ဇာဝါရီ – ၂၀၁၇ မြန်မာ ရသစာပေပွဲတော်မှ အိမ်အပြန်

January 26, 2017
My Friend Tin Moe By Maung Swan Yi - Selection of MoeMaKa Articles

ဇာဝါရီ – ၂၀၁၇ မြန်မာ ရသစာပေပွဲတော်မှ အိမ်အပြန်
(မိုးမခ) ဇန်န၀ါရီ ၂၆၊ ၂၀၁၇


ဒီတခေါက် အမိမြေ ပြန်ရောက်ခိုက် ထူးကဲတဲ့ကုသိုလ်ကတော့ ရန်ကုန်မြို့  အမျိုးသားဇာတ်ရုံမှာ ဇန်နဝါရီလ (၂၂) ရက်မှ (၂၄) ရက်နေ့အထိ ကျင်းပပြုလုပ်ခဲ့တဲ့ နိုဘယ်လ်-မြန်မာ စာပေပွဲတော်နဲ့ ကြုံပြီး၊ အဲဒီမှာ မြန်မာ့ဒီမိုကရေစီအရေးတော်ပုံကြီး၏ အညတရသူရဲကောင်းတဦးဖြစ်သူ၊ အလွန်ချစ်ခင်လေးစားဖို့ကောင်းတဲ့ ဒေါ်ခင်ခင်ဝင်း – ပြည်သူ့ခေါင်းဆောင် ဒေါ်အောင်ဆန်းစုကြည် နေအိမ်အကျယ်ချုပ်ကျစဉ် သမီးငယ်နဲ့အတူတူ အကျယ်ချုပ်ကျခံ နေခဲ့သူ – ရေးသားပြုစုခဲ့တဲ့ “ရေဆန်လမ်းမှ အိမ်အပြန်” စာအုပ်မိတ်ဆက်ပွဲကို တက်ရောက်နားထောင်ခွင့် ရခဲ့လို့လည်းဖြစ်တယ်။

အမေရိကန်နိုင်ငံ ဝါရှင်တန်ဒီစီမှာ နှစ်စဉ်ကျင်းပပြုလုပ်တဲ့ အမျိုးသားစာပေပွဲတော်ကို အကြိမ်ပေါင်းများစွာ သွားရောက်ခဲ့ဖူးပေမယ့် မြန်မာပြည်မှာ ကျင်းပပြုလုပ်တဲ့ စာပေပွဲတော်ကိုတော့ ပထမဦးဆုံးအကြိမ် တွေ့ကြုံရပြီး၊ အထူးသဖြင့် ဇန်နဝါရီလ (၂၂) ရက်နေ့ နံနက်ပိုင်းမှာ စာပေပွဲတော် ဖွင့်ပွဲအခမ်းအနားကို စာပေတန်းဖိုး၊ စာပေကို ချစ်မြတ်နိုးတဲ့ နိုင်ငံတော်သမ္မတကြီးဦးထင်ကျော်၊ အမျိုးသားဒီမိုကရေစီအဖွဲ့ချုပ်ပါတီ နာယကကြီး ဦးတင်ဦး၊ နိုင်ငံတော်အကြီးအကဲများ၊ လွှတ်တော်ကိုယ်စားလှယ်များ၊ ရန်ကုန်တိုင်းဝန်ကြီးတို့ တက်ရောက်ပြီး တခမ်းတနား ဖွင့်လှစ်ပေးတာကိုလည်း တွေ့မြင်ရလို့ ဝမ်းမြောက်မိတယ်။

