွေရှိသော လုပ်သားဈေးကွက်လိုအပ်ချက်ကို ဖြည့်ဆည်းပေးနိုင်သည့် နည်းပညာနှင့် သက်မွေးပညာနှင့်လေ့ကျင့်ရေးစီမံခန့်ခွဲမှုစနစ်ဖြစ်လာအောင် အကောင်အထည်ဖော် ဆောင်ရွက်သွားမည်ဖြစ်ကြောင်း” TVET Forum မှာထည့်သွင်းပြောကြားခဲ့ပါတယ်။

ဇူလိုင် ၁၅-၁၆ TVET Forum ၊ နေပြည်တော် MICC-II ၊
ပညာရေးဝန်ကြီးဌာန ပြည်ထောင်စု ဝန်ကြီး ဒေါက်တာမျိုးသိမ်းကြီး မိန့်ခွန်း ပြောကြားနေစဉ်။
ဓာတ်ပုံ – ခင်စန္ဒာမြင့် / Education Digest Journal

စီးပွားရေးပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေးအဖွဲ့(OECT) ရဲ့ အချက်အလက်များအရ မြန်မာနိုင်ငံ၏ အလုပ်လုပ်နိုင်စွမ်းသော လုပ်သားအင်အားစုဖြစ်တဲ့ အသက် ၁၅နှစ်က ၆၄နှစ်အတွင်းရှိ လူဦးရေးဟာ လာမည့် ၂၀၃၅ခုနှစ်မှာ သန်း၄၀ ၀န်းကျင်မှာရှိနေမယ်လို့ဆိုထားပါတယ်။ သို့သော်လည်း ၂၀၁၄ ခုနှစ်ကကောက်ခံခဲ့တဲ့ သန်းခေါင်စာရင်းရဲ့ အသက်အပိုင်းအခြားအလိုက် လေ့လာစမ်းစစ်မှုအရမှာတော့ နည်းပညာနဲ့ သက်မွေးပညာရေးကို တက်ရောက်ပြီးစီးသူ အရေအတွက်မှာ (၆၀,၂၇၀) ယောက်သာရှိနေပါတယ်။ တနိုင်ငံလုံး အတိုင်အတာနဲ့ ပြောရမယ်ဆိုရင်တော့ ၀ ဒသမ ၁၃ ရာခိုင်နှုန်းသာရှိတာကြောင့် အလွန်နည်းပါးလှပါတယ်။

ဒါဟာ ဘာကြောင့်ဖြစ်ရတာလဲဆိုရင်တော့ အပေါ်မှာပြောခဲ့သလို ပေါ်လစီ အပြောင်းအလဲတွေကြောင့်ရယ်၊ အစိုးရနဲ့ ပုဂ္ဂလိကပူးပေါင်းပြီး အလုပ်အကိုင်ဖန်တီးပေးနိုင်မှု အားနည်းခဲ့တာတွေကြောင့်ဖြစ်ပါတယ်။ နောက်တချက်ကတော့ TVET ပညာရေးအပေါ်မှာမြင်နေတဲ့ လူထုရဲ့သဘောထားအမြင်တွေ ပြောင်းလဲသွားတာတွေကြောင့်လည်းပါ ပါတယ်။ ယခင်ကဆိုရင် ဆောင်းဒါးကျောင်းဆင်း၊ ဂျီတီအိုင်ကျောင်းဆင်းတွေဆိုရင် သက်ဆိုင်ရာဝန်ကြီးဌာနတွေမှာ အလုပ်အကိုင် အခွင့်အလမ်းတွေပေါများစွာ ရှိနေတဲ့အတွက် ကျောင်းသားတွေရော မိဘတွေရဲ့အမြင်မှာ ပထမတန်းစား အသက်မွေးဝမ်းကျောင်းမှုပညာရေးတခုအဖြစ် သတ်မှတ်ခဲ့ကြပေမယ့် နောက်ပိုင်းမှာတော့ ဒီလိုခံယူချက်တွေ မှေးမှိန်ခဲ့ရပြီး ဒီကျောင်းတွေကို စိတ်ဝင်တစားတက်ရောက်ချင်တဲ့ လူဦးရေ ရာခိုင်နှုန်းဟာလည်းကျဆင်းခဲ့ရတာဖြစ်ပါတယ်။

