မောင်စွမ်းရည် – ခင်မွန်ရွာသူ မပိုးဖြူ

November 28, 2016

 

မောင်စွမ်းရည် – ခင်မွန်ရွာသူ မပိုးဖြူ
(မိုးမခ) နိုဝင်ဘာ ၂၈၊ ၂၀၁၆

ကဗျာခေါင်းစဉ်လေးတစ်ခုဖြစ်ပါတယ်။ ခေါင်းစဉ်ကလေးကအလွန်လှပါတယ်။ ဒီခေါင်းစဉ်နဲ့ကဗျာရှည်၊ ကဗျာဝတ္ထုလေးတစ်ပုဒ်ထွက်လာတော့မယ်လို့ ”ဖန်မီးအိမ်” စာအုပ်တိုက်ကကြော်ငြာဖူးတယ်လို့ ရေးထားတာပဲ မှတ်မိပါတော့တယ်။ ”ဖန်မီးအိမ်”ဆိုတာ ကွယ်လွန်သူကဗျာဆရာတင်မိုးရဲ့ အမျိုးသားစာပေဆုရကဗျာစာအုပ် ပါ။ သူ့ရဲ့ပွဲဦးထွက်ကဗျာစာအုပ်ဖြစ်သလို၊ မန္တလေးတက္ကသိုလ်ကလောင်ရှင်အသင်းစာစဉ်ရဲ့ ပထမဦးဆုံးထွက် လိုက်တဲ့ စာအုပ်လည်းဖြစ်ပါတယ်။ ၁၉၅၈ခုနှစ်ကပါ။ ဖန်မီးအိမ်စာအုပ်တိုက်ဆိုတာကလည်း အဲဒီဖန်မီးအိမ် ကဗျာစာအုပ်ကလေးကို အစွဲပြုပြီးခေါ်တွင်တဲ့ စာအုပ်တိုက်ပါ။ တင်မိုးကိုယ်ပိုင်စာအုပ်တိုက်ပါ။

တင်မိုးက စာအုပ်တိုက်တည်ထောင်ဖို့ ၀ါသနာအစွဲရှိပါတယ်။ အလွတ်ပညာသင်ကျောင်း(တက္ကသိုလ်) တည်ထောင်ဖို့လည်း စိတ်ကူးယဉ်ခဲ့ဖူးတယ်။ ”ပုပ္ပါးတက္ကသိုလ်”လို့တောင် နာမည်ပေးခဲ့ဖူးလေရဲ့။ ဒါပေမဲ့ ကိုယ်ပိုင်ကျောင်းရယ်လို့ တစ်ခါမှ မတည်ထောင်ခဲ့ဖူးဘဲ အပေါင်းအသင်းတွေချောဆွဲသမျှ မြန်မာစာဆရာအဖြစ်ထိပ်ဆုံးက ပါခဲ့ရရှာပါတယ်။ စာအုပ်တိုက်ဆိုတာလည်း သူကြံစည်နေတုန်း၊ ရေစကြိုသားအပေါင်းအသင်းတစ် ယောက်က စာအုပ်တိုက်ထောင်ချင်တယ်ဆိုလာလို့ ‘ကမ္ဘာ့ခေတ်’ဆိုတဲ့ စာအုပ်တိုက်လုပ်ပေးရတယ်။ စာမူလဲ ရှာပေးပါ။ တည်းဖြတ်သုတ်သင်ပေးရနဲ့ အလုပ်ရှုပ်ခဲ့ဖူးတယ်။ ဆရာမင်းသုဝဏ်ရဲ့ ”ပန်းနှင့်ပင်စည်”ဆိုတာ ကမ္ဘာ့ ခေတ်ကထုတ်တာပေ့ါ။ စာအုပ်တိုက်တံဆိပ်ကို ပန်းချီးပေါ်ဦးသက်ကို သူပဲ ဆွဲခိုင်းခဲ့တာ။ စာအုပ်တွေထုတ် ဝေပြီး စာမူခတွေ ဟုတ်ဟုတ်ညားညားပေးခဲ့တယ်လို့ သတိမရပါဘူး။ သူ့မိတ်ဆွေနောက်မိန်းမတစ်ယောက်ထပ် ယူလိုက်တာပဲ သိလိုက်ပါတယ်။

ကမ္ဘာ့ခေတ်စာအုပ်တိုက်မှာ လက်တွဲရသူက စာပေသမားမဟုတ်ဘူး။ တင်မိုးကို အချောင်နှိုက်တာပါပဲ။ တင်မိုးက သူ့အသိုင်းအ၀ိုင်းတစ်ခုလုံး ပါဝင်လာဖို့ ကြိုးစားသေးတယ်။ ဘယ်သူမှ သိပ်စိတ်မပါလှပေမယ့် တောက်တိုမယ်ရတော့ ကူညီကြရတယ်။ လူထုမောင်စောလွင်တစ်ယောက်ပဲ တကယ်စိတ်ဝင်စားလို ပုံနှိပ်စက်ဝယ်ဖို့ နှစ် ယောက်ကြိုးစားခဲ့ကြဖူးတယ်။ နောက်မကြာခင် သူ့သူငယ်ချင်း တောင်သာသား ကျူရှင်ဆရာတစ်ဦးနဲ့ တွဲမိပြန် တယ်။ ကိုညိုကြီးတဲ့။ သူကတော့ စာပေ၀ါသနာပါတယ်။ စီးပွားရေးလည်း လုပ်ချင်တယ်။ ဒါ့ကြောင့်”သပြေ”ဆို တဲ့ စာအုပ်တိုက်ထောင်တယ်။ စိတ်ကူးယဉ်ထားတဲ့ စာအုပ်တွေကတော့ အများကြီးပါပဲ။ ထုတ်ဖြစ်လိုက်တဲ့ကဗျာ စာအုပ်တစ်အုပ်ကတော့ ”အနီနှင့်အပြာကဗျာများ”တဲ့။ အစစ တင်မိုးကိုယ်တိုင်စီစဉ်တာပါ။ မောင်သာနိုးရဲ့ဘာသာပြန်နဲ့တွဲဖို့ကအစ သူပဲအားထုတ်ခဲ့ရှာတယ်။

သပြေစာအုပ်တိုက်လုပ်ဆဲ အိမ်ထောင်ကျတယ်။ လူထုစောလွင်နဲ့ ၀ယ်ထားတဲ့ပုံနှိပ်စက်ကို သူ့အိမ်ရွေ့ တယ်။ စက်သမားတွေရှာတယ်။ လူကောင်းတွေရပါတယ်။ စာအုပ်တိုက်ကို”ဖန်မီးအိမ်”လို့ ပြောင်းပြီး သူ့ရဲ့ ကလေးကဗျာတွေထုတ်တော့ အမျိုးသားစာပေဆုတွေ ရပါတယ်။ ၀တ္ထုရေးဆရာ သိန်းသန်းထွန်းက ဒေါက်တာ သန်းထွန်းနဲ့အတူ မန္တလေးတက္ကသိုလ်ကိုပါလာခဲ့ပြီး သူလဲ ဒီလောက်တော့ စပ်တတ်ပါတယ်တဲ့။ ကလေးကဗျာ တွေစပ်ပြီး ဖန်မီးအိမ်စာအုပ်တိုက်ကို ထုတ်ခိုင်းလို့ ထုတ်ပေးရပါသေးတယ်။ သိန်းသန်းထွန်းက အဲဒီအခါမှာ ကလေးမရှိသေးဘူး။ အိမ်ထောင်မကျသေးဘူး။ ကလေးကဗျာရေးချင်လို့သာ ရေးတာ။

ထားပါတော့။ အဲဒီမှာတင်မိုးက ခင်မွန်ရွာသူ မပိုးဖြူဆိုတဲ့ ကဗျာစာအုပ်နာမည်လေးကို စွဲစွဲလန်းလန်း ဖြစ်နေရှာတယ်။ စာပေဟောပြောပွဲသွားရင်း ခင်မွန်ကိုလည်း ရောက်ဖူးတယ်။ ခင်မွန်ဘုရားစောင်းတန်းမှာ မြန်မာ့ ရိုးရာရှေးဟောင်းနံရံပန်းချီလက်ရာတွေလည်း ရှိတယ်။ ”ခင်မွန်ရွာသူ မပိုးဖြူ”ဆိုတာ နံရံပန်းချီက ရတာပါ။ ခင်မွန်မှာသူ့တပည့် သပြေပုံနှိပ်တိုက်စထူထောင်ခဲ့တဲ့ ဆရာဦးညိုကြီးတပည့် မြန်မာစာမောင်သိန်းနိုင်ရဲ့ တပည့် ခင်မွန်ရွာသူ၊ ခင်မွန်ရွာသား၊ မောင်နှမနှစ်ယောက်ရှိတယ်။ မောင်လုပ်သူက ရန်ကုန်ပြောင်းပြီး ကျောင်းတက် တယ်။ နှမလုပ်သူက ဆယ်တန်းကျပြီး ကျောင်းဆက်မတက်ဘူး။ အဲဒီခင်မွန်ရွာသူလေးက နံရံပန်းချီထဲက ခင်မွန်ရွာသူလေးပဲဆိုပါစို့။

တင်မိုးက ခင်မွန်ရွာသူမပိုးဖြူ ကဗျာစာအုပ်ကို ကြော်ငြာပြီးတော့ ကဗျာက မရေးရသေးဘူး။ ကဗျာမရေးခင် ကဗျာဈာန် အပြည့်သွင်းချင်တယ်။ ဒါ့ကြောင့် ခင်မွန်ရွာကို သွားချင်တယ်။ သူ့ဇနီး ရန်ကုန်သူကိုလည်း ရောက်ဖူးအောင် ခေါ်သွားချင်တယ်။ ထန်းပင်တွေက ဘယ်လို၊ တမာတန်းက ဘယ်လို၊ စောင်းတန်းက ဘယ်ပုံစသဖြင့် ချီးတယ်။ ဒါကြောင့် သူ့ဇနီး ရန်ကုန်သူလည်း လိုက်ပါလာခဲ့တယ်။ ခင်မွန်ကိုရောက်တော့ ခင်မွန်ရွာသူ မပိုးဖြူအစစ်ကို ၀င်ခေါ်တယ်။ နံရံပန်းချီထဲက မပိုးဖြူကို လိုက်ပြဖို့ခေါ်ခဲ့တယ်။ နံရံပန်းချီထဲက ၀တ်ပုံစားပုံရော၊ လူအမူအရာတွေရော ခေါက်တုံ့ခေါက်ပြန် ကြည့်တယ်။ သူ့ဘေးမှာ သက်ရှိထင်ရှား ခင်မွန်ရွာသူ နဲ့ ပခုံးချင်းတိုက်ပြီး စကားတပြောပြောနဲ့ပေါ့။ ရန်ကုန်သူကို မေ့သွားတယ်။

တင်မိုးဆိုတာက အများက’လူရိုး’ ‘လူရိုး’လို့ပြောလောက်အောင် ရိုးပုံရိုးလက်နဲ့ပါပဲ။ ဒါပေမဲ့ သူ့ဘေးမှာ စကားပြောဖော်တစ်ယောက်ရှိနေရင် ယောက်ျားပဲဖြစ်ဖြစ်၊ မိန်းကလေးပဲဖြစ်ဖြစ်၊ တခြားဘေးလူတွေ ဘယ် လောက်ပဲရှိရှိ သတိ မရတတ်ပါဘူး။ ဥပမာ – ဂုဏ်ထူးဦးသိန်းနိုင်ဆိုတဲ့ သူငယ်ချင်းနဲ့ စကားလက်ဆုံကျနေရင်၊ တ ခြားသူငယ်ချင်း မောင်စွမ်းရည်ပဲ ပါပါ၊ မောင်မိုးသူပဲပါပါ မေ့သွားပြီ။ ခုလဲ သူ့ဇနီးပါလာတာကို မေ့သွားရှာပြီ။ မပိုးဖြူ လေးနဲ့ပဲ စကားပြောလို့မပြီးဘူး။ စောင်းတန်းကလည်း အရှည်ချည်းပါ။ ပြောလို့မပြီးနိုင်ဘူး။ ဒီမှာတင် ရန်ကုန်မြို့ သူ မပိုးဖြူက အားငယ်လာတယ်။ စိတ်ပျက်လာတယ်။ ငါ့ကို ရန်ကုန်ကခေါ်လာပြီး မေ့များသွားပြီလားပေါ့။ ကဲ- မေ့ချင်လည်းမေ့တော့ဆိုပြီး အဝေးပြေးလမ်းမပေါ်ထွက်၊ မုံရွာပြန်၊ မုံရွာကနေမန္တလေးပြန်ချလာသတဲ့။ ကဗျာ ဆရာကြီးကတော့ ခင်မွန်ရွာသူနဲ့ စကားလက်ဆုံပြောလို့ မကုန်သေး။ အဲ-သတိရလို့နောက်လှည့်ကြည့်လိုက် တော့ ရန်ကုန်မြို့သူ မပိုးဖြူကမရှိတော့ဘူး။ လုပ်ကြပါအုံး။

ရန်ကုန်မြို့ကိုရှာမရတော့ ခင်မွန်ရွာသူကိုနှုတ်ဆက်ပြီး ပြန်ခဲ့ရတယ်။ အတိုချုပ်ရရင် ”ခင်မွန်ရွာသူ မပိုး ဖြူ”ဆိုတဲ့ကဗျာစာအုပ်ကလေး ပျောက်ခြင်းမလှ ပျောက်သွားခဲ့ပါလေရော။ ခုတော့ ကဗျာဆရာလည်း မရှိတော့။ ရွှေကုန်မြို့ မပိုးဖြူ  မရှိရှာတော့ ။ မထွက်ဖြစ်တဲ့ကဗျာစာအုပ်ကိုလည်း လူတွေမေ့ပျောက်သွားခဲ့ပါပြီး။ ကျွန်တော် ကတော့ မမေ့သေး။

တင်မိုး ခင်မွန်ရွာကပြန်လာပြီးမှ ကျွန်တော် ခင်မွန်ရွာကို ရောက်သွားခဲ့ပါတယ်။ ခင်မွန်ရွာသူကို ဘုရား စောင်းတန်းနံရံပေါ်မှာရော၊ ရွာထဲမှာရော တွေ့ခဲ့ရပါတယ်။ ဆရာဦးတင်မိုးရဲ့ ကဗျာစာအုပ်ထွက်ပြီလာလို့မေးရှာ ပါတယ်။ သူမရေးဖြစ်တော့ဘူးဆိုတော့၊ ဆရာပဲ ဆက်ရေးလိုက်ပါလား တဲ့။ ဗုဒ္ဓေါ ! ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တင်မိုး, မောင်စွမ်းရည်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်