မောင်တူး ● သက်ရှိပန်းချီ – အပိုင်း (၂၂)

November 1, 2016

မောင်တူး ● သက်ရှိပန်းချီ – အပိုင်း (၂၂)
ကျောင်းသားတပ်မတော် ရဲဘော် ကျော်အဲဖေါ ဂုဏ်ပြုစာတမ်း
(မိုးမခ) နိုဝင်ဘာ ၁၊ ၂ဝ၁၆

ငှက်ကင် စားနေပါတယ်။ ချိုးငှက်ကလေးတွေကို ထောင်ဖမ်းပြီး ပျဉ်းကတိုး ထင်းမီးခဲတွေနဲ့ကင်တယ်။ ငှက်သား အနံ့တွေ မွှေးလာလို့ ဖဲ့မြည်းကြည့်လိုက်ပြီး ဆက် စားနေမိကြပြီ။ ကျနော်နဲ့အတူ ရှိနေသူက ရဲဘော် ကျော်အဲဖေါ။ ကရင်လို ကျော်က ဗမာကလို ကို (သို့မဟုတ်) မောင်။ ကျော်= မောင်။ အဲ= ချစ်၊ ဖေါ= ပန်း။ ဒါကြောင့် ကျော်အဲဖေါ= မောင်ချစ်ပန်း။ ငှက် ကလေးတွေရဲ့ တကူကူးသံ၊ ငြိမ့်ငြောင်း ဖေါ့ပြောင်းတဲ့ ရေစီးသံ၊ ဝါးရွက်ခတ်သံကလေးတွေနဲ့ သာယာလှပနေတဲ့ စမ်းချောင်းဘေး၊  ဝါးရုံတောအုပ်တွေရဲ့ ခပ်လှမ်းလှမ်း၊ ညောင်ပင်ကြီး တပင်အောက်မှာ ငှက်ကင်တွေ စားနေကြတာပါ။ တောကြီးမျက်မည်းမှာ ကျောင်းသားတပ်မတော်သား တွေဖြစ်ကြတဲ့ ကျနော်တို့ဟာ မြို့ပေါ်မှာလို လက်ဖက်ရည်ဆိုင်မရှိ၊ မုန့်ဆိုင်မရှိတဲ့ အရပ်မှာ ရောက်နေခဲ့ကြတာလေ။ တောတွင်းရှာဖွေ စားသောက်တတ်ပါမှ ဝမ်းဝကြမယ့်အချိန်ပေါ့။ နေရာက – ကြာအင်းဆိပ်ကြီး မြို့နယ်၊ ကရင်ပြည်နယ်။ အချိန်ကတော့ ၁၉၉ဝ ခုနှစ်။ သိကြတဲ့အတိုင်း ၈၈၈၈ မှာ ကျောင်းသားတွေ တောခိုလာကြတယ်။ ကျောင်းသားကနေ စစ်သားဖြစ်လာကြတော့တာပေါ့။ တကယ်တော့ ကျောင်းသား စစ်သား၊ ကျောင်း သားတပ်မတော်သားပါ။ ၁၉၈၈ ခုနှစ် နိုဝင်္ဘာလ ၁ ရက် ကျောင်းသားတပ်မတော် စဖွဲ့တယ်။ အဲ့သည့် ငှက်ကင်စားနေချိန်က ကျောင်းသားတပ်မတော်က ၂ နှစ်သားပေါ့။ အခု ၂ဝ၁၆ ခုနှစ် နိုဝင်္ဘာ ၁ ရက်ကတော့ ကျောင်းသားတပ်မတော် ၂၈ နှစ်ပြည့်ပြီ။ မြန်မာ နိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (မကဒတ) All Burma Students’ Democratic Front (ABSDF) တည်ထောင်ခဲ့တာ ၂၈ နှစ် ပြည့်သွားပြီ။ ဒီအချိန်မှာ ကျနော်စဉ်းစားမိလိုက်တာက ၁၉၉ဝ ရွေးကောက်ပွဲ နှစ် ကျောင်းသားတပ်ဖွဲ့ပြီးစ ၂ နှစ်မြောက်က ကျော်အဲဖေါနဲ့အတူ ချိုးငှက်ကလေးတွေ ကင်စားခဲ့ကြတဲ့အကြောင်းပါ။ တော ထဲမှာ သေနတ်ကိုင်ကင်းစောင့်ချိန် ကျောင်းသားဘဝက ကျက်မှတ်ခဲ့ရတဲ့ကဗျာလေးတွေကို ပြန်ရွတ်နေမိတာလဲ ခဏခဏ ပေါ့။

