သာလွန်ဇောင်းထက် ● အပြောင်းအလဲမှာ ပြည်သူဟာ အစမ်းသပ်ခံ၊ အနာခံ မဖြစ်ဖုို့ လုိုပါတယ်

January 22, 2017

သာလွန်ဇောင်းထက် ● အပြောင်းအလဲမှာ ပြည်သူဟာ အစမ်းသပ်ခံ၊ အနာခံ မဖြစ်ဖုို့ လုိုပါတယ်
(ဝန်ကြီးချုပ်ဦးဖြိုးမင်းသိန်းထံသုို့ပေးစာ)
(မိုးမခ) ဇန်နဝါရီ ၂၂၊ ၂ဝ၁၇

ပြည်သူတစ်ရပ်လုံးရဲ့ထောက်ခံမှုနဲ့ အာဏာရလာတဲ့ NLD ပါတီက ခန့်အပ်ထားတဲ့ ရန်ကုန်တုိုင်း ဝန်ကြီးချုပ်ဦးဖြိုးမင်းသိန်းက ဇန်နဝါရီလ ၁၆ ရက်နေ့မှာ မထသ ရန်ကုန်ဘတ်စ်ကားလုိုင်း တွေ ဖျက်သိမ်းပြီး YBS လုို့ခေါ်တဲ့ ရန်ကုန်ဘတ်စ်ကားလုိုင်း သစ်တွေကို အကောင်အထည်ဖော်ခဲ့ပါတယ်။

ဒီအကောင်အထည်ဖော်မှုဟာ မုိုက်ရုိုင်းလွန်းတဲ့မထသကို ဖျက်သိမ်းလိုက်ပြီး ယာဉ်ကြောကျပ်တည်းမှုကို လျော့ချနုိုင်ဖုို့ အများ ပြည်သူ သယ်ယူပို့ဆောင်ရေးစနစ် ပုိုမုို ကောင်းမွန်လာအောင် ရည်ရွယ်ခဲ့တယ်လို့ ဦးဖြိုးမင်းသိန်းက ဆိုပါတယ်။

ဒါ့အပြင် အက္ခရာ အငှားယာဉ် တွေကုို လည်း အိမ်စီးကားအဖြစ် ပြန်ပြောင်းဖုို့ အစီအစဉ် ရှိတယ်လုို့ သူက သတင်းစာရှင်းလင်းပွဲ ကျင်းပ ပြောဆုိုခဲ့ပါတယ်။ ဒါတွေနဲ့ပတ်သက်လုို့ သုံးသပ်ချက်တချို့ ဝန်ကြီးချုပ်ထံ ပေးစာအဖြစ် ရေးသားပေးပုို့လုိုက်ပါတယ်။

● YBS က ပြည်သူတွေကုို အဆင်ပြေစေမှာလား
ဇန်နဝါရီလ ၁၆ ရက်နေ့ YBS စတင်ချိန်ကတည်းက ပြည်သူတွေကြားမှာ ရုိုက်ခတ်မှု အတော်ကုိုကြီးမားခဲ့ပါတယ်။ YBS ဟာ ကြိုတင်ပြင်ဆင်မှု အားနည်းခဲ့တာကြောင့် ပြည်သူတွေအတွက် အတော်ကုိုအခက်ဖြစ်စေတဲ့စနစ်ပါပဲ။

အရင် မထသ မဖျက်သိမ်းခင် ယာဉ်ကြောကျပ်တည်းမှုမှာ တစ်ဆင့်တည်းရောက်တဲ့ခရီးစဉ်တွေဟာ ၂ ဆင့် စီးရပါတယ်။ ခရီးဝေးသူတွေဆုိုရင် ၃ ဆင့်တောင် စီးရပါတယ်။ နုိုင်ငံတကာပုံစံ မြို့တွင်းယာဉ်ကြပ်တည်းမှုလျော့ချလုိုပြီး အများပြည်သူ ပုို့ဆောင်ရေးစနစ်သစ်ကုို အဆင့်မြှင့်ဖို့ဆုိုပြီး ဝန်ကြီးချုပ်က ပြောဆုိုထားပါတယ်။

လက်ရှိအချိန်မှာ ပြည်သူအများစု YBS နဲ့ အဆင်မပြေကြပါဘူး။ မုိုက်ရုိုင်းလွန်းတဲ့ မထသကို ပြည်သူတွေက မကြိုက်ကြ ပေမယ့် အခု အဆင့်ဆင့်စီးရတဲ့ YBS ကို ပြည်သူတွေ တကယ့်ကိုအဆင်မပြေပါဘူး။ အချိ်န်လည်း အရမ်းကြာနေဆဲပါပဲ။

ဇန်နဝါရီလ ၁၆ ရက်ကနေ ဇန်နဝါရီလ ၁၈ ရက်နေ့အထိ ပြည်သူပေါင်း ၁ဝဝ ကို အခမဲ့ ကားမောင်းလုိုက်ပို့ရင်း စစ်တမ်းတရပ် ကျနော်လုပ်ခဲ့ပါတယ်။ အစပိုင်းမုို့ နောက်ဆုိုရင်အဆင်ပြေသွားမှာပါလုို့ မျှော်လင့်ကြတဲ့ သူ ၂၅ ဦးရှိပြီး ၆၅ ဦးကတော့ အဆင်မပြေတဲ့အပြင် အခက်အခဲတွေဖြစ်ပေါ်စေတယ်လုို့ ဆုိုပါတယ်။ ၁ဝ ဦးက ကြိုက်နှစ်သက်တယ်လုို့ ဆုိုပါတယ်။ ဝန် ကြီးချုပ်အနေနဲ့ ကုိုယ်စတင်ခဲ့တဲ့ YBS ကို လူထုလက်ခံမှု ဘယ်လောက်ရှိတယ် မရှိဘူးဆိုတာ စစ်တမ်းကောက်သင့်ပါတယ်။

● ဘာလုို့ အဆင်မပြေတာတဲ့လဲ
ကျနော်ရဲ့စစ်တမ်းမှာ အဆင်မပြေဘူးလုို့ ဖြေဆုိုခဲ့သူ ၆၅ ဦးမှာ အများစုကတော့ အဆင့်ဆင့်စီးရတာ၊ ကားနည်းပါးတာ၊ စရိတ်ပုိုတက်သွားတာကြောင့် ဖြေဆုိုကြပါတယ်။ ခရီးဝေးတဲ့သူဆုိုရင် ၃ ဆင့်စီးရလို့ အတော်ကုို မောမောပန်းပန်း သွားလာ ရတယ်လုို့ ဆုိုပါတယ်။ တစ်နေ့လုပ်မှ တစ်နေ့စား ပြည်သူတချို့ကတော့ သွားလာစရိတ် အတော်ကိုတက်သွားလုို့ ဝင်ငွေ အတော်ထိခိုက်တယ်လုို့ ဆုိုပါတယ်။

● YBS ဘယ်လဲ ဘာလဲ
တကယ်တော့ YBS ဟာ အင်မတန်မှ ကောင်းမွန်တဲ့ စနစ်ပါ။ စစ်အစုိုးရခေတ် မထသဟာ လုိုင်းဟာ လုိုင်းတွေ များပြားပြီး ယာဉ်တွေ အလွန်များပြားပါတယ်။ အလုအယက် အပြိုင်အဆုိုင် မောင်းကြ၊ ခရီးသည်တွေအပေါ် မုိုက်မုိုက်ရုိုင်းရိုင်း ဆက်ဆံ ကြတဲ့ တကယ့်ကုို လူမုိုက် ဂုိုဏ်းပါပဲ။ မထသကို ဖျက်သိမ်းတာ မှန်ကန်တဲ့လုပ်ရပ်ပါ။ ဒါပေမယ့်လည်း ယာဉ်လုိုင်းအားလုံးကုို ရပ်ဆုိုင်းလုိုက်ပြီး ယာဉ်လုိုင်း ၇၀ နဲ့ ပြန်လည်ပြေးဆွဲတာက မှားယွင်းပါတယ်။

အဆင့်ဆင့်စီးရမယ့်ခရီးစဉ်အတွက် ကားတွေ အဆင့်သင့်မရှိဘဲ ယာဉ်လိုင်းတွေဖျက်သိမ်းတာဟာ ပြည်သူတွေကုို အစမ်း သပ်ခံအဖြစ် သဘောထားတာနဲ့ အတူတူပါပဲ။

အခုကိုပဲ ညဆုိုရင် လိုင်းကားမရှိလုို့ အခက်အခဲဖြစ်နေတဲ့ပြည်သူတွေ လမ်းမပေါ်မှာ ဒုနဲ့ဒေးရှိနေပါတယ်။ သက်ကြီးရွယ်အုို တွေ၊ မမာမကျန်းသူတွေ ၊ မသန်စွမ်းတွေလည်း YBS စနစ်သစ်နဲ့ သွားလာဖုို့ အတော်ခက်နေပါတယ်။

YBS ဟာ ပြင်ဆင်မှု အနည်းဆုံး ၁ နှစ်လောက်ယူပြီးမှ လုပ်သင့်တဲ့ စီမံကိန်း၊ အဆင့်လုိုက် တစ်ဆင့်ချင်း ပြောင်းလဲသင့်တဲ့ စီမံကိန်းကို အစောတလျှင် လုပ်ဆောင်ခဲ့မှုကြောင့် ပြည်သူဟာ အစမ်းသပ်ခံ ဖြစ်ခဲ့ရပါတယ်။

ပြည်သူလူထုကို ကြိုတင်ရှင်းပြရမယ်။ ပြည်သူ့သဘောထားကို ရယူရမယ်။ ပြည်သူတွေစီးနေတဲ့ လမ်းကြောင်းတွေ လေ့ လာ စစ်တမ်းလုပ်ရမယ်။ ပြည်သူအဆင်မပြေဘူးဆုိုရင် အဆင်ပြေအောင်လုပ်နုိုင်မယ့် Plan A ၊ Plan B ၊ Plan C တွေ ထား ရပါ့မယ်။ လောလောဆယ်တော့ ပြည်သူတွေ အခက်အခဲရှိနုိုင်ပါတယ်ဆုိုတဲ့ ဦးဖြိုးမင်းသိန်းစကားဟာ ပြည်သူကို ဦးထိပ် ထားတယ်ဆုိုရင် သုံးနှုန်းသင့်တဲ့ စကားမဟုတ်ပါဘူး။ ပြည်သူဟာ အစမ်းသပ်ခံမဟုတ်ပါဘူး။

ရန်ကုန်အစုိုးရက အခုနောက်ဆုံးသိထားရတာကတော့ တရုတ်နုိုင်ငံက ၂ဝဝ၈ ဘေဂျင်းအိုလံပစ်မှာ သုံးပြီးသား ဘတ်စ်ကား ၁ဝဝဝ ဝယ်ယူမယ်လုို့ သိရပါတယ်။ တရုတ်ကား၊ တရုတ်ပစ္စည်းဆုိုတာ ဘယ်လုိုဆုိုတာ ပြည်သူတွေသိပြီးသားမုို့ YBS ဟာ ပြည်သူတွေ အဆင်ပြေပြေ သွားလာနုိုင်ဖုို့ အတော်ကို ခက်ခဲစေဦးမှာပါ။

နောက်တစ်ခုကတော့ အများပိုင်ကုမ္ပဏီ ဘစ်စ်ကားလုိုင်းတွေမှာ ဘယ်လိုကုမ္ပဏီတွေ ပါဝင်နေကြသလဲ။ နောက်တစ်ခါ ကားတင်သွင်းပေးမယ့် ကုမ္ပဏီတွေက ဘယ်သူတွေလဲဆုိုတာကလည်း စိတ်ဝင်စားစရာပါပဲ။ အများပိုင်စနစ်ဆိုတာ ဘာလဲ ပြည်သူကိုလည်း ချမပြခဲ့ပါဘူး။

ပြုပြင်ပြောင်းလဲရေးမှာ စေတနာရှိရုံနဲ့ မရပါဘူး။ ပြည်သူ အဆင်ပြေနုိုင်ပါ့မလားဆိုတဲ့ လက်တွေ့ ပူပန်မှု အမြဲလိုလုို ရှိသင့် ပါတယ်။ ပြည်သူကုို အခြေမခံတဲ့ ပြုပြင်ပြောင်းလဲရေးဟာ ပြည်သူကို အစမ်းသပ်ခံအဖြစ် သဘောထားတာပါပဲ။

YBS ဟာ နှစ်နဲ့ချီ ကြာမြင့်လာရင်တော့ တဖြည်းဖြည်း အဆင်ပြေလာနုိုင်ပေမယ့် လတ်တလောမှာတော့ ပြင်ဆင်မှုနည်းလုို့ ပြည်သူတွေ ခက်ခဲနေမှာ အသေအချာပါပဲ။

● လာပြန်ပြီ TAXI
ဦးဖြိုးမင်းသိန်းက အက္ခရာ Taxi တွေကို အိမ်းစီးကား အနက်ပြန်ပြောင်းမယ်လုို့ သတင်းထုတ်ပြန်ပါတယ်။ အငှားယာဉ်တွေ စနစ်တကျဖြစ်လာဖို့နဲ့ လမ်းကျပ်တည်းမှုတွေကို ရှောင်ရှားဖုို့ ရည်ရွယ်ချက်ကောင်းတွေကြောင့်လို့ သိရပါတယ်။ ကြိုဆုိုပါ တယ်။ နုိုင်ငံတကာလုို မီတာ Taxi တွေဖြစ်လာရင် စီးနင်းမယ့် ခရီးသည်အတွက် ပုိုကောင်းလာပါတယ်။

● TAXI ကုို ဘယ်သူတွေ မောင်းကြတာလဲ
ရန်ကုန်မြို့မှာ Taxi ၆ သောင်းကျော် ရှိပြီး ၂၇ဝဝဝ ကျော်က အက္ခရာ Taxi တွေ ဖြစ်တယ်လုို့ ထုတ်ပြန်ချက်တွေအရ သိရပါ တယ်။ ရန်ကုန်မှာ တက္ကစီမောင်းကြသူတွေဟာ အလုပ်မရှိလုို့ တက္ကစီမောင်းကြသူများပါတယ်။ စစ်အစုိုးရခေတ်ကတည်းက အလုပ်မရှိရင် ကားမောင်းကြရင်းနဲ့ တက္ကစီတွေ များလာတာဖြစ်ပါတယ်။

လမ်းကြော ကျပ်တည်းမှုနဲ့ အငှားယာဉ် စနစ်တကျဖြစ်လာဖို့ အက္ခရာ Taxi တွေကို အနက် ပြန်ပြောင်းလိုက်လုို့ အလုပ်လက်မဲ့ ဖြစ်သွားမယ့် တက္ကစီ ယာဉ်မောင်း ၂၇ဝဝဝ ကျော်အတွက် ဘယ်လုိုတွေစီစဉ်ထားပါသလဲ။

တက္ကစီ ယာဉ်မောင်း ၂၇ဝဝဝ ကျော်မှာ သူတို့ကို မှီခိုနေတဲ့ မိသားစု အနည်းဆုံး ၄ ဦးနဲ့ တွက်ရင်ကုို လူတစ်သိန်းကျော်ရှိပါတယ်။ အလုပ်လက်မဲ့ဖြစ်သွားရင် အဲဒီလူတွေရဲ့စားဝတ်နေရေးတွေ ဘယ်လိုဖြစ်လာမလဲ။ အလုပ်လက်မဲ့ ဖြစ်လာမယ့် ယာဉ်မောင်း တွေ၊ သူတုို့ကို မှီခိုနေတဲ့ မိသားစုတွေ စားဝတ်နေရေး၊ သူတုို့သားသမီးတွေရဲ့ ပညာရေး ကျန်းမာရေး ဘာတွေ ဆက်ဖြစ် လာမလဲ။ တက္ကစီယာဉ်ပုိုင်ရှင်တွေအနေနဲ့ကတော့ နံပါတ်အနက် ပြန်ပြောင်းရင်တောင် အဲဒီကားတွေကုို ပြန်ရောင်းလုို့ရ သေးတာမို့ နစ်နာမှုမရှိပါဘူး။

တက္ကစီယာဉ်တွေ ဒုနဲ့ ဒေးတင်သွင်းနုိုင်တဲ့ ကုမ္ပဏီတွေအတွက်ကတော့ အခွင့်အလမ်းတစ်ရပ်တော့ ဖြစ်လာနုိုင်ပါတယ်။ ပြည်သူတွေ မီတာနဲ့ စနစ်ကျစီးနုိုင်တဲ့ အငှားယာဉ်စနစ်ဖြစ်လာနုိုင်တာ ကြိုဆုိုရမှာဖြစ်ပေမယ့် လောလောဆယ် အလုပ် လက်မဲ့ဖြစ်မယ့် ယာဉ်မောင်း ၃ဝဝဝဝ နီးပါးအတွက်တော့ တစ်ခုခု စီစဉ်ပေးရပါလိမ့်မယ်။

● အပြောင်းအလဲမှာ ပြည်သူသာ အဓိက
အပြောင်းအလဲ လုပ်မယ်ဆုိုတုိုင်း ပြည်သူကုို မျက်နှာမူဖို့ လုိုပါတယ်။ ခေတ်အဆက်ဆက် စနစ်ဆုိုးကြောင့် ဒီနေ့ ဖြစ်ပေါ်နေ တဲ့အခြေအနေတွေကို စနစ်သစ်နဲ့ အစားထုိုးတဲ့အခါ ပြည်သူဟာ အစမ်းသပ်ခံ မဖြစ်ဖုို့ အရေးကြီးပါတယ်။

မြို့တော်ကြီးကုို နုိုင်ငံတကာ အဆင့်မီ ခေတ်မီမြို့တော်ကြီးအဖြစ် ကျနော်တုို့လည်း မြင်ချင်ပါတယ်။

ဒါပေမယ့် ခေတ်မီမြို့တော်ကြီးဖြစ်လာဖို့ ပြည်သူတွေက အစမ်းသပ်ခံ စတေးခံရပြီးမှ ရလာမယ့် ခေတ်မီမြို့တော်ကြီးကိုမလုိုချင်ပါဘူး။ အပြောင်းအလဲဟာ ပြည်သူမနာတဲ့ အပြောင်းအလဲဖြစ်ဖုို့ လုိုပါတယ်။ ဒေါ်အောင်ဆန်းစုကြည်ကုိုယ်တုိုင်က အ ပြောင်းအလဲမှာ ပြည်သူကို မနာစေတဲ့ အပြောင်းအလဲကုို လုပ်မယ်လုို့ အမြဲလုိုလိုပြောခဲ့တာမို့ ဦးဖြိုးမင်းသိန်းအနေနဲ့ ဒီစ ကားကုို မမေ့ဖုို့ လုိုပါတယ်။

ကျနော်တုို့လည်း အပြောင်းအလဲ လုိုချင်ပါတယ်။ ပြည်သူကုို မထိခိုက်တဲ့ အပြောင်းအလဲ၊ ပြည်သူ မနာတဲ့ အပြောင်းအလဲကိုပဲ လုိုချင်တာပါ။

ဓာတ်ပုံ – ငြိမ်းချမ်းအေး


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မှတ်စုမှတ်တမ်း, ဝေဖန်ရေးရာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်