မင်းဇင် – ဆရာနဲ့ နောက်ဆုံးညစာ

February 2, 2017

မင်းဇင် – ဆရာနဲ့ နောက်ဆုံးညစာ
(မိုးမခ) ဖေဖော်ဝါရီ ၂၊ ၂၀၁၇

ဆရာဦးကိုနီ အလုပ်ကြံခံရတယ်ကြားတော့ စိတ်ထိခုိုက် တုန်လှုပ်မိပါတယ်။ ဒီလ ၁၁ ရက်နေ့ ကပဲ ဆရာဦးတင်အေး စီစဉ်ပေးလို့ ဆရာဦးကိုနီ အပါအ၀င် ပါမောက္ခဆရာကြီးတွေ၊ ပညာရှင်ကြီးတွေနဲ့ ညစာ စားရင်း နာရီပေါင်းများစွာ စကားတွေ တ၀ ပြောဖြစ်ခဲ့ပါသေးတယ်။ ကျနော်တို့ လူ့ အဖွဲ့ စည်းမှာ မလုံခြုံမှုတွေ ဒင်းကြမ်းပြည့်နေတဲ့ အကြောင်း စကားစပ်မိကြတော့ ဆရာဦးကိုနီက တရားဥပဒေ စိုးမိုးရေးကို (သီအိုရီ သဘောတရား ကိန်းကြီးခန်းကြီး တွေ မပါဘဲ) ရှေ့ နေချုပ်၊ ပြည်ထဲရေးနဲ့ တရားရေး အဆက်အစပ်တွေကို လက်ရှိ မြန်မာ့နိုင်ငံရေး အခင်းအကျင်းထဲကနေ ရုိုးရှင်း အားပါစွာနဲ့  ရှင်းပြခဲ့တာ ခုထိ နားစွဲနေဆဲပါ။

ကျနော်ကတော့ ”ဆရာရယ် freedom from fear လို့  ရင်ကော့ရမယ့်အစား fear of freedom အခြေဆိုက်နေပြီ ထင်ပါတယ်” လုို့ ပြောတော့ သူက ရယ်ပါတယ်။

ခုနောက်ပိုင်း မြန်မာနိုင်ငံမှာ လူရင်း အချင်းချင်း စကားပြောဖြစ်ရင် အပြောအဆို ဆင်ခြင်ပါ၊ လူမှုကွန်ယက်မှာ ဟိုရေး ဒီရေး မရေးပါနဲ့ ။ အနေအထိုင် အသွားအလာ ဆင်ခြင်ပါ။ ပုံမှန် ရှိအပ်တဲ့ သတိအဆင်အခြင်ထက် ကျော်ပြီး ဂရုဓမ္မထားပါ၊ ကြောက်စရာ ကောင်းတယ်။ ထောင်တန်းက စလို့  အသက်အထိ အန္တရာယ်ရှိတယ် လို့  သတိပေးနေကြတာပါ။ တကယ်တော့ တဦးချင်းရဲ့  လွတ်လပ်ခွင့်တွေကို ကိုယ်သတိနဲ့ ကိုယ် ကန့် သတ်ဖို့ နှိုးဆော်နေ ကြတာပါပဲ။

လွတ်လပ်ခွင့်ဆိုတာ တာဝန်ယူမှု နဲ့ တွဲနေတာပါ။ နိုင်ငံရေး စနစ်တွေ မှာတော့ အပြန်အလှန် တာဝန်ယူမှု ကို တရားဥပဒေစိုးမိုးမှုနဲ့  အာမခံချက်ပြုရတာပါ။ လွတ်လပ်ခွင့်ကို လိုင်စင်လို ယူပြီး တာဝန်မဲ့ ကျင့်ကြံသူတွေကြောင့် တဖက်သား နဲ့  လူအများ မထိခုိုက်ရအောင် တရားဥပဒေစိုးမိုးမှု နဲ့  ထိန်းကျောင်းရတာပါ။ ဒါပေမယ့် တရားဥပဒေ စိုးမိုးမှု အလွန်အမင်း အားနည်းနေရင်ပဲ ဖြစ်ဖြစ်၊ ကင်းမဲ့တဲ့အခြေဆိုက် နေရင်ပဲ ဖြစ်ဖြစ် ကိုယ်ပိုင် ကိုယ့် လွတ်လပ်ခွင့်ကို ကျင့်သုံး ပြောဆို နေထိုင်ရတာဟာ အန္တရာယ်ကို ဖိတ်ခေါ်သလို ဖြစ်လာပါတယ်။

