အောင်ခိုင်မြင့် ● ၂၁ ရာစုခေတ်တွင် အတွေးအခေါ်ပြုပြင်ပြောင်းလဲရေး

December 5, 2016

● ၂၁ ရာစုခေတ်တွင် အတွေးအခေါ်ပြုပြင်ပြောင်းလဲရေး
(မိုးမခ) ဒီဇင်ဘာ ၅၊ ၂၀၁၆

၂၁ ရာစုခေတ်တွင် နိုင်ငံရေး၊ စီးပွားရေး၊ စစ်ရေးနှင့် သတင်းအချက်အလက်များ စီးမျောပျံ့နှံ့မှုများအပါအ၀င် ယနေ့ကမ္ဘာ ကြီး၏ နေ့စဉ်ပြောင်းလဲဖြစ်ပျက်နေမှုများသည် အချိန်နှင့်တပြေးညီ အလျင်အမြန် ဖြစ်ပေါ်လျက်ရှိပေသည်။

ထို့ကြောင့် ခေတ်စနစ်အခြေအနေများကို မှန်ကန်တိကျသောအချက်အလက်များပေါ်၌ အခြေခံပြီး ဓမ္မဒိဌာန်ကျကျ  ခန့် မှန်း သုံးသပ်မှုသည် အမှန်နှင့် နီးစပ်နိုင်မည်ဖြစ်သော်လည်း ကောလဟာလများအား အသက်သွင်းသောသုံးသပ်မှုများသည် အနာဂတ်အားခြိမ်းခြောက်စေသော အချက်အလက်အမှားများ လူထုကြားတွင် ပျံ့နှံ့ကျက်စားနိုင်ပေသည်။

သို့မှသာ နိုင်ငံရေး အကြပ်အတည်းများအောက်၌ နှစ်ပေါင်းများစွာ နေထိုင်အသက်ရှင်ခဲ့သော ပြည်သူလူထုသည် စားဝတ် နေရေး စိုးရိမ်ရေအမှတ်ကို တနေ့နေ့ တချိန်ချိန်တွင် မလွဲမသွေ ကျော်လွန်နိုင်ချေရှိသည့်  မျှော်လင့်ချက် ကောက်ရိုးတမျှင်ကို လက်တွေ့ကျကျ ဆုပ်ကိုင်နိုင်ပေမည်။ အတိုက်အခံဆိုသူများမှလည်း အစိုးရနှင့်အတူ အတွေးအခေါ်ပြုပြင်ပြောင်းလဲရေးအနေဖြင့် စစ်ပွဲများ၊ ဘာသာရေးပဋိပက္ခများ  စီးပွားရေးအကြပ်အတည်းများမှ အတူတကွ ရုန်းထွက်လိုစိတ်၊ သာတူညီမျှ ကောင်းစားလိုသည့် အရင်းခံစိတ်သည် အရေးကြီးသလို  ပြည်သူလူထုနှင့် အစိုးရကြား နားလည်မှု ယုံကြည်မှုများပျက်ပြား စေရန် နိုင်ငံရေး အောက်လမ်းနည်းများ မသုံးသင့်တော့ပေ။

ယခုလို ပြောဆိုသုံးသပ်ရသည်မှာ မြန်မာပြည်တွင် NLD ဦးဆောင်သော ၂၀၁၅ ရွေးကောက်ပွဲမှတက်လာသော  ပြည်သူ့ အစိုးရတက်လာပြီးမှ ထိမ်းမနိုင် သိမ်းမရ စစ်ပွဲများဖြစ်နေခြင်းများ၊ ကုန်ဈေးနှုန်းများတက်နေသယောင် ၀ါဒဖြန့်ချိမှုများက လူထုကြား ပျံ့နှံ့နေမှုကို အထင်အရှား တွေမြင်နေရသောကြောင့် ဖြစ်ပေသည်။

