ခင်လွန်း – ပုရွက်ဆိတ်တကောင်ရဲ့ ထမင်းတနပ်

November 11, 2016

Photo – Sampsonia Way Magazine
 

ခင်လွန်း – ပုရွက်ဆိတ်တကောင်ရဲ့ ထမင်းတနပ်
(ဆရာမောင်အောင်ပွင့် (၇၁) နှစ်မြောက်မွေးနေ့ ဦးညွှတ်ဂုဏ်ပြုခြင်း)
(မိုးမခ) နိုဝင်ဘာ ၁၁၊ ၂၀၁၆

မနှစ်က ငြိမ်းချမ်းရေးကဗျာဆရာကြီး မောင်အောင်ပွင့် အသက် (၇၀) ပြည့်နှစ်မှာ ကျနော် လွမ်းလို့ရေးခဲ့တဲ့စာလေး ဒီနေ့ပြန်တင်ရင်း ဒီနှစ်နဲနဲလေး ထပ်တိုးပြောပါရစေ။

အဲဒါရေးတုန်းက ဖတ်သူဘက်က ဘာမှမဟုတ်လောက်ပေမယ့် စာရေးနေတဲ့ ကျနော့်မှာတော့ အရာရာတရိပ်ရိပ် စိတ်ထဲမြင်နေရလို့ စာရေးရင်း ဝမ်းနည်း သလိုလို လွမ်းဆွတ်သလိုလိုခံစားရင်း မျက်ရည်လဲ (နှာရည်တွေလဲကျ) ကျမိပါတယ်။

သေချာတာက ကျနော် အခုပြန်ဖော်ပြတဲ့စာကို ရေးခဲ့တုန်းက မေးရိုး ကြီးထောင်းထောင်းထအောင် အံကြိတ်ထားမိတာကိုလဲ သတိရနေမိတယ်။ တမျိုးပဲ ဒီခံစားမှုမျိုးက ဥပမာနှိုင်းပြောဖို့တော်တော်ခက်တယ်။
သေချာတာက တယောက်ဘဝကိုတယောက်၊ တယောက်အသက်တယောက် အပ်ထားကြရတဲ့အချိန်ကာလတွေကို ကျနော်သတိရနေတာဖြစ်တယ်။ တချိန်တော့ အချိန်ယူပြီး အဲဒီ့အကြောင်းတွေ စာပြန်ရေးအုံးမယ်။ကျနော်တို့ဟာ ဘယ်အချိန်မှန်းမသိ အသက်နဲ့ခန္ဓာ အိုးစားကွဲသလို ကွဲသွားနိုင်တဲ့လမ်းခရီးတွေ အခြေအနေတွေကို အတူဖြတ်ခဲ့ကြချိန်တွေပါပဲ။ မမေ့နိုင်တဲ့အဖြစ်နဲ့ရေးခဲ့တဲ့စာမို့ ဟာသွားခဲ့တာတွေ ကျန်နေတာတွေ ရှိခဲ့ပါတယ်။  ဥပမာ…အဲဒီအစာမှာပါတဲ့ သို့ ဦးပုရွက်ဆိတ်ကြီးဆိုတာကို ကျနော် ဘာမှ မရှင်းထားပဲရေးခဲ့တယ်။မောင်အောင်ပွင့်ရဲ့ နာမည်ကျော်ပုရွက်ဆိတ်ကဗျာတွေအကြောင်းသိတဲ့ သူတွေကတော့ ဘာမှမထူးပေမယ့် သာမာန်စာဖတ်သူတွေ နောက် လူငယ်မျုိးဆက်သစ်တွေက ဒါကို မသိနိုင်ကြဘူး။

အဲဒီ့သူတွေအတွက် တိုတိုပဲပြောပါ့မယ်။ ဦးပုရွက်ဆိတ်ဆိုတာနဲ့ အဆက်အစပ်မဲ့ စပြီးရေးဖြစ်ခဲ့တာကိုပြောပါ့မယ်။

၈၈ လေးလုံးလူထုအရေးတော်ပုံကာလမှာ အဖိနှိပ်ခံလူထုဘက်က အမြဲရပ်တည်ခဲ့တဲ့ ဆရာမောင်အောင်ပွင့်ဟာ ထုံးစံအတိုင်း စစ်ဘီလူး သဘက်တွေဘေးက လွတ်မြောက်ဖို့ ရှောင်တိမ်းရင်း ရန်ကုန်မှာ မထင်မရှားနေထိုင်ရပါတယ်။

နားရာခိုရာ အတည်တကျမဟုတ်ပဲနေခဲ့ရာတွေထဲမှာ ကျနော်တို့ ယနေ့ဆရာကြီး ဂျက်(ကွမ်းခြံကုန်း)တို့ နေစိမ့်တို့စုစည်းရာ အိပ်မက်ဖူး မဂ္ဂဇင်းတိုက်လေးလဲပါပါတယ်။

ခရမ်းပြာမြင်းရိုင်းကြီးစကားနဲ့ပြောရရင် အိပ်မက်ဖူးဟာ ငြိမ်းချမ်းရေး ကဗျာဆရာယောက်ရဲ့ ဗုံးခိုကျင်းလဲဖြစ်ခဲ့တယ်ပေါ့။

အဲဒီမဂ္ဂဇင်းတိုက်လေးမှာ ဆရာမောင်အောင်ပွင့်နဲ့ ကျနော်ဟာ နေ့တာတော်တော်များများကို အတူတူနေခဲ့ကြပါတယ်။

အဲဒီကာလက ဝန်ထမ်းတွေကိုလဲ အတင်းကြပ်ထားတဲ့ အချိန်မို့ ဆရာကြီး ဂျက်လို တက္ကသိုလ်က ဆရာတပါးလဲ ရုံးဆင်းချိန်မှသာ ရောက် လာတတ်တာမို့ ကျနော်နဲ့ ဆရာမောင်အောင်ပွင့်တို့သာ တိုက်မှာ အနေများကြပါတယ်။

ကျွဲကူးရေပါပဲသဘောထားပါဗျာ။

အဲဒီကာလ ၈၈ လူထုအရေးတော်ပုံကြီးကာလမှာမှ တိုက်တိုက်ဆိုင်ဆိုင် မဂ္ဂဇင်းထုတ်ဝေဖြစ်ခဲ့တဲ့ကျနော်တုိ့မှာကလဲ ငွေကြေးအခြေအနေက ခေါင်းပါးနေတဲ့ကာလပါ။ စာအုပ်တွေဖြန့်ချိထားပေမယ့် တိုင်းပြည်က ပျက်သလောက် နီးပါးဖြစ်နေတာမို့ငွေတွေက ပြန်မဝင် ဝင်တာတွေကလဲ ခေါင်းအကွဲကွဲ၊ အဲဒီ်လို ကာလပေါ့ဗျာ။

မနက်ဆို ကျနော်တို့စုရပ် မြောက်ဥက္ကလာပ ကဗျာဆရာယမုံအိမ်ကနေ မြို့ထဲ ကို ချီတက်၊ တိုက်ကိုရောက်တော့ လုပ်စရာရှိတာလေးတွေလုပ်၊ အဲဒီလို အချိန်မျိုးတွေမှာ ညဘက် ဘယ်နေရာဘယ်သူ့အိမ်မှာ အိပ်လာခဲ့ရမှန်းမသိတဲ့ ကိုပွင့်က မျောလွင့်လွင့် ပမ်းလျလျနဲ့ ရောက်လာတတ်ပါတယ်။ပြီးတော့ သူ ကျနော့်တို့ကိုကူလုပ်နိုင်တာလေးတွေ ကူလုပ်ပေါ့။
ဒါပေမဲ့ ဒီလိုသာ ကူညီဆောင်ရွက်လေ့ရှိပေမယ့် အိပ်မက်ဖူးကိုရောက်လာတဲ့ စာပေကိစ္စ စာမူကိစ္စတွေကို ပါဝင်ပတ်သက်လေ့မရှိတတ်ပါဘူး။ သူ့စည်းနဲ့ သူသာ နေလေ့ရှိပါတယ်။

တနေ့တော့ စာတိုက်ကနေ ရောက်လာတဲ့စာအိပ်တွေတထပ်ကြီးမှာ ကျနော်ဟာ “သို့ ဦးပုရွတ်ဆိတ်”ဆိုတဲ့ နာမယ်နဲ့ အိပ်မက်ဖူးကိုပေးလာတဲ့ စာတစောင်ကြောင့် ကြောင်စီစီဖြစ်နေမိပါတယ်။ ဘာလဲဟပေါ့။ ဘယ့်နှယ် ဘယ်လိုဖြစ်တာလဲပေါ့။

အဲဒီလိုဖြစ်နေချိန်မှာ မဂ္ဂဇင်းတိုက်ကိုစာတွေရောက်တိုင်း ကျနော်တို့ နယ်ကစာမူတွေမျှော်သလိုမျိုး သူလဲ မျှော်နေလေ့ရှိတဲ့ အကိုပွင့်က “ကိုခင်လွန်းရေ အဲဒီ့ဦးပုရွက်ဆိတ်ဆိုတာ ကျနော်ပါဗျာ …ကျနော့်ချစ်တဲ့ နန်းဆီက လာတဲ့စာပါဗျာ” တဲ့။

သူဟာ စာပွဲပေါ်မှာထပ်ထားတဲ့စာအိတ်တွေကိုယူမကိုင်ဘဲ ကျနော့်ဘေးမှာရပ်ရင်းပြောလာတာပါ။ သူ့မျက်လုံးမှာပေါ်နေတဲ့လွမ်းရိပ်တွေကို ဖုံးဖိမရတတ်တော့ဘူးထင်ပါရဲ့။

သြော် ပုရွက်ဆိတ်က မောင်အောင်ပွင့်ယောင်ေ်ဆာင်၊ မောင်အောင်ပွင့်က ပုရွက်ဆိတ်ယောာင်ဆောင်ဆိုတဲ့ သူ့ရဲ့နာမည်ကျော် ပုရွက်ဆိတ်ကဗျာတွေထဲကလို ပုရွက်ဆိတ်တကောင်အဖြစ် အိပ်မက်ဖူးမှာ သူဟာ ရောက်နေခဲ့တာမှန်း ကျနော်သိလိုက်ရပါတယ်။

ကျနော့်ကို ခွင့်ပြုချက်တောင်းပြီး သူ့ဇနီးဆရာမနန်းညွန့်ရွှေ ဆီကိ စာကို မျက်ရည်တလည်လည်နဲ့ယူဖတ်ပါတယ်။ ကျနော်ကတော့ စာကိုဖတ်ရင်း သက်ပြင်းမောတွေချချနေတတ်တဲ့ သူ့ပုံရိပ်ကို ခုတိုင်မြင်နေမိတုန်းပါပဲ။

ဒီလိုနဲ့နေကြရင်း ထမင်းစားချိန်ရောက်တဲ့အခါ ကျနော်က ကိုပွင့်ကိုမေးမိ တာပေါ့။
“ကိုပွင့်ရေ ထမင်းစားပြီးပြီလားပေါ့”
ဒါဟာ ကျနော့်အတွက်တော့ ပုံမှန်မေးခွန်းတခုကိုပြောမိတာပါပဲ။
အဲဒီမှာ …ရုတ်ခနဲ နတ်ကျသလိုတုန်ယင်သွားတဲ့ သူ့ရုပ်ရော စိတ်ရောကို ကျနော် အံ့အားတကြီးတွေ့လိုက်ရပါတယ်… ဒီ့ထက် အံ့အားသင့်ဖို့ကောင်း တာက သူပြောတဲ့စကားဗျာ ဘာလဲဆိုတော့…
“ကိုခင်လွန်းရယ် … ခင်ဗျားဗျာ ဒီ ထမင်းဆိုတာကြီးကို မသုံးစမ်းပါနဲ့” တဲ့။

သြော် …ဖြစ်ရလေ …ထမင်းဆိုတာကြီးတဲ့လား။

ဒီနေရာမှာ တခုပြောဖို့လိုလာပါပြီ။ အိပ်မက်ဖူးကို ထုတ်ဝေကြတဲ့ငွေကြေးက ကဗျာဆရာနေစိမ့်တို့မိသားစုပါ။ ငွေကြေးစီမံခန့်ခွဲတာက ဆရာကြီးဂျက်က စီမံခန့်ခွဲပါတယ်။

ကျနော်ကတော့ ကာယ ဉာဏ ဝါသနာ ယုံကြည်မှုနဲ့ ဘဝစိုက်ထူ ပါဝင်ပါတယ်။

မဂ္ဂဇင်းအဖြစ်ရပ်တည်နေချိန်မှာ ကျနော့်ရဲ့စားစရိတ်ကို မဂ္ဂဇင်းက ကျခံပါတယ်။ ကျနော်တို့ လစာမယူကြပါဘူး။ ပေးစရာလဲမရှိပါဘူး။ ခေတ်က ပျက်နေသလောက်မဟုတ်လား။

ဆိုတော့ ကျနော်ကလဲ မဂ္ဂဇင်းတိုက်ကိုချီတက်လာချိန်ဆိုရင် လမ်းစရိတ်လေး နဲ့ နေ့လည်စာ ထမင်းဖိုးလေးထည့်လာရုံပဲငွေက အိတ်ထောင်ထဲပါတာပါ။ အပိုလဲမရှိတတ်ပါဘူး။ ဆိုတော့ ကျနော်ထမင်းစားချိန်မှာ သင့်တော့်ရာ ပေါချောင်ကောင်းဆိုင်လေးတဆိုင်ဆိုင်ကို သွားရမှာမို့ကျနော်က ဆရာပွင့်ကို(ကျနော် ကိုပွင့်လို့ပဲခေါ်တာပါ) ထမင်းစားပြီးပြီလား မေးမိလိုက် တာပါ။ (စိတ်ထဲမှာ ပုံမှန်လိုပဲ စားပြီးလောက်ပြီလဲထင်နေမိလို့ပါ)

ကိုင်း ခုတော့ ဒီထမင်းကြီးဆိုတာကို မသုံးစမ်းပါနဲ့တဲ့။

အကိုပွင့်ရေ ဘယ်လိုမှမထင်ပါနဲ့၊ ထမင်းကြီးလို့ မသုံးပါနဲ့ဗျာလို့ပြော လိုက်တဲ့အချိန်က ကတုန်ကယင်အသံနဲ့အတူ မျက်လုံးအိမ်ထဲမှာ မျက်ရည် ဝဲလာရုံမက လိမ့်ဆင်းကျလာတာကိုပါ ကျနော်က မြင်ဖြစ်အောင် မြင်မိ ပါတယ်ခင်ဗျာ။

ဆိုပါတော့ … ဒီလိုနဲ့တော်တော်များများ နေ့တွေမှာ ကျနော်တို့နှစ်ယောက်ဟာ အဲဒီ့ဟာကြီးအစား ကမ်းနားဘက်ကနေ စက်လှေတွေနဲ့တက်တက်လာတဲ့ အသီးအနှံ့တွေကို (ကီလိုမာလကာသီးကြီးတွေ ဖီးကြမ်းငှက်ပျော၊ သီးမွှေးငှက်ပျောတွေကို) နေ့လည်စာအဖြစ် ဝယ်စားဖြစ်ပါတယ်။

ကိုပွင့်ရောက်မလာတဲ့နေ့တွေမှာ ကျနော်က ပေါချောင်ကောင်းထမင်း ဆိုင်လေးတွေရှိရာကို တယောက်ထဲရွက်တိုက်လို့ပေါ့။

တခါတခါ ကိုယ်စားခါနီး ကိုယ့်စာပေသူငယ်ချင်းတယောက်ယောက် သို့မဟုတ် ၂- ၃ ယောက်ရောက်လာရင်တော့ အစီအစဉ်ပြောင်းပြီး လက်ဖက်ရည်လေး ဘာလေးလောက်သောက်ရတဲ့အခါမျိုးလဲရှိတယ်ပေါ့ဗျာ။

အဲဒီ့ဟာကြီးအချိန် တော်တော်လေးလွန်ကာမှ ကိုပွင့်ရောက်လာရင်လဲ ကျနော်က အရင်လိုမေးခွန်းဟောင်း ပြန်မထုတ်တော့ဘဲ ကိုပွင့် တခုခု ပြီးခဲ့ပြီလားပေါ့။

သူကလဲ ကျနော့်ကို ကိုခင်လွန်းရော ခင်ဗျား တခုခုစားပြီးပြီလားဗျာလို့ မေး တတ် ပါတယ်။

ဟုတ်တယ်။ ကျနော်တို့ တခုခုတွေနဲ့ပြီးခဲ့ကြတယ်။

ဟုတ်တယ်၊ ကျနော်တို့ တခုခုတွေမက နှစ်ယောက်ပေါင်း လုပ်ခဲ့ကြတယ်။

ကျနေ်ာတို့ လုပ်ခဲ့ကြတာတွေက “အဲဒီ့ဟာကြီး” အတွက်မျှ မဟုတ်ပါဘူး။
ကျနော်တို့ယုံကြည်ချက်ကို ကိုင်စွဲပြီး ရပ်ခံနိုင်သမျှ ရပ်ခံတိုက်ပွဲဝင်ခဲ့ကြတာပါ။
ဒါဟာပုံပြင်လဲမဟုတ်၊ အလွမ်းဇာတ်နာဖြစ်အောင် လုပ်ကြံထားတာလဲမဟုတ်။
အဲ့ဒီ့ လေထဲမိုးထဲ မုန်တိုင်းထဲက လှိုင်းအလူးအပုတ်ဒဏ်ကိုခံကြရမှာ ဒီနေ့ နံမည်ကျော်ဆရာတပါးဖြစ်တဲ့ ( အဲဒီ့တုန်းက ကလောင်အားယူခါစ ) ကိုတောက်ခေါ် နေဇော်နိုင်လဲ ပါတတ်ပါတယ်။ (သူ့အကြောင်းကလဲ ရေးစရာလေးတွေ ရှိပါသေးတယ်။)

ထားတော့ အဲဒါတွေ ကိုယ့်ရင်ထဲကိုယ် နက်နက်တူးဆွပြီး သတိရတတ်တော့ ကျနော် သတိရလွမ်းဆွတ်မိသွားပါတယ်။
ကျေနာ် မျက်ရည်ကျပါတယ်။
ကျနော်လွမ်းပါတယ်။
ကျနော် အလေးပြုပါတယ်။ ဦးညွှတ်ပါတယ် အကိုပွင့်ခင်ဗျာ

အကိုပွင့်ပြောတဲ့ ငြိမ်းချမ်းရေးညစာ စားပွဲကြီး ကျင်းပနိုင်တဲ့တနေ့ ကျနော်တို့ ပြန်ဆုံချင်ပါသေးတယ်။

အင်း မကြာခင် မကြာခင်နဲ့ ၂၀၁၇ ဆိုရင် မကြာခင်ဆိုတဲ့စကား ကျနော်တို့ပြောခဲ့ကြတာ အနှစ် ၂၀ ပြည့်ပါပေါ့လားအကိုပွင့်ရေ

သင့်ချစ်ရဲဘော်
ညီ-ခင်လွန်း
၁၁၊ နိုဝင်ဘာ၊ ၂၀၁၆
ညနေ – ၅း ၃၅


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခင်လွန်း, လူများ၊ ရုပ်ပုံလွှာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …


MoeMaKa Monthly December 2016 ထွက်ပြန်ဘီ တဲ့..

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်းကို မြန်မာပြည်အနှံ့ အိမ်အရောက် ပို့ဆောင်ပေးနေပါတယ်

By

မိုးမခမဂ္ဂဇင်းကို မြန်မာပြည်အနှံ့  အိမ်အရောက် ပို့ဆောင်ပေးနေပါတယ် (မိုးမခ) ဇန်နဝါရီ ၆၊ ၂၀၁၇ ၂၀၁၆...

Read more »

မိုးမခ နိုဝင်ဘာကို အိမ်အရောက် မှာယူပါ

By

” ကဗျာဖတ်ချင်ရင် မိုးမခမှာဖတ်ပါ စာဖတ်ချင်ရင် မိုးမခမှာဖတ်ပါ တရွေ့ရွေ့နဲ့ ရှေ့တန်းရောက်လာတဲ့ မဂ္ဂဇင်း .....

Read more »

မိုးမခမဂ္ဂဇင်း အောက်တိုဘာကို အိမ်အရောက် မှာယူပါ

By

 မိုးမခမဂ္ဂဇင်း အောက်တိုဘာကို အိမ်အရောက် မှာယူပါ  (မိုးမခ) အောက်တိုဘာ ၁၃၊ ၂၀၁၆ “အ...

Read more »

စက်တင်ဘာ လမကုန်ခင်မှာ မိုးမခမဂ္ဂဇင်း (စက်တင်ဘာ) မှာယူနိုင်ပါပြီ

By

  စက်တင်ဘာ လမကုန်ခင်မှာ မိုးမခမဂ္ဂဇင်း (စက်တင်ဘာ) မှာယူနိုင်ပါပြီ (မိုးမခ) စက်တင်ဘာ ၂၅၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မင်းကောင်းချစ် မာမာအေး မိုးသွင် လင်းခါး လင်းသက်ငြိမ် သင်းလဲ့ဝင်း (Myanmar Now) သွန်းခ အင်တာဗျူး အရှင်ကုသလသာမိ (အတည်မဲ့) အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ကျောက်ကျောက် ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) လောကပါလ သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်