တောရုိုင်းဥပဒေ စိုးမိုးပြီး လေးခေတ် မြားခေတ်မှာတော့ အားကြီးသူသာ အသက်ရှင်တဲ့အခြေအနေ ဖြစ်သွားတတ်တာကိုး။ ဒီလို အခြေအနေမှာ လွတ်လပ်စွာ ဖော်ထုတ်တာတို့ ၊ နေထိုင် သွားလာတာတို့ ဟာ အန္တရာယ် ဖြစ်လာတတ်ပါတယ်။ လူ့ အဖွဲ့ အစည်းနဲ့ တရားဥပဒေရဲ့  အကာအကွယ် မရတော့ရင် လွတ်လွတ်လပ်လပ် (ယုံကြည်သလို) ပြောဆို သွားလာ နေထိုင်မိတဲ့ အတွက် ကိုယ့်တာဝန်ကိုယ်ပဲ ယူရတော့မယ်ဆိုတာဟာ ကြီးလေးတဲ့ ၀န်ထုပ်ဝန်ပိုးပါပဲ။ စိတ်ဓာတ်အားကြီးသူတချို့ ကလွဲလို့  သူသူ ငါငါ လူတကာအတွက်ကတော့ ဒါဟာ ကြောက်စရာ ကောင်းလွန်းလှပါတယ်။

ဒါကြောင့် ကိုယ်လွတ်ရုန်းဖို့  ထွက်ပေါက်ရှာတတ်ကြပါတယ်။ ဒါပေမယ့်လည်း လူ့ အဖွဲ့ စည်းဝင်တိုင်း အောင်အောင်မြင်မြင် ကိုယ်လွတ်ရုန်းနိုင်ဖို့  ဆုိုတာကတော့ မလွယ်နိုင်ဘူးပေါ့။ ဒီတော့ ကိုယ်ပိုင် လွတ်လပ်ခွင့်ကို ကျင့်သုံးမယ့်အစား ကိုယ့်ကိုယ်စား တာဝန်ခံ စဉ်းစားပေးမယ့်သူ၊ ထုတ်ဖော်ပြောပေးမယ့်သူ၊ လုပ်ဆောင် ပေးမယ့်သူကို ရှာပြီး ပုံအပ်ချင်လာတာ၊ နိုင်ငံရေး စစ်ရေး စီးပွားရေး ဘာသာရေးစတဲ့ အာဏာပိုင်စိုးသူတွေကို မျက်စေ့မှိတ် အားကိုးလာတာဟာ (လွတ်လပ်ခွင့်ကို ကြောက်လာသူတွေမှာ) အတွေ့ ရများတဲ့ ဖြေရှင်းနည်းပါပဲ။

ငယ်ငယ်က စွဲစွဲလမ်းလမ်း နှစ်သက်ခဲ့ဖူးတဲ့ လူမှုစိတ်ပညာရှင် Erich Fromm က လွတ်လပ်ခွင့်ကို ကြောက်လာတဲ့ fear of freedom အခါမှာ လူဟာ အားကိုးရှာတယ်။ ပုံအပ်ကျိုးနွံ ခွေယိုင်ကျလာတယ်၊ ဒါဟာ အာဏာရှင်ဝါဒ ထွန်းကားဖို့ အတွက် တွန်းအားပါပဲလို့  ဆိုဖူးပါတယ်။

