မောင်လူရေး ● တခွက်လျှော့မှ တခက်လျှော့သို့

December 5, 2016

● တခွက်လျှော့မှ တခက်လျှော့သို့
(မိုးမခ) ဒီဇင်ဘာ ၅၊ ၂၀၁၆

ဖွတ်ဂါရာမတွင် လယ်ဆည်သူကြီး၏ တခွက်လျှော့သောက်က စလိုက်တာ သူရာရေးရာဘက်တွင်လည်းတပက်လျှော့သောက်တွေ တဝက်လျော့သောက်တွေဖြစ်လာပြီး တချို့လည်း တသက်လျှော့သောက်တွေထိသွားမည်ဟု မူချကြသည်။

ကာလသားများလည်း တချက်လျှော့ တဖက်လျှော့ တလက်လျှော့ တရက်လျှော့စသည်ဖြင့် ကိုယ့်သန်ရာသန်ရာတွေကို လျှော့ပြီး မျှဝေရေးပွဲမှာ ဝင်နွှဲဖို့ အားခဲလာကြသည်။

ကိုယ့်တိုင်းပြည် ဒို့အရေးပေမို့ မော်တော်ပီကယ်များအနေဖြင့်လည်း တခရာလျှော့၊ ကားသမားများကလည်း တဟွန်းလျှော့ဖို့ အဆိုတင်လား တင်ကြသည်။

တချို့က တခွန်းလျှော့ တချို့တော့ တဇွန်းလျှော့ တချို့မှာ တတွန်းလျှော့ တချို့ဝယ် တညွှန်းလျှော့ တချို့တွင် တလွန်းလျှော့ စသဖြင့် ကဏ္ဍအသီးသီးတွင် အလျှော့ချင်းပြိုင် ဘယ်သူနိုင် လုပ်နေကြပုံများ အားကျလောက်ဖွယ်။

အလှူခံများကလည်း တလော်လျှော့ နိဗ္ဗာန်ဆော်များကလည်း တအော်လျှော့ အစိုးရကလည်း တကော်လျှော့မည်ဟု သဘောညီကြသည်။

တတွန့်လျှော့ တကွန့်လျှော့ တလွန့်လျှော့ တဒွန့်လျှော့ တညွှန့်လျှော့နှင့် တချို့နေရာများတွင် လျှော့လွန်းလို့ လျော့တိ လျော့ရဲပင် ဖြစ်လာချေပြီ။

တလုပ်လျှော့စားသူ တမှုတ်လျှော့သောက်သူ တကုတ်လျှော့ယူသူ သာမန်ရပ်သူရွာသားများကနေ တစတစနှင့် INGOများ၊ CSOများကလည်း တသုတ်လျှော့ဖိုရမ်များ တခုတ်လျှော့ရန်ပွဲများ တဘုတ်လျှော့မီတင်များသာမက အစိုးရကိုယ်တိုင်ပင် တရုတ်လျှော့စီမံကိန်းများထိ ရှိလာသည်။

စင်ကာပူရလို မြင်မာပူရဖြစ်လိုသူများကလည်း တခေတ်လျှော့မည်ဟု အားကျမခံ ဆိုလာကြပြန်သည်။

ဝမ်းမြောက်ကြပေရော့။ ငြိမ်းချမ်းရေးရလိုသူများကလည်း တမုန်းလျှော့မည်တဲ့။

လယ်ဆည်၏ အလျှော့သီအိုရီကား ကမ္ဘာအနှံ့ ဆန့်ချေတော့ရာ အမေရိကာနိုနှင့် ဖိလစ်ပင်နိုများသည်ပင် သူတို့၏မဟာ ခေါင်းဆောင် ထရမ့်နှင့် မခန့် (ဒူတာတေး) ကို တခွန်းလျှော့ဖို့ အရေးဆိုနေကြပေပြီ။

ကလေးတွေသည်ပင် သူတို့ကစားပွဲများတွင် တဂွင်လျှော့ပြီး စာကြည့်ဖို့၊ သစ်မုဆိုးများလည်း မနေသာ တပင်လျှော့ခုတ်ဖို့၊ လိုအပ်သည်များ မှာကြားလေ့ရှိသူများလည်း တစင်လျှော့ပြောဖို့၊ အချို့အမျိုးသမီးများလည်း လူမှုရေး အထွေးအရှုပ်များ ရှင်းအောင် မဘသများ မှာတော်မူသည့်အတိုင်း တလင်လျှော့ယူဖို့ အသီးသီး အသက ပြောဆိုနေကြသည်မှာ ဖွတ်ဂါရာမ အရေး သွေးကြီးဖွယ်။

၆၆ (ဃ) ကလည်း သူများလျှော့ရင် ငါလဲလျှော့မှဟုဆိုကာ အာမခံမပေးသည့်တချက်ကို လျှော့မည်ကြော်ညာတော့ ကာယ ကံရှင်က မယား၊ ဘေးက ဝင်ယားပြီး တရားစွဲသည့်အချက်လည်း လျှော့သင့်ကြောင်းပြောကြရာ သီဝရီအရ တချက်သာ လျှော့ရမည်ဖြစ်သဖြင့် မဲခွဲဆုံးဖြတ်သင့်ကြောင်း ပြောဆိုကြပေသည်။

ဝန်ကြီးများ အမတ်များလည်း တတိုင်းပြည်လုံးက အခြားအစိုးရဝန်ထမ်းများထက် လူတကိုယ် မိသားတစု အသုံးစရိတ်ချင်း အတူတူ အဆောင်အယောင်နှင့်လစာ၊ အခြား ခံစားခွင့်များ အများကြီး ပိုယူထားမိသည့်အပေါ် လူပေါ်လူဇော်လုပ်သလို ခံစားနေကြရရာ တထစ်လျှော့ယူရမည်လား မဝေခွဲနိုင် ဖြစ်နေရုံသာမက တရက်လုပ်ခ သုံးထောင် လေးထောင်နှင့် တနေ့ ၁၂ နာရီ ၁၃ နာရီလုပ်နေရသူတွေအတွက် လူတန်းစေ့နေရမည့် ဥပဒေမထွက်နိုင်သည့်အတွက်လည်း တခက်လျှော့ဖို့လည်း ခက်နေကြောင်းပါတဲ့ခမျာ။

မောင်လူရေး


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)