နေဝင်စ ချိုးမရယ်ကူ

နေဝင်စ ချိုးမရယ်ကူ
တောသူမလေးအဝေး၊
စာကိုသာ စာကိုငတ်လို့
ကူရှာသလော ကူသလော၊
ရေကိုသာ ရေကိုငတ်လို့
ကူရှာသလော ကူသလော၊
နွားကျောင်းသားငယ် ကျော့ကွင်းရယ်တယ်၊
ဘယ် ဘယ်ကို  ဘယ်ကိုရယ်မိ ခြေကိုမိလို့၊
ဘယ် ဘယ်ကို ဘယ်ကိုရယ်နှက်
လည်ပင်းအထက် ခေါင်းကိုနှက်လို့၊
ဘယ် ဘယ်ကို ဘယ်ကိုရယ်ခွဲ
ရင်ကိုခွဲလို့၊
ရှားမီးခဲတွင်၊ ရဲရဲငယ်ကင်
အကျွန် မမြင်ဝံ့ပါပြီကလား
ရွှေချိုးဖိုရယ်လေ မယ့်လင်သား။ ။

ငယ်ငယ်က ကျက်မှတ်ပြီး စာမေးပွဲမှာ ဖြေရလို့ မမေ့တဲ့ ရှေးအမည်မသိ စာဆိုရဲ့ ကဗျာပါ။ ချိုးထောင်ခဲ့တဲ့ ကျနော်တို့ဟာ ကဗျာထဲကလို နွားကျောင်းသားတွေ မဟုတ်ကြပါ။ ကျောင်းသားတပ်မတော်သားတွေ ဖြစ်ပါတယ်။ ကျော့ကွင်း ကြိုးကွင်းနဲ့ ချိုးထောင်ခဲ့တာလဲ မဟုတ်ပါ။ ညောင်ပင်ကြီးကို ဓါးနဲ့ထစ်တော့ ထွက်လာတဲ့ ညောင်စေးတွေကို ဝါးတုတ်တံတွေအပေါ်ကို သုတ်လိမ်းတယ်၊ အဲ့ဒီ ညောင်စေးတွေသုတ်ထားတဲ့ ဝါးတံတွေကို ချိုးငှက်တွေ ရေလာသောက်တတ်တဲ့ စမ်းချောင်းစပ်မှာ လိုက်ထိုးထားလိုက်တယ်။ ငှက်တွေ ရေလာသောက်တော့ အတောင်တွေကို ညောင်စေးတွေ ထိကပ်ပြီး မပျံနိုင်တော့မှ ဖမ်းယူကြတာပေါ့။ ပြီးတော့ ငှက်ကို ကင်စားကြပြီ။ ဒါက ကျနော်တတ်တာ မဟုတ်ပါဘူး။ ကရင်လူမျိုးဖြစ်တဲ့ ကျော်အဲဖေါ က လုပ်ပြတာပါ။ ဒါကြောင့်လဲ ညောင်စေးနဲ့ ငှက်ဖမ်းနည်း ရခဲ့တယ်။

ကျော်အဲဖေါဟာ ကရင်ပြည်နယ်ထဲမှာနေတယ်။ ၈၈၈၈ မှာ သူ့ရွာက သပိတ်စခန်းမှာ ဝင်သပိတ်မှောက်တယ်ပေါ့။ စစ်တပ် အာဏာသိမ်းတော့ တခြားသူငယ်ချင်းတွေနဲ့အတူ တောခိုလာတယ်။ ကျောင်းသားတပ်မတော်သား ဖြစ်လာတယ်။ သူက ပညာအရည်အချင်း သိပ်မရှိပါဘူး။ ဗမာစကားကိုတောင် သိပ်မလည်ဝယ်ဘူး။ ဒါပေမယ့် ငါးရှာ၊ ဖါးရှာ၊ ငှက်ထောင်၊ ဟင်း သီးဟင်းရွက်ရှာတာတွေမှာ ကျွမ်းကျင်တယ်။ တဲအိမ်ဆောက်၊ ဝါးခုတ်၊ နှီးဖြာစတာတွေကို သူက လုပ်တတ်တယ်။ ဓါးတ ချောင်းပေးပြီး သူ့ကို တောထဲလွှတ်ပေးလိုက်။ သူပြန်လာရင် ပလိုင်း အပြည့် စားစရာတွေပါလာမယ် ဆိုတာမျိုးလေ။ တော တွင်းတက္ကသိုလ်မှာတော့ ပါရဂူဘွဲ့ရပေါ့။ လူကောင် သေးသေး၊ ပုပုကလေး၊ စကားပြောရင် မပွင့်တပွင့်နဲ့သူ့ကို အခု ကျောင်း သားတပ်မတော်သက်တမ်း ၂၈ နှစ်မှာ သတိရနေပါတယ်။ အခုတော့ သူ မရှိတော့ပါ။ ကျောင်းသားတပ်မတော် ရှေ့တန်း တနေရာမှာ ကျဆုံးခဲ့ပါပြီ။

တပ်မတော်အစိုးရတဲ့
ကျောင်းသားတပ်မတော်တဲ့
ဘယ်နိုင်ငံမှာ ကြားဖူးလဲ
ပြည်တွင်းစစ် ၆၅ နှစ်ကျော်ပြီ
ဘယ်နိုင်ငံမှာ ကြားဖူးလဲ
လူမျိုးစုတိုင်းနီးပါး လက်နက်စွဲကိုင်ခဲ့ကြတယ်
ဘယ်နိုင်ငံမှာ ကြားဖူးလဲ။

(မောင်အောင်ပွင့်) ABSDF ငွေရတုထုတ် ဒေါင်းအိုးဝေ မဂ္ဂဇင်းမှ – – –

ဒီနေ့မှာ ပြန်စဉ်းစားမိတာက ငါတို့ဘာလို့ ကျောင်းသားတပ်မတော်ထဲ ဝင်ပြီး စစ်တိုက်ခဲ့ကြတာလဲ။ ဘာလို့ စစ်အာဏာရှင်ကို တော်လှန်ခဲ့ကြသလဲ ဆိုတာပါ။ ကျော်အဲဖေါကတော့ ကြာအင်းဆိပ်ကြီးမြို့နယ်ထဲမှာ သူနေခဲ့စဉ်က အစိုးရ စစ်တပ်ရဲ့ အ ကြောင်းတွေ ပြန်ပြောပြပါတယ်။  တောတွင်းကရင်လက်နက်ကိုင်တွေကို နှိမ်နင်းဖို့ အကြောင်းပြပြီး မဆလ အစိုးရစစ်တပ် တွေ သူတို့ရွာကို မကြာမကြာလာ စခန်းချပုံတွေ၊ စစ်သားတွေလာတိုင်း ဆန်၊ ကြက်၊ ဝက်တွေ မပေးမနေရ သွားပေးကြရ တာတွေ၊ အလှည့်ကျ အထမ်းသမား လုပ်အားပေး ပေါ်တာ လိုက်ပေးကြရတာတွေ၊ အစိုးရ စစ်တပ်က ပေါ်တာခေါ်သွားပြီး မိုင်းနင်းမိလို့၊ တိုက်ပွဲအတွင်း သေနတ်မှန်လို့ သေကြရတာတွေကအစ ရွာပြင်တောထဲမှာ အဓမ္မပြုကျင့်ခံရပြီး ကရင်အမျိုး သမီးတွေ သေဆုံးသွားကြရတာတွေလဲ ပါဝင်တာပါ။ ဒီအထဲမှာ သူတို့ ကျောင်းကို အစိုးရတပ်တွေက ပိတ်ခိုင်းခဲ့လို့ စာမ သင်ကြရတာကို စိတ်အနာဆုံးပါ တဲ့။ ဒီလိုနဲ့ ၈၈၈၈ အရေးတော်ပုံကြီးအပြီး ကျောင်းသားတွေတောခိုတော့ သူလည်း ပါလာခဲ့ပါတယ်။ မောင်းပြန်သေနတ်ကိုကိုင် တိုက်ပွဲတိုင်းမှာ သူ ပါဝင်တိုက်ခိုက်ခဲ့တယ်။ ကျောင်းသားတပ်မတော် ခွပ်ဒေါင်း အလံလွှင့် စစ်ကြောင်းတွေနဲ့အတူ ဒေါနတောင်တန်း၊ စောထတောင်တန်းစတဲ့တောင်တန်းတွေကို အလီလီ ဖြတ်ကျော်ခဲ့ ဘူးပြီ။ ၈၈ ကျောင်းသားတိုင်းလဲ သိပြီးသားပါ။ ကံကော် စိန်ပန်းတွေဝေဆာလှနေတဲ့ တက္ကသိုလ်မြေမှာ ယမ်းနံ့တွေဖုံး၊ သေနတ်သံတွေလွှမ်း၊ ကျည်သင့် ကျောင်းသားကျောင်းသူတွေရဲ့ သွေးနီနီတွေ လွှမ်းခဲ့ကြရပါတယ်။ ဦးနေဝင်း စစ်တပ် အသွင်ပြောင်း တပါတီ အာဏာရှင် (မဆလ) မြန်မာ့ဆိုရှယ်လစ်လမ်းစဉ်ပါတီခေတ် ၂၆ နှစ်ဖိနှိပ်မှုကြောင့် သူပုန်ကျောင်း သားတွေ ပေါ်ပေါက်လာတယ်လို့ ဆိုရမယ်။ ကျောင်းသားတွေကိုဖမ်း ထောင်ချ နှိပ်စက်တာတွေကတဆင့် သပိတ်စခန်း တွေဖြစ်လာပြီး နောက်တဆင့်တက် ကျောင်းသားတပ်မတော် ဖြစ်လာတယ်လို့ပြောရင် ဘယ်သူငြင်းမလဲ။

 

ထောင်တွေ၊ တန်းတွေလည်း
စာသင်ခန်းဖြစ်ခဲ့။
စာသင်ခန်းတွေလည်း
သပိတ် စခန်းတွေ ဖြစ်ခဲ့။
ရိုးမတောတွေလည်း
ဘဝတက္ကသိုလ်ဖြစ်ခဲ့။

ရှစ်လေးလုံး သန္နိဋ္ဌာန်
မောင်းပြန်သေနတ်
ဒေါင်းအလံ တင်ကာ တိုက်ပွဲဝင်ဖို့ရာ
မြန်မာပြည် တနံတလျား
ရိုးမတောင်တွေကြားက
ဒေါင်းတမန်များ ပြန်လာမယ်။ ။

