မောင်ရင်ငတေ ● စပျစ်ဝိုင်ရဲ့ယဉ်ကျေးမှု (Viticulture)

September 24, 2016

မောင်ရင်ငတေ ● စပျစ်ဝိုင်ရဲ့ယဉ်ကျေးမှု (Viticulture)
(မိုးမခ) စက်တင်ဘာ ၂၄၊ ၂၀၁၆
 

မောင်ရင်ငတေ စပျစ်ခူးသမား ဖြစ်ခဲ့ဖူးလို့လားတော့ မသိပါဘူး။ ရောက်ရှိဖူးတဲ့နေရာဒေသတွေမှာ စပျစ်ခင်း တကျယ်တပြော ကြီးတွေတွေ့လိုက်ရတာနဲ့ မဖြစ်မနေ ဓါတ်ပုံရိုက်ချင်စိတ်တွေ တဖွားဖွား ပေါ်လာစေခဲ့ပါတယ်။ စပျစ်အကြောင်း ဝိုင်အ ကြောင်းတွေတွေ့ရရင် ဖတ်ချင်မိရပါတယ်။ ရေးချင်မိရပါတယ်။ ဝိုင်ပုလင်းတွေ ဝိုင်ပုံးတွေ တွေ့ရရင်တော့ သောက်ချင် မိရတာပေ့ါ။

စပျစ်စိုက်ပျိုး ဝိုင်ချက်လုပ်တဲ့ လုပ်ငန်းဟာ အခုအခါမှာတော့ နိုင်ငံတော်တော်များများမှာ စီးပွားဖြစ်လုပ်ကိုင်ဖို့ ကြိုးပမ်းလာ ကြပါပြီ။ မောင်ရင်ငတေတို့ရဲ့ မွေးရပ်ဋ္ဌာနေ ရွှေပြည်တော်ကြီးဆီမှာလည်း ဂျာမဏီနည်းပညာ အရင်းအနှီးများနဲ့ လုပ်ကိုင်တဲ့ အေးသာယာ စပျစ်ဝိုင်လုပ်ငန်းဟာ အတော်ကို နာမည်ကြီးနေတယ်လို့ ဆိုပါတယ်။

စပျစ်ပျိုးချိန် ဧပရယ် (ဓါတ်ပုံ မရငတ)


မြန်မာ အင်တာနက် စာမျက်နှာတွေမှာ အေးသာယာ စပျစ်ခြံနဲ့ စပျစ်ဝိုင်ပုံတွေက တော်တော်ကို အတွေ့ရများလာပါတယ်။ စိမ်းလန်းမြေ စပျစ်ခြံဆိုပြီး ဖေ့စ်ဘုတ်ခ်စာမျက်နှာတခုကိုလည်း တွေ့ရှိမိပါတယ်။ မေမြို့ မိုးကုတ်လမ်း သံဘိုရွာမှာ ရှိပါ တယ်တဲ့။ ဟိုအရင် ခပ်ငယ်ငယ်တုန်းကတော့ မိတ္ထီလာပျော်ဘွယ်နယ်ဘက်တွေမှာတော့ အသီးစားတဲ့ စင်ထိုးစိုက်ရတဲ့စပျစ် စင်တွေကိုတော့ တွေ့မြင်ခဲ့ဖူးပါတယ်။ အေးသာယာစပျစ်လိုမျိုး ဝိုင်ချက်ဖို့အတွက်ရည်ရွယ်ပြီး စိုက်ကြတာကိုတော့ မမြင် တွေ့ဖူးခဲ့ပါဘူး။

တကယ်ကတော့ စားတဲ့စပျစ်နဲ့ ချက်တဲ့စပျစ်က မတူဘူးလို့သာ လွယ်လွယ်ပြောရမှာပါ။ ဝိုင်ချက်တဲ့ စပျစ်ပင်တွေက စင် ထိုးစိုက်တာမျိုး မဟုတ်ပါဘူး။ ပင်ပျိုသက် လေးငါးနှစ်ရှိမှ စတင်အသီးသီးတာပါ။ ပင်စည်ကနေ ဖြာထွက်သွားတဲ့ အကိုင်း အခက်အညွန့်တွေကနေမှ အသီးတွေသီးလာတာပါ။ စပျစ်ခူးရာသီ ကုန်ဆုံးပြီးချိန် ကျန်ရစ်တဲ့ စပျစ်ရွက်ဝါရွက်ရင့် ရွက် ခြောက်တွေကို ဖယ်ရှားရှင်းလင်းပြီးချိန်မှာတော့ စပျစ်ခင်းတွေဟာ ဥရောပ ဆောင်းတွင်းရာသီကုန်ချိန်အထိ ရိုးတံကျဲကျဲ ပင်စည်ငုတ်တုတ်နဲ့သာ တွေ့မြင်ရမှာပါ။

New World vs Old World Wine ကမ္ဘာ့ဝိုင် အဓိကထုတ်လုပ်ရာဒေသများ (Photo Google)


ဝိုင်ကမ္ဘာဟောင်း နိုင်ငံများကတော့ ရောမအင်ပါယာခေတ်နောက်ပိုင်းကာလ အဓိကချက်လုပ်ခဲ့ရာနိုင်ငံများဖြစ်ကြတဲ့ Italy, France, Spain, Portugal, Austria, Germany, Greece တို့ ဖြစ်ကြပြီး Hungary, Israel, Romania, Slovakia, Slovenia, Croatia, Cyprus, Switzerland, England, Macedonia. နိုင်ငံများကတော့ ဝိုင်သမိုင်းမှာ ပါဝင်ခဲ့ပေမယ့်လည်း အခုအခါ မှာတော့ အနည်းအပါးလောက်သာ ဒေသတွင်းသုံးအဖြစ် ချက်လုပ်တော့ပါတယ်။

ဝိုင်ကမ္ဘာသစ်ကိုတော့ ဦးဆောင်နေကြသူတွေက ထုံးစံအတိုင်း အင်အားကြီး နိုင်ငံများဖြစ်ကြတဲ့ United States, Australia, တို့ပါ၊ New Zealand, Argentina, Chile, South Africa, China, India, Uruguay, Brazil, Mexico, Canada တို့မှာလည်း အခု တော်တော်များများ ထုတ်လုပ်လာနေကြပါပြီ။

ဝိုင်ကမ္ဘာဟောင်း နိုင်ငံမှာပါဝင်ခဲ့တဲ့ အစ္စရေးလို ဒေသမျိုးတွေမှာကတော့ ဘာသာရေးအခက်အခဲတွေကြောင့် ထွန်းကားမှု နည်းပါးခဲ့ရပါတယ်လို့ ဆိုကြပါတယ်။ ဝိုင်ကမ္ဘာဟောင်းနဲ့အသစ် အဓိကကွာခြားမှုကတော့ ထွက်ရှိလာတဲ့ဝိုင်တွေကို နှစ်ချို့ ဝိုင်အဖြစ် သိမ်းဆည်းထားရှိရာမှာ ကွာတာပါတဲ့။

ရီစရာတခုလို့ပြောရမှာဖြစ်တာကတော့ ဝိုင်အများဆုံး သောက်သုံးရာ နယ်မြေစာရင်းမှာ ပုတ်ရဟန်းမင်းကြီး နေထိုင်ရာ အီ တလီက Vatican City State က နံပါတ်တစ်အဖြစ် စာရင်းတခုမှာ တွေ့ရှိနေရတာပါ။ ဗာတီကန် စီးတီးဆိုတာက ပုလ်ရဟန်း မင်းကြီးအပါအဝင် နေထိုင်ကြသူပေါင်း အယောက်ရှစ်ရာ့ငါးဆယ်ခန့် လောက်သာရှိတဲ့ နိုင်ငံပိစိလေးတခုသာပါ၊ တယောက် ကို တနှစ်မှာ ဝိုင်လီတာ ခြောက်ဆယ်ကျော် သောက်သုံးပါသတဲ့။ ဒါတောင် ခလေးတွေ စာရင်းထဲမှာ ပါမပါ မသိပါဘူး။

The Principal Wine Regions in France ပြင်သစ်ပြည်ရဲ့ ရှန်ပိန် ကော့ညက် အရ်မာညက်ကာဗားဒိုးနဲ့ အခြားသော စပတ်ကလင်ဝိုင်မျိုးစုံ ထွက်ရှိရာပြတဲ့ မြေပုံ (Photo Google)


ကမ္ဘာ့စပျစ်ဝိုင် စိုက်ပျိုးထုတ်လုပ်မှုမှာရော တင်ပို့ရောင်းချမှုမှာပါ စပိန် ပြင်သစ် အီတလီ  သုံးနိုင်ငံက ထိပ်ဆုံးမှာ ရှိနေပါတယ်။ သုံးနိုင်ငံပေါင်းရင် ထုတ်လုပ်တင်ပို့ရောင်းချမှုက ၆၀  ရာခိုင်နှုန်းကျော်ရှိပြီး စိုက်ပျိုးဧရိယာ ဟက်တာပေါင်း စပိန်မှာ ဆယ်နှစ် သိန်း ပြင်သစ်မှာ ကိုးသိန်းနဲ့ အီတလီမှာ ရှစ်သိန်း ရှိပါတယ်။

ဒီသုံးနိုင်ငံနောက်မှာတော့ တူရကီ အမေရိကန် တရုတ် တောင်အာဖရိက သြစတေးလျှ  အာဂျင်တီးနားတို့ ဖြစ်ကြပါတယ်၊ တရုတ်နိုင်ငံကတော့ လူဦးရေကများလွန်းလို့လား ဝိုင် ကွာလတီကောင်းတာ မထွက်လို့လား မသိပါဘူး။ ပြန်သွင်းရတာ တ နှစ်ကို ဒေါ်လာ သန်းလေးငါးရာဖိုး ရှိပါသတဲ့။

မောင်ရင်ငတေကတော့ ပြင်သစ်မှာနေလို့ ပြင်သစ်ဘက်ကနေ လိုက်ပြောပါတယ်ဆိုရင်လည်း မငြင်းချင်ပါဘူး။ သောက်ခဲ့ဖူး တဲ့ ဝိုင်အမျိုးမျိုးမှာ ဈေးအရမ်းကြီးတဲ့ နာမည်ကြီးတံဆိပ်ကပ်ထားတဲ့ ဝိုင်အမျိုးအစားများကိုတော့ ကောင်းပါတယ် မကောင်း ပါဘူးဆိုတာကို သုံးသပ်မပြောလိုပေမယ့် ဈေးခပ်ပေါပေါနဲ့ သောက်လို့လည်းကောင်းပါတယ်ဆိုတဲ့ ဝိုင်အမျိုးမျိုးကတော့  မိတ်အင်ပြင်သစ်သာဖြစ်ပါကြောင်း အတည်ပြုပြောကြားလိုပါတယ်။

ရွှေပြည်တော်အေးသာယာထွက် စပျစ်ဝိုင်ဆိုတာကို မသောက်ဖူးလို့ ကောင်းမကောင်းကို မပြောကြားနိုင်ပေမယ့် အေးသာ ယာ ဝိုင်တပုလင်းတန်ဖိုးက ပြင်သစ်ဝိုင် သာမန် နိစ္စဓူဝ တန်းဝင်သောက်သုံးနိုင်တဲ့ ဝိုင်ဈေးနှုန်းထက် လေးငါးဆကြီး နေပါ တယ်။ အေးသာယာဝိုင်သောက်သုံးဖူးသူ မောင်ရင်ငတေ သူငယ်ချင်းများရဲ့ ပြောကြားမှုပါ။

ပြင်သစ်ဝိုင်ရဲ့ တပုလင်းဈေးနှုန်းက ရွှေကျပ်ငွေနဲ့ဆိုရင် နှစ်ထောင်သုံးထောင်ကျော်လောက်သာ ရှိနေကြောင်းပါ။ ဒါတောင်မှ မောင်ရင်ငတေတို့ နိစ္စဓူဝ သောက်သုံးနေကြတဲ့ ငါးလီတာဝင် စက္ကူပုံးတပုံးရဲ့တန်ဖိုးက ရွှေကျပ်ငွေ ရှစ်ထောင်လောက် သာပေးရကြောင်းပါ။ ဒီထက်သက်သာချင်ရင် ရှာတတ်ဖွေတတ်မယ်ဆိုခဲ့ရင်တော့ စက္ကူပုံးသွပ် ပလပ်စတစ် ပုလင်းသွပ် စပိန်ဝိုင်တွေကတော့ ဈေးပိုမိုချိုသာကြောင်းပါ။

ရှန်ပိန်နယ်က စပျစ်ခင်း (ဓါတ်ပုံ မရငတ)


စပျစ်ပင် အမျိုးအစားများစွာကနေ ချက်လုပ်တဲ့ ဒီအရည်တွေကို စိုက်ပျိုးချက်လုပ်ရာနယ်မြေဒေသများကို အစွဲပြုပြီး ခေါ်ကြ တာပါ၊

Champagne နယ်က စိုက်ပြီးချက်တာကို ရှန်ပိန်လို့ခေါ်ဆိုကြပြီး Cognac နယ်မှာ စိုက်ပျိုးပြီးချက်လိုက်ရင် ကော့ညက် အ မည်တွင်ပါတယ်။ Cognac ဒေသအပြင်က ဘယ်ဒေသကမဆို နည်းပညာအသစ်တွေနဲ့ ဘယ်လောက်ကောင်းအောင် ချက် ချက် ကော့ညက်လို့ ခေါ်ခွင့်မရှိပါဘူး။

Jura တောင်တန်းပေါ်က ထွက်ရှိတဲ့ Crémant du Jura ဆိုတာကလည်း ရှန်ပိန်ကဲ့သို့ အမြှုပ်ထွက်တဲ့ စပတ်ကလင်ဝိုင် အ မျိုးအစားပါ။ ဒါပေမယ့် ရှန်ပိန်လို အရသာရှိ သောက်လို့ကောင်းပါတယ်ဆိုပေမယ့် ရှန်ပိန်ပြည်နယ်ကထွက်ရှိတာမဟုတ်လို့  ရှန်ပိန်အမည်ခံလို့မရသလို ရှန်ပိန်ဈေးကိုလည်း မကျော်နိုင်ပါဘူး။ အဲဒီလိုသာပါ။

Armagnac နယ်ကထွက်ရှိတာမို့ အရ်မာညက်ခေါ်ကြပေမယ့် တကယ်တော့ ကော့ညက်နဲ့အတူတူပါ။ ကော့ညက် အရ်မာ ညက်တို့ရဲ့အမျိုးအစားကိုတော့ ဘရန်ဒီလို့ သတ်မှတ်ကြပြန်ပါတယ်။

အားလုံးဟာ စပျစ်သီးတွေက ချက်ထားကြတဲ့အရည်တွေသာပါ။ ကော့ညက် အရ်မာညက်တို့နဲ့ ခပ်ဆင်ဆင်တူ ဘရန်ဒီ စာရင်းဝင်တွေရှိကြသေးပေမယ့် ဒေသအလိုက် ရိုးရာအဆင့်မျှသာ ရှိပါတယ်။  အဲဒီလို ဘရန်ဒီအဆင့်အားလုံးကို ခြုံပြီး တော့ Eaux-de-Vie de Vin “Water of Life” လို့ ခေါ်ဆိုလေ့ ရှိကြပါတယ်။

စပျစ်ညွှန့် စပျစ်နွယ် (ဓါတ်ပုံ မရငတ)


စပျစ်ပင်မျိုးကွဲပေါင်း မြောက်များစွာရှိပေမယ့် Chardonnay, Pinot Noir, Cabernet  Sauvignon, Sauvignon Blanc, Melon de Bourgogne, Syrah , Merlot, Gamay, Chenin Blanc, Muscat de Hambourg တို့ကတော့ နာမည်ကြီး အမျိုးကောင်းတွေလို့ ဆိုကြပါတယ်။

စပျစ်အမျိုးအစားပေါ်မူတည် စိုက်ပျိုးမြေနေရာဒေသပေါ်မူတည်ပြီးတော့ ထွက်ရှိလာတဲ့ ဝိုင်အရည်အသွေး အနိမ့်အမြင့် ကွာသွားတတ်ပေမယ့် ရိတ်သိမ်းခါနီး ရာသီဥတုကလည်း အဓိက အရေးကြီးဆုံးအချက်ထဲမှာ ပါပါတယ်တဲ့။ ရာသီဥတု ဖောက်ပြန်တဲ့နှစ်က ထွက်ရှိတဲ့ စပျစ်သီးကနေ ဘယ်လိုချက်ချက် ချက်တဲ့ဝိုင်ကတော့ နှစ်ချို့ဝိုင် မဖြစ်နိုင်ပါဘူးလို့လည်း ဆို ကြပါတယ်။

၁၉၇၅ ခုနှစ်က ရှန်ပိန်နယ်တွေမှာ ရာသီဥတုမှန်ပြီး ထွက်ရှိခဲ့တဲ့ ရှန်ပိန်တွေဝိုင်တွေက နှစ်ချို့သိမ်းဖို့ ကောင်းလှတာကြောင့် ဈေးနှုန်းမြင့်မားတဲ့ နှစ်ချို့အဖြစ် နာမည်ကြီးပါတယ်။ ဘီစီ ၆ ရာစုခန့်ကတည်းက စတင်ခဲ့တယ်လို့ဆိုတဲ့ ပြင်သစ်ဝိုင်လုပ်ငန်း ကတော့ အကြီးကျယ်ဆုံးပါဘဲ။ တနှစ်ကို တလီတာဆန့် ပုလင်းပေါင်း ၈ ဘီလီယံ ထုပ်လုပ်ပါတယ်တဲ့။

ကမ္ဘာ့လူဦးရေ သန်း ၇၀၀၀ နဲ့သာ တွက်ကြည့်ကြပါတော့၊ ပြင်သစ်ပြည် တဝန်းလုံးနီးပါးမှာ စပျစ်ဝိုင် စိုက်ပျိုး ချက်လုပ်ကြတယ် ဆိုပေမယ့်လည်း တကမ္ဘာလုံးအတိုင်းအတာနဲ့ လူသိများတာကတော့ Bordeaux ဘော်ဒိုးဒေသက ထွက်တဲ့ ဝိုင်ပါ။

Burgundy ခေါ် ပြင်သစ်လို Bourgogne ဘူးဂွန်းန်းဒေသကတော့ အခုအခါမှာ ပိုမိုလူသိများလာပေမယ့်လည်း ဘူးဂွန်း န်ဝိုင်ရဲ့ အခြေခံ ဈေးနှုန်းတွေက ကြီးမြင့်လှတာကြောင့် နေရာတကာ ဆိုင်တကာမှာ တွေ့ရလေ့ သိပ်မရှိပါဘူး။ တယူရိုခွဲနှစ် ယူရိုတန်တဲ့ ဘောဒိုးဝိုင်ပုလင်းတွေကို အလွယ်တကူ ဝယ်လို့ရနိုင်ပေမယ့် ဘူးဂွန်းန် ဝိုင်ပုလင်းတွေကိုတော့ တွေ့ရခဲပါတယ်။

ရွှေပြည်ကြီးက စိမ်းလန်းမြေ အေးသာယာ စပျစ်ခြံများရဲ့ပုံတွေကို ဖြတ်ညှပ်ကပ်ထားတာပါ။ အစိမ်းရောင်လွင်ပြင်ဘလောက်ခ် စိမ်းလန်းမြေစပျစ်ခြံနဲ့ မူရင်းပိုင်ရှင်များကို ကျေးဇူးတင်ပါတယ်။

(Viticulture) စပျစ်စိုက်ပျိုး ဝိုင်ထုတ်လုပ်ခြင်းဆိုင်ရာ လေ့လာမှုအတတ်ပညာကို မောင်ရင်ငတေရဲ့ ဘာသာစကားဖလှယ်မှု ပညာအရ *စပျစ်ဝိုင်ရဲ့ ယဉ်ကျေးမှု* ဟုသာ လွယ်လွယ်ကူကူ ဘာသာပြန်လိုက်ရကြောင်းပါခင်ဗျာ။

မောင်ရင်ငတေ ၁၈၀၃၂၀၁၅


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခရီးသွား ဆောင်းပါး, မောင်ရင်ငတေ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments