အောင်မြို့ ● ဗိုလ်ချုပ်ကြီး

November 3, 2016

● ဗိုလ်ချုပ်ကြီး
(မိုးမခ) နိုဝင်ဘာ ၃၊ ၂ဝ၁၆

(၁)
ဆိတ်ငြိမ်ရပ်ကွက်တခုထဲမှာ ဖြစ်သည်။ လုံခြုံရေးအစောင့်အရှောက်များဖြင့် ဝန်းရံထားလေ့ရှိသည့် ခြံဝင်းထဲမှာ သူနေထိုင် ၏။ အနက်ရောင်ကားအကောင်းစားကြီးများ ဝင်ထွက်သွားလာတတ်သော လမ်းပေါ်မှာ ကားရော လူပါ ရှင်းနေတာ တနှစ်နီး ပါး ကြာခဲ့ပြီ။ တိတ်ဆိတ်သောပတ်ဝန်းကျင်ထဲမာကျောပြီး ခန့်မှန်းရခက်သည့် မျက်နှာများကိုလည်း မကြာခဏတွေ့ရမည် ဖြစ်ပါသည်။ သံဆူးကြိုးဖြင့်ပြုလုပ်ထားသည့်အတားအဆီးများနောက်တွင် ငှက်တကောင် ကြောင်တမြီးမှ ဖြတ်သန်းသွား လာခွင့်မရှိ။

(၂)
နေ့စဉ်မနက် ၆ နာရီတွင် အိပ်ရာမှထပြီး ဘုရားဝတ်ပြုခြင်းကို တစ်နာရီတိတိ ပြုလုပ်သည်။ နံနက် ၇ နာရီတွင် မနက်စာ စားပြီးနောက် နံနက် ၈ နာရီမထိုးခင် ငါးမိနစ်အလို ဆွတ်ဆွတ်ဖြူနေသော ငွေရောင်ဆံပင်များကို သပ်သပ်ရပ်ရပ်ဖီးသည်ဗိုလ်ချုပ်ကြီးအဆင့်ပခုံးတံဆိပ်နှင့် အဆောင်အယောင်များပါသည့် စစ်ဝတ်စုံယူနီဖောင်းကို ဝတ်သည်။ ထို့နောက် သေသေ ချာချာ တိုက်ချွတ်ထားသည့်ပြောင်လက်နေသော ရှုးဖိနပ်ကိုစီးပြီး ရွှေရောင်ပန်းခက်ပန်းနွယ်များဖြင့် ဆင်ယင်ထားသည့် ကတ်ဦးထုပ်ကိုဆောင်းလိုက်သည်။ လက်ဆွဲအိတ်ထဲသို့ လိုအပ်သည့် စာရွက်စာတမ်းများ၊ မှတ်စုစာအုပ်နှင့် အသုံးအဆောင် များကို ထည့်ပြီးသည့်အခါ တနေ့တာ အလုပ်သွားရန်အတွက် အဆင်သင့်အနေအထားဖြစ်သွားပြီ။

(၃)
နှစ်ပေါင်းများစွာ အသားကျနေပြီဖြစ်သည့် ခြေလှမ်းများဖြင့် နေအိမ်နှင့်ကပ်လျက်ရှိသည့် သူ့ရုံးခန်းရှိရာသို့ သွားနေစဉ်မှာပင် မျက်နှာက စစ်သွေးစစ်မာန်တို့ ပြည့်လျက်ရှိသည်။ ခေါင်းထဲမှာတော့ ရှုပ်ထွေးပွေလီလှသည့် အုပ်ချုပ်ရေးဆိုင်ရာများ၊ နိုင်ငံ တော်အဆင့်စီမံကိန်းများနှင့် တပ်ချုပ်ကြီးထံတင်ပြရမည့် အစီရင်ခံစာများ စသဖြင့် အဆက်မပြတ်တွေးတောလျက်။ သူ အလုပ်ရှုပ်ခဲ့တာကတော့ သူတို့တပ်မတော်ကနေ နိုင်ငံတော်အာဏာကို တာဝန်ယူချိန်မှစပြီး နေ့စဉ်လိုလိုပင်။ နဂိုကမှ အ လုပ်ရှုပ်ရသည့်အထဲ အတိုက်အခံအင်အားစုတွေ၏သတင်းကို နားစွင့်နေရသလို အနောက်အုပ်စု၏ဖိအားကိုလည်း သတိ ထားနေရပြန်သည်။ ပြီးတော့ အိမ်နီးချင်းနိုင်ငံနှင့် မိတ်ဖက်နိုင်ငံများအရေးကိုလည်း အဆက်မပြတ်စုံစမ်းနေရ၏။

(၄)
နံနက် (၈း၀၀) နာရီထိုးပြီဖြစ်ကြောင်း အခန်းဝသို့ရောက်လာသည့် ဗိုလ်ချုပ်ကြီးကိုအလေးပြုရင်း အစောင့်ရဲဘော် ကိုလေး နားလည်လိုက်သည်။ ရုံးခန်းထဲရှိ ရှုပ်ပွနေသော စစ်သုံးမြေပုံများ၊ စီမံကိန်းတည်နေရာပြ မြေပုံများ၊ အစီရင်ခံစာများကို နေ့ စဉ်အသစ်သဖွယ်ဖြစ်အောင် ပြန်လည်နေရာချထားခြင်းက သူ့အတွက် အရေးကြီးသောအလုပ်တခု ဖြစ်ပါသည်။ ဗိုလ်ချုပ် ကြီးအတွက် အလုပ်အသစ်တွေ၊ စီမံကိန်းအသစ်တွေ နေ့စဉ်ရောက်နေမှ အဆင်ပြေမည်ဟု သူမကြာခဏ ညွှန်ကြားခံနေ ရသည် မဟုတ်လား။ ဗိုလ်ချုပ်ကြီးအတွက် ရေနွေးကြမ်း၊ ကော်ဖီနှင့် မုန့်ပဲသရေစာများကိုလည်း လိုလေးသေးမရှိအောင်သူလုပ်ထားပြီးပြီဖြစ်သောကြောင့် သေနတ်လွယ်လျက် အခန်းအပြင်မှာ ထိုင်ခုံဖြင့် ထိုင်စောင့်နေရုံသာ။

(၅)
ပျင်းရိစရာကောင်းသည့်နေ့တစ်နေ့ ဖြစ်သော်လည်း ဗိုလ်ချုပ်ကြီးတယောက် အလုပ်တွေ ရှုပ်နေသည်။တယ်လီဖုန်းမှတဆင့် သူ့ညွှန်ကြားသံတွေ၊ ဆူပူငေါက်ငန်းသံတွေအပြင် ဆဲသံဆိုသံကလေးတွေပါ ပါပါလာတတ်သည်။ တခါတလေ မြေပုံကို တုတ်ဖြင့်ထောက်ကာ ဆောင်ရွက်ရမည့် လုပ်ငန်းစဉ်တွေကို ရှင်းပြပုံ ရှင်းပြနည်းလေ့ကျင့်နေတတ်သည်။ သူတို့အတွက် အဓိကဖြစ်သော အဖေကြီးထံဝင်ရောက် အစီရင်မခံမီ ကြိုတင်လေ့ကျင့်ထားနိုင်မှ တော်ကာကျလေသည်။ ခံစားချက်မရှိ သောမျက်နှာဖြင့် ကွမ်းကိုမြုံထားရင်း သူတို့ရှင်းပြသည်ကို ထိုင်နားထောင်လေ့ရှိသူ အဖေကြီးကို သူတို့အားလုံး တုန်နေ အောင်ကြောက်ရသည်။ အဖေကြီးသည်သာ သူတို့၏ ဘုရားသခင်၊ အဖေကြီးသည်သာ နိုင်ငံတော်၊ အဖေကြီးခေါင်း တချက်ခါရုံမျှဖြင့် သူတို့ဘဝတွေ သေချာနိုင်တော့မည် မဟုတ်ပါ။

(၆)
တပ်ထဲက အကျင့်အတိုင်း မနက်စာကို ဘယ်တော့မှ အိမ်ပြန်မစားသည့် ဗိုလ်ချုပ်ကြီးအတွက် မနက်စာကို ကိုလေး အိမ်ထဲ ကနေ သွားယူပေးရသည်။ ထမင်းချိုင့်ယူရင်းက မေမေကြီးထံမှ ဆေးတွေ လှမ်းယူပြီး ဘာထူးခြားမှုမရှိကြောင်း တင်ပြသည်။ အမြဲလိုလို ပုတီးစိပ်ရင်း တနေရာရာသို စိုက်ငေးနေလေ့ရှိသော မေမေကြီးထံမှ သက်ပြင်းသံသဲ့သဲ့ ကြားရသည်။ အနည်း ငယ်ကြာပြီးမှ သားကြီးတို့ သားငယ်တို့နေမှကောင်းကြရဲ့လားဟု စိတ်ပူသည့် စကားတခွန်းထွက်လာသည်။ မာနဖြင့်တောက် ပနေတတ်သည့် အမေကြီးမျက်ဝန်းမှာ မျက်ရည်စတို့ဖြင့် မှုန်ဖျော့နေသည်ကို တခြားလူတွေ အံ့သြထိတ်လန့်မည်ဖြစ်သော် လည်း ကိုလေးအတွက်ကတော့ ရိုးအီနေသည့်မြင်ကွင်းသာ ဖြစ်လေ၏။

(၇)
ဆေးသောက်ဖို့အချိန်ရောက်ပြီ ဗိုလ်ချုပ်ကြီးဟုတင်ပြရင်း ဗိုလ်ချုပ်ကြီးအရှေ့ သတိအနေအထားဖြင့်ရပ်ကာ ကျကျနန အ လေးပြုလိုက်သည်။ နာရီနဲ့ကိုက်ကာ တိုက်ရသည့်ဆေးတွေမို့ သူသတိမေ့လို့မရ။ ဗိုလ်ချုပ်ကြီး၏ကျန်းမာရေးကို ပုံမှန်စစ် ဆေးပေးနေသည့် ဆရာဝန်က သူ့ကို အထပ်ထပ်မှာထားသလို မေမေကြီးကလည်း အမြဲမေးလေ့ရှိသောကြောင့် သူဂရုတ စိုက်လုပ်နေရတာ ဖြစ်ပါသည်။ ဗိုလ်ချုပ်ကြီးကိုတော့ ဆယ်ကျော်သက်များကဲ့သို့ ပြန်နုပျိုစေမည့် အားဆေးတွေ ဖြစ်ကြောင်း တင်ပြထားရသည်။ ဗိုလ်ချုပ်ကြီး၏ ဆရာသမားအရင်းဖြစ်သူ သွားလေသူဘဘကြီး ပုံမှန်သောက်ခဲ့သည့်ဆေးတွေပါဟု လည်း ယုံကြည်အောင် ဇာတ်လမ်းဆင်ထားသဖြင့် ဗိုလ်ချုပ်ကြီးက ယုံယုံကြည်ကြည်သောက်နေသည်။

(၈)
အဝင်အထွက်များ၊ မုန့်ပုံးများ၊ ကားကြီးကားငယ် အသွယ်သွယ်များ၊ ဂိတ်တံခါးဖွင့်ရုံဖြင့် အိတ်ထဲပိုက်ဆံအထပ်လိုက်ထိုးထပ်ပေးတတ်သည့်လူတွေကို ကိုလေးသတိရနေသလို ဗိုလ်ချုပ်ကြီးကလည်း သူ့ခရီးစဉ်မှတ်တမ်းခွေဟောင်းတွေ ပြန်ကြည့်၍ ပီတိဖြစ်လျက်ရှိသည်။ အခွေကြည့်ရင်း အခုတလော အဖေကြီးက ငါ့ကို ဖုန်းမဆက်ဘူးကွာဟု ကိုလေးကိုလှမ်းပြောသဖြင့် ဟုတ်ကဲ့အဘ ဟု ပြန်ဖြေလိုက်ရ၏။

ဟိုကောင်တွေသတင်းရော ဘာရသေးသလဲဟု ထပ်မေးမှ ဗိုလ်ချုပ်ကြီး၏ကိုယ်ရေးအရာရှိနဲ့ အဖွဲ့သားတွေ နိုင်ငံခြားကနေ ပြန်မလာသေးကြောင်း ပြန်မယ့်ရက်သိရင် အဘကို ဖုန်းဆက်မည်ဟု ပြောကြောင်းတင်ပြရပြန်သည်။

(၉ )

လွန်ခဲ့သောလေးနှစ်ကစ၍ ကိုလေးတယောက် အလုပ်ပိုရှုပ်လာသည်။ ဗိုလ်ချုပ်ကြီးကို ဆေးပုံမှန်တိုက်ရသည်။ အိမ်မှာ ချက်ပြုတ်ဖို့ဝယ်ရသည့် ဟင်းသီးဟင်းရွက်ကအစ အိမ်သာတံခါး ချက်ပြုတ်လို့ပြင်တာအဆုံး အပြင်မှာ စောင့်နေသည့်ငနဲ တွေကတဆင့် တင်ပြပြီးမှ လုပ်ရသည်။ တပတ်တခါဈေးဝယ်ထွက်ရသည်။ မြေးတွေကို ကျောင်းပို့ကျောင်း ကြို ကိစ္စလည်း သူတို့ကသာ တာဝန်ယူ၏။ ခါတိုင်းဝင်ထွက်သွားလာနေတတ်သူများ လာခွင့်မရှိ၊ လာလည်လိုသူများအနေဖြင့် ခိုင်လုံသော အကြောင်းပြချက်ဖြင့် တပတ်ကြိုတင်ခွင့်တောင်းပြီးမှ ဝင်ခွင့်ရသည်။ သို့သော် ဆွေမျိုးရင်းတွေသာ လာလည်ကြ၍ မိတ်ဆွေ များ၊ တပည့်ဟုဆိုသူများ တယောက်မှပေါ်မလာ။

(၁ဝ)
လူတကာကို အမိန့်ပေးနေကျ ဗိုလ်ချုပ်ကြီး၏အလိုကျအတိုင်း ကိုလေး လိုက်လုပ်ပေးနေရသည်မှာ မလွယ်။ခြံထဲမှာ တပည့် ရင်းဆိုလို့ သူတယောက်သာ ကျန်၏။ ဒါတောင် သူက တကောင်ကြွက်မို့ နေနိုင်ခြင်းဖြစ်သည်။ ဗိုလ်ချုပ်ကြီးကောင်း စား စဉ်က တရုန်းရုန်းပြည့်နေသော အမျိုးအဆွေဆိုသူတွေ ခြံကနေ စွန့်ခွာပြေးသွားကြပြီ။ အဘဗိုလ်ချုပ်ကြီး၊ မေမေကြီးနှင့် ကိုလေးသာ ဒီအိမ်ထဲမှာရှိသည်။ သားသမီးတွေလည်း အလားတူ သူတို့နေအိမ်တွေမှာ အကျယ်ချုပ်ခံထားရသဖြင့် ဒီအိမ်ကို လာခွင့် မရ။ တလမှာ မြေးများနှင့် နှစ်ကြိမ်တွေ့ခွင့်ပေးသော်လည်း ညအိပ်ခွင့်မပြု။

(၁၂)
အဘဗိုလ်ချုပ်ကြီးရုံးတက်ရန်အတွက် သူတာဝန်ထမ်းဆောင်ခဲ့သော ရုံးခန်းနှင့်ပုံတူ အခန်းတခန်းဖန်တီးပေးထားပြီး ဗိုလ် ချုပ်ကြီးခမျာ တယောက်တည်း ဖုန်းပြောရင်း၊ မြေပုံကိုထောက်၍ အဖေကြီး ကိုတင်ပြရန် လေ့ကျင့်ခြင်း၊ ဖိုင်တွဲဟောင်းများ ဖတ်၍ မှတ်ချက်များရေးခြင်း စသဖြင့် စစ်ရုံးမှာ လုပ်နေကျအလုပ်တွေကို လုပ်နေဆဲဖြစ်၏။ ရွှေထီးဆောင်းခဲ့စဉ်က ခရီးစဉ် ဗီဒီယိုခွေများ ကြည့်၍ သာယာနေဆဲ ဖြစ်၏။ကိုလေးကတော့ သေနတ်အစစ်နှင့် ခွဲမရအောင်တူသည့် ကစားစရာသေနတ်ဖြင့် ရုံးခန်းရှေ့မှာကင်းစောင့်ဟန်ပြု၍ ဗိုလ်ချုပ်ကြီး၏အခြေအနေကို စောင့်ကြည့်နေရသည်။

(၁၃)
မကြာခင် ရုံးဆင်းချိန်ရောက်တော့မည်။ ရာထူးကထုတ်ပယ်ခံရ၊ စစ်ကြောရေးခံရပြီးနောက်နေအိမ်အကျယ်ချုပ်ကျရာမှ ယဉ်ယဉ်လေး စိတ်ဖောက်ပြန်သွားသူ ဗိုလ်ချုပ်ကြီးဟောင်းကတော့ ရုံးခန်းအတုထဲမှာ သူ့တာဝန် သူထမ်းဆောင်နေဆဲ ဖြစ်လေ၏။ ။

အောင်မြို့


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:၀တ္ထုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်