ဖွင့်ပွဲအခမ်းအနားပြီး၊ သမ္မတကြီးနဲ့ နိုင်ငံတော်အကြီးအကဲတွေ အမျိုးသားဇာတ်ရုံရှေ့ ကွင်းထဲမှာ ခင်းကျင်းရောင်းချနေတဲ့ စာအုပ်ဆိုင်များကို လှည့်လည်ကြည့်ရှု၊ စာအုပ်ဝယ်၊ စာအုပ်ရောင်းသူ – ဝယ်သူများနဲ့ တရင်းတနှီး နှုတ်ဆက်စကားပြောဆိုကြ။ စာပေပွဲတော်ကို လာရောက်ကြတဲ့ ရာထောင်ချီ လူတွေကလည်း – အမျိုးသားဇာတ်ရုံကြီးအတွင်း ဟောပြောနေတဲ့ ရသစာပေဆိုင်ရာ စာတမ်းဖတ်ပွဲတွေကို ဝင်ရောက်နားထောင်နေသူများ၊ ဇာတ်ရုံအဝင်ခန်းမကျယ်ကြီးတွင်းရှိ စာပေကော်မတီမှ ရွေးချယ်ပြသထားသော ရသစာပေ စာအုပ် (၁၀၀) နဲ့ စာရေးဆရာများ နှင့် စာအုပ်ဓါတ်ပုံများကို မှတ်သားကြည့်ရှုနေသူများ၊ အပြင်ဘက်ရှိ စာအုပ်ဆိုင် တရာကျော်မှာ ရောင်းချနေတဲ့ ဂန္ထဝင်စာအုပ်အဟောင်းများ၊ ရှားပါးစာအုပ်များ အပါအဝင် ခေတ်ပေါ်ခေတ်ဟောင်း ထောင်သောင်းချီ စာအုပ်စာတမ်းများကို တဆိုင်ဝင်တဆိုင်ထွက် ရှာဖွေဝယ်ယူနေကြသူများ၊ ကယ်ရီကေးချား (Caricature) ကာတွန်းပုံတူ ရေးဆွဲနေကြတဲ့ ကာတွန်းဆရာများနဲ့ ခင်းကျင်းပြသထားတဲ့ ကာတွန်းများကို ငေးမောကြည့်နေသူများ၊ ရွက်ဖျင်တဲငယ်အောက်တွေမှာ ဟောပြောရွတ်ဆိုနေတဲ့ ရသစာဖတ်ဝိုင်း၊ ရေးသူဖတ်သူ ဆွေးနွေးပွဲများ၊ စာအုပ်မိတ်ဆက်ပွဲများကို နားထောင်သူများနဲ့ ခြိမ့်ခြိမ့်သဲ စည်းစည်းကားကား ကျင်းပနေတဲ့မြင်ကွင်းက ကြည်နူးစရာ။

 

စာပေပွဲတော် ဖြစ်မြောက်ရေး ကော်မတီ၏ ပြောဆိုချက်အရ သုံးရက်တိုင်ကျင်းပပြုလုပ်တဲ့ စာပေပွဲတော်ကို လာရောက်အားပေးကြသော စာချစ်သူများကို အလှုရှင်များက ကော်ဖီ၊ ရေသန့်၊ မုန့်ဟင်းခါး၊ ထမင်း၊ ဟင်း၊ ထမနဲ စသည့် စားသောက်ဖွယ်ရာအမျိုးမျိုးဖြင့် နေ့စဉ်လှူဒါန်းကျွေးမွေး၊ အတီးအမှုတ် အကအခုန်များနဲ့ ဖျော်ဖြေ ပျော်ပျော်ရွှင်ရွင် ကျင်းပသွားမည်ဆိုတဲ့အတိုင်း မြင်ရတွေ့ရလို့ ကျေနပ်ဝမ်းမြောက်ခဲ့တယ်။