ကျနော်သည်  ကမ္ဘာ့နိုင်ငံရေး စီးပွားရေးနှင့်ပတ်သက်သောဆောင်းပါးများကို ဖတ်ရှုလေ့လာပြီး မြန်မာပြည်အတွက် အကျိုး ပြုမည့် စာပေများရေးသားယုံမက သတင်းဆောင်းပါးများကိုလည်း ဘလော့များ၌ အလျဉ်းသင့်သလို တင်ဆက်နေပေရာ မြန်မာပြည်နှင့်ပတ်သက်သော စစ်ပွဲများ၊ ကုန်ဈေးနှုန်းကြီးမြင့်မှုနှင့်ပတ်သက်၍ ဝေဖန်ရေးသားပေးပါရန် တောင်းဆိုမှုများကို အီးမေးလ်များ၊ လူမှုကွန်ယက်များမှ စာများလက်ခံရရှိခဲ့ပါသည်။ ထိုအခါ အဖွဲ့အစည်းစွဲ၊ ပုဂ္ဂိုလ်စွဲ၊ ၀ါဒစွဲမထားပဲ တတ်နိုင် သည့်ရှုထောင့်တခုမှ မိမိအမြင်ကို ဘက်လိုက်မှုမရှိပဲ ရေးသားရန် ယခုလို အကြောင်းဖန်လာရပေသည်။

● ကမ္ဘာ့ရွာမှာရင်ဆိုင်နေရသည့် ကမ္ဘာ့ရေနံဈေးကွက်နှင့် ကုန်ဈေးနှုန်းမြင့်မားမှု အချိတ်အဆက်ဖြစ်တည်ပတ်သက်မှုများ တပိုင်းတစ
အမှန်တကယ်တွင်မူ ကုန်ဈေးနှုန်းမြင့်မားမှုဒဏ်ကို မြန်မာပြည်သူလူထုသာမက ကမ္ဘာ့နိုင်ငံသူ နိုင်ငံသားများပါ ခံစားနေရပေ သည်။ နိုင်ငံရေး၊ စီးပွားရေး ယဉ်ကျေးမှုများ ရောထွေးယှက်တင်ဖြစ်တည်နေထိုင်သော လက်ရှိ ကမ္ဘာ့ရွာ၌ ထိုကုန်ဈေးနှုန်း မြင့်မားမှုကို ဖြစ်စေသော အခြေခံအချက်အလက် တရပ်မှာ ကမ္ဘာ့ရေနံဈေးနှုန်း အတက်အကျပေါ်၌ များစွာမူတည်နေပေ သည်။

ကမ္ဘာ့ရေနံဈေးကွက်၌ ၁၉၆၁ ခုနှစ်တွင် ရေနံတစည်ဈေးနှုန်းမှာ ၁.၅၇ ဒေါ်လာဈေးသာရှိခဲ့ပြီး ထိုခေတ်ထိုအခါကို ဖြတ်သန်း ခဲ့သော ကျနော်တို့ အဖေအမေတို့ပြောစကားနှင့် ထိုအချိန်ကို ကောင်းကောင်းမှီသူသောသူများ၏ အဆိုအမိန့်အရ အိမ် ထောင်ဦးစီး ဖခင်မှ အလုပ်အကိုင်လုပ်ယုံဖြင့် တမိသားစုလုံး စားဝတ်နေရေး ဖူလုံသည်ဟု ကြားဘူးနားဝရှိပေသည်။

ကမ္ဘာကြီးတွင် ခေတ်စနစ်များ ပြောင်းလဲလာသည်နှင့်အမျှ ရုပ်ပိုင်းဆိုင်ရာများလည်း တစထက်တစ တိုးတက်လာပေရာ ရေနံဈေးနှုန်းသည်လည်း အငြိမ်မနေပဲ ခေတ်မီစွာ တိုးတက်ခဲ့ပေရာ ၁၉၈၈ ခုနှစ် ရေနံတစည်ဈေးနှုန်းမှာ ၁၄.၂၄ ဒေါ်လာ နှုန်းရှိရာမှ ၂၀၁၂ တွင် ရေနံဈေးနှုန်းအား ကမ္ဘာ့အမြင့်ဆုံးစံချိန်တင်ခဲ့သောနှစ်ဖြစ်ခဲ့ပြီး ရေနံတစည်ဈေးနှုန်းမှာ ၁၀၉.၄၅ ဒေါ် လာ ဈေးနှုန်းဖြစ်ခဲ့ပေသည်။

အဘယ်ကြောင့်ဆိုသော် ကမ္ဘာ့နိုင်ငံရေး၊ စီးပွာရေးတို့သည် ဆက်နွယ်ပတ်သက်နေသကဲ့သို့ ရေနံဈေးနှုန်း၊ ငွေကြေးဖောင်းပွမှု ၊ ရွှေဈေးအတက်အကျ ၊ အလုပ်လက်မဲ့ အခြေအနေ အရပ်ရပ်သည် တနည်းမဟုတ် တနည်းဆက်နွယ်ပတ်သက်နေပေသည်။ ကမ္ဘာ့စီးပွားရေး ပညာရှင်များ အဆိုအရ လက်ရှိတိုင်းပြည်တပြည်၏ စီးပွားရေးအခြေအနေတရပ်ကို သုံးသပ်ရှုမြင်ကြည့်လျှင် အထက်ပါအချက်အလက်များမှ မည့်သည့်အရာကိုမျှ မလိုတမျိုး လိုရင်တမျိုး ချန်လျပ်ထား၍မရပေ။ ကမ္ဘာ့ရွာတွင် ကုန် သွယ်မှုများ တိုးတက်ဖြစ်တည်နေပေရာ ရေနံဈေးနှုန်းမြင့်တက်မှုသည် သယ်ယူပို့ဆောင်ခလည်း ဈေးကြီးလာမှုကြောင့် ကုန် ဈေးနှုန်းလည်းမြင့်တက်ခဲ့ရခြင်း အကြောင်းအရင်းတရပ်လည်းဖြစ်ပေသည်။ ထို့ပြင် တခြားတဖက်တွင်လည်း နိုင်ငံခြား ငွေ ကြေးလဲလှယ်နှုန်း၊ ဘဏ်ငွေအတိုးနှုန်းတို့သည်လည်း အခရာကျသော အကြောင်းအရင်း တရပ်ဖြစ်ပေသည်ဟုဆိုလျှင် ငြင်းချက်ထုတ်၍ ရမည်မထင်ပါ။ နိုင်ငံရေး အကွက်ရွေ့သူကရွေ့ပြီး စီးပွားရေး ကျားကစားသူက ကစားနေသော ကမ္ဘာတွင် တိုင်းပြည်ကို အတွေးအခေါ်မပါပဲတည်ဆောက်၍ရသောခေတ်မဟုတ်သည်ကို ပြတ်ပြတ်သားသားမြင်ရပေမည်။

အိုပက်  The Organization of the Petroleum Exporting Countries (OPEC) ရေနံ ထုတ်လုပ်သောနိုင်ငံများသည် ဈေး ကွက် လိုအပ်ချက်ထက် ရေနံကို ပိုမိုထုတ်လုပ်ခဲ့သဖြင့်   ရေနံတစည်ဈေးနှုန်းမှာ ၂၀၁၅  ခုနှစ်တွင် ၄၉.၄၉ ဒေါ်လာ ဈေးရှိ ခဲ့ပြီး ၂၀၁၆ ခုနှစ် ဒီဇင်ဘာလ ၂ ရက်နေ့တွင်  ၅၁.၆၈ ဒေါ်လာ ဈေးနှုန်း ပေါက်ပေသည်။

အိုပက် ကို ၁၉၆၀ ခုနှစ် စက်တင်ဘာလတွင် အီရန်၊ အီရတ်၊ ဆော်ဒီအာရေဗီရ၊ ကူဝိတ်နှင့် ဗင်နီဇွဲလားစသော နိုင်ငံ (၅ ) နိုင်ငံမှ စတင်တည်ထောင်ခဲ့ကြပေသည်။ မကြာမီတွင် အိုပက်သို့ Qatar (1961), Indonesia (1962), Libya (1962), the United Arab Emirates (1967), Algeria (1969), Nigeria (1971), Ecuador (1973), Gabon (1975) and Angola (2007) တို့ ပါဝင်ပေရာ ယခုအခါ ၌ နိုင်ငံပေါင်း (၁၃) နိုင်ငံသည် အိုပက်နိုင်ငံအဖြစ် ရပ်တည်နေပေသည်။

တိုင်းပြည်၏ နိုင်ငံရေးအပြောင်းအလဲပေါ်မူတည်ပြီး အိုပက်အဖွဲ့ဝင်နိုင်ငံများသည်လည်း အပြောင်းအလဲဖြစ်ပွားခဲ့ပေသည်။အီကွေတာနိုင်ငံကို အိုပက်နိုင်ငံအဖြစ်မှ ၁၉၉၂ ဒီိဇင်ဘာလတွင် ဆိုင်းငံ့ခဲ့ပြီး အောက်တိုဘာလ ၂၀၀၇ တွင် အိုပက်အဖွဲ့ ဝင် နိုင်ငံအဖြစ် ပြန်လည်လက်ခံခဲ့ပေသည်။ အလားတူပင် အင်ဒိုနီးရှားနိုင်ငံကို ဇန်န၀ါရီလ ၂၀၀၉ ခုနှစ်တွင် အိုပက်နိုင်ငံအဖြစ်မှ ဆိုင်းငံ့ခဲ့ပြီး ဇန်န၀ါရီလ ၂၀၁၆ ခုနှစ်ရောက်မှ အိုပက်အဖွဲ့ဝင်နိုင်ငံအဖြစ် ပြန်လည်လက်ခံခဲ့ပေသည်။