နီလွင်သွေး (ဒဿနိက) ၈၊ ၈၊ ၂ဝဝ၇


ဒီနေ့ ကျောင်းသားတပ်မတော် ၂၈ နှစ်ပြည့် အခမ်းအနားတွေကျင်းပနေကြပါတယ်။  ကျဆုံးသွားခဲ့သူ ရဲဘော် ကျော်အဲဖေါကို သတိရနေပါတယ်။ ကျနော် ဒီမိုကရက်တစ်မြန်မာ့အသံ (ဒီဗွီဘီ) သတင်းထောက်လုပ်ရတော့  ABSDF ဗဟို ဒေါင်းခွင် ဋ္ဌာနချုပ်မှာ အနေများလာချိန် ကျော်အဲဖေါ ရှေ့တန်းတိုက်ပွဲတခုမှာ ကျဆုံးသွားခဲ့တာပါ။ ၂၈ နှစ်တာအတွင်း ကျဆုံး ကျောင်းသားစစ်သည် အာဇာနည် ၇၄ဝ ဦးနဲ့ ဒါဏ်ရာရ ကျောင်းသားတပ်မတော်သား ၄ဝဝ ရှိခဲ့ပါတယ်။ မြန်မာပြည် တနံတလျား ကချင်နယ်မြေကစ ကယန်း ပအိုဝ်း ကရင် ကယား မွန် စတဲ့ နယ်အသီးသီးက စစ်မြေပြင်တွေမှာ နဝတ၊ နအဖ အာဏာရှင်တွေနဲ့ တိုက်ပွဲဝင်ရင်း ကျဆုံးခဲ့ကြတာပါပဲ။ ဒီထဲမှာ ရဲဘော်ထွန်းဦး၊ ရဲဘော်ခင်ထွန်းကြည်၊ ရဲဘော်ဆန်းလင်းတို့လို ဗဟိုကော်တီဝင်တွေလည်း ပါရဲ့။ ရဲဘော်တိုက်မောင်း၊ ရဲဘော် လှတိုးတို့လိုတပ်ရင်းမှူးတွေလဲ ကျဆုံးခဲ့တယ်။ ရဲဘော်ဝလုံး၊ ရဲဘော်ကျော်စွာနဲ့ ရဲဘော်ကျော်အဲဖေါတို့လဲ စွန့်လွှတ်သွားခဲ့ကြပါတယ်။

ကျော်အဲဖေါနဲ့ အတူ ငှက်တွေကင်စားကြ၊ အတူကင်းစောင့်ကြချိန် သူကပြောတယ်။ သူ့မှာ အမိုး (အမေ) ရယ်၊ အပါး (အဖေ) ရယ် ညီမလေး ၂ ယောက်ရယ် ရှိတယ်တဲ့။ သူတို့ ကို အရမ်းလွမ်းတယ်တဲ့။ ဒါကြောင့် အိမ်ပြန်ချင်ပေမဲ့ ကျောင်းသား တပ်မတော် တော်လှန်ရေး အောင်မြင်မှ သူ အိမ်ပြန်မယ်လို့ ဆိုတယ်။ ကျနော်က ငါလဲ မင်းလိုပဲ။ အားလုံးပြီးမြောက်မှ အိမ်ပြန်မယ်။ အဖေနဲ့ အမေကိုတွေ့မယ်ပေါ့။ ကျနော့် ဖေဖေကတော့ နယ်စပ်မှာ လာတွေ့လို့ တွေ့လိုက်ရပါတယ်။ မေမေ ကတော့ ဖုန်းနဲ့ စကားပြောခွင့်တော့ရပေမဲ့ ကျနော်က ပြန်မသွားနိုင်သေးလို့ မတွေ့လိုက်ရပါဘူး။ ကျနော့်မေမေဟာ အောက် တိုဘာလ ၃ ရက်က ကွယ်လွန်ခဲ့ပြီ။ ကျနော့်ထက် ပိုဆိုးသူက ကျော်အဲဖေါပါ။ သူမရှိတော့ပြီမို့ သူ့အမိုး သူ့အပါးနဲ့ ညီမ လေးတွေကို ဘယ်တော့မှ မတွေ့နိုင်တော့ဘူးလေ။

ABSDF ကျောင်းသားတပ်မတော်၂၈ နှစ်မြောက် ဒီနေ့ ဒီရက်မှာတော့ ကျဆုံးသွားတဲ့ ခွပ်ဒေါင်းရဲဘော်အားလုံးကို အလေးပြု လိုက်ပါတယ်။ ကောင်းရာသုဂတိ လားကြပါစေနော်။ ။

 

မောင်တူး
ဝ၁ နိုဝင်ဘာ ၂ဝ၁၆ အင်္ဂါနေ့


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခေတ်ပြိုင်အတွေ့အကြုံ, မောင်တူး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်