fbpx

စမ်းစမ်းတင် – Trick or Treat- Halloween မုန့်မကျွေးရင် သရဲချောက်မှာနော်

November 1, 2016


– Trick or Treat- Halloween မုန့်မကျွေးရင် သရဲချောက်မှာနော်
(မိုးမခ) နိုဝင်ဘာ ၁၊ ၂၀၁၆
အောက်တိုဘာ ၃၁ ရက်ဟာ တိုတိုရှင်းရှင်း ပြောရရင် တစ္ဆေကြီးပွဲပါပဲ။ ဗမာပြည်မှာ တရုတ်တွေလုပ်တဲ့ ပွဲကိုတော့ အမှတ်ရမိပါတယ်။ တချို့ ဗမာတွေ အယူရှိတဲ့ အကျွတ်အလွတ်ပွဲနဲ့ ဆင်မဆင်တော့ မသိပါ။ အကျွတ်အလွတ်ပွဲဆိုတာ ကြားသာကြားဖူးပြီး ဘာကြောင့်လုပ်သလဲဆိုတာ စိုးစဉ်းမျှ မသိတာလည်း အမှန်။
ဗမာပြည်မှာ အလွတ်ပညာသင်ကျောင်းတွေ ထွန်းကားနေတော့ ကလေးတွေ ၀တ်စုံမျိုးစုံနဲ့ Halloween ပွဲ ဆင် နွှဲနေတဲ့ ပုံတွေတွေ့ရတော့ အနောက်တိုင်း အလေ့ ကူးစက်သွားပြီလို့ တွေးရပါတယ်။

၁၉၆၂ ခုမှာ ဗိုလ်ချုပ်နေ၀င်းဦးဆောင်တဲ့ တော်လှန်ရေးကောင်စီ အာဏာသိမ်းပြီး ကိုယ်ပိုင် အလွတ် ပညာသင်ကျောင်းတွေ၊ ခရစ်ယာန် သာသနာပြုကျောင်းတွေကို ပြည်သူပိုင် သိမ်းလိုက်တဲ့နောက် မြန်မာ့နည်း မြန်မာ့ဟန်ကိုပဲ စွဲကိုင်စေပါတော့တယ်၊ ပညာရေး အဆင့်နိမ့်ကျတာ မနိမ့်ကျတာ ဒီနေရာမှာ ဘာမှ မပြောလိုဘဲ ဗမာစာကလွဲလို့ ဘာသာရပ်တိုင်း အင်္ဂလိပ်လိုသင်နေရာက အင်္ဂလိပ်စာကလွဲလို့ အားလုံး ဗမာလို သင်ရပါတော့တယ်။ ဒါကြောင့်လည်း အင်္ဂလိပ်စာညံ့ကုန်ကြပါတယ်။ မိဘအသိုင်းအ၀ိုင်းမကောင်းရင် ဒါမှမဟုတ်ကိုယ်တိုင် ကျားကုပ်ကျားခဲ မကြိုးစားရင် အင်္ဂလိပ်စာက ဘယ်လိုမှ ကောင်းမလာနိုင်ပါဘူး၊ မြန်မာမှုမြတ်နိုးပြီး မြန်မာ့နည်း မြန်မာ့ဟန်နဲ့ ပဲ ချီတက်တဲ့အခါ အင်္ဂလိပ်စာ ညံ့လို့ ဗမာစာရော ကောင်းကြပါသလား။ က သတ်နဲ့ တ သတ် လွဲကြပါတယ်။ ၀ါကျ တကြောင်းသာ ဆုံးသွားပေမဲ့ ဘာကို ဆိုလိုမှန်းမသိ၊ ကြိယာကို နာမ်လိုရေးတဲ့အခါ ထမင်းစားခြင်း အမှု တို့- ဆွေးနွေးမှုတို့ ဖြစ်။ နိုင်ငံတကာ ဘာသာရော မိခင်ဘာသာပါညံ့ကုန်ကြ ပြန်ပါတယ်။
သာသနာပြုကျောင်းနေသူတွေကို မြန်မာ့ယဉ်ကျေးမှုနဲ့ အလှမ်းဝေးတယ်- လူက ငပိစားပြီး ဗိုလ်ဆန်တယ်လို့ အပြောခံရတဲ့ ပြည်သူပိုင် မသိမ်းခင်ကာလမှာ … ကျောင်းမှာ Halloween ပွဲ မကျင်းပပါ။ ဒီဇင်ဘာ ခရစ်စမတ်ကျောင်း ပိတ်ကာနီးလောက်မှသာ လက်ဆောင်ဖလှယ်ကြ- ကပွဲလုပ်ကြ- သီချင်းဆိုကြပြန်တော့လည်း အင်္ဂလိပ်သီချင်းဆိုကြပေမဲ့ မြန်မာ သီချင်းဆို- မြန်မာအက က ကြတာများတာ မှတ်မိပါတယ်။ တကယ်တော့ မာသာကြီးတွေက သူတို့မွေးရပ်မြေက စလာတဲ့ Halloween ပွဲကို အောက်တိုဘာလကုန်မှာ ကျင်းပနိုင်ပေမဲ့ မကျင်းပပါ။ အင်္ဂလိပ်ကိုလိုနီခေတ်က အင်္ဂလိပ်တွေကို အာခံတဲ့နေရာမှာ တူလွန်းလို့ ဗမာတွေကို အင်္ဂလိပ်တွေက အရှေ့တိုင်းက အိုင်းရစ်တွေလို့ ပြောခဲ့ပါတယ်။ မာသာကြီးတွေက အိုင်ယာလန်က လာကြတဲ့ ကက်သလစ် သီလရှင်တွေပဲ ဖြစ်ပါတယ်။
နိဒါန်းတွေအပျိုးလွန်နေတာ ခုမှတကယ်ပြောမယ့် Halloween အကြောင်းရောက်ပါပြီ။ Halloween ဟာ အစဉ်အလာအနေနဲ့ ၀တ်စုံ ၀တ်တာထက်… ခုလိုပဲ အိမ်မှာ မီးတွေထွန်း၊ ချောက်ချားစရာ အရိုးခေါင်းတွေချ၊ ပင့်ကူမျှင်တုတွေလုပ်၊ ရွှေဖရုံသီးကို သူရဲမျက်နှာ ထွင်း – သရဲပုံတွေ.. သွေးစုတ်ဖုတ်ကောင်တွေ ပြထားလေ့ရှိခဲ့တာလို့ ဆိုပါတယ်။
အင်္ဂလိပ်တွေက အရှေ့တိုင်းက အိုင်းရစ်လို့ပြောတဲ့ ဗမာတွေလိုပဲ အိုင်ယာလန်သားတွေကလည်း နာနာဘ၀ကို ယုံကြည်တဲ့ သဘောရှိပါတယ်။ ခု ဗမာနိုင်ငံထိပျံ့လာတဲ့ Halloween ဟာ လွန်ခဲ့တဲ့ နှစ် ၂၀၀၀ မှာ အိုင်ယာလန်က စခဲ့တာပါတဲ့။ ရည်ရွယ်ချက်က ဗမာလို ပြောရင် သံပုံးတီး တောထုတ်တာပါပဲ၊ နာနာဘာဝတွေ သူတို့မြေထဲ ယောင်လည်လည်ရောက်မလာအောင် ဆောင်းတွင်းမတိုင်ခင် သရဲဝတ်စုံတွေဝတ်ပြီး သရဲတွေကို ရွာထဲဝင်မလာရဲအောင် လှန့်တဲ့ အလေ့စခဲ့တာပါ။
ခရစ်တော်ပေါ်ပြီး အေဒီ ၁၀၀၀ ပြည့်နှစ်မတိုင်ခင်မှာပဲ နွမ်းပါးတဲ့မိသားစုတွေဟာ တအိမ်ဝင် တအိမ်ထွက်သွားကြပြီး အိမ်ရှင်တွေကို သူတို့အိမ်ကသေသွားတဲ့ သူတွေအတွက် ဆုတောင်းပေးပါမယ်- ဒိအတွက် အပြန်အလှန်အဖြစ်သူတို့ စားဖို့သောက်ဖို့ စားစရာလေးများပေးကြပါ ဆိုတဲ့ ဓလေ့ပေါ်လာတယ်လို့ ဆိုပါတယ်။ စားစရာတောင်းတဲ့ အလေ့နဲ့ သရဲဝတ်စုံဝတ် သရဲကိုချောက်တဲ့ အလေ့နှစ်ခုပေါင်းစပ်သွားပြီး .. မုန့်မကျွေးရင် သူရဲချောက်မှာနော်- ဒါမှ မဟုတ် အချောက်မခံရင် မုန့်ကျွေး trick or treat ဆိုတဲ့ကလေးတွေ အရပ်ထဲ အိမ်တကာလှည့် မုန့်ဖိုးပဲဖိုး သကြားလုံး ချိုချဉ် သစ်သီး ယူတဲ့ ပျော်ဓလေ့ ဖြစ်လာတာပါပဲ။
အမေရိကန်ပြည်ထောင်စုကိုတော့ အိုင်ယာလန်က ပြောင်းလာတဲ့ လူတွေနဲ့ အတူ ၁၉ ရာစုမှာ trick or treat ဓလေ့ဝင်လာပါတယ်။ ၁၉၂၀ ပြည့်လွန်နှစ်ပိုင်းတွေမှာ အတော်ပေါ်ပြူလာဖြစ်လာပေမဲ့ ဒုတိယကမ္ဘာစစ် အတွင်းမှာတော့ သကြားချွေတာတဲ့အနေနဲ့ trick or treat မလုပ်ဖြစ်ပါဘူး။ ၁၉၅၀ ပြည့်လွန်နှစ်တွေမှာ သူပြန်လာပြီပေါ့ – trick or treat အချောက်ခံမလား မုန့်ကျွေးမလား Halloween ပွဲအတွက် အမေရိကန်တွေ ဒီနှစ်မှာ ဒေါ်လာသန်း ရှစ်ထောင်ကျော် သုံးလိမ့်မယ်လို့ ခန့်မှန်းထားတော့ ကြားထဲက နှမျောနေသေး၊ အေးလေ… သင်္ကြန်လို သုံးကြဖြုန်းကြမှာပေါ့။
Halloween ၀တ်စုံတွေထဲ ကလေးတွေက ပေါ်ပြူလာအဖြစ်ဆုံး ဆူပါဟီးရိုး ၀တ်စုံ ၀တ်ကြပြီး Princess ၀တ်စုံ နဲ့ တိရစ္ဆာန်လို ၀တ်စုံက ဒုတိယနဲ့ တတိယရှိတယ်တဲ့… ကလေးတွေကတော့ အရပ်ထဲ သကြားလုံး လှည့်တောင်းရုံ…. မိဘတွေကတော့ သားသမီးတွေ ပူဆာတဲ့ ၀တ်စုံဝယ်ပေးပေါ့… ဈေးကတော့ အမျိုးမျိုးပေမဲ့ ပေးတော့ပေးရတာပဲ … ရာသီစာကို…
လူငယ်တွေလည်း ဘယ်နေမလဲ… သူတို့ကတော့ ဆန်းသစ်နိုင်သမျှ ထွင်နိုင်သမျှထွင်… သကြားလုံးလိုက်တောင်းတဲ့ အရွယ်လွန်ပြီမို့ စားသောက်ဆိုင်တွေ ဘားဆိုင်တွေဘက် လှည့်… ပျော်ကြ..မြူးကြ…သောက်ကြ.. စားကြပေါ့ အထည်လုပ်ငန်းနဲ့ စားသောက်ဆိုင်လုပ်ငန်းတွေ ၀င်ငွေကောင်းတဲ့ တစ္ဆေကြီးပွဲပေပါ့။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခေတ်ပြိုင်အတွေ့အကြုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)