အိချယ်ရီအောင် (Myanmar Now) ● အကူအညီပေးနေသော စိုက်ပျိုးရေးဌာနကို အားဖြည့်ရန် လိုအပ်

December 24, 2016

● အကူအညီပေးနေသော စိုက်ပျိုးရေးဌာနကို အားဖြည့်ရန် လိုအပ်
(မိုးမခ) ဒီဇင်ဘာ ၂၄၊ ၂၀၁၆

မြို့နယ် စိုက်ပျိုးရေးဦးစီးဌာနတစ်ခုရှိ လုပ်ငန်းစဉ်များစွာကိုဖော်ဆောင်နိုင်ရန် လိုအပ်ချက်များစွာ ရှိနေသည်။

သံတွဲ (Myanmar Now) –   စိုက်ပျိုးရေးလုပ်ငန်း လုပ်ကိုင်သူများကို ထိတွေ့ကူညီထောက်ပံ့ပြီး နည်းပညာ ဝန်ဆောင်မှုပေးနေ သော  သံတွဲမြို့နယ် စိုက်ပျိုးရေးဦးစီးဌာနတွင် ရှိသင့်သည့်ဝန်ထမ်းအရေအတွက်၏  သုံးပုံတစ်ပုံသာရှိနေကြောင်း ဌာန မန် နေဂျာ ဦးတင်ဝင်းမောင်က ကြာသပတေးနေ့တွင် ပြောသည်။

သံတွဲမြို့နယ်တွင် စိုက်ပျိုးရေးဝန်ထမ်း ၁၄ ဦးရှိနေပြီး  ဖွဲ့စည်းပုံအရဆိုလျှင် ၄၂ ဦးရှိရမည်ဖြစ်သည်။  သို့သော်လည်း ဦးတင် ဝင်းမောင်က များစွာမျှော်လင့်မထားပေ။

“နောက်ထပ် ၃ ယောက်လောက် ထပ်ရမယ်ဆို လုပ်ရကိုင်ရ အဆင်ပြေမှာပါ” ဟု သူက ပြောသည်။

လိုအပ်သည့် ဝန်ထမ်းအင်အားအတွက် အထက်ကို တင်ပြထားရာ အလုပ်လျှောက်သူ ရှိလာပါက ဖြည့်ဆည်းပေးမည်ဟူသော အကြောင်းပြန်ကြားချက် ရထားသည်ဟု ဆိုသည်။


သံတွဲမြို့နယ်၊ ကင်းသေကျွန်းကျေးရွာအနီး စပါးရိတ်နေသော အမျိုးသမီးတစ်ဦး (ဓာတ်ပုံ – ဇာနည်ဝင်း/Myanmar Now)

 

စိုက်ပျိုးရေးဦးစီးဌာနတွင် ဝန်ထမ်းအင်အား မလုံလောက်ခြင်းကြောင့် ကျေးရွာအားလုံးသို့  သွားရောက်နိုင်ခြင်းမရှိကြောင်း၊ ကျေးရွာ စုစုပေါင်း၏ သုံးပုံ တစ်ပုံခန့်သာ သွားရောက်၍ အသိပညာပေး ဟောပြောပွဲ ပြုလုပ်နိုင်သည်ဟု ဦးတင်ဝင်းမောင်က ပြောသည်။


ကိုယ်တိုင် ဦးစီးပြီး ပညာပေးခြင်း ဟောပြောခြင်းများကို ကျေးလက်ဒေသအထိ ပြုလုပ်ပေးနေကြောင်း သူက ပြောသည်။

● မျိုးစေ့ အထောက်အပံ့
ရခိုင်ကမ်းရိုးတန်းဒေသတွင် ဆန်စပါးစိုက်ပျိုးခြင်းနှင့်ပတ်သက်ပြီး အားနည်းချက်များရှိနေသည်ဟု  နိုင်ငံတကာ စီမံကိန်း တစ်ခုဖြစ်သည့် အသက်မွေးဝမ်းကျောင်းမှုနှင့် စားနပ်ရိက္ခာဖူလုံရေးရန်ပုံငွေအဖွဲ့ (LIFT) ၏ ၂ဝ၁၅ နှစ်ပတ်လည် အစီရင်ခံ စာတွင်  ထောက်ပြထားသည်။

