ေ အာ င်ေ ဝး ● သ တ် ပုံ ကို မှ န်ေ အာ င်ေ ရး ကြ

December 29, 2016

ေ အာ င်ေ ဝး ● သ တ် ပုံ ကို မှ န်ေ အာ င်ေ ရး ကြ
(မိုးမခ) ဒီဇင်ဘာ ၂၉၊ ၂၀၁၆

အခုအချိန်ဟာ
တိုင်းပြည်တည်ထောင်စအချိန်လား
တိုင်းပြည်ပျက်တဲ့ အချိန်လား။

သတ်ပုံကိုမှန်အောင်ရေးကြ။
အခုကာလဟာ
ငြိမ်းချမ်းနေတဲ့ကာလလား
စစ်ပွဲတွေဖြစ်နေတဲ့ကာလလား။

သတ်ပုံကိုမှန်အောင်ရေးကြ။
ဒီနေ့အခြေအနေဟာ
ပန်းပေါင်းတစ်ရာပွင့်တဲ့ အခြေအနေလား
ပန်းခင်းကိုမြင်းစီးပြီးတက်နင်းတဲ့အခြေအနေလား။

သတ်ပုံကိုမှန်အောင်ရေးကြ။
ဒီနေ့အနေအထားဟာ
လရောင်အောက်မှာ မြင်းရိုင်းတွေ ခုန်ပေါက်နေတဲ့အနေအထားလား
ရွက်သင်္ဘောတစ်ထောင်ရေချ အလှတရားကိုစစ်ခင်းယူနေတဲ့အနေအထားလား။

သတ်ပုံကိုမှန်အောင်ရေးကြ။
ကျနော်ငယ်ငယ် ခုနစ်တန်းကျောင်းသားဘ၀
(ပုသိမ်မှာ)
စင်ပေါ်တက် ကြိုးဝိုင်းထဲ လက်ဝှေ့ဝင်ထိုးတော့
နည်းပြဆရာက ကျနော့်ကို
“မင်း သတ်ပုံကောင်းတယ်”
“မင်း သတ်ပုံကောင်းတယ်” လို့
အခါခါ ချီးကျူး
ကျနော် မော်ဖူးတယ်။
ဒီတုန်းမှာ
ဘားမားအုန်းရွှေ
လက်ဝှေ့ထိုးရင်း ကြိုးဝိုင်းထဲ
ဦးနှောက်သွေးကြောပြတ် သေသွားတော့
အဖေက ကျနော့်ကို
လက်ဝှေ့ထိုးခွင့်မပြုတော့ပါဘူး။

ကျနော်သတ်ပုံကောင်းတာ
အဖေ မသိပါဘူး။
ကျနော့်နည်းပြက အဖေ့ကို
“ဒီကောင် သတ်ပုံကောင်းတယ်” လို့ ထောက်ခံလည်း
အဖေ လက်မခံတော့ပါဘူး။
အဲဒီကစပြီး
ကျနော်သတ်ပုံကောင်းတာ
တခြားလူတွေ မမြင်ရတော့ပါဘူး။

ကြိုးဝိုင်းနဲ့ဝေးသွားတော့
ကျနော်လည်း သတ်ပုံတွေမေ့လာပါတယ်။

အချိန်ကြာတာနဲ့အမျှ
သတ်ပုံတွေလည်း ညံ့သွားပါတယ်။

ကျနော် ရှစ်တန်း
အချစ်စမ်းပြီ။

ကိုးတန်း ဆယ်တန်း
လွမ်းမိုးသန်းပေါ့။

ထွန်းထွန်းဝင်းက
ခင်သီတာထွန်းကို ချစ်တယ်
ခင်သီတာထွန်းက ထွန်းထွန်းဝင်းကို ပြန်မချစ်ပါဘူး။

ကျနော် အသည်းကွဲ
ဇီးဘိန်ဟိုတယ်အပေါ်ထပ်လှေကားက လိမ့်ကျ။

ချစ်သူစွန့်ပစ်
လှေကားထစ်မှာ
သုံးနှစ်သုံးမိုး။

ဒီလိုနဲ့ ဆယ်တန်းအောင်
ပုသိမ်ကောလိပ်ရောက်တော့
ကျနော် ကြိုးဝိုင်းထဲပြန်ရောက်သွားတယ်။

ဒီတစ်ခါတက်တဲ့ကြိုးဝိုင်းက
နိုင်ငံရေးကြိုးဝိုင်း။

မ ဆ လ စစ်အာဏာရှင်စနစ်နဲ့ထိုးရတဲ့
ကမ္ဘာမကြေကြိုးဝိုင်းပေါ့။

ဘိုင်းခနဲ
မှိုင်းရာပြည့်ပွဲမှာ
ကျနော် ထောင်ထဲ မှောက်သွားတယ်။

ထောင်ထဲမှာလည်း
ကြိုးဝိုင်းတွေအပြည့်
(ကြိုးတိုက်ထဲနေရတာကိုး)
ကျနော်လက်ရည်ပြန်တက်လာတယ်
သတ်ပုံတွေကောင်းလာတယ်။

ထောင်ကလွတ်တော့
ကျနော် ကဗျာဆရာဖြစ်လာ
သတ်ပုံတွေလည်းပိုကောင်းလာ။

ဒီတစ်ခါ ကျနော့်နည်းပြက
စစ်အာဏာရှင်စနစ်ကိုယ်တိုင်ပဲ
ဒဂုန်တာရာပြောတဲ့ မုဆိုးစိုင်သင်ပဲ။

ကျနော့်ကဗျာတွေ ခိုင်မာလာတဲ့တစ်နေ့
ကြိုးဝိုင်းပေါ်တက် စိန်ခေါ်ပစ်တယ်
၁ ၉ ၈ ၈ ။
၁ ၉ ၈ ၈
ဒီတုန်းက ဒေါ်အောင်ဆန်းစုကြည်က
ငါတို့ပရိသတ်ပဲ။
(အခုတော့ ငါတို့က သူ့ပရိသတ်ဖြစ်သွားပြီ)
ရှစ်ဆယ့်ရှစ်မှာ
ဦးနေ၀င်းက တိုင်းပြည်ကို
အရေးကြီးတဲ့မိန့်ခွန်းတစ်ခုပြောတယ်။

တစ်တိုင်းတစ်ပြည်လုံးငတ်နေတဲ့အချိန်
ဦးနေ၀င်းက
အရေးကြီးတဲ့မိန့်ခွန်းကိုပြောတယ်။

……………………….
” သ တ် ပုံ ကို မှ န်ေ အာ င်ေ ရး ကြ ” တဲ့။
……………………………….
အရေးကြီးတဲ့မိန့်ခွန်းက ဦးနေဝင်းကိုပြောတယ်
“သတ်ပုံကို မှန်အောင်ရေးကြ” တဲ့။

တယောက နီရိုးဘုရင်ကို ထိုးတယ်
“သတ်ပုံကို မှန်အောင်ရေးကြ” တဲ့။

နီရိုးဘုရင်က ဦးနေဝင်းကိုထိုးတယ်
“သတ်ပုံကို မှန်အောင်ရေးကြ” တဲ့။

ကျနော်သတ်ပုံကောင်းတာ
ဦးနေဝင်း သိမသွားရှာပါဘူး။

ဦးနေဝင်းအသုဘမှာလည်း
ကျနော် ခဲမပေါက်လိုက်ရပါဘူး။

ကျနော့်အဖေကတော့
သူမသေခင်
ကျနော် သတ်ပုံကောင်းမှန်း သိသွားခဲ့ပါတယ်။

သတ်ပုံကောင်းလွန်းတော့
ခွပ်ဒေါင်းအလံ ရွှေဝါရောင်စွန်းပြီး
ကျနော်လည်း ညောင်းရ ယွန်းရတော့တာပေါ့။

ဦးနေ၀င်းကို ကျနော်မမေ့ပါဘူး
သူဖျက်ဆီးသွားတဲ့ ယူနီယံကိုလည်း
ကျနော်တို့ပြန်မဆောက်နိုင်သေးပါဘူး။
(ဒေါ်အောင်ဆန်းစုကြည်ကတော့ ပြန်ဆောက်မယ်လို့ပြောထားတယ်)

ဦးသန်းရွှေကိုလည်း ကျနော်မမေ့ပါဘူး
သူဖျက်ဆီးသွားတဲ့ ရန်ကုန်မြို့ကြီးကိုလည်း
ကျနော်တို့ ပြန်မပြုပြင်နိုင်သေးပါဘူး။
(ဒေါ်အောင်ဆန်းစုကြည်ကတော့ မဖြစ်မနေပြန်ပြင်မှာပါ)

ဦးသိန်းစိန်ကြီးကိုလည်း ကျနော်မမေ့ပါဘူး
သူဖျက်ဆီးသွားတဲ့ပြည်ထောင်စုကိုလည်း
ကျနော်တို့ ပြန်မထူထောင်နိုင်သေးပါဘူး။
(ဒေါ်အောင်ဆန်းစုကြည်ကတော့ ပြန်ထူထောင်ဖို့လုပ်နေပါတယ်)

သူပုန်မွေးပြီး တိုင်းပြည်အုပ်ချုပ်သွားတဲ့ဦးနေ၀င်းကို
ကျနော်ခွင့်မလွှတ်ပါဘူး။
ဦးသန်းရွှေတို့၊ ဦးသိန်းစိန်တို့ ဆက်မွေးခဲ့တဲ့ပြည်တွင်းစစ်ကိုလည်း
ကျနော် မချစ်ပါဘူး။

မိတ်ဆွေ-
ဒေါ်အောင်ဆန်းစုကြည်ကြိုးပမ်းနေတဲ့
ငြိမ်းချမ်းရေးကိုမှ မယုံကြည်ရင်
ခင်ဗျား ဘာကိုယုံကြည်မှာလဲ။

မိတ်ဆွေ-
ငြိမ်းချမ်းရေးကိုချစ်ရင်
စစ်ကိုဆန့်ကျင်ရမယ်။

အပြစ်မဲ့တဲ့ပြည်သူတွေအတွက်
အပြစ်ရှိတဲ့စစ်ပွဲတွေရပ်။

အနာဂတ်ရှိတဲ့နိုင်ငံတော်အတွက်
အနာဂတ်မဲ့တဲ့စစ်ပွဲတွေရပ်။

တရားတဲ့မျှော်လင့်ချက်တွေအတွက်
မတရားတဲ့စစ်ပွဲတွေရပ်။

ပြည်တွင်းဖြစ်စစ်ပွဲတွေ ချက်ချင်းရပ်
ပြည်တွင်းဖြစ်အမုန်းတရားတွေ ချက်ချင်းရပ်
ပြည်တွင်းဖြစ်သံသယတွေ ချက်ချင်းရပ်။

ပြည်တွင်းစစ်ကို ချစ်နေတဲ့သူတွေ
စစ်ဘေးသင့်လို့ မသေကြပါစေနဲ့။

ပြည်တွင်းစစ်ကို ပစ်ထောက်ခံနေတဲ့သူတွေ
စစ်ဒဏ်သင့်လို့ မသေကြပါစေနဲ့။

ဒေါ်အောင်ဆန်းစုကြည်ကြိုးပမ်းနေတဲ့
ငြိမ်းချမ်းရေး
အောင်မြင်ပါစေ။

ဒေါ်အောင်ဆန်းစုကြည်ကြိုးပမ်းနေတဲ့
ငြိမ်းချမ်းရေး
အဓွန့်ရှည်ပါစေ။

စစ်ပွဲတွေရပ်
စစ်ပွဲတွေရပ်
သေနတ်ပြောင်းက ပန်းများပွင့်စေ။

စစ်ပွဲတွေရပ်
စစ်ပွဲတွေရပ်
ကတုတ်ကျင်းက ပန်းနံ့သင်းစေ။

ဒီနေ့ဒီအချိန်က
ဒေါ်အောင်ဆန်းစုကြည်ကို “ချ စ်” ရမှာလား
ဒေါ်အောင်ဆန်းစုကြည်ကို “ပ စ်” ရမှာလား။
သတ်ပုံကို မှန်အောင်ရေးကြ။ ။

(၂၀၁၇ သို့ ….)
ေ အာ င်ေ ၀း
၁၂- ၂၇- ၁၆
ခေတ္တ- မစ်ရှီဂန်
အမေရိကန်ပြည်ထောင်စု။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ, အောင်ဝေး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်