နေ့စဉ်ရောက်ရှိသွားခဲ့တဲ့ ကြည်နူးစရာ စာပေပွဲတော်ပုံရိပ်များကို ပြန်တွေးကြည့်ပြီး အကျေနပ်ဆုံးက နှစ်လအတော်ကြာ စောင့်မျှော်နေခဲ့တဲ့ ဆရာမကြီးဒေါ်ခင်ခင်ဝင်း ကိုယ်ရေးအထ္ထုပ္ပတ္ထိလို့ ဆိုရမယ့်စာအုပ်ကို ဝယ်ယူရရှိခဲ့ပြီး၊ မြန်မာ့ဒီမိုကရေစီတော်လှန်ရေး၏ မဟာသူရဲကောင်းဆိုရမယ့် အသက် (၉၁) နှစ်လို့ မထင်ရအောင် ကျန်းမာသန်မြန်နေဆဲ အမျိုးသားဒီမိုကရေစီအဖွဲ့ချုပ် နာယကကြီး ဦးတင်ဦးကိုယ်တိုင်တက်ရောက်ပြီး သူ့မှတ်မိသမျှ သိသမျှ ဒေါ်ခင်ခင်ဝင်းအကြောင်း ပြောပြ၊ လက်မှတ်ရေးထိုးပေးတဲ့ စာအုပ်မိတ်ဆက်ပွဲကို တက်ခွင့်ရတဲ့ မဟာအခွင့်အရေးဖြစ်တယ်။

ဒီနေရာမှာ တခုလေးပြောချင်တာက ဆရာမကြီးဒေါ်ခင်ခင်ဝင်းရဲ့  စာအုပ်မိတ်ဆက်ပွဲကို စာအုပ်ထုတ်ဝေသူတွေက အချိန်ပေးအချိန်ယူ မစီစဉ်နိုင်ခဲ့လို့ တခမ်းတနား၊ ကျကျနန မပြင်ဆင်နိုင်ဘဲ၊ ဇာတ်ရုံအပြင်ဘက် ကဗျာရွတ်ဆိုပွဲ ရွက်ဖျင်တဲငယ်လေးထဲမှာ ကျဉ်းကျဉ်းကျုံ့ ကျုံ့  စီစဉ်လိုက်ရတာလို့ ရိုးရှင်းတဲ့ ဆရာမကြီးက တောင်းပန်စကားဆိုတယ်။ ပြီးတော့ (၁၁) နာရီမှာ စတင်မယ့် စာအုပ်မိတ်ဆက်ပွဲကို သမ္မတကြီးနဲ့အတူ စာအုပ်တန်းတွေ လှည့်လည်ကြည့်ရှုနေတဲ့ ဆရာမကြီးအကြောင်း၊ စာအုပ်အကြောင်း မိတ်ဆက်ပြောဆိုမယ့် ဦးတင်ဦး ကို ခေတ္တစောင့်ရတာကြောင့် (၁၁) နာရီခွဲလောက်မှ စတင်နိုင်တယ်။ ဦးတင်ဦး နဲ့ ဒေါ်ခင်ခင်ဝင်းတို့ကို လေးစားချစ်ခင်သူ တရာကျော်လောက်က ထိုင်သူထိုင်၊ မတ်တပ်ရပ်နားထောင်သူတွေနဲ့ ရွက်ဖျင်တဲအပြည့် အားပေးနားထောင်ကြတယ်။

ကြမ်းတမ်းခက်ခဲ အန္တရာယ်များလှတဲ့ ဒီမိုကရေစီ တော်လှန်ရေးလမ်းခရီးပေါ်မှာ နှစ်ပေါင်းများစွာ ယုတ်မာပက်စက် လူမဆန်တဲ့ စစ်အစိုးရကို ဦးမညွှတ် ဆန့်ကျင်တိုက်ပွဲဝင်ခဲ့တဲ့ ရဲဘော်ရဲမက် ညီမငယ်နဲ့ အတူလက်တွဲ ကြုံတွေ့ရင်ဆိုင်ခဲ့ရတဲ့ သမိုင်းဝင် အဖြစ်အပျက် လုပ်ဆောင်မှုများကို ကွင်းကွင်းကွက်ကွက် ရုပ်လုံးပေါ်အောင် ဦးတင်ဦး က ပြန်ပြောင်းပြောပြပြီး စာရေးပျင်းတဲ့ သူ့အဖို့ မိတ်ဆက်စာရေးဖို့ အခက်အခဲဖြစ်ခဲ့ပုံကို ဟာသနှောပြောကာ နောက်ဆုံး လက်ကမချနိုင်အောင် ဖတ်ကောင်းတဲ့ စာအုပ်ကို တထိုင်တည်းဖတ်ပြီး မိတ်ဆက်စာရေးခဲ့ပုံကို ပြောပြတယ်။