“ဆန်စပါးသည် ဒေသ၏ ပင်မသီးနှံဖြစ်သော်လည်း  အထွက်နှုန်းနည်းပြီး အရည်အသွေး ညံ့သည်။ ဆားငန်ရေ တိုးဝင် ခြင်း၊ စိုက်ပျိုးနည်း မထိရောက်ခြင်း၊ ရိတ်သိမ်းချိန်လွန် နည်းနာများနှင့်ကိရိယာများ ညံ့ဖျင်းခြင်းတို့ကြောင့်ဖြစ်သည်” ဟု  ကုလသမဂ္ဂအဖွဲ့က ကြီးကြပ်သည့် LIFT အဖွဲ့ အစီရင်ခံစာတွင် ဖော်ပြထားသည်။

ပြည်နယ်လွှတ်တော်ကိုယ်စားလှယ် တစ်ဦးဖြစ်သည့်  ဦးဝင်းနိုင်ကလည်း အစိုးရအနေဖြင့် အရည်အသွေးပြည့်ဝသည့် သီးနှံ များထွက်ရှိရန်အတွက် ဆောင်ရွက်စရာ များစွာရှိနေသည်ဟု တိုက်တွန်းလိုက်သည်။

“မျိုးကောင်းမျိုးသန့် တွေ တောင်သူကို လုံလုံလောက်လောက် ပံ့ပိုးပေးသင့်တယ်။ ဒါမှလည်း ဈေးကွက်မှီတဲ့၊ အရည်သွေးမှီတဲ့ သီးနှံတွေကို ရရှိမှာပါ” ဟု သံတွဲမြို့ နယ် မဲဆန္ဒနယ် ၁ မှ ဦးဝင်းနိုင်က ပြောသည်။

စိုက်ပျိုးရေးကဏ္ဍသည် အရေးပါသောကြောင့် အစိုးရက အရင်းအနှီးထောက်ပံ့ခြင်း၊ ဈေးကွက်ရှာဖွေခြင်းများအတွက်လည်း ပိုမိုဆောင်ရွက်သင့်သည်ဟု သူက ဆက်ပြောသည်။

“နိုင်ငံခြား ရင်းနှီးမြှုပ်နှံမှုတွေလာမှ တိုင်းပြည် အကျိုးဖြစ်ထွန်းမယ်ဆိုတာ မဟုတ်ပါဘူး။ ကိုယ်နိုင်ငံထဲမှာလည်း တိုင်းနယ်၊ ပြည်နယ် အသီးသီးက မွေးမြူရေးထုတ်ကုန်တွေ၊ စိုက်ပျိုးရေးထုတ်ကုန်တွေကို တိုးတက်အောင် ထုတ်ပေးနိုင်မယ်။ အဲဒီလို ထုတ်ကုန်တွေကိုလည်း ဝယ်ယူမယ့်ဈေးကွက်တွေ များများဖန်တီးပေးဖို့ လိုပါတယ်” ဟု  ဦးဝင်းနိုင်က အမျိုးသား ဒီမိုကရေစီ အဖွဲ့ချုပ် သံတွဲခရိုင်ရုံးတွင် တွေ့ဆုံစဉ် ပြောပြသည်။

သံတွဲရှိ စိုက်ပျိုးရေးသမားတချို့က စိုက်ပျိုးရေးဦးစီးဌာန၏ လုပ်ငန်းစဉ်များကို အားမရကြောင်း ဝေဖန်ကြသည်။

ထိုဝေဖန်ချက်နှင့်ပတ်သက်ပြီး မြို့နယ်မန်နေဂျာ ဦးတင်ဝင်းမောင်က တုန့်ပြန်ခြင်းမပြုဘဲ စိုက်ပျိုးရေးဌာနတွင် စံပြစိုက်ကွင်း များ ရှိကြောင်း၊ မျိုးစေ့နှင့်   ဓာတ်မြေသြဇာများ ပံ့ပိုးပေးခြင်းများကို ပြုလုပ်လျက်ရှိကြောင်း ပြောသည်။ 

သံတွဲမြို့နယ်၊ ကင်းသေကျွန်းကျေးရွာအနီး တွေ့ရသော လယ်ပိုင်ရှင်တစ်ဦးနှင့် သူ၏ မြေးငယ် (ဓာတ်ပုံ – ဇာနည်ဝင်း/Myanmar Now)

“မျိုးကောင်းမျိုးသန့် လိုအပ်မှုအတွက် နှစ်စဉ် မျိုးစပါးတင်း တစ်ထောင်စီ ဖြန့်ပါတယ်။ ၁၅ ရွာ ၁၆ ရွာလောက်ကို ဖြန့်ပါတယ်” ဟု မန်နေဂျာက ရှင်းပြသည်။

