တော်လှန်ရေး၊ တည်ဆောက်ရေး နဲ့ ဘကြီးမိုး

August 20, 2016

တော်လှန်ရေး၊ တည်ဆောက်ရေး  နဲ့ ဘကြီးမိုး
(ကုမုဒြာဂျာနယ်၊ ရန်ကုန်၊ ဇူလိုင် ၂၀ ထုတ်) မိုးမခ၊ သြဂုတ် ၂၀၊ ၂၀၁၆

မြန်မာနိုင်ငံဟာနှစ်ပေါင်း ၅၀ ကျော် တပ်မတော်၏ အုပ်ချုပ်မှုအောက်မှာနေခဲ့ရပြီး တစ်ချိန်က ပညာရေး၊ ကျန်းမာရေး၊ စီးပွားရေး၊လူမှုရေး၊ နိုင်ငံရေးအရ ဦးဆောင်နိုင်ငံ အဖြစ်မှအဆင်းရဲဆုံးနိုင်ငံအဖြစ် ရောက်ရှိခဲ့ပါတယ်။ အရင်ဦးနုအစိုးရ လက်ထက်က နေရူး၊ ချူအင်လိုင်း၊ ဆူကာနို၊ ဦးနု အစရှိတဲ့ ဘန်ဒေါင်းညီလာခံရဲ့ ခေါင်းဆောင်မှု အပိုင်းမှာရှိခဲ့ဖူးပါတယ်။ တစ်စတစ်စတိုင်းပြည်တစ်ခုလုံး ရစရာမရှိအောင်ဆိုးရွားဆင်းရဲလာပြီး အိမ်နီးနားချင်းနိုင်ငံများသို့ ရွှေ့ပြောင်းလုပ်သားများအဖြစ် ထိုင်းနိုင်ငံ၊ မလေးရှား နိုင်ငံတွေမှာလေးငါးခြောက်သန်းသွား ရောက်လုပ်ကိုင်ကြရတဲ့ဘဝကိုရောက်ရှိခဲ့ပါတယ်။

၁၉၈၈ ခုနှစ်မှာတော့ ကျောင်းသားများဦးဆောင်တဲ့ ၈၈ အရေးတော်ပုံကြီးကိုပြည် သူပြည်သားများအားလုံး ပါဝင်လမ်းပေါ်ထွက်ခဲ့ကြရာက စစ်အစိုးရယိမ်းယိုင်သွားခဲ့ပါ တယ်။ ၈၈ အရေးတော်ပုံကြီးမှ ဒီမိုကရေစီတပ်ပေါင်းစုဖြစ်တဲ့ အမျိုးသားဒီမို ကရေစီအဖွဲ့ချုပ် ဖြစ်ပေါ်ခဲ့ပါတယ်။ ၉၀ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် အနိုင်ရရှိခဲ့ပေမဲ့ အုပ်ချုပ်မှုအာဏာ မအပ်သည့်ပြင် အနိုင်ရခေါင်းဆောင်များကိုထောင်ထဲထည့်ခဲ့ပါတယ်။

အဲသည်နောက် မြန်မာနိုင်ငံဟာ သမိုင်းမှာအဆိုးရွားဆုံး နာဂစ်မုန်တိုင်းဒဏ်ခံရပြီး ပြည်သူပြည်သားသိန်းချီဆုံးရှုံးခဲ့ရပြီး အိုးအိမ်လယ်ယာမြေများမှာလည်း ဆုံးရှုံးပျက်စီး ခဲ့ပါတယ်။ တပ်မတော်ရဲ့ အုပ်ချုပ်မှုပုံစံပြောင်းကာ ၂၀ဝ၈ မှာ စိတ်တိုင်းကျ ရေးဆွဲထားတဲ့ ဖွဲ့စည်းပုံကိုအတည်ပြုပြီး အရပ်ဘက်လူမှုရေးအသင်းဖြစ်တဲ့ ကြံ့ခိုင်ရေးကို ပါတီအသွင်ပြောင်း ၂၀၁၀ မှာ ရွေးကောက်ပွဲဝင်ခဲ့တဲ့အခါမှာ လွှတ်တော်အစိုးရဖြစ်လာပြီး သမ္မတ ဦးသိန်းစိန်အစိုးရ ဖြစ်ပေါ်လာပါတယ်။ ၂၀၁၀ မှာ အင်န်အယ်လ်ဒီက ဝင်ရောက်အရွေးခံခြင်းမပြုခဲ့ပေမဲ့ ၂၀၁၂ ကြားဖြတ်မှာဝင်ရောက်အရွေးခံလို့ အင်န်အယ်လ်ဒီဟာ လွှတ်တော်မှာ အတိုက်အခံအဖြစ် ရပ်တည်နေခဲ့ပါတယ်။