အစိုးရသစ်လက်ထက်မှာတော့ TVET ပညာရေးနဲ့ပတ်သက်တဲ့ ဥပဒေသစ်တရပ်ကို ရေးဆွဲပြီး လွှတ်တော်ကိုတင်ပြဖို့အတွက် ပြင်ဆင်ဆောင်ရွက်နေကြပြီဖြစ်ပါတယ်။ ဒါ့အပြင် “အလုပ်အကိုင် အခွင့်အလမ်းတွေနှင့် ပတ်သက်တဲ့ ဥပဒေတခုလည်း ထွက်လာဖို့ရှိတယ်” လို့ အလုပ်သမားညွှန်ကြားရေးဦးစီးဌာနက တာဝန်ရှိသူတဦးဖြစ်တဲ့ ဦးကျော်လွင်က Education Digest ကိုပြောကြားခဲ့ပါတယ်။

ဒီလိုဥပဒေနည်းဥပဒေတွေအဆင့်ဆင့် ရေးဆွဲဖို့လိုအပ်သလို၊ တဖက်မှာလည်း TVET ပညာရေးကထွက်လာတဲ့ ကျောင်းသားတွေအတွက် နိုင်ငံတကာ အသိအမှတ်ပြု လက်မှတ်တွေရဖို့ဆိုတာဟာလည်း အရေးတကြီးလိုအပ်ချက်တွေထဲက တခုဖြစ်ပါတယ်။ ဒီလိုအပ်ချက်ကို ဖြည့်ဖို့အတွက်တော့ အလုပ်သမားဝန်ကြီးဌာနက ၂၀၀၇ ခုနှစ်မှာစတင်ဖွဲ့စည်းထားတဲ့ အမျိုးသားအဆင့် ကျွမ်းကျင်မှု အသိအမှတ်ပြုလက်မှတ်ထုတ်ပေးရေးအဖွဲ့ (NSSA) ကဆောင်ရွက်နေပါပြီ။

ကျွမ်းကျင်မှုအတွက် အဆင့်လေးဆင့်ခွဲပြီး လက်မှတ်တွေကို ထုတ်ပေးနိုင်ဖို့အတွက် လုပ်သားဈေးကွက်မှာ တကယ်လိုအပ်နေတဲ့ အလုပ်အကိုင် (၁၁) ခု ကို စတင်စစ်တမ်းကောက်ယူပြီး လုပ်သား ၇၀၀ နီးပါးခန့်ကို အဆင့် (၁) စာမေးပွဲတွေစစ်ဆေးကာ အသိအမှတ်ပြုလက်မှတ်တွေ ထုတ်ပေးနိုင်ခဲ့ပါပြီ။

ဒါ့အပြင် အာဆီယံဒေသအတွင်း အသိအမှတ်ပြုနိုင်ဖို့အတွက် ဆောင်ရွက်နေပြီဖြစ်သလို၊ ကမ္ဘောဒီးယား၊ လာအို၊ ဗီယက်နမ်စတဲ့ နိုင်ငံတွေနဲ့ အလုပ်အကိုင်အခွင့်အလမ်းတွေအတွက် အဆင့်တွေကို ညှိနှိုင်းနေကြပြီဖြစ်ပါတယ်။ ပြည်ပရင်းနှီးမြှုပ်နှံသူတွေဝင်ရောက်လာရင်ပဲဖြစ်စေ၊ လွတ်လပ်စွာ လုပ်သားစီးဆင်းခွင့်အရဖြစ်စေ၊ ပြည်တွင်းပြည်ပမှာ မိမိတို့ရရှိထားတဲ့ ကျွမ်းကျင်မှုလက်မှတ်တွေနဲ့ အလုပ်အကိုင်အခွင့်အလမ်းတွေကို ရရှိလာနိုင်တော့မှာဖြစ်ပါတယ်။

စက်မှုဝန်ကြီးဌာန အမြဲတမ်းအတွင်းဝန် ဦးကိုကိုလွင်
ဓာတ်ပုံ – ခင်စန္ဒာမြင့် / Education Digest Journal

“နည်းပညာနှင့်သက်မွေး အထက်တန်းနဲ့ ကောလိပ်ကျောင်းတွေမှာ TVET ပညာရေးကို စိတ်ဝင်စားတဲ့ ကျောင်းသားလူငယ်တွေကိုသာ လက်ခံသင်ကြားပေးပြီး၊ တလကို ထောက်ပံ့ကြေး ၃၀,၀၀၀ ကျပ်ပေးမှာဖြစ်သလို၊ ဘဝတသက်တာ စဉ်ဆက်မပြတ် သင်ယူရေး Life Long Learning အတွက် နည်းလမ်းတွေလည်း ဖော်ဆောင်ပေးသွားပါမယ်။ အလုပ်တဖက်နဲ့ ဘွဲ့တွေ၊ ဒီဂရီတွေရအောင် လုပ်ဆောင်ပေးဖို့တွေလည်းရှိပါတယ်” လို့ စက်မှုဝန်ကြီးဌာန အမြဲတမ်းအတွင်းဝန်တယောက်ဖြစ်တဲ့ TVET Forum ရဲ့ ဒု-ဥက္ကဌ ဦးကိုကိုလွင်က Education Digest ကို ပြောကြားခဲ့ပါတယ်။

