ခင်လေး ● Google ရဲ့ အသိအမှတ်ပြုခြင်းခံရတဲ့ မြန်မာပြည်က Hacker ပါရဂူ အမျိုးသမီးငယ်

August 2, 2016

● Google ရဲ့ အသိအမှတ်ပြုခြင်းခံရတဲ့ မြန်မာပြည်က Hacker ပါရဂူ အမျိုးသမီးငယ်
(မိုးမခ) သြဂုတ် ၂၊ ၂၀၁၆

အမျိုးသမီးနဲ့အမျိုးသား ယှဉ်ပြီးပြောကြစတမ်းဟေ့ဆိုရင် ယောက်ျားတွေလုပ်မှ အရာရာပြီးမြောက်မယ်လို့ ထင်နေကြတဲ့ လူ့ဘောင်အသိုင်းအ၀ိုင်းထဲမှာ ကျွန်မတို့နိုင်ငံလည်းပါဝင်ပါတယ်။  ဒါကြောင့် ခေတ်သစ် အိုင်တီ နည်းပညာ ကွန်ပျူတာ မိုဘိုင်းလ် လုံခြုံရေး စနစ်တွေကို ထိုးဖောက်ဝင်ရောက်စွမ်းတဲ့  “Hacekr ဟက်ကာ” ဆိုတဲ့ စကားလုံးမြင်လိုက်တယ်ဆိုရင်ပဲ ဒါဟာ ယောက်ျားလေးတွေနဲ့သာ သက်ဆိုင်တဲ့ကိစ္စလို့ ထင်မြင်ယူဆနေကြတဲ့သူတွေ ကျွန်မတို့ပတ်ဝန်းကျင်မှာ အများကြီးရှိ နေကြပါတယ်။

ဒီလိုယူဆချက်တွေကိုကျော်လွန်ပြီး အမျိုးသမီး ဟက်ကာတယောက်အဖြစ် အသက်မွေးရင်း သတင်းနှင့်ကွန်ပျူတာ မိုဘိုင်း နည်းပညာမှာ လုံခြုံရေးပညာရပ်တွေမှာ ပါရဂူဘွဲ့ရအောင်ကြိုးစားနေသူကတော့ ကျွန်မတို့မြန်မာပြည်ဖွား အမျိုးသမီးငယ် မဆုမွန်ကြွယ်ပဲ ဖြစ်ပါတယ်။

သူမနဲ့ တွေ့ဖူး ဆုံးဖူးသူ အများစုကတော့ သူမကို သမားရိုးကျ မိန်းကလေးငယ်တဦးလို့ ထင်မှတ်မိကြမှာပါပဲ။  အမြဲတမ်းပြုံး ချိုနေတတ်ပြီး၊ စကားပြောရာမှာလည်း သိမ်မွေ့ကာ မျက်လုံးဝိုင်းလေးတွေနဲ့ ချစ်စရာကောင်းတဲ့ အမျိုးသမီးငယ်တယောက် အဖြစ်သက်သက် မြင်ကြမှာပါ။  ဒါပေမယ့် သူမဟာ Singapore Management University မှာ Information System Ph.D ဘွဲ့ အတွက် ကျောင်းတက်နေသလို ပိုအံအားသင့်စရာက ကွန်ပျူတာ ဟက်ကာသမားတယောက်အနေနဲ့လည်း အ သက်မွေးဝမ်းကျောင်း လုပ်နေတယ်ဆိုတာပါပဲ။

ဖောက်ထွင်းသူ ဟက်ကာဆိုလို့ ကြောက်လန့်သွားစရာ မလိုပါဘူး။  မဆုမွန်လို ဟက်ကာတွေကတော့ လုံခြုံးရေးနည်းစနစ်ပိုင်း ပိုမို ကောင်းမွန်စေဖို့ ကောင်းတဲ့ရည်ရွယ်ချက်တွေနဲ့ စမ်းသပ်ဖောက်ထွင်းသူ ဦးထုပ်ဖြူဟက်ကာတွေပါ။

