ဖြိုးသီဟချို (Myanmar Now) ● မြန်မာကို နိုင်ငံတကာကသိအောင် ပထမဆုံး ကြိုးစားရတယ်

January 11, 2017

 ဖြိုးသီဟချို (Myanmar Now) ● မြန်မာကို နိုင်ငံတကာကသိအောင် ပထမဆုံး ကြိုးစားရတယ်
(မိုးမခ) ဇန်နဝါရီ ၁၁၊ ၂၀၁၇
အောင်မြင်တဲ့ စွန့်ဦးတီထွင်လုပ်ငန်းရှင်ဖြစ်ဖို့ စေတနာကအရေးပါတယ်လို့ ဉာဏ်ကြီးရှင် ကော်ဖီထုတ်လုပ်သူက ယူဆပါတယ်။


ရန်ကုန် (Myanmar Now) – အောင်မြင်တဲ့လုပ်ငန်းရှင်ဖြစ်ရေးအတွက် အဓိကကျတဲ့အချက်ထဲမှာ စေတနာရှိဖို့က အရေး အကြီးဆုံးအချက်ဖြစ်တယ်လို့  ရန်ကုန်မြို့က အထင်ကရ အိုင်တီသမား နာမည်ကျော် ဉာဏ်ကြီးရှင် (Genius) အော်ဂဲနစ် ကော်ဖီလုပ်ငန်း ထူထောင်သူ  ဦးငွေထွန်းက ပြောလိုက်ပါတယ်။ ၄၁ နှစ်အရွယ် ဦးငွေထွန်းက  ကမ္ဘောဇဘဏ်လီမိတက်ရဲ့  ၂ဝ၁၄ ခုနှစ်အတွက် စွန့်ဦးတီထွင် စီးပွားရေးလုပ်ငန်းရှင်ဆုကို ရရှိထားသူလည်း ဖြစ်ပါတယ်။

ဦးငွေထွန်းက ရှမ်းပြည်နယ်ထွက် ဓာတုဆေး ကင်းလွတ်တဲ့ ကော်ဖီစေ့ကုန်ကြမ်းအသုံးပြုပြီး ၂ဝ၁၂ မှာ  ကော်ဖီလုပ်ငန်းကို အစပြုခဲ့တာပါ။  အော်ဂဲနစ်ဆိုင်ရာ နိုင်ငံတကာအသိအမှတ်ပြုလက်မှတ်ကို အချိန်တိုအတွင်းမှာပဲ ရရှိအောင် လုပ်ဆောင် နိုင်ခဲ့တဲ့ ဦးငွေထွန်းက  လုပ်ငန်းစတင်ခဲ့ပုံတွေ၊ ရင်ဆိုင်ရတဲ့ အခက်အခဲတွေကို   ပြောပြထားပါတယ်။

မေး။     ။ ဉာဏ်ကြီးရှင် ကော်ဖီလုပ်ငန်းကို စတင်ဖို့အတွက် ဘယ်လို စိတ်ကူးရခဲ့ပါသလဲ။
ဖြေ။     ။ ပြည်ပရောက်တဲ့အခါ စူပါမားကက်တွေကို သွားကြည့်ကြည့်တယ်၊ ဗမာကော်ဖီတွေ ထွက်သလားဆိုတော့ ထွက် တယ်။ ကော်ဖီ ၁၄၊ ၁၅မျိုးလောက် ရှိတယ်။ ဒါပေမယ့် ဘယ်တုန်းက လှော်ထားတယ်၊  ဒီကော်ဖီက ဘယ်ကလဲဆိုတာ မ ပြောထားဘူး၊ အဲဒါတွေအားလုံးကို ကျွန်တော် သတိထားမိတယ်။ ဟုတ်ပြီ။ ဒါဆိုရင်တော့ ကျွန်တော်ထုတ်မယ်ဆိုရင် ဖြစ် နိုင်တယ်။ အဲဒီလိုနဲ့ ကော်ဖီစထုတ်ဖြစ်တာ။ စခါစတော့ ကော်ဖီကို ကုန်ကြမ်းပဲရောင်းမယ်ဆိုပြီး စိတ်ကူးတာ။ သူများက ဒေါ်လာ ၃,ဝဝဝ ရောင်းရင်။ ကျွန်တော်က  ၅,ဝဝဝ ရအောင် ဘယ်လိုလုပ်မလဲစဉ်းစားပြီးတော့ ထုတ်တာ။ ကုန်ကြမ်း တစ် တန်လောက်ထုတ်ခဲ့ပြီးတဲ့အခါမှာ ကိုယ့်ကော်ဖီအကြောင်းကို သိအောင်လုပ်ရမယ်ဆိုပြီးတော့ လှော်ကြည့်တယ်။ လှော် ကြည့်ရင်းနဲ့မှ အမျိုးတွေကိုပေး၊ ပွဲတွေမှာလှူ၊ အဲဒီလိုနဲ့မှ သိလာပြီးတော့ အထုတ်လေးတွေ စမ်းထုတ်ကြည့်ပြီးတော့ ရောင်း ကြည့်တာပါ။

မေး။     ။ ကော်ဖီလုပ်ငန်းထဲ စဝင်ချိန်မှာ ဘယ်လိုအခက်အခဲတွေနဲ့ ရင်ဆိုင်ရသလဲ။
ဖြေ။     ။ အခက်အခဲကတော့ ဈေးကွက်  သတင်းအချက်အလက် ရှာဖွေလို့ မရဘူး။ ဥပမာ ဗမာပြည်မှာ ကော်ဖီဘယ်နှစ်မျိုး ရှိသလဲ။ အဲဒါတွေကို သိရဖို့အတွက် ကော်ဖီတွေအကုန်လုံးကို စမ်းသောက်ကြည့်၊ ပြီးရင် ဘယ်ကော်ဖီက ဘယ်အဆင့်ရှိ တယ်ဆိုပြီး အကုန်လုံးသိအောင်လုပ်ပေါ့။ နောက်တစ်ခုကတော့ ဒီမှာက ကော်ဖီနဲ့ပတ်သက်တဲ့ နည်းပညာ၊ ဗဟုသုတ၊ သ တင်းအချက်အလက် အဲဒါတွေကို ရမယ့်နေရာမရှိဘူး။ အဲဒါတွေကတော့ အဓိကပြဿနာပေါ့။

မေး။     ။ ဈေးကွက်ကို ဘယ်လိုကြိုးစားပြီးရှာဖွေခဲ့ပါသလဲ။
ဖြေ။     ။ လွန်ခဲ့တဲ့ ၄ နှစ်လောက်တုန်းက မြန်မာပြည်ကို နိုင်ငံခြားသားတွေ လာလည်လို့ ပြန်ရင် ဝယ်စရာပစ္စည်းမရှိဘူး။ မြန်မာပြည်က ထွက်ကုန်ဆိုပြီးတော့ ဝယ်သွားစရာ ပစ္စည်းမရှိဘူး။ ဝယ်ဖို့အတွက်ကလည်း တချို့ပစ္စည်းတွေက ဗမာ လိုတွေပဲ ရေးထားတယ်။ တချို့ပစ္စည်းတွေက အသေအချာ ဘာမှမလုပ်ထားဘူး။ ကျွန်တော်တို့ နိုင်ငံခြားသွားရင် အပြန်မှာ အိမ်အတွက် လက်ဆောင်ပေးဖို့ တစ်ခုခုပြန်ပြီး ဝယ်သွားကြတယ်။ သူတို့တွေလည်း အပြန်မှာ ဝယ်သွားချင်ကြမှာပဲဆိုပြီး စဉ်းစားမိတယ်။ အဲဒီ လက်ဆောင်ပစ္စည်းဈေးကွက်က အကြီးကြီးပဲဆိုတာ သွားတွေ့တယ်။ လွန်ခဲ့တဲ့ ၄နှစ်လောက်တုန်းက ဒီကို ခရီးသွားတွေကလည်း လာတယ်။ အဲဒီခရီးသွားတွေ အတွက် တစ်ခုခုတော့ပေးဖို့ ကြိုးစားမယ်ပေါ့။ ကျွန်တော့်ကော်ဖီကို ကျွန်တော်ရောင်းဖို့စဉ်းစားတဲ့အခါမှာ အဲဒီလက်ဆောင်ပစ္စည်းဈေးကွက်ကို အရင်စစဉ်းစားတာ၊ အသွင်အပြင်က သူတို့ ကြိုက်တဲ့ဟာမျိုးဖြစ်ဖို့ လိုတယ်။ ကျန်တဲ့ကော်ဖီတွေကို ကြည့်လိုက်တဲ့အခါမှာတော့ အကုန်လုံးက ပလက်စတစ်တွေနဲ့ ထုပ် တယ်။ ဖန်စီအရောင်တွေနဲ့ ထုတ်တယ်။  ကျွန်တော်တို့ အဲဒီလိုကာလာတွေ မထုတ်ဘူး၊ စက္ကူအရောင်လေးနဲ့ထုတ်မယ်ဆိုပြီး လုပ်တယ်။ ဈေးကွက်ကိုကြည့်တော့လည်း ဒီမှာကော်ဖီသောက်မယ့်သူတွေက   ကျန်းမာရေးလိုက်စားတဲ့သူတွေ၊ နောက် တစ်မျိုးက ဒီမှာအမြဲနေတဲ့နိုင်ငံခြားသားတွေက သောက်တယ်။ အဲဒီဈေးကွက်ကလည်းမသေးဘူးဆိုပြီးတော့ အဲဒီဈေးကွက် ကို အဓိကထားပြီးတော့ လုပ်တယ်။ အခုကတော့ ဈေးကွက် ပိုပြီးကျယ်ပြန့်လာအောင် လုပ်ပါတယ်။

မေး။     ။ အော်ဂဲနစ်ကော်ဖီက တခြားကော်ဖီတွေက ဘယ်လိုကွာခြားချက်တွေရှိပါသလဲ။
ဖြေ။     ။ အော်ဂဲနစ် ကော်ဖီကတော့ အဲဒါက ဘယ်ကလာလဲဆိုတာအထိ သိတယ်။ ပုံမှန်ထုတ်တဲ့ ကော်ဖီကတော့ ဘယ် ကလာမှန်းမသိဘူး။ ဒီနယ်ကတော့ သိတယ်။ ဒါပေမယ့် ဒီကော်ဖီက မောင်ဖြူဆီကလား၊ မောင်မဲဆီကလားဆိုတာတော့ ဘယ်ရွာကလာတာလဲတော့ မသိဘူး။ ရောသွားပြီ။ အရသာတွေကလည်း ပြောလို့ ပုံမှန်မရနိုင်ဘူး။ ကောင်းချင်ရင်လည်း ကောင်းနိုင်သလို တစ်ခါတစ်ခါလည်း မကောင်းချင်လည်း မကောင်းဘူး။ အော်ဂဲနစ်ကတော့ သေချာတယ်။ ဒီလိုအရသာပဲ ပုံမှန်ဖြစ်နေမှာ။ ပြောင်းစရာမရှိဘူး။ ဘာကြောင့်လဲဆိုတော့ ကျွန်တော်တို့ထုတ်တဲ့ အော်ဂဲနစ်ကော်ဖီတွေက (ရှမ်းပြည်နယ်) ရွာငံဒေသ၊ အလယ်ကိုင်းရွာ တစ်ရွာထဲကပဲလာတာ။ ကော်ဖီစိုက်တောင်သူ ၅ဝ က အဲဒီရွာမှာ ဧက ၇၈ ဧကမှာ အော် ဂဲနစ် ကော်ဖီ စိုက်ပျိုးနေတာ။

မေး။     ။ အော်ဂဲနစ်ကော်ဖီစိုက်ပျိုးဖို့အတွက် ကော်ဖီစိုက်တောင်သူတွေကို ဘယ်လို စည်းရုံးခဲ့ရသလဲ။
ဖြေ။     ။ သူတို့က စိုက်ထားပြီးသား။ အဓိကကတော့ အော်ဂဲနစ်ဆိုတဲ့သဘောကတော့ အဲဒီအဆင့်အတန်းတွေနဲ့ ညီရဲ့ လားဆိုတာကို အသိအမှတ်ပြုလက်မှတ်ပေးလိုက်တာ။ ဒီဒေသမှာရှိတဲ့ မြေယာနောက်ခံအချက်အလက်တွေကို အေးဂျင့် တစ်ယောက်က အကုန်လုံးကို လိုက်ကောက်တာပေါ့။ သူကလည်း အဲဒီမှာနေခဲ့တာ ၁ဝ နှစ်လောက်ရှိပြီ။ ဒါရဲ့ မြေယာ နောက်ခံအချက်အလက်တွေ အကုန်လုံးကို သူကသိတယ်။ ကျန်တဲ့သူတွေကိုလည်း မေးတယ်။ ခင်ဗျားတို့ ဘာတွေစိုက် ဖူးလဲ။ ဘယ်လိုဆေးဝါးတွေ သုံးဖူးလဲ၊  အဲဒီရွာကိုသွားပြီး ကွင်းဆင်းကြည့်။ လိုအပ်တဲ့ အချက်အလက်တွေကိုစု။ လူတွေကို လည်း စည်းရုံး။ အော်ဂဲနစ်ဆိုတာဘာလဲဆိုတာကိုပြော။ သင်တန်းတွေလုပ်။ ကော်ဖီဝယ်တဲ့အချိန်မှာ ဈေးပိုရမယ်ဆိုတဲ့ အကြောင်းတွေကို ပြောပြီး စည်းရုံးခဲ့တယ်။ ဥပမာ ပုံမှန်ကော်ဖီက ၁,ဝဝဝ ပဲ ရရင် အော်ဂဲနစ်ကော်ဖီဆို ၁,၅ဝဝ ပေးတယ်။ မနှစ်ကဆိုရင်တော့ သူတို့စဉ်းစားနေကြသေးတယ်၊ ၁ဝဝ ရှိတဲ့ အထဲမှာ ၅ဝ ပဲ လုပ်တယ်၊ ဒီနှစ်မှာတော့ တစ်ရွာလုံးက လုပ် လာကြတယ်။ သူတို့ရွာက ဒီမြို့နယ်မှာ စံပြ ဖြစ်ချင်လာကြတယ်။ အသိအမှတ်ပြုလက်မှတ်ရဖို့က သိန်း ၁ဝဝ လောက်ကို ကျွန်တော်တို့က ရင်းထားရတယ်။ အဲဒါက စွန့်စားမှုပဲ။ အဲဒီလိုနဲ့ ကျွန်တော်တို့ ဗမာပြည်မှာ ပထမဆုံး အော်ဂဲနစ်ကော်ဖီဆိုပြီး ထုတ်နိုင်ခဲ့တယ်။

မေး။     ။ ပြည်ပပို့ဖို့အတွက် ဈေးကွက်ရှာတဲ့အကြောင်း ပြောပြပါဦး။
ဖြေ။     ။ ၂ဝ၁၃ ကနေစပြီးတော့ ပို့ဖြစ်တယ်။ အဓိကကတော့ ဂျပန်ကို များတယ်။ ကုန်ကြမ်းက ဟောင်ကောင်နဲ့ ထိုင်ဝမ်နဲ့ များတယ်။ စင်္ကာပူကိုလည်း ပို့တယ်။ သြစတြီးယားနဲ့ဂျပန်ကတော့ အသင့်စားလို့ရတဲ့ ထွက်ကုန်ကို ပို့ပေးတယ်။ အဓိက အခက်အခဲကတော့ မြန်မာဆိုတဲ့ဟာကို နိုင်ငံတကာက မသိဘူး။ မြန်မာကို နိုင်ငံတကာက သိအောင် ပထမဆုံး ကြိုးစား ရတယ်။ အဲဒါက အဓိကအခက်အခဲပဲ။ သိပြီးတဲ့အခါမှာတော့ နမူနာတွေပို့ရတယ်။ ကျွန်တော်တို့က အာဆီယံအဆင့်မှာ လည်း တော်တော်ကောင်းတဲ့ ကေ်ာဖီအရည်အသွေးတွေ ရထားတယ်။ မြေကြီးက တော်တော်ကောင်းတယ်။ မြေကြီးက ဗီယက်နမ်တို့ဘာတို့လို မြေသြဇာတွေ အများကြီးသုံးပြီးတော့ စိုက်ထားတာ မဟုတ်ဘူး။ အဲဒါကိုသာ အသုံးသေသေချာချာ ချနိုင်တယ်ဆိုရင် ကော်ဖီနဲ့ နိုင်ငံခြားဝင်ငွေတွေ၊  အလုပ်အကိုင်အခွင့်အလမ်းတွေ ရနိုင်တယ်။ အဲဒီအရပ်ဒေသတွေကို ဖွံ့ဖြိုး ဖို့ဆိုရင် အဲဒီလူတွေကိုယ်တိုင်က အလုပ်အကိုင်တွေ ဝင်ငွေတွေရှိလာမှ ဖွံ့ဖြိုးအောင် လုပ်နိုင်မှာပေါ့။

မေး။     ။ စွန့်ဦးတီထွင် စီးပွားရေးလုပ်ငန်း လုပ်ချင်တဲ့ လူငယ်တွေကို ဘာတွေများ အကြံဉာဏ်ပေးချင်ပါသလဲ။
ဖြေ။     ။ လုပ်ငန်းလုပ်တဲ့အခါမှာ ကိုယ့်ရဲ့နည်းပညာနဲ့ ရင်းနှီးမြှုပ်နှံမှုကို မျှတအောင်သုံးဖို့ရယ်။ အဓိကကတော့ စေတနာ ပါပဲဗျ။ စေတနာသာ ကောင်းမယ်ဆိုရင်တော့ ကျန်တဲ့ဟာတွေအားလုံးက သူ့ဘာသာသူနောက်ကနေ လိုက်လာပါလိမ့်မယ်။ ။

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်