ထက်ခေါင်လင်း (Myanmar Now) ● မုံရွာသတင်းထောက်သေဆုံးမှု စုံစမ်းစစ်ဆေးရန် စာနယ်ဇင်းသမားများ တောင်းဆို

December 13, 2016

● မုံရွာသတင်းထောက်သေဆုံးမှု စုံစမ်းစစ်ဆေးရန် စာနယ်ဇင်းသမားများ တောင်းဆို
(မိုးမခ) ဒီဇင်ဘာ ၁၃၊ ၂၀၁၆

ရန်ကုန် (Myanmar Now) – စစ်ကိုင်းတိုင်း၊ မုံရွာမြို့တွင် ဒေသခံသတင်းထောက် တစ်ဦး သေဆုံးမှုနှင့် ပတ်သက်ပြီး ဖြစ်ရပ်မှန် ပေါ်ပေါက်ရေးအတွက် ရဲတပ်ဖွဲ့က စုံစမ်း စစ်ဆေးပေးရန် လိုအပ်ကြောင်း စာနယ်ဇင်းသမားများက အင်္ဂါနေ့တွင် တောင်းဆိုလိုက်ကြသည်။

Eleven သတင်းဌာနမှ ၃၇ နှစ်အရွယ် သတင်းထောက် ကိုစိုးမိုးထွန်း၏ရုပ်အလောင်းကို အောင်ချမ်းသာရပ်ကွက်နှင့် မြို့ သစ်ရပ်ကွက်အကြား ဂေါက်ကွင်းအနီး တွေ့ရှိရသည်ဟု မုံရွာမြို့မရဲစခန်း၏ မှတ်တမ်းအရ သိရသည်။

“(တနင်္လာနေ့ ည)၁၂ နာရီ ပတ်ဝန်းကျင်မှာတွေ့တာ။ အလောင်းကို အခင်းဖြစ်ရာနေရာမှာ ကျွန်တော်တို့ စစ်ကြည့်တော့ လူသတ်မှုဖြစ်တယ်လို့ ယူဆရတယ်။ ဖြစ်စဉ်ကို ကျွန်တော်တို့ စုံစမ်းနေဆဲပါ။ တရားခံကိုလည်း မဖမ်းမိသေးပါဘူး။ စုံစမ်း ဆဲကာလဆိုတော့ မှတ်ချက်မပေးချင်သေးပါဘူး” ဟု စခန်းမှူး ဦးသိန်းဆွေမြင့်က ဆိုသည်။

သေဆုံးသူသတင်းထောက်၏ ရုပ်အလောင်းတွင် ဦးခေါင်းပေါက်ပြဲဒဏ်ရာ၊ မျက်နှာဖူးယောင်ဒဏ်ရာများ ရှိနေသည်ဟု ရဲစခန်းမှူးက ပြောသည်။

ရန်ကုန်မြို့ရှိ Eleven သတင်းစာ၏ တာဝန်ခံအယ်ဒီတာတဦးဖြစ်သူ ဦးကျော်ဇောလင်းက ၎င်းတို့၏ သတင်းထောက် သတ်ဖြတ်ခံရသည့် အကြောင်းရင်းကို လောလောဆယ် ခန့်မှန်းနိုင်နိုင်ခြင်း မရှိသေးကြောင်း ပြောသည်။

“ရဲတပ်ဖွဲ့ကိုပဲ အမြန်ဆုံး စုံစမ်းဖော်ထုတ်ဖို့ ဥပဒေကြောင်းအရ တိုက်တွန်းတာပဲ လုပ်သေးတယ်။ အခုလို သတင်းထောက် တွေရဲ့ လုံခြုံမှုမရှိတဲ့ အခြေအနေကိုတော့ စိတ်မကောင်းဘူး” ဟု ဦးကျော်ဇောလင်းက ပြောသည်။

မုံရွာမြို့ သတင်းထောက် သေဆုံးမှုသည် မတရားမှုသတင်း ဖော်ထုတ်မှုနှင့် ဆက်စပ်နေပါက ထိုသို့ ဖော်ထုတ်နေသည့် တခြားသော သတင်းသမားတို့ နောက်တွန့်သွားစေရန် ခြိမ်းခြောက်သည့်သဘော သက်ရောက်လိမ့်မည်ဟု မြန်မာနိုင်ငံ စာနယ်ဇင်းကောင်စီအဖွဲ့ဝင် သတင်းစာဆရာ ဦးမြင့်ကျော်က သုံးသပ်သည်။

“(သေဆုံးမှုက) သတင်းလုပ်တဲ့ကိစ္စနဲ့ ဆက်နွယ်နေမယ်ဆိုရင်တော့ အစိုးရအနေနဲ့က သတင်းသမားတွေကို အကာ အကွယ်ပေးဖို့ ပိုလိုအပ်လာပြီ ဆိုတာတော့ ထင်ရှားလာတာပေါ့။ ဒီလိုသတင်းသမားတွေရဲ့ အန္တရာယ်ကို၊ သတင်းကိစ္စနဲ့ ပက်သက်တဲ့ အန္တရာယ်ကို အကာကွယ်ပေးဖို့က အစိုးရဆီမှာ ဝတ္တရားရှိတယ်” ဟု ဦးမြင့်ကျော်က ပြောသည်။

တိုက်တွန်းကြောင်း မြန်မာဂျာနယ်လစ်ကွန်ယက် (Myanmar Journalist Network) ၏ အင်္ဂါနေ့ ထုတ်ပြန်ချက်တွင်လည်း အစိုးရက ပြည်သူတို့၏ လုံခြုံရေးကို ပိုမိုအားစိုက်ရန်နှင့် ကိုစိုးမိုးထွန်း သေဆုံးမှု ဖြစ်ရပ်မှန် အမြန်ဆုံး ပေါ်ပေါက်ရေး အားထုတ်ကြိုးပမ်းပေးရန် ဖော်ပြထားသည်။

“ပြီးခဲ့သည့်နှစ်လကလည်း သပိတ်ကျင်းမြို့ အခြေစိုက် သတင်းစာဆရာ ကိုတင်ဇော်ဦးကို သစ်မှောင်ခိုထုတ်လုပ်သူများက ခြိမ်းခြောက်သောကြောင့် အခြားမြို့များသို့ မိသားစုလိုက် ရှောင်တိမ်းနေရပါသည်” ဟု ထုတ်ပြန်ချက်တွင် ဖော်ပြထားသည်။

သတင်းသမားတို့၏ လုံခြုံရေးကို သတင်းဌာနများက အလေးအနက်ထားဆောင်ရွက်ရန်၊ သတင်းသမားများကိုယ်တိုင်လည်း မိမိလုံခြုံရေးကို အထူးဂရုပြုရရန် ထုတ်ပြန်ချက်တွင် တိုက်တွန်းထားသည်။

ကိုစိုးမိုးထွန်းသေဆုံးချိန်တွင် ဇနီးသည်နှင့် ၈ နှစ်အရွယ် သားတစ်ယောက် ကျန်ရစ်ကြောင်း သိရသည်။

————–

သေဆုံးသူ သတင်းထောက် ကိုစိုးမိုးထွန်း (ဓာတ်ပုံ – ကိုစိုးမိုးထွန်း Facebook စာမျက်နှာ)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းပဒေသာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

http://moemaka.com/archives/57845

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

 ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ

By

ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ (မိုးမခ) ဖေဖော်ဝါရီ ၅၊...

Read more »

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ 

By

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ  မိုးမခစာပေက ထွက်ပါပြီ။...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်