Apple ရဲ့ iOS ၊ Google ရဲ့ Android ဖုန်းစနစ်တွေရဲ့ လုံခြုံရေးဆိုင်ရာ အားနည်းချက်တွေ၊ ဖောက်ထွင်းတိုက်ခိုက်နိုင်မှုရှိတဲ့လမ်းကြောင်းတွေကို ရှာဖွေပြီး ပိုမိုစိတ်ချလုံခြုံရတဲ့စနစ်တခု ဖြစ်လာစေဖို့ရာ မဆုမွန်ရဲ့ အလုပ်တွေက စွမ်းဆောင်ပေး နိုင်ခဲ့ပါတယ်။  သူမနဲ့ သူမအဖွဲ့ရဲ့ ရှာဖွေတွေ့ရှိချက်တွေဟာ နာမည်ကြီးလာခဲ့ပြီး  Google က ငွေသားဆုချီးမြှင့်ခြင်းခံခဲ့ရပါတယ်။

“ကျွန်မတို့အဖွဲ့ Android ပရောဂျက်ကို ၁ နှစ်ကြာလုပ်ခဲ့ပါတယ်၊ ဒီပရောဂျက်ကို စလုပ်တော့ မရေရာ၊ မသေချာမှုတွေ အများကြီးနဲ့ပါ၊ ကျွန်မတို့ တခုခုကို ရှာတွေ့နိုင်မယ်၊ မရှာတွေ့နိုင်ဘူးဆိုတာ ဘာမှသေချာမပြောနိုင်ခဲ့ပါဘူး။  Android စနစ် ရဲ့ ချို့ယွင်းချက် အမှားတချို့ကို ရှာတွေ့ခဲ့ချိန်မှာတော့ ကျွန်မအတော်လေးကို စိတ်လှုပ်ရှားမိပါတယ်၊ ပြီးတော့ ကျွန်မတို့ အဖွဲ့ရဲ့ ကြီးကြပ်သူကို အစီရင်ခံခဲ့ပါတယ်။  အဲဒီအချိန်တုန်းက တွေ့ရှိခဲ့တဲ့ လုံခြုံရေးဆိုင်ရာ ချို့ယွင်းချက်တွေကို အများသိ အောင် ချမပြခဲ့ပါဘူး။ ဘာဖြစ်လို့လဲဆိုတော့ ဒီအားနည်းချက်ကို အခွင့်ကောင်းယူ အသုံးချမယ့် မသမာသူတွေလက်ထဲကို ရောက်သွားမှာစိုးလို့ပါ။  ဒါကြောင့် ကျွန်မတို့ဟာ Google က အားနည်းချက်တွေကို ပြန်ပြီး ပြုပြင်ပြီးတဲ့တဲ့ အထိစောင့်ပြီးမှ ကျွန်မတို့ ဖော်ထုတ်တွေ့ရှိချက်တွေကို တရားဝင်ကြေညာနိုင်ခဲ့တယ်” လို့ သူမနဲ့ သူမအဖွဲ့ရဲ့ လုပ်ဆောင်ချက်ကို မစုမွန်က ပြန်လည်ပြောပြခဲ့ပါတယ်။

ကျွန်မရဲ့ ဆရာ ပါမောက္ခတယောက်က ကျွန်မကို ဟက်ကာသမားနဲ့မတူဘူး၊ ဒီအလုပ်တွေ တကယ်လုပ်နိုင်ခဲ့တာ အံ့သြရ တယ်လို့ မှတ်ချက်ပြောဖူးကြောင်းကိုလည်း မဆုမွန်က ဒီလို သူမအလုပ်တွေအကြောင်း ပြောနေရင်း ဖြတ်ပြီး အများက မြင်တဲ့အမြင်ကို ရယ်မော ပြောပြပါသေးတယ်။ 


ဓာတ်ပုံ – ဆုမွန်နှင့်သူငယ်ချင်းများအား Google ၁၅ နှစ်ပြည့်ပါတီ၊ Carnegie Mellon University, (၂၀၁၃) တွင် တွေ့ရစဉ်