မေ့ဖျောက်လို့မရနိုင်တဲ့ နိုင်ငံရေးခရောင်းလမ်း အမှောင်ကာလမှာ ဘယ်လိုဘယ်ပုံ ယုံကြည်ချက်အပြည့်နဲ့ တိုက်ပွဲဝင်ခဲ့ပုံတွေကို အဘဦးတင်ဦး က စီကာပတ်ကုံး ပြောပြပြီးနောက်၊ အမျိုးသားဒီမိုကရေစီအဖွဲ့ချုပ်အဖွဲ့ဝင်၊ လက်ရှိ လွှတ်တော်အမတ် မုံရွာအောင်ရှင်ကလည်း သူသိသမျှ ဒေါ်ခင်ခင်ဝင်းနဲ့ စာအုပ်အကြောင်း အကျဉ်းချုံးပြောပြတယ်။ ဆရာမကြီးကတော့ ခိုင်မာသော ယုံကြည်ချက်နဲ့ ဖြတ်ကျော်လှမ်းခဲ့တဲ့ နိုင်ငံရေးခရီးကြမ်းရှည်ကြီးကို သူချစ်ခင်လေးစားသော ဒေါ်အောင်ဆန်းစုကြည် နဲ့ မိတ်ဆွေအချို့  တိုက်တွန်းကြလို့ မကျန်းမာ၊ မအားမလပ်ကြားက ကြိုးစားရေးခဲ့ကြောင်း၊ သမီးလတ်ဖြစ်သူ (အမေရိကန်နိုင်ငံ VOA အမေရိကန်အသံ သတင်းထောက်) နဲ့ အခမ်းအနားမှူးဖြစ်သူ စာရေးဆရာမနှင်းဝေငြိမ်း၊ Success Language Academy အင်္ဂလိပ်စာကျောင်း ကျောင်းအုပ်ကြီးဆရာအာသာ၊ ဓူဝံစာအုပ်တိုက်ပိုင်ရှင် ဦးဝင်းချို တို့၏ အားပေးကူညီမှုကြောင့်လည်း အခုလို စာအုပ်အဖြစ် ထုတ်ဝေနိုင်ခဲ့ကြောင်း၊ သူ့အနေနဲ့ နှစ်ပေါင်းများစွာ စာဖွဲ့ပြောပြလို့ မပြည့်စုံ မုန်တိုင်းထန်ခဲ့တဲ့ ဘဝခရီးကြမ်းကို စွန့်လွှတ်ပေးဆပ်မှုများစွာနဲ့ မဆုတ်မနစ် ဖြတ်ကျော်လွှာခဲ့တဲ့ မိသားစု နဲ့ ရဲဘော်ရဲဖက်များ၊ စစ်အာဏာရူးများ ခြိမ်းခြောက်ဟန့်တားမှုကြားက ဘက်ပေါင်းစုံ ကူညီအားပေးခဲ့သော မိတ်ဆွေများကို ကျေးဇူးတင်စကားဆိုပြီး အချိန်အကန့်အသတ် တားမြစ်တောင်းဆိုမှုကြောင့် စာအုပ်မိတ်ဆက်ပွဲကို ကမျောကသော ရပ်နားလိုက်ရတယ်။

အဲဒီလို ဒရောသောပါး ရပ်လိုက်ရတဲ့အပေါ် အဘဦးတင်ဦး ကို နှုတ်ဆက်စကားပြောချင်သူတွေ၊ ဆရာမကြီးကို ချစ်ခင်လေးစားသူတွေ၊ အထူးအားဖြင့် ဆရာမကြီး လက်ရှိ နေရေးထိုင်ရေး၊ ကျန်းမာရေး၊ ဘာတွေလုပ်ဆောင်နေလဲ စသဖြင့် မေးခွန်းတွေမေးဖို့ စောင့်နေကြတဲ့ စာဖတ်ပရိသတ်က ဘဝင်မကျလှ။ သို့ပေမယ့် နောက်ကနေ အချိန်ပြည့်ပြီ၊ ထွက်ပေးဖို့ တောင်းဆိုလာတဲ့ တကဲကဲနဲ့ ကဗျာရွတ်ဖတ်မယ့်အုပ်စုကို နေရာဖယ်ပေးပြီး၊ ချက်ချင်း (ကျနော်နဲ့ မမီမီတို့က) အနားမှာရှိတဲ့ ရွက်ဖျင်တဲလွတ်တခုကိုပြောင်းရွှေ့ ၊ မုန့်တီဆိုင်က စားပွဲတလုံးငှား၊ ထိုင်ခုံတွေရှာပြီး အဘဦးတင်ဦး နဲ့ ဆရာမကြီးတို့ကို နေရာထိုင်ခင်းချ၊ နှုတ်ဆက်စကားပြောချင်သူတွေ၊ စာအုပ်ဝယ်သူတွေကို အမှတ်တရ Autograph လက်မှတ်ထိုးပေးနိုင်ဖို့ စီစဉ်လိုက်တယ်။ တရုန်းရုန်းနဲ့ ပထမနေ့မှာ အုပ်တစ်ရာကျော် ရောင်းရတယ်လို့ သိရတယ်။


မနက်အစောကြီးကတည်းက ဖွင့်ပွဲအခမ်းအနားကို ရောက်ရှိလာခဲ့တဲ့ အဘဦးတင်ဦး က စကားပြောတော့လည်း မတ်တပ်ရပ်ပြော၊ လက်မှတ်ထိုးပေးတော့လည်း မရပ်မနား တအုပ်ပြီးတအုပ် ရာနဲ့ချီစာအုပ်တွေကို ကျကျနန၊ လှလှပပ ရေးထိုးပေးတယ်။ လက်ချောင်းတွေ သိပ်မသန်တော့တယ် ဆရာမကြီးကလည်း စာအုပ်ဝယ်ယူအားပေးသူများကို နှုတ်ဆက်စကားဆို၊ အမှတ်တရ၊ မေတ္တာဖြင့်ဆိုပြီး လက်မှတ်ရေးထိုးပေးတယ်။ နေ့လယ် (၁) နာရီခွဲလောက်မှာ အလွန်ပင်ပန်း ထမင်းမစားရသေးတဲ့ အဘဦးတင်ဦး ရေဆန်လမ်းမှ အိမ်သို့ပြန်ချိန်တန်ပြီမို့ စာအုပ်ဝယ်သူများကို မေတ္တာရပ်ခံ နှုတ်ဆက်ကာ လက်မှတ်ရေးထိုးခြင်းကို ရပ်နားလိုက်တယ်။ စိတ်ဓါတ်အလွန်မာတဲ့ ဆရာမကြီးကတော့ နေပူလေပူ ရွက်ဖျင်တဲအောက်မှာ အဆာပြေ ထမင်းတလုပ်နှစ်လုပ်စားပြီး စာအုပ်ဝယ်သူ၊ နှုတ်ဆက်သူတွေကို စကားပြောဆို၊ ဓါတ်ပုံရိုက်ခံ၊ အင်တာဗျူးလုပ်နဲ့ စာပေပွဲတော် (၃) ရက်လုံး ရှိနေခဲ့တယ်။

