fbpx

မူးယစ်ဆေးဝါးနှင့် မောင်မိုးသူ

October 13, 2016


မူးယစ်ဆေးဝါးနှင့် မောင်မိုးသူ 

(ကုမုဒြာဂျာနယ်၊ ရန်ကုန်) မိုးမခ၊ အောက်တိုဘာ ၁၃၊ ၂၀၁၆

မူးယစ်ဆေးဝါးနှင့် မောင်မိုးသူဆောင်းပါး မရေးခင်မောင်မိုးသူရဲ့မိတ်ဆွေ ရဲဘော်ကြီး ကာတွန်းဆရာ၊ စာရေးဆရာ၊ ဒါရိုက်တာ၊ ပန်းချီဆရာ၊ စကားပြောဆရာ အစရှိတဲ့စွယ်စုံရ အနုပညာရှင်ကြီးလို့ ကျော်ကြားထင်ရှားတဲ့ ဝင်းဖေရဲ့ကာတွန်းနဲ့ ဝင်းဖေအကြောင်း ပြောချင်ပါတယ်။

မောင်မိုးသူရဲ့မိတ်ဆွေ ရဲဘော်တွေထဲမှာ ဝင်းဖေ နှစ်ယောက်ရှိပါတယ်။ သူတို့ကတော့ ကဗျာဆရာ မောင်စွမ်းရည်ခေါ်ဝင်းဖေနဲ့ စွယ်စုံပညာရှင်လို့ ထင်ရှားတဲ့ဝင်းဖေဖြစ်ပါ တယ်။ သူတို့နှစ်ယောက်ဟာ မြန်မာပြည်က ထွက်ပြေးပြီး အမေရိကန်မှာ တိမ်းရှောင် နေဖူးပါတယ်။ အဲသည်မှာပဲ ကွယ်လွန်သွားရှာတဲ့ တင်မိုးနဲ့ပေါင်းမိပါတယ်။ အဆိုတော်ကြီး မာမာအေးနဲ့ သွားပေါင်းမိပါတယ်။

သူတော်ချင်းချင်း သီတင်းလွေ့လွေ့လို့ ဆိုရမလားပဲ။ သူတို့သုံးယောက်ပေါင်းပြီး ကမ္ဘာကိုလှည့်ကာ ဟောပြောပွဲတွေလုပ်ကြတဲ့ သတင်းတွေလည်းဖတ်ရ၊ ကြားရပါတယ်။ ဝင်းဖေနှစ်ယောက်ပေါင်းပြီး သက်ကြီးစကားဆိုတဲ့ အစီအစဉ်မှာတစ်ယောက်တစ်လှည့် ပြောခဲ့ဟောခဲ့ကြဖူးပါတယ်။

အဲသူတို့နှစ်ယောက်ပေါင်းပြီး အမေရိကားမှ ပြုလုပ်တဲ့ ကဗျာပြိုင်ပွဲမှာ မောင်မိုးသူရဲ့မြေး ဘွန်းဘွန်း မောင်မိုးသူရေးတဲ့ ကဗျာကိုရွတ်တာကို သူတို့နှစ်ယောက်ကဆုပေးသတဲ့။

မောင်မိုးသူ ရန်ကုန်မြို့မှာ တစ်ကိုယ်တော် ပန်းချီပြပွဲလုပ်အပြီး မန္တလေးမှာတစ်ကိုယ် တော်ပြပွဲကို ကွယ်လွန်သူ ပန်းချီဆရာကြီးဦးအောင်ခင်ရဲ့သမီးမချိုရဲ့ပြခန်းမှာပြနေတုန်း အမေရိကားရောက်နေတဲ့ ဝင်းဖေက သြော်….. ခင်ဗျားက ကျုပ်မရှိတော့ ပန်းချီတွေ ဘာတွေရေးရဲတာပေါ့လေလို့ စကားနာထိုးသရော်ဖူးပါတယ်။

ထားပါထားပါ၊ အဲသည်လို စွယ်စုံရအနုပညာရှင်ကြီး ဝင်းဖေရဲ့အကောင်းဆုံး အထက်မြက်ဆုံးဟာ ကာတွန်းလို့ မောင်မိုးသူယူဆပါတယ်။ ဝင်းဖေဟာ ကာတွန်းတွေ တရားဝင်စရေးဖြစ်တာ မောင်သာနိုး၊ မောင်မိုးသူတို့ ထုတ်ဝေတဲ့ခေတ်ဂျာနယ်မှာ ဖြစ်ပါတယ်။ ခေတ်ဂျာနယ်ရဲ့ မျက်နှာဖုံးကအစ သရုပ်ဖော်ပုံတွေရော ကြော်ငြာပါ ရေးပေးရတဲ့သူက ဝင်းဖေဖြစ်ပါတယ်။