“ကျွန်တော်တို့ အနေနဲ့ စံပြစိုက်ကွင်းတွေစိုက်ပျိုးနေတယ်။ ဘာကြောင့် အဲ့ဒါတွေလုပ်တာလဲ ဆိုတော့ အဲဒီ စံပြစိုက်ကွင်းတွေ အောင်မြင်တာကိုကြည့်ပြီး ပြည်သူတွေ လိုက်လုပ်ချင်လာအောင်ပါ။  ကျွန်တော်တို့ပြောတာကို လိုက်လုပ်လို့ပြောရင် လယ် သမားတွေက သိပ်မလုပ်ချင်တာကို တွေ့ ရတယ်။ အဲ့ဒါကြောင့် ဒီနည်းအတိုင်းလုပ်တာပါ”

● သင်တန်း
စိုက်ပျိုးရေးလုပ်ငန်း အောင်မြင်ရေးအတွက် နည်းပညာ၊ အသိပညာ ပြန့်ပွားရေးကလည်း အရေးပါသောအချက်ဖြစ်သည်။

သံတွဲမြို့နယ် စိုက်ပျိုးရေးဦးစီးဌာနက ၂ဝ၁၂ ခုနှစ်မှ စတင်ပြီး သံတွဲမြို့နယ်အတွင်း ပညာပေးသင်တန်းများ ပြုလုပ်ဖြစ် ကြောင်း၊  စိုက်ပျိုးရေးသမားများ သိလိုသည်တို့ကို ဆွေးနွေးပေးလျက်ရှိကြောင်း သိရသည်။

“အယောက် ၅ဝ ကိုသင်တန်းပေးတာ အယောက် ၂ဝ နားလည်သွားရင် ဒါအမြတ်ပဲ။ လူတိုင်းက အကုန်စိတ်ဝင်စားမှု မရှိနိုင် ဘူး” ဟု စိုက်ပျိုးရေးဌာနမန်နေဂျာက ရှင်းပြသည်။

ကွေ့ချောင်းကျေးရွာတွင် နေထိုင်သည့် ဦးသန်းစိုးသည် သူ၏ လယ် ၄ ဧကကို ထွန်ယက်ရန် ကျွဲ၊ နွားများ အသုံးပြုခဲ့ပြီး၊  ယခုနောက်ပိုင်းတွင် လယ်ယာသုံးစက်ကိရိယာများကိုပါ ပူးတွဲအသုံးပြုနေသူဖြစ်သည်။

သူရင်ဆိုင်နေရသည့် အခက်အခဲများထဲတွင် သူ့လယ်အတွင်း မြေပြင်မညီညာခြင်းကြောင့် လယ်ယာသုံးစက်များ နေရာအနှံ့ သွားရောက်နိုင်မှုမရှိသည့်အချက်လည်းပါဝင်ရာ အလုပ်တွင်ကျယ်ရေးအတွက် အစိုးရဌာနဆိုင်ရာတို့ လာရောက် အကူ အညီပေးရန် သူက မျှော်လင့်နေသည်။ လယ်ယာသုံးစက်နှင့်ပတ်သက်သည့်သင်တန်းလည်း တက်လိုသည်ဟု သူက ဆို သည်။

သံတွဲမြို့နယ်၊ ကျေးလက်ဒေသတစ်ခုတွင် စပါးရိတ်နေသော အမျိုးသားတစ်ဦး (ဓာတ်ပုံ – ဇာနည်ဝင်း/Myanmar Now)

“လယ်ယာသုံးစက်တွေ ဝယ်လိုက်ပေမယ့် အဲ့ဒီစက်တွေပျက်တဲ့အခါ ပြင်ပေးမယ်၊ စက်ပြင်ဆရာကလည်း သိပ်မရှိတဲ့အခါကျ တော့ စက်ပြင်ဆရာရှာရတာလည်း အခက်အခဲဖြစ်တယ်။ ဒါကြောင့် အစိုးရအနေနဲ့ လယ်ယာထွန်စက်ပြင်တဲ့ သင်တန်း တွေဘာတွေလည်းဖွင့်သင့်တယ်” ဟု ဦးသန်းစိုးက ပြောသည်။

“စက်တစ်ခါတစ်ခါပျက်ရင် စက်ပြင်ဆရာ ရှာမရတာနဲ့ သီးနှံစိုက်ပျိုးချိန်တွေ နောက်ကျကုန်ရော”