 
မစုမွန်ဟာ မြန်မာပြည်မှာ တက္ကသိုလ်ဝင်တန်းကို ၂၀၀၅ ခုနှစ်မှာ အောင်မြင်ခဲ့ပြီး ၂၀၀၇ ခုနှစ်မှာ စင်ကာပူကို ပညာသင်ကြားဖို့ ထွက်လာခဲ့ပါတယ်။  Singapore Management University မှာ သတင်းအချက်အလက် ကွန်ပျူတာ နည်းပညာ Information Systems Management ဒီဂရီဘွဲ့ (၂၀၀၇-၂၀၁၁) ကို ရရှိခဲ့ပါတယ်။  သူမရဲ့ ဒုတိယ အဓိက ဘာသာရပ်က Advanced Business Technology (Business Intelligence and Analytics) ဖြစ်ပါတယ်။  ဘွဲ့လွန်ကိုလည်း SMU စင်ကာပူစီမံခန့်ခွဲမှုတက္ကသိုလ်မှာပဲ တက်ရောက်ခဲ့ပါတယ်။  SMU ကျောင်းက သူမလေ့လာချင်တဲ့ ပညာရပ်အတွက် အများကြီး အထောက်အကူပေးခဲ့တယ်လို့လည်း ဆိုပါတယ်။ လက်ကိုင်ဖုန်းတွေရဲ့ အွန်လိုင်းကွန်ရက် ဆိုက်ဘာလုံခြုံရေးအတွက် ဌာနရှိသလို၊ သုတေသနပြုလို့ရလာတဲ့ တွေ့ရှိချက်တွေကိုလည်း ကမ္ဘာ့အနှံ့က နိုင်ငံတကာသုတေသန စာတမ်းဖတ်ပွဲတွေ ညီလာခံတွေမှာ တင်ပြခွင့်လည်းရခဲ့ပါတယ်။  ဒါ့အပြင် ကမ္ဘာအရပ်ရပ်က ပညာရပ်ဆိုင်ရာဌာနတွေ၊ သုတေသနအဖွဲ့တွေနဲ့ လည်း ပူးပေါင်းဆောင်ရွက်ခွင့်ရရှိခဲ့တယ်လို့ မဆုမွန်က သူမရဲ့ စာသင်ကြားမှု အတွေ့အကြုံကို ပြောပြပါတယ်။

ဓာတ်ပုံ – ၂၀၁၄ ခုနှစ်တွင် ဘေဂျင်း၌ ပြုလုပ်သည့် Institute of Electrical and Electronics Engineers (IEEE) International Conference on Trust, Security and Privacy in Computing and Communications (TrustCom) နိုင်ငံတကာ ညီလာခံ အပြီး မဟာတံတိုင်းကြီးနှင့်အတူ

မဆုမွန်ဟာ SMU ကပေးတဲ့ ပါရဂူဘွဲ့ကို တရားဝင်မရသေးပေမယ့်  ဆန်ဖရန်စ္စကိုမှာ အခြေစိုက် အိုင်တီနည်းပညာ ကုမ္ပ ဏီတခုမှာ သတင်းအချက်အလက် လုံခြုံရေးသုတေသနပညာရှင်အလုပ်တခုကို အောင်အောင်မြင်မြင် ရယူ ပိုင်ဆိုင်နိုင်နေ ပါပြီ။

အားနွဲ့တဲ့မိန်းမတယောက်ဖြစ်နေတာမို့ မလုပ်နိုင်ဘူး၊ မဖြစ်နိုင်ဘူးဆိုတဲ့ ပတ်ဝန်းကျင်ရဲ့ ကျဉ်းမြောင်းတဲ့ ဘောင်တွေကို ရိုက်ချိုးကာ ပျော့ပြောင်းနူးညံ့တဲ့ မိန်းကလေးတယောက်ဖြစ်ပေမယ့် ယောက်ျားတွေနဲ့ရင်ဘောင်တန်းပြီး ဘာမဆို အောင်မြင်အောင်လုပ်နိုင်တယ်ဆိုတာကို မြန်မာပြည်ဖွား အမျိုးသမီးဟက်ကာပါရဂူ တယောက်အဖြစ်နဲ့ မဆုမွန်က သက်သေပြနေ ပါကြောင်း မြန်မာပြည်က အမျိုးသမီးငယ်အပေါင်း အတုယူ အားကျ နိုင်စေဖို့ရာ စုစည်းရေးသားတင်ပြလိုက်ရပါတယ်။

ခင်လေး
2-8-2016(2:04PM)

Moemaka Media
Website: http://moemaka.com/
English Section: http://eng.moemaka.net/
Blog: http://blog.moemaka.com/
Facebook: https://web.facebook.com/MoeMaKaNews/
Twitter: https://twitter.com/moemaka
YouTube: https://www.youtube.com/user/moemaka

ကိုးကား
■ SMU Blog
http://blog.smu.edu.sg/2016/08/01/a-phd-in-hacking/
http://sis.smu.edu.sg/about/students/phd-students/current/su-mon-kywe

■ Google Site
https://sites.google.com/site/sumonkywe/curriculumvitae


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)