ဆရာမကြီး အခုလက်ရှိ ဘာတွေလုပ်နေလဲလို့ သိချင်တဲ့လူတွေကို ဆရာမကြီး သိစေချင်တာကတော့ သူ့မွေးရပ်မြေ တောင်တွင်းကြီးမှာ သူချစ်ခင်လေးစားတဲ့ ဒေါ်အောင်ဆန်းစုကြည်ကို ရည်စူးဂုဏ်ပြုပြီး “ကြယ်စင်ကောင်ကင် နေ့ရင်ခွင်” မူကြိုကျောင်းကလေးတကျောင်း ဖွင့်လှစ်၊ ဦးစီးလုပ်ကိုင်နေကြောင်း ပြောတယ်။ ပြီးတော့ အခုရေးသားထုတ်ဝေလိုက်တဲ့ စာအုပ်နဲ့ပတ်သက်ပြီး စာအုပ်ထုတ်ဝေ ပုံနှိပ်ခ အကုန်အကျများနဲ့ ပထမနေ့ စာအုပ်ရောင်းရငွေများကို ဓူဝံစာအုပ်တိုက် နဲ့ ဆရာအာသာတို့က တပြားတချပ်မှ ဖြတ်တောက်မယူဘဲ၊ ဆရာမကြီးကျောင်းအတွက် လှူဒါန်းကြောင်း ပြောတယ်။ ဒီ “ကြယ်စင်ကောင်ကင်” ကျောင်းလေးကို ဆရာမကြီးက သူ့ဇာတိမြေ တောင်တွင်းကြီးမှာ လွန်ခဲ့တဲ့ တနှစ်လောက်က သမီးလတ်ထောက်ပံ့ငွေ၊ မိတ်ဆွေတချို့ ၏ အလှုဒါနနဲ့ ဘုန်းကြီးကျောင်းတကျောင်းမှာ ယာယီတည်ထောင်ခဲ့ကြောင်း။ ကိုယ်ပိုင်မြေနဲ့ ကျောင်းကလေး တည်တန့်ဖွံ့ဖြိုးတိုးတက်ရေးအတွက် များစွာသော ဘက်စုံထောက်ပံ့မှုများ လိုအပ်နေသေးကြောင်းကိုလည်း ပွင့်ပွင့်လင်းလင်း ပြောပြတယ်။ ဒီအတွက် ဆရာမကြီးကျောင်းကလေးနဲ့ ကလေးငယ်များကို ကူညီထောက်ပံ့ချင်ရင်တော့ အဘဦးတင်ဦး ဆိုခဲ့သလို လက်ကမချနိုင်အောင် အလွန်ဖတ်ကောင်းတဲ့၊ မြန်မာ့ဒီမိုကရေစီ တော်လှန်ရေးခရီးကြမ်းထဲက အညတရသူရဲကောင်းတဦးအကြောင်း “ရေဆန်လမ်းက အိမ်အပြန်” စာအုပ်ကို ဝယ်ယူဖတ်ခြင်းဖြင့် ကူညီနိုင်သလို၊ ဆရာမကြီးကို ဖုန်း (၀၉၇၈၉၈၂၄၆၉၀) တိုက်ရိုက်ဆက်သွယ်ပြီး လှုဒါန်းနိုင်ပါကြောင်း အသိပေးလိုပါတယ်။

အချုပ်ပြောရရင် ရေစုန်ရေဆန် ကူးခတ်နေခဲ့သော ကျနော့်အဖို့လည်း ဒီတကြိမ် အိမ်အပြန်လမ်းက တန်းဖိုးမဖြတ်နိုင်လောက်အောင် ကုသိုလ်ထူးခဲ့သည် – ဘဝတကွေ့မှာ တွေ့ချင်ဆုံချင်သူများနဲ့ ဆုံတွေ့ခွင့်ရသောကြောင့် ဖြစ်သည်။

ဖြည့်စွက် – ဒီဆောင်းပါးနဲ့အတူ တင်ပြချင်တာက … တတိယအကြိမ်မြောက် အောင်အောင်မြင်မြင် ကျင်းပခဲ့တဲ့ စာပေပွဲတော်ကို အစစအရာရာ ကောင်းပါတယ်ခင်များလို့ ပြောချင်ပေမယ့် ဘဝင်မကျတဲ့ အကြောင်းအရာတချို့ ကို နောက်နှစ်တွေမှာ ကျင်းပပြုလုပ်မယ့် စာပေပွဲတော်တွေမှာ ဒီထက်ပိုမိုကောင်းမွန်စေဖို့ အပြုသဘောနဲ့ အကြံပြုတင်ပြလိုက်ပါတယ်။

ဦးစွာပြောလိုသည်မှာ ဆရာ့ဆရာကြီးများ စဉ်းစားပြီးပေးထားတဲ့ ပွဲတော်ခေါင်းစဉ် နိုဘယ်လ် (Nobel) ဆိုတဲ့ အင်္ဂလိပ်စကားလုံး ရောနှောနေခြင်းပါ။ ဘယ်လို ရည်ရွယ်ချက်နဲ့ ပေးထားသည်ကို စဉ်းစားမရပါ။ တွေးမိနားလည်တာကတော့ … ကျနော်တို့ (မြန်မာ) တွေ အဲဒီလို ဘာသာစကား (အင်္ဂလိပ်) ရောနှောမှုကို အဆန်းထွင် ရေးကြပြုကြခြင်းကို မကြာခဏ တွေ့ရခြင်း (သို့မဟုတ်) ဘာသာပြန် အခက်အခဲကြောင့်လား (ဥပမာ – ပညာရေးဝန်ကြီးဌာနရဲ့  အမျိုးသားအတိအကျ တိုင်းတာရေး …။ Alternative Education Department ဆို မြန်မာလိုတောင် တိတိကျကျ၊ မှန်မှန်ကန်ကန် မပြန်နိုင်သေး) စကားလုံးရှာမရလို့လား။ မြန်မာ့စာပေ ဖွံ့ဖြိုးတိုးတက်ရေးကို ကြိုးပမ်းနေတယ်ဆိုရင် အဲဒီလို အသုံးအနှုန်း၊ အရေးအသားမျိုးကို ရှောင်နိုင်လျှင်ကောင်းမည်ဟု တွေးမြင်မိလို့ အကြံပြုခြင်းဖြစ်သည်။

နောက်တချက်က ဒီလို စာပေပွဲတော်မျိုးကို အခန်းခွဲများမရှိတဲ့ ကဇာတ်ရုံထက် နေရာကျယ်ဝန်းတဲ့ အထက်တန်းကျောင်း၊ တက္ကသိုလ်ကျောင်းတွေမှာ ခင်းကျင်းပြုလုပ်ပြီး၊ သက်ဆိုင်ရာ စာတမ်းဖတ်ပွဲ၊ စာရေးဆရာများ ဟောပြောချက်များ၊ စာအုပ်မိတ်ဆက်ပွဲများကို အခန်းများခွဲပြီး လုပ်ပေးသင့်သည်။ ယခုနှစ်မှာ အတွင်းကဇာတ်ရုံထဲမှာ စာတမ်းဖတ်ပွဲကို နာမည်ကြီးစာရေးဆရာကြီးများ ဟောပြောနေပေမယ့် တက်ရောက်နားထောင်သူများက ကြီးမားတဲ့ခန်းမထဲမှာ ကျိုးတိုးကျဲတဲ တကွဲတပြား၊ စာရေးဆရာကြီးများကလည်း စင်မြင့်ကျယ်ကြီးထက်မှာ ပရိသတ်နဲ့ဝေး တသီးတသန့်ဖြစ်နေသည်။ အပြင်ဘက် ကွင်းထဲမှာရှိတဲ့ ကဗျာဖတ်ပွဲနေရာ နဲ့ ရသစာပေဖတ်ပွဲတို့က အလွန်နီးကပ်ပြီး ပြောဟောသံတွေက နေပူအောက်မှာ နားပူဆူညံ့ ပွက်လော်ရိုက်နေကာ၊ ဖျော်ဖြေရေး တီးမှုတ်သံတွေကြောင့် နှလုံးသားနဲ့ နားထောင်ရမယ့် ရသစာပေကို ဘယ်လိုမှ ခံစားနားထောင်လို့မရ။ ဒါကြောင့် နေရာရွေးချယ်မှု၊ အခမ်းအနား အစီအစဉ်၊ အသံပိုင်ဆိုင်ရာတွေကို စနစ်တကျ ကြီးကြပ်စီမံလုပ်ဆောင်ဖို့ အကြံပြုလိုသည်။

စာအုပ်ဆိုင်ပေါင်း (၁၅၀) ခန့်နဲ့ ပတ်သက်လို့ ဆိုင်များကိုလည်း အက္ခရာအစဉ်လိုက်ထားရှိခြင်း (ဝါ) ဘယ်အတန်းဘယ်နေရာမှာ ဘယ်စာအုပ်ဆိုင်ရှိတယ် စသဖြင့် လမ်းပြမြေပုံ (Directory Map) နဲ့ ညွှန်းပြနိုင်ပါက ရောင်းသူ-ဝယ်သူ ပိုအကျိုးရှိမည်။ ပုံနှိပ်တိုက် စာအုပ်တိုက်များကလည်း စာရေးဆရာများကို ဖိတ်ကြားပြီး စာအုပ်မိတ်ဆက်၊ လက်မှတ်ရေးထိုး၊ စာဖတ်ပရိသတ်နဲ့ တွေ့ဆုံစကားပြောနိုင်သည့် နေရာ (အခန်း) စီစဉ်နိုင်ရင် ကောင်းမည်။ စာအုပ်ဆိုင်များကလည်း စာပေပွဲတော်တွင် စာအုပ်များကို အထူးလျှော့ဈေးနှုန်းနဲ့ အပြိုင်အဆိုင်ရောင်းခြင်းဖြင့် ရောင်းအားတိုးမြှင့်နိုင်သည် (တချို့ ဆိုင်များက ဈေးနှုန်းကပ်ပြီး၊ ဆယ်ရာခိုင်နှုန်း၊ နှစ်ဆယ်ရာခိုင်နှုန်း ရောင်းချတာကို တွေ့ရသည်)။

နောက်ဆုံးအကြံပြုလိုသည်မှာ စာပေပွဲတော်လာ စာချစ်သူများ တဆိုင်ဝင်တဆိုင်ထွက် စာအုပ်များကို ရှာဖွေဝယ်ပြီးနောက် ခေတ္တနားခို၊ ဝယ်ယူခဲ့တဲ့ စာအုပ်များကို ထိုင်ဖတ်ဖို့ အရိပ်အအေးရှိတဲ့ တိတ်ဆိတ်နားနေခန်း (နေရာထိုင်ခင်း) များ ထားရှိသင့်သည်။ အမှိုက်ပုံးများကို လုံလုံလောက်လောက် ထားရှိသင့်သည် (ပွဲလာသူ စာကြီးပေကြီး ဖတ်နေသူများကလည်း အမှိုက်ပုံး ရှာမရလို့လား။ မြန်မာပီသလို့လားမသိ အမှိုက်များကို ပစ်ချင်သလို ပစ်နေသည်ကို ရှက်ဖွယ်တွေ့ရသည်)။

ဘယ်လိုပဲဖြစ်ဖြစ် တတိယအကြိမ် စာပေပွဲတော်ကြီး အောင်အောင်မြင်မြင် ပြီးဆုံးသွားလို့၊ မြန်မာစာပေ ဖွံ့ဖြိုးတိုးတက်ရေးကို အလေးထားဆောင်ရွက်လာတဲ့ ပြည်သူ့အစိုးရလက်အောက်မှာ စာပေလွတ်လပ်ခွင့် ပိုရရှိလာတာကို တွေ့ရလို့ ဝမ်းမြောက်မိသည်။ နောင်လာမယ့် စာပေပွဲတော်တွေမှာ ကျောင်းသူလူငယ်လူရွယ် ကလေးငယ်များကို ပိုတွေ့ဖို့ မျှော်လင့်ရင်း၊ မြန်မာစာပေပွဲတော် ဒီထက်မက အောင်မြင်ပါစေလို့ ဆုတောင်းလိုက်ပါသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်