fbpx

လှရွှေ ● ဘောင်ထဲက ကျနော် နဲ့ လွတ်လပ်ခြင်း မျိုးဆက်

September 5, 2016

● ဘောင်ထဲက ကျနော် နဲ့ လွတ်လပ်ခြင်း မျိုးဆက်
(မိုးမခ) စက်တင်ဘာ ၅၊ ၂၀၁၆

ကျနော့်သားနဲ့ ကျနော်တို့ နှစ်ဦးဟာ နောင် ၁၂ နှစ်ကြာရင် ဘာဖြစ်နိုင်လဲ၊ ဘယ်လို ကွာနိုင်လဲ အမြဲ စဉ်းစား ဖြစ်တယ်။

သားလေး တက်နေတဲ့ Grade 1 သင်ခန်းစာတွေကိုလည်း လေ့လာ ဖြစ်တယ်။ Grade 1 မြန်မာလို ပထမ တန်း ကျောင်းသား တဦးက ကျောင်းစာ အပြင် တခြား စာအုပ်တွေကို ကျောင်း စာကြည့် တိုက်ကနေ ငှားဖတ်ရတယ်။ တပတ်ကို အနည်းဆုံး (၂) အုပ်ဖတ်ရမယ်။ ကျောင်းစဖွင့်တဲ့ ပထမ ပတ်မှာ သူငှားလာတဲ့ စာအုပ် နှစ်အုပ်က The Luck of the Lock Ness Monster နှင့် Star Wars, the Story of Darth Vander. ကျနော့်သား ဒီစာအုပ်ကို ငှားသွားတယ်ဆိုတာ စာကြည့်တိုက် မှတ်တမ်းမှာ ရှိသလို အတန်းပိုင် ဆရာမရဲ့ မှတ်တမ်းစာအုပ်မှာလည်း ထည့်သွင်း ထားပါတယ်။ သားက ပုံပြင် စာအုပ်တွေကို ဖတ်ရတာ ၀ါသနာ ပါပုံရတယ်။ သူငယ်တန်းရဲ့ Report Card မှာ Reading စာဖတ်တာမှာ အဆင့် A ထက်မြင့်တဲ့ Exceeding ရထားတယ်။

ဒီစာအုပ်တွေကို အိပ်ရာပေါ်မှာ ကျနော်နဲ့ အတူ ဖတ်ကြပါတယ်။ သူမသိတဲ့ အကြောင်း အရာဆို ကျနော် တတ်သလောက် ရှင်းပြရတယ်။ The Luck of the Lock Ness Monster စအုပ်က ကလေးမလေး တဦးရဲ့ ပင်လယ်ပြင်ကို ဖြတ်ပြီး အဘွားဆီကို သွားလည်တဲ့ စကော့တလန်ကို အခြေခံထားတဲ့ ပုံပြင်စာအုပ်။

ပထမ တန်းကျောင်းသားတယောက်ရဲ့ တနှစ်အတွင်း ဖတ်ရမယ့် စာအုပ်က အုပ်ရေ အနည်းဆုံး ၈၀ ဖြစ်နေတယ်။ ကလေးတဦးမှာ စာသင်ခန်းက ရတဲ့ အတွေ့အကြုံ၊ စာဖတ်ခြင်းကနေ ရတဲ့ အတွေ့အကြုံ ၊ မိတ်ဆွေတွေဆီက ရတဲ့ အတွေ့အကြုံ စတဲ့အရာဟာ နောင် ၁၂ ကြာတဲ့အခါ ကျနော်နဲ့ တခြားစီ ဖြစ်နေမှာ မြေကြီး လက်ခတ်မလွဲတဲ့ အဖြေပါ။

ကျောင်း ဒုတိယ နေ့မှာ သူယူသွားတာက စိတ်ဝင်းစားစရာ ကောင်းပါတယ်။ သူ့အတွက် အရေးကြီးဆုံး၊ အရေးပါဆုံး အရာကို ယူလာပြီး စာသင်ခန်းထဲမှာ တင်ပြရမယ်။ သားတော်မောင် ယူသွားတဲ့ အရာက Power Ranger မျက်နှာဖုံး၊ My craft အရုပ်လေးတွေကို ယူသွားပြီး ဒီအရုပ်တွေကို ဘာကြောင့် ကြိုက်နှစ်သက်ရသလဲ သူ့အတွက် ဘာကြောင့် အရေးပါလဲ သူရှင်းပြရမယ်လို့ ပြောတယ်။ ကလေးတယောက်ရဲ့ လွတ်လပ်မှုကို အပြည့် အ၀ ပေးထားတဲ့ ပညာရေး စနစ်ပါ။ ကန့်သတ်မှု၊ ဘောင်မရှိတဲ့ ပညာရေး စနစ်မျိုးပါ။

တရက်က မေးခွန်းတခု မေးတယ်။ အဖေ နတ်ပြည် ( Heaven) မှာ ကျောင်းရှိလားတဲ့ဗျာ။ ကျနော် ကလည်း နတ်ပြည်မှာ ကျောင်း ဘယ်ရှိပါ့မလဲလို့ ပေါ့ပေါ့ တန်တန် ပြန်ဖြေ လိုက်တော့၊ ဒါဆို နတ်သား၊ နတ်သမီး တွေ အကုန်လုံးက စာမတတ် ကျဘူးပေါ့တဲ့။ နောက်တခါ မေးပြန်တယ်။ Heaven က အမှန်လားတဲ့။ ကျနော်က စာအုပ်ထဲမှာ ပါတဲ့ နေရာတွေပါလို့ ပြန်ဖြေတော့ ဒါဆို Imagination တွေးတောပြီး ပြောတဲ့ အရာလားလို့ ပြန်မေးပြီး သူဟာသူ ဒါဆို It is not really လို့သူဟာသူ ပြန်ဖြေသွားလို့ တော်သေး။ သူတို့လေးတွေမှာ ဖြန့်ကျင် တွေးတဲ့ အလေ့အထကို ကလေး ကတည်းရ နေပြီ ဆိုတဲ့ အရာပါ။

ကျနော် ငယ်ငယ်က အဲလို တွေးခဲ့လား၊ မေးဖြစ်ခဲ့လား မိမိကိုယ်ကို ပြန်စဉ်းစားမိတယ်။

ကျနော်တို့က ဒါကျက်၊ ဒါဖတ်၊ ဒါမေးရင် ဒါပြန်ဖြေ ဆိုတဲ့ ပုံသေ ကားချပ် ပညာရေး စနစ်ကနေ ရခဲ့ တဲ့ အတွေ့အကြုံ၊ ဖိနှိပ်မှုကနေ ရခဲ့တဲ့ မကြေနပ်ချက်တွေ၊ ဘ၀ ဒဏ်ရာတွေ၊ ဒဏ်ချက်တွေနဲ့ မိမိဘ၀၊ မိသားစု၊ မိမိ နိုင်ငံကို ပြုပြင်ဖို့၊ တည်ဆောက်ဖို့ ကြိုးစားခဲ့ကြတယ်။ အကုန်လုံးနီးပါး တလွဲတွေ ဖြစ်ခဲ့တယ်။

မြန်မာပြည်မှာ တာဝန်ကျခဲ့တဲ့ အမေရိကန် သံအမတ်ကြီး မြန်မာပြည်ကနေ မထွက်ခွာခင်မှာ ပြောသွားတဲ့ စကားတခွန်းကို သဘောကျတယ်။ “ မြန်မာပြည်သူတွေ အမှားနဲ့ အမှန်” ပဲ ကိုသိကြတယ်။

လှရွှေ


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာစုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)