ဦးသိန်းစိန်ရဲ့ လွှတ်တော်အစိုးရဟာ ငါးနှစ်သက်တမ်းအတွင်း တိုင်းပြည်ရဲ့ဖွံ့ဖြိုး တိုးတက်မှုကိုဘာမှမည်မည်ရရ မလုပ်နိုင်တဲ့အတွက် ၂၀၁၅ အထွေထွေ ရွေးကောက်ပွဲမှာ အင်ပြည့်အားပြည့် ဝင်ရောက်ယှဉ်ပြိုင်တဲ့ ပြောင်းလဲချိန်တန်ပြီဆိုတဲ့ အမျိုးသားဒီမိုကရေစီအဖွဲ့ချုပ်ကိုယ်စားလှယ်များကို တောင်ပြိုကမ်းပြို အရှုံးပေးရပြီးအမျိုးသား ဒီမိုကရေစီအဖွဲ့ချုပ်အစိုးရ ဖြစ်ပေါ်လာခဲ့ပါတယ်။ သမ္မတ ဦးထင်ကျော်ရဲ့ ပြည်ထောင်စုအစိုးရ၊ နိုင်ငံတော်အတုိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဖြစ်လာခဲ့ပါတယ်။ ဒေါ်အောင်ဆန်းစုကြည်ရဲ့ နိုင်ငံရေးဩ ဇာအရှိန်ဟာကြီးမားလို့ စင်ကာပူခေါင်းဆောင်များကပဲ အာဆီယံမှာ ဦးဆောင်မှု ပေးဖို့ ပြောဆိုလာတာတွေ ရှိပါတယ်။

အဲ အမျိုးသားဒီမိုကရေစီအဖွဲ့ချုပ်ဟာ ရွေးကောက်ပွဲမှာ တောင်ပြိုကမ်းပြို အနိုင်ရလို့ လွှတ်တော်သုံးရပ်စလုံးမှာအနိုင်ရပြီး ပြည်ထောင်စုအစိုးရနဲ့အတူတိုင်းနဲ့ ပြည်နယ် ၁၄ ခုစလုံးမှာ အစိုးရဖွဲ့စည်းနိုင်ခဲ့တာတော့ရှိပါတယ်။ ဒါပေမဲ့ အဲသည် အစိုးရအဖွဲ့မှာ ရွေးကောက်တင်မြှောက်စရာမလိုတဲ့ တပ်မတော်ကိုယ်စားလှယ် ၂၅ ရာခိုင်နှုန်းပါဝင်ပြီး တပ်မတော်ကကာကွယ်ရေး၊ ပြည်ထဲရေးနဲ့ နယ်စပ်တာဝန်သုံးရပ်ကိုဆုပ်ကိုင်ထားဆဲရှိပြီး အစိုးရအဖွဲ့အစည်းအားလုံးမှာလည်း နံပါတ်နှစ်နေရာမှာ တပ်ကပုဂ္ဂိုလ်တွေ အရယူထားတာကိုတွေ့ရပါတယ်။

ယခုအခါမှာ တော်လှန်ရေးကာလ ၇၅ ရာခိုင်နှုန်းအောင်မြင်ခဲ့ပြီး အစိုးရဖွဲ့စည်းနိုင်ပြီမို့ တည်ဆောက်ရေးတာဝန်တွေ လုပ်ဆောင်ကြရမှာဖြစ်ပါတယ်။ တော်လှန် ရေးနဲ့ တည်ဆောက်ရေးနှစ်ရပ်ရဲ့ သဘောသဘာဝကမတူညီကြပါဘူး။ တော်လှန်ရေးဆိုတာ နိုင်ငံရေးစိတ်ဓာတ်ခိုင်မာပြီး တိုက်ပွဲဝင်ကြတဲ့ ရဲဘော်များ ရဲ့လုပ်ရပ်ဖြစ်ပါတယ်။ တည်ဆောက်ရေးကတော့ ကျွမ်းကျင်တဲ့ပညာရှင်တွေ၊ စီမံကိန်းတွေ အများကြီးလိုအပ်တာတွေ့ရပါတယ်။ အမျိုးသားဒီမိုကရေစီ အစိုးရဟာ ပြည်သူအတွက် ရက် ၁၀ဝ စီမံကိန်းချမှတ်ပြီး လုပ်ဆောင်လာတာတွေ့ရပါတယ်။ လုပ်ဆောင်ရာမှာ ဦးဆောင်မှုသာပေးနိုင်ပြီး ယန္တရားအဟောင်းကြီးနဲ့လည်ပတ်နေရတဲ့ အခက်အခဲများစွာနဲ့ ကြုံတွေ့ရပါ တယ်။ လယ်သိမ်းယာသိမ်းတွေကြောင့် ရွှေ့ပြောင်းလုပ်သားတွေ ပြန်လာရင်နေမှု ထိုင်မှု စားမှုသောက်မှုတွေကအစအခက်အခဲများစွာဖြင့် ရင်ဆိုင်နေကြရပါတယ်။ ယခင်အစိုးရရဲ့ နောက်ဆုံးခြောက်လ တစ်နှစ်မှာ အမြန်စီမံကိန်းတွေ ချမှတ်လုပ်ဆောင်ခဲ့တာတွေကို ရပ်တန့်ဖို့လုပ်ရာ မှာလည်း ပြဿနာတွေ အများကြီးရှိနေပါတယ်။ ဆောက်လုပ်ရေးစီမံကိန်း ၁၂ ခုကို စိစစ်ရာမှာစံချိန်မမီတဲ့အတွက် ရပ်ဆိုင်းဖို့လုပ်ဆောင်ကြရပါတယ်။ နောက်ထပ် စိစစ်ဖို့ ၂၀ဝ ကျော်ရှိသေးတယ်လို့ဆိုပါတယ်။ စံချိန်မမီလို့ရပ်ဆိုင်းလိုက်တဲ့အခါမှာလုပ်ငန်းရပ်ပြီး အလုပ်သမားတွေလည်း ရပ်နားသွားရပါတယ်။ အဲသည်စီမံ ကိန်းတွေဟာတိုက်ခန်းဝယ်သူကြိုပွိုင့်တွေရဲ့ ပိုက်ဆံနဲ့ ဘဏ်များကချေးယူထား တဲ့ငွေနဲ့လုပ်ထားတာဖြစ်ပါတယ်။ ကြိုပွိုင့်ဝယ်ယူထားသူများ အခန်းမရတဲ့ဆုံးရှုံးမှုရှိ နိုင်သလိုဘဏ်က ချေးငွေများကလည်း အတိုးကတော့ ပေးနေရမှာဖြစ်ပါတယ်။ ဒိုမီနိုသီအိုရီလို တစ်တုံးလဲရင် အကုန်လဲသွားနိုင်တယ်ဆိုတာလည်း တွက်ဆကြရမှာ ဖြစ်ပါတယ်။ ဒါပေမဲ့ အခုပြိုလဲတဲ့စီးပွားရေးစီမံကိန်းတွေဟာ အခွင့်ထူးခံလူတန်း စားများနဲ့ ကိုယ်ကျိုးရှာအာဏာပိုင်များ ပူးပေါင်းလုပ်ဆောင်ခဲ့ကြတာတွေက အများစုဖြစ်နေတာကိုလည်း တွေ့ရပါတယ်။