ဇူလိုင် ၁၅-၁၆ TVET Forum ၊ နေပြည်တော် MICC-II ၊
နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် နှင့် ပညာရေးဝန်ကြီးဌာန ပြည်ထောင်စု ဝန်ကြီး ဒေါက်တာမျိုးသိမ်းကြီးတို့ TVET ဖိုရမ် ဖွင့်ပွဲ တက်ရောက်စဉ်။
ဓာတ်ပုံ – ခင်စန္ဒာမြင့် / Education Digest Journal

TVET ပညာရေး၊ နည်းပညာနှင့်သက်မွေးပညာရေးနှင့်လေ့ကျင့်ရေးပညာရပ်ကို ကောင်းစွာ အသုံးချနိုင်ရင် တိုင်းပြည်ဟာ အလုပ်လက်မဲ့ လူဦးရေ လျှော့ချနိုင်ကာ တဦးချင်း ဝင်ငွေများစွာ တိုးတက် စေမှာဖြစ်သလို မိသားစုတွေရဲ့ လူနေမှုနဲ့စီးပွား အဆင့်အတန်းလည်း မြှင်တင်နိုင်မှာ ဖြစ်တယ်။ ဒီလို အကျိုးပြုတဲ့ အသက်မွေးဝမ်းကျောင်းပညာရေးကဏ္ဍကို လူ့အသိုင်းအဝိုင်းမှာ ပြန်လည်ဦးမော့ လက်ခံလာနိုင်ဖို့ရာ နိုင်ငံတော်ရဲ့ အတိုင်ပင်ခံပုဂ္ဂိုလ်ဖြစ်တဲ့ ဒေါ်အောင်ဆန်းစုကြည် TVET Forum မှာ ပြောကြားခဲ့သလိုပါပဲ။ အသက်မွေးဝမ်းကျောင်းပညာရေးကို ဒုတိယတန်းစား ပညာရေးအဖြစ် ကျောင်းသားနဲ့ မိဘများ ယူဆနေမှုများ၊ လုပ်ငန်းခွင်အသုံးချခွင့် နည်းပါးနေမှုများ ကနဦး ပပျောက်ဖို့ အရေးကြီးပါတယ်။ နိုင်ငံတကာရဲ့ နည်းပညာအကူအညီတွေ အမှန်တကယ်လိုအပ်နေသလို ပြည်တွင်း လုပ်ငန်းရှင်များရဲ့ စိတ်ဝင်စားမှု၊ ပူးပေါင်းပါဝင်မှု လိုပါတယ်။ အစိုးရ သက်ဆိုင်ရာ အဖွဲ့အစည်းအဆင့်ဆင့်မှာလည်း အထက်အောက် ဟန်ချက်ညီညီနဲ့ အသက်မွေးပညာရပ်တွေ ထွန်းကားဖို့ ကျယ်ပြန့်ဖို့ ကြိုးစားရပါမယ်။

အလိုအပ်ဆုံးကတော့ အသက်မွေးဝမ်းကျောင်း အတတ်ပညာကျောင်းနဲ့ ပညာရေးဟာ တဆင့်နိမ့် ပညာရေး၊ ကံ့ကော်နံ့မသင်း ဂုဏ်ငယ်တဲ့ အရာလို့ ယူဆနေမှုတွေ လူတိုင်း ပပျောက်ပြီး တိုင်းပြည်ကို ဆင်းရဲတွင်းထဲက မတင်ကယ်ဆေးပေးရာ နည်းလမ်းကောင်းတသွယ အဖြစ် ပြောင်းလဲ မြင်၊ အသုံးချနိုင်ဖို့ရာ ဖြစ်ကြောင်း “ဒုတိယတန်းစားမဟုတ်သည့် TVET ပညာရေး” အကြောင်း စုစည်းရေးသားလိုက်ပါတယ်။

ခင်စန္ဒမြင့်

၂၃ ဇူလိုင်၊ ၂၀၁၆

(Education Digest (ပညာပဒေသာ) အပတ်စဉ်ထုတ် ဂျာနယ် အတွဲ (၅)၊ အမှတ် (၂၉) တွင် မူလ ပုံနှိပ်ခဲ့ပါသည်။)

Education Digest Journal Facebook စာမျက်နှာတွင်လည်း ဝင်ရောက် ဖတ်ရှုနိုင်ပါသည်။

https://web.facebook.com/TheNewEducationDigestJournal/photos/a.341284505956147.81743.340972365987361/1046037218814202/?type=3


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

MoeMaKa Monthly July 2017 ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်