ဦးသန်းစိုးကဲ့သို့သော စက်ပစ္စည်း အသုံးပြုသူများ၏ အခက်အခဲကို စိုက်ပျိုးရေးဌာနကလည်း သိနေသည်။

“ရခိုင်ပြည်နယ် စက်မှုလယ်ယာ ပြည်နယ်ဦးစီးမှူးကို စက်မှုလယ်ယာ စက်ပြင်သင်တန်းဖွင့်ပေးဖို့ကို တောင်းဆိုထားပါတယ်။ ဒီဇင်ဘာလအတွင်းမှာ တောင်းဆိုထားတာပါ။ သူတို့တာဝန်ခံတွေနဲ့ ညှိနှိုင်းဦးမယ် ပြောပါတယ်” ဟု စိုက်ပျိုးရေးဌာနမန်နေ ဂျာက ရှင်းပြသည်။

● လယ်လုပ်သားလိုအပ်ချက်
စက်မှုလယ်ယာသို့ကူးပြောင်းရန် ခက်ခဲနေသေးသည့်အခြေအနေတွင် သံတွဲအပါအဝင် ရခိုင်ပြည်မှ ဒေသခံအများအပြား သည် အခြားသော ပြည်နယ်တိုင်းဒေသကြီးများ သို့မဟုတ် နယ်စပ်ဒေသနှင့် ပြည်ပနိုင်ငံများသို့ ရွှေ့ပြောင်းသွားကြသဖြင့် လယ်ယာလုပ်သား လိုအပ်ချက်က ကြီးမားလာသည်။

ပြည်နယ်မြောက်ပိုင်းမှ သံတွဲသို့ အလုံးအရင်းလာကြသောလယ်သမား တို့ကလည်း ရေလုပ်ငန်းခွင်သို့ ရောက်သွားတတ်ကြ သည်ဟု  ပြည်နယ်လွှတ်တော်ကိုယ်စားလှယ် ဦးနိုင်ကြွေအေးက ဆိုသည်။

သံတွဲမြို့နယ်၊ ခရမ်းမော်ကျေးရွာအုပ်စု၊ ဝါးနွယ်ပြင်ကျေးရွာအပြင်ဘက်ရှိ လယ်ကွင်းနှင့် ဓနိတော (ဓာတ်ပုံ – ဇာနည်ဝင်း/Myanmar Now)

“(မြောက်ပိုင်းမှာ) လယ်စိုက်ပြီးတဲ့အချိန်က ငါးဖမ်းရာသီပြန်စတဲ့အချိန်ဖြစ်တယ်။ အဲ့ဒီတော့ သူတို့က လယ်ယာစိုက်ပျိုးပြီးတာ နဲ့ အလုပ်မရှိတဲ့အခါကျတော့ ငါးဖမ်းတဲ့အလုပ်ကို လာပြီးတော့ လုပ်ကြတယ်။ သူတို့လယ်ထွန်ချိန်ဆို ပြန်ပြီးတော့မှ လယ် ထွန်တဲ့အလုပ်ကို လုပ်ကြတယ်” ဟု သံတွဲမြို့ နယ် မဲဆန္ဒနယ် ၂ မှ ဦးနိုင်ကြွေအေးက ပြောသည်။

အလယ်ရွာမှလယ်သမား ဦးမြင့်သိန်းက ၎င်းတို့၏အခက်အခဲများထဲတွင် ရာသီဥတုကြောင့် အထွက်နှုန်းကျခြင်း၊  လယ်ယာ လုပ်သား ငှားရမ်းရ ခက်ခဲခြင်းတို့လည်း ပါဝင်သည်ဟု ပြောသည်။

“အလုပ်သမားက တဖြည်းဖြည်း ရှားပါးလာတယ်။ စပါးဈေးက ကျတော့ ကျတယ်၊ အလုပ်သမားဈေးကတက်တော့ လုပ်ရ ကိုင်ရ အဆင်မပြေဘူးပေါ့” ဟု ဦးမြင့်သိန်းက ရှင်းပြသည်။

တောင်သူတို့၏ အဆိုပါလိုအပ်ချက်ကို စိုက်ပျိုးရေးဌာနကလည်း သိနေသည်။ သင်တန်းများတွင် တွေ့ရသည့် တောင်သူ တို့က လယ်ယာလုပ်သားရှားပါးသည့်အခက်အခဲကို တင်ပြကြသည်ဟု မြို့နယ် စိုက်ပျိုးရေးမန်နေဂျာက ပြောသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments