မျိုးတေဇာမောင် ● မာမွတ်ဒါဝတ်ရှ်

January 20, 2017

မျိုးတေဇာမောင် ● မာမွတ်ဒါဝတ်ရှ် 
(Mahmoud Darwish – Palestine, 1941-2008)
(မိုးမခ) ဇန်နဝါရီ ၂၀၊ ၂၀၁၇

မာမွတ်ဒါဝတ်ရ်ှကို ၁၉၄၁ ခုနှစ် မတ်လ ၁၃ ရက်နေ့မှာ ပါလက်စတိုင်း အနောက်ဘက်ကမ်းက Al Birwa ဆိုတဲ့ရွာလေးမှာ ဖွား မြင်ခဲ့ပါတယ်။ မိခင်ဖြစ်သူက စာမတတ်ပေမယ့် အဘိုးဖြစ်သူက ဒါဝတ်ရ်ှကို စာရေးစာဖတ်သင်ကြားပေးခဲ့ပါတယ်။

၁၉၄၇ ဇွန်လ အစ္စရေးလ်တပ်တွေ ကျူးကျော်လာတဲ့အခါမှာ သူတို့မိသားစု လက်ဘနွန်ကို ထွက်ပြေးခဲ့ကြတယ်။ သူတို့ရွာ လေးဟာ အစ္စရေးလ်စစ်တပ်ရဲ့ ချေမွှဖျက်ဆီးတာခံလိုက်ရပါတယ်။

ဒီဖြစ်ရပ်တွေဟာ ဒါဝတ်ရ်ှရဲ့ ဘဝနဲ့ကဗျာမှာ အမြဲလွှမ်းမိုးနေခဲ့ပုံရပါတယ်။ သူဟာ ပါလက်စတိုင်းလွတ်မြောက်ရေးအဖွဲ့တွေမှာ ထဲထဲဝင်ဝင်ပါဝင်သူလည်း ဖြစ်ပါတယ်။

သူ့ရဲ့ကဗျာတွေဟာ ပါလက်စတိုင်းလွတ်မြောက်ရေးလှုပ်ရှားမှုအပေါ် ဩဇာကြီးပါတယ်။ ပါလက်စတိုင်းအမျိုးသား ကဗျာ ဆရာ (Natuonal Poet Laurate) အဖြစ် သတ်မှတ်ခံရသူပါ။ ပထမဆုံးကဗျာစာအုပ်ကတော့Wingless Birds ဖြစ်ပြီး အ သက်ဆယ့်ရှစ်နှစ်အရွယ်မှာ ထုတ်ဝေခဲ့တာဖြစ်ပါတယ်။ ကဗျာစာအုပ်ပေါင်း အတွဲသုံးဆယ်ကျော်ထုတ်ဝေခဲ့ပြီး ဘာသာစ ကား နှစ်ဆယ်ကျော် ဘာသာပြန်ခဲ့ပြီးပါပြီ။

အခုဘာသာပြန်တင်ဆက်လိုက်တဲ့ Identity Card ကို ၁၉၆၅ မေလ ၁ ရက်နေ့မှာ Nazareth ဆိုတဲ့ ရုပ်ရှင်ရုံမှာ လူထုကို ရွတ်ဆိုပြခဲ့ပြီး အာရပ်ကမ္ဘာမှာ ရက်ပိုင်းအတွင်းပျံ့နှံ့သွားခဲ့ပါတယ်။ မှတ်ပုံတင်ကတ်လို့ဘာသာပြန်လိုက်ပေမယ့် အစ္စရေးလ် သိမ်းထားတဲ့ ပါလက်စတိုင်းမှာ ဒီကတ်ပြားတွေဟာ နိုင်ငံသားကတ်ဆိုတာထက်ပိုပါတယ်။ ခွဲခြားဆက်ဆံမှုကိုပြတဲ့ သဘော သက်ရောက်ပါတယ်။ မာမွတ်ဒါဝတ်ရှ် ဟာအစ္စရေးလ်ကဗျာဆရာ ဟူဒါအာမီချိုင်းလိုပဲ သီးခြားလေ့လာရမယ့်ကဗျာဆရာ ဖြစ်ပြီး အာမီချိုင်းနဲ့ ဒါဝတ်ရှ် ပူးတွဲလေ့လာခြင်းဟာ ကဗျာကတဆင့် အစ္စရေးလ်ပါလက်စတိုင်းပြဿနာကို စူးစမ်းနိုင်မယ့်ပ ရောဂျက်တစ်ခုလည်းဖြစ်တယ်လို့ မြင်မိပါကြောင်း စကားချပ်ပြောပါရစေ။

|မှတ်ပုံတင်ကတ်|

ရေးလိုက်
ငါဟာအာရပ်တစ်ယောက်
ငါ့မှတ်ပုံတင်ကတ်နံပါတ်က ၅ ငါးသောင်း
ငါ့မှာကလေးရှစ်ယောက်ရှိတယ်
ကိုးယောက်မြောက်ကလေး လာမယ့်နွေမှာမွေးမယ်
မင်းတို့ စိတ်တိုကြဦးမလား။

ရေးလိုက်
ငါဟာအာရပ်တစ်ယောက်
ဘဝတူအလုပ်သမားတွေနဲ့အတူ
ငါကျောက်မိုင်းမှာအလုပ်လုပ်တယ်
ငါ့မှာကလေးရှစ်ယောက်ရှိတယ်
သူတို့အတွက် ပေါင်မုန့်
အဝတ်အထည်နဲ့စာအုပ်ဖိုးတွေ
ကျောက်ခဲတွေဆီကရတယ်
ငါ မင်းတို့ တံခါးဝမှာ အလှူမခံဘူး
ငါ မင်းတို့အခန်းလှေခါးထစ်မှာ အသနားမခံဘူး
မင်းတို့ စိတ်တိုကြဦးမလား။

ရေးလိုက်
ငါဟာအာရပ်တစ်ယောက်
ငါ့မှာ ဘွဲ့ထူးတတ်မထားတဲ့ နာမည်တစ်ခုရှိတယ်
ဒေါသတကြီးဖြစ်နေတဲ့လူတွေရဲ့တိုင်းပြည်မှာ
ငါ သည်းခံနေထိုင်တယ်
ငါ့အမြစ်တွေဟာ ကာလတရားမမွေးဖွားခင်ကတည်းက ကုတ်တွယ်ပြီးသား၊ထင်းရှူးပင်တွေမပေါက်ခင်
သံလွင်ပင်တွေ၊မြက်တွေမပေါက်ခင်ကတည်းက။
ငါ့အဖေ ဟာ လယ်သမားမျိုးရိုးကဆင်းသက်
အခွင့်ထူးခံလူတန်းစားလည်းမဟုတ်
ငါ့အဘိုးဆိုရင်လည်း လယ်သမား
ရွှေပေါ်မြတင်မွေးဖွားကြီးပြင်းခဲ့တာမဟုတ်
ငါကို စာဖတ်မသင်ပေးခင်ကတည်းက
နေမင်းရဲ့ဂုဏ်ဒြပ်အကြောင်းသင်ပေးခဲ့ကြတယ်
ငါ့အိမ်ဆိုရင် လယ်စောင့်တဲလိုပဲ
သစ်ခက်တွေ၊ကြိမ်တွေနဲ့ဆောက်ထားတယ်
ငါ့အဆင့်အတန်းကိုမင်းတို့ကျေနပ်သလား
ငါ့မှာဘွဲ့ထူးတတ်မထားတဲ့ နာမည်တစ်ခုရှိတယ်။

ရေးလိုက်
ငါဟာအာရပ်တစ်ယောက်
ငါ့ဘိုးဘွားဘီဘင်အဆက်ဆက်ရဲ့ သစ်သီးခြံကို
မင်းတို့ခိုးသွားတယ်
ငါ့ သားသမီးတွေနဲ့အတူ ထွန်ယက်ခဲ့တဲ့လယ်ကိုလည်း ခိုးတယ်
ငါတို့အတွက် ဟော့ဒီ့ကျောက်ခဲတွေကလွဲလို့
ဘာမှမကျန်ဘူး
ပြောခဲ့သလို ဒီကျောက်ခဲတွေကိုရော
နိုင်ငံတော်ကသိမ်းဦးမလား။

ဒါဆို
ပထမဆုံးစာမျက်နှာရဲ့ ထိပ်မှာရေးလိုက်
ငါ လူတွေကိုမမုန်းဘူး
မကျုးကျော်မထိပါးဘူး
အေး…ဒါပေမယ့်
ငါဆာလောင်လာတဲ့အခါ
ကျူးကျော်သူတွေရဲ့အသားဟာ ငါ့စားစရာဖြစ်လာမယ်
သတိထား
သတိထား
ငါ့ဆာလောင်မှုကိုသတိထား
ငါ့ဒေါသကိုသတိထား။

Mahmoud Darwish ရဲ့ Identity Card


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ, ဘာသာပြန်ကဏ္ဍ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်