ဇင်လင်း ● ပြည်တွင်းစစ် ရပ်စဲရေး အစိုးရနဲ့ တပ်မတော်မူဝါဒ ညှိနှိုင်းဖို့လိုနေသလား

October 5, 2016
My Friend Tin Moe By Maung Swan Yi - Selection of MoeMaKa Articles

ဇင်လင်း ● ရပ်စဲရေး အစိုးရနဲ့ တပ်မတော်မူဝါဒ ညှိနှိုင်းဖို့လိုနေသလား
(မိုးမခ) အောက်တိုဘာ ၅၊ ၂၀၁၆

မြန်မာနိုင်ငံမှာ အမျိုးသားဒီမိုကရေစီအဖွဲ့ချုပ် အစိုးရအဖြစ်တာဝန်ယူခဲ့တာ ၆ လသာသာ ရှိခဲ့ပါပြီ။ အခြေအနေအတော် များများ တိုးတက်ပြောင်းလဲလာခဲ့တာ မြင်တွေ့နေရပေမယ့် ပဓါနကျတဲ့ အပစ်ရပ်ရေးနဲ့ ငြိမ်းချမ်းရေးကဏ္ဍတချို့မှာ ရှေ့မ တိုးနိုင်ဘဲဖြစ်နေတာ မြင်တွေ့နေရပါတယ်။ လူ့အခွင့်အရေးဆိုင်ရာကိစ္စရပ်တွေမှာ ပြည်သူလူထုအနေနဲ့ ခေါင်း ထောင်ကြည့် တတ်လာပြီး၊ သတင်းစာနဲ့ ရုပ်သံမီဒီယာတွေမှာ အပြည်ပြည်ဆိုင်ရာ လူ့အခွင့်အရေး ကြေညာစာတမ်းကို ထင်ထင်ရှားရှား ထည့်သွင်းဖေါ်ပြလာကြတာ တွေ့လာရပါပြီ။ အရင်အစိုးရအဆက်ဆက် လက်ထက်တွေမှာ လူ့အခွင့်အရေးရပိုင်ခွင့် နိုင်ငံသား အခွင့်အရေးရပိုင်ခွင့် ရှိတယ်ဆိုတာ ပြည်သူလူထုအများစု သိခွင့် မရရှိခဲ့ပါဘူး။ ဒီလိုဖြစ်အောင် လုပ်ခဲ့ကြတာလည်း အစိုးရတွေကိုယ်တိုင်ပါပဲ။ ပညာရေးအသုံးစရိတ်ကို စတိမျှသာ ခွင့်ပြုထားခဲ့ခြင်းဟာ ပြည်သူလူထုရဲ့ အသိဉာဏ်ပညာ ဖွံ့ဖြိုးတိုးတက်မှုကို ဟန့်တားခဲ့တဲ့ လုပ်ရပ်ဖြစ်ပါတယ်။ စာမတတ်သူ ပညာမတတ်သူများတဲ့ နိုင်ငံတခုအနေနဲ့ တိုးတက်ဖွံ့ဖြိုး မှု နောက်ကျကျန်ရစ်ရစမြဲဖြစ်ပါတယ်။ ဒါကြောင့် လူတိုင်းလူတိုင်းရရှိရမယ့် ပညာသင်ကြား တတ်မြောက်ခွင့်ကို ဆုတ်ယုတ် အောင်လုပ်ခဲ့သူတွေဟာ အစိုးရအာဏာရယူထားခဲ့သူတွေပဲ ဖြစ်ပါတယ်။ လွတ်လပ်စွာ အသက်ရှင်ပိုင်ခွင့်၊ လွတ်လပ်စွာ အသက်မွေးဝမ်းကျောင်းပိုင်ခွင့်၊ လွတ်လပ်စွာ ပညာသင်ကြားခွင့်၊ လွတ်လပ်စွာ ထင်မြင်ယူဆ ဖွင့်ဟပြောဆိုဆွေးနွေးပိုင် ခွင့်၊ မိမိနိုင်ငံအတွင်း လွတ်လပ်စွာ နေထိုင်သွားလာခွင့်၊ လွတ်လပ်စွာ ဆန္ဒသဘောထားပေးပိုင်ခွင့်၊ အစရှိတဲ့ အခွင့်အရေးတွေ ကို ရှိနေမှန်းမသိအောင် ပိတ်ဆို့ဟန့်တားခဲ့တာလည်း စစ်အာဏာရှင် အစိုးရအဆက်ဆက်ပါပဲ။ ဒီကနေ့ လက်ရှိအခြေအ နေမှာ လူ့အခွင့်အရေး စောင့်ကြည်ကာကွယ်ရေး အဖွဲ့တွေရဲ့လှုပ်ရှားမှုတွေကြောင့် ပြည်သူလူထုအနေနဲ့ မိမိတို့အခွင့်အရေး တွေရှိနေခဲ့တာကို သိရှိလာခဲ့ကြပါပြီ။ မိမိတို့ရဲ့ဆုံးရှုံးနေခဲ့ရတဲ့ အခွင့်အရေးတွေကို စုပေါင်းတောင်းဆိုမှုတွေ လုပ်ဆောင် တတ်လာကြတာ တွေ့နိုင်ကြပါပြီ။

မြန်မာနိုင်ငံကို ဘက်စုံဖွံ့ဖြိုးတိုးတက်အောင် လုပ်ကြရေးအတွက် ပြည်သူကို ဗဟိုပြုကြရမယ်ဆိုတာကိုလည်း အယူအဆ အနေနဲ့သာ မဟုတ်ဘဲ လက်တွေ့ အကောင်အထည်ဖေါ်လုပ်ဆောင်ကြဖို့လိုကြောင်းလည်း သိလာကြပါပြီ။ တာဝန်ရှိ အစိုးရဝန်ကြီးဌာနအလိုက် ထားရှိသင့်တဲ့ ရည်မှန်းချက်ပန်းတိုင်ဟာ  တည်ငြိမ်အေးးချမ်းပြီး သာယာဝပြောတဲ့ လူမှု အသိုက် အဝန်းတခုဖြစ်ရေးဆီ ဦးတည်ရမှာ ဖြစ်ပါတယ်။ ဒါကြောင့် တိုင်းရင်းသားအားလုံးရဲ့ ခိုင်မာတဲ့ စည်းလုံးညီညွတ်မှု ကို တည်ဆောက်ထိန်းသိမ်းထားဖို့ အလွန်အရေးကြီးပါတယ်။ စည်းလုံးညီညွတ်မှုကို ခိုင်မြဲစေဖို့ဆိုရင် လက်ရှိတိုင်းရင်း သားပြည်နယ် တချို့မှာ ဖြစ်ပေါ်နေတဲ့ စစ်ရေးပဋိပက္ခတွေကို ဆွေးနွေးညှိနှိုင်းပြီး အဆုံးသတ်ပစ်ဖို့လိုပါတယ်။ အင်အား ကြီးသူက အင်အားနည်းသူကို စစ်အင်အားအလုံးအရင်းနဲ့ ဖိစီးအနိုင်ယူဖို့ လုပ်တဲ့ဓလေ့ဟာ ဒီနေ့ ၂၁ ရာစုခေတ်မှာ အလွန် ခေတ်နောက်ကျနေပါပြီ။ ဒါတင်မက ယဉ်ကျေးမှုအရလည်း နိမ့်ကျလွန်းတဲ့ အပြုအမူလို့ဆိုရပါလိမ့်မယ်။ ဒီလို စစ်အင်အား သုံးအနိုင်ကျင့်တဲ့ နိုင်ရာစားဝါဒ (Jungle Law) ကျင့်သုံးခြင်းအားဖြင့် နှစ်ဦးနှစ်ဖက် ဘယ်သူ့အတွက်မှ အကျိုးမရှိကြောင်း သမိုင်းသက်သေတွေလည်း မရေမတွက်နိုင်အောင် တွေ့ကြုံခဲ့ကြရပြီး ဖြစ်ပါတယ်။ ဒါကြောင့် နိုင်ငံသား တို့ ရပိုင်ခွင့် တန်းတူညီမျှမှု မရှိတဲ့အပေါ်မှာ အခြေခံပြီး ဖြစ်ပွားခဲ့ရတဲ့ လက်နက်ကိုင်ပဋိပက္ခတွေ ယေဘုယျအားဖြင့် နိုင်ငံရေးတန်းတူရပိုင်ခွင့်ကိစ္စတွေကို စစ်ရေးနဲ့ဖြေရှင်းလို့ အဖြေထွက်မှာ မဟုတ်ပါဘူး။ ၂၁ ရာစုရဲ့ နိုင်ငံရေးယဉ်ကျေးမှု ဖြစ်တဲ့ နိုင်ငံရေးအရ ငြိမ်းချမ်းစွာ တွေ့ဆုံဆွေးနွေးတဲ့နည်းလမ်း (Peaceful Political Dialogue Method) နဲ့ အဖြေရှာမှသာ ဘက်အသီးသီးအတွက် အကျိုးဖြစ်ထွန်းမှာ ဖြစ်ပါတယ်။

ဒီကနေ့ မြန်မာပြည်သူလူထုရဲ့လုံခြုံရေးကို အစိုးရနဲ့ တပ်မတော်က တာဝန်ယူဖို့ တာဝန်ခံဖို့ လုံးဝတာဝန်ရှိပါတယ်။ ဒါမှ သာ  ငြိမ်းချမ်းပြီး ကြွယ်ဝချမ်းသာတဲ့ ဒီမိုကရေစီ ဖက်ဒရယ် ပြည်ထောင်စုတည်ဆောက်ရေး ရည်မှန်းချက် အောင်မြင်နိုင် မှာ ဖြစ်ပါတယ်။ ဒီကနေ့ တိုင်းရင်းသား ပြည်သူလူထုက ပြည်တွင်းငြိမ်းချမ်းရေးအတွက် ပြည်တွင်းစစ် ချက်ချင်းရပ်ဖို့ သဘောထား ဖေါ်ပြနေပေမယ့်၊ တပ်မတော်က မသိကျိုးကျွံ လုပ်နေပါတယ်။ ငြိမ်းချမ်းရေးညီလာခံ လုပ်နေစဉ်မှာပဲ နဲ့ ရှမ်းပြည်နယ်တွေမှာ တိုက်ပွဲတွေ ဆက်ဖြစ်နေပါတယ်။ ပြည်သူ့ဆန္ဒကို မျက်ကွယ်ပြုပြီး ထိုးစစ်တွေ ဆက်လုပ်နေတဲ့ အခင်းအကျင်းဖြစ်ပါတယ်။ ဒီ စစ်ဆင်ရေးတွေအတွက် ကုန်ကျစရိတ်တွေကို ပြည်သူလူထုရဲ့ အခွန်ဘဏ္ဍာငွေတွေနဲ့ ကျခံ သုံးစွဲနေတာ ဖြစ်ပါတယ်။ ပြည်တွင်းစစ်ပွဲမှန်သမျှ ပြည်သူလူထုအတွက် အကျိုးထက် အပြစ်က ပိုများကြောင်း ထင်ရှားနေ ပါလျှက်နဲ့ ဘယ်သူတွေက ဘယ်သူ့အကျိုးအတွက် ဒီစစ်ပွဲတွေကို ဇွတ်တိုးဖန်တီးနေသလဲ…ဆိုတာ ဆန်းစစ်ကြဖို့ လိုပါပြီ။

တပ်မတော်ကာကွယ်ရေးဦးစီးချုပ်မိန့်ခွန်းမှာထည့်ပြောတဲ့ ငြိမ်းချမ်းရေးမူ ၆ ရပ်မှာ ဆိုတာကလည်း တိုင်းရင်းသား အင်အားစုတွေ ဘက်က လက်မခံနိုင်တဲ့ သဘောထားဖြစ်ကြောင်း အဖန်တလဲလဲ ကြားနေရပါတယ်။ တပ်မတော်ရဲ့ မူ ၆ ချက်က (၁) ငြိမ်းချမ်းရေး ရယူရန် အမှန် တကယ် ဆန္ဒရှိရန်၊ (၂) သဘောတူ စာချုပ်များ၌ ကတိတည်ရန်၊ (၃) ငြိမ်းချမ်းရေး သဘောတူညီချက်များကို အမြတ် မထုတ်ရန်၊ (၄) ဒေသခံများ အပေါ် ဝန်ထုပ်ဝန်ပိုး မဖြစ်စေရန်၊ (၅) နိုင်ငံတော်က ထုတ်ပြန်ထားသည့် တည်ဆဲ ဥပဒေများ ကို တိတိကျကျ လိုက်နာရန်၊ (၆) ဒို့တာဝန်အရေးသုံးပါးနှင့် ဒီမိုကရေစီကျင့်စဉ်အရ ၂ဝဝ၈ ဖွဲ့စည်းပုံ အခြေခံဥပဒေအတိုင်း လိုက်ပါဆောင်ရွက်ရန်၊ စသဖြင့် ဖြစ်ပါတယ်။ ဒါကြောင့် တပ်မတော်ရဲ့ လက်ရှိ ရပ်တည်ချက်သဘောထားကို တိုင်းရင်းသားတွေ ယုံကြည်စိတ်ချလို့မရသေးဘူးလို့  ညီညွတ်သော တိုင်းရင်းသားများ ဖက်ဒရယ်ကောင်စီ UNFC ဒုတိယဥက္ကဋ္ဌ နဲ့ မွန်ပြည်သစ်ပါတီ NMSP ဒုဥက္ကဋ္ဌ နိုင်ဟံသာက သြဂုတ် ၃၁ ညနေ နေပြည်တော်မှာ ကျင်းပတဲ့ မွန်ပါတီများညစာစားပွဲမိန့်ခွန်းမှာ ထည့်သွင်းပြောဆိုသွားကြောင်း  မွန်သတင်းအေဂျင်စီ က ဖေါ်ပြခဲ့တာ သတိပြုသင့်ပါတယ်။

တကယ်တော့ ဒီကနေ့ မြန်မာနိုင်ငံပြည်တွင်းစစ်ဟာ လွတ်လပ်ရေးနဲ့အတူ ပေါ်ပေါက်ခဲ့တာဖြစ်ကြောင်း သမိုင်းကို ပြန်သုံးသပ်ရင် တွေ့နိုင်ပါတယ်။ အဓိက ကိစ္စက နိုင်ငံရေးတန်းတူညီမျှခွင့် ဖြစ်ပါတယ်။ တနည်းအားဖြင့် Self-Determination လို့ဆိုတဲ့ ကိုယ့်ကြမ္မာ ကိုယ်ဖန်တီခွင့် မျှဝေပေးရေး ကိစ္စဖြစ်ပါတယ်။ ဖွဲ့စည်းပုံအခြေခံ ဥပဒေရေးဆွဲ ရာမှာ ဒီမိုကရေစီနည်း မကျခဲ့လို့ ဖြစ်ပါတယ်။ စစ်အင်အားသုံး အနိုင်ကျင့် ချုပ်ဆိုခဲ့တဲ့ Social Contract ဖြစ်နေခဲ့လို့ပါပဲ။ ဒါကြောင့် မြန်မာနိုင်ငံ ငြိမ်းချမ်းရေးဆွေးနွေးပွဲဖြစ်စဉ် အောင်မြင်ရေးကိစ္စဟာ ဖွဲ့စည်းပုံ အခြေခံဥပဒေ ပြင်ဆင်ရေးကိစ္စနဲ့ လည်း တစ်ဆက်တစ်စပ်ထဲ ဖြစ်နေပါတယ်။ တိုင်းရင်းသား လက်နက်ကိုင် အင်အားစုတွေကို ၂ဝဝ၈ ဖွဲ့စည်းပုံဘောင် အတွင်းကို စစ်ရေးအရ ဖိအားသုံးပြီး အတင်းသွတ်သွင်းဖို့ မလုပ်သင့်ပါဘူး။ ဒီနည်းဟာ ရှေးခေတ် ပဒေသရာဇ်တွေနဲ့ ကိုလိုနီနယ်ချဲ့တွေ အသုံးပြုခဲ့တဲ့ နည်းဖြစ်တဲ့အတွက် ငြိမ်းချမ်းရေးနဲ့ အလှမ်းဝေးနိုင်ပါတယ်။ ပြည်တွင်းစစ်ကို ကျေကျေ နပ်နပ် အပေးအယူမျှမျှ ရပ်စဲနိုင်ဖို့ ၂ဝဝ၈ ဖွဲ့စည်းပုံကို ဒီမိုကရေစီစနစ်နဲ့ ဆီလျော်အောင် ပြန်ပြင်ရမှာ ဖြစ်ပါတယ်။

တပ်မတော်က နိုင်ငံ့ ကာကွယ်ရေး တာဝန်ကိုသာ ဒီမိုကရေစီစံနှုန်းနဲ့အညီ ဂုဏ်သိက္ခာရှိစွာ ထမ်းရွက်သင့်ပါတယ်။  ဒီမိုကရေစီ စံနှုန်းနဲ့ ညီဖို့အတွက် တပ်မတော်ဟာ ကာကွယ်ရေးဝန်ကြီးဌာနရဲ့ ဦးဆောင်မှုအောက်မှာ ရှိသင့်ပါတယ်။ ကာကွယ်ရေးအသုံးစရိတ်နဲ့ စစ်ပွဲတစ်ပွဲ ဆင်နွှဲရေးကိစ္စကို ပြည်ထောင်စုလွှတ်တော်က ဆုံးဖြတ်ပေးဖို့လိုပြီး၊ နိုင်ငံတော် သမ္မတက အတည်ပြုပေးရမှာ ဖြစ်ပါတယ်။ ပြည်တွင်းစစ် အမှန်တကယ် ရပ်စဲနိုင်ရေးအတွက် အစိုးရနဲ့ တပ်မတော်က အချိန်ကာလတစ်ခု သတ်မှတ်ပြီး တစ်ဖက်သတ် အပစ်ရပ်ပေးသင့်ပါတယ်။ ဒီလို ပြောရတာကလည်း လက်ရှိ စစ်ရေး ပဋိပက္ခဖြစ်စဉ်တွေကို လေ့လာကြည့်ရင် တပ်မတော်က တိုင်းရင်းသားဒေသတွေထဲ ဝင်ရောက် တိုက်ခိုက်နေတဲ့အတွက် တိုင်းရင်းသားတပ်ဖွဲ့တွေက ပြန်လည်ခုခံနေတာ တွေ့နေရပါတယ်။ တပြည်လုံးအပစ်အခတ်ရပ်စဲရေးနဲ့ ငြိမ်းချမ်းရေး အတွက် NLD အစိုးရက မူဝါဒချမှတ် လုပ်ဆောင်နေစဉ် အခိုက်အတန့်မှာ တပ်မတောက ဘာကြောင့် ဇွတ်အတင်း စစ်ဆင်ရေးတွေ လုပ်နေရတာလဲ။ တနည်းအားဖြင့် တပ်မတော်ရဲ့ စစ်ရေးလှုပ်ရှားမှုတွေဟာ အစိုးရရဲ့ မူဝါဒရေးရာ မဟာ ဗျူဟာကို ကူညီရာမရောက်ဘဲ အနှောက်အယှက်ပေးသလိုဖြစ်နေပါတယ်။ ဒီလို မလိုအပ်ဘဲ စစ်ဆင်လှုပ်ရှားမှုတွေ ကြောင့် တိုင်းရင်းသားပြည်သူလူထုက အစိုးရအပေါ်တင်မက မြန်မာလူမျိုးတွေကိုပါ လူမျိုးကြီးဝါဒကျင့်သုံးတယ်လို့ အမှတ်မှား သွားနိုင်ပါတယ်။ ငြိမ်းချမ်းရေးစားပွဲဝိုင်းထိုင်ရေးအတွက် ကြိုတင် စည်းကမ်းချက်တွေ တင်းတင်းကြပ်ကြပ် ပြဋ္ဌာန်းထား တာလည်း အဟန့်အတားသဖွယ် ဖြစ်နေပါတယ်။ မြန်မာနိုင်ငံမှာ အမျိုးသား ပြန်လည်သင့်မြတ်ရေးနဲ့ အမျိုးသားညီညွတ်ရေး မတည်ဆောက်နိုင်သမျှ ကာလပတ်လုံး ရေရှည်တည်တံ့ ခိုင်မြဲတဲ့ ပြည်ထောင်စုငြိမ်းချမ်းရေးကို ဘယ်လိုမှ တည်ဆောက်နိုင် မှာ မဟုတ်ကြောင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က သတိပေးပြောကြားခဲ့ပုံရပါတယ်။ ဒေါ်အောင် ဆန်းစုကြည်ရဲ့ အမှာစကားကို တပ်မတော်အပါအဝင် မြန်မာနိုင်ငံ ငြိမ်းချမ်းရေးဖြစ်စဉ် မှာ ပါဝင်နေကြတဲ့ Stakeholders အားလုံး အထူးအလေးဂရုပြုသင့်ပါတယ်။ အထူးသဖြင့် ငြိမ်းချမ်းရေးစကားဝိုင်းကို လူစုံတက်စုံ ငြိမ်းငြိမ်းချမ်းချမ်း စတင်နိုင် ရေးအတွက် တပ်မတော်က အင်အားကြီးသူပီပီ တဖက်သတ် အပစ်ရပ်ပေးနိုင်ရင် ပိုကောင်းမယ် ထင်ပါတယ်။ တိုင်းရင်းသား တွေ လက်နက်ကိုင်ကြတာက သူတို့ရသင့်ရထိုက်တဲ့ လူ့အခွင့်အရေးနဲ့ နိုင်ငံသား အခွင့်အရေးတွေ မရတဲ့အတွက်ဖြစ် ဖြစ်ပါတယ်။ သူတို့အနေနဲ့ စစ်ရေးအရ တပ်မတော်ကို မယှဉ်နိုင်ပါဘူး။ ဒါပေမယ့် တပ်မတော်ကလည်း သူတို့ကို အပြတ်ရှင်းမယ် အပြုတ်တိုက်မယ်လို့ စိတ်ကူးမယဉ်သင့်ပါဘူး။ တိုင်းရင်းသားတွေကလည်း ဇာတိသွေး ဇာတိမာန်အရ အလွယ်တကူ အလျော့ပေးမှာ မဟုတ်တာကို သတိပြုသင့်ပါတယ်။ ဒါကြောင့် နှစ်ဦးနှစ်ဖက် သေကျေအနာတရဖြစ်ပြီး တိုင်းပြည်ဆင်းရဲတာသာ အဖတ်တင်ကျန်ပါလိ့်မယ်။ ကျွဲနှစ်ကောင်ကြားက မြေဇာပင် ပြည်သူလူထုရဲ့ ဆင်းရဲဒုက္ခကို အစိုး ရတပ်မတော်အနေနဲ့ ထည့်သွင်းစဉ်းစားရမယ့် တာဝန်ရှိတာကိုလည်း မမေ့စေချင်ပါဘူး။  စစ်အင်အားကြီးသူက သဘော ထားကြီးခြင်းကျင့်ဝတ်ကို လေးစားလိုက်နာခြင်းတို့ကို ပြသတဲ့အနေနဲ့ တပ်မတော်က ကာလအကန့်အသတ် တစ်ခုထားပြီး တဖက်သတ် အပစ်ရပ်ပေးဖို့လိုပါတယ်။