အိုပက် အဖွဲ့အစည်း၏ အစည်းအဝေးဆုံးဖြတ်ချက်အဆိုအရ ရေနံဈေးကို မြင့်တက်စေရန် ၂၀၁၇ ခုနှစ်မှ စတင်ကာ ရေနံ ထုတ်လုပ်မှုကို တနေ့လျှင် ရေနံစည် ပေါင်း ၁.၂သန်း လျော့ချထုတ်လုပ်မည်ဖြစ်ပေရာ ရေနံဈေးမြင့်တက်မှုများ ၂၀၁၇ ခုနှစ် ၌ မလွဲမသွေ မြင့်တက်လာမည်ဖြစ်သည်ဟု ကမ္ဘာ့စီးပွားရေးအခြေအနေအား သုံးသပ်ပြောဆိုမှုများ ဖြစ်ပေါ်နေပေသည်။

ကမ္ဘာ့ရေနံ ဈေး၏ မြင့်တက်မှုသည် ကုန်ဈေးနှုန်းမြင့်တက်မှုနှင့် တိုက်ရိုက်၍ဖြစ်စေ၊ သွယ်ဝိုက်၍ဖြစ်စေ ပတ်သက်နေပေရာ လာမည့် ၂၀၁၇ ခုနှစ်တွင် မြန်မာပြည်၌ ကုန်ဈေးနှုန်းများတက်လာလျှင် ပြည်သူ့အစိုးရကြောင့်ဟု အတွေးအခေါ်မဲ့သူများ၏ လက်ညှိုးထိုး မဆင်မခြင် အပြစ်တင်မှုကို ပြည်သူလူထုမှ နားလည်သဘောပေါက်ရပေမည် ဖြစ်ပေသည်။

သို့သော် တခြားတဖက်တွင်လည်း အိုပက်မှ ရေနံကို လျော့ချထုတ်လုပ်မည်ဖြစ်သော်လည်း ကမ္ဘာ့ ရေနံဈေးကွက်၏တောင်း ဆိုမှုထက် ကျော်လွန်မြဲ ဖြစ်ပေရာ ၂၀၁၂ ခုနှစ်ကကဲ့သို ရေနံတစည်ဈေးနှုန်းမှာ ဒေါ်လာ ၁၀၀ ၀န်းကျင်အထိ မြင့်တက်ဖို့ရာ ချက်ချင်းလက်ငင်းဖြစ်စရာ အကြောင်းမမြင်သေးကြောင်း စီးပွားရေးပညာရှင်များသုံးသပ်မှုက စားဝတ်နေရေး အကြပ်အ တည်းရင်ဆိုင်နေရသော ကမ္ဘာ့လူထုအား လက်တလော အသက်ရှုချောင်စေရာအကြောင်းဖြစ်ပေသည်။

စိတ်နာဖွယ်ရာ အတိတ်ကမ္ဘာတွင် ပထ၀ီနိုင်ငံရေးအရ ရေနံဈေးကွက်နှင့် ရေနံထုတ်လုပ်မှုအပေါ် အကျိုးအကြောင်း ဆက် နွယ်ပြီး စစ်ပွဲများဖြစ်ပေါ်ခဲ့မှုများရှိသကဲ့သို့ အနာဂတ်ကမ္ဘာကိုလည်း နိုင်ငံရေး၊ စီးပွားရေးအကြပ်အတည်းများ ဖြစ်ပေါ် မှုအဖြစ်အသွင်ပြောင်းကာ တိုင်းပြည်များကို စိန်ခေါ်နေပေသည်။

၂၀၁၆ ခုနှစ် ဇန်န၀ါရီလတွင် ကနေဒါနိုင်ငံမှ အမေရိကန်နိုင်ငံသို တနေ့လျှင် ရေနံစည်ပေါင်း ၃.၄ သန်းတင်သွင်းကာ စံချိန် သစ် တင်ခဲ့ပေသည်။

အမေရိကန် နိုင်ငံသည်လည်း ဆော်ဒီအာရေးဗီးယားနှင့် ရုရှားနိုင်ငံတို့ပီးလျှင် ကမ္ဘာပေါ်တွင် တတိယအများဆုံးရေနံထုတ်လုပ်သောနိုင်ငံဖြစ်ပေသည်။ ရွေးကောက်ခံ မေရိကန်သမ္မတသစ် ဒေါ်နယ်ထရန့်မှ အမေရိကန်နိုင်ငံ၏ (Texas and North Dakota) တက်ဆပ်ပြည်နယ်၊ မြောက်ဒကိုတာ ပြည်နယ်များတွင် ရေနံများတိုးတက်ထုတ်လုပ်မည်ဟု ကတိပြုထားပေရာ အမေရိကန်လူထုအတွက် အလုပ်အကိုင်အသစ်များဖန်တီးပေးမည့် သတင်းကောင်းဟု ပြောဆိုသုံးသပ်မှုများလည်း ရှိနေ ပေသည်။

တခြားတဖက်တွင်လည်း အမေရိကန်နိုင်ငံနှင့်ကနေဒါသို့ သွယ်တန်းပေးပို့မည့် ရေနံပိုက်လိုင်းများအား အမေရိကန်နှင့် က နေဒါနိုင်ငံ၏ Natives တိုင်းရင်းသားများနှင့် ပတ်ဝန်းကျင်ထိမ်းသိမ်းရေးအဖွဲ့များ၏ ဆန့်ကျင်ကန့်ကွက်မှုများလည်း ကနေ ဒါအစိုးရအပါအ၀င် အမေရိကန် အစိုးရသစ်မှ ရင်ဆိုင်ရပေမည်။

အမေရိကန် နိုင်ငံ၏ ၂၀၁၆ ခုနှစ် နိုဝင်ဘာလ အလုပ်လက်မဲ့စစ်တမ်းအရ အလုပ်လက်မဲ့ ၄.၆ ရာခိုင်နှုန်း ရှိပေသည်။ အ မေရိကန်နိုင်ငံ၏ အလုပ်လက်မဲ့ဦးရေသည် (၉) နှစ်အတွင်း ၂၀၀၇ ခုနှစ်မှရေတွက်လျှင် အနိမ့်ဆုံးအဆင့်သို့ ရောက်ရှိခဲ့ ပေသည်။ ၂၀၁၆ ခုနှစ် ဇူလိုင်လ အင်္ဂလန်နိုင်ငံ၏ အလုပ်လက်မဲ့ဦးရေသည် ၄.၉ ရာခိုင်နှုန်း ရှိရာ (၁၁) နှစ်အတွင်း ၂၀၀၅ ခုနှစ်မှရေတွက်လျှင် အနိမ့်ဆုံးအဆင့်သို့ ရောက်ရှိခဲ့ပေသည်။

တိုင်းပြည်၏ သွင်းကုန် ပို့ကုန်စာရင်း၊ အခွန်အကောက်စာရင်း၊ စီးပွားရေးအတက်အကျ၊ အလုပ်လက်မဲ့ဦးရေ၊ ငွေကြေး ဖောင်းပွမှုများသည် တိုင်းပြည်၏ တိုးတက်မှုဆုတ်ယုတ်မှုကိုပြသသော်လည်း မြန်မာပြည်တွင်မု ဖောက်ပြန်မှားယွင်းသော ခေတ်စနစ်ဟောင်း၌ စာရင်းလိမ်များဖြင့်သာ တိုင်းပြည်မှာ အမှောင်ကန့်လန့်ကားကြား၌ နှစ်ပါးသွားခဲ့ရပေသည်။

အင်္ဂလန်နိုင်ငံမှ ပြည်သူလူထု၏ လူထုဆန္ဒခံယူပွဲ ရလဒ်ကြောင့် အင်္ဂလန်နိုင်ငံသည်  ဥရောပနိုင်ငံအဖြစ်မှ ခွဲထွက်ခြင်းသည် လည်းကောင်း၊ အမေရိကန်ရွေးကောက်ပွဲမှ အမေရိကန် ပြည်သူလူထုမှ အမေရိကန်သမ္မတသစ် ဒေါ်နယ်ထရန့်ကို ရွေးချယ် တင်မြောက်မှုသည်လည်းကောင်း၊ တိုက်ဆိုင်မှုဟုမဆိုသာပဲ အမေရိကန်နှင့် အင်္ဂလန်ပြည်သူလူထုမှ ဘာသာရေး အကြမ်း ဖက်မှုများ တိုးတက်များလာခြင်းကို စိုးရိမ်ခြင်းများအပါအ၀င်  အပြောင်းအလဲကိုလိုလားသော စီးပွားရေးအကြပ်အတည်းမှ ရုန်းထွက်လိုသော သဘောတရားအမြင်ကို လက်တွေ့ ပြလိုက်သလိုဖြစ်နေပေသည်။ တခြားတဖက်တွင်မူ ကမ္ဘာ့နိုင်ငံရေး ရေစီးကြောင်းသည်ပြောင်းလဲပြီး တိုင်းပြည်တိုင်းသည် ဘုံသဘောတူညီသည့်အကျိုးစီးပွားကို ပစ်ပယ်ကာ ကိုယ်ကျိုးစီးပွား ကို အရယူမည့်အနေအထားကို တွန်းပို့ရာရောက်နေပြီလားဟု စိုးရိမ်ပူပန်မှုများလည်းရှိနေပေသည်။

● စစ်အသုံးစားရိတ်များနှင့် ငြိမ်းချမ်းရေးကိုသတ်နေသောတိုင်းပြည်
မြန်မာပြည်၏ အိမ်နီးချင်းနိုင်ငံဖြစ်သော တရုတ်နိုင်ငံသည် လက်နက်ရောင်းဝယ်မှု၊ သဘာဝဓာတ်ငွေ့ပိုက်လိုင်းအပါအ၀င် သယံဇာတများ သူခိုးဈေးဖြင့် ရစေမှုများကြောင့် အကျိုးဖြစ်ထွန်းလျက်ရှိသည်ကို ယုံမှားသံသယဖြစ်စရာ အကြောင်းမရှိပေ။ သို့သော် ကိုယ်ကျိုးစီးပွားလိုလားသူများကတော့ မမြင်ချင်ယောင်ဆောင်နေသည်မှာ သဘာဝကျပါသည်။ မြန်မာ့တပ်မတော် ကို တိုက်လေယာဉ်များရောင်းပြီး လက်နက်ကိုင်လူမျိုးစုများကို လေယာဉ်ပစ်အမြောက်များရောင်းသည်အထိ အိမ်ကြက်ခြင်း အိုးမဲသုတ်ကာ နိုင်ငံရေးကို နောက်ကွယ်မှ မျက်နှာပြောင်တိုက်ခဲ့ပေသည်။ ထိုအရာကိုမှမမြင်ပဲ မဲမဲမြင်သမျှ ပစ်ချင်နေ လောက်အောင် ကျနော်တို့ဥနှောက် အတွေးအခေါ်မဲ့ခဲ့ပြီလား။

မြန်မာ့တပ်မတော်သည် ၂၀၁၄ ခုနှစ်တွင် တိုင်းပြည်ဘဏ္ဍာငွေ  GDP ၏ ၂၃.၄ ရာခိုင်နှုန်းကို စစ်အသုံးစရိတ်အဖြစ်သုံးစွဲခဲ့ ပေသည်။ ကနေဒါနိုင်ငံသည် နေတိုးအဖွဲ့ဝင် (၂၈) နိုင်ငံတွင် အပါအ၀င်ဖြစ်သော်လည်း ကနေဒါစစ်တပ်အတွက် ဘတ်ဂျတ် သုံးစွဲမှုမှုမှာ တိုင်းပြည်ဘဏ္ဍာငွေ  GDP ၏ ၀.၀၁ ရာခိုင်နှုန်းသာဖြစ်သဖြင့် နေတိုးတွင် အဆင့် (၂၃) ငွေကြေးအနည်း ဆုံးသုံး စွဲခဲ့သည်ဟု ဝေဖန်မှုများရှိရာမှ ၂၀၁၆ ခုနှစ်တွင် တိုင်းပြည်ဘဏ္ဍာငွေ GDP ၏ ၀.၉၉ ရာခိုင်နှုန်းထိ မြှင့်တင် သုံးစွဲမည်ဖြစ် ပေသည်။ အထက်ပါစာရင်းအင်းအရ ကနေဒါနိုင်ငံ၏ စီးပွားရေးတိုးတက် ဖွံ့ဖြိုးမှုသည် စစ်အသုံးစားရိတ်ကို လျော့ချသုံးစွဲ၍ ဖြစ်သလို မြန်မာပြည်၏ဆင်းရဲမွဲတေမှုသည် စစ်အသုံးစာရိတ်များ အဆမတန်သုံးစွဲနေခြင်းကြောင့်ဖြစ်သည်ကို ထင်ထင်ရှား ရှား သုံးသပ်တွေ့မြင်ရပေမည်။ ကနေဒါနိုင်ငံသည် ငြိမ်းချမ်းရေးရှိပြီး  ပြည်တွင်းစစ်မရှိ၍ တိုင်းပြည်စီးပွားရေး တိုးတက်ရခြင်း ၏ အခြေခံအကြောင်းအရင်းကိုလည်း လက်တွေ့ကျကျ သိမြင်ရပေမည်။

ကျနော်တို့မြန်မာပြည်သည် စစ်အသုံးစားရိတ်များနှင့် ငြိမ်းချမ်းရေးကိုသတ်နေသောတိုင်းပြည်ဟု ကင်မွန်းတပ်လျှင် လွန် မည် မထင်ပါ။

မည်သို့ပင်ဖြစ်စေကာမှု ခေတ်မီဆက်သွယ်ရေးနည်းပညာများ စက်မှုနည်းပညာများ တိုးတက်ထွန်းကားနေသော ၂၁ ရာစု နှစ်တွင် တိုင်းပြည်သည် အထီးကျန်စွာ ရပ်တည်၍မရသကဲ့သို့ ဒေါ်လာနယ်ချဲ့၊ စီးပွားရေးကူးသန်းရောင်းဝယ်မှု၊ ပထ၀ီနိုင်ငံ ရေး ခြေကုပ်ယူမှုများကို ဂဃနဏ သေသေချာချာ သုံးသပ်နိုင်ကာမှ တော်ရာကျပေမည် ဖြစ်သည်။

● စီးပွားရေး၊ နိုင်ငံရေး ထောင်ချောက်ကလွန်မြောက်ဖို့ရန် လူထုမှာ ဒီမိုကရေစီအတွေးအခေါ်ရှိရမည်
မြန်မာနိုင်ငံရေး ပါတီများ၊ လက်နက်ကိုင်အဖွဲ့အစည်းများအနေဖြစ်လည်း မိမိတို့၏ပြိုင်ဖက်သည် မိမိတို့အချင်းချင်းဟု အ မြင်ကျဉ်းမြောင်းလျှက် ရှုမြင်မသုံးသပ်ပဲ ပြိုင်ဖက်အစစ်အမှန်မှာ အိမ်နီးချင်းနိုင်ငံများ အာဆီယံနိုင်ငံများ ကမ္ဘာ့နိုင်ငံများဖြစ် သည်ဟု ခေတ်မီသော နိုင်ငံရေးသဘောတရားများ၊ စီးပွားရေးမူဝါဒများ ရှိရပေမည်။

သမိုင်းအတွေ့ အကြုံအရ ထိပ်တိုက်ရင်ဆိုင်ခြင်းနှင့် အမြစ်ပြတ်ချေမှုန်းခြင်းသည် အဖြေမဟုတ်သကဲ့သို့ စစ်ပွဲများသည် လူ ထုနှင့်တိုင်းပြည်ကို ဆင်းရဲတွင်းချောက်ထဲသို့ တွန်းပို့နေပေသည်။ နိုင်ငံရေးပြဿနာကို နိုင်ငံရေးနည်းဖြင့် အဖြေရှာပြီး တိုင်းပြည်နှင့်လူထုကောင်းစားရေးအတွက် အပြုသဘောဆန်စွာ ဆွေးနွေးအဖြေရှာသော ပြည်သူ့အစိုးရ၏ ညီ လာခံ နိုင်ငံရေးအခင်းအကျင်းအား အားလုံးမှလက်ခံစဉ်းစားကာ ခေတ်သစ်ကိုတည်ဆောက်မှသာ မြန်မာလူမျိုးများ ကမ္ဘာ မှာ လူရာဝင် မျက်နှာပန်းလှပေမည်။

ဒေါ်အောင်ဆန်းစုကြည်ပြောဆို သုံးသပ်သကဲ့သို့ တိုင်းပြည်တွင် အမျိုးသားရင်ကြားစေ့ရေး၊ ပြည်တွင်းငြိမ်းချမ်းရေးမရှိပဲ တိုင်း ပြည်စီးပွားရေးတိုးတက်ရန်မဖြစ်နိုင်သကဲ့သို့ စစ်ပွဲများဖြစ်နေခြင်းက မြန်မာနိုင်ငံ့ရေးဇာတ်ခုံ၌  ငြိမ်းချမ်းရေးကို မလို လားသူများရှိနေကြောင်း မီးမောင်းထိုးပြသလို ဖြစ်နေပေသည်။

တခြားတဖက်တွင်လည်း ၂၀၀၈ ဖွဲ့စည်းပုံကြီးသည် ၂၁ ရာစုပင်လုံတွင် ပြင်ဆင်ရနိုင်ချေရှိသဖြင့် စစ်တပ်မှ ၂၀၀၈ ဖွဲ့  စည်း ပုံကြီးကို မပြင်လို၍ ၂၁ ရာစုပင်လုံညီလာခံပျက်ပြားအောင် စစ်ပွဲများ ဖန်တီးနေလေသလားဆိုသော မေးခွန်းများလည်း ဖြစ် ပေါ်နေပေသည်။

သို့မဟုတ်ပါက ဒုက္ခသည်များ၊ ပြည့်တန်ဆာများ၊ ကျွန်သာသာအလုပ်သမားများ၊ နိမ့်ကျသော ပညာရေး ကျန်းမာရေး စီး ပွားရေးကြားမှ ပြည်သူလူထုဘ၀သည် လက်တဆုပ်စာ ချမ်းသာသောလူတစုမှ မြန်မာသည် ကမ္ဘာကို ရင်ဘောင်တန်း နိုင်မည်ဟု မည်သို့ပင်ကြွေးကြော်စေကာမူ အနာဂတ်တွင် ဖြစ်လာနိုင်စရာ အင်မတန်မှ နည်းပါးဆဲရှိခြင်း အဖြစ်အပျက်များက သက်သေပြသနေပေသည်။

စစ်မှန်သောငြိမ်းချမ်းရေးမရှိသောတိုင်းပြည်သည် လက်နက်ပွဲစားများ ခြေချင်းလိမ်နေမည်ဖြစ်သော်လည်း စီးပွားရေး ရင်း နှီးမြှုပ်နှံသူများက လက်တွန့်နေပေမည်။ ထိုသို့စစ်ပွဲများရှိနေမှသာ တိုင်းပြည်တွင် နိုင်ငံတကာမှစီးပွားရေးပြိုင်ဖက်များ မ ၀င်ရောက်စေရန် တိုင်းပြည်၏စီးပွားရေးကို ချုပ်ကိုင်ထားဆဲဖြစ်သော အာဏာရှင်အဟောင်းများနှင့် ခရိုနီများပေါင်းကာ အကြံကုန် ဂဠုန်ဆားချက်နေသလားဟု စဉ်းစားစရာလည်း ရှိနေပေသည်။ လက်နက်ကိုင်တော်လှန်ရေး တိုင်းရင်းသားခေါင်း ဆောင်များအနေဖြင့်လည်း ဆင်းရဲတွင်းနက်နေသော တိုင်းရင်းသားလူမျိုးစုများ၏ မျက်နှာကိုကြည့်ကာ မြန်မာ့ဒီမိုကရေစီ လူထုခေါင်းဆောင် ဒေါ်အောင်ဆန်းစုကြည် အသက်ရှင်နေစဉ်ကာလတွင် အလျော့အတင်းလုပ်ကာ နိုင်ငံရေးစားပွဲဝိုင်း၌ မျှမျှတတ ဆွေးနွေးအဖြေရှာသည့်နည်းလမ်းကို ရွေးချယ်သင့်ပေသည်။

မြန်မာအစိုးရအပါအ၀င် ကမ္ဘာ့နိုင်ငံအသီးသီး၏ ပြောင်းလဲရေးကို လိုလားသည့် မည်သည့်အစိုးရမဆို နိုင်ငံရေး၊ စီးပွားရေး စိန်ခေါ်မှုများကို ရင်ဆိုင်ကြုံတွေ့ရပေမည်။ ဒီမိုကရေစီစနစ်တွင် အစိုးရတရပ်သည် အတွေးအခေါ်မြင့်မားသော ပြည်သူ လူထု၏ ပူးပေါင်းဆောင်ရွက်မှုဖြစ်သာ အခက်အခဲအကြပ်အတည်းများမှ လွန်မြောက်ကာ ထောင်ချောက်များမှ ကျော်လွှား နိုင်မည် ဖြစ်ပေသည်။

အောင်ခိုင်မြင့်
၅ ဒီဇင်ဘာလ ၂၀၁၆


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Related posts

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)