၆၆ ဃ ကနေစလို့  ဆရာဦးကိုနီ လုပ်ကြံခံရတဲ့အထိ တရားဥပဒေစိုးမိုးမှု မေးခွန်းထုတ်စရာ ဖြစ်နေတာဟာ လူ့ အဖွဲ့  အစည်းမှာ အကြောက်တရားနဲ့  ခြောက်ခြားနေအောင် တမင်ကြံရွယ် ရော့သလားလို့ တွေးစရာ ဖြစ်လာပါတယ်။

ဆရာဦးကိုနီရဲ့  နာရေးကို ထောင်နဲ့ ချီ တက်ကြတဲ့ လူများစုကိုတွေ့ တော့ သွေးစည်းညီညွတ်တဲ့ သတ္တိကို အားရမိပါတယ်။ တချိန်ထဲမှာ ဒီအင်အားကို အရှည်သဖြင့် ဆက်ထိန်း တည်တံအောင် ဘယ်လိုလုပ်ကြမလဲ၊ လှုပ်ရှားမှုလား၊ အသင်းအပင်းလား၊ ဥပဒေစတဲ့ အင်စတီကျူးရှင်းလား၊ အားလုံး ဆက်စပ်ပြီးတော့လား၊ လားပေါင်းများစွာ စဉ်းစားစရာဖြစ်ရပါတယ်။ ဘယ်လိုပဲဖြစ်ဖြစ် ——

ဆရာရေ – သွားနှင့်ပါ။ ကိုယ့်လွတ်လပ်ခွင့်ကို ကိုယ်ကျင့်သုံး ပြောဆို နေထိုင်ရတာဟာ ကြောက်စရာမဟုတ်ဘူး။ တရားဥပဒေစိုးမိုးရေးက ပြည်သူ့  ဘ၀ လုံခြုံရေးကို တာဝန်မယူတော့တဲ့အခါ လူတွေရဲ့  ကိုယ့်တာဝန် ကိုယ်ယူရဲတဲ့စိတ်၊ အချင်းချင်း ရုိုင်းပင်းသွေးစည်းတဲ့ သတ္တိနဲ့ ပဲ လူ့ အဖွဲ့ အစည်း ရှေ့ ဆက်လျှောက်ရမယ်ဆိုတာ ဆရာ့နေခြင်း နဲ့ သေခြင်းက ဆရာသက်သေပြခဲ့ပြီးပါပြီ။

သွားနှင့်ပါ ဆရာ။ ကောင်းရာသုဂတိလားပါစေ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:လူများ၊ ရုပ်ပုံလွှာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

မိုးမခ မတ်၊ ၂၀၁၇ ထွက်ပါပြီ

By

  မိုးမခ မတ်၊ ၂၀၁၇ ထွက်ပါပြီ (မတ် ၉ ၊ ၂၀၁၇)...

Read more »

မိုးမခ ဖေဖော်ဝါရီကို အိမ်အရောက် မှာယူနိုင်ပါပြီ

By

မိုးမခ ဖေဖော်ဝါရီကို အိမ်အရောက် မှာယူနိုင်ပါပြီ (မိုးမခ) ဇန်နဝါရီ ၄၊ ၂၀၁၇ တရားမျှတဖို့ အတွက်...

Read more »

မိုးမခမဂ္ဂဇင်းကို မြန်မာပြည်အနှံ့ အိမ်အရောက် ပို့ဆောင်ပေးနေပါတယ်

By

မိုးမခမဂ္ဂဇင်းကို မြန်မာပြည်အနှံ့  အိမ်အရောက် ပို့ဆောင်ပေးနေပါတယ် (မိုးမခ) ဇန်နဝါရီ ၆၊ ၂၀၁၇ ၂၀၁၆...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်