ပြီးခဲ့တဲ့ စက်တင်ဘာလ ၂၈ ရက်နေ့က ကချင်ပြည်နယ် လွှတ်တော်မှာ တပ်မတော်နဲ့ ကချင် လွတ်မြောက်ရေး တပ်မတော် (KIA) တို့အကြား ဖြစ်ပွားနေတဲ့ လတ်တလော စစ်ပွဲများ ရပ်စဲပေးဖို့ ဝိုင်းမော်အမှတ်(၂) မဲဆန္ဒနယ် ကိုယ်စားလှယ် ဦးနော်လီ (ခေါ်) ဇခေါင်ခမ်းရယ်က အဆိုတင်ခဲ့တာ တွေ့ရပါတယ်။ အစိုးရတပ်မတော်ရဲ့ အင်အားအလုံးအရင်းနဲ့ ထိုးစစ်ဆင်တိုက် ခိုက်မှုတွေရဲ့ စစ်ရေးပစ်မှတ်က KIO/KIA စခန်းတွေနဲ့ နယ်မြေတွေကို သိမ်းပိုက်ရေးဖြစ်တယ်လို့ ဆိုပါတယ်။ တိုက်ပွဲတွေ နေ့စဉ်လိုလိုဖြစ်နေပြီး တပ်မတော်က လေကြောင်းကပါ တိုက်ခိုက်နေတယ်လို့ KIO/KIA ဘက်က သတင်းထုတ်ပြန်ပါတယ်။ KIA တပ်ဖွဲ့တွေကလည်း ခြုံခိုတိုက်ပွဲ မိုင်းစစ်ဆင်ဆင်ရေးနည်းလမ်းတွေနဲ့ ပြန်လည်ခုခံနေကြာင်း ကြားရပါတယ်။ နှစ်ဖက်တပ်ဖွဲ့က တိုက်ခိုက်ရေးစစ်သည်တွေ အကျအဆုံးများတယ်လို့ အရပ်ဖက်သတင်းတွေက ဆိုပါတယ်။ ပိုပြီး စိုးရိမ် စရာကောင်းတာက စစ်ဘေးရှောင် အရပ်သူအရပ်သား ဒုက္ခသည်အရေအတွက်က တသိန်းကျော်ရှိနေပြီ ဆိုတဲ့ သတင်းပါပဲ။ အထူးသဖြင့် ဒုက္ခသည်စခန်းတွေမှာ စားရေရိက္ခာနဲ့ ဆေးဝါးမလုံလောက်မှုကြောင့် ကလေးငယ်တွေနဲ့ အမျိုးသမီးတွေရဲ့ ကျန်းမာရေးအခြေအနေက အလွန်စိုးရိမ်နေပါတယ်။ ဒုက္ခသည်စခန်းတွေအတွက် အကူအညီတွေကို တပ်မတော်ဘက်က တားမြစ်ပိတ်ပင်မှုတွေရှိကြောင်းလည်း သတင်းတွေ ထွက်ပေါ်နေပါတယ်။ ဒီသတင်းမှန်ခဲ့ရင် အစိုးရရဲ့ ငြိမ်းချမ်းရေးကြိုး ပမ်းမှုဟာ သဲထဲရေသွန်ဖြစ်ပါလိ့်မယ်။

ထူးခြားတာတခုကတော့ လတ်တလော စစ်ပွဲများ ရပ်စဲပေးဖို့ ဝိုင်းမော်အမှတ် (၂) မဲဆန္ဒနယ် ကိုယ်စားလှယ် ဦးနော်လီ (ခေါ်) ဇခေါင်ခမ်းရယ်ရဲ့အဆိုကို တပ်မတော်သား လွှတ်တော်ကိုယ်စားလှယ်များအပါအဝင် ကန့်ကွက်သူမရှိဘူးလို့ သိရပါ တယ်။ ဒီအဆိုကို တင်ရတာကလည်း စစ်ဘေးရှောင်ပြည်သူတွေရဲ့ တင်ပြတောင်းဆိုမှုကြောင့် ဖြစ်တယ်လို့ ဦးနော်လီက ပြောပါတယ်။ ပြည်သူ့ကိုယ်စားလှယ်တဦးအနေနဲ့ ပြည်သူ့အသံကို လွှတ်တော်ကကြားသိရအောင် တင်ပြပေးရမယ့်တာဝန် ရှိတာကြောင့် သူ့အနေနဲ့ အဆိုတင်ရတာဖြစ်ကြောင်း၊ နယ်လုံဝန်ကြီးအပါအဝင် တပ်မတော်သား ကိုယ်စားလှယ်တွေကပါ ထောက်ခံတဲ့အတွက် သူ့အဆိုအောင်မြင်ကြောင်း  ဦးနော်လီ (ခေါ်) ဇခေါင်ခမ်းရယ်ရဲ့ ပြောကြားချက် ကို ဘီဘီစီသတင်းက ဖေါ်ပြတာတွေရပါတယ်။

ဒီတော့ တပ်မတော်အနေနဲ့ ပြည်တွင်းစစ်ဒဏ်ကြောင့် ဆင်းရဲမွဲတေနေရတဲ့ နိုင်ငံနဲ့ ပြည်သူလူထုကို အမှတ်တကယ် ချစ်ကြောင်း ပြသဖို့ကတော့ စစ်ပွဲတွေ အမြန်ရပ်စဲရေးအတွက် လက်ရှိ NLD အစိုးရနဲ့ မဟာဗျူဟာ နည်းဗျူဟာပိုင်းမှာ ရိုးဖြောင့်စွာ ညှိနှိုင်း ဆောင်ရွက်သင့်ပါတယ်။ ၂၁ ရာစုပင်လုံ ငြိမ်းချမ်းရေး စီမံကိန်း အောင်မြင်ရေးကို အစိုးရနဲ့ စည်းကိုက် ဝါးကိုက် လုပ်ဆောင်စေချင်ပါတယ်။ ပြည်သူချစ်တဲ့ တပ်မတော်ဖြစ်ရေးအတွက် ပြည်သူလိုလားတဲ့ ငြိမ်းချမ်းရေးကို အရယူ ပေးနိုင်ဖို့ လိုပါတယ်။ အစိုးရရဲ့ ငြိမ်းချမ်းရေး ညီလာခံကို အစွမ်းကုန် အထောက်အကူပေးသောအားဖြင့် စစ်ဆင်ရေးတွေကို ကာလတခုကန့်သတ်ပြီး ရပ်ဆိုင်းထား သင့်ပြီဖြစ်ပါတယ်။ ဒီကနေ့ မြန်မာနိုင်ငံ စစ်မှန်တဲ့ ငြိမ်းချမ်းရေး ရရှိရေးကိစ္စဟာ တပ်မတော်ရဲ့ စိတ်ရင်းစေတနာ မှန်ကန်မှုအပေါ်မှာ တည်မှီနေတယ်လို့ ရိုးသားစွာ ထင်မြင်မိကြောင်းပါ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဇင်လင်း, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)