မောင်နောင်မွန် ● ရေတိမ်နစ် အညွှန့်တုံးနေတဲ့ ငါးတကောင် အကြောင်း

December 18, 2016

● ရေတိမ်နစ် အညွှန့်တုံးနေတဲ့ ငါးတကောင် အကြောင်း
(မိုးမခ/သစ်ခက်သံလွင်) ဒီဇင်ဘာ ၁၈၊ ၂၀၁၆

မှန်ရေကန်ရဲ့ရေပြင်ထက်ကိုနှာပေါက်လေးပေါ်ကာ လေရှုသွင်းလိုက်တာကိုက ကျနော်အတွက် အင်မတန် အဓိပ္ပါယ် ပြည့် ဝနေတယ်။ ကျနော်ရဲ့ကိုယ်ထည်လေး ရှည်မျောမျောနဲ့ အမြီးလေးလှုပ်ယမ်းလိုက်ပုံကိုက မြင်သူငေးလောက်အောင် လှပခဲ့ တယ်။ အရင်ကပါ။ ခုတော့ ဒါတွေက ရေအိုင်ထဲက လရိပ်ပမာလို ပါးစပ်အဟောင်းသားနဲ့ နားထောင်နေရတဲ့ အိပ်ရာဝင် ပုံပြင်လိုဖြစ်သွားတာ အတော်ကြာရောပေါ့။

တကယ်ဆို ကျနော်က အသက် သိပ်မကြီးသေးပါဘူး။ လူတွေလိုပညတ်ခေါ်ဝေါ်မှုအရဆိုရင်တော့ အခုမှ လူလတ်ပိုင်း လောက်သာ ရှိဦးမယ်ပေါ့။ ဒါပေမဲ့ ကျနော့်မှာ ခြေကုန်လက်ပန်းကျနေတာ အတော်ကြာနေခဲ့ရ။ ရေနည်းတဲ့ကြာပင်လေးလို။

အခုတော့ ကျနော့်ခမျာ အခြားကောင်တွေ ကိုယ်လုံးလေးတချက်နှစ်ချက်လှုပ်လိုက်ရင်ကို အပေါ်ရောက်နိုင်တာကို ဒီမှာ အားတွေအတော်သွင်းရင်း တကုတ်ကုတ်တက်နေရတော့တာ။ ရေထဲမှာ ချွေးတွေ တစီးစီးကျနေတာ သေချာကြည့်ရင် မြင် နိုင်လောက်တယ်။ ခုဆို ဒီကိုယ်လုံးနဲ့ ကိုယ်ထည်က တစက်မှ ပနံမတင့်တော့ ဟန်ချက်မညီတော့။

ဟုတ်ကဲ့ပါ။ ကျနော်လေ ရေထဲမှာနေတဲ့ မျက်လုံးပြူးပြူး ငါးတကောင်ရယ်ပါ။ သူများတွေမျက်လုံးပြူးတာ ကြည့်ကောင်းပေ မယ့် ကျနော်ပုံက ကြိုးဆွဲချသေပြီး ပုပ်ပွနေတဲ့ လူသေအလောင်းကောင်လို အကျည်းတန်လွန်းနေခဲ့။

သို့သော် ကျနော်လိုကောင်ကို နိမိတ်ကောင်းတယ်ဆိုပြီး အလှမွေးထားတဲ့သူတွေလည်း ရှိလေသေးရဲ့။ ဒီတော့ ကျနော်က ရေကန်ထဲ တနည်းအားဖြင့် အောက်စီဂျင်ပိုက် သွယ်တန်းထားတဲ့ မှန်ကန်ထဲက အလှမွေးငါးတကောင်သာ။

အစားချိန်အစာ ပုံမှန်ကျွေးပါရဲ့။ ပြီးတော့ သန္တာကျောက်တန်းတွေနဲ့ အလှဆင်ထားတဲ့မှန်ကန်ထဲမှာ ကျနော့် ကိုမြင်နေရတော့ အခြားငါးတွေကတော့ ကျနော်ဟာ အလွန်ကံကောင်းလှပါကလားလို့ ထင်ကောင်း ထင်နေနိုင်တယ်။

တကယ်က ကျနော်ဟာ ရွှေရည်စိမ်လွတ်လပ်ရေးရထားတဲ့ အထီးကျန်ငါးတကောင်သာ။ ငါးမှန်းသိတတ်စအရွယ်ကတည်းက တကောင်တည်း ဒီမှန်ကန်ထဲမှာ ရှင်သန်နေခဲ့ရတဲ့

ကျနော်အတွက်တော့ သေလည်းတကောင်တည်းဆိုတာ လက်မခံလည်း ဒါဟာ လိပ်စာအတိအကျနဲ့ ကျနော့်ဆီ မလွဲမသွေ ရောက်ရှိလာမယ့် အမှန်တရားတခုသာ။

ကိုယ့်အဖြစ်ကိုယ်ပြန်ဆန်းစစ်တော့ ၂၁ ရာစုရဲ့ အခွင့်အရေးပေါင်းစုံအော်ဟစ်တောင်းခံနေတဲ့ခေတ်မှာ ကျနော်လို ကောင် အတွက် ဟစ်တိုင်အဖြစ် ရင်ဖွင့်စရာတနေရာရာဟာ ဘယ်ဆီမှာမှန်းမသိ။ ဘယ်မှာမှ မရှိ။

ကိုယ့်အသက်ရှူခွင့်ကိုက ဘယ်အချိန် ရပ်တန့်ခံရမှန်းမသိသေးတဲ့အခြေအနေမှာ ကျနော့် မျိုးနွယ်စဉ်ဆက် ဆွေမျိုးတွေအ ကြောင်းဆိုတာဟာ ကမ္ဘာမီးလောင် သားကောင်ချနင်းသလိုပါပဲ။

ကမ္ဘာကြီးကို ဒဏ်ရာဒဏ်ချက်တွေများနေတော့ ကျနော်တို့ဆိုတာ ဘာမှန်း ဘယ်ဆီမှန်းမသေချာ မရေ ရာတော့။ ခေတ်မီ ဆေး ပညာ တိုးတက်လာတာနဲ့အမျှ ခေတ်မီရောဂါဆန်းတွေက အပြိုင်တိုးတက်လာတော့လည်း အခက်သားရယ်။ အသက်ဇီဝဖြစ်တည်မှုနဲ့သေဆုံးမှုတို့မှာ အကြင်နာမေတ္တာတွေအစား ငွေကြေးပကာသနတွေက အစားထိုးလာတယ်။

နှလုံးသားမှာခံစားတတ်မှု ဒြပ်ထုအစား ငွေကြေးတွေ သိပ်ထည့်ခဲ့တယ်။ ကိုမာရောဂါသည်တယောက်လို အသက်ရှုနေရတာ ဟာ အဓိပ္ပါယ်မရှိတော့လည်း ဘေးနားက အသိုင်းအဝိုင်းတွေအတွက်တော့ မျှော်လင့်ချက်ရောင်နီ အလွန်သန်းနေပြန်ရော။ တခါတလေ အသက်ဓာတ်ဆိုတာ ဘာလဲ တွေးမိနေသေးတယ်။

ခံစားမှုကို အသက်လို့ခေါ်တာလား။ လေဝင်လေထွက်ရှိနေတာကိုက အသက်ရှိတယ်လို့ ခေါ်တာလား။ သတ်မှတ်ချက် တွေကိုက တခါတလေ ဗြောင်းဆန်နေခဲ့တယ်။ အမှောင်ကိုညခေါ်တာလား။ အိပ်စက်ခြင်းကို ညခေါ်တာလား တွေးမိတယ်။ ကျနော်ရဲ့မှန်ရေကန်လေးက နေရောင်ခြည်မဝင်တော့ ကျနော့်အတွက် ညက ကျနော့်မျက်လုံးမှိတ်ချိန်သာ။

လောလောလတ်လတ်ခံစားချက်ကတော့ ဘေးနားကရေကန်က တိုက်ငါးကလေးများရဲ့ဘဝကိုသာ။ သူက လှတယ် ငယ် တယ်။ သို့သော် ကြောက်ဖို့လည်း ကောင်းတယ်။

သူရဲ့ရုပ်ရည်နဲ့အလှကို ကြည့်ချင်သူတွေများလှပါတယ်။ ဒါပေမဲ့ သူကိုက်လို့ တုံးတိတိဖြစ်နေတဲ့အမြီးနဲ့ ရေ ယက်ကိုအားပြုရ င်း အသက်လုပြေးနေရတဲ့ တခြားတိုက်ငါးတကောင်ကိုတွေ့လိုက်တဲ့အခါ ပင်ပန်းဆင်းရဲမှု ကို မြင်တွေ့ရသလိုပါပဲ။

သူ့အကိုက်ခံရတဲ့ ငါးက ကျနော့်လိုပင် ရေပြင်ပေါ်ကို တကုတ်ကုတ်တက်နေရရှာတယ်။ ဘ၀ဆိုတာ ရုန်းကန်ရှင်သန်ခြင်းပဲ မဟုတ်လား။

ဘေးနားကန်က ဒဏ်ရာရတိုက်ငါးနဲ့ ကျနော်ဟာ အသက်ရှင်သန်ရေးအတွက် ရုန်းကန်နေရသူချင်း အတူတူပါပဲလေ။ ကျ နော်တို့ဘဝတွေက ငါးဖြစ်သော်လည်း ရေနစ်နေတဲ့ငါးများ။  ဒီဘဝကိုစွန့်ခွာသွားဖို့ကလည်း သံယောဇဉ်မပြတ်သေး။

ကျနော် အားယူရင်း မှန်ရေပြင်ပေါ်သို့ တဖြည်းဖြည်းတက်လိုက်ပါတယ်။ နှာပေါက်လေးဖော်ကာ လေကို အားရပါးရ ရှူရှိုက် လိုက်ပါရဲ့။

မှန်ရေကန်ထဲတကောင်တည်း ဟိုပတ်ဒီပတ်နဲ့ ကူးခတ်နေရတာကိုက ကျနော့်အတွက် ဘဝအဓိပ္ပာယ်တခုဖြစ်နေတာ အတော်ကြာခဲ့ပြီ။  တကယ်တော့ ကျနော်ဆိုတာ အညွန့်တုံးနေသော မျက်လုံးပြူးပြူး ရေတိမ်နစ်နေရတဲ့ ငါးတကောင်သာ။

မောင်နောင်မွန်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာစုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊ အချိန်မီ ထွက်ပါပြီ

By

  မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊...

Read more »

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်