ပထမဆုံး ဝင်းဖေရေးပေးတဲ့ ခေတ်ဂျာနယ်အတွက် ကြော်ငြာကတော့နောက် ကျောပေးနေတဲ့ ကြောင်အနက်ကြီး ပုံပါပဲ။ စာကတော့ တစ်ကြောင်းတည်းပါ။ ကြောင် မနေနဲ့ ခေတ်ကိုဖတ်တဲ့။ ဒါပါပဲ။ ပရိသတ်လည်း အူကြောင်ကြောင်အောင်ကြူကြူ ဖြစ်သွားပြီး သူတို့ကိုယ်တိုင်လည်းကြောင်နေလို့ မဖြစ်တော့ဘူးလို့ယူဆကြသလား မသိပါဘူး၊ ခေတ်ဂျာနယ်ကိုဖတ်ကြပါ တယ်။

ခေတ်ဂျာနယ်ရဲ့ ပထမဆုံးနံပါတ်(၁)ဟာ ဩဂုတ်လ ၈ ရက်နေ့ ဟီရိုရှီးမားနေ့ ထုတ်ဖြစ်ပါတယ်။ ဝင်းဖေရဲ့ ကမ္ဘာ့ခေါင်းဆောင်ကြီးများရဲ့ ကယ်ရီကေးချားရုပ်ပုံတွေနဲ့ ဖြစ်ပါတယ်။ ခေတ်ဂျာနယ်ထုတ်ဝေခဲ့တာဟာ ခြောက်လပဲခံပါတယ်။ သုံးလမှာ အယ်ဒီ တာဖြစ်တဲ့ မောင်သာနိုးကိုဖမ်းသွားပြီး ခြောက်လအကြာမှာတော့ထုတ်ဝေခွင့်ကိုပိတ် လိုက်လို့ ခေတ်ဂျာနယ်ရပ်ဆိုင်းခဲ့ရပါတယ်။

ခေတ်ဂျာနယ်ရပ်သွားတော့မှ အဲသည်အချိန်လူထုမှာ ရောက်နေပြီးသားဖြစ်တဲ့ပေါ်ဦး သက်ရှိတဲ့ လူထုကိုဝင်းဖေရောက်သွားပြီး အင်မတန်ပြောင်မြောက်တဲ့ ကာတွန်းတွေကို ပေါ်ဦးသက်နဲ့ ၀င်းဖေတို့ ရေးကြပါတယ်၊ ဆွဲကြပါတယ်။ ကာတွန်းမှာတော့ ဝင်းဖေက ပိုပြီး စူးရှတယ်လို့ထင်ပါတယ်။ သူတို့နှစ်ယောက်စလုံးက အမေရိကန်ကထုတ်တဲ့ MAD မဂ္ဂဇင်း ကို အရူးအမူးစွဲလမ်းကြပြီး အရူးစိတ်ကူးရှိကြလို့လည်းဖြစ်နိုင်ပါတယ်။

ဝင်းဖေရဲ့ လူထုမှာပါတဲ့ ကာတွန်းတွေကို မနက်တိုင်းမောင်မိုးသူတို့တစ်တွေ လက်ဖက်ရည်ဝိုင်းမှာ ထိုင်ထိုင်ဝိုင်းဖွဲ့ပြီး ချီးမွမ်းခန်းဖွဲ့ကြတာကို ဝင်းဖေကလန့် လာတယ်ထင်ပါရဲ့။ သူက ကာတွန်းတစ်ကွက်ရေးပါတယ်။ ကာတွန်းပုံကြွက်ကလေး တစ်ကောင်ဖြစ်ပါတယ်။ ကြွက်ကလေးက ဘာပြောသလဲဆိုတော့ ခင်ဗျားတို့က ကျုပ်ကို ယုန်ထင်ကြောင်ထင်ထင်နေကြတာပါ၊ ကျုပကြွက်ပါလို့ ရေးဖူးပါတယ်။

ဝင်းဖေရဲ့ လူထုကာတွန်းတွေဟာ ပြောင်မြောက်လွန်းလို့ ဝင်းဖေနဲ့လူထုဆိုပြီး စုပေါင်းစာအုပ်ထုတ်ရတဲ့အဖြစ်ကို ရောက်ခဲ့ပါတယ်။ ဝင်းဖေရဲ ပြောင်မြောက်တဲ့ ကာတွန်းတွေကတော့ အများကြီးပေါ့လေ။ ဒါပေမဲ့ သည်ဆောင်းပါးအတွက် ရွေးချယ်ထားတဲ့ ဝင်းဖေရဲ့ကာတွန်းကသည်လိုပါ။ လူနှစ် ယောက်၊ တစ်ယောက်ကခွေးပိုင်ရှင်၊ တစ်ယောက်က ကြောင်ပိုင်ရှင်။ အဲသည်ကြောင် နဲ့ခွေးနှစ်ကောင်အနက် ခွေးကကြောင်ကိုကြောက်ပြီး သစ်ပင်ခွကြားမှာတက်ပြေးတဲ့ ပုံပါပဲ။ ဒါကိခွေးပိုင်ရှင်က ဘာပြောသလဲဆိုရင်ဘာပဲပြောပြောကွာ ငါ့ခွေးသစ်ပင်တက် နိုင်တာတော့ငါဂုဏ်ယူတယ်လို့ပြောလိုက်တဲ့ ကာတွန်းပါပဲ။ မရောင်ရာ ဆီလူး၊ မဟုတ် တဲ့နေရာမှာ အစွမ်းပြတတ်တဲ့ ကိစ္စမျိုးနဲ့ကြုံလာရင်၊ တွေ့လာရင် မောင်မိုးသူတို့တစ်တွေ က ဘာပဲပြောပြော ငါ့ခွေးက သစ်ပင်တက်နိုင်တယ်လို့ ဂုဏ်ယူစကားပြောလေ့ရှိပါတယ်။

အခုလည်း မူးယစ်ဆေးဝါးနဲ့ မြန်မာပြည်အကြောင်းရေးမယ်ဆိုတော့ ၀င်းဖေရဲ့ ကာတွန်း ထဲကလိုပါပဲ ငါ့ခွေးသစ်ပင်တက်နိုင်တာကို ဂုဏ်ယူတဲ့သဘောမျိုးပဲလေ။ မူးယစ်ဆေးဝါးကိစ္စမှာဘိန်းစိမ်း၊ ဘိန်းဖြူတို့တုန်းကလည်း မြန်မာပြည်ကထိပ်ဆုံးက ဖြစ်သလို အခုဆေးပြားမှာလည်း ထိပ်ဆုံးသဗျဖြစ်နေသကိုးခင်ဗျ။ သည်တော့ ဘာပဲပြောပြော မူးယစ်ဆေးဝါးမှာတော့ တို့မြန်မာပြည်က ထိပ်ဆုံးကကွလို့ ဂုဏ်ယူနေ မိတာ ဖြစ်ပါတယ်။

အဲနောက်တစ်ခုက ရှိသေးတယ်ခင်ဗျ။ မြန်မာနိုင်ငံရဲ့ဘိန်းခေတ်ကြီးမှာ ဘိန်းဘုရင် လော်စစ်ဟန်တို့၊ ကိုးကန့်ကဖုန်ကြားရှင်တို့၊ ဝ တို့ဆိုတာ လက်နက်ကိုင်အဖွဲ့အစည်း တွေမဟုတ်လား။ မူးယစ်ဆေးဝါး စိုက်ပျိုးထုတ်လုပ်ဖြန့်ချိတဲ့နေရာမှာ လက်နက်ကိုင် များမှသာ လုပ်ကိုင်နိုငတယ်ဆိုတဲ့ အယူအဆတစ်ခု မောင်မိုးသူယုံကြည်စွဲလမ်းသွားတယ် ခင်ဗျ။

မောင်မိုးသူကလည်း ခပ်ကြောင်ကြောင်ပဲလေ။ ဒါကြောင့် ဂုဏ်ယူစွာဖြင့်ပြောရမယ်ဆိုရင် မူးယစ်ဆေးဝါးနှင့် မောင်မိုးသူဖြစ်ပါတယ်။

မောင်မိုးသူ


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မောင်မိုးသူ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)