ဖွံ့ဖြိုးတိုးတက်မှုလုပ်ဖို့ဆိုရင် ငြိမ်းချမ်းရေးကအရေးကြီးတယ်လို့ အမျိုးသားဒီမိုကရေစီ အဖွဲ့ချုပ်အစိုးရကသတ်မှတ်ထားလို့ အပစ်အခတ်ရပ်စဲရေးနဲ့ ငြိမ်းချမ်းရေးလုပ်ဆောင် ကြဖို့လုပ်နေပါတယ်။ အမည် အားဖြင့် ၂၁ ရာစု ပင်လုံညီလာခံလို့ ခေါ်ဆိုထားပါတယ်။ အဲသည်ညီလာခံကို အပစ်အခတ်ရပ်စဲရေးလက်မှတ်ရေး ထိုးထားတဲ့ အဖွဲ့များအပြင် လက်မှတ်မရေးထိုးရသေးသောအဖွဲ့တွေပါ ညှိနှိုင်းလုပ်ဆောင်တာတွေရှိနေပါတယ်။ ယနေ့ဆိုရင် ရန်ကုန်မှာဒေါ်အောင်ဆန်းစုကြည်နဲ့ တိုင်းရင်းသားလက်နက်ကိုင် ခေါင်းဆောင်များတွေ့ဆုံဖို့ ရှိနေပါတယ်။

တော်လှန်ရေးမှာ ပြည်သူလူထုရဲ့ ပါဝင်ပတ်သက်မှုအရေးပါခဲ့သလို တည်ဆောက်ရေးမှာလည်း အစိုးရ၊ ဝန်ထမ်းနဲ့ ပြည်သူအားလုံးပူးပေါင်းပါဝင်လုပ်ဆောင်မှအောင်မြင်နိုင် မှာဖြစ်တယ်။

ပြည်သူ့အတွက် ရက် ၁၀ဝ ဟာ ပြီးမြောက်ခဲ့ပြီဖြစ်ပါတယ်။ လုပ်နိုင်တာတချို့ ရှိခဲ့သလို မလုပ်နိုင်တာတချို့လည်း ရှိနေဆဲဖြစ်ပါတယ်။ တည်ဆောက်ရေးလုပ်ငန်းဆိုတာ ရက် ၁၀ဝ နဲ့ ဥုံဖွမန်းသလိုဖြစ်လာမှာမဟုတ်ပါ။ တက်ညီလက်ညီ ဝိုင်းဝန်းကူပြီး လုပ်ဆောင်ကြမှ အောင်မြင်နိုင်မှာဖြစ်ပါတယ်။

တော်လှန်ရေးမှာ ပြည်သူတစ်ရပ်လုံးပါဝင်ခဲ့ကြသလို တည်ဆောက်ရေးမှာလည်း ပြည်သူလူထုတစ်ရပ်လုံး ပါဝင်ပါမှအောင်မြင်နိုင်မည်ဖြစ်ပါကြောင်း။

တော်လှန်ရေး၊ တည်ဆောက်ရေး နှင့် ဘကြီးမိုးပါ။

ဘကြီးမိုး


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သူတို့အာဘော်, မောင်မိုးသူ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊ အချိန်မီ ထွက်ပါပြီ

By

  